ديوان الشاعره تاج الغرور ..

تلميذتك علمتها كيـف تهـواك
.............ونسيت تعطيها لبعـدك مناعـه
مع كل فجة نور تصحى تقهواك
.............من نبض روحك تستمد القناعه





علمتها تزرع يباس الطين ورد
وتحصد الوان الشتات وتمزجه بالون طيف
تبتسم لك,تنتصر لك,تقلب اجوائك خريفك
وانت تمنحها قليل اشياء وتحسبها كفايه
لا وربي مااكتفت من طهر قلبك
من شغبها في يدينك
من تعبها في سنينك
موغله في الإحتياج
تعشقك تقلب شقاوتها لعينك ابتهاج
كانت اصغر مترفه ترقب حنينك
صارت اكبر شاعره في وسط عينك
واستمد النور نوره من سناها واستخار
عاش شامخ من لمس راحة يديها في جهار
مابقى للذنب وادي
كبله شوق الايادي
واستباح اجمل تفاصيل الحكايه






ماشفتها تجتاح بـردك وتدفـاك
................وتمنح مشاعرك البليده حـراره
تعطيك عطر(ن)ينتشي من حناياك
................وتمد لك مع كل غيمـه عبـاره



وتعود لك طفله تحلق في سماك
تشتاق لك
تنصاع لك
تطلب ارضاك
تحتاج من صوتك دفا
ومن لمسة ايدينك شفا
وتحن لك

تلميذتك تاهت بوسط المدينه
تبحث عن اسباب الغياب
وتسير في كل الدورب اللي توصل للنجاة
مجنونه لايمكن تتوب وهي تشوف انك حياة
يآآآآآآآه

تلميذتك كبرت وصارت تحتريك
تبغى تشوفك لانها توله عليك
تبيع لعيونك كثير
وتترك العالم بكفه وانت وحدك حبهالك شي كبير



كبير

كبير

كبير