مواعيد مهجوره

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

طال شوقي والمواعيـد مهجـوره=والليالي طوّلـت فـي مساريهـا
للذي من زايد الحسـن مغـروره=كـم بتتغلـى وقلبـي يداريـهـا
لو تغلّت تحفـة الزيـن معـذوره=مالها في حسنهـا مـن يجاريهـا
آيه والا اقول في حسنها سـوره=صاغها الخلاّق واغلـى مواريهـا
الشفايف تـوت والخـد بنـادوره=وعينها العوام تسحـر دواريهـا
تلعب ابقلبي كمـا لعبـة الكـوره=باالخطر هزت شبك مـن يباريهـا
في هواها الروح تسعد ومسروره=يجلي الاوهام والحـزن طاريهـا
عاذلي ما خذت رايـه ولا شـوره=لجـل عـذّال المحبـه مكاريهـا
خاطري في حبها عايش(ن) دوره=اقتنى قلبـي المحبـه وشاريهـا
والفراق المُرّ ما نحتمـل جـوره=ماعلى دموع المحبـه مشاريهـا
منه تغدي اقلوب الاحباب منجوره=ماتجف ادموعهم مـن مجاريهـا
ياحبيبي صفحة الشوق منشـوره=بيـن كاتبهـا المعنّـى وقاريهـا
والمعنى في هاجسي ذابت اسطوره=كيف اعاتب منك روحي واماريهـا
طاح سقف الحب ثم انهدم صوره=وجيوش الحـب تعلـن طواريهـا
منك روحي ياهوى الروح مقهوره=انت سبّة علّتـي وانـت باريهـا [/poem]
كلمات رفيق الأحزان