ذبول المشاعر؟!

.
.
بعد وقت من ظروف
الانقطاع
واختلال لشوق
وذبول
المشاعر
بعد ماراح الحب
في درب ..
الضياع
اسمحيلي ودي افضفض
محتبس في الصدر ضيقه
محتجزها قبل عام
كنت احاول ما أقول
لني مادور حلول
رحت ادور للعتاب
اجمل الطريقه
ومالقيت إلا الصراحه
لابسه ثوب الحقيقه
اختلفتي في كل شي
في سؤالك
في اتصالك
في مواعيد الغرام
كنتي دايم في مواعيدك
انيقه
ماتأخرتي دقيقه
اختلفتي وانا حسيت
اختلافك
في سؤالي لا سألتك
وينك البارح عوافي
لاسلام ولا كلام
ارتبكتى
يوم شفتيها حقيقه
وانحرجتي
واختلقتي مشكله
اني احب الاسئله؟
بعدما احتد الجدال
وساد وضع الانفعال..
قلتي انهي..
الاتصال؟!
لوسمحت!!!
ولاتكثر اسئله ؟!
ولو بيرضيك الاسف
بعتذرلك اسفه
والف مره اسفه؟!
بس انهي السالفه!
وقتها كان الفراق
افترقنا..
وما تعبنا ولاشكينا
وانتهت قصة غرامك
وقت ماخلص كلامك
وانتهى مني كلامي
بالموادع والسلام
قصه في حزتها راحت
والقلوب منها استراحت
افترقنا ..
رغم وجع الجرح فينا
و مايفيد الحكي لو قلنا..
وحكينا
يكفي اني ماجرحتك
وماتماديت وحرجتك
شلت جرحي في اديني
ودمعتي باطراف عيني
مالقت مِنِك جواب
غير ويلات العذاب
افترقنا ...
ومات ذاك الحب
وآهات الغرام
وانتهينا؟!
ورحتي مني من زمن
وماطريتك
وغبتي عني
ولا حصل مره احتريتك
او رجيتك
وغاب احساس الشجن
وعمري مافكرت فيك
ولافقدتك

رااامز..