انا يا سيدة ذاك المساء

انا ياسيدة ذاك المساء شخص ٍ منيب ذهين
على الفطره اعيش واقترف زله واعدلها

اذا قالوا يسار يسار وان قالوا يمين يمين
وتغلط ناس في حقي وامشي واتساهلها

كذا حتى بلغت من العمر اذكر ثمان سنين
بعدها كل حاجه ما تطوف الا احللها

وعمري عشر مليت اكتب الطاري على بيتين
وصرت اكتب قصايد ناس حولي كم تأملها

وايلا جاء من تذاكى قلت له بالله رايح وين
خصوصا ً هالبشر لو ويش والله ما اجاملها

تجين بها المساء اللي كن قبله مالمحت لعين
تعفسين النظام بنظرة ٍ وحده من اولها

واصير بكل مساء بس اتحرى ياعساك تجين
ماعاد الا اوقف كل خلق الله واسألها

وايلا جيتي نسيت ان الزمن مهما قسا بي شين
وتبرد قهوتي وانسى بعد جيتك اكملها

تجين وتجلسين بعيد واحيانا ً نكون اثنين
ويتبسم لك النادل بطريقة ما اتحملها

واحيانا ً يوشوش لك كلام ٍ بعدها تمشين
ولا ادري وش يقول بودي ادري بس اجهلها

جلستي مره وناديته وجاني وقلت اهلين
ابهدي ورد للي جالسه ..عادي توصلها

تراجع خطوه وكشر علي وقال..(أ) و بعدين
لو اني ما اعرفك شخص ٍ على الفطره لشعللها

انا من شفتك باول مجيك قلت ذا مسكين
اشوفك انت واوراقك تجي كل يوم شايلها

ترا هالي تشوف انا وهي من شهر مخطوبين
وقلت اسف عرفت الان ياصبرك مأجلها

انا احلف امك تحبك وتدعي لك دُعاءٍ زين
قبل لا اودعك ارجوك تكفى عاد دللها

انا ياسيدة آخر مساء شخص ٍ منيب ذهين
احسب ايلا خذتك عيون خذ راحتك داخلها

اثرني فالسوالف ذي على الفطره الى هالحين
واحسب ان المشاعر مايجوز انسان يقتلها


... فهد ...

تنبيه. ختم . تقيم

المشاركة الأصلية كتبت بواسطة إرتواء نبض

تنبيه. ختم . تقيم

إرتواء نبض اهلا وسهلا

شكر , تقدير أمتنان


تسلمييييين

الله الله
عليك يا أخي فهد
كلمات رائعه جدا
صح لسانك
وعلا شأنك

المشاركة الأصلية كتبت بواسطة ضامية الشوق

الله الله
عليك يا أخي فهد
كلمات رائعه جدا
صح لسانك
وعلا شأنك

ضامية الشوق
يا هلا ومرحبا

والله على حضورك الجميل هنا
والاروع ان تعطوني من وقتكم
كل الشكر والامتنان
وطابت ايامك

تسلمين

الله الله يااافهد
جزززل ياااخووووووك
وحرااام تنفتل مثل هالمشااااااااااعر وتنخبس
في الصدررر
الا تكلقهااا وتمتعناااااا بهاااااااا
من احلااا القصااااايد في معناااهااااا عندي
اللي قريتهاااا

فنااان وشاااعر ماايحتاااج له شهااااااده
اناا اشهد انك ابدددعت

المشاركة الأصلية كتبت بواسطة نجم الجدي

الله الله يااافهد
جزززل ياااخووووووك
وحرااام تنفتل مثل هالمشااااااااااعر وتنخبس
في الصدررر
الا تطلقهااا وتمتعناااااا بهاااااااا
من احلااا القصااااايد في معناااهااااا عندي
اللي قريتهاااا

فنااان وشاااعر ماايحتاااج له شهااااااده
اناا اشهد انك ابدددعت

نجم الجدي
يا هلا وسهلا وحياااك
وشهادتك مثلي بحاجة لها فانا اتلمس الرأي من أصحابه
واسعدني حضورك والاهم انك وجدت ما استحق هذا
أتمنى واتشرف دوما بمتابعتك
واتطلع لأي ملاحظة بأي طريقة تراها
كل الشكر لتواجدك هنا وتسجيل رأيك

ممنووون

تسلم ولاهنت يا بعدي

الشاعر الجزل

فهد بن محمد

قدومك لقصائد اضافه قويه لمنتدى الشعر

ولشعراء المنتدى

شاعر جزل وصاحب نفس طويل في البناء ماشاءالله

سعيد ورب الكعبة بك يا فخم

لاتعلم منك واستفيد

اجل وارق التحايا

المشاركة الأصلية كتبت بواسطة رااامز

الشاعر الجزل

فهد بن محمد

قدومك لقصائد اضافه قويه لمنتدى الشعر

ولشعراء المنتدى

شاعر جزل وصاحب نفس طويل في البناء ماشاءالله

سعيد ورب الكعبة بك يا فخم

لاتعلم منك واستفيد

اجل وارق التحايا

اخي راامز
اهلا وسهلا بك
والله ان المكان فيه من كل لون وطيف وابداع
وأتمنى ان أكون ممن يفيد ويستفيد
وكلماتك تسعدني ولا اخفيك تحملني مسؤولية ان هنا متلقين
دقيقين يبحثون عن الجيد وهذا بدوره يفرض التزام ان نبحث عن الأفضل
وسعيد ورب الكعبة بكم وبكل حضور وملاحظة
أتطلع للأخذ منكم والاستفادة فكل لديه ما يمكن الاخذ منه
شرفتني بحضورك واشكرك لوقتك هنا

تسلم ولاهنت

انا ياسيدة آخر مساء شخص ٍ منيب ذهين
احسب ايلا خذتك عيون خذ راحتك داخلها

اثرني فالسوالف ذي على الفطره الى هالحين
واحسب ان المشاعر مايجوز انسان يقتلها

فهد بن محمد /

كانت مشاعر على الفطرة لانها بريئة ونقية ،
لذلك كانت الاحاسيس عفوية وطاهرة ،
قصيدة جميلة جداً في تسلسلها واحرفها ،
شعرت وكانني امام مشهد تمثيلي او حكاية تُقرا ،
مبدع ودوماً ادرك ان اي موضوع يتبعه لقبك ســ اجد كل جميل عند دخوله ،
دام ابداع حرفك وعطائك نهراً لاينضب ،
تقديري لسموك ..