اكتشفت ان كل العيوب
اللي ممكن حد يشوفها فيك
حد تاني قادر يشوفها مميزات ..
الدوشة و الصداع
ممكن يتشافوا حيوية و طاقة ..
الزن يتشاف اهتمام ،
والرغي يتشاف حب ،
وحتى السكوت يتشاف ونس ..
العيب طلع ف العين اللي مبتشوفش
تصرفاتنا بعين المُحب
و مبيوصلهاش اشارة بجمال
كل تصرف طالع من قلبنا ..
في ناس كتير في الدنيا هتقابلهم
ويشوفوك حلو زي ما انت
بدون ما تبذل اي مجهود
و هيلاقوا ان حتى عيوبك بتحليك ..
احنا حلوين بس مع ناسنا وفي مكانا الصح ..