:
تابع البارت التاسع والثلاثون ...
:
:
:
بعد ما مرت ثلاث شهور ونواف ومزون استقروا فالكويت بعد ملجتهم رسميه والخفيفه ،، سرور ومرته رحعوا بعد ما ولدت مرام وجابت بنوته حلوه سموها بنه ،، وسعود بدا يتشافا ويرد لحياته طبيعيه ورجع للبلاد بعد ما عالج عيونه وحروقه اللازمه وباقي جسمه استثنى تجميله لانه ما يبا يغامر به ولا يبا يتجرأ على جسمه فالملابس بتغطيه اهم شي عالج ويهه وعيونه والباقي تغطيه الملابس وخطب شموخ خطبه رسميه واليوم مسوين له عزيمه في شاليهات وعازمين اهل الكويت على سلامته ،،، امما بسوووم وبالنسبه لمشعل فكانت ترد عليه بين الحين والأخر بجفاف ورسميه وخلت نفسها مب مهتمه فيه لين تنشفه الدم في عروقه وتعلمه ان الحب اكبر من الخيانه والثقه والاهتمام اكبر من شك وتدخل اطراف ثالثه بينهم وما سمحت له يشوفها ابدا وفي هالمده اهتمت بنفسها وضعفت شوي وطولت شعرها ىغيرت صبغة الشعر خلتها ناريه على باذنجي وطلعت جمييييله على بياضها ومستعده لشاليه لانها عارفه انها بتشوفه ،،، اما مشعل مع مرته شمس ما كان وايد وياها بس يحاول يشوف عليها علامات مريبه ان شي يدل على انها هي مخربه بينهم بس للأسف ما قدر يعرف شي بس ملاحظ نظراتها لفيصل اخوه اللي كلها تسآل وفيصل لابسنها لانه منتبه ع نظرات مشعل لهم طرش مسج لبسسسىوم وقام عنهم ،، اما بطي فامه خطبه له غدير كنوع من تغير لكن بطي مبدئيا رافض فكرة الزواج وحامد مجابل بيته ودروسه وشاد حيله في شغل ...
:
:
:
حب عظيم للشخص الطيب الصادق بأفعاله قبل كلامه اللي يتمنالك الخير ويحبك بدون مقابل، اللي يحسسك بأن الدنيا مازالت بخير.
:
:
:
بعد ما طلعوا من المطار متجهين للامارات وركبوا طيارتهم مسك ايديها وهو يلفها: من شنو خايفه يا عمري ...
ابتسمت باحراج وهي تهز راسها بلا ابتسم وهو يقول: لا تحاتين كل شي بيكون بخير باذن الله ...
قربت منه وهي تقول: الحين انا خايفه من تهور بسمه ومشعل هذيل ما بيسكتون ...
ابتسم ع قربها وقال : ما عليج الأمور طيبة ومشعل انا حاجيته وقتله يهدي اللعب شوي وإذا في مجال يتفاهم معاها ...
هزت راسها بصمت وهو حاوطها من كتوفها ومبتسم على احراجها وشوي سمعوا نداء الهبوط الى مطار بوظبي الدولي ،، ربطوا احزمة الأمان مستعدين للهبوط ...
:
:
:
لم يقتلني السهم حينما اصابني
بل قتلني حينما رأيت من رماه ...
:
:
:
بعد ما طلعوا لشاليه وشافوا الترتيب اللي مرتبتته شموخ لخطيبها استانسوا على اجواءها ازفرت براحه وهي تذكر ان مزون ع وصولً،،، تقربت من عند الشباب وهي تشوف سعود ميف تغير وتحمدت له بالسلامه وهي تقول: قرت عينج يا عمتي ..
شنوخ بحيا وجراه قالت: بشوف غاليج
اضحكت بسوووم تعرف شو قصدها هي مستانسه ان محد مدخل في حياته لفت على صوت سهيل اللي ياينها وهو كله حلاوه وتشوف حامد شالنه وقالت: هيه كلله منكً مخرب العيال هاته بسير اغسله ..
ضحك حامد وهو يقول: اللي يسمع عاد ولدج ترا اخويه بعد مب ولدج وضحك وهو يضربها على كتفها ويتخطاها ...
ابتسمت بحب له لمخلوق اللي وايد يحس فيها بين أهلها ويلاعبها ويغايضها تكن له مشاعر غير عن توأمها بطي اللي اختلف بكل معاني ومشاعر التي تجتاحه كتوأم ،، تنهدت وهي في طريقها الى المغاسل تغسل ايدين اخوها وثمها وتنشفهن اسمعت ابوها وامها يرحبون باًبو مشاري ومشاري اذاً هم وصلوا الى الشاليهات كانت متوتره من حقيقة مشاعرها اول ما تشوف مشعل ريلها ولكنها كانت تمشي اليهم بخطواتها الواثقه ونظراتها الثابته وهي تدّعي الثبات وهي من داخلها متوترة من شوف مشعل قربت منهم وسلمت على عمها وباسة راسه ولفت على خالتها وسلمت عليها وباست راسها وقربت من منال وغدور وسلمت عليهم وخذتهم بالاحضان وبعدها افترقوا وشافت مزون وهي تحضنها وقالت: عمرررري المزززن مببررووك غناتيه الله يسعدج. ياروحي ..
ابتسمت وهي تشد على خضنها: اشتقت لج يا لدبه ليش ماتردين ع تلفوناتج ...
ابتسمت وهي تمسح على ظهر مزنه ورفعت عيونها تشوف اللي ورى مزنه وشافته يطالعها اصرفت نظرها عنه وبعدت عن مزنه وسلمت ع تواف وفيصل اللي بادر بتحيه ابتسمت وهي ترد عليه ومشعل قرب منهم وهي من شافته حاولت تبعد بس ماقدرت لانه قد وصل وهو يقول: شلونج يا الغاليه ...
ردت بحده ورسميه: طيبه عن اذنكم ...
لفت بتروح وقفها صوته ونو يفول: ممكن اتحجى معاج...
من دون ما تشوفه قالت : اسمحلي الوقت ما يساعد والمكان غير مناسب مشت بخطوااات متسااارعه الي الحرمات اللي دخلوا شاليه ودخلت وراهم وهي تتنفس صعداء خافت انه يمسكها ويرها غصباً عنها وهي ما تبا تي بالقوه ..
انتظروا البارت الاخير
|