فديت المبسم اللي ومن لى غيرك

مساء الخير
السلام عليكم ورحمة الله وبركاته
بسم الله الرحمن الرحيم

كثر ماللفـرح بسمـه كثرماللـحـزن الــوان
كثر مـاتكسـر الدمعـه شمـوخ الـذات وتذلـه..

كثر ماللسهر مرسـى بجفـن العاشـق الحيـران
كثر مـا للنـوى قصـه معـه والـراوي الملـه..

كثر ما لوعة الفرقـا تشـاف وتنقـري وتبـان
على وجـه المفـارق والجـروح قـدام ومجلـه..

كثر ما أشقت الغربـه مسافـر راجـعٍ ولهـان
كثر ما حـن لبـلاده كثـر مـا فيـه مـن علـه..

كثر مـا يبتسـم طفـلٍ نهارالعيـد بـه فرحـان
كثر دمع السحاب اليا سقـى خـد الثـرى غلـه..

كثر ما للوصل نبره يجاوبهـا صـدى الحرمـان
كثر ما صبري الموحش تعبـت اسقيـه وآعلـه..

كثر ما احبـك احبـك شقـاي وراحـة الوجـدان
غلاك اللي نهب قلبـي ولا لـه حـد ياصل(لـه)..

فديت المبسـم اللـي لا تبسـم ينطـق الرمـان
فديت عيونك اللـي يبتـدي منهـا العنـا كلـه..

احبك وان رضى الراضي ولو هو يزعل الزعلان
واحبك كثر مـا رمشـك يصافـح وجنتـك ظلـه..

حبيبي وقتي الماضي عرف وش قيمة النسيـان
عرفتـك وانجلـى هـمٍ حجـاجـه دوم منفـلـه..

هويتك والبشر عندي عقب عرفك غدو سيـان
وانـا يـا منوتـي مانـي لغيـرك ملتـفـت لله..

طلبتك كان لي قلبٍ معـك ضايـع بـلا عنـوان
اما نه تتركـه ضايـع معـك ارجـوك لا تدلـه..


من اللي غيـــــرك!!

ياصاحبي دنياك هذي عجيبه "

"والوقت يا (فهاد) للناس خداع

كيف الخوي ياناس ينسى صحيبه "

"من عقب ما كان لمشاكيه سماع

اليوم صدري ودي آشق جيبه"

"ياكود انا القى لضيقة الصدر مطلاع

جتني على صدري هموم ٍ عصيبه"

"وابحرت فيها دون مجداف وشراع

يامن رمى ذاك الحجر في قليبه"

" وحرك سكون الجّم والناس هجاع

قلت: الطفل معقول؟؟ ينسى حليبه"

"يمكن..ولكن كيف؟! يذكر الياجاع

واخذت افكر بالفياض الرحيبه"

"يمكن بعد تنسى وفا الغيم للقاع!!

يا وقتنا والله ناسك غريبه"

"هذي صحيح وجيههم اوهي قناع!!

اشوف ناس ٍ من بعضها قريبه"

"واشوف ناس ٍ قربهم كنه وداع

واليوم يا(فهاد) بالنفس ريبه"

"يا صاحب ٍ كنت بيمينه له ذراع؟!

قل لي: وخبر صاحبك ويش عيبه؟؟"

"او عيبه: انه للوفا دوم تباع

وقل لي : من اللي غيّرك لأجل اجيبه"

"واعلمه من كان يشري وينباع!!

ان كنت ما تدري فهذي مصيبه"

"وان كنت تدري شف مسافات الاوجاع...

ترى الخوي وقت الشدايد يجيبه"

"والا الرخا كل ٍ يجي فيه فزاع

نسيت عشرة صاحب ٍ تلتجي به"

"ونسيت يوم نقسّم الهم بالصاع!

اي والله اشره والعتب ويش ابيبه"

"دام العتب مثل الصدى وسط الاسماع:

واحذر ترى دنياك هذي عجيبه"

"ووقتك ترى يا صاحبي دوم خداع...

راقت لي حيل للشاعرصآلح السكيبي