-:( رجل المواقف والإحسان ):-

خـطــب لـفــانـا هــــز الـكــيـان
وخــل الـقـلب الفـرحان حـــزين

محمد الحــربي ودع الخـــلان
خـــــوي الـشـــدائد دنيـا وديـن

رحـلة طـويـلة والله الـمـسـتعـان
ومـالنـا غــيرك يارب الـعـالـمين

يعــل ملـفـاه في أعلى الجــنان
مع الرسـول وصـحـبه الـطيبـين

يا أبو ضيف الله بكاك الـمـكان
بكاك كل الربع من شمال ويمين

مرحوم رجل المواقف والإحسان
لك مـواقف في التاريخ لبد تبين

يوم حـل بـين القريتـين شــيطان
حليتها بالحـكمة والشعر الرزين

فكيت النزاع وصاروا كالإخوان
وسجلت لك ذكرى عبرى السنين

وافي طيب وكرم بالسر والعلان
ذبـاح الحيـل السـمان للـزائرين

الله ياخــويٍ فـي القـلب ســكان
مالـوم القلب بكاك مع الـمحبـين

هـذه الدنيـا مـمر آمنـا بالرحمٰن
والآخـرة مقــر يفهمها العـارفين

وصـلاة ربي عــد مايـكون وكان
على النبي محمد سيد المرسلين
الشاعر/ حمد بن فهد المخالدة السبيعي
منقول