يا رفيف الماء، وفجر العيد، وأحزان المواني

[ALIGN=CENTER][TABLE1="width:85%;background-image:url('http://www.gsaidlil.com/vb/mwaextraedit4/backgrounds/4.gif');background-color:black;"][CELL="filter:;"][ALIGN=center]

[/ALIGN][/CELL][/TABLE1][/ALIGN]
[ALIGN=CENTER][TABLE1="width:85%;background-image:url('http://www.gsaidlil.com/vb/mwaextraedit4/backgrounds/4.gif');background-color:black;"][CELL="filter:;"][ALIGN=center]

يا رفيف الماء، وفجر العيد، وأحزان المواني

. . . . . . . يا أكثر أهل الأرض طيبة قلب، وأســـرار دفينه

المكان اللي هنا، مليان ضحكات، وأغاني

. . . . . . . والكلام اللي بغيـــت أقول، يحتاج له سكينــه

شوفي الركن البعيد هناك، كنه صدر حاني

. . . . . . . هذا هو اللي يليق ب شاعر وبنت حزينه

انسي الشارع، وعتمات الزوايا، والمباني

. . . . . . . هــاتي يدينك نلف الغيـــم ونشكل مدينه

عندي الليلة كلام وصمت، واخاف الثواني

. . . . . . . تظلمه، او تظلم اللي فيه كم ضاعت سنينه

بس لازم تسمعين اللي أبي ولا تراني

. . . . . . لو ب أعيده لك، نسيت، ورحت اقول اللي تبينه

شي واحد قبل ما أبدأ، ما أبي أي شي ثاني

. . . . . . . يخطر ف بالك، وانا اكشف لك شعور تجهلينه

إن أنا، وبكل ما تحمله »أحبك « من معاني

. . . . . . . كنت، وراح أبقى أحبك، لين، مدري وش هو لينه

بس والله ما قدرت انسى، ولا همي نساني

. . . . . .. . . . لا ذكرت انسان، فيه أسرار ما بينك وبينه

كل ما تطري علي فكرة هواك الأولاني

. . . . . . . . . . . أشعر إني أنطعن مليون مرة من يدينه

أشعر إن عيونك، الله ما خلقها إلا عشاني

. . . . . . . . . . . كيف كانت تبتسم له؟ قولي انك تخدعينه

صورة انه كان يمسح دمعك، تزلزل كياني

. . . . . . . . . . وكيف كان يلم شعرك، ويتبعثر في يمينه

حتى اسمك يوم رحت أدلله، حظي رماني

.. . . . . . . . بنفس الاسم اللي يقول، بذمتك ما هي غبينه؟

وكني اللي، كل ما أناديك بالاسم الفلاني

. . . . . . . . . . . أطلب النسيان، يترك منه شي تذكرينه

لا تظنيني أناني، لا، انا مانيب أناني

. . . . . . . . لو سلمت من الغرق، بأموت في ظهر السفينة

يا إني ما أكمل وأعاني، أو أكمل ثم أعاني

. . . . . . . كل ما اسمع طاري اسمه، او تجي عيني في عينه

أينا كان الضحية؟ وأينا اللي كان جاني؟

. . . . . . . . . .. مدري ، ولكن قراري لازم انك تقبلينه

مثل ما أكره فكرة انه واحد ياخذ مكاني

. . . . . . . . . . . ما أقدر أجلس في مكان إنسان، كنت تعشقينه

رآآقت لي ...

[/ALIGN]

[/CELL][/TABLE1][/ALIGN]