لو أقول وش كثر احبك .. ماتصدق لو حكيت

----
-

لا تقول اني ذكرت .. ولا تقول انـي نسيـت
...............كيف يعني .. يذكرك انسـان لحظـه مانسـاك

ادري اني صدق احبك .. وادري انك مادريـت
...............اني حتى ضد نفسي صـرت ياعمـري معـاك

لو اقول اشكثر احبك ! ما تصدق لـو حكيـت
...............داام حبـي فـوق والله مستـواي ومستـواك

(كل حرف ٍ لك كتبت ) و (كل حرف ٍ لي قريت)
...............(في شي ٍ من عناي) و(فيه شي ٍ من غـلاك)

في غيابك ... ياحبيبـي ياكثـر ماقلـت ليـت
...............وياكثر ما قيل عنـي فـي غيابـك وش بـلاك

مو مهم اللي جرى لي ... المهم انك رضيـت
...............دام يزعلني زعلّك ... ودام يرضينـي رضـاك

انت دمع ٍ في عيوني .. مابكيتـه لـو بكيـت
...............وانت كل اللي كتبته ... وانا بس اللـي قـراك

وانت درب ٍ من بديته في حياتي مـا أنتهيـت
...............وانت تعنـي لـي بهالدينـا نجاتـي والهـلاك

جيتك أتأسف حبيبي .. وأعترف انـي خطيـت
...............جيتك اسبق لهفة اشواقـي ويسبقنـي غـلاك

وانا مدري ( شلت قلبي لك ) بعد عمري وجيت
...............والا ( قلبي شالني لك ) يابعد عمـري وجـاك

جيت اقول ( اني احبك) شفت عينك استحيـت
...............في عيونك قدرة الله ... واشهد أن الله عطـاك

لا تقول اني ذكرت .. ولا تقول انـي نسيـت
...............دام قلبـي ماذكـرك .... ودام قلبـي مانسـاك

م/ن