سعود قاف الشعر ينعى وينخاك

سعود قاف الشعر ينعى وينخاك
شله اهل السوالف فالمواقع تذله

اعلم الامر لله لكن الامر يعناك
عايض رقا بالقاف فوق الاهله

عيسى يمد يمناه مد إله يمناك
مع منتظر يحسب جميع الا دله

اشرب زلال الماء من كف يمناك
واترك هماج الشرب لناساً تدله

الشعر يجري خلف موطأ وطاياك
حا فظ على ...المؤروث دقه وجله

متقمص الشعار في ذا الزمن جاك
ينحر بيوت الشعر.. على غير مله

ترى العنب حاليه حامض على فاك
حده ما بين همبر جر وبين مورتدله

صفق له الجمهورواعطواله الماك
يكدح على السا قين ولاحن رجله

كأني اشوف الشعر يطلب محياك
من لايخاف.... الذئب وليده محله

فالراس حيره والليالي بها احكاك
جوالرياض فيه السحب مستهله

ودي على الطائف نسير ونلفاك
نلفي على عايض بقصر او بفله


السكب 12




رد سعود العتيبي

صباحكم بنفسج .
حقيقه لي فترة توقفت عن الشعر .
ولكن شاعرنا الغالي السكب. حرك المشاعر .
وعدته ارد على قصيدة الرائعة .
بعنوان (( مع التحيه والتقدير لسعود العتيبي))
ويارب تنال اعجابكم
يا حي من نادا وياحي طرياك.
ترحيبة (ن) مثل المطر مستهلّه.
****
حي الجواب اللي لفاني من هناك.
من شاعر (ن) درب المراجل تدلّه.
****
شاعر يقول الشعر ويحبكه حباك.
ماهو من اللي من كلامه تملّه.
****
يمناي ممدوده لمثلك وشرواك.
والاّ الردي ماله معي خبث دلّه.
****
ابعد عن اللي شان شينه ويشناك.
اما بنص المال ... وان عفت كلّه.
****
الدرب ذبه الين تاصل لتبراك.
ارفع لكبوته ... وخلك بضلّه
****
ليا ذعذع الغربي عصير و تغشاك.
ادعس على البنزين والخوف خلّه.
****
ازهم على عايض ليا صحت لباك.
والمنتظر بالدرب سيفه يسلّه.
****
بدر بدر بدر الدجا نور ظلماك.
يفرح ليا من جاه ضيف بمحلّه.
****
الطائف المانوس يفرح بلقياك.
جوه عليل يرد روح (ن) مِحلّه
****
غزلانها تاتي من هناك وهناك.
في روضة(ن) مزهر بورده وفلّه.
****
خلك على يمناي واركد ونا افداك.
لا شفت شقر (ن) فوق متنه يهلّه.
****
البيت قدامك ليا جيت ملفاك.
والعود الازرق ريحته ما تملّه
****
ما فيه اعز من جاء نادر حلاياك.
رجل (ن) عزيز النفس عن كل زلّه
الرد
سعود العتيبي

طبعا الأسماء التي ورده اسماء شعار عيسى العنزي هنا
وعايض ومنتظر وسعود الله يستر عليهم

نظرة الحب ,عـــودالليل ,المهرة الجامحة و 4 آخرون معجبون بهذا

مجنون قصايد ,روح الندى ,صمت القمر ,اول اطيافي