بلا رقيب / لعاشقه ديرتها ، كاملة

قيس

كل مايتذكر صوتها وهي تبكي

وتطلب منه يتركهااا ماتبغى تنزل ينقهر منها وعليها

يعني اللحين امس سامع كلام يسم بدنه عن زواجهم

واكيد اللحين ماراح يرحمونها ليش جابها وحطها بوجه المدفع

هي بكت ورفضت تنزل عشان كلمه تافههه

كيف لو احد لمح لها بشي ... بس سارا ماتفهم ماراح تستوعب التلميح ...

ماتفهم هذي الكذبه اللي كذبها وصدقهااا ..



خلف

صحيت على جوالي اللي يدق متواصل..

قفلته بدون ماشوف المتصل ناظرت بالساعه كانت 5 ليل نهار مأدري...

تذكرت اني نايم قبل الظهر .. وين المنبه اللي وقته على صلاة الظهـــر ..

بعد نص ساعه كنت نازل تحت ...

خلف :تعالي وين امي ...

:مدام روح مع مالك ...

اووف هذا كيف نسيته ...زين طلعته امي مامات علي ...

خلف :جهزيلي اكل وقهوه ووطلعوهااا للمجلس الملحق ..

امي وين رايحه مع مالك وبهالحزه

مانتظرت الأكل اللي طلبته ركبت سيارتي وطلـــــعت ...

ولامكالمه منهــــااا ..

طيب قوليلنا كالعاده انك انتصــــرتي ..اتصلت عليها

متوقع أي شي الا ان جوالها للحين مقفــــــل ..

وين راحت هذي ...

وين الزفت رقم بيتهم ...

اتصـلت عليه ..

خلف:وين مشاعل...كيف ماجت ..طيب وينه يعني ...

قفلت السماعه يوم سمعت مادري

شلون مايدرون هذي كيف عايشه محد داري عنها وين تبات من وين تجي وين تروح ...

والله اللي بتجنني ...

اذا خواتها مايدرون وين هي من بيدري...

فكرت شوي وطرت علي سعاد ..

كانت خويتها اكيد تعرف وين تنام عاده ..

اتصلت مباشره عليهااا..

خلف:جهزي نفسك بمر أخذتس ..لشفتس تعرفين وين ..؟!


.

.

رجع للبيت واخذ اخته

كان يكره احد يعرف بضعفه اتجاه النساء

واللحين ماعنده مانع يكشف حتى

صدهم له ..

ليه وش اللي تغيــــــر

كلها استفهامات هو بنفسه مو فاهمهااا...

.

.

سعاد :انا مأدري وش عرفني وين راحت اصلاً انا وهي متهاوشين

خلف:انا ماجيت اطلبتس اقول اللحين تعلميني وين تبات فيه ....

عند أي خويه لكم ..واكيد انتس حافظه عوانين بيوتهـــم ..

اكره شي عنده الواحد اللي يجلس يناور

وهو بالأخير مصيره يعترف...

يوم ماشاف فيه رد منها

صرخ عليها وكله نرفزه

خلف:انطقــــــــي ...

سعاد :اوووف مو بيت شقه ...

حس بنارتشتعل فيه ..

شقه ..شقه ..شقه

وش يسون بشقه

خلف:ياحيوووووووووانه

سعاد:يووه بليز لاتفهم غلط شقه نتجمع فيها مو عندكم استراحه تجمعون فيها بعدين لاتحكم لين تشــــــوفهاااا...


سعااد

من اتصل علي حسيت فيه مصيبه بالموضوع

الله ياخذ مشاعل اللي مايجي وراها غير المصــــايب..

اضطريت اقوله عن الشقه لأن خلف غصب طيب بيطلع الكلام منــي

ويمكن يذبحني عشان كلمه

فضلت اقول اللي عنــــدي هو اللحين مشغول بمشاعل ماهـــــو فينــــــي

..

يمكن اللحين تأخذ جزاتهااااا اللي طال انتظارها اتمنى من كل قلبي يظربها يلعنها يطلقها أي شـــــي بس يبرد قهري فيهــــــا

اللعينه هذي حيه من تحت تبن للحين ماني مصدقه كيف هي عايشه بعد اللي كشفته عنها وكيف قدر تقنعه انها بريئه ...

...

طاح قلبي يوم وقفنا قدام البنايه اللي فيها الشقه

سألني بنرفزه احس نفسه يذبحني

خلف:هذي العمارره ..

سعاده :ايه هي ..

خلف:معتس مفتاح الشقه ..

معي مفتاحها بس ماكنت اشيله لأني

ماحب ..

سعاد:لااا مو معي ..انا مامعي مفتاح بس اجي لعزموني..

صرخ علي

خلف:لو معتس مفتاح طلعيه لاتذيكين علي ..

لصقت بالبـــــاب من الخوف

سعاد :والله موو معي

خلف :انزلي الله ياخذتس...

نزلت اوووف الله ياخذك وياخذ الحيه معك

حسبي الله عليها انا اتهزأ عشانه المشرشحه بنت .......


سارا

ياربي شمس وحر وذولا مصدقين انفسهم يتمشون

ويلعبون ويشووون ياكبدي بالحر والقرف هذا ..

قسم بفطس مو حاله هذي

ياربي ودي بمكيف ومويا باررد متعبي قطع ثلج ...

لو ويقولون توه ربيع مابدى الصيف قسم الشمس بتصهرني

ويقولون ربيع مصدقين فيه بالسعوديه ربيع مالت بس ....

بالأخير ماتحمــــلت ورحت اركب بسيارة قيس ...

ركبت غمضت عيوني احس بنجوم برتقاليه

اخخخ شكلي خلاص تحولت لماده سائلة وماعاد حسيت بنفســــي ..


قيس

كل ماناظر جهة الحريم مايشوفهاااا

وين راحت اختفت ليكون مانزلت من السياره ...

نادى ولد اخته منيره يسأله ...

قاله انها كانت جلست عند الحريم بعدين مايدري وين راحت

تطمن قلبه يوم درى انهـــــا مابقت طول الوقت بسيارة

زين التطنيش نفع فيهـــا

مضى الوقت بعدها بسرعه وتعمد أنه مايناظر جهة الحريم ولايفكر فيها بس غصب كل بعد شوي تطري عليه ..

مره يفكر فيها لشرب شاهي

اولأكل

او لمرة هوء بارده ...يفكر كيف هالأمور مرت عليها

تحس بطعمها المميز بالبر ولا للحين كارهه الطلعه ...

ماهو قادر يحس بالسعاده وهو يحس انها حزينه ..

مايدري وش هالأهتمام فيها اللي صار يسكنـــــه

صار يهتم بأحساسيها اكثر من اهتمامه بنفســه ..

غباء انه يعلق نفسه فيه لدرجة هذي

خصوصاً بعد قصة حبه اللي انؤدت

بمبـــاركتهـــاآآآ...

طيب ليش يربك نفسه ويزعج أحساسه ...

دام الموضوع جايز له ويحس براحه

اهم شي سعــادته اليوم ليش يفكر بالمستــقبل ...


ضحى

اتصلت عليه سألته وين قالي انه طالع مشوار وماراح يرجع الا بعد العشاء وبيمر يأخذنـا ..

اللحين اقدر اروح للبيت واضبط للأنتقام اللي خططت له

اخذت أغراضي ووصلني سفر للبيت ..

رتبت اللي ابغى هذي حفلة الأنتقــــــام ..

طلبت من الأكلات اللي ترفع معدل السكــر توب ..

وبنشوف وش تســوي ياعساف والله لأطلع روحـــك ..

ولبست احلى واكثر لبس املكه فتنـــــه ..

تزينت بطريقة عمري ماسويتهااا ..

مأحب التصرف بهالأسلوب احس اني انسانه رخيصه

بس هو اللي بدأها وانا بعـزف على هالـــــوتـر ..

والله لأربيك ..كانت الكلمه هذي اللي تردد على لسانك كل ماسويـت شـي .. كنت مجهزه التقارير

اللي لقيتها وحاطتها بمغلف ومغلفتهااا بتغليفة هدايا

ههههههههههههههه ...


عسـاف

مشتاق لضحى وللعيال صدق البيت بدونهم مقبـــــره ..

اليوم اللي يمر علي من دونهم ماينحسب من حياتي ..

اتصلت على ضحى على اساس اقولها تجهز عشان بمر اخذهم بس فاجئتني يوم قالت حنا بالبيت ...

سألتها ليش قالت مسوي مفاجئه

وان العيـال ماجابتهم معهـــااا ...

الشي هذا اذهلني

قفلت المكالمه بدون شعــــــــــور

معقـوله ضحى ومسويه مفاجئه .. مشاعــــر دافيه

اجتاحتني دايم كنت ابحث عن الأستقرار بمشاعري

حتى لو مأصرح كثير اقول اني احب التغيير

وماقدر استقر بحياتي

لكن بداخلي كنت ادور على الأستقــــــــرار

يوم كانت تكلمني وتقول عن المفاجئه

صرت اشوف قدامي سنين طويله من السعاده تنتظــرنا ..

استقرار سعاده وحب من الطـرفيين ..

كلام مغفل بس هو اللي فعلاً أحس فيه..

انا مابغى تجديد بحياتي ولاابغى اغير ابغاها تبقى كذا وتستمر ...


خلف

وصلت للشقه الملعـونه مادري أي بلاوي تصــير فيها بس اللحيـن بشوف بعيـوني ...

دقيت على الباب باقوى ماعنـــدي ... ثواني تحولت لدقايق ..

ورجعــــــت ادق بطريقة اقوى لين وصلني صوتهـــا

مشاعل :من هناااك ..؟ّ

سحبت نفس عميق وزفرته

سحبت سعاد عند الباب وقلت لها تكلم

مادري ليش طرى لي اسوي هالحركه بس حسيت انها ماراح تفتحلي ...

سعاد :انا افتحي مشاعـــل ..

اول ماحسيت الباب يتحرك بينفح دفيته ودخلــــــت ..

خلف :هذا وكرك يا******* ...

مشاعل :توقف عن اطلاق الشتائم ارجوك لست بميزاج لسماع بذاءة لسانك ...

خلف :اجل بميزاج لأيش ياحياتي ...

مشاعل:لماذا احضرته إلى هنـــــااا ..

تنرفزت منها لأنها تجاهلتني وتكلم سعاد وكانها مو شايفه رجال قدامها

خلف:وجهي كلامك لي وليش ماتبيغينها تجيبني هنا وش عندك من

بلاوي خايفه تنفضح

مشاعل :ياعزيزي لأن هذا المكان للفتيات فقط ووجدك هنا جريمه بحقــهن ..فأنا لن ارضى بوجود رجل غريب في ماعتبره منزل اخر لي ....

ضحكة عليها باستهزاء تحسب بتلعبها علي ...

خلف :اللحين نشوف منزلك الأخر وش فيه ..

فتحت كل الغرف وكل مكان ابغى شي ادينهااا فيه مالقيت ...

اجل وش يسوون هنااا

مشاعل :فقط لو اعلم عن ماذا تبحــــث لاعفيك عنا البحث ...

لفيت عليها بنرفزه

خلف :ليش ماجيتي امس..؟؟؟؟


مشاعل

صحــوت بذهول كم من الوقت قضيته بالنوم وأنا لأشعــــر..

مازال هاتفي بيدي لقد كتبت رسالتي الشامته التي سأرسلها لخلف

وقررت ان اعطيه المزيد من الوقت قبل ان ارسلها وبعدها لأعلم ماحدث حتى هذه اللحضــه صحوت علــى دق متواصل على البـاب .. بشكل تلقائي ذهبت لفتحه ولكن تداركت نفسي وسألت من بالخارج

كانت سعاد رغم عدم ترحيبي بها ولكن اضطررت لفتح الباب لأتفاجأ بوجود خلف شعرت بغيض كبير يشتعل بداخلي لماذا أحضرته إلى هنا

يال بجاحتهـــــا ...

.

.

اخيراً توقف لأنه لم يجد أي شيء يدينني ..

خلف:ليش ماجيتي امس ..

رفعت هاتفي بوجهه ليقرأ الرساله التي كتبتها ولم ارسلها ...

مشاعل :هنا السبب كنت سأرسله لك ولكن النـــوم غلبنــي ...

سحب الهاتف من يدي وحدق بالرساله وكأنه يقرأ كل حرف بمفـرده لم تكن طويله فقط عدت كلمات ...

"يأسفني أن اخذلك

ويسعدني بنفس الوقت

"

خلف :ماني شايف الا فلسفتك ...


سعاد

انا ماني قادره استوعب هذا اللي كان بيذبحني

طاقها سوالف معهــا

يقهــــرني

وين الرجوله

وين الصراخ اللي ينسمع باخر الشارع مابقى الا يبوس يدها ويقول سامحينــي ..

اللحين ساحبني من بيتنا مثل الشغاله ..

ومبهذلني ويتهمني

وهي ماقدر حتي يقولها وش تسوين بالشقه

ماكذبت امي يوم قالت ساحرته ...

حسيتا اني بنقهر لو بقيت اكثر...

سعاد :انا انتظرك تحت

وانتظرت اشوف رد كلمه للحين واقف مقابلهااا وهي تناظره

بتحدي ...

حقدت عليها حسيت بنار داخلــــــــي

وش النعمه اللي تعيش فيها ليش الناس دايم تحبها

حتى خلف اللي ماعمــره رضح للمره متعلق فيها وشكله عاشق وهيمــان ليش وش فيها زود هي تعجب الناس ..

وش هالحظ اللي تملكـــــه ...

طلعت قبل مامــــوت بحرتي ..

جلست انتظر بالسياره مرت ربع ساعه كأنها سنه

وبعدها وصلوا يسحبـــون رجـولهم ..

وواضح عليها الأميرة مشاعل مو عاجبهااا تركـــــــب معنااا

كان المشوار سم على قـلبي ..

ماصدقت ينـزلونـي ...ويمكن هم بعد ماصدقــــوا ..

نزلت وانا اسمع خلف يتهاوش معها عشان مارضت تركب قدام ...

حركت رجولي بسرعه ودخلت مع البوابه الداخليه اللي كانت تفصلني عنها خــطـوات ...

دخلت بسرعه وعلى المصعد نادتني امي اللي كانت جالسه مع مالك بس مارديت عليها ...مو ناقصه ..

يارب مصيبه تنزل على هالمشــــاعل انا لازم اقول لأمي تدبرلها مصيبه تفكنا منها...

ماني قادر اتهنى بحياتي وهي زوجة خلف ...

قبل ماطلع من المصعد رجعت انزل فيه

ماني قادره اتحمل بقول لأمي اللحين لازم تشـوف لنا حــل

هذي آفه بتقضي عليـــــناااا..

دخلت عليها هي ومالك اللي كان رايق ومبسـوط على الأخــر ...

باشا:زين جيتي احسبك ماسمعتيـني..؟!

سعـاد :الا سمعتك بس من قهري مارديت

مالك :اوب ماعاش من يقهرك وش السالفه

مادري اتكلم قدام مالك او لااا ..اخاف منــه ...

سعاد :من غيرها العقـرب باطه كبـدي

باشا:وش عقربه

سعاد:مشاعلووه عساااها الموت ..

حسيت ملامح مالك ماتنـوصف كان وجهه قفل فجأه عصبيه

مادري علي او عليها..

اما امــــي فكل ملامحها واضحه حسـره على ولدهااا...

باشا:بعد هالكلام انا مرتاحه للي سويته ..

سألتها بحماس توقعت مسويه شي يقهر مشاعل

سعاد :وش سويتي

اللحين تكلم مالك اللي احسه رجع مبســـــــوط

مالك: كتبتلي وكاله عامه على كل شـي تملكه يعني بدوني انتم ولاشـــــــــي ...

ماصدقته

سعاد:متى هالـكلام ...؟!

مالك :من يومين ومن شوي طلعنا انا وامي نحتفــــــل ...

ايش ياحبيبي خلصنا من خلف جانا هذا

قمت متنرفزه من عندهم بدون كلام

قسم قهر هالأخــوان كل واحد يرفع ضغطي زياده

يعني انا مالي نصيب لسعاده ولامال ...


خلف

يعني الموضوع انقلب على راسي

صرت أنا الغلطان اللحين ..

خلف:يعني شلون ماراح تردين ...

من كنا بشقه فجأه صارت ماتبغى ترد على كلامي ...

والتزمت الصمت وكأنه عقاب جديد..

خلف:مشاعل والله مو حل جالسه ورى وساكتــــــه ..

من اليوم اطلب منها تجي قدام ورافضه واللحين قامت وركبت قدام

وكملت سكوتهااا

تأففت وحركت السياره

ودي اهزها واخليها تكلم غصـــــب

بس هذي ماتقهــــر قويه ماتخااف ...

خلف:طيب وبعدين ..وين تبغين نروح ..؟!

مافيه رد .. مايتحمل تجلس معه وهي

ساكته وصلهــا عنـد بيتهــم ..

قبل ماتنزل لفت عليه وقالت ..

مشـاعل :سأحدد زفافنا الشهـر القادم ارجو ان تلتـزم بذالك ....

وقبل مارد عليها كانت طالعه من السـياره ومقفله الباب...

اللحين هذا وش طرى عليها العرس

صدق ماهو وقتهــا ..اللحين معصبه

لهدت اتفاهم معها مو وقته ابد ..


قيس

بعد ماراح الكل مشى لين سيارته توقع انها جالسه هناك تعبير عن غضبها مايدري من متى وهي هناك لكن الاكيد انها مو مده قصيره ...

شافها نايمه ورى بطريقه تكسر الخاطر جالسه ومرتخيه شوي بحيث اللي برى مايشوفونها ومنزل راسه على كتفهاااا ..فتح الباب وجلس على رجل ...

قيس:ساررا

صحت ناظرت فيه بعيون تعبانه

سارا:وشوو..

قيس :من متى نايمه ..

جلست تلفت حولهاا وكانها لسى ماهي مستوعبه وين هي

ولفت تقول ببراءه

سارا:مادري .؟!

قيس :طيب تعالي انزلي لتعوقين من نومتك هذي ...

انتفضت اول ماحطت رجلها برى السياره

سارا:برد ..

ردد كلمتها بمصخره

قيس :ايه برد شوفي الساعه كم.. شوي وتغيب الشمس ...

سارا:ياربي من 11 انا نايمه ..

قيس :يعني ماتغديتي ..

سارا:لا وععع اصلاً شكل الأكل مو شي ...وين الناس

قالها وهي توجه للمحل النار اللي تحولت لجمـر

قيس:خلاص راحــوا ..

سارا:طيب خلينا نروح يالله يخوف الجو ..

حط الدله اللي كان مجهزها قبل يروح يشوفهااا على الجمـر

قيس:مستحيل نرجع اللحين هذا احلى وقت ..

جلست ومدت يديها للجمر بتدفا

سارا:حرام والله برد بعدين بيصير الجو يخوف وظلام الله يخليك والله بنجن ..

قيس:من حلاة الجو بتنسين الخوف ...

رجعت بطريقتها الحنانه

سارا:لا انت ماتعرف والله اخاف ..

تنرفز عليها

قيس:خلاص سارا ماحب النكديه ..

جلس تأفف وتظرب برجلها الأرض

قيس:لاتسوين كذا هذا وقت ظهور الجن ترى بتدعسين على احد منهم ..

ضحكته قفزتهااا

سارا:ياربي بموووووت انا..

قال وهو يوخر يدها اللي تشبثت بكتفـــه

قيس :اجسلي عاقله ومايجونك ..

سارا:لاتكلمني كاني بزررر اوف ياليتني نايمه وكل هذا حلـــــم

..

قيس:مافيه طلعات بر بالحلم ..

سارا:انا قصدي كل شـي ..

حس بقصد بكلامهااا

قيس:قصدك اننا مع بعض ..!!

سارا:ماردي..

قيس: الا قصدك كذا ..

سارا:اووف قيس لاتسوي كذا كانك تعرف كل شي ...

قيس:قصدك اني ماعرف نوايا الناس ... بس ياسوير فيه كلام واضح المقصد منه ...

محب ينكد على نفسه وخاصه انه اليوم تنكد بسببها بما فيه الكفايه

تعمد ينغزهااا بالأسم اللي تكــــــره عشان يوضحلها انه مازعل ...

رغم انه مقهـــــور ماهو زعلان بس ..

سارا:طيب اووف لاتقول سوير بعدين جيعانه يالله ابغى اكل ميته جوع ...

قام للسياره وطلع عزبته اللي شالها من شوي ...

نزلها جنب النار وبدا يطلع منها اغراض ورجع يأخذ مويا من السياره ...

سارا وهي تطالعه بذهول :وش تســوي ...

قيس:اللحين تشـوفين ..؟!

سارا:يووه هذا دقيق..

قيس:ايه ..

سارا:وش بتسوي فيه..

قيس:بسوي قـرص ..

سارا:قرص وش ..

قيس:اووووف وانتي خكريه ..

سارا:اول مره اشوفه ..

قيس:يعني خبز بالجمــر...

سارا:تبغاني اكل جمر خبل انت اقولك جيعانه تقول خبز بجمــر..؟!

نزل اللي بيده قبل ماينكب من يده اللي تهتز مع باقي جسمه من الضحك..

سارا:اووووف لاتضحك غبي ويضحك على نفسـه ..

حرك يده قدام وجهه اشاراه انه مو قادر يتحمــــــل ...

قيس:سارررا يرحم والديك انتي وين كنتي عايشه ...

سارا:ببيتنااا

قيس :والله احسك كنتي عايشه بأمريكااا مو بيتكـــم اجل قرص ماتعرفينه ...

سارا:لا ماعرفه هو قرص اوخبز بالجمـــــر...

قيس:وش فيك نسيتي خبز جمر محشي بالجمر الله ولا ألذ ...

كمل شغله وحط العجينه بقصدير على الجمــــر وغطاه بجمـر ...

وعلى جنب حط ابريق الشاهي ...

سارا:اللحين وش بيصير

قيس:بتجينا عربية الخبز وترمي علينااا خبز ..

سارا: تتمصخر علي ...

طنشها شوي وهو يطلع جواله يفتحه

سارا:اصلاً مافيه ابراج لاتصرف

لكن قيس ماكان معهـا كان مشـغول يشوف بعض الصور

ووقتها طرت على باله فكره توجه للسيـاره بدون أي كلام

فتح درج اللي جنب سواق وطلع الكاميـرا منه ...

مايدري كيف نساها طول اليوم واللحين طـرت عليـه ...

طلب من سارا اللي جالسه تحرك الجمر بتقليد له

..

قيس:خليه وتعالي اوقفي هنااا

قفزت من مكانها بفرحه يوم شافت الكاميـرا

وقالت وهي تمد يدها له

سارا:بصور الله يخليك

هز راسه بايه

قيس:طيب بس اوقفي بصــــورك

سارا:تصورني مو تقول لاتصورين نفسك ...بعدين شكلي مبهذل ..

قيس :سارا لاتضعين علي المنظــر اوقفي هناااك عند الحصاه ذيك...

برطمت سارا ثم راحت توقف بالمكان اللي اشر له وهي مقهــوره كيف بيصورها وهي شكلها مبهذل كذا ...حتى وجهها ماغسلته من صحت ...

كان المنظــر خرافي بنظره سارا ووراها غروب الشمس كانت كأنها واقفه مجاوره لشمس وتصور معهااا ...

سارا:اوووووف خلصت تصوير

قيس :لحضة شوي بس ...

سارا:طيب اوه حسيت اني باراك اوباما على هالصور..

قيس:سارا ابتسمــــي وخري الكشره ..

انقهر يوم شافها تطنشه وتجي تمشي

سارا:خلاص جاء دوري بصور المناظر الطبيعيـه ..

رفع يده لأبعد حد عنها

قيس:روحي زين مالقيتك الا اعطيك كامرتي ..

ضحكته نظرت الدهشه والصدمه

اللي بعيونها

سارا:حرام عليك وعدتني

رد عليها وهو يتوجه للسياره ويحط

الكاميرا بدرج ويقفل عليها

قيس:واخلفت وعـدي تصير كثير..خليني بس اشوفك قرصك يالجوعانه ...

سارا:بس حرام ياربي منك ليش تسوي فيني كذا ..

طنشها وهو يصب له كاسة شاي ويصب لها مثلهاا ..

قيس:سوير لاتخربين على نفسك ترى اذا خرب ميزاجــي انتي اللي بتاكلينها ..


سارا

ياربي كنت حاسه ان اليوم هذا من بدايته شين

اللحين بعد جالس يهـدد ..

يعني انا وش بسـوي بحياتي

معقــوله كذا تكون حياتي مرتبطه بميزاج شخص ثاني

اذا راق خير ونعمه

واذا عصب ياويلي

حياه مملـــــه ...

ياليت ارجع مثل قبل مع ملاك اذا عصبنا وناسه

واذا رايقين وناسه

مودنا واحد ...

ماني مضطره اتحمل ميزاج أحد ..

بس اووف الحياه كذا ..

كلت الخبز اللي سواه طعمه غريب وماعجبني

لأني اكتشفت ان الدقيق بر ...

وكذا بس حسيت اني فقيره ..

صارت الدنيا ظلام مافيه الا النار ...

ويوم قام قيس يصلي تخرعت مع انه واقف قدامي يصلي بس خايفه

وكل ماقلت بنرجع يقول تو الناس ياربي برد وظلام وخايفه وهو مبسوط ...

وحتى ماصليت لأن ماقدر اتوضأ مافيه حمام ..

سارا:يالله خلاص قيس خلنا نرجع ...

وهو يرجع يجلس قريب من النار ...

قيس:ليش تو الناس مو كل يوم طالعين البر..

ياربي الأنسان هذا بيجنني

سارا:انا هالطلعه كفايه علي والله بموت

انت ليش ماتحس فينــــي ...

بعد كلمتي هذي حسيته تنرفز وعصــب....

وقام بنرفزه وبدأ يجمع الأغراض واخيراً

ركضت وركبت السياره اووووف بسرعه انقهرت يوم شفتـه

يطفـي النار هي بتطفي من نفسها ولابس عشان يطفشنـي..


قيس

كان مقهور من نتائج الطلعه اللي أكدت له انه

هو سارا بينه فوارق كبيــــــرهـ

مافيه بينهم أي صفات مشتركه

حتى بالأمور العامه

اللي كان من الممكن تجمعهم ..

كل ماقال انه وصل يكتشف ان قدامه

مشاور طويل حتى يوصل للأستقرار والقناعه

ان حياته مع سارا ممكن تستمــــــــر ..!!

كان يحاول يشاركها معه بالأمور اللي يحبهــــــا

لكن هي مستحيل تفهم الهدف من حركاته

كل اللي تفكر فيه انها يبغى يقهرها ويفرض رايه عليهــا...

وتقهره اذا قالت ماتحس فيــني ...

ماتدري ان كل تفكيره فيها وكيف يريحهااا

ياترى بيقدر يستمر معها رغم الفرق الكبير بمستويات التفكير بينهم ...



ضحـــى

وصل أخيراً حسيت نفـسي بأختبار ولازم انجح فيه

مضطره اجامله واوضحله مشاعري عمري ماحسيت فيها

بس عشان اطلعه فوق ولاانكشفت الأوراق تتكسر احلامه ...

كنت عارفه اني املك قدرة رومانسيه مالها مثيل

عمري ماجربت استخدمهآ مع احد ولا حتى اللي كان ينقال عنه زوجـي ....

بس عشان ارد كرامتي باستخدمها واستخدم كل قدره املكها وتساعدنـــــي ..

استقبلته بسلام ماكان يحلم فيه

كان واضح عليه الذهول ويمكن تردد

معقـــوله اليوم اكتشف انه ذكي ..

لكن اللي تأكدت منه ...انه متررد

لأن عنده مشاعر يخاف اكتشفهااا

ماني عارفه ليش خايف ولا أبغى اعرف لأنه اكيد اسلوب خبيث من اساليبه ...

بعد ساعه من وصوله خبرته أن العشاء جاهز

رفض وتعذر ان اليوم مو يوم أكل ..

بس ماعطيته مراده ...هذا نص انتقامي

ماراح يرضيني الا وانااا اشوفه طايح

يتوجع ....او داخل بغيبوبة سكر ..

ضحى :يالله عاد قوم حبيبي شوف الكيكه اللي مكتوب عليها اسامينا وسط قلبين ...

وان شاءالله هذا اخر شي يجمع اسامينــــــــا ...

بعد ماجلسنا على طاولة الطعاام اللي تبعد كراسيناا مسافة طويله عن بعض حسيت بالأرتيـــاح ..قطعت مشوار طويل قبل العشاء تحملت لمسااته وغزله المقـرف ..

بعد العشاء برمي هديتي بوجهه وبرتااااح

11:30 تمااماً بيكون سفر ينتظر عند الباب وعبايتي اللي مجهزتهااا على باب مجلس الرجال تنتظرني اطلع من الصاله واقفل الباب اللي حاطه مفتاحه بالجهه الثانيه

كل هذا عشااان مابغى اسمع منه بعد ماارمي كل اوراقي بوجهه واقول كل اللي عندي ماراح اسمحله يوقفني .....

بطلع من حياته وقدام عيــــــنه وماراح يقدر يوقفني ...

عساف :حياتي وين وصلتي ...

حركت الشوكه بصحني ورفعت عيني له

ضحى :هنا حبيبي ليه ماتأكل ....

كان الأكل قدامه على حطت يدي ...

نزلت الشوكه من يدي وقلت

ضحى :ماراح اكل لين تأكل قلت لك عشان خاطري ولا مالي خاطر عندك ...

خبل اوغبي اوعبيط ...

بدأ يأكل من السم اللي بيقتله ..

وانا اكل وكل دقيقة ارفع عيني هو يأكل صدق او يمثل علي ...

بعد عشر دقايق سألني

عساف:ليه كله حلو

ضحى :لأني احب الحلو..

عساف:بس اول مره نتعشى كل حاجه حلوه

ضحى:الا من بعد ماجاء حمودي وانا اكلي كله حلو ..

وضحكت باستخفاف

ضحى:الحريم يتوحمون بالحمل وانا اتحمل بعد الولاده ...

هز راسه مادري اقتناع او شي ثاني..


عســــاف

معقوله اللي اسويه جالس أكل بكل استسلام والحميه

اذا طحت اللحين وانكشف امـــــــري ..لدرجه هذي

ماني قادر اقولها لا بس هذي صحتي اللي اضحي فيهـــــا...

بصبر مره وحده مو صاير لي شـــــي ...

وانا مداوم على العلاج اكيد ماراح يصـير لي شي ..

هذا بس خوفي لأني من عرفت مرضي ماعمري خالفت الحميـــــه ...

قاطع افكار ضحى اللي قامت وهي تقول

ضحى :يالله نقص الكيكه ...

استغربت حجم الكيكه المبالغ فيه

مأدري وش كانت تفكـــــــر فيه ضحى وهي طالبتها ...

قصينا الكيكه ويدي على يدهااا حسيتها تنرفزت وكأنها بسرعه تبغى تسحب يدها من تحت يدي ....

قطعت لي من الكيكه قطعه حجمها كبير ..

ضحكت

عساف:اول مره احد يقصلي كيكة بهالحجم ..

حسيتهااا ماتحملت كلامــــــي..

ضحى :عاد لكل شي اول مــره ..

وبدأ تأكل بدون ماتناظر فينــي..

اكلت جزء بسيط من الكيكه وتركتها حسيتها بتقــول شي بعدين تراجعـــت ..

وقامت وراحت لدرج بزاوية الغرفه وطلعت منه حاجه مغلفـــــه .....

وجت لي تمشــي بسرعه سحبتني من يدي لزاوية الجلــوس ..

وبعد ماجلست حطت الهدية بين يدي ...

وقالت بصوت حسيت فيه شماته

ضحى :هديه بسيطــــــه ..

فتحت الهديه

وش ممكن يكون فيها

هذي اول هديه احصل عليها من

حبيبتي وش بتكـــــــــون ..؟!

انصدمت بكونهااا اوراق

لاااااااااا مستحيل

كيف ...؟!!!!


ضحى

ضحكت بكل شمااااته

واخيـــــــــراً اقدر اكشف مشاعري مليت التمثــيل مليت .....

ضحى :ههههههههههههههههههههههه

مفاجئه صح ....

مفاجئه ياحقـــــــــير ياأنااااني ...ياخاااااين

تلعـــــب بمشاعري وتعيشنــي بكذبه شهر كامل انام واصحى ابكي عليك وانت مافيك الا الخبث والخســـــــه ...

الله ينتقــــــــم منك الله يوريني فيك المرض صدق

مو كذبك ياكذاب ...

كل كلمه كنت ارميهااا بوجهه ولاتعبير مازالت صدمته يوم فتح المغلف باقيه انقهـــرت أبغااااه ايسمع كلااامي ..

مايعجبني يكون مصدوم ..

ومايسمع السب والكلام الجارح اللي ابغها يوصله ...

قربت منه وعطيه كف على وجههه

وصرخت عليه ...

ضحى :أصحى ياخــــــاين انكشفت... ربي اللي مايرضى بالظلم كشفك ... ماراااح اساااامحك يامرررريض ...

يامريض العقل والصحـــــــــــه ...

شفت المرض اللي رضيت اني ابقى معك رغم انه فيك ....

كنت اكذب علللليك كانت مشفقه عليك مابغى اصدمك كذبت عليك

قلت لين يصير اقوى شوي واقوله الحقيقه

تسمع كنت اكذب عليك

واللحين اقولها لك بصراحه انا ماعيش مع انســـــــان مريض ...

مو مؤسسه اجتماعيــــــه انا عشان ارضى فيك وبمرضك ...

بتطلقني سامع واذا ماطلقتنـــي برفع عليك قضية خلـــــع ....

وهجرك لي ست سنوات بيكون بصالحي ..

كنت ادور على نفسي واروح لأقصى الغرفه وارجع اقرب منه

وهو جامد زي التمثال مايتحرك بمكــــــانه ...

ضحى :تسمعني ولا انصقهت بتطلقني انااا مو ناقصه اكمل حياتي مع نص رجااال المرض هاد حيله .. بتطلقني وبتزوج رجاااااال كامـــــــل مو انت ....

هذي الكلمه اللي بتبقى طــــــــول عمره راسخه بذهنـــــــــــه ...

هذي الكلمة اللي تحسسني اني رجعت جزء من كرامتي ...

لفيت لساعه كانت 11و25 باقي 5 دقايق زياده بس انتهى كل كلااامي ...

لا ماراح اوقف اناظره وكأني ضعيفه لفيت عنه واسرعت للمكاان اللي حفظت فيه عبــــــايتي ...لبستهاااا بسرعه بخفي عني منظررري اللي يقهــــرني بس خلاااص المفروض مانقهر انا صح استغليت نفسي وضغطت عليها عشان انتقم وهذا انا حصلت انتقامي ....

طلعت برى ماكانت السياره فيه وين راح الغبي هذا ..بديت ارتجف

برد او حر او توتر مادري بس ياخوفي اطيح من طولي احس بذبول وان رجولي جالسه على مكان يهتز والأرض مو ثابته تحت رجلي ... ماصدقت صوت السياره يوم وقفت قدامي اسرعت اركب وميلت راسي على ورى احس بدوخه غير طبيعيه واخيراً انتهى اليوم

اللي خفت انه ماينتهــــــــــــــــــي ....


الان انتهى الباااارت ....^_^