إلك الرضاء وإلك الثناء ممدود=وإلك الزهر والبدر والدانه
ياقلبي العاشق على المقصود=ويا قلبي الوافي لخلانه
إليا نقص عاشق معاك الزود=إليا نسى في يوم وجدانه
تنبض ونبضك للعمر والسود=عيون نعسانه وخجلانه
ريميتن تستآسر الموجود=تحكم عليه بزود تحنانه
وأنته خضر منك العطاء والجود=تكتب لك الأشعار عنوانه
عشقتها والعشق واحد فود=دون الوصل من دق بيبانه
ريميتن مامثلها ياسعود=غير القمر والورد وأغصانه
لعيونها قل للسفير يعود=وشلون مايشتاق لأوطانه
وفي خصرها عودن حزم له عود=ممزوجة الباقي ورويانه
ومن عطرها فز الشذا للنود=وفي خدها التفاح لألوانه
مرت وكني فالعمر موعود=بوصالها ولوصالها خانه
عن كل ماسبب حزن وصدود=وعن كل عاذل يطلق لسانه
بسهر لها ليلي وأزيد وعود=وبآصف لها المجروح وأحزانه
لعلها ماتنتمي لجحود=ولعلها فالشعر هيمانه
وأملى دفاترها شعر وورود=يسقي عطشها الشعر ديوانه