لا تنتظر جيّتي

لا تنتظر جَيِّتي ما عاد يمديني
ما عاد عندي طموح أحب من ثاني


أنا أدري إن المفارق شي يكويني
وإني بدونك أزوِّد نار حرماني


لكن طبعك كسر ركن الغلا فيني
حاولت أطنِّش طِباعك بس مَ امداني


اللي حصل مِنْك يا عمري يكَفِّني
الحمد للي مِن ( اجروح ) الهوى ابراني


قفَّلت باب المُواصل بينك وبيني
ماني بِمَجنون أجدِّد حب عنَّاني


علَّمتني درس في الماضي مِن سنيني
أنساك في اللي بقي كان الله أحياني


يغنيك ربي وِعَنْك الله يغنيني
قفَّلت قلبي بَعد ما ربي انجاني


أرجوك تمحي من الذكرى عناويني
أو عدّني تهت مِنْك وضاع عنواني


أنا أعترف إن غيرك ما ملا عيني
لَكِنْ جرحك من أقصى القلب بكَّاني


صحيح مازال حبك في شراييني
لَكِن جرحك معه يجري بشرياني


البُعد كافي يداويك ويداويني
إن كان ما وِدَّك انساني على شاني




سُهيل