ديوان الشاعر .. حمد السعيد ..

خلهم ينفعونك



شفت وشلون خلق الله تحـب الكـلام
قلت لك لا تصدق كلامهم ما اقتنعـت
ليش ضيقت صدري بالعتب والمـلام
وانت يا ما كلموني عنك وما سمعـت
جيتني وانـت ودك بزعـل والخطـام
باين اللي يبي السبه ولو مـا اندفعـت
غيروك العواذل طعتهـم يـا حـرام
عقب ماكنت مقبل بالمحبـة رجعـت
خلهـم ينفعونـك لا تـزيـد اتـهـام
من عرفتك مضره وانت عمرك نفعت
وين كلمة احبـك ويـن ذاك الغـرام
ليش نزلت قدرك عقب ما انت ارتفعت
اه يا قـوى قلبـك لـك عيـون تنـام
تجرح اللي يحبـك بالكـلام وقطعـت
كان لك قدر عنـدي وانتهـاء وسـلام
غلطتي جيت كلي بالمحبـه وضعـت

الهموم


يا الهموم اللي علي اثقل من همـوم الركايـب
ساعد الله قلبي الـي مرتكـي لحمـول همـي
يا الظروف الي علي وين ما وجـه صعايـب
ياكثر ما مسحت الدمـع منهـا بـراس كمـي
يا الجروح الي يجي هذا وذاك العـام طايـب
كل ما هبت ظروف الوقت شمـي وستشمـي
من عرفت العلم والضحكـات ننهبهـا نهايـب
لا تقافلنا الزمن قمنا علىت الضحكـه نسمـي
وان ضحك وجه الزمن تقلى مثل شرواي هايب
اي اهابك يا زمن وان سقت ضحكاتـك يمـي
منك وانا وان زنت بعيوني يا بو وحهين تايـب
ادري انك لا ضحكت القاك طاعن ولد عمـي
تشتكي من سطوتك وتقول من شقـر الذوايـب
وكل جرح يهون غير جروحـك مـات دمـي
بس تنزفنا همـوم ونضحـك بوجـه القرايـب
ومن نشدني مالي الا بخيـر وهمومـي بدمـي
وانت يالي منك ثلثين الخفوق اصبـح خرايـب
دام بعثرني زمـان الـذل مـا يغيـرك لمـي
لمني تكفى تـرى مـا عـاد فينـي لمصايـب
يا خلف جدي ونـاس والا يـا ريحتـه امـي
لا تخليني وانا شفنـي شبـاب بـراس شايـب
كان انت اقفيت مـع هالنـاس محـدن لديمـي
مثل مـال للهم سبـة للفـرح تبقـى سبايـب
انت يا فرحه ويا ضحكة ويا مـدري شسمـي
انت اخر ما بقى للي في الحياة مـن الحبايـب
في زمان ما نشـد والله عـن مدحـي وذمـي
الزمن كم واحـدن قبلـي موريـه العجايـب
والمصبيه كانك اللي مع زماني صرت همـي

ياللي تزعل

ياللي تزعل وانـا مانـي بغلطـان

خلك على راحتك واللي تبي سـوة



لا ترفع الخشم يوم انـك تعدانـي



والله لتبطي وانا ما قلت لـك قـوة



في غيبتك جاء مكانك واحد ثانـي



والحب ما ينوخـذ ياهيـه بالقـوة



ان كان قصدك عبث ودك تحدانـي



فابشر بقلب على الصدات يا قـوة



نسيت يومك تلذذ بتعذيبي وحرماني



وان جيت تلقا حبيبك منقلب جـوة



ان قلت وينك حياتي قلت لي كاني



يا نار هالقلب من كاني ويا ضـوة



ان كان جت زلة وحده من لسانـي



الواجب انك تطوفها مـن الخـوه



لكن على راحتك واليوم صحانـي



اسلوبك اللي يغيـر للاسـف تـوه



تكفى على هالزعل خلك على شاني



عشان تبطي وانا ما قلت لك قـوة