08-29-2016
|
#2
|
قصيدة قصة الحب - السامر
يا هاجسي مع طيفها لا تغامر
البعد همه جور والشوق فتاك
ما شفتني مع قصة الحب سامر
في دفتر احلامي على كيفي أقراك
يا بهجة ايامي على عمري امر
عسى الاوامر كلها من فداياك
يم الوصل في تالي الوقت ضامر
اسباب والاسباب ما ظن تخفاك
قصر الغلا لك في خفا الروح عامر
حدايقه تزهر بها احلام دنياك
زينك لزين اللي بهالكون قامر
كن القمر في حضرتك من رعاياك
اضف الرموش السود فوق المجامر
والورده اللي حدرهن في طرف فاك
في رمشك الساهي نواهي وامر
تغري اللي نور دنياه روياك
|
|
التعديل الأخير تم بواسطة إرتواء نبض ; 08-29-2016 الساعة 02:57 AM
|
08-29-2016
|
#3
|
قصيدة النوافل - السامر
مجد الحساني في وجوه الرجاجيل
أبلغ معان النفس واعلا رتبها
إلى بذلت الجاه ما قالوا ابخيل
والمال بذله من مقادم وجبها
علق رجاك بكايدات المناويل
واحسب حساب المقبلات بعطبها
باكر على وضح النقا يطلع سهيل
ويكذب الحساب والخلق نبها
العجل ما يصبر على الحط والشيل
تقلبه الايام وإلا قلبها
لادم سيل النو لا تنطح السيل
والمقفيه لا تعترض في سببها
المترفات الضارية بالمواصيل
أحذرك لا تنجرف مع عجبها
يمكن يجيك العز هيل بلا كيل
غصب على ناس كثير غضبها
قوم ابرهه ما فادهم قوة الفيل
شبولهم نار وصاروا حطبها
أرسل عليهم ربنا طير أبابيل
أفنى جنود تغدى اللي حسبها
ابعد عن اللي يزرعون العراقيل
ويوشحون المغديات بذهبها
تبي نخل بغداد يشرب من النيل
منابعه من روس منداه جبها
ولا تقول الهرج من غير تدليل
أضغان خلق الله سريع ندبها
كم واحد يقع بفح المحابيل
يبي الطماعة والمخاطر جنبها
مخاطر تولد كبار وهي حيل
خلك حذر لا تعترض في نشبها
و لا تحلل ضايع الهرج تحليل
تبلش بكذبة كاذب ما كذبها
وصبرك على الاحداث لو يطول الطيل
ادراك غاية مفخت ما قضبها
الفايت اللي فات ما يدركه ويل
والحاضر امجاده لحي خطبها
كبل شفوف النفس بالصبر تكبيل
الشمس ما حي بكفه حجبها
تركيبة ايامك على العدل والميل
سنة حياة كلنا في طلبها
أحد قناده راهي البن والهيل
وأحد قناده شربة ما شربها
من دونها يوم تطارد به الخيل
في ساعة ياحظ منهو كسبها
وأحد يدور زود مال ومحاصيل
ويموت وصات العمر ما كتبها
وأحد شفاته بالليالي المقابيل
يبي المراجل ما يهمه تعبها
وأحد عليه من الليالي مداخيل
يغطي مداخل لهبةس له نهبها
تلعب بنا الايام جيل بعد جيل
موارث يلحق بها من عصبها
خل الأمل بالرب منش المخاييل
وتشوف كان الولي لك وهبها
ولا تخل النافلة تالي الليل
بر النوافل دايم في رجبها
|
|
|
08-29-2016
|
#4
|
قصيدة عز الدار - السامر
ما يطيب القصيد إلا بمن طاب رأسه
مثل ما لدار يشهر صيتها طيب أهلها
يا قصيدي دعاك الفكر هيض وحماسه
سيرة العدل صافح بالمدايح بطلها
راس صعب الأمور وهو صعيب مراسه
شيخنا اللي إلى منه نوها فعلها
فايض الجود عنوان الدهاء والفراسه
قمة المجد في جزل الفعايل نزلها
منزل لاق للي طاب راسه وساسه
هو سليل الملوك الصيد وارث خصلها
الندا نبع كفه والشهامه لباسه
والشوايب عن الصافي بعدله عزلها
والتطور خذا لوله ودره وماسه
للدفاع وكساها منه ضافي حللها
شاد صرح من القوه تعاظم قياسه
لين غطا متون الفرقدين وزحلها
أبو خالد قوي بالملمات باسه
الصعايب يذللها نطح ما ختلها
عز داره وملجا من تزايد عماسه
فعل سلطان كم عوج عصيه عدلها
عم فضله على ناسه ومن غير ناسه
كم حمول عن متون شكتها حملها
جعل يسلم قوي الباس ويدوم راسه
عز دار ودوا المستعصيه من عللها
|
|
|
08-29-2016
|
#5
|
قصيدة اهات من طول العنا طاولتني - السامر
اهات من طول العنا طاولتني
ونفسي من الفرقا وحالي صخيفه
جارت على من الفراق و قصتني
غزت ولاكن ما نوت بالنتيجه
بهمومها الي شفتها منها كوتني
هذا الي خلى حياتي مخيفه
باكر يروعني وانا فيه ختني
واقول ليت الغيب يبخل بحيفه
خير السعاده بالهوى خالفتني
خالفت معها عين قلبي وريفاه
خبت هبوب بالنياح عطشتني
وكم غالي قبلي ضماء من وليفه
ليت الليالي عن غرامي نهتني
ولا بدا زرع الامل منك هيفه
ولا النها في غايتي خيرتني
واختار انا مرباع قلبي وصيفه
خل جيوشه بالمحبه غزتني
وانا اسير للعيون العفيفه
اغلى هجوس طول الايام جتني
اكل هجوس الي تجيني بطيفه
الماضيات الي بغيبها منصفتني
والمقبلات ترجي عدلها خليفه
اتبع ظنون للهوى ما شفتني
احسب حمولي بالمحبه خفيفه
واليوم ظالمك المحبه طوتني
طي الورق يوم انطوى به خريفه
واشباح يا سيد بالهموم عثرتني
وانا على اسباب صدق كليفه
اشيل حتى راضي فوق متني
واروح نفسي من حياتي معيفه
واقول الي بالجفا عذبتني
عسى الشقا من بيننا بالنصيفه
شربت من فيض الشقا واشبعتني
دنيا مع الاحزان ضد حليفه
|
|
|
08-29-2016
|
#6
|
قصيدة ياولد الشعب - عبدالعزيز بن سعود السامر
يا ولد الشعب والقاصي مع الداني
و أمة محمد هل التوحيد والراية
مكارمك للوفا والطيب عنواني
مكارم مالها في حكمك نهاية
يا حامي بالشريعة خمس الأركاني
أنت الذي للعقيدة سور وحماية
المجد دار وطيبك فيه سكاني
والشعب يقرا هدايا عدلك قراية
ياللي لدينك وشعبك والوطن باني
أوليت نهضة وطنا حفظ وعناية
مجد العدالة بحكمك للعرب باني
شافو وعاشو وصار العز والغاية
خمسة عشر ما نثمنها بالاثماني
وبشاير الرايحة تفرح بها الجاية
منك المراسيم الأول كنه الثاني
وما قال للعاشر اللي عقبه كفاية
العدل هو والرخا كفين ميزاني
ينعم بها اللي عقل وتقدي التايه
انعم بحب الوطن يالوالد الحاني
حب حقيقي ما هو ب شعار ودعاية
طاعتك من طاعة الله عالي الشاني
طاعة ولي الامر وصى بها وصاية
رب عليم ومحصي كل ما كاني
أمر علينا ولي العرش بالاية
|
|
|
08-29-2016
|
#7
|
قصيدة كل المرام - السامر
يوم سلهم وابتسم عطب السهام
شرعت بالقلب من رمش فتون
كنت أبا سلم وضيعت الكلام
وارتسم طيف المشاعر بالعيون
موقف كن الدقيقه فيه عام
عشت فيه بكون والعالم بكون
قلت من ما شفت سلم يا سلام
يا عسى العذال له ما يفطنون
يا عيونه ما على رمشك ملام
الغلا خلا لك الكايد يهون
فز لك قلب بصدق الحب هام
والحقايق ما تغيرها الظنون
ماني أول من شكا جور الغرام
ومن تفوته رغبته مات مغبون
بس أنا أول من خطب وده وشام
لين صار اللي حسبته ما يكون
يوم جيت وشفت بك كل المرام
قلت ما غيرك على قلبي يمون
|
|
|
08-29-2016
|
#8
|
قصيدة أعذب الحب أكذبه - السامر
ان ظميت أشرب من اليأس أعذبه
يا وعود مالها فرحة وعيد
اكتشفت أن أعذب الحب أكذبه
اكذب أغلى لك ترى حبك يزيد
مالحق قلبي بحبك مطلبه
أنت ناسيني وأنا راسي عنيد
تعب كفي مالقي بك مقضبه
جيت روح مالها خد وجيد
دورك اللي في عذابي تلعبه
انتهى التمثيل كله لا تعيد
رد قلبي بالهوى لا تنهبه
خل باقي الدم يدمع بالوريد
الوداد اللي بحبي تكسبه
انتهى والصبر لا يمكن يفيد
كل شعر فيك من قلب اكتبه
ما يساوي بالجفا بيت القصيد
|
|
|
08-29-2016
|
#9
|
قصيدة عبدالعزيز الله يجيرك ويرعاك - السامر
عبدالعزيز الله يجيرك ويرعاك
ويرفع بمجدك للمسلمين رايه
ويوفقك توفيق عز بمسعاك
ماهو وسيله طيبك اليوم غايه
لمصافح الأمجاد مديت يمناك
طيبك طبيعي ما نهجته وصايه
يوم انورت بك في سما الخلق دنياك
طابت بك الأيام طيب الكفايه
الشكر للي يا سما الطيب عافاك
لا شح منهو مثل شمس المرايه
والله عن احسانك بحسناه يجزاك
يا كاسب الطولات هذا منايه
وان كانها بالمجد من يلحق اقصاك
وان كانها بالطيب مالك نهايه
والله يمين حق لا ذا ولا ذاك
فرقك عليهم مثل فرق الهدايه
مكارمك جعل اكثر الناس تفداك
غريزة وأصبح فعلها هوايه
يا قل والله من يسوي سواياك
في عالم نص افتعاله دعايه
الله يرحم من وقف لك وناداك
في ماقف معصوم عن كل سايه
فهد العروبه والعرب لا عدمناك
حيا ومات لبيت ربه حمايه
|
|
|
08-29-2016
|
#10
|
قصيدة جرح الغلا - السامر
يا منتهى حبي وياسي ورجواي
قلبي عليك من الغلا شب ناره
حيره وضيقة بال وقبال وقفاي
في ليل أبطا ما تبين نهاره
أقول لنجوم سرت فيه مسراي
جرح الغلا منهو ضميني بثاره
ثار يحقق لي مرامي بدنياي
مع من كمل زين ومقام وقاره
ما بيه يجرح قلب من تعب خطاي
أبي شعور صدق حبي شعاره
مثل الشعور اللي تضمه حناياي
نور يزود إن جاد طيفه وزارة
بين الحنايا ثابت ما خلفه راي
مفتاحه الإحساس والروح داره
صدق الغلا يقصر عنه كل حكاي
يا زارعه متى بتقطف ثماره
|
|
|
الذين يشاهدون محتوى الموضوع الآن : 8 ( الأعضاء 0 والزوار 8)
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
|
| | | | | | | | |