 |
|
|
12-16-2020
|
#121 | |
 
|
وين البقيه توقعاتكم وتفاعلكم
|
|
|
|
12-17-2020
|
#122 | |
|
: : البارت الواحد والعشرون... : بعد صراع طويل وعنيف مع علي لفت عليه وهي تشوفه طالع من الحمام قرب منها وهو يقول : وضحى .. سبقتها شهقه ودمعه من عينها مسح دموعها بيده ومسك كفوف ايدها وهو يقول: حرام اللي تسوينه فيني وضحى انتي تدرين بغلاج وقدرج في قلبي تكفين لا تسوين فيني جي... نطقت بقهر وهي تضربه ع صدره: الله يأخذ حقي منكم كلكم .. حس برعب من دعوتها والخوف تملكه وقال بصوت مهزوز: تكفين لا تدعين انا احبج واوعدج ما يقصرج شي ما دامج قربي .. بعدت عنه بضيق وانتبهت ع تلفونها اللي يرن شلته وهي متجاهله وجود علي وردت بغبنه: هلا سيف .. سيف اللي من سمع صوتها ضاق صدره وقال:وضحى!!! بربكه وهي تحاول تمسك تلفون من ايدها سبقها علي وشل تلفون ناوي يشرشحه وسمع سيف يقول: وضحى الله اخذ حقج من شما والعنود.. ارتبك علي بخوف وحطى تلفون سبيكر واشر لوضحى تتكلم قالت وهي تشاهق من صايح : هلا سيف ما سمعتك شو قلت !! سيف بقهر : الله خذ حقج من شما والعنود وان شاء الله براءتج قريب الله ما نسى دعواتج.. شهقت وهي تبكي وقالت: كيف !! سيف : كانن طالعات ويا واحد اللي ظاهر وياهم توفى والعنود فيها نزيف وشما شويه رضوضض بس جانب الأيمن من ويها راح شوي تقدرين تقولين تشوه شويه ... شهقت بصوت عالي وسيف قال: عبدالله يقول هذي حوباتج وانهن ظلمنج ... بكت ماتعرف شو الإحساس اللي ياها في هالوقت حست ان الغصه اللي في قلبها انزاحت سكر علي في ويه سيف وقال لوضحى سمعيني عدل حتى انا لو صار بي شي تاكدي اني احبج واموت عليج حتى لو ما بغيتي تسامحيني من حقج ترا وانا مالومج... طالعته بعيون دامعه وتبكي بقهر: محد كان سبب عذابي وغربالي الا هنه اللي ساعدنك وصلت بي المرحلة هذي... الخوف دب في قلبه وهو يتذكر امس كيف كانت تحسبن صرط ريجه بخوف انتبه عليها وهي تقول: علي انا مسامحتنك دنيا واخره على اللي سويته فيني مابا امك تفقدك ... بس هنه ما راح اسامحهن على اللي سونه فيني شوهن صورتيه قدام الكل ... مجرد ما قالت له مسامحنك حضنها ع طول وهي بكت من القهر والضيق ... : : هادي كان نازل بسرعه رايح الدختر عقب ما اتصل به عبدالله واريام كانت راقده نشت وتسبحت وتلبست ونزلت تحت وشافت الخدم شغالين ع قدم وساق تريت هادي يقوم وانسدحت بملل ونامت مره ثانيه ... بعد ساعه كامله نشت ع ترتيبات الخدم للغدا طالعتهم وهي تقول: فوزيه هادي ما قام ... فوزيه: هادي من بدري طلع .... ضايقت اريام وهي تقول : انزين انا بروح فوق مابا اكل ... دخلت داخل تبا تنام شافت رقم هادي يتصل ردت : هممم وينك.. هادي: قريب فديتج ثواني وانا عندج .. شوي وصل هادي ودخل عندها وقال: اريام اريام طالعته وتعدلت في يلستها وهي تقول: لبيه ... هادي بضيق: بقولج شي بس أخاف تنصدمين ... اريام بخوف: وضحى فيها شي ... هز راسه بلا وهو يقول: فيصل توفى ... قتحت عيونها ع كبرهن وهي تقًول: شوووو ... لمح صدمه في عيونها وقال: تحبينه !!! هزت راسها بلا وهي تقول: الله يرحمه بس كان حسن العشير ما انسى حبه لي ولا انسى وقفته ويايه بس خيانته خربت كل شي .. هادي بضيق: شوفي فيصل لما سوا الحادث كان عنده شما والعنود طالعات وياه .. افتحت عيونها بصدمه وهي تقول: يعرفهن !! ضاق صدره وهو يقول: ايوا يعرفهن وبينهم علاقه !!! شاحت بنظرها عنه وهي تقول: الله يرحمه ويشفيهن.. هادي بضيق: ما تحسين انه حوبات وضحى... هزت راسها بالإيجاب وهي تقول: ليش دموعها هينه على ربها وهي مظلومه ... حضنها هادي وهو يقول: احسسسج محتاجه للحضن في هالوقت بالذات ... ساد الصمت بينهم ما جذب هي فعلا محتاجه للحضن !! : : : في إيطاليا .. علي قعد عدالها وهو يقول: اقطع ع نفسي وعد ما اضرج.. هزت راسها بنفي وهي تقول: علي ما اتريا منك جميل ولا تريا منك شي تسويه عشاني انته تحبني حب تملك بس انا قلبي ما قدر اخليه يحبك انته وايد ضريتني وطعتهم في وايد أشياء وسمعت لهم وللأسف خليتهم يحركونك مثل ما يبون عشان يوصلونك لي ... رفعت عيونها وهي تقول: اقدر اقولك اني ااعفو عنك واسامحك لكن انته ما بتقدر تملك قلبي وشي بالغصب ماباه ... فهم قصدها وقرب منها زود: حتى الحضن ما تبينه مني يا غلا قلبي ... أبعدت عنه شوي وهي تقول: طلبتك علي خل قلبي يفرح ويعيش الفرح لو يوم لا تنكد عليه تكفى !!... ابتسم وقال: نطلع!!هزت راسها برفض مابا اطلع لين تصح ريلي ... : : : في جانب اخر من نفس المكان كان يالس في القهوه يشرب من الكوفي وطلع من بعدها واتجهه لشقه قعد عند امه وابوه وعياله حوله التفت على اخوه اللي قال : ظافر مب جنك زودتها شوي ... رفع عينه عليه وطالعه وقال بضيقه: امر ياخوي.. حميد؛ فقدنا حسك ياخي شغيك يوم وديت البلاد شو قالك الدكتور عيالك فيهم شي .. هز راسه بضيق: والله ما قال شي بس عطاني الأوراق ويييت .. حميد: عيل بلاك مب حاله هاي !! مضارب ويا حرمتك.. ظافر: مب شي يديد ... حميد: ربي الله وشفيعي محمد مادري كيف يطلع من الكلام وانته ما ترمس الا بالقطاره... ظافر قام عنه ودخل الغرفه قال لامه : متى موعد الفروخ.. امه : عقب يومين ورفعت عينها وطالعته شبلاك يابويه شو يعورك يا غناتي .. هز راسه برفض وطلع وتلاقى ويا عليا وتخطاها توه بيطلع سمع صوتها: تباها !! لف عليها وفي عيونه لمعه وشوق: شقلتي !! قربت منه وبتردد وخوف من حد يسمعها: ظافر انساها!! ظافر طالعها وقال بغيض: انسااها ان شاء الله اذا نسيان بيدج نسيني إياها كان بيسكر الباب زقرته وبرجو : تكفى تعال خلاص... طنشها وطلع وسكر الباب وراه ما يبا يسمع صوته وهي تلعب بمشاعره تجاه وضحى ... : : : بعد مرور أسبوعين ونص علي ووضحى كانوا في المستشفى يفجون الجبس عن ريلها وصوروا ريلها اللي انجبر فيه الكسر واستانست انها ودعت الجبس اتصلت على هادي وهي تتنظر علي اللي راح صيدليه اييب دواها ،، سمعت صوته اللي رد وفيه نوم وقالت: هادددي .. هادي اللي حاول يستوعب صوت: هلا يا عيون هادي ... وضحى : شخبارك حبيبي وشخبار اريام ... هادي: بخير فديتج انتي شحالج وشحال علي وياج شو جوكم... وضحى تتنهد: حمدلله يا قلب اختك زينين .. هادي: جان غاثنج نطقي.. وضحى تضحك: غاثني غاثني بس ماعليك بديت ادبه ... ضحك هادي وهو يشوف اريام اللي قامت على صوت ضحكته وقال: اوك حبيبي يلا برايج عيل ...وسكر الخط ... وضحى سكرت تلفون وهي مستانسه انها كلمة اخوها شافت مجموعه طالعين من عند الدكتور وعندهم عيال توأم شاحت بنظرها من شافت شباب يطلعون من غرفة الدكتور ونقلت نظرها بعيد انتبهت على البنت اللي سحبها اللي كان واقف عدالهم وهي تطالع تلفونها وينك يا علي تاخرت فيني نوووووم.... : ظافر بقهر وهو يسحب عليا: شفتيها !! تذكرتيها !!! عليا بقهر: خلاص ظافر !! انا انهيت علاقتي وياها من زمان .... ظافر بعصبيه وحده: عشان منو نهيتيها عشاني وعشان حبيب قلبج عشان ما تخسرينه خسسرتيني وخسرتيها صح .... !! بس سمعي هذا اخر ما بيني وبينج لا انتي اختى ولا اعرفج زين !! ودفرها بقو وهو يشوف اللحظه اللي علي وصل فيها ومسك يد وضحى وراحوا ... علي يكلم وضحى: تبين نحوط .. هزت راسها بلا وهي تتثاوب: فيني نوم ... روحوا للشقه وهوماسك ايدها وشاد عليها من برودة الجو وده يدفيها بين ضلوعه ... انتهى ✅ |
|
|
|
|
12-17-2020
|
#126 | |
 
|
الروايه الممتعة والحزينة في نفس الوقت
عودة لصواب اثلجت صدر القارئ واعتبر هذااخطاء على وضحى واتهامها بشي لم تفعله هكذا حال البعض بتملك بالغصب ولكن لن يصح الا الصحيح لطالما تربى على القيم والاخلاق وقبل ذلك على الدين دجى قلم متمكن يحكي الواقع بسرد شفيف رائع وننتظر بشوق القادم تقيييييييييمي |
|
|
|
12-18-2020
|
#129 | |
|
البارت الثاني والعشرون.. : : عند اريام لفت على هادي وهي تقول بعصبيه: انا ما قلت لك موافقه عشان تروح تيب الشيخ.. ضحك ع عصبيتها وقال: انتي وعدتيني اذا ساعدتها تفكرين صح ! انا لا ساعدتها ولا انتي فكرتي ليش اترياج انا أبا املج بس اباج حلالي ولا بسوي عرس ولا غيره محد بيعرف بالموضوع... ازفرت بضيق وهي تقول: يا هادي افهم .. قاطعها وهو يقول : اوك عطيني سبب رفضج!! اريام بضيق: ماريد ارد للمعاناتي مع فيصل ... شد ع ايده بقهر وطلع من الغرفة بعصبيه متجههه لمجلسه الخاص عشان ينهي الموضوع بس تفاجا بصوتها وهي تصارخ عليه: تعال يا الياهل يا زعول اصبر ... وصلت عند الباب وتكتفت وهي تقول: زعول وطلعت لسانها له انننننه .. ضحك ع غباها بتيننه والله ياهل زقرها الشيخ وهو يقولها انتي موافقه عليه ردت بحده: هيه .. قالها عندج شروط قالت بغباء : هيه انه ما يطلقني ولا يعرس عليه .. ضحك هادي على شروطها وهو في خاطره يقول هبله وربي هبله ... بعد ما خلصت الملجه ربعت فوق وهادي شكر الشيخ وراح عنهم يوصله يعقوب ... دخلت وهي تسكر الباب وراها وتحط يدها على قلبها: اوووف هبله اونه لا تزوج غيري ولا تطلقني ههههههه غبيه كنت اباه يرفض ما توقعت الاهبل بيوافق شوي وسمعت دقت الباب ودخل هادي بعد ما دفر الباب بقو وطاحت شوي قدام الباب قالها بعصبيه: هبله وربي هبله انتي شو من الاوادم شو هالشروط العبيطه.. بغيض طالعته وهي تقول: هاه لا يكون تبا تزوج عقبي اذا مب عايبنك شرطي طلقني .. هادي: مينووونه انتي انا ماحب غيرج ولا أبا غيرج كيف تحطين هالشرط يا المينونه... اريام بقهر: بس كنت اباك ترفض بس انته مصر تتلصق فيني .. قرب منها وهو يضحك وقال: اتلصق فيج تعالي براويج كيف يتلصقون... هزت راسها بخوف وهي ترد ورى وتلعن غباها وهي تقول : هادي تكفى اهدأ كنت امزح معاك .. قرب منها هادي اكثر لين ما وصلت عند اليدار ولصق جسمه بجسمها وباس خدها وهو يقول: تبين ابين لج كيف يتلصقون زوود ولا يكفيج القرب .. قالت بخوف: لا والله بس يسد وزود بعد هادي ابعد لا تربكني بقربك.. باس خدها بقوو وهو يقول: احبجج يا المينونه .. ضحكت بهدوء وغرست ويهها بحضنه حاوطها وهو يقول: تحبين الحضن وايد .. اكتفت بيتسامه ومن بعدها قالت: هيه حضنك حلو مابا شي منك غير الحضن والاطمئنان بس ... ضحك عليها وقال بخبث:والله يعطيج اكثر عن هالحضن بس صبري عليه انتي شويه .. ضحكت وهي تدفن ويهها زود بحضنه ... ابتسم عليها يطمنها وباس خدها ورقبتها وهو يقول: اعشقج... : : : اما العنود بعد العمليه اللي صارت لها دخلت في العنايه يومين تحت المراقبه اما شما بعد العلاج اللي تلقته طلعت للبيت وعبدالله مراويها نجوم السماء من ضرب واهانه لين تعترف بالصدق شو سووا بوضحى ... : في قسم عبدالله بعد ما شافها كيف تتالم من ضربه راح لها ومسك شعرها بقو وهو يقول: هذا نقطه في البحر من ضيم وضحى مع اخوج وعالفكره ما دام هذي علومج ما تلزميني حبيبتي طلاقج أولى بجج وبيت ابوج يضفج ... تمسكت بريوله تترجاه : تكفى عبدالله ارجوك لا تسوي فيني جذي انا بشتغل خدامع تحت ريولك... عبدالله: انا ماخذنج عشان اادبج لكن ربي أولى بكم وادبكم والحين ماعدتي تلزميني ممكن نذلقين من هنيه ع بيت هلج انتي طالق طالق طالق .... وراح عنها وهو يزفر براحه تخلص من الهم اللي ع قلبه ... في إيطاليا... في المطعم قاعد مع اهله يتغدا وعو طالب معكرونه ايطاليه والباقي طالبين بيتزا واللي طالب عيش الإيطالي البخاري وكلهم حول بعض ملتمين وياكلون بصمت ماغير صوت الملاعق لف ابوه عليه وهو يطالعه بضيق وقاله: ظافر ... رفع عيونه بضيق وهو يطالع ابوه وما تكلم رد ابوه عليه بضيق: ان شاء الله عيالك بيتعالجون وبيردون احسن من اول .. نطق بضيق وهو يطالعهم: ان شاء الله... طالع حميد وحرك حوايبه له حميد فهم عليه وقال لابوه: الغالي ترا عقب الغدا عازمينكم ع موفي تروحون تشوفونه ويانا ... ضحك ابوه وهو يقول: روحوا انتوا والبات وانا اومكم بنقعد في الشقه والتوأم خذوهم معاهم يغيرون جووو... طالع عياله بصمت وهو يتخيلهم من وضحى مسك ولده وباسه ويلسه بحضنه وهو يستودعه الله ويدري ان هالعمليه لها مضاعفات وايد عليهم بس لازم يسونها... (ظافر عنده توام أولاد مريضين عندهم القلب فيه ثقب ويضخ الدم في رئه وواحد من توام عنده مشكله في صمام القلب بيسون له تبديل فكلهم بيخضعون للعمليه في وقت واحد وزادت جروحه وضحى تذكر الحصان اللي كان مسمنه الوضيحي وغالي عنده هالحصان لدرجة ان ما يخلي حد يقرب منه) ... نرد لللواقع فاق ع صوت صريخ في المطعم لف وهو يشوف اثنين بنات يضاربن على ربيعهن اللي طلع يعرفهن كلهن مره وحده وخلاهن وشرد وهن يالسات يضاربن ضحك باستهزاء وقعد يلقم ولده طالعته مرته مريم وهي تقول : ظافر شو فيكك ... تنهد بضجر وبعد ولده وحطه بحضن اخته عهود وهو يوقف وقال من دون ما يطالعها: ما فيني شي ،، ضايق شوي أبا اشم هوى طلع عنهم وقف شوي وبعدها اتخذ جانب على طاولة الخارجية قعد وحط ايديه على راسه واتكىء عليه وهو يتنهد ويخلل صبوعه في شعره ويمط شعره بالقووو حس بيد ع كنفه لتفت طالع حميد: انتته شبلاك ان ما قلت لي شى فيك والله لايكون هذا اخر ما بيني وبينك تفهم ... خنقته العبره وده يعدل الصوت قال لحميد: شفتها... حميد بصدمه: وضحىىىىىى !!! هز راسه بهيه ونطق حميد: ظافر انته متاكد ان هي يمكن وحده تشوفها....!!! ظافر يمسك جاكيته ويعطيه نص ظهره قال : شوف وضحى اميزها من بين مليون بنتتت!!! ضاق صدر حميد هو ما صدق ع الله يطلع اخوه من الجو اللي هو فيه ومن معاناته ردت اليوم في حياته تنهد بضيق وطبطب على كتف اخوه وهو ساكت بعد مرور دقايق طلعن البنات وروحوا رباعه للسينما ودخلوا على فلم يحكي عن تكوين إيطاليا ونشأتها والقرى اللي فيها ،، الا ظافر عقله مب وياه مريم قاعده حوله ماسكه يده وتشوفه سرحان مب شي يديد عليها ضاق خاطرها زوود انه رد يعاملها مثلل اول سنة زواجهم مسخت دمعه من عينها وتنهدت بضيق بعد الفلم ساروا يتعشون سمع عليا تقول لمريم : فيج شي مضايقنج شي... طالعها ظافر برفعة حاجب ولا نطق ردت مريم: لا مافيني شي ... حميد قال لعليا: خطيبج بيوصل باجر ... من فرحتها قالت: واللله لفت ع ظافر اللي شافها كيف مستانسه وابتسم باستنكار رجع للورى وهو يتذكر كيف دخل على عليا وهو يعلن حب وضحى لها ويقولها قربي بيني وبينها وخلته يصارع الحب بروحه وبمجرد ما كانت تشوف وضحى تي عندهم وظافر يكون ملازم البيت ما يطلع كانت تنقهر من انها تخسر ولد عمها اللي اخته بتكون حليلة ظافر بعد ثانوية وضحى كانت تزور عليا ومسوين لمةً بنات ما كملت عشر دقايق من يت وضحى .. نرجع ليوم العزيمه ...في بيت بو ظافر .. ميلس الحريم .. كانن متجمعات البنات سوالف وضحك وشوي دخلت وضحى بعد ماعزمتها امنه ( امنه بنت عم عليا واخت مريم عزمتها لانها تموت في وضحى وعليا ما كانت تبا تعزمها خايفه من ظافر يصرح بحبه لها ) لما دخلت انصدمت عليا من وجودها فدخلت وضحى وسلمت على الجميع ويوم وصلت عند عليا.. عليا توقف وبلا نفس : مابا اسلم عندي كلمتين أبا اقولها لج .. انصدمت وضحى وخصوصًا كل الموجودات يطالعون.. بقهر وضحى ابتعدت وسارت عند عليا اللي مسكتها من معصمها بقوو وهي تطلعها برى الميلس وقالت بحده وهي ترفع السبابه في ويهها: انتي كيف تين العزيمه وانتى محدعزمج .. تضايقت وضحى من اسلوبها اللي تغير فجأه من دون سابق انذار قالت بغبنه وقهر: امون عزمتني بس انا ودي اعرف انتي شفيج ليش تغيرتي بشو ضريتج انا انتي سامعه عنى شي حد قالج شي عني ... هزت راسها بنفي وبعصبيه اشبه للصراخ: وضحى اللي بيني وبينج انتهى واذا امون عزمتج فمسموح لج تين بيتها مب بيتنا انا صاحبة العزيمه وماعزمتج فلوسمحتي تفضلي من غير مطرود انصدمت وضحى وتجمعت الدموع في عينها عليا ربيعتها من يوم هم صغار من صف روضه الى المرحلة الثانويه ... استسمحت منها وضحى وهي تقول: حقج عليه اني ييت بيتكم انا غلطانه واعتذر كان المفروض اتريا اتصال منج مب منها السموحه انى خربت عليج وطلعت وضحى وهي ما تعرف شو سبب تغير عليا عليها وانقطعت جميع اخبارهم الا امون تتواصل وياها من بعيد وعلى فترات بعيده وطبعا طافر كان يسمع كل حوارهن لانه كان ياي من العزبه يبا يدخل البيت وتفاجا عند المدخل بكلامهن كان وده يوقفها عند حده بس ما كان يبا يحرج بنت الناس ... انتهى ✅ |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 10 ( الأعضاء 0 والزوار 10) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شكد مشتاق الك بس انته ماجيت | تمرحنه | قصـايد ليل للخواطر المنقولة | 18 | 03-29-2018 01:27 PM |
| تكملة روايتي .." | عازفة وتر | قصايدليل للقصص والروايات "حصــري " | 23 | 03-13-2018 04:21 PM |
| روايتي .. | عازفة وتر | قصايدليل للقصص والروايات "حصــري " | 12 | 03-13-2018 11:32 AM |
| بسمة حلوه منك انته ... تصميمي منتديات قصايد ليل | الجنيبي | …»●[ريشهـ خلفهــا أنامــل ذهبيــهـ ]●«… | 17 | 05-09-2017 12:49 AM |
| غيرك انته يا حياتي عيني والله ماتشوف | إرتواء نبض | …»●[ كوني قـمرآ .. في ليلة العمـر ]●«… | 16 | 08-13-2015 04:14 AM |
 |
العرض العادي
