|
|
 |
 |
 |
|
 |
||||||||
 |
 |
| [ابكتب من قصيدي الوزن وغيرهـ من شعر منثور] { .. هنا يطرح كل ما يتعلق بالشعر من قصائد مكتوبة او منقولة مع الاشارة الى اسم كاتب القصيدة .. } |
|
|
أدوات الموضوع | انواع عرض الموضوع |
08-21-2014
|
#1 |
|
جاعت عيوني لشوفتك ياعنيدة...
انا وش اللي بغيبتك مستفيده ؟ .................صدري وصل من الهم حد الشباعه الصبح يضحك لي بضحكه جديده .................وانا الى هالحين مانمت ساعه اسهر واسامر كل نجمه فريده .................وان نمت ؟ قالت ليه هذي القطاعه ياغايبه والليل لا قويت ايده ؟ .................يدي ضعيفه ماتقاوي صراعه الحب دمٍ والمواصل وريده .................والقلب هو اللي يزيد اندفاعه غبتي وسميتك : قريبه بعيده .................والعين تحسد خافقي عالقناعه جاعت عيوني شوفتك ياعنيده .................ماترحمين اللي بلتها المجاعه ؟ بيني واحزاني علاقه وطيده .................مثل العلاقه بين عقرب وساعه فراقك الله يمحقه لا يعيده ................. لازاد زاد الجرح معه اتساعه نسياني اكذب من كلام الجريده ................. وكتماني اعتم من عتام الإشاعه واشواقي اصدق من فعايل رفيده ................. واعذب من ثمار دنت مـ.. اليناعه شوقٍ هبا في القلب وسم الحديده ................. والقلب لولا الصدر ؟ تم انتزاعه ولاجداي الا حروف القصيده ................. عسى تزودني شوية مناعه لك الله اصبر عالرياح الشديده .................يالمركب اللي ضاع منه شراعه عسى الفرج يقبل ويقبل بعيده .................وتبات عين اللي شقا البُعد لاعه وأقول للنجمات فرصه سعيده .................والمعذره دامي نويت القطاعه ياغايبه والنخل يبّس جريده .................ولا يغرك روسها بالرفاعه مدري غيابك ويش باقي مزيده .................مالي على صد التياعي براعه به في غيابك فايده بس وحيده .................يمكنّها هي العزا والشفاعه تدرين وش في غيبتك مستفيده ؟ .................اني اصلي الفجر ويا الجماعه |
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
العرض الشجري