08-03-2011
|
#4
|
حصــــــرية (الشمعدان )
للتحميل
اضغط كليك يمين وأختار (حفظ الهدف باسم)
مالين القسوة بقلب .. الشمعدان
.................. دمع الشموع اللي من البارح يسيل
وكان الهوى ميلك يالعـــود الليــان
.................. انا ليا هب الهوى ماعاد .. اميل؟!
ولاعاد .. يغريني تثني الخيـــزران
.................. بالعكس لاشفته تذكرت النخيل!
اللي قبل ممكن تجاوزته .. وكان
.................. والـ كان تجعل كل ممكن مستحيل
ذنب ومسحته عمد في وجه الزمان
.................. مسحته بوجه مثل وجهي طويل!
وسويت من فوضى المشاعر مهرجان
.................. وانحزت قبل الفن للــحزن الاصيل
جمعت احبائي بعد .. ان الاوان
................. وقبل ارتمي وارتاح بأحضان رحيل
قلت اعشق اجملهم بعنف وعنفوان
................. ولا لقيت اجمل من الصبر الجميل
فــ يا اللي تشيل الود قبل الامتنان
................ عندي تساوت لو تحط ولو تشــيل
خذ عـــقلي المنهك على قد الجنان
............... العقل مايسقي العواطف سلسبيل
اكثــر رجـل يقــدر يفهـمك .. الحنــان
............... اللي عجز يلقى على الدنيا خليل
واكثـر رجـل يقدر يفهمك .. الامـــان
............... اللي فقد واحد من عيـــاله .. قتيل
تتناقض الاشيا مع الاشيا .. عشـان
.............. تعطي على وجودها الفعلي دليل !
وتكامل الاشياء .. مايعطـــي ضمان
.............. على نتائجهـــا اليا غاب .. البديل
لو الحياه فعوول .. ماعاش الجبـان
.............. ولو القبر بفلوس .. مامات البخيل !
ومافيه الذ .. من التــطرف بــ اتزان
.............. اليا حضر الابداع والدافــع نبيــل
في صفحة التاريخ .. يلقى له مكان
.............. اللي رفض يعبر مثل عابر سبيل !
للشاعر .. // محمد جارالله السهلي
|
|
|
|
|