بلا رقيب / لعاشقه ديرتها ، كاملة

((7))

ماهي قادره تفهم اللي يصير حولها ليه كل هالظرب وش سوت مشاعل ..؟! ..ليش مالك ماهو طايقها ليه يسب بخواتها وش سالفته معهم ..؟!
مختفــي من أمس واليوم جاااي عشان يظربها ..!!!
كانوا جالسين بهدوء هي ومشاعل وامها وخوات مشاعل وتهاني وعبيــر صح حركات امها مسببه لها قلق ماتبيها تهين مشاعل وخواتها تخاف تقول كلام يجرحهم تكره هالمواقف اللي تلقى نفسها مضطره تسمع اهانات امها لناس وهي تجلس ساكته ماهي قادره تمنعها ولاقادره تخفف من وقع هالكلمات على اللي يسمعونها ..
واللي زايد خوفها انهم بنات زوجها والأكيد انها ماتحبه وتتضايق من وجــودهم لا ومتأخرين بعد كل الناس .. مستحيل تسكت لهم وصار موقف امها اللي خايفه منه ولاشــي قدام اللي صار ..
دخول مالك الثاير اللي تحول لهياج بعــد ماشاف مشـاعل ..ماأهتم ولاعبر وجود ضيوف ولا أمه وحريم اخـــوه ..
قال وهو يرتجف وكأنه مو بعقلــه :هذذذييييي وش تسوي هنااااا ..
امـه :مالك وش فيك داخل علينا كذا اطلع الله يرضى عليك عندنا ضيوف ..
مالك :ضيوف ماشوف ضيوف اشوووووف زبااااله ..هذذذي وش تسوي هنا ..
وهجم عليها وجرها مع شعرها :وش تسوين هنااا ياحقيرررره ..انتي ماتتوووبين ماكفاااك اللي جااك أمس لازم اذبحك عشااان تفهمـــــين .. تبين اذبحك ابشري ..
ورماها على الأرض وجلس يركلها ويدوس في بطنها..
وهي يردد :بذبحك يازباله ..
حاولت هي وأمها يوخرونه عنهــا يفكونها منه بس ماقدروا كان هايج ثاير اكثر من أمـــس .. كل اللي بالصاله مصدومين خواتها حريم اخوه .. ودخــل عليهم خلف بوقته.. بس ماتوقعوا اللي صار بدال مايفرقهم خلف زاد الطين بله بظربه لمالك..
وتبدلت الأدوار صار مالك مكــان ميشو بس خلف مارحمــه كان نااوي يذبحــه .. جره لبرى وانتقلت المعركه لبرى ومصير مالك بعلم الغــيب..
ليش كل هذا ماهي فاهمــه شـي توقعت خلف يوخــره عنها وبس ماتوقعــته يظربه ليييش ظربه ليييش ..؟!
طلعت امها لغرفتها من غير كلام بس بعد مارمت على مشاعل وخواتها نظرات تذبح .. وطلعت معها عبيــر ..
طلعت مشاعل وهي تزر عباتها وخواتها المصدومات وراهــا بس قبل ماتطلع .. طالعت فيها هي وتهاني ..
مشاعل :سأذيقه المــررر .. سأدفعه الثمــن اثمـان .. سيتمنى الموت جراء ماسيعيشه من عذاب ..
ماكانت ميشو اللي تكلم كان شيطــان,, ابليس بصورة انسان ..

((8))

ملاك

ياحليلها وعــوده حتى وهي مرضانه تنكت ..خخخخخخ .. بس كالعاده دمها ثقيل ..
وعـد :ليش ماجبتوا لي ورد ..
سارا :وش تبين بالورد ماينتاكل ..
وعـد :هى هى هى مايضحك ..
ملاك :اذا كلام سارونا مايضحك كلام مين اللي يضحك الناس اللي دمهم مثل الدبس ..
وعـد :اذا تقصديني انا فأنتي غلطانه لأني دمي احلى من شربات المصـريين .. ولاتغيرين الموضوع ابي ورد ..
ملاك :يالبلشه ترى الورد غالي ..
وعـد :مالي دخل انا ماصدقت امرض عشان تجيبون لي ورد وبالأخير ماأحد يجيب لي ورد وبس انتم اللي تزوروني لودريت ماتعبت نفسي ومرضت ..
شوفوا البنت كأنه بكيفها تمــرض ..
ملاك :يعني وش المطلوب منا ..
وعـد :أبي ورد وناس جدد يزوروني ..
ملاك :ليه فلم مصري هو نجيب ناس جدد يزورونك ولاحبيبك يجي ..
طارت عيون وعــد فيني ..
وعـد :بس انا ماعندي حبيب ..
وندمت على كلمتي يوم وصلتني صرختها اللي جمدت جبني الأيمن كله ..
ضحــى :ملااااااااااااك بلا قلة حياء ..
ملاك :ام سوري نسيت انك عندنا ابله ..
غريبه رجعت بدري من المحاضره العاده محاضراتها تطــول ولابس هالشــي معنا .. مسكينه نوف لقت نفسها لحالهاووسط محاضرة ضحــى الصراحه ارحمها بس والله يستاهلون ليش امس يوم احذرهم مايطلعون ويسمـعون كلام ضحـى ماطاعوني يستاهلــون .. هذا جزء اللي مايطيع امــه وضحـى مثل ماما ..
ملاك :ههههههههههههههههههههههههههههههههههههههههههههههههه هههه ..
سارا :هبلا وش فيك تضحكين ..
وعـد :ياحرام انهبلت توأمك وانتي بتنهبلين مثلها ..
سارا :ياسخيفــه ..
ملاك :سارا تصورينا مهابيل ..
ضحى :لاتعبون انفسكم وتصورون انتم مهابيل طازجين ..
سارا :وأنا أقول ليش الأبله كانت تقولي ياهبلا اثريها كانت داريه وخالصه ..
ضحى :داريه عن ايش ..
ملاك :انا مهابيل ..
ضحى :يارب لتبتلينا ..
ذكيه انا عرفت وش تقصد ..
ملاك :لاتطمني ماراح يجوونك توأم مثلنا ..
ضحـى :اعوذ بالله الله لايقووله ..
وعـد :يعني انتي بتجيبين اخت لشدن ياحرااااااام شدن راحت عليك ...
ضحـى :الحمدالله والشكر انا وين الله باليني بخوات ناقصات عقـل ..
شدن :بس انا ابغى اخت ..
وعـد :مالت عليك وش تبين فيها ..
شدن :عشان تصير اصغـر مني وازعجها مثل ماتزعجــوني ..
وتستمر الحرب بينهــم .. خلونا منهم فيه شــي مو طبيعي قاعـد يصير في بيتنا ودي اقول لضحـى عنه بس شكل مزاجها متعكر وماهي ناقصتنـــي ..
بس صدق والله الفضول بيذبحني ودي اعرف وش اللي امـس صاير لمشاعل وشهـد وشوق وهند ..
ضحــى :خلاص ارجعـوا للبيت ..
وعــد :لاتو الناس لاتروحون ..
ضحــى :ارجعوا لخواتكم بس ..
قلت بتريقه وانا امرر يدي على خشمي ..
ملاك :طيب على امرك بابا على هالخشم ..
سارا :باااي وعوووده بكره بنسرق لك ورد من اللي بالزينـه بر ى ..
وعــد :لا ابي مغلف ...
ملاك :لاااهذا بعــدين يجيبه لك بعض ناس ...
وعـد بغباء:من ..؟!
والله اني خايفه اقول الكلمــه وتدوس ببطني ضحــى بس ماعلي بقولها واهرب انا عند الباب ..
ملاك :ومن غيره ابو العيال ..
وحطيت رجلي اخخخخخ ماردني غير باب السياره من الجهه الثانيــه ..
سارا :وجععع داخله مرثون انتي ..
ملاك :هع مرثون ولايد ضحــى ..
شدن:اصلاً ماكانت بتظربك جلست تضحك ..
ملاك :والله تضحك الصراحه تقــدم .
سارا :وش رايك نمر على خالتي ..
ملاك :وذولا وش نسوي لهم ..
سارا :عادي نأخذهم معنا خليهم يغيرون جــو ..
وغمــزت لـي ضحكت على فكـرتها ياااه يحنا بنستانـــس ...
انتظرونا الحلقه الجايـه نستانس ســـــــوى ..

الحلقه الحاديه والثـــلاثون ..

((1))

(..الأماكـــــن ..)

ملاك

حاولنا نقنع نوف تجي معنا لبيت خالتي ومدحنا لها ود وانها فله وبتنبسط لو جت معنا بس رفضت العله بس ماهو علينا رحنا لبيت خالتي وهي معنا قسراً لاطيباً ..
نزلنا عند بيت خالتي بس هي عيت لاتنزل ..
ملاك :انزلي يالخبله بتبقين مع سواق اللميوزين لحالك ..
ردت علي بصوتها الخشن ..
نوف :ماانتي شايفه رجال قدامك يخوفك هالبنقالي ..
ياربي من هالبنت شكل عقلها فيه فيوزات ظاربها مصدقه عمرها انها ولد لااا وتزعل بعد ماهي ولد رجال ..
سارا :نوفوه انزلي بالطيب احسن لك والله لودرت عن حركتك هذي ضحـــى ..
وماكملت كلمتها الا ونوف نازله ,,صدق من قال مالها الا سارتها ..
قبل ماندخل سحبت سارا على جنب وقلت لها ..
ملاك :لاتنسين تقولين لخالتي انك موافقه بعدين قولي لها تقولي وانا بسوي نفسي ماأدري اوكيه ..
سارا :اوكيه يابيه ..
جيت افتح الباب بالمفتاح اللي عطتناخالتي وسارا دق على الجــرس موحلوووه ندش عليهم هيك بلا احم ولادختــــــور هع متأثره بخطيب سارا ..
فجأه اجراس الدفاع المدني دقت بالراسي ماعندي حاسه سادسه بس سمعت صوت ريااال داخــــل ..
ناظرت فينا نوف بأتهـــــــام ..
نوف :عندهم رجال وانتم تقولون البيت مافيه الا خالتكم ..؟!
سارا :يعني بنكذب عليك حنا ايه مافيها الا خالتي وحنا ماندري من اللي هنا ..

جتنا الخدامــه ..
سألتها سارا ...
سارا :من اللي فيه ..
الخدامه :دكتور جواد ..
صرخت بدون أحساااس ..
ملاك :خطييييييبك ..
حطيت يدي على فمـــي يوم ناظرن فيني نوف وشدن ياللهول عاد مالقيت ازل بلساني الا عند كونان واينشتين ..
نوف :سارا انتي مخطوبه ..
سارا :اشششش لاياهبلا انا وملاك نلعب نقول كذا اسكتي لاتسمعك خالتي .. وانتي روحي قولي لخالتي انا برى ..
قلت لها بأذنها بعيد عن اذان المتطفلين ..
ملاك :لو اني منك ارجع يوم دريت انه فيه وماهو بكل قوة عين بتشوفين خالتك ...
سارا :ماأعرف امثل واضحه انا ..
ملاك :ماهو وضوحك هذا اللي بوديك بالداهيه المفروض اللحين تسوين نفسك مستحيه ماهو بجرأه تقولين لخالتي انك موافففففقه ..
سارا :شلون يعني افيديني وفقك الله ..
ملاك :اسمعي ايته الأخت السأله الأمر لايحتاج فتوى كل الذي المفروض تسوينه انك تجلسين تراجفين واصبعك تحطينه بفمك ماتنزلينه يقالك من الأحراج بتأكلين اظافرك ..
سارا :لاااااووووعععع يالقرف ..
ملاك :جججب خليني اكمل قبل ماتجي خالتي ..
سارا :اكملي كلي اذان سامعــه ..
ملاك :ووو اجلسي تعتي بالكلام واكلي الحروف على كيف حالك ..؟!
جتنا خالتي وهي تناظر بنوف وشدن بأستغراب ..
وبعد ماسلمنا عليها علمناها ان ذولا خواتنا وماعندهم احد بالبيت وجنباهم معنا ..
خالتي :ياهلا والله الله يحيكم حبايبي .. تعالوا معي للمجلس الثاني جواد مع اخوه الوليد هنا ..
هي قالت الوليد من هنا وقلبي ساااح من هنا .. شوي وانط عليها وأبوس يديها وأقول لاخلينا نجلس هنا معهم يالناس حلمي اشووووفه من قريب مليت من مطالعه من بعيد ودي اشوفه وجهاً لوجه ,,صحيت من احلامي على قبصة سارا لي ..
سارا :امشي فضحتينا ..
ملاك :ياحماره عورتيني ..
سارا :قليلة ادب وش موقفك قدام المجلس ..
ملاك :ماوقفت قدامه ..
سارا :لاتكذبين لو مالحقتك كنتي جالسه معهم اللحين ..
ملاك :ياحماره ليش وقفتيني ..
زفيتها عنــي ..
سارا:ملاك استخفيتي ..
ملاك:والله بستخف من حبه ..
سارا :قسم بالله انك سخيفه امشــي بس قالتك احبه ياليت بس ضحى تسمعك عشان تقص لسانك وتعلقه على رقبتك ..
حطيت يدي على فمــي وكأنها بتقصه اللحين استغفرالله ياربي معها حق سارا افكاري غبيه كني مراهقه بس والله هذا قلبي هو اللي يتكلم مو أنا ..!!
دخلنا بالمجلس ولقينا خالتي ماسكه شدن وتضحك شكلها اعجبتها اصلاً من يشوف شوشو وماتعجبه ..
وجلسنا على هالحاله سوالف ولعب واستخبال بس خالتي مايعجبها استخبالنا وفيه شي ثاني ماأعجبها نوف كانت نظرتها لها ماأدري كيف ماأقدر اشرحها فيها احتقار فيها شفقه ..
بعد فتره جت الشغاله وقالت لخالتي ان جواد والوليد ياحيـــــــاتي على هالأسم ..!! طلعــوا ..

خالتي :يالله عاد خذوا راحتكم اللي تبي تطلع تروح أي مكان البيت بيتكم ..
سارا :خالتي ماله داعي تقولين هالكلام كل ماجيناك حنا عارفين قدرنا عندك ...
حطت خالتي يدها على كتوف سارا وقربتها من هنا بحنان .. الحركه هذي جننتني انقهرررررت ..
خالتي :ادري حبيبتي بس ابي خواتك الصغار يأخذون راحتهم ..
ملاك :لاتخافين خالتي هم يأخذون راحتهم بكل مكان مايحتاجون توصيه ..
قبصتني سارروه مع يدي وقالت لي ..
سارا :صرفي خواتك عشان اعلن لخالتي موافقتي ..
ملاك :مأوصيك سوي نفسك منحرجه وياويلك ان رفعتي راسك اضبطي المشهد جنى ماهي احسن منا ..
سارا :انا وين وجنى وين صدق انك طموحه ..
ملاك :يالخبله مايبيلها عرفنه بس اهم شي ماتضحكين ..
سارا :عاد هالشي اللي ماأقدر اضمنه لك ..
ظربتني ملاك بكوعها مع بطني ..
ووقفت وأنااقول ..
ملاك :نوف شدن تعالي معي بوريكم غرفتنا اللي عطتنا خالتي الله لايحرمنا منها ...
ابتسمت لي خالتي وحسيت انها غصبه نفسها على الأبتسامه يوووووه وش فيها ذي شكلها غاصه فيني ماهي قادره تبلعني ياحرام ارحمها هع ..
طلعن الخبلات وراي .. وعند الباب لفيت على سارا بعبط ...
ملاك :سوسو مو جاايه ..
سارا :لا بجلس مع خالتي ..
ابتسمت خالتي .. وعشان اغيضها قلت ..
ملاك :قومي لاتصيرين ثقيله يمكن خالتي عندها شغل ولاشي لاتثقلين عليها ..
ردت خالتي بالســـرعه ..
خالتي :لاعاد سارا من بين الناس خفيفه على قلــبي ..
ملاك :حرام عليك لاتقولين عن سارا خفيفه تزعل ..
خالتي :ووش يزعلها ..
ملاك :تحسس من هالكلمه ..
ياحرام والله خالتي مسكينه ماهي فاهمه حاجه ... ردت عليها شدن بلقافتها المعتاده ...
شدن :هي تحسس لأن اللي على راسه بطحا يحسس عليها ..
ضحكناانا ونوف وشدن بـــس هع .. والله وطلعت خالتي ماترضى على سويررره ..
بالغرفه فوووق .. طلعت بالبلكونه ولحقتني شدن .. حطت لها كرسي ووقفت عليه ...
شدن :الله حلوووه حديقتهم ..
ملاك :.........
شدن :ياليت هذا بيتنا نعيش فيه جميع ..
ملاك :.......
شدن :حنا تفرقنا اناوماما صرنا نروح عند بابا وانتم هنا تجوون ووعد ونوف وشهد وهنووده وشووق فالبيت وميشو بس طالعه ياليت عندنا بيت كبير نجلس فيه ومانروح عن بعض ...
ملاك :هناك يجلس ..
شدن :مين ..
ملاك :هو ..
شدن :مين هو ..
ملاك:كل يوم اشوفه جالس هناك ..
شدن :اووووووووووووووف من هو..؟!
ملاك :........
شدن :طيب هو ليش يجلس هناك ..
ملاك :عشان يراقب البيت ذاك ..
واشرت لها على البيت اللي لو بيدي انسفه عن الوجود ماقصــرت .. ليه جالسه تكلم معها ماأدري .. يمكن لأني مليت ودي افضفض وسارا تاخذ الموضوع مسخره ولاتسكتني لأني مللتها من كلامي عنــه .. وماعندي غير شدن اقولها اللي اقوله لسارا لوكانت مكانها..
شدن :ليه هو حارس ..
ملاك :لاا,, توقعين انتبه لي ..
شدن :انتي تشوفينه وهو كل يوم يجلس هناك اكيد شافك الا اذا هو اعمــى ..
ملاك :ايه هو اعمــى ..
شدن :طيب كيف يشوف البيت ذاك لو اعمى ..
ملاك :لأنه اعمى قلب ..
شدن :ياحرااام .. طيب وين هو اللحين

حبست دموعي قبل ماتنزل .. ليه محد فاهمنــي ان احبه هذا ماهو بأختياري غصب عنـــي .. والله لو تحسون الوجــع اللي أحسه بقلبي وان أشوفه كل يوم جالس على هالكرســي ونظره للفيلا الملعونه عرفتم وش معنى وجــع الحب الحقيقـــي ..
او اللحين وأنا اشوف مكانه الفاضــي تحسونه اهون علــي لاوالله اكثــر الم لأني ابــي اشوفــه امووت لو ماشوفتــه ... مشتــــــــاقه له حييييييييـــل ..
احبــه ومشــتاقه له واللي فيهــــا فيها ..
وجلست ادندن :الأماكــــــن كلها مشتاقه لك والعيون اللي انرسم فيها خياالك ..والحنين اللي سرى بروحــي وجالك ..
ماهو بس أنا حبيبي ...
شدن :الأماكن كلها مشتاقه لك ..
وجلسنا على هالحال لين جتنا نوف وقــالت يالله بنرجــع للبيت .. وتركــــــت الأماكــن ..

((2))

(..بداية اللعبــه ..)

سارا

قهرتني ملاااكوه الفضيحه عن جد هبلا ماتعرف تصير لبقه فضحتنا بخالتي ام جوااد ..
بعد ماطلعوا لفيت على خالتي ام جواد وقلت لها .. وانا منزله راسي وشوي ويصقع ركبتي .. ياليت بس تنفع الحركه ..
سارا :خالتي بقولك شي بس مستحيه ..
اتحداكم وحده تقول جمله مرتبه مثل جملتي وتدل على الحيا والخجل ..
خالتي :وليه الحيا حبيبتي انا مثل امك ..
خير ياطير واذا كنتي امي لاتصيرين مصدقه سوالف المسلسلات عن حنان الأم وعطفها .. ياملحي وانا اقول لها هالكلام وانا المفروض اكون خطيبة ولدها المستحيـــه ..
جلست ارمش بعيوني تقريباً سطعشر مره بالثانيه وانا ارفع راســي وبسرعه انزله ..
خالتي :حبيبتي وش فيك من صدقك مستحيـــه .. ياحياتي قولي اطلبي ..
لاضروري انطق المره فهمت السالفه خطأ قالت اطلبي .. وليه لا .. يصير يعني اخطب ولدها ..!! .. ولاخلوني اخطب وليدووه المزيون لملاك ..
عشان تنهبل اختي علي ..!! لااا ..لأني احبها ماراح اتخذ هالخطوه المصيريه اللي ثمنها هبال أخــتي بعيد الشر بعيد الشر ...
خالتي :سارررا كل هذا حيا ..
رفعت راسي بالسرعه ونزلته وهالمره صدق حسيت نفسي مستحيه لأن وجهي حسيته حااار وقلت الجمله بالسرعه وبدون تلكك مثل ماقالت ملاك..
سارا :انا موافقه ..
انصدمت بضحكت خالتي لايكون غيرت رايها وخطبوه له وحده ثانيه ولاشــي وانا احرجت نفــسي لااا يارب لاااااااا ..
خالتي :ياحياتي كنت عارفه انك ماراح ترديني .. وعشان كذا اناطلبت جواد يجي عشان يروح مع اخوانه من ابوه ويكلمون ابوك وأهلك ...
ومبــارك شكـــو اللحين يروحون له اووووووف مالي خلق يتدخل بالسالفه ...
سارا :طيب ليش ابوي ماتكفي ضحـــى ..
خالتي :الله يهديك بس تبغينهم يروحون لمره ...
سارا :لااا ماأقصد كذا يعني يروحون لزوجها ..
خالتي :ماينفع ياحبيبتي لازم يروحون لأبوك ...
اوووووف يعني السالفه فيها مبـــارك ..!!
خالتي :وش فيك سارا ..
سارا :لا ولااشــي ..
خالتي :اسمعي حبيبتي بشورك بالشــي بس اذا موعاجبك لاتحسبيني بزعل وبأخذ بخاطري منك ..
ياربي وش عندها لايكون صدق غيروا رايهم وأنا الخبله جالسه اعرض نفســي عليهم ..
سارا :لاا قولي عادي خالتي انتي مثل امــي ومستحيل ازعل منك ..
ماأدري كيف طلعت معي الجمله بس يالله تمشــي الحال الشرهه على اللي يعرف امه ولاحتى شافها عشان يحترمها ولايزعل منها ..
خالتي :ياحياتي والله اني ماأحسبك الا بنتـــي لو عندي بنت ماأغليتها كثرك.. ويمكن اغلى من عيالي بعـــد..
لاعاااد خالتي حرام البكش من انا عشان اصير اغلى من عيالك ياشين الحريم لكذبن عليهن كذب ..
كملت خالتي :جواد يقول يبي يشوفك قبل مايخطبك .. لاتنسين ماراح ازعل منك لورفضتـــي ..
حسيت مثل الكهربا تسري بجسمـــي .. وش اللي تطلبه مني خالتي اطلع قدام رجـــــــاالل .. مستحيل اللي تطلبه مستحيلللل ماأقدر ..
كنت جامده وأنا ارد عليها حتى ماحاولت اوضح ليش انا رافضه ..
سارا :لااا ..
بعد ساعات بالســياره وحنا راجعين ماكان يتكلم فيــه غير شدن تهرج مع ذا وذا حتى السواق ماتركته لحاله .. انا ماني قادره افكر ومو رايقه للكلام من طلبت مني خالتي ذاك الطلب ليه ماأدري احس نفسي ماني متقبله الموضوع ..هي الموضوع عندها عادي لأنها جاده بالطلبها بس انا اللي جالسه العب عليهم وأتســلى كيف اتجرأ واطلع قدام واحــد انا واثقه انه ماراح يكون زوجي بيوم من الأيام استغفرالله بصير مجنونه لو وافقت ..
خالتي ماسكتت وحاولت تفهم سبب رفضــي قلت لها اني رافضه بس بعد الملكه عاادي .. واقعتنــــت .. ملكه هاه بالمشمـــــش ..
ساارا :ههههههههههههههههههههههههههههههههههههههههههههههههه هههههههههههههههههه هههههههههههههههههههههههههههههههههههههههههههههه ه..
نوف :اللهم سكنهم مساكنهم ...
ملاك :الكلام مردود لك .. ساراونا وش بك حبيبة البي زحكينا معك ..
سارا :تذكرت شــي اقولك عنه بالبيت بس قسم بالله حتضحكــي ..
ملاك :متأكده ومن اللحين لوبدك اضحك ...
شدن :لأنك مرجوجه وعلى الهزاز ..
ناظرنا انا وملاك في بعض وانفجرنا ضحـــــــــــك ..
نواف :قسم بالله انكن سخيفات ..
قلت عشان اقهــــــره ..
سارا :ملاك ياهي صارتلي هوايل مع خالتي ..
صرخت ملاك وهي تخبطني على كتفـــي بالررررررررررقه كالعاده لدرجــه حسيت قلبي جاب قول بالقفص الصدري وطلع تسلل ..
سارا :بشويش قطعتي ظهري ..
ملاك :تكلمي امحه ولاشعيره ..
سارا :لا برسيمـــــه ..
رفعت يدها بتكرر الخبطــه ..
سارا :لاخلاص توبه امحه امحــــــه ..
رجعت على كرسيها وبغرور ..
ملاك :اكيد هذي مخططاتي ماتنزل الأرض ..
نواف :وش السالفه ..
سارا :بليز خلك مكانك لاتدخل عرض ويعطونك مخالفه ..
ملاك :ويادخل بين الليمونه وقشــرتها موطايل منها الا حموضتها ..
نواف :اصلاً ماني فضولي لذيك الدرجــه وبناات يعني وش بيصير عندكــن ...
ملاك :وانتي وش ياشيخـــه ..
قلت اقلد صوت نواف الخشــن ..
سارا :انا رجــــــاآآآل ..
ملاك :والخيبـــــه بكل الرجال الا ...
سارا :ايه الااا ...
هع توهــقت تستاهل وياليت هالزله قدام احد يستاهل ..
ملاك :نــواف ...
الخبل صدق ونفـــخ ريشــه ..
شكلنا بنوديها للمطــوع يقرأ عليها وبنأخذ هالملاك معهــا اظن الله يتوب عليها من أفكــار المراهقين اللي بتوديها بالداهـــــيه ..

((3))
(..دمـوع الرجــال..)


مقهور من قاله اخوه انه جاي عشان يخطب وهو مرتفع ضغطه كيف يعني اللي اصغر منه يخطب وهو لااا ..؟!
اللي طلب قبل هو واللي يحب ومتعلق قلبه هو واللي خطب اخووه ..
وقف على باب مكتب اخوه متردد .. اللحين لو دخل عند محمــد بيفتح له موالاآآآت .. عن ضياعه لاوظيفه ولا ألتزام ولامسئوليه .. بس لااا الشوق بتضيع من يده وهو مستحيــــل يفرط فيهــا لااازم يخطبها اليوم قبل بكره ولاخلاااص بيفقد عقــــله ..
لااازم يملك عليها قبل مايتحرك نواف .. نواف أخوه ويعرف زيـــن مستحيل يسكت وهو ذبح قلبه .. ذبحـــه يوم طلب من ابوه يخطــب له اللي يحبها اخــوه .. اخوه بالأسم بس ولابالحقيقه هم اكثر من اعداء يتنافسون على كـــل شـــي الواحد من هم يحسد الثاني على الهواء اللي يتنفــسه ..
كان لعاب وصياع ومازال بس كان قلــبه خالــي لين علقه الشيطان ببنت عمــه .. نواف كان عارف مصلحته وين ومامشى بنفــس طريق أخوه بالعكــــــس كان ذكي وداهيه ويحب الشغل اللي يجني من وراه المال لين تدمرت حياته على يد اخـــوه وأنجبر يتزوج وحده ثانيه انغصب عليهــا وبعد الزواج بأسبوع فصخ اخوه خطــوبته ..
محمـــد :مفهــي بعــد ..؟!
نفض راسه بقوه اللحين بدال مايدخله هو اللي طلع له كذا فجأه وهو مو جاهز ...
محمــد :تبي شــي ..
بأرتباك وهو يضغط على الجوال بجيبه شوي ويكــسره :ايه متى بتكلم عمــي عشان نملك انا وشوق ..
محمــد :اوووووف شايف هذا وقته ..
الوليد :اجل متى وقته .. مليت تراني والله لأترك لكم البلد باللي فيهـــاواهاجر ..
محمــد :خلنا نخلص من موضوع جواد ..
الوليد :انا الكبير وهو اللي يخطب وين العدل بهــذا وانا اللي طالب قبله وتــقدمه علـي ...
محمــد :انت تدري ان التأجيل ماهو مني رح كلم عمك .. واخوك امه اللي تبيه يتزوج وبيأخذ بنت خالته وهي موافقه واهلها موافقين يعنــي ظروفه غيــر ظروفك تبي تزوج وحده غير هذي اشر وحنا نروح نخطبها لك بتبقى على بنت عمك انتظر لين تنازل وترضــى فيك ..
ياليته ماهو أخوه الكبير ياليته نواف ولا أي احد ثاني عشان يفقع له وجـــهه ..
الوليد تكلم وهو يبتعـــد ومن العصبيه يده اللي يهدد فيها ترتعش :ماني مكلمه انت كلمه وقـــله اذا مارضوا نملك مع جـــواد بروح اتزوج أي وحــده لوبنت شوارع وبنته بحجر عليـــــها,,لأنها اذا ماتزوجتنــي ماراح تزوج غــيررري ..
محمــد بعصبيه :الووووووووليــــــــــــــــــــــــــــــــــــد ...
بس الوليد كان رايـــــــح ..
لحقــه وهو يصارخ :الوووولللللييييييييييييييييد ..
ود :يبه الوليد وصل المريخ اللحيــن وانت تنادي عليه ..
لف عليها بعصــبيه :وش تقولين انتي ...
تخسبقت يوم شافته معصب :لا ولشي بس اقول عمي الوليد من مبطي طالع ..
محمــد :وانت وش تسوين للحين صاحــيه ضفي وجهك ارقدي ..
ود :من عيوني تحت امرك ابو ود ..
وطلعت تركــض لغرفتها ..
محمــد :استغفر الله العظيـــم ..
قفل الباب وراه بــــقوه ولاحرف من الكلام اللي قاله لأخوه يقدر ينفذه بس من الأنفعال طلع معه هالكــــلام ..
ظرب على الدريسكون بيده مره وثنين وثلاث وبالأخيـــر ظرب راســه على الدريكــسون .. وبدا يبكي بالصمــــــت ...!!!

((4))

(..التحـــدي ..)

ضحى

وقفت متفاجئه باللي قدامــــــي .. صح انصدمت بزيارة يسرى وبعدهــا زيارة زوجة ابوي بس هذا اللي صدق ماتوقعتـــه .. والدي بحضرة جنابه يحـــضر مع ان وعــد صارلها ثلاث ايام بالمستــشفى بس اليوم كل الناس جــت ..
مبارك :هاه وش قلــــــتي ..
فقت من شرودي على سؤاله وكل اللي قاله قبل ماسمعتــــــــه ..
ضحى :وش اللي هاه ماسمعتك ..
مبارك :ماسمعتيني انا وش اهرج فيه من الصبح اقولك .. اختك جاينها خطـــاب ..
والله ماكنت مستغربته عليه كان عندي احســاس بيجــي يوم فالأيام وبيقولي هالعــباره وبيجر وحده من خواتي مثل النعجــه وبيزوجــها لكاين من كان ..
ضحــى :ومن هالخطاب واي اخت فيهــــم ..
مبارك :الكبيره شروق ..
اضحك ولا أبكـــي يالناس .. هذي اخت جديده ولاوحده من خواتي وغلطان بأسمـــها .. هذا اسم اخت لنا مانعرف عنها شـــي ولاوحـده من زوجــات ابوي ..
بس تمالكت اعصابي رغم انها فلتانه خلقه وبرود الأعــصاب ماهو من طبعـــي .. بس عباره ترن بأذني هذا ابوووك والآيه اللي ربتنا عليها المدرسه من الصغـــر ومابارحت خيالي لحضـــــه ولانسيتها على مر الزمــن وطول الجفا "ولاتقل لهما اف ولاتنهرهما"..
طاعة الوالدين وبــــــــرهم درس تغلغل للأعماق اعماقنــا مبدأ تشربناه بجوارحنــــا .. وحنا لقيناهم عشان نبــرهم هذي الفرصه قدامك .. احترمي ابوك تبرينــــه ... بس هو ماأحترمنا واهان انسانيتنا حنابـــشر مو حيوانات ولاجوامد عشان يرمينا ومايسأل عنــاحنا مانحــــس مانشــعر .. يعني نبره طيب هوليه مابرنا بصغــــرنا وعطف علينا حسسنا بأبوته لنا,, ليه مارحم ضعفنابعد ماكبرناوحنا ولايا ..بس بعــد هذا ابوك وواجــب عليك طاعتـــه ..
مبارك :وش فيك تهزين راسج ..؟!
راسج آآآآه ابونا شرقاااوي وحنا نجدين ياســــــلااام ننحــــسد على هالترابط والتوارث اللي بينــــا ..
ضحــى :ومن هم الخطاب يعني من معارفنا ولا من برى العايله ..
مبارك :لا من أهلنا وقريبين مره خلف ولد عمـــــها ..
ضحــى :ممممممميييييييينننننن ...؟!!!
مانتبهت اني كنت اصارخ لين فزت وعــد اللي كانت نايمه من قبل مايجــي ابوي وهي تسأل بعيون مقفله وفم مفتوح وش فيـــــــه ..؟!!
وعد :وش فيــه ..ضحى وش فيــــه ..؟!
قلت لها ..
ضحى :أرجعي رقــدي ..
ولفيت لطويــــل العمر مبارك الـ .....
ضحــى :خلف المزواج ماغــــيره روميو زمــانه اللي فضيحته على كل الناس هو وغراميـاته.. هذا مايستحــي على نفســه له عين بعــد للحين ماتاب وش يبي فضيحــه أكبر من كذا ..
قطع كلامي بالصرخه اخاف اقول لكم افجعتني ابالغ لأن مبارك بالذات ماهو عصـــــــبي ولايعرف للعصبيه طريق..
مبارك :انطمـــي خلف رجال وينقطع لسانه اللي تكلم عليه هذا ولدي انا اللي مربيه ...
ضحى :وونعم دامك اللي مربيه بس سؤال ماأقدر اشوفك وماأسئله دامك لهدرجــه طويل بال وراعي واجب تربي عيال الناس ليه ماقمــت بواجب بناتك قبل وربيتــهن بدال ماللي يسوى ومايسوى يهرج بتربيتهن ..
مبارك بنرفزه :ومن هارج فيكن ..
ضحى :عمة روميو آآه قصدي خلف ..
وانفتح الباب فجأه ولفينا كلنا علـــــيه ..
عساف :سلام عليكم .. مساءالخيــر عمــي ..؟!
ووراح يجــلس على الكرســي اللي جنب سرير ووعــد اللي كانت مفهيه للحين فين وبأبوي ..
عساف :كيف حال رجلك اليوم ..
وعـد:زينــه متى بطلــع ..؟!
عساف :بكــره ..
مبارك :قلهم يتأكدون من الفحوصات زين ولو محتاجه تجلس بالمستشــفى اكثر خلهم يجلسونها ماهم يلعبون بخــلق الله ..
ماشاءالله يالأب الحنـــــون .. انا مأدري وش فيهم رجال عايلتنا منتشر بينهم الحنان هالأيام ..
وعد :يووووووه من قال ابي اجلس اووووف انت ليه ماتحبني ياربي ترى ماأنت مسئول عنــــــي ...
أبوها تبونها تحترمـــه عيب اللي تقول وقبل هو حـــرام .. طيب فهمــوها وهي اللي عاشت عمرها كله بدون اب ان هذا أبوهـــــا جااي يتحكم فيهـــاو بهاللحضــه والدقيقه لازم عليها تحترمــه بدون نقاش ولاحتى تفكــير ,,الواحد يحترم اهله يعزهم يحبهم لأنهم ربوه على هالـــــشي مو عشان مسمى اب او ام ..
مبارك :بنت قص اللسان اللحين هذي تربيتك اللي فرحانه فيــــها ..
ضحى :لو بناتي ماقصرت فيهــم مهما فعلت بظل بالنسبه لهم اخــــت مو ام ولاأب ..
وعــد :لااا من قال اصلاً ضحى هي امنا وأبونا وانت ماهو من حقك تحاسبها لو سمحتوا صدعتوا راســي اطلعــوا برى بناااام ..
لنص كلامها صرخت فيها ومعي احد ثاني كان يقول نفــــــس كلامي ماهمني من هو المهم اسكــــــتها قليلة الأدب تعدت حدودها ..
ضحى +عساف :بنت وجعععععععع (هنا سكت عساف بس ضحى علقــــت )ععععععععععععععع ..
مبارك :يالله فمان الله ولاتنسين شاوري اختج عشان ماتجين بكره تقولين جبرتها وماأدري ويش ..بس ترى خلف ماهي لاقيه احــسن منه ..
كان يتكلم وهو ماسك الباب ..
اول ماطلع ..
عساف :وش فيه خــلف وش السالفه ..
تكتفت له وان اهز رجلي بدون احساس من الغيض اللي فيني وش كان يقصد بأخر عباره يتطنز قصده انه بيزوجها وافقت ولاماوافقت ولاصادق بكلامه ..
ضحى :لاتسوي نفسك ماتدري بس والله لو حب هالخلف النجوم ورجــع مارضيت انه يتزوج اختـــي سامع وصله هالكلام زيــــــن ..
مسكني مع يدي بس قدرت افكها منـــه بالقوه ..
عساف :احترمي نفسك وانتي تكلمين معــــي ..
وعــد :ههههي انت فك اختـــي .. مالك شغل فيها ..
عساف :انتي انطمي ياقليلة الأدب ..
وعــد :مهما كنت قليلة ادب فأنا أحـسن منك ...
عساف :دام هذي مربيتك ماأعتقد اصلاً هي بكبرها يابيلها تربيـــــــــــه ..
كان يقولها وهو يأشــــر علي .. قمة القهر ان واحــد ماعنده سالفه ولاعاش اللي عشته وذاق المر اللي تجرعته امرار يجي بكل حقـــــاره ويحكـــــم عليك بكل برود انك فاشل بكل اللي سويته ..
قهر قهر قهر قهر قهر قهر قهررررررررررررررررررررررررررررررررررررررر ...
ضحى :ياســلام ومن اللي بيربينــي ان شاءالله لايكــــــون حضـرتك .. عاد انت كلش فاضــي مربي بنتك وخالص ماعندك احد تربيه بتلتفت لنا ..
عساف :بربيك واكســر راسك بعـــد ..
هذا وش فيـــه متقوي علـــي خير ان شاءالله شكله قلبه شايل وممتلـــــــي بس بقريح ماهـو أنا اللي ينقال لي هالكــلام ومن ميــــــن من واحد هو وتراب جزمتـــي يتساووون ..
ضحــى :اسمع انت ..
عساف :انتي اللي اسمعــــــي صوتك ذا ترفعينه اقص لسانك حنا موفالبيت عشان ترفعين صوتك .. وعيونك ذي لاتجلسين تبحلقين لي فيهـــــا لا أسدها لك .. انا خلااااااااص عفتك وعفت كل شـي يجيني منك ...
فتحت فمــي برد عليه بس مشــى وتركني .. ركلت الكرسي اللي كان جالس عليه وأنا انفخ بقهـــر .. الحقير انسحب لو رجال كان وقف وواجهنــــــي ..بس هو رخمـــــــــــه ..!!!

الحلقه الثانيه والثلاثون ..

((1))

(..ألـــم ..)


ميشو

السابعه مساءً ليس بالوقت الملائم للخلود لنوم ولكــن هذا الألم الأحمــق يجبرني على ذالك .. آآآآه .. الا يحق لي الأحتفال بأنتصاري العظيم وأنا بكامل قواي وأخيــراًً تحقق ماكنت اسعى أليه لقد سيطرت عليه لدرجة أنه يرغب في الزواج بـي .. ولم يبقـى لي الا خطوه صغيـره لتحقيق ذالك الأنجــاز ..
وأنا في غاية الشوق لأجتياز تلك الخطـــوه ..
ولكن هذا الألم الحقيــررر .. كم أكرهه .. يألهي لاأستطيع النوم اشعـر بأني اتقلب على مزرعه من الشوك وليش فراش مهيء لنوم ..
مازلت اشعر بكيل الركلات التي تلقيتها على يد ذالك الــلـــعــيــن كم امقت ذالك المالك واود لو اخنقــه بيدي هاتين .. ولكن ليس بهذه اليد المعطوبه ..
يألهي لماذا اسعى دائماً لايلام نفــسي .. فالحديث عن ذالك المالك لايزيدني الاسقماً ..
منذ تلك الليله التي تلقيت فيها على يديه اعظم أهانـه تعرضت لها فــي يديه والآم جسدي لم تتوقف فأي لمسه او احتكاك اتعرض له تصيبني جرائها الآم شديده ..
فجأه شعـــــرت بأني لأشعر بالــشيء بالتأكيد لأني ذهبت الى العالم الآخر .. عالم الأحلاااااااااام والكوابيس ..
من طعنة رمح خلال الحرب التي خضتها بأحـــــلامي استيقضت .. آآه هل ذهب الألم حقاً..
ميشو :آآآه هل ذهب الألم حقاً ..
سارا :ملاك الحقي ميشوووو تهرج فصحى بأحلامها ...
ملاك :شكلها تألف كتب ادب وهي راقده ..
ميشو :انتما مالذي تفعلانه هنا ..
سارا :ولاشي بس بنستعمرك اسرئيل وأمريكا ماهن احسن منا حتى حنا قويات ..
ملاك : وبتدفعين لنا ضرايب على السنين اللي عشتيها بهالغرفه ..
ميشو :ولكن الأستعمار للأشرار ..
سارا :لاااه بتقصين علينا اللحين بتفهمينا ان امريكا ام العالم شـريره دوريلك اغبياء تكذبين عليهم ,, اصلاً امريكا هذي ام الخيــر اللي تبذل كل جهودها وترهق عدتها وعتادها عشان تنشر السلام بالعالم لكي تعيش الكره الأرضيه والكواكب المجاوره بالسلام وتنعم بالرخاء ..
ملاك :يخرب حررررررريشك سارروو ماأنتي هينه لبلب بالتعبير كنك تلقين خطبــه ..
سألتني سارا بأبتســامه من نال جائزة نوابل ..
سارا :ميشو وش رايك اعجبتك ..؟!
اجبتها بأبتسامه واهنـــــه ..
ميشو :جيده لابأس بك ..
أكملت ملاك بمرح كنت سأستسيغه لولا دوار رأسي ..
ملاك :المهم لاتغيروون الموضوع الغرفه هذي وقعت تحت ايدينا تبينها ادفعي جزيه ..
سارا :لأاااااحرام هي مسلمه ماتدفع جزيه ..
ملاك :اجل وش تدفع ..
سارا :خراج مادرستي تاريخ انتي ..
ملاك :لاا ماكنت احضر الحصص كنت اهرب ..
سارا :يالفاشله وأنا اقول ليش كنت اسقط بالجغرافيا ..
لأعلم مالعلاقه بين الأمرين ولكن بالتأكيد توجـد علاقه على الأقل بالراس سارا الصغيـر الفارغ ..
ملاك :الا صدق ميشو بتوافقين على الخبلللل صديق الخبلللل ..
سارا :اللحين البنت يقالها فهمت اشرحي لها من الخبل الأول واعربي الخبل الثانــي وعللي وجود كلمة صديق بين الجملتين ..
وقاطعت حديثها المفعم بالحمـــاس بلهجه محبطـه ..
سارا :لاتوافقين عليه بيطلقك ..!!
ميشو :أعلم ذالك ..
ملاك :تكفين ميشو لاتصيرين هبلا وتقولين بوافق عليه عشان افتك من هالعيشه ترى عيشتنا ماهي شينه لهدرجــه ..
سارا :صح انا فقرانين وغلا الأسعار ماسوى فينا خير بس للحين عايشين ..
ملاك :لاتخافين ماراح نموت من الجوع انا وسارا مستعدين نشحد لو ساءت الأمور ..
اغتصبت ابتسامه كانت جاهزه للخروج عند أي جمله وكانت هذه الأجمــــل ..
سارا :بعدين هنا بالسعوديه محد يموت من الجوع عندنا جمعيات خيريه ماتقصر بس بتنتفين شعرك قبل مايقتنعون انك محتاجــه ..
ملاك :ولازم تجيبين له توقيع من بوش الأبن يقر انك محتاجـه ..
سارا:واذا عندك واسطــه اللي تجي بالوسط تسهلت امورك يصرفون لك لوعندك حساب بمليار ريال ..
ملاك :خلاص ماأنتي موافقه صح ..
ميشو :ولكني لست الجمعيه الخيريه ..
ملاك :ههههههههههههههههههههههههههههههههههههههههههههههههه هههههههههههههههههه هههههههههههههههههههههههههههههههههههههههههههههههههه ههههههههه ..
سارا :قصدها بترفضين الخبل صديق الخبل ..
ههههههههه حقاً ماأغباني ولكن هل الام اعتقد ان هذا التوأم لو ارداً اقناع الكونجرس على اخراج اسرائيل من فلسطين لفعلنها ليستقيل بعدها جميــع المجلس ..
ملاك :يااااالله عاد وش قلتي ..
قاطع عبارتها دخــول شوق ..
شوق :اووووف انتن هنا وانا تكسرت رجولي ادوركن ..
سارا :الله من كبر البيت عشان تكسر رجولك ..
شوق :اللحين المفروض تكونين مستحيه ومقطعك الأدب ماهو لسانك وش طووله ..
ملاك :تكفين يالحيووويه انتي ..
شوق :ليش انا المخطوبه ..
ملاك :ودك انتي ..
اجابتها شوق بخدين محمرين ..
شوق :وليش لا دي سنة الحياه ..
ملاك بضحكه :استحت البنت ..
شوق :اووووووووف والله انكن سخيفات ..
وهمت بالخروج ..
شوق :اووووف نسيتني ليش جايه سااارووه ضحى تقول انزلي يالله بالسرعه ..
ملاك :ياااااهوووووو يالله سارا ننزل ...
استقامت سارا بالسرعه واقفه ..
سارا :وش رايك فيني طالعه حلوه ..
ملاك :ناظري بعيوني وتشوفين انعكاس القمر ...
سارا :ملااااااك طلعتي شاعره ..
ملاك :من مبطي وعندي معلقات بعـد تبين اقولك وحده من قصايدي ..
سارا :تفضــلي ..
ملاك :آآآلو آآآلوو بابا فين بابافين .. بابا هنا هنا اهووه ..
سارا :قسم بالله من سمعت هالقصيده وانا اقول انها ماهي غريبه علي هالفكره ..
ملاك :شفتي كيف هذي كتبها وعمري خمس سنين ..
سارا :ياقلللبي كنتي تعانين ..
ملاك :اكمل ..
سارا :لاخليها بعدين بالليل ننسهر نناجي القمر ونقصد للنجوم .. بس اللحين عيدلي درس كيف اصير مستحيــــه ..
وخرجتا من الغرفه وهما تتناقشان بالدرسهما الرائع .. ربما انصح ملاك بعمل دورات لتدريس الفتيات نصائحها الرائعه بالنسبه للحياء المصطنع لمن لاتملك الطبيعي منه ..

((2))

(..سارا والمستقبل ..)

ضحــى
حاولت ارتاح لخطوبة سارا بس ماقدرت .. القلق محاصرني واللي زايد همـي أنها موافقه راضيه فيـه .. صح هي فرصه كبيره انها تتزوج بظروفنا هذي .. بس لازم اتأكد من انه يستحقها اختي ماهي رخيصه لذيك الدرجــه ضروري قبل ماأسمــح بهالزواج اضمن انها بتعيش حياه هاديه مع انسـان عاقل يستحقها .. حتى لوكان هالشخـص قريب بيحمل لقب طبيب هذا مايعني انه بيقدر أختـي وظروفها اللي عايشتها واكثر شـي اخاف منه انه يجي اليوم اللي يشمت فيها وبحياتها قبل ماتتزوجـــه .. خواتي عانوا بحياتهم بمافيه الكفـايه واليوم اللي بيتزوجـون فيه لازم يكـون تتحول بحياتهم من الشقاء للسعـاده ..
خايفه من الفجوه الكبيره في المستوى التعليمـي بينهم وأكيد بتسبب لهم بمشاكل كثيره بس اذا كان انسـان فاهم وناضج بيقدر بمعرفته يقلص من هالفجوه ويمكن يقدر يقنعها تكمل تعليمـها ويسوي اللي ماقدرت انا اسويه ..
.. و دام هو خطبها وهو عارف ووين واصله بتعليمها اكيد راضي فيها .. والصراحه الرجال بعضهم له طفات غريبه يعني مو كل متعلم وواصل للمستوى عالي في التعليم يطلب زوجــه متعلمـه اوجامعيه بالعكس بعضهم مايبغى معها الا شهادات الثانويه ويمكن هالجواد واحــد منهم ..
أنا واثقه ان اختــي تستحقه بس ياليت هو يستاهل سارا ماراح يلقى لها مثيـــل ..
دخلت علي وعـد وهي تجر رجلها اللي ماأعقتها عن الخبال ..
وعــد :جوووووو حريم كثااار ..
ضحـى :طيب اطلعي فووق انتي وخواتك لاتنزلون لين يروحــون ..
وعد:بـس ...
قاطعتها وانا ائشر لها على فوق ..
ضحى :لابس ولاشـي يالله فوق ..
ثواني ودخلت شوق ووراها الحريم ..
سلمت عليهم بتحفظ .. قالت لي وحده عرفتني على انها خالة ملاك وسارا بعد ماقهويناهـم ..
الخاله :انا اليوم ماني جايه اخطــب سارا .. لأنها بنتي وتنخطب مني مو اناا اللي اجي وأخطبها .. بس انا جايه اليوم اتعـرف على أهلها وعشان الرجال يخطبــوها .. وانتي اختها وأكيد لج راي بس تأكدي اني ماأخترت لبنتي سارا الا أحسن عيالي ..
وجلست تكلم عن عيالها وأخوانهم والعايله بشكل عام واللي معها كانت شغلتهن التفرج على البيت بتقزز ..كان ودي أقولهن ترى اذا مو عاجبهن يقدرن يطلعن ماهن مجبورات يجلسن يعني بس سكت عشان سارا ماأبغى اخرب عليهاحياتها المستقبليه قبل ماتبدأ ...
وحده منهن مانزلت عينا من على أختــي شهـد اللي كانت تقهويهـــم .. وهذي مو اول مره اشوف هالمنظر حتى بعزيمـة مرت أبوي كانت نظرات كثير من الحريم على شهـــد .. على فكره شهد أجمل خواتي بأختلاف مزايا خواتي هي الأجمل .. معقوله يجيها نصيبها قبل خواتها اللي اكبــر منها مشاعل وملاك .. لاجاء وشخص مناسب مستحيل ارفض عشان اللي اكبر منها ماتزوجوا هذا مو عذر لأن النصيب مايعرف عمــر والزواج قسمه ونصيب ..واذا مقســوم لها تتزوج قبل اللي اكبر منها ماراح امنــــعه ..
كانت وحده من الحاضرات تكلم وماأنتبهت لها الا يوم لكزتني شوق اللي جالسه جنبي بكوعها .. وهي تهمس بأذني ..
شوق :وش فيك تقولك يبون يشوفون سارا ..
ضحـى :آآه .. اطلعي فوق نادييها .. بس هي لاتخلين احد غيرها ينزل ..
دقيقتين بس اللي مروا قبل ماتدخل علينا سارا وكل الأنظار توجــهت لها .. اللحين هذي وش جابها .. وش فيني انا المفروض ماأستغرب يعني معقوله ملاك بتخلي سارا تنزل لحالها ..
سلمن وجلسن على جنب .. وخالتهن هي اللي عرفت الموجـودات عليهن ..
جلست حابسه انفاسي لين طلعن ماأحب هالنوع من الحريم مايشوفن الناس قدامهن شـــــي ..
سارا :ضحى قلتي لهم اني موافقه ..
ملاك :الحمدالله والشكر يالخبله تبغينها تقولهم انك موافقه بالنفس الوقت اللي هم جايين يخطبونك فيه ..
سارا :ايه عادي وش فيها لازم يعني حركات الغباء هذي هم يعرفون انها تعرف ليش اللف والدوران ..
شهد :الله يكملك بعقلك تصدقين احس ان خالتك ماعندها نظر ..
ملاك :والله اللي ماعندها نظر اللي بتصير عمتك مستقبلاً بس خالتي كلها نظر يوم اختارت سارونااا السكره اصلاً هم لويلفوان الرياض كلها ونجد كلها والممملكه كلها والخليج كله وشبه الجزيره العربيه كلها والشرق الأوسط كله بس بدون يورانيم وآسيا كلها والدول كلها والعالم كلــه والأرض كلها والكواكب كلها ومجرة درب التبانه كلها والمجرات المجاوره كلها والكون كله يحلمون يلقون مثل سارونتي ..
كانت ملاك تصارخ من جهه وتمط بالكلام ومن الجهه الثانيه شهد تصارخ تبــي تسكتها ..
شهـد :خلاااااااص خلاااص اقتنعت ان سارا مافيه منها بس تكفين اسكتـــــــي ..
ضحى :بس انتي وياها صدعتني راســي يالله انقلعن فوق ..
ملاك :هى تطردينا مو المفروض انتي اللي تنقلعين على بيتك ...
ضحى :ملاك طسي عني ..
ملاك :ماني على راسك ..
ضحى :ملاااااااااااااااااااك ..
ملاك :ضحى انتي ليش كذا عصبيه قبل كنا نقول دراسه والبنات رافعين ضغطك بعدين قلنا متوتره عشان زوج الغفله اللحين وش عذرك ..
جيت برد عليها بس لاحضت ان كل اللي بالصاله سكتوا حتى وعد وشدن معقوله لهدرجـــه مهتمين للجواب ..
ضحى :ماشاءالله اخت ملاك ومن حضرتك عشان تسأليني او تحاسبيني ..
ملاك :انا ماحسبتك اسألك بعدين ليش تكلميني بهالطريقه وكأني اقل منك ..
ضحى :ملااك ضفي وجهك عشان مصلحتك ..
ملاك :واذا ماضفيت وجهــي وش بتسوين يعني ..
سارا :خلااص ملااااااك ..
ملاك :لاموخلااص هي ليه ماتفهم انها مثلنا وماهي احسن منا ...
شهد :ملاااك ..
ملاك :اوف وش تبين انتي بعـــد ..
شوق :ملاك انهبلتي انتي ..
ملاك :عشان تجرأت وقلت اللي كلكم ماأنتم قادرين تقولونه صرت انهبلت .. ضحــــى ترى محد راضـي بتحكمك فينا واللي تسوينه يسموونه تسلط ترى مو عشانك تصرفين علينا تجلسين تذلينا ...
انا اذلهم انااااااااا اذل خواتــي .. اللحين لأني ابغى مصلحتهم صرت اذلهم .. لأني احميهم من انفسهم صرت اذلهــم .. يوم ضحــيت بحياتي عشانهم صرت اذلهم .. يوم لغيت التفكير بنفسي وصار كل تفكيري فيهم وبمصالحهم صـرت اذلهم ..
ضحى :يوم تجين تكلمين تكلمـــــي عن نفسك لاتكلمين بلسان غيــرك .. واذا كنتي ضيقة تفكيــر هذا مايعني ان كل اللي هنا لهم نفس تفيكرك المحدود ..
درت بالسرعه على مصدر التصفيق اللي جااااي مــــــن على الدرج ..
ميشو :رائع رائع هاهي احدى بنااات مبارك تنتهج نهج عائلة ابيها في التنكــــــر و النكــــــــران ..
ملاك :كمــــــلت ...
وبهالحضه دق جوالي كان عساف كنت مقرره ماأروح معه لأني كبدي لاعت من تصرفاته بس بعد هالكــلام المثلج لصدر من الأخت العزيزه ملاك قررت اروح واترك لهم حريتهم اللي يبونها ..
رديت عليه وقلت له اني انتظره سكت ثواني وكنه ماتوقع ردي وقال عشر دقايق وانا جااي ..
ضحى :يالله شدن حبيبتي اللحين بيجي بابا ونروح ..
شدن :لااا ماما ابغى انام هنا عشان الصبح العب مع وعد ..
وعد :وععععععع انقلعي بس من قال اني ابيك تلعبين معي ..
ضحى :لاحبيبتي بابا مايرضـي يالله ياحلوه روحي جيبي جزمتك من فوق ..
شدن :لازم البسها ..
اوووووف هذا متى بتترك عنها حركات عيال الفقر هذي وتتعود على لبس الجزمــه ..
ضحى :شدن لاتعصبيني منك روحي جيبيها ..
قالت لي ميشو اللي جالسه على الدرج وحاضنه يدها .. الله يستـر بس ماأدري وش فيها يدها فجعني منظرها المتورم الأزرق بعد ماأغمى عليها ..
ميشو :هل أخبرتي والدك بأني رافضه الزواج من ابن زوجتــه وأخبريه ايضاً الا سبيل له لأجباري على ذالك الزواج ..
ضحى :قلت له من البدايه انك راح ترفضين على العموم كلنا عارفين انه مايقدر يجبرك ..
ميشو :فقط اخبريه ان الذكرى تنفع المؤمنين ..
طلعت مع شدن بعد ماأعطيب خواتي التوصيات المعتاده بأستثناء الأخت ملاك ..

((3))

(..صراعات ..)

يحس بقهر عظيم والذنب يأكله .. ان الأوان انه يحس بشناعة اللي كان يسويه كيف سمح لنفســه ان يشوفهــا ليه تهاون بهالأمـور هذي هي اللحين بتزوج غيــره وكل القناعات اللي عاشها انها بالأخير بتصـير زوجته انتهــت ..يآآآه ليش مافكر بهاليوم من قبـــل ليش كان غبـي متخلف مايفكر .. ياليتها ماسوى اللي كان يسويه .... حتى لوكان بيتزوجها ومجبور فيها ماتستحق الأرهاب البربري اللي كان يعرضها له ..
ليش ماكان يحكم عقله بتصرفاته معها ليه كانت يده تنمد عليها وتتصرف من غير اراده اول ماتشوفها .. آآخخ ياليت الزمن يرجع ورى ويغير كل اللي سوى فيها من طق وترهيب واحتقار وسوء ظـــن..
بس اللحين ماتنفع ياليت ولو.. وده لو يعتذر على كل اللي كان يسويه فيها ماكان طبيعي مافيه انسان عاقل يرتكب الحماقات اللي أرتكبها وبحق انسـانه ومالها أي ذنب .. اللي سواه شنيــع شنييييع ومافيه أي عذر بالدنيا يغفرله اللي كان يسويه ..
ظرب بقبضته المرايه وأبتسم بالسخريه لصورته فيها :اللحين بس وعيت وبعد ايش خلااص فات الأوان ..
لأعذار ولاندم بترجـع اللي راح .. الله يسامحـه على اللي كان يساويه ..
طق على الباب ثم انفتح .. دخلت امه وهي توكى على عصاها والكلام اللي بتقوله له واضحه على وجها ..
ام كايد :اذا تبيها يمـه ..
قاطعهاقيس بالسرعه :لايمه الله يخليك لنا وش ابيها انا توني ماني مفكر بالزواج ومايصلح نقطع نصيب البنت ..
ام كايد نزلت راسها بالأرض :الله العالم اني كنت ابيك تأخذها يكفي اخوك ماأخذ أختـها .. ماوفيت بالعهد اللي قطعته لأم مبارك الله يرحمها ..
وغطت وجها بطرف شيلتها تمسح دموعها ..
قيس قرب وحب راسها :يمـه ماكان عهد هذامجرد كلام ماوصل لحد العهد والظروف ماساعدتك تنفذينه ...
ام كايد :اجل خذ أخته ملاك ...
قيس :لااااااااااااا ..
ام كايد :لاتزوجها اللحين بس خلني اخطبها لك عشان اريح قلبي ...
قيس :لااا يمه لاااا ..
وسحب شماغه من على الشماعه يلبسها :انا ماأقلمت نفسي من سنين على ان سارا زوجتي عشان اروح اتزوج اختها ..
ام كايد بتعب :يمه انت وش تقول ..
قيس :يمه الله يرضى عليك شيلي هالفكره من راسك ملااااااك لااا من بنات مبارك ماني متزووج ..
ام كايد :الا متى ..
قيس :يوم مايقسم الله .. يالله يمه بطلع فمان الله ..
وعند باب غرفته نادته امه ..
ام كايد :قيس .. وش رايك اخطب لأسماعيل ملاك ..
انصدم يوم سمع كلام امه بس يوم تذكر ان امه ماتدري عذرها .. بتخطب لأخــوه اللي من ست شهور بالسجـن والتهمه
ثابتــه عليه وماراح يطلع منها الا بعد مايتراجع عن اقواله اللي يكفر فيها مجموعه من الشخصيات الهامه بالبلد .. ماكان اخـوه كذا بس الأنحراف حتى للملتزمين بالتشدد بالدين والغلو وارد ويمكن اخطر من الأنحراف بالبعد عن الدين .. يحسبون انهم وصل لمنزله عاليه فالدين تخولهم انهم يحكمون على مسلمين مصلين صايمين بالكفر ..
ام كايد :وش قلت يمه ..
قيس :لاهذي ماتصلح له هو يبي وحده ملتزمـه ..
ام كايد :والله ان ابي أي واحد منكم يأخذ من بنات ام مبارك ..
قيس وهو يطلع :الله يرزقهن يمه الله يرزقهن باللي احسن منا...
طلع للأستراحــه مطنـش عزيمـة جيرانهم اللي مادخلت عقله اذا جيرانهم جاينهم خطاب هم شكو يعزمونهم ..
وعشان يوقف تفكيــر شغله له شريط شعــر الديوان الصوتي لشاعره المفضل ..
دق جــواله وكان خــلف ..
قيس :مرحبــا ..
خلف :سلااام وينك يالرجال ..
قيس :جااي اللحين بالطريق ..
خلف :جااي لوين ترانا محنا بالأستراحــه ..
قيس :اجل وينكم ..
خلف :كلهم عندي بالمجلس تعال ..
قيس :طيب انا جااي .. سلاام ..
بعد ساعــه ونص ..
كان جالس معهم بالمجلس وبالتحديد مع خلف ..
خلف :تعرف يابو مجاهد لو منت رجال كفو وابي شورك ماكلمتك بأسرار بيتي ..
قيس :تسلم ..
خلف :هااه وش رايك ..
قيس :خلف بكل صراحه انتي ناويه تطلقها من قبل ولا بس عشان السرقه ..
خلف رمى خرطـوم الشيشه وبنرفزه :حتــــى انت ..
قيس :روق يارجال انت اللحين جاين تبي شوري ولابتقنع نفسك انك صح باللي ناوي تسويه ..
خلف :اسمعك ..
قيس :لوفكرت فيها بتلقى انها ماهي سارقتها لأنها محتاجه او لأنها متعوده على هالشي بس هذي من غيرة الحريم ..
خلف :غلطت وانااللي تغلط عندي مالها مكان بيت أهلها يضفها ..
قيس :دام هذا رايك ليش تسأليني ..
خلف :انا ابي رايك بالثانيــه اطلقها بعــد ..
قيس بأنفعال :والثانيه وش ذنبها ..
خلف :خسيسه وعندي شك انها هي اللي حاطه غوايشها بشنطة خويتها ..
قيس :ودامك شاك فيها ليه تطلق ذيك وهي مظلومــه ..
خلف :راعية مشاكل وامي ماهي راضيه عنها وتسببت لنفسها بسالفتها ذي ..
قيس :يعني بتطلقهن وبتجلس بدون مره ..
خلف :لااوشلون عمي بيزوجني بنتـــــه ..
قيس اللي وضحت عليه الصدمه :عساف ماعنده الااا ..
قاطعه خلف :وش عسافه خبل انت عمي مبارك ..
قيس :ايه على البركه ..
خلف اللي رجع يشيش :وانت متى بتعرس ..
قيس :وانت وش فيكم اليوم الا بتزوجــوني ..
خلف :شيبت يالرجال .. اعزم بس يالرجال .. لاتصيرلي مثل عساف ..
قيس :عساف متزوج ..
خلف :لاا ابيه يأخذ الثانيــه وعلي المهر وكل التكاليف بس ماهو راضــي ..
قيس :لاتخرب بيت الرجال دايم مرتاح مع مرته ليه يتزوج عليها ..
بهالوقت دق جوال خلف وقبل مايرد عليه ..
خلف :الذيب عند طاريه .. هلااآآآ عمــي .. وشلووون ..ماأنت تقول بتجي .. بكيفك .. مع السلامـــه ..
خلف لقيس :ماني قايل لك ..
وقطع جملته يوم سمــع صوت صراخ جاااي من داخــل البيت ..
رمى خرطوم الشيشه اللي بيده وطلع بالسرعه من المجلس وهو حمقـــــــان تحول هالحمق لغضب جارف يوم شاف مالك هو سبب هالضجـــه ...
مالك اللي لف عليه اول مادخــل وهو يقول بس فضحتونااااااااا :انت مجنوووووون مجنوووووون مالقيت الا هذي تزوجها قسم بالله لأذبحهــــــاا ..
خلف والشياطين الدنيا تراقص قدام عيونــه :وانت وش دخلك ياااااااحيوان .. ولاتفكر تلمس منها شعره والله لأذبحك ..
مالك اللي يصارخ ويأشر بيديه ويظرب فيها بالهوء من شدة الأنفعال :انتم ليه مااااااتفهمون وش تبووووون فيها ذي قوووولوا وش تبــــــوون ..هذي وااااااطيه حقيررره ..
سعاد اللي حاضره من بداية الهوشه وهي طرف منها :لأنهااااااا متربيه ومحترمه ومارضت انك تلعب فيها مثل مالعبة بغيرها صارت واطيــــــه ..
مالك بقهر :انتِ مالك شغل فااااااااااهمه ماااالك شغل وانتي اوطى منها ..
طررررررررررررررررررررررررررررررررررررررررررررررررر رخ ..
مالك :ايه اكيد بتظربيني بالأول بالأخير هم عيالك وأنااا لااا ..
ام خلف :انطم ياحسافة تربيتي فيك هذي اخرتها تشكك بأخلاق اختك وقدام عيني ..
مالك بقهررر :مااااااهي أختـــي ..
خلف بمصخره:بالغصب ولاطيب انت اخونا ياخســــــارة حليب امي فيك ..
مالك :ذليتوني على هالحليب ياليتني مت وانا صغيــر وارتحت منكم ..
ام خلف :مااااالك ..
مالك :بلامالك بلابطيخ انا طالع وتاااارك لكم البيت وتزوجوا اللي تبون ..
خلف مسكه :ماأنت طالع لين يجي عمـــي ..
مالك :فكني انت مااالك دخـــــل رح تزووووووج الواطيه وفكنا منك ..
طرررررررررررررررررررررررررررررررخ
طررررررررررررررررررررررررررررررخ طرررررررررررررررررررررررررررررررررررخ ...
ومسكه خلف مع رقبتــه يخنقه :تكلم على وحد من بنات عمي مبارك ولافكر انك تمد يدك على وحـده منهن حتى لو انك اخوهن اذبحححححححك ... انا اللي يمس اهل عمي مبااارك اذبحـــــه بدددم باررررررررررد فااااهم اذبحـــه ..
مالك بصوته طالع من حنجره مخنوقه :عمك مبارك وعمك مباررك تراك مغتر فيه ..
خنقه زياده لين حس انه خلاص ضغطه زياده ويموت وفكـــــه ..
خلف :اطلع برررررررررى بررررررررررررررى اطلععععععععععع بيتي مايندسه واحد مثلك والله انت اللي عمي المفروض يتبرأ منه بررررررررررررررررررررررررررررررررررررررررررررى ..
مالك :تفوووو عليك وعلى عمك ومبارك واللي خلفوووووه .. وانا اللي مايشرفني اني اجلس ببيت كله واطـــين ...
وطلع قبل ماتوصله يدخلف ..
ام خلف :مالك مااااااااااااالك ..خلف رجعــه .. قله يرجع ياخلف ..
خلف :يمه واللي يعافيك فكينا منها انا خلاص ماعاد اتحمله ببيتــــــي ..
لف بقوه يوم سمع فتحت الباب وكان متحفز للهواش بس زفر بالراحه يوم شاف ان الداخـــل عمه مبارك ..
مبارك وهو يناظر وراه وكأنه يحتري احد يدخل :وش فيه هالخبــل ..
خلف :هلا عمي .. من ..؟!
مبارك :مالك لابارك الله فيه من ولد ..
خلف بنفسه :أشوى انك ماقدامت دقيقتين ولاسمعت اللي ماحلمت تسمعه ..
ام خلف :مافيه شـــي بس معصب شـوي ..
مبارك اللي انتبه على سعاد :انتي هنيا ليه تاركه بيتك وجايه .. كل ماجيت وانتي هنااا ..
ام خلف :مباااارك .. نسيت ان اللي مايتسمى طلقها ..
مبارك يزين شماغه باحراج :ايه صح والله اني نسيت من كثر هالبنات مااعاد افرق من اعرست ومن تطلقت ..
ام خلف :تعال اجلس وقل وش اخبار خطاب بنتك ..
مبارك بأبتسامه كبيره :ماعليه زينين وولدهم دكتووور وأهله معروفين عندهم شركات واسمهم زين بالسوق .. هذا كرته اخذت منه اثنين هذا لك ياخلف لو احتجت لواسطه ولاشي تراهم واصلين ..
خلف سحب منه الكرت وهو يقفي :عن اذنكم تارك الشباب لحالهم بالمجــلس ..
ام خلف :ومتى الملكه ..
مبارك :مبطين يقول ماهو مستعجلين ويبغونهم قبل يتعرفون على بعــض ..
ام خلف :وشو كيف يتعرفون على بعــض .. ولايكون وافقت ..
مبارك :لااهاه وش اوافق قلت مانعرف لهالسوالف وماهي عندنا ملكه وبعدها نشوف اذا بنسمح له يشوفها او لا..
ام خلف :ايه انتبه لايفضحنا بنااتك ..
بيرد عليها واكيد ماهو برد دفاع بس جواله دق شاف رقم ضحى اللي أخذه منها اليوم المغرب قبل مايجون الضيوف عشان ترد عليه بخصوص خطبة خلف :الووه .. وعليكم السلام ... ايه وش قالت .. لااا وليش .. وشوووو .. ايه خلاص خلاص هي الخسرانه وأخرتها بتعنس اللي اصغر منها اعرسن .. ايه خلاااص مع السلامــه ..
فصخ شماغه ورماها مع جواله على الطاوله اللي قدامــه ..
ام خلف :من هذي اللي بتعنس ..
مبارك :شـــر ... مشيعل الله لايبارك فيها رفضت ولدس ..
ام خلف وهي تحط رجل على رجل:احسن خيـــــره اسمع ماعاد نبيها هالمشاعل .. شف اللي اصغر منها شهد هذي اللي انا ابيها له صغيره وقمــر ..
مبارك يحك راسه بحيره :وشهد بنت من ..؟! .. ماأخبرها ذي ..
ام خلف بنرفزه :وانا وش عرفني بحريمك .. المهم البنت هذي اللي ابيها لولدي ماهي المهجنــه الاصدقها امها من اوزباكستان ..
مبارك بنرفزه :ماهي امها جدتها ..
ام خلف :اللي هي اعوذ بالله الا جدها من وين لقى جدتها ..؟!
مبارك :وانا وش دراني عنهم ..
ام خلف :وش فيك معصب ترانا نسولف ..
مبارك :انتي سوالفج تسد النفس والجلسه معج تجيب لي الأمراض ..
ام خلف :مباااارك ..
مبارك وقف:انا راجع لدمام .. اذا بغيتو شــي دقوا علي .. وماهو على الطلعه والنزله تدقون ..
ام خلف :لحضه وين بتروح ..وخلف ..؟!
مبارك لف عليها بعد ماوصل الباب :ووش فيه بعد ..
ام خلف :قل له ان بنتك رفضته انا ماني ناقصه يطلع علي جنونه ..
مبارك :اووووه خلاص مانتي تقولين تبين له الثانيه خلاص انا بكلم اختها وانتي قوليله ان ذي احسن منها .. وماهو قايل شــي ترى كلهن واحد بس اسمعي انتي وولدج من اللحين اقولك بنتي مايطلقها بيتزوج عليها بكيفه بس طلاق يخسي انا ماربيته عشان يطلق بنتي ..
ام خلف :لاتنسـى تلكم هالضحى وتقولها انا نبي الثانيه وهالمره ماهو على كيفها ترفض اجبرها انت اغصبها .. الولد رفضهن ثنتين للحين وبنتك الثالثه ..
طلع من البيت وهي يفكر ان معها حق وماهي زينه بحقه لو انرفض للمره الرابعــه وخلف وولده اللي ماجابه عندها بالدنيــــا كلها ...

((4))

(..مفترق الطرق ..)

عســاف

كنت واصـل لبيت خلف يوم دقيت عليهــا ماكنت ناوي اقولها اطلعــي ولا أبيها تطلع اصلاً لأني ناوي اسهر مع الشباب من جهه ومن جهه ثانيه واليوم بالذات لو التقينا بيحدث انفجار مدمررر لحياتنا كلها ..
ترددت يوم قالت لي انها تنتظرني عند الباب ..؟!! .. وانرسمت على راسي اكبر علامة استفهام .. بس ماتررددت على طول عكست سيري وتوجهت لبيتهم .. وبنفس اللحضه اللي وقفت فيها انفتح الباب وطلعت هي والنتفه ..
ركبت النتفه قدام وهي تقول ..
شدن :كنت بجلس عند وعد بس ماما عيت ..
ذيك اللحضه يانـــــي انقهرت انا اللحين ابي الفكه منها وهي الا تزرعها بينا ..
عساف :ليها ماخليتيها عندهم دامها تبي ..
كانت ساكته وصاده على الدريشه ..
عساف :اكلمك انا ..
شدن :ماما زعلانه ..
رديت عليها بتمصخر ..
عساف :ليه امك عمرها رضت وماكانت زعلانه ..
شدن :ملاااكوووه الوصخه تهاوشت معها ..
والله عيد واخيراً تهاوشت مع احد من خواتها احســـن الله يفرق شملهــن ..
شدن :وماما قالت حنا بنروح لبيتنا احسن من بيتهم المقرف ..
وفجأه وبلامقدمات لفت على امها ورى ..
شدن :ماما متى بروح للمدرسـه ..
اووووف يوم قالت هالكلمه تذكرت شهادة ميلادها اللي المفروض أكون أراجع فيها عشان اطلعها لها لأن ماعندها وحده وماتقدر تدخل المدرسه بدونها ولأنها كبيره لزم تطليعها مراجعات كثيره وانا بديت فيها وبعدين بديت أجلها لين نسيتها ..
ضحى :وش سويت بالشهادة ميلادها التسجيل فتح والمواعيد محدده ..
اللحين تكلمت ويوم انا من الصبح اشحدها الرد مخليتني انا والكرسي اللي جالسه عليه واحد ..
جاء الوقت اللي انا أطنشها فيــه لازم احرق دمها بهاليوم اللي باقيلي هنا ايه صح انا ماقلت لها..
عساف :انا بعد بكره مسافر وقبل ماأسافر بخلص اوراقها وأسجلها ..
ضحى :وأخيراً من جيتنا وانت بتســافر قلنا شكل هاليوم ماراح يجي من اكثر ماأطريته ..
تحريكة يدها نغة صوتها البارده والسخريه المبطنه والظاهره فيه غصب عني خلتني اسألها ..
عساف :تجون معـــي ..
آآآآآه جت بالصيغة توسل ماهو سؤال ..
ضحى :اذا بتسفر خواتي على حسابك ماعندي مانع ..
خواتك ووش الفايده .. آآآآآآآه بس آآآآآآآآآه ..
ضحى :يالله ماما شدن انزلي وانتبهي لاتطيـحين ..
نزلن وقبل ماحرك لفت علي وهي تقول ..
ضحى :وين بتروح ..
وين بتـــــــروح ....؟؟!!!!
عساف :تذكرني هالكلمه بالشــــي ..؟!
ضحى :بلا حذاقه ..
عساف :آسف يأبله ..
ضحى :قل لولد أخوك طلبــــه مرفووض واذا بيحط امـل ان ابوي بيغصب مشاعل يغسل يده ...
عساف :خلاص وصل الهرج وخلف هو الكســبان كسب راحة باله ولاأحد يتزوج اختك تبين الرجال يشيب راسه ..
ماردت علي لفت وتركتنـــــي زي الخبل انتظر ردها اللي كان صوت باب شارع ينصك وراها ..
حركت وانا أفكر وش بقول لهاالخلف ..
ياخوفي يطين الدنيا على راســـي .. دخلت عليه بالمجـــــلس اللي فضى الا منه ومن دخاخين شيشتـــــه ..
عساف :سلااام .. وين العيااال ..
خلف :فضوا كلن تعذر وآخرهم قيس قبل ربع ساعه طالع كان بيجلس بس فتحت معه موضوع الجواز هج ..
قلت له وانا اسحب من يده خرطوم الشيشه ..
عساف:اعوذ بالله منك انت ماعلى لسانك الا هالسالفه ..
خلف :آآه ياخــووك من كثر ماأفكر بهالخطبه اللي ماردوا علي فيها ..
سحبت نفـــــس طويل .. وبعدها رديت عليه بكل رواقه ونذاله ليه بس انا اللي منضام خله شوي يتنكد ويتكدر بدال ماهو عايش على الأمل الكذاب ..
عساف :ريح عمـــــرك رفضوك ...
الكلمه طلعت منها وخلف زنطني من هنا ولصقني بالجدار اللي وراي ..
خلف :قل انك تكــــــذب ..؟!!!
عساف :فكننننني ياااوورع وش اللي اكذب ..
بس مافكني بالعكس زاد ضغطه علي ..
عساف :خللف اذكر الله فكني يالرجال تعوذ من الشيطان ..
بس شكله ماهو معــي ولايمكــن يشوفني شخص ثانـــي ..
بكل قوتي دفيتــه عني ..
قلت له وانا افرك محل مسكته لي ..
عساف :اعوذ بالله من شرك .. خلاص رفضتك الله مغنيك عنــها اصلاً انت الكسبان ولاذيك احد يتزوجها والله ليشيب راسك من افعالها تراها اخت اختـــــها .. واذا تبي تعرس تعال معي بعد بكره مسافر ومافيه احسن من بنات مصـر ..
بس مارد علي وشكله ماكان معــــــي ..
وبالســرعه صد عني وجاء بيطلع .. قمت وراه على طول ..
عساف :خلف تعااال يالرجال وين رااااااااااايح ..
بس هو كان اسرع منـــــــي طلع من المجلس وعلى المواقف وبعده ماشفت غير عجاج سيارته ..
ركبت سيارتي ولحقتــه كان مسرع وضيعته كم مره بس بالأخيــر صرت وراه على طـــــول .. دخل حارتهم مثل ماكنت متوقع ومر من عند بيتهم بس ماوقـــف كمل طريقه .. تركته اهم شــي انه مايروح لهم ويتمشكل معها زين انه عقل قبل مايتهــــور ويسويلنا فضيحه ..
لقيت نفسي مضطــــــر ارجع للبيت يآآآه اللحين البيت اللي بينته على أمل انه يكــون مصدر راحتي وسعادتي صار مصدر شقاء اتردد بالرجوع له ..يالله ياكريم انك تفرجها يارب ...
دخلت الصاله اللي تغط بظلام ولأن مالي ميزاج كلش خليتها بظلامها وجلست ..كان راسي دايــر من الصبح وأنا واقف على رجلي اووووف ياخسارة الشيشه مالحقت اكيف فيها وعدل ميزاجـــي .. كنت ارفع راسـي بتنهيده يوم لمحت طيفها يقفل باب الغرفه وراها بحذر .. شفتها جايه تمــــشي يمــي يااه غمضت عيوني وانا اتصــــــورها تجي لي وتجلس بحظني واول ماتكتشف غلطتها تجي بـتقوم بس انا .. رفعت راسي اشوفها على أي كرسي اختارت تجلس بس مالقيتها وين اختــفت ..
كنت بأرتكب اغباء غلطه بعمـري واتحرك من مكاني يوم لمحتها جالسه على الأرض على يساري بخطوات ...وراسها بين يديهــــا .. معقوله تبكـــي ..ههههههههههههههههه اكيد لااا ..يمكني انا ابكي وهي لاا ماتنزل دمعتها ..
بنبره بغيتها تكون مخيفــه وسط هالظلام بأختبر شجاعتها .. ولايمكن نلقى لها نقطة ضعـــف ..تحمست للفكره تخويفها شي ماهو هيــــن والفرجه على الموقف ماهي بسيطه ..
عساف :تصدقين ارحمـــــك ..
نطت من مكانها صدق ولاهذا اللي انا اتماناه وترائلي ..
ضحى :هذا انت ..
عساف :لاشبحي ..
ضحى :يمممه خفت ..
عساف :يممه حلوه انتي عندك ام ..
ضحى :لاتصدق جيت من العدم ..
عساف :لكل سؤال عندك رد ..
ضحى :الحمدالله من نعم ربي ..
قربت راسي لجهتها وصرت اطل عليها..
عساف :يعني تعترفين ان الله له نعم عليك اجل ليه تعصينه ..
ضحى :نعم واعصيه ليه انا جاحده ..
عساف :اللي تعصي زوجها تعصي ربها ..
ضحى بضحكه :قل كذا من البدايه والله انا اللي ارحمك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه ..
عساف :ايه اضحكي ...
وسكت احتريها هي تسكت ..
ضحى :قلت له ..
عساف :قصدك بشرته ايه ..
ضحى :لو انها صدق بشاره ماكان خطبها من البدايه ..
قلت بقهرها مثل ماهي على طول قاهرتني ..
عساف :كان بيتزوجها عشان يكسر خشمها مثل مافضحته ..
ضحى :خبيث على مين بيطلع اكيد على عمـه ...
عساف :هذي نظرتك لي خبيث ..
ضحى :هذا اللي شفته منك ...
ماقدرت امسك اعصابي خلااااااااااص مليت ...صرخت عليها بقهررر..
عساف :وبعــــــــدين .. هاه وبعـــــدين ..؟!
ضحى :..........
قلت لها وانا مكور يدي واظربها بالثانيه .. وقد مايمكن حاولت احافظ على برود اعصابي ..
عساف :اسمعي انا خلااص مليت تبين اطلقك من عيوني بس ترجعين لي المهر والبيت تبين تستمرين معي جهزي نفسك لسفرة مصر .. فكري معك يوم ونص .. وحطي فبالك فوق البيت والمهر بأخذ بنتـــــــي ..
وبدون ماأسمع منها أي تعليق دخلت غرفتي وقفلت الباب وراي ..
وأنا امني نفـــــسي انها ليله اوليلتين اللي باقيات لي بهالغرفه للأبد ..

يتبـــع .....