قمْ نفلّ الحزْن / ونغنّي سَوا !

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]


.
.
.


أنا شِـ اللي معنّيني وأفكّر بالجفا والضيْق
. . مدام الله مقدّر لي قضَائي يعْني ارضى بِه

أنا لازم أشوف الضحْك واسعَى للفرَح وافيق
. . وأحسب حْساب أحلامي واسكّر للعَنا بابه

أنا من هالمِسا بعْلن تمرّد ضحكة التّوريق
. . بنسّي قلبي الذكرى مع انّه ذنْب ما تابِه

بشطّب من ورَق دفتر حياتي بالقلَم تفريق
. . شتات الجَرح والطعنات وهْمومي وما شابَه

بحمّل خافقي يبْصر خًفايَا والنفوس تْطيق
. . كلافَة نظرتي ‘ وإلا وجيه الناس (تتشابه)

ببطّل سآلفة باني اجَامِل وابْتلع هالرّيق
. . إذا قالوا لي أخبارك ! وقلت : بْخير , واهْنا به

أنا يَ هالفرح كنّي تنفّست القَهر بشْهيق
. . ولا ألحقتَها زفرَه .. وبان مْن العنا نابِه

بعلّم حلمي يْعانق بِعاد الغيْم ؛ والتّشريق
. . وافهّم ضحكتي تجبر غُصون الجرح واسرابِه

كفايه والحزٍن شايب قضَى بي عمْره بْتحريق
. . رُماد الذكريات وطال دربِي بعد ما شابِه

خلاص ! وقلتها لأني تعبْت شْهور من تلفِيق
. . حكايات الفرح ، والضيق ماودّا ولا جابِه

(أنا) بنهي تعاقُد قلبي وعُمري معَ هالضّيق
. . وبدعِي ربي يْقوّي عزيمَة نفْس مِرتابه "



[/ALIGN][/CELL][/TABLE1][/ALIGN]

طراح رائع جداً
راق لي متصفحك
تحياتي

صح لسانك ولسان كاتبها والله انها جمره وسط القلب
ذا الابيات
وصدمات القلب لاتعد ولاتحصى

خلاص ! وقلتها لأني تعبْت شْهور من تلفِيق
. . حكايات الفرح ، والضيق ماودّا ولا جابِه

(أنا) بنهي تعاقُد قلبي وعُمري معَ هالضّيق
. . وبدعِي ربي يْقوّي عزيمَة نفْس مِرتابه "


انشهد انها على الجرح
مثل العسل
صح لسانك ولسان شاعرها
ابدع الشاعر في نثر همه لقلوبنا فوصلت ابياته
بدون تكلف

ذوقك عالي

طرح رائع
سلمت اناملك
ويعطيك العافيهه

طرح رائع قلبي

مروركم عطر شكرا احبتي .."

يعطيك العافية طرح في قمة الروعه و نال الاستحسان
وعم الجميع بالفائده

لك الشكر والتقدير

نجم