موت المشاعر.

ياما سهرت اكتب على صفحتـي ليـت




ولاسمعـت الا صـدى صـوت قافـي





فينـي طمـوح إنسان..مهمـا تمنيـت




منفاي حلمي .. وانـت كلـك منافـي!





من خلف شبّـاك الامـل يـوم طليـت




لقيت شمعـه .. لكـن النـور طافـي!





وجلست اصافح ضيقتي .. لين عزيـت




موت المشاعر.. مـن يديـن المجافـي





ويوم اختلف لوني .. عن الناس صديت




مابـي اوضّـح ضيقتـي واختـلافـي





وطعنت غيم الدمع .. من يـوم قفيّـت




ليـن اغرقـت دمـع العيـون الفيافـي





عـذراً .. أنـا إنسـان مايـوم حبيـت




لو شفتني ب..أرضك على الشوك غافي!





لنـي غلطـت انـي بحبـك تماديـت




مفـروض انـام ب..قـد مـدة لحافـي





ياللـي بقلبـي عـن بـرادك تدفـيـت




ضميتني .. لين اصبـح البـرد دافـي





على دفـا (رمـل المشاعـر) تمشيـت




وجيتك على (جمرة مواصلـك) حافـي!





شايل زهابي جـرح .. لكنـي اخفيـت




والجـرح لـو بخفيـه ماهـو بخافـي





لكن !! نسيـت اذكّـرك لـو تناسيـت




قبل امس .. جرحي كان ماهو بكافي!؟





اكره كثيـر اشيـاء ..لكنـي اخطيـت




والجرح يمكن بعـض الاوقـات شافـي





ماشفتني لامـن تباطيـت لـك جيـت؟




ياجعل كل جـروح صـدري عوآآآفـي


منقول.