قصائد نبــــض .,

يامسنّد/ن بكفوف الأوهـام خـدّك
ومـزوّد هبالـك تناهيـت حـاره
لاتزيدها اكثر والزم بـذوق حـدّك
مالك ومالـي والأذى والحقـاره؟!
جنّب طريقي لاالعن جـدود جـدّك
واكبّـدك باقـي حياتـك خسـاره
الزمره اللي حولك تشـد عضـدك
زمرة ضـلال وعايشـه بانهيـاره
صحبـه دنيّـه للمهالـك تحـدّك
لويش تتبـع غيّهـا والاشـاره؟؟
مصغره عقلك كانـه اليـوم ودّك
في برد وصل/ن اصطلي حر ناره!!
مسكين سارح بين الأوهام رشـدك
لمحت الأشقر تحسب انه حباره*!
"تبطي عظم" ماتاصل سهيل يـدّك
وتموت حسرة ما خذتني الاثـاره
صادفت مثلك ألف قبلـك وبعـدك
ضمير تايـه بـي تعـدّل مسـاره
ماكل سهم/ن يطلقه قـوس لـدّك
يوصـل مداه..ويستقـر بقـراره
قلبي العزيز اليـا بغيتـه يـودّك
خلّك رجل حتـى تنـال انبهـاره
ارفعه فوق الملعنـه و"التمـردك"
يجيك رافع رايـة السلـم شـاره
اما اذا قصدك..وقد بـان قصـدك
لفت انتباهـي وادعـاء المهـاره
لا تترك احلامـك لحتفـك تشـدّك
ياشاطر احنا من بدعنا الشطـاره
ابعد وحاذر من هجوسـك تـردّك
للشهد وانتـه مرجعـك للمـراره
اخشى عليك من النتيجـة تهـدّك
لاطاح قدرك..ثم ضاع اعتبـاره!!!

يا سلام الله على اللي مالهـم غيـر النـب ...
وانعم اكرم يا نجوم(ن) حققت كل مـا تريـد!
يومه المحظور عـوّد لجـل "عمتهـم" مبـاح
والمعالي عـن سماهـم فـي ترفعهـا تزيـد.
حقّروهم ، وأوجعونا ، وأثخنوا فينـا الجـراح
علمونا في "وقاحـة" الـدروس اللـي تفيـد.
عامنـا الأول و"عيـد الحج"فينـا مستـبـاح
وأغرقونا ف" دم غزّة" مطلـع العـام الجديـد.
لي متى يا ابناء يعرب والعروبة في صيـاح؟
لي متى صهيون سيّد ونتـم لأمـره عبيـد؟؟
يا ارض بابل تاج مجدك من رياح الظلم طـاح
شفتي كيف الحظ الأقشر؟كيف ضيّعنا الوليـد؟؟
مات فارسنا وأنا أشهد انـه اقفـى واستـراح
ارتوى كاس الشجاعة..عاش سيد ومات سيد!!
نفسها الأحداث تجـري والعمـر ولّـى وراح
واحنا للمسرى نناظر ،ننـدب الحـظ العنيـد
لوثوا أنفاس العذارى، لطّخوا طهـر الصبـاح
حطّموا سمر السواعد بين سلسـال(ن) وقيـد.
جرحنا يا دم غزّه جـرح(ن) اسمـوه انفتـاح
انفتـاح بفكـر مغلـق واحتبـس دم الوريـد
يوم قالوا...حنا قلنا، عـزّز القـول اكتسـاح
وحنا في "الكاس الخليجي"غاية الهـم الأكيـد
اعتلـوا "قمـة" قممنـا ،جرّعونـا الـذل راح
لين بركان الكرامـة للأسـف اصبـح جليـد.
غصن زيتون(ن) تجرّح ، والحمامة بلا جنـاح
والسما آفاق حلـم(ن) صـار تحقيقـه بعيـد
غزّة يا دمـع اليتامـى، يـا تراتيـل النـواح
يا دما وجه الطفولة والكفـن فستـان عيـد.
شفت حلمك ياالبـراءة وعـد تنثـره الريـاح
شفت في عيون الأرامل نظرة الفكـر الشريـد
نـدري يـا غـزة بأنـه بـارق التأبيـن لاح
ومن ضياعك يا الحزينة نعرف اللي مستفيـد.
آآآآآه يا غزّة لك الله كلنا أجسـاد(ن) صحـاح
البلا في قلوب ماتت ...والمحاجر مـن حديـد
حنا لو جيناك نزحف ، نطلبك بعض السمـاح
مالنا للعذر وجه ....ووش بقا به من رصيد ؟؟
الكرامة اللـي تبعثـر تحـت تهديـد السـلاح
كبّري أربـع عليهـا وادفنيهـا مـن جديـد ..