ديوان الشاعر حمود العتيبي

لبـارح النـوم جـره مـن عيـونـي واحــد قــالتـدري عـن السالفـة والا السفـر عنـهـا ملهـيـك
قلت اذكر الله ثقتنـا فـي المشائـخ عـال للعـالياأخـيً مـن دفًـك تنـغًـص عـلـيً الله يخلـيـك
قال اسمع العلم وقت العند والله يرخص المالبكـره تسمًـع لصاحبـك الــردي بـكـره ينـاديـك
والليـل عـوًد نهـار وخفـت ظـل الملعـنـه مــالطبعا يدين الرجـال طـوال عـن حقـك تعديـك
ياريًف الحال هبًت بـي هبـوب ورجًـت الحـالمـا نـي مصـدق كلامـك ياسمـي الله يعافـيـك
نبا نجسً الخبر ونحـثً فـي مخـرج ومدخـالوطعون الايـام وهمـوم الليـال تـروح وتجيـك
وان كان نشبت وشفنا الدلو من جال ليـا جـالنرسـي لهـا مـا نحسـب وقتهـا هـاذي وهاذيـك
لا صار جنبـك متيـن ومخلبـك يرهيـك لاطـالماهتـز قلبـك مـن عيـون القـروم الـي تناديـك
نـبـا نغًـيـر مـسـار القـافـلـه ليـمـيـن وشـمــالياصاحبي ياشريكي في السهر مانـي موصيـك
ماتنتحسًب شهـور العـام حتـى الحـول لاحـالماتنتهـي غيـر تـبـدأ لا تـنـوش الـنـار تشـويـك
الوقـت ميـدان للـي يقـرنـون الـقـول بافـعـالوالوقت قبر الضًعيف يحرقه ياصاح ما أخفيك
والًـي رضـي بالمهونـه لـو تخفًـى غترتـه شـالعلـى خـدوده يمسًـون المخاميـس الصعالـيـك
وحنًـا كسرنـا مفاتيـح الخطـأ والقيـل والـقـاليـلًـي تبـانـا تبـيًـن شفًـنـا شـوفـك ونـوحـيـك

ميلونـي وأنـا مانـي بطبعـي مـيـولغير كيد الرجال يهد صلـب الصخـر
كـل ذيـب لذيبـه بالنـواظـر خـتـولوالفرص لسنحتْ له صاادها وافتخر
قلت ماهو كذا قالوا كذا وش تقـولامش حسب امرنا والا ذبحك القهـر
قلـت والله ماعـن مانويـتـه عــدولكلمـة مـا تبـور تشـق اذانــي البـقـر
مابصـدري وراسـي مقفلـه بالقفـولتنتـهـي خـيـر والا تنتـهـي بالـقـشـر
منظر الوضع كله منتهـي فـي دبـولدبـرة الله ونؤمـن بالقضـاء والـقـدر
يا قريب المدى بيًن نشوفك عجـولتخدم البوم ما تخـدم فقدتـك صقـر
لو حبايبك قدروا يرفعـون الحمـولمـا انتشـر مثـل ماتخبـر ردي الخبـر
لو يزيًن بعضهم معصمـه بالحجـوللائقه وان ضمي ينحرشوطئ البحـر
دائم الهرج هيًـن والصعـاب الفعـولمابنى الحكي مجد ولا بني به قصر

ما اعرفه ماعرفني واعرفه ويعرفنـيجيتلـي بـه لـزوم وهـو يبانـي لــزوم
قلت في نفسي الرجال جيت ولزمنيخابـر لــي محـابـل شبًكـوهـا رخــوم
يـوم دار التفاهـم و أعذلـه ويعذلـنـيبا نت أشياء مهمـه مـن شـوارد علـوم
أكمل الواجب بحسب النظام وفهمنيشافني رقم ما يهمـل بوسـط الرقـوم
كان جامل لاسم جدي وكيد احترمنيوان بغا له رسن قضب الرسن مايدوم
هو بذهنه تـدور اوهـام دارت بذهنـيمـا تلاقـت هواجسنـا بحرهـا طـمـوم
حط بين السطور نقاط تشفير ضمنـيواستعنت بعناصر في خلاف محسوم
مع مقامي نهض واقف يون وخزرنـيوده يهـدًي المشهـد و طـيـرٍه يـحـوم
ياحليل الظروف أحيان سكر وسمنـيفـي كنفهـا تيسًـر شـيء كـان معـدوم

عرضـت لـي لعانـه فـي محـيـط الـرقـه عصـيـرمـن عطرهـا المنعـش النفـاذ سـوت لــي حكـايـه
اسـرع مـن البـرق لمحتهـا وحومتهـا كمـا الطيـراذكـر كمـا الحلـم يـوم استوقفتنـي فـي البدايـه
تمكنـت مـن نظـر عينـي وشـاشـت كأنـهـا النـيـرما عاد أشوف السما والارض ضاقت عن خطايـه
تبسمـت وقربـت منـي وقالـت لـي مـسـا الخـيـرحـي الله ألـي سهـم حـبـه تمـكـن فــي حشـايـه
وأين انت يامـا علـى شوفتـك طرشـت المداويـرمن دون موعد قربت وجيت في حذفت عصايه!
لاتحسبـن الامــور سـهـود نـاحـر لــك مخاطـيـران كـان مـا أنتـه قـوي عــزوم لا تتـعـب ورايــه
الزيـن مطلـوب والسـوق كـثـروا فـيـه الهوامـيـرباموالـهـم جعلـهـا فــي الـنــار بـذولــي خـفـايـه
قلـت اعذرينـي مـن التقصـيـر يابـنـت المناعـيـرضميـان والهـرج دون فعـول مـا يقـطـع ظمـايـه
هـذي عيـون البـشـر ماتنحـجـب فيـنـا مناظـيـروالـي مـضـى عـمًـق جــروح العـنـا يالله كفـايـه
سـاقـت علـيـه رمــوش العـيـن سيفـيـن ٍبواتـيـروأغمـي عليـه بقيـت اسبـوع فـي قسـم العنـايـه
لـو كنـت اهقـوي بمـا جانـي حـرام صـرم لانـيـرابـن آدم ان شـاف حـد السـيـف ييـقـن بالنهـايـه
هـذي سنـه يـوم وجعـانٍ ويـوم أقـول أنـا بخيـروالله عـلـيـم بـتـالـي البـهـذلـه وآخـــر عـنـايــه

عقْصيً وأنا ولد أبويً الله يسوقـك علـيًسـوق الهـوا للمـزون الغـرً سـوقٍٍ حـسـن
يـاويً مـن نقلـت خطـاهـا تــوالا يــاويًما أخطا صدى وقعها ذهني وحلً وسكن
تجْلـد بدعْـجٍ وسـاع سـود جلْـد العصـيًمن ناظـرت فيـه موتـه مـن سببهـا غبـن
مـرًت مـرور الكـرام أحسبْتهـا فـي يـديًوهي عليً أبعـد مـن الشًمـس يابـو زبـن
إستأثمت فـيً وأنهتنـي بعـد كنـت حـيًرأسي على جنب وأعضايـه بثـوبٍ كفـن
ناديـت ناديـت يلـي مــا لخلـقـك حـلـيًيـادرة الكـون يـا احـلا خلْـق ربًـي بــدن
من وأين يا أخي جيئتينا من أي النحـيًقالـت أنـا مـن قريًـب مـن بنـات الوطـن
أقيـم فـي العاصـمـه وديـارنـا دار طــيًمعطًريـن الـرًمـاح أيًــام ســوق الظًـعـن
أنــا عــذاب الـعــذارى لا رمـــنً الـعـبـيًلا ناظرنًـي دخلـت اللًـعـب أدب صفًـقـن
أنــا ملـكـت الجـمـال ويشـهـدنً الـبـنـيًمن حدً حمص وحماه وسوق حتى عدن
وأنــت بوصًـيـك تصبـروأمـرك يهـمًـنـيًصـلً الفريضـه وكثًرمـن صــلاة السًـنـن
والله هــو الخـالـق الــرًزًاق و المعـتـنـيًبالخلـق مـن يطلبـه يعطيـه ســرً وعـلـن
قلت الله الله على المنطـوق فـاول بـديًكـرٍ وفًــر ومـعـه تمـويـه أثــار الشًـجـن
مكـر حضريًـه يبـا يثنـيـه بــأس بــدويًإمًــا نجيـنـا ســوا والاً دخلـنـا الـسًـجـن

يالايمـي مـا شفـت بالعيـن ماشفـتماشـفـت ماشفـتـه بـداخـل هـديًــه
أهرج وعن هرجي سهيـت وتوقفـتوأبحـرت فـي بحـر العيـون الذكـيـه
من وأين ما أسوق النظر قال شرفتدره كـويـتـيـه بــاصــول إبــدويــه
تحركـت عــادي وأنــا مــا تصـرفـتمانـي عـلـى كيـفـي مضًـيـق علـيـه
بحـبـال صورتـهـا نشـبـت وتكتـفـتوأكيـد هـي فـي بلشـه أكثـر شـويـه
مانـي موصًفهـا غبـي كـان وصًـفـتما أعرف من أين أبـدأ ملامـح بهيـه
بعد اللقاء العابر حصل خير وانكفتولـبـاقـي الـقـصـه مـقـاطـع خـفـيـه
إما حبكت فصولهـا حيـل وأنصفـتوالا خلـقـت مــن القضـيـه قـضـيـه
ما جاء كذا المشهد وأنا ماتحسفـتأكـيـد مــن خـلـف الكوالـيـس نـيـه
أبـا أنتظـر يمكـن يبيًـن مـا هـدًفـتوالـوقـت كـشًـاف الـنـوايـا الغـبًـيـه

ورًدني الشـوق حـوضٍٍ طعـم نبعـه همـاجمن جئت أبشرب هماج الماء نشب بنحري
هـاذي مقاديـر مـافـي شربكتـهـا انـفـراجوأنـا بطوعـي مشيـت لهـا نشيـط وجـري
ربًقنـي صويحـبٍ لـي وسـط غبًـه ومــاجوأنـا أحسبـنًـه لـيـا طبـيـت لــزم ظـهـري
يوم إصطفق جـوًي الهائـج وثـار العجـاجوإنسـدت النفـس قلتلـهـا شــوي اصـبـري
لا بـد أعـدل مسـاري بعـد بــان اعـوجـاجكونـي عليًـه صبـوره مـا انحنيـت ابشـري
ما بين قبضت يمين وبين رفعـت حجـاجيـحـق للسـانـي إيسلـطـن عـلـى مـنـبـري
ماكل ضاحك صديق يعـدً حصـن وسيـاجولا كــلً خـــطٍ مـعـلًـق لـلـعـرب يـنـقـري
كيـد الرياجيـل مـا يمهـل مــزاد وحــراجوان قاربت قيمـة المعـروض مـن يشتـري
والكيًـه الـي علـى العلبـا نجيـضـه عــلاجاليا احتمى الميسم من النـار وش نحتـري
لـكـن يالـعـزم رفـقـا بالنـفـوس الـزجــاجالــزود مــا أحـبـه يقـولـون يــا عنـصـري

ياخاطري مابـه غرابـه فـي الطبيعـه والحيـاهتـبـدي عــلاك مــن الامــور امــور ماظنيتـهـا
من شل دلوه مـع رشـاه الرمـث لايامـن رشـاهما هو بشـارب مـن حـلا الجمـة ومنبـع هيتهـا
الوقت من كثر التجـارب بـان مـره مـن حـلاهلــو انــي ابــا اعــد الـحـلا والـمـر ماعديتـهـا
خلاص لاهتـزت ثقتنـا فـي الرفيـق الـي نبـاهمـاعـاد تخـطـو يـمـه الاقـــدام لـــو دفيـتـهـا
النفس لا عاشت على عز وشـرف ماتـت عـلاهمـا تحتـدي عـن نهجهـا دايــم بـعـد ضريتـهـا
بعض العرب يزعل ويرضى من خلاه ليا خلاهولحاجتـه يلفيـك وسـمـان العـلـوم اوحيتـهـا
واليا انتهى منك إنتبه موٌج براسك عن حصاهوانـــس الجـمـايـل كـلـهـا تـــراك ماسويـتـهـا
وبعض البشر أزريت أميز لون وجهه من قفـاهيــوم مـعـك وايــام ضــدك سيـرتـه مليـتـهـا
متى نعرف ان القريب الحق نمشي في رضـاهومتـى نعـرف ان الحميـه مــا يـخـرب بيتـهـا
القرم يعجبنـي تـذرا بعـض الانفـس فـي ذراهوالا الشرود يحوص لاجات الصعـاب وجيتهـا
يادبل كبدي من نصـاف رجـال مافيهـم شـلاهحــرام لــو تمـشـي بــدون ثـيـاب ماسبيتـهـا
يا للعجب رجَـال مـن زولـه يسـرك مـن حـلاهينشـب بحلقـك لا سدحـت النعجـه وذكيتـهـا
هـالاه يخلـف هقوتـي والله مــا أ دري لاه لاهالغايـه اوحيـت العواجـه مـن شفـاه أوحيتهـا

طقـيـت لــي بــاب والبيـبـان بابـيـنوانـا احسـب البـاب بـاب الـي يبانـي
فتـح لـي الـبـاب مفـتـول الذراعـيـنلمسـت ذراعــه عــن لسـانـه كفـانـي
قلـت العفـو والطريـق العـام سيديـنوأنــا دخـولــي غـلــط يامـودمـانـي
قـال آه والله لجيـب العـيـد عيـديـنتضـحـك علـيـه وأنــا ولــد الفـلانـي
أنا أعرف السر وأذكى منـك طوفيـنكـب التغيشـم مـرامـك مــا خفـانـي
قلت ابـك لا ياسمـي وأقنعـك بيميـنقصدك لحاجـه وانـا لـي قصـد ثانـي
غلطت ابا بـون واثـري رحـت برليـنمـا وضًــح الـوصـف مبلـيـن بـلانـي
بـدال ماتقـول عــدً أهــلا و سهلـيـنلـو انـهـا كــذب مــن راس اللسـانـي
رفعـت ضغطـي وحرًكـت الشياطيـنألـي مـربـط قـريًـب فــي رمضـانـي
ملعـون ماأعـذر يبيهـا مــدت يـديـنوأنــا بكـفـي حـفـاه أصـبـر وأعـانـي
يوم إستشاط الغضب مافيـه بعديـنقـربـت لــه منـخـر الـقـرم السبـانـي
قلت أنت طيب علومك ياأحمر العينمــارد لــي وإنتـفـخ راس الجـبـانـي
وأقفيبت والعهد به مـن قبـل عاميـنهـو مــا لقيـتـه وانــا هــو مالقـانـي

الا يــا وطـنــا كـــل يـــومٍ نـعًــده عـيــديــوارى الـثـرا مـيًـت ويعـلـن نـبـا مـيـلاد
توالـى بـك الاجيـال والخيـر فـيـك يـزيـدلــك ارواحـنـا نفـديـك بـالـدم والاجـسـاد
علـيـنـا عـهــودٍ واجـبــه مـكًــده تـوكـيـدعهـود الـولاء والحـب لاجلـك ياعـز بــلاد
سـمـاك نتلحفـهـا ونـفـرش رمــال الـبـيـدوتغني عن اغلى الصوف والقطن والسجاد
بــلادٍ عـلـت باعـلامـهـا كـلـمـة التـوحـيـدو مـن تحتهـا سيـف المهـمـات بالمـرصـاد
جمـع شملهـا وشتاتـهـا الملـهـم الصنـديـدوطاعت لا بو تركي وشامـت عـن الاسيـاد
حفظها بعد حفـظ الله مـن العبـث والكيـدوثـبًـت دعـائـم دولـــة الـعــز والامـجــاد
نعـدًد نعـدًد وأيـن؟ نتـعـب مــن التعـديـدوعبـد العزيـز أعمالـه اكـبـر مــن التـعـداد
وحـقـه عليـنـا دعــوة طيـبـه مـــا أزيـــدعسى بجنة الفـردوس لـه مسكـن وميعـاد
ولمـلـوك دولتـنـا نـسـوق الـثـنـا ونـشـيـدزحول الرجًال أهـل الرئاسـه مـن الاجـداد
بـقــوة قيـادتـنـا الـعــدا قـيًــدت تقـيًـيـدياكـم طامـعٍ شلـوا ذراعــه وهــو مـاصـاد