أهلا هلا بك منتديات قصايد ليل

كان المسا بروحي
قبل ساعه ألم
كان إغتراب
وكان بعيوني كئيب..



والصمت في وجه العتم
يتنفس اللحظه إحتضار..
وليلي بإحساسه رهيب..




حتى الدقايق في غيابك
تشبه دموع الوداع
كانت حزن
كانت شتا
بليل المفارق والغريب..




توه تبسم هالمسا بعيني
ورفرف بالفرح
طير السعد.
والليل بقدومه يطيب..




توه على وجهي
صحى لون الأمل
وبخاطري مرت
مثل نسمه على وجه الحبيب..




فزيت له فزت وليف
أهلا هلا بك ياهلا
مابي بعد قربك
من أحبابي قريب..


أنتي الغلا
وأنتي بأعماقي
غديتي النبض
يا روح ن مع روحي
طلبتك ماتغيب..


جديد الغريب