ليتك تحس بجرح الهوى يوم

ليتك تحس بجرح الهوى يوم – ليتك على خافي كنيني تويقي

تلوم و انت الي تستاهل اللوم – يا زين ما والله فراقك اطيقي

حملتني حمل منه مظيوم – و خليتني لا اسمع و ابصر طريقي

لا جيت ابين لك كلام و معلوم – اغص من اللوعه ابعض ريقي

وش لون ارعاك و الوصل معدوم – و الجرح في قلبي يزبد غميقي

لا تحسب ان الحب يطرد النوم – النوم عقب المواصل عميقي

لا تحسب ان الحب يزينه الزوم – العز في طاعة محب حقيقي

لا تحسب الحب يركم اهموم – الى لقيت خل وفي صديقي

او يغدي العين مثل همالة اغيوم – عين السعد للي خويه رفيقي

لا تحسب يخسرك لو تغلي السوم – تلقاه في يوم طويل عويقي

انا ولد شيخ و انت بنت زيزوم – و الكل منا عن اطلق طليقي

عيب علينا و العيب مفهوم – يوم نجي جمع و يوم فريقي

اما تساوينا على الضد و الكوم – و الا فجعل القلب يكوى بحرقي


ابيات خالد محمد الشعلان

منقول