صائد سمو الشيخ حمدان بن محمد - فزاع - قصائد مكتوبه

السمو والمعالي
لونقول ان المراجل مالها رجال غيره = العفو يارب لو قلنا كده قالوا تعالي
في غيره بس تختاله لوحده في الجزيرة = مثل مايختار راعي الذوق سحب من خيالي
هو نموذج للعدل والدار بأفعاله جديرة= من مراجل سيدي تلتف هامات الرجالي
شفت دبي المستبدة بالحلى والمستديرة= في ضلاله كيف صارلها من كفوفه ضلالي
العوالي عسرة ودروب مرقاها عسيرة= والذي مايستلد العسر مايرقى العوالي
ياطموح مواطن رجله على دربه قصيرة = وان ذكرك تسوقه الخطوة على روس الجبالي
وان ذكرتك مالت بيوت القصيد المستديرة = روسها لي لين اقولها على شأنه تعالي
عادني في الميم الاول من حروف اسم المغيرة = اكملت قدام اكمل حاء وميم ودال تالي
حاء حمد وميم مجد ودال دار به منيرة = كل حرف من حروف اسمه على القيفان غالي
تكثر باسمه قلايل لان مداته كثيرة = ولان أوصافه كثيرة لكن أمثاله قلالي
ماهو بطير السعد لاوالله الا السعد طيره= علم أصحاب السمو وعلم اصحاب المعالي
يفهمون ان المكارم كنز وامجاد وذخيرة = حطه الله في يدين القايد الرجل المتالي
حطه الله في ايدين محمد وهلت وفيرة = وارتوت منه الشعوب وربعت منها المفالي
من صنع للدار عز ومن بنى بالبحر ديرة = يستحق يقال فيه من الثنى مالا يقالى
حاكما كفه وأصابعها سنابلها بخيره = انجزت في ظرف ليله صرح يحتاج لليالي
سنبله تبنى عمار وسنبلة تغنى فقيرة = وسنبلة ماتعترف بالي يسمونه محالي
والنجاح الى بزغ ماهو بمنقطع نظيره= الا ماله لانظير ولا شبيه ولامتالي
والبحر والموج والحلم ومعانيه الخطيرة = من صفاته كلها ولا يقول كلهالي
فيه غيرة للوطن والدين ولافيه غيره= من يسولف كل مجد بعزته والراس عالي
كل يوم نشوف صرح يلهم العقل ويحيره= يعني التكرار ماله في مخططها مجالي
والثنى والحمد للي كل مسلم يستجيره والي مافيه غيره في السماء والارض والي
تم لابو راشد خوي الشعب محمود السريرة = دامه الله للمواطن وللوطن في وضلالي
كل خطوة من قدم رجله لها مجد ومسيرة = وكل كلمة من فمه فخر وطموحات وأمالي
ياسليل المجد تكفيني عن اشياء كثيرة = انت ابويا وانت عمي وانت خويا وانت خالي
اخذت من الشهر الفضيل أيامه العشر الاخيرة = واخدت من العشر الاواخر ليلة غير الليالي

قلوبنا قبرك
الحزن طعمه مر والفرقه أمر =وايامنا تقسى علينا بظروفها
الي عليك دموع شعبك تنهمر = مواطنين بلادنا وضيوفها
لوتمنحك الاعمار وانت اغلى عمر = معروفك مغطي على معروفها
من يقنع القبار ما يحفر قبر = قلوبنا قبرك ياليت تشوفها
الارض لو تملك احاسيس ونظر = كان استحت ماتدفنك في جوفها
والشمس لو تكسف على موت البشر = في يوم موتك صار يوم كسوفها
لكن نؤمن بالقضاء وبالقدر= وماجابت الدنيا لنا بصدوفها
يكفي ايديك من المكارم والفخر = ان الفقارى عاشت من كفوفها
فيك السحاب يعزي غصون الشجر= الى دعاديع الهوى تلوفها
حتى القصيدة لوبغيت اكتب شطر = ماطاوعتني في رثاك حروفها
ليتك مسافر ننتظره من الشعر = كان الامل هدى النفوس وخوفها
لكننا بسئل سؤال مختصر = عن المواطن في البلد وظيوفها
اهل الكتوف الي تشيلك للقبر = ويش هو شعور قلوبها لكتوفها ؟!

ليه وكيف
ياهاجوسي للزمن حكمة وللمهموم والي = والبنادم راس ماله عزته والله وكيله
اعتزالي للحياة المغرية غير اعتزالي = والدروب الدائرية والدروب المستطيلة
ومستحيلات الدروب احبهاوالاستحالي = ماتخوفني الدروب الكايدة والمستحيلة
هبتي فعلا تسولفه الرجال وراسمالي = ذكر شيخ لاوقف وقفته تغني عن زجيله
والقصيد يقاسم الاحساس والبيت ارتجالي = غني الساري لامنك ضقت والطرقة طويلة
لاتهاب الكوس ولا ترهبك ريح الشمالي = دامك تعرف النصر ماهي تشابه الفشيلة

لين تلقالك وطن كأنه من الفكر الخيالي = ينتميلك وانت من زود المحبة تنتمي له
وان سألت أجاوبك لكن بطرحلك سؤالي = والسؤال الي انا بطرحه لاتطلب بديله
من يعلم الاغنياء الي يحبون الريالي = عن كرم زايد وفلفسته و وقفته النبيله
ومن يفهم الاغنياء بان البحر ماهو بحالي = لاتلاطم موجه وحول على التربة مسيله
ومن يترجملي رموز الوقت وظروف الليالي = كل رمز له حروف وكل حرف فيه ميله
ومن يسولفلي عن دموع الغلى من عين غالي = وعن احاسيس الشجر لاغرقه مزن المخيله
وعن تفاصيل الكلام الي ابيه وماطرالي = وعن تخباط المضيع يوم ماحصل دليله
وعن حنين النوق لامنها رعت خضر المفالي = وعن غرام الوادي الي له سنة ما مر سيله
وعن صقور ماتطيح الا على روس الجبالي = ليه قامت كل عصفور تجيله تمتيليله
وعن نهار اشرقت شمسه ولا شفت الضلالي = عن طموح يمتلك غاية لكن ماله وسيلة
وكيف كل انسان يطمح بانه الشخص المتالي = وكيف انا قلبي سعيد ونفسي اللقاها عليلة
وكيف تعبر فرحة البنت اليتيمة من خلالي = وكيف ازرع حزنها فرح وضحكتها حصيلة
وكيف اخلي اسمي مقدر اذا ذكروا مجالي = وكيف اداوي بالكرم تفاهة النفس البخيلة
وكيف اوظف جهدي لتحقيق صعبات الامالي = وكيف يجيني الي انا تمنيته وانا ويشلون اجيله
وليه حظي مايساعدني اذا قل احتمالي = وليه غلطات الزميل المحترم يجرح زميله
وليه ليلي مايقدرني وانا ساهر لحالي = وليه صبحي مايفرحني كثيره او قليله
وليه ظهري بيح لصبحي سبب قلة وصالي = وليه عصري يشتكي ظهره وظلمه عند ليله
وليه ماتخلى قلوب المسلمين من التعالي = وليه جفني ماتبكيه الحمام ولا هديله
ليه والا كيف والا عن ومن هذا سؤالي = جاوبه يالشاعر الي فاهماٍ وايش اعنيله
واذا تضايق للزمن حكمة وللمهموم والي = والبنادم راس ماله عزته والله وكيله

كمل جميلك معي
مثل جميلي معك كمل جميلك معي = واعشق بعين الغضب وألا بعين الرضى
تسمع عنى الاخطل وتسمع عنى الاسمعي = لكني بسمعك شعرا يهز الفضى
لاتدعي ظلم والله فوق يالمدعي = يالين تعدل وتستوفي شروط القضى
لاتشتكي قلة الادراك قبل الوعي = خليك واعي وتدرك كل شيء مضى
حضيت بي وانت تدري ويش موقعي = لو كان غيرك حمد ربه على انه حضى
حرمتني صوتك الي لاوصل مسمعي = كأني أغني هجيني فوق عوص النضى
وفارقتني والمفارق مايزيد وجعي = لكن يولع في جوفي نار كأنها لضى
ياصاحبي والشعر ماهو براس اصبعي = الشعر احاسيس قلب لغرامك رضى
وانا مصحصح معك خليك مصحصح معي = واعشق بعين الغضب والا بعين الرضى



تقزمي

تقزمي في عين حسادي وأنا عملاق فرض = لان علوي عن وطاهم شيء ربي ملزمه
ماتشوف حجم الشمس متقزم على أصحاب الارض = متقزمين ويحسبون الشمس جات مقزمه
يارب وأنا عبدك الي مابعد هتكت عرض = واذا لقيت الضايق المحتاج وقفت أعزمه
ان ما علي اشبهك واذا غضبت أقول ارض = برزامة أفضالك مداها ماتشابه الارزمه
زد مشبري في الطول طول ومن قوي العرض عرض = او اعطني النصر المبين الي ما غيرك يهزمه
لو المراجل تنشري سحبت لي مليون قرض = حتى اتبت محزمي يوم تتراخي الاحزمه
شفت الحياة بدنيتي سنة وشفت الموت فرض = يوم اتقزم في عيون العالم المتقزمة



الوصف فن
الوصف فن يليق بأم الوصايف = هيا معي نستجوب الوصف هيه
من نحرها لخصرها للردايف = ماتمنعك شيمة عرب او حميه
الى أقبلت في الحفل والجو كايف = وتقول من قدي يجيني هنيه
ظابط على الافراد يعطي وظايف = ياعسكر ثابت تهيأ تهيه
ورموشها حد السيوف الرهايف = مقرونة الحاجب وطلقت محيه
وجديلها ياقلب ويش انت شايف = ليلا يزيد الي غيا فيه بغيه
وخدودها بين الهدب والشفايف = مثل السحب بين الثرى والثريه
صحيح يمكن وصف الاشواق زايف = لكن قلبي لو عدلتوه عيه
وأنا على المقفي ماأزيد الحسايف = لكن عليها كل حزني تهيه
صاحب يعينه في الظروف الكلايف = ويصير أضحوكة لديه وديه
القلب والهجران ماهم ولايف = والى بلا أي احساس يبقى بلايه
قالوا ترى ياقلب ياقلب خايف = خايف اموت فراق وأنا أتريه


استمد الشوق
استمد الشوق حيله وأنت حابي = لين صادفني طريقٍ كنت أهابه
لي شهر وأنا ماغير أكتم مصابي = وأتجمل في الوجيه أم الدرابه
لين حديتني مخاييل السحابي = والسنين أشباح والايام غابه
شفت مامنها مصده واجتنابي = لكن الله رحمته تسبق عذابه
ياوجودي من عناي وياذهابي = وجد من خلوه ربعه للذيابه
في نهارا هييب الي ما يهابي = يعتنق عج المنايه بالسحابه
منك يالي فاقدا منك صوابي = قمت أعشقك مثل عشقي للكتابه
شف غيابك وين وداني وجابي = بس مع الايام زودني صلابه
حس فيني يامعودني غيابي = في وجودي ويش مدى فرق التشابه
ليه أدق الباب دام الباب بابي = يامعيشني تفاصيل الغرابه
يامعودني على صبر احتسابي = يامعرضني شقى القيض وسرابه

الدروب طوال لكنك ذهابي = شوف حالي كأنها قوس الربابه
اعتقدت انك تعاني من عذابي = يكسرك صوت الاحبه والغرابه
وأثرك الي مستريح ولا درابي = ماتعرف الا تماديه وغيابه



سيدي لاعدمناك
حنا تحت أمرك وظلك ويمناك = وحنا اذا منا وعدنا وفيينا
شجعان ماضني اذا قلت نعصاك = منك المراجل والتحمل خدينا
سواك رب العرش ماحد شرواك = وأكبر فخر باسمك يابوي استمينا
والقصد كله سيدي نطلب رضاك = للعز نرقى والمعالي اعتلينا
وحنا اذا منا بيوم وعدناك = لاتضن وعد الحر يصعب علينا
ما دامنا ننهل مناهل سجاياك = أنا أشهد اننا عالمصاعب قوينا
يحماك ربي سيدي لاعدمناك = وتعيش أزمان ودهور وسنينا


ابن مرخان
من باب تثبيت الوعي ياابن مرخان = لعيون دولة مجتمعها ريادي
زرعت في صحراء الاحساس بستان = يمكن الامس فكرة اهل المبادي
أمثل المكتوم وألا ال نهيان = وألا الشيوخ الشامخة في بلادي
حصان عزي يسبق في كل ميدان = وسهيل مجدي في سماء العز بادي
واذا انتقدني واحدا ماله لسان = وألا معه لسان ولسان عادي
احاول اوصل غايتي قدر الامكان = اصنع نجاحي من كثير انتقادي
والسر في قلوب الرجاجيل ينصان = والجاهل بجهله يزيد التمادي
والمرجلة في عيون أهلها لها شأن = مع اعتقاد الناس قبل اعتقادي
ولو صحت في عيون المقفيين يافلان = مافيهم الي يستمع للمنادي
وهداية الله ماتحصل بالاثمان = والله يهدينا وهو خير هادي
والصبر كنز الروح والذل حقران = والي ماعنده رأي تلقاه غادي
وأنا ياابن مرخان احساس فنان = أحاول أشرح فكرتي للعبادي
تدري ويش أحلى بيت سواه حمدان = لعيون دولة مجتمعها ريادي
مادام كثر الحرب في يد الانسان = أحسن خيار نعيش من دون أيادي


يابوي
يابوي رمز المجد والعز والدين = والمرجلة والمقدرة والشهامه
الي طغي ذكرك في كل الميادين = زعيم كأنك منخلق للزعامه
لوقلت كفك غيت كل المساكين = اخضر غصن وغردتلي حمامه
سمعت اصوات العرب بالملايين = تقول عز الله صدق في كلامه
من الف وتسعمائة وثلاتة وسبعين = للعام هذا وانت رمز الكرامه
من الخليج العربي لاخر الصين = والمجد في صدرك معلق وسامه
ولو قلت يافزاع رايح على ويين = بقول ماادري غير فكري مادامه
متوجهلك ياحفييد السلاطين = بحاول انه يرتقى من مقامه
أنا مسويلي قصيده في عشرين = بيت ولك في كل بيت علامه
ايامنا ياطيب الراس يوميين = يوما ولدنا به ويوم القيامه
والفهم يطغى في عقول الفهيمين = على التعنت والجهل والغشامة
والناس منقسمين يابوي قسمين = ولكل منهم مختلف في نظامه
والاستقامة درب ماهو بدربين = والمستقيم يقدر الاستقامه
والي يحب الدين ويطبق الدين = يعرف حلال الوقت ده من حرامه
والشين كل الزين في محجره شين = ومن التشائم يبتلش في منامه
وماكل دمعة عين تنزل من العين = فراق او هجران والا ندامة
ترى دموع العاشقين المحبيين = سميتها نسخة من الابتسامه
اخترتلك باقة شعر من بساتين = فكرا تحت ظلك رقى للغمامه
والشعر ماهو ينحصر في الدواوين = الشعر يبقى في القلوب احترامه
الا انت وين ووين من نافسك وين = ياعاتق المجد الاصيل وسنامه
لو قالوا الاهرام ورث الفراعيين = تراك ورث المرجلة والشهامه