ساعي الألام لو قلبك يروف,,

طفلتك شابت من أعذار الظروف ,,
طفلتك من نور .. وتْخاف الظلام ..

الحزن : لو همّ في صدري يطوف ,,
أو غشى عيني على هيئة غمام ..

أو بتر في غيبتك حلم الكفوف ,,
واختفى صوتي بضيقاتي ونام ..

ما نطقت إلا على سطر الحروف ,,
لحن حزني والمواجع والهيام ..

ينكسر صبحي ويعميني كسوف,,
من لبست غْيَابك وجفّ الكلام ..

هاك قلبي (مدّ لي قلبك بـ أشوف ) ,,
العمى بالقلب مايبصر غرام ..

القهر , ميعاد , والهاجوس خوف ..
واللقا , غصة عتابات وملام ..

والعطر, ذكرى غفت بين الرفوف ,,
لاصحت ترميني جروح وسهام ..

ساعي الألام لو قلبك يروف,,
مدّ مرسولي بـ احساس وسلام..