.
.
.
لا تركتيني في حالي ولا خذيتيني معك
ويوم جاوبتي سؤالي اعترف بي مدمعك
ولو تروحي وين تروحي في عيوني أجمعك
وأن ضحكتي أو بكيتي أو شهقتي أسمعك
 
آه يا طول المسافه بين فرحي والأمل
غصب بأمشيها حسافه حلم عاشق ما أكتمل
صرت في حاله غريبه ليتك تلاقي لي حل
قلبي المشقى عشانك كم صبر كم يحتمل
 
صارت أشواقي وخوفي سالفه ليل وحكي
وحارت اوراقي وحروفي والقلم صاح وبكي
قدّري انتي ظروفي وجاوبيني عالسؤال
وش يحدك تلعبي بي وتسبقيني وتشتكي