انصدم هزاع وضحك الكل عليه وقال بغصه: ابووويه ! انته شو تقول! والله قاطعه ابوه وهو يقول والله لو تحلف من اليوم لين باجر والله اليوم ماتشوفها ولا حتى تقعد عندها ادب لك يا مسود العين عشان تعرف كيف تحرجها قدامهم انا بعد بادبك-a وبحرجك قدامهم ، لطووف استانست ودها تقوم تحب راس عمها اللي رد اعتبارها وقال هزاع بجديه: ربك تمزح بو عوض .
ابوه وده يضحك ولكن قال بحده وجمود: والله انا حلفت اان اليوم ما تعتب قسمممك بنت حمد ، اليوم حرمان وكلمه ثانيه بخليهن يومين .
بلع موس وسكت ورفع عينه وشاف ضحكتها وقال بقهر وغصه: اضحكي ضحكي تتحسبيني ماشوفج عايبنج الشور…
هزت راسها باحراج وعوض قال : خلاص والله خف عليها هزاع حرام عليك البنت وين تروح من المستحى ما بقى فيها دم كله تجمع في ويهها.
طالعه هزاع ورفع حاجبه بحده وقال: ما شاء الله مركز عليها الأخ وايد ..
سكت عوض ياب لنفسه الكلام وقطع جووهم دخول سياره غريبه وانتبهوا كلهم للسياره اللي وقفت بعيد شوي ونزلوا منها اثنين رياييل .
سلامه من شافتهم يايين انتفضت بخوف ورتبكت حتى شهقتها طلعت من دون قصد انتبه عليها مكتوم وعوض اما اعلي وبوعوض ونهيان تقدموا عشان يلاقون الريّال ويسلمون عليهم وهزاع وعوض ومكتوم وعيسى وعمر تموا واقفين مكانهم ما تحركوا نطق هزاع بعد ما ميز حمد قال بقهر للطيفه: سيري دااخل ..
قامت لطيفه وهي اصلاً ماتعرف منو اللي ياي وراحت داخل وتبعتها هند وساره ووفطيم وارياام واما البقيه فتموا برى دخلت الصاله وتنفست براحه: الحمدلله افتكيت من الاحراج.
ضحكت هند وقالت: الله يعينج والله اول مره اشوف هزاع جي جرييء ماتوقعته ابداً .
ضحكت بخجل وهي تقول: الله وناسسه اليوم اعفاء من اخوج .
ضحكت هند وهي تشوفه ياي من وراها وقالت: تبين الفكه
لطيفه اللي طاحت شيلتها من دون شعور منها وقالت بحب: لا والله فديته بس يتادب عيل جي يسوي بي قدامهم شهقت من حست بانه يطوقها بيديه وصوت ضحكت هند العاليه وهي رايحه فوق وتبعوها ساره وااريام وفطيم لين فوق اول مره يشوفون خالهم فاقد السيطره على عمره .
ضحكت بخجل وهي تقول: هزاع ابعد وربي يدخل علينا حد من اخوانك والله مب حظي ابدا اذا شافوني بهالوضع معاگ ..
هزاع وهو مستمتع بالحضن عضها على خدها وقال: ليش تضحكين انتي سمعتي اللي انا سمعته من عقاب الوالد .
لطوف بحب ووناسه: هيه والله احسن شي سواه عمي على الأقل يوم مب كل يوم ، ويوم واحد ما يضرگ يا عيوني وترقص حوايبها له ..
هزاع باس رقبتها بقو ولطيفه قالت بالم : هزاع عورتني قوم علك العافيه بتفضحنا عند خوانك والله أقول لعمي يخليهن أسبوعين مب يوم عشان تعرف كيف تسوي كنترول على عمرگ.
بعد عنها وهو يتنهد وبضحكه وهو يلف الشيله عليها : غطي عمرج لحد يدخل ويشوفج.
لطوف : هزاع متى تتادب ! حبيبي ترا والله احرجتني قدامهم ودي اكفخك انته وحمدوه.
هزاع بحب وهو ضايع بعيونها: انزين احبج !! واموت عليج وانا مالي حيله قلبي هو اللي يقودني قود والمشاعر صوبج تواقه .
ابتسمت بخجل وهزاع قال: انزين على الأقل اروي عيوني قبل لا يبدا الحجر عليج ولا اروم اوصلج وقرب وحضنها بحب وهو يزفر براحه انها ما شافت حمد ولا شافها .
ضحكت يوم سمعت صوت عمها اللي قال: ها ما صدقت على الله تختلي بها لطيفه تعالي يا اميه قربي ( جنبي/ عدالي) راحت لعمها بخطوات سريعه بعد ماعدلت شيلتها وباست راسه وهي تقول : بعدي عمي خلهم أسبوعين وترقص حواجبها مب يوم وهي تضحك وتشوف عصبيته وقهره..
عمها ضحك عليها وقال: والله يابنتي ماضمنه اخافه يسري مسرى ليل وانتي تشوفين حالته ! وبضحكه خبيثه قال : طالعي نظراته شوي وبياكلج !
ضحكت بخجل وهزاع انحرج حك راسه وبهمس بينه وبين نفسه اركد يا هزاع حبها زعزع كيانك وصرت ماتحاسب على نفسك .ابتسم بانحراج وطلع عنهم ،، اما لطيفه واقفه عند عمها وهي مستحيه منه رفع راسها بيده وقال ببتسامه: كان اعقل عيالي بس ما ينلام ان طار عقله وباس راسها وهو يكمل كلامه يا بنتي انتي من يشوفج وماتملين عينه انتي تجبرين قلب تايب يميل لج غصباً عنه وين لو واحد قلبه رهيف بتضيع علومه من نظرة عيونج ورمش اهدابج ..
انحرجت زوود لطيفه وقالت صباح وهي تضحك: الحين هي تلقاها من ريلها ولا منك يا بويه !
بو عوض يضحك ويقربها من حضنه زود: والله يا بنتي اني أقول الصدق جامعه كل الصفات اللي يدورها الريال من حلاه والزين وخجل وهدوء ضحك وهو يقول الحين هزاع انا مالومه والله ،الله يعينه على هالليله بينحرم من حب قلبه .
ضحكت صباح وهي تقول: الشاهد الله يابويه لطيفه مالها مثيل ومحظوظ اخويه فيها ربي يديمهم لبعض .
أبو عوض : امين يارب العالمين ولف على لطيفه اللي مستحيه وقال: هاه، طالعي بالله عليج كل هالزين والحيا وماتبين اخوج ينفتن فيها ويطير عقله..
انحرجت لطوف ودفنت راسها في صدر عمها حوطها بيديه وهو يضحگ .. وصباح تبتسم بحب لهم وقالت:،:'يلا لطوف نسوي سويتات عشان بروح عزبه ابوج ، وما نبا نسير وايدينا فاضيه لازم نشل شي ويانا ..
لطيفه تبتسم وباست راس عمها وهي تقول: يطول عمرك يا الغالي شي في خاطرك من صوبي..
هز راسه بلا وراح لفوق وهي راحت باتجاه صباح ونزلت الشيله على كتوفها ولفت شعرها اللي بدى يرتخي وينفك من المشبگ ورفعته وردت المشبگ عليه ولبست شيلتها وشافت السويتات وهي تقول الله شكلهن لذيذ .
ابتسمت صباح وهي تقول: فديتج من ذوقج الغاليه!
شوي ودخلت سلامه وقالت : صبوحه انتى هنيه وريلج يدورج !
صباح باستغراب: عيسسى احيده عند الرياييل اللي يووا
سلامه تبتسم وتنقل نظرها للطيفه : قصدج عند خواني .
لطوف اللي وقفت عن الاكل بصدمه ورفعت عينها لسلامه وشافت نظره الخبث فيها نزلت عينها لطوف بضيق وهي تسمع سلامه تكمل كلامها: يايين يسلمون عليه فديتهم ! وماحصلوا الفرصه انهم يقعدون ويايه فقعدوا مع رياييل ..
صباح ما عيبها الكلام حست في شي توها بتنطق رن تلفون لطيفه ودخل عوض في نفس الوقت ردت لطوف: مرحبا والله
نايف بشوق: مرحبا ملايييين ولا يسدن فديت صوتج انا !
ضحكت بخجل وهي ترتب السويت في صينيه : فديت عمرك الغالي ! شحالك!
نايف بتنهيده: بخير ونعمه متى بتون !
ردت بهدوء وهي تقول: والله ماعرف !
نايف بشوق: لطوف انا مشتاق لج ومافيني صبر لين تين طلعي برى انا قدام الباب …
لطوف بصدمه قالت: قدام الباب!
نايف بضيق . هيه يلا تعالي والله ولهان عليج من عرستي لا اشوفج ولا اتصل بج .
ضحكت عليه وقتله. وانا ناسيه وجود عوض: شرايك اييب خطيبتك ويايه وضحكت باحراج يوم قال ودي والله بس لين الحين محترم نفسي ماصرت رسمي لها.
تنهدت بعتب وقلت: ان شاء الله بتصيرون لبعض رسمي!
نايف امن على كلامها وشوي قال بصدمه: بتخبرج بطي عندكمم!
انفتضت من طاريه وقلت بصدمه: في ذمتك
نايف : هيه اشوف سيارته .
ناقصه خبال هزيت رأسي بصمت ،، اما عوض كان يتكلم مع صباح عن تأخير حمل سلامه وانه متضايق من سبب التأخير ولف على لطيفه ومن دون قصد طاحت عينه على خدها المحمر اللي فيه اثار هزاع وتنهد بتعب وصوت مسموع انتبهت عليه صباح اللي كانت مشغوله بكيك التمر اللي تسويه ورفعت عينهاوهي تشوف اخوها وين يطالع وطاحت عينها على خد لطيفه المحمر من اثار جريمة اخوها هزاع ابتسمت ضربته بكوع عشان ينتبه لان سلامه كات مشغوله في تجهيز التمر والقهوه لخوانها .
لطيفه اتصلت على هزاع عشان أقوله عن وصول نايف سمعت صوته يرد بهمس: لبيه يا القلب .
تقشعر جسمي من همسه ونطقت بتوتر: لبية في قلبي يا بعدهم وبتوتر قلت امممم نايف برى .
فز واقف وهو متجاهل اانظار حمد وبطي اللي مابلعهم من قعدوا وهم نظراتهم لبعض ما توقف وطلع وهو يقول: مرحبا به النسيب !
ضحكت عليه وقلت: لو تدري ليش ياي ! بترده من وين مايا(ما جاء) .ههههه
هزاع وهو يغمض عيونه: للمره المليون قلت لا تضحكين وحد عندج أخاف يطمعون اهل النفوس الضعيفه والمريضه فيج.
انتبهت على نفسي واستحيت والله من كلامه بس حمدت ربي محد كان موجود في المطبخ غير صباح اللي منشغله بسويتات تنهدت بحب وبهمس: فديت قلبگ حبيبي
هزاع اللي ذايب مع همسها قال: نسيتي ان الوالد معاقبتي!
ابتسمت بخجل وقمت واقفه وطلعت من المطبخ الوراني وقلت :،تعال عند سيارة نايف اخويه.
هزاع متجهه لنايف: اوك يا الحب وسكر الخط ..
وصل هزاع ونزل نايف من السياره سلم عليه وقعد يسولف وياه لين ما توصل لطيفه اللي متجهه صوبههم .
وصلت لطيف وشافت اخوها فاتح ايديه لها وحضنته على طول وهي تقول: أشتقت لحضنك والله الغالي.
ضحك نايف وقال: ليش حضن هزاع مايسدج ولا متبيخل فيه .
ضحك هزاع وبغيره قال: بسك لا اصدق نففسك انا ريلها حضني غير وانته اخوها حضنك غيرر.
طول نايف حاضن لطيفه وشاد عليها: أقول اكرمنا بسكوتك اختى طايحه في حضنك من ثلاث شهور ومفارقه حضن اخوها من ثلاث شهور لازم الحين اعوضها عن كل شي ضايقها في الفتره اللي طافت عشان تنساه.
ضحك هزاع وقال:هيه عوضها حليلها تراها كانت تصبح بكف وتمسي بكف وترقد بكف
ضحك نايف من التمس نبرة الغيره في صوته وقال: ههههههه يغار الريال!!
رفع حاجبه هزاع وقالت لطيفه وهي تحاول تبعد عنه: هههه حلاله وكيفه من حقه يغار عليه ولا شو رايك .
نايف بغياض وهو يمنعها تبعد عن حضنه: صبري لاحقه على حضن ريلج خليج.. وقطع عليه هزاع اللي سحبها من بيديه وقال بغيره: مصاخه عاد جانك تبا حضن ، ترا خطيبتك موجوده فوق
نايف اللي استغرب وقال: صدق والله عادي اروح!!
ضحىت لطيفه اللي طوقها هزاع بيديه وقال يفتح له درب: هيييه تفضل روح وياشر بيده الباب هكوه تشوفه قدامك .
ضحك نايف وقال: خلاص اوك سووا لي درب .
هزاع يطالع لطيفه: روحي شلي اخوج وديه فوق !
انصدم نايف وقال بضحك: خييييبه اثاريك ما تقارب يا ريال ! يابن الحلال بعدني ما استويت ريل اختك عشان تخليني اروح لها وبنغزه قال كل هذا عشان حضنت لطوف سمعني راضي اني أكون في حضن اختك بس ترا الملجه باجر!
لطوف اللي ضحكت بصدمه وهزاع اللي قال: انزين درب المحاكم تدله سيروا وملجوا في المحكمه وفكنا بالله من عاطفيتك الزايده وساعتها ان قربت للطوف يا ويلك ..
ضحك نايف وقال بغياض: والله لو ادري انك اناني فيها ما اخليگ تاخذها .
ضحك هزاع وقال بغياض: انزين انته تحب حد يقرب من حرمتگ
نايف يضحك: يخربيتك تراها اختي قبل لا تصير حرمتك .
هزاع بغيره: انزين ما اختلفت اختك لكن والله ما حب حد يقرب منها !
نايف سحبها له وطوقها بيديه وقال : الغالي انا تراني ياي اشلها العزبه اذا انتوا بتون متأخر كيفكم بس اختي محتاجنها!
هزاع بصدمه : بالله عليك ضارب خط من العين. لدبي عشان تشل حرمتيه !
ضحك نايف وهو يشوف صدمته اما هزاع اتصل بابوه وحطه سبيكر ومن قال ابوه : الوه
هزاع قال : سمعنى الغالي خطيب بنتك تباه حي تعال شله من ويهي ولا دفنته اليوم
بو عوض اللي كان قاعد عند الشباب ضحك وقام من مكانه وقال: انزين يايينك .
شوي وطلع بوعوض وضحك يوم شاف نايف ولف وراه وشاف الباقيين طلعوا ..
تنهد بصمت وتجدم من نايف وسلم عليه وشافه ماسك لطيفه وضحك عليهم وقال : العلم يا جماعة الخير ومسك ضحكته .
نايف يضحك: ابد والله طال عمرك أبا اشل اختي والاخ معارض .
مسك بو عوض ضحكته وقال وهو يصد على هزاع: ليش! امداك تنسى العقاب .
هزاع بقهر: مانسسسيت بس لا يشلها الحين.
ضحك نايف بخبث وهو يحرك حواجبه بغياض وبوعوض قال لنايف وهو يغمز له: خلاص ابويه مرخوص شل اختك الغالي وتجدمونا ونحن بنصلي المغرب وبنتحرك صوبكم .
هزاع يطالع لطوف وقال: عايبنج حكمهم علينا!
ضحكت وهي تقول: والله ما بيدي شي يا الغالي حكم القوي على ضعيف !
هزاع توه بيتكلم قطع عليه نايف وقال متعمد: شووف شو مسوي باختي عمي يرضيك .
عمه ضحك وهو يشوف خد لطيفه اللي انحرجت من جراءة اخوها وهزاع بقهر قال: يعلك الخير حرمتي غربلات بليسگ ما يخصك وطالع ابوه بقهر وقال: يوووزه اختي باجر فكنا من شره وعاطفته الزائده.
بوعوض يضحك وقال لهزاع : انزين اخته برايه يشلها وبترد وياك عقب
هزاع بخبث: هههه اذا شلها من دون رضايه العقاب يعتبر ملغي .
بو عوض يضحك وقال: نايف فر حرمته عليه لاني معاقبنه اليوم .
ضحك نايف: زين تم ومدامك معاقبنه اختي بتبات عندي ومسك لطيفه وعقها في حضن هزاع اللي طوقها بيديه وهو يضحك ويرقص حواجبه بقهر لنايف ونايف قال بضحك :عادي بتنام عندنا اليوم .هههههههه
هزاع يضحك وقال: والله يا تبطي
لطوف بعدت عن هزاع وقالت: سمعني شوف بسير ويا نايف وبرد وياك احسن من اني ابات بيت ابويه بعيد عنك
ضحكوا ابوه ونايف عليه وقال هزاع : يلا سيري مرخوصه
نايف بقهر: والله ما تنعطى ويهه من صبح مسوونها زعله ومن نطقت حرمته قال عادي وسحب اخته وقال بضحك:يلا نترياكم
في الجهه ثانيه وبعد ما ظهروا الرياييل بطي يسولف ويا مكتوم وحمد من.طلع وعينه ما فارقت هزاع وابوه ونايف اللي يضحكون ويتغايضون شبت فيه نار الغيره من شاف نايف يفر لطيفه على حضن هزاع اللي طوقها بيديه وكان بيروح صوبه بس تفاجأ بلي حط ايديه ع صدره ورده ورى وبغضب قال: حشم عمرك وغض بصرگ عن محارم غيرك واحترم البيت اللي انته فيه وحرمته !
حمد يضحك وباستهزاء قال: عايبتنك انته بعد صح! وضحك بخبث اعرفها بنت عمي منو يشوفها وما …. قطع عليه لكمة مكتوم على ثمه وخشمه وحمد اللي رجع ورى بسبب ضربة مكتوم اللي دقه على صدره بقووو ورد حمد ورى من قوة ضربه وقال بقهر: بنت عمي كل الجمال فيها وما تتتقاو… قاله مكتوم بعصبيه: اوووص وقص الله لسانك يا رذيله وتوه بيكمل هجوم تدخل عيسى وعمر وبطي يفككون بينهم عيسى ماسك مكتوم ويرده على ورى وعمر وبطي يقومون حمد من الأرض وبطي بحقاره قال لحمد: تستاهل والله يزاك واقل من يزاك ليته زادك ضربك .
حمد طالعه بغيض وقال بحقد: وربي يا طلقها منه بس انته اصبر شويه وشوف خالك شو بيسوي .
بطي اللي حط ايده على ثمه وقال بكره وحقد:، اوووووص وقص الله لسانك من خال الحين لو يسمعك ريلها بيدفنك ، انا قايل لك بتي ويايه تحشم عمرك بس الظاهر تحب تتفشل جدام خلق الله وطيّح كرامتك القاع ،ودززززه باتجاه السياررره وهو يقول بعصبيه انقلع ارككككب ولف لمكتوم وقال السموحه منكم .
مكتوم بقهر وهو يشوف حمد قال: احسن لك روح تعالج انته انسان مريض نفسي ، وزفررر براحه وبعد عنهم وروح عنهم داخل البيت ورقع بالباب بقو على صوت الباب طلعت سلامه وصباح وامه من المطبخ وقالت امه: شفيك بسم الله عليك
مكتوم بعصبيه ومن القهر اللي فيه قال: ورفجه لو ما شله بطي من جدامي جان دفنته اليوم وخذوا عزاه اهله اليوم قليل الأصل.
نزلن البنات على صوت خالهم العالي ساره وفطين واريام وهند نزلت وياهم وعوض وبوعوض وهزاع اللي دخلوا من بعد ما سلموا على نايف اللي روح.
امه بخوف قالت: شو مستوي يا بويه ومن تقصد.
مكتوم بعصبيه قال: واحد خايس قليل اصل ومروءه
سلامه ارتبكت وبخوف تدعي انه ما يقصد حمد ماتعرف شو سالفه وما تتوقع ان حمد بيسووي شي .
عوض قال بعصبيه: شو عندك انته معصب منو هذا وشو سوى
عيسى: يا جماعه اهدووا واللي صار سوء فهم وغمز لمكتوم عشان ينتبه لوجود هزاع بس مكتوم قال بعصبيه: سوء فهم هه والله لو اشوفه معتب باب بيتنا مره ثانيه والله لاثور فيه ( اطلق عليه بمسدس) واخليهم يفقدونه في نفس الليله عشان يعرف ان الله حق وان بنات الناس مب لعبه.
بو عوض بهدوء: شو مستوي ما تتكلم يا مكتوم.
قاطعه هزاع بعصبيه وشياطين الجن والانس ينطون بين عيونهً وقال: انته لا يكون تقصد هذيل اللي يووا ( مايبا يسمع اسم حمد ولا يباً طاريه) ..
مكتوم يعدل كندورته: حشى على بطي محشوم عن الرذيله اللي ياي وياه حسبي الله عليه وقال بقهر لهزاع: سمعني اذا ما بلغت عليه انا ببلغ عليه وبسجنه قليل الادب امحق نسب يوم ناسبناهم وطالع سلامه بغيض وكره ولف ويهه عنها ، انتبه عوض على نظرات مكتوم لسلامه كيف نكره وفيها كره وحقد …
عوض طالع سلامه وقال بحده:انتي تعرفين شي نحن ما نعرفه.
ارتبكت سلامه وشتت نظرها بينهم وهي تبلع ريقها بخوف ونطق عوض بعصبيه يوم سمع مكتوم يقول: تراها من شافتهم شهقة ما يحتاي الكتاب باين من عنوانه.
عوض طالعها بعصبيه وقهر وده انه ما يكون لها دخل في الموضوع .
بو عوض بهدوء: سمعوني زين !!
توجهت الأنظار صوبه كمل كلامه بقهر مكتوم وضيقه: الحين مب وقت نقاش ابداً ،، العرب يتريونا ومب حلوه ان نروح ونحن متوترين ،، من المفروض ما نبين لهم انهم زعزعونا وهزونا .
مكتوم كان بينطق بس ابوه قال: مابا اسمع شي زهبوا اغراضكم خلونا نحضر عزيمة العرب وباجر ننظر فالموضوع ونشوف شو مقدر نسوي
هزاع اللي عمته العصبيه والغيره قال:انطططق شو قال
بو عوض يحاول يهدي ولده ومسك ايده اللي ترجف وقال :هزاع اهدأ ولا تعصب تراك انته اللي محسود عليها ودليل انه يحاول يستفزك بس انته لا تعطيه مبتغاه هو يبا يوصلك لمرحلة تعميك عن الحق وتشك بحرمتك عشان يفضى له الجو لكن خلك ذكي ولا تعطيه مبتغاه .
هزاع كان يصر على اسنانه بضيق وقهر وشاد على ابديه لين برزت عروووقه من القهر وقال بحده ووعيىوونه مليييانه غضب: والله ما اشوف الا موته قدامي.
بو عوض اللي انصدم وقال بخوف على ولده: والله ما تقربه ولا تتعداا عليه خله يولي لا تلوث ايديك فيه طلبتك يا بوك عشان لطيفه هدي الوضع ترا الحرمه مالها خص ولا تعرف عن شي ولا تدري بلي صار وهي مب مستعده تخسرك .
بعد عنهم هزاع وراح فوق وهو بينفجر من العصبيه والقهر والغيره اللي تاكله دخل غرفته وسكر الباب بقوو قعد على الشبريه وهو يلهث بتعب سمع اذان المغرب ودخل توضى وصلى وابطى في سجوده وهو يدعي على حمد من قلب محروووق ويدعي ربه يحفظ له مرته وبيته ويبعد حمد عنهم ..
:
بعد ما خلص صلاه سمع دق عالباب غرفته ازفر بضيق وشاف عوض وحمده داخلين عليه وسكروا الباب وقفلوه بالمفتاح قربوا منه وقال عوض: شو اللي يرضيگ يا هزاع
قعد عالكرسي اللي قريب من التسريحه وقال : ماعرف والله شو اسوي وشو اللي اباه بس اللي متاكد منه ودي يموت ويبعد عن حرمتي وما يضرها ، هذا ما وراه راحه ما دام انه حي ..
حمده بهدوء قربت منه وحطت يديها على كتوفه بدت تمسجه عساس ترخى اعصابه نطق عوض بهدوء: سحبت سلامه وكلمتها وقاطعهم صوت هززز لفوا كلهم يحاولون يركزون من وين ياي صوت هزز تلفون دوروا في كل مكان مالقوه .
هزاع بضيق : صوت اظني ياي من الكبت اللي ورايه !!!
لفت حمده على الكبت وفتحته وسمعت صووت بشكل أوضح وانتبهت على الاضاءه اللي يايه من بين ثياب لطوف طلعت التلفون وانصدم هزاع وهو يقول: شو هذا !!!
حمده بضيق: تلفون !!!
هزاع مسك تلفون بين ايديه وقال وهو يطالعهم: تلفون منو !!!
حمده: اكيد لحرمتك كان موجود تحت ثيابها
هزاع فتح تلفون بضيق وشاف خلفية حمد وغمض عيونه بقهر وقال لحمده: شليه عني مابا اشوف رقعة ويهه اكيد هو ورى الموضوع
شلته حمده وعوض وبدوا يتصفحون وكان فيه رقم واحد وتبادل مسجات على الواتس ومحادثات حب واتصال واححد برقم واحد مسجل عليه حبي الوحيد..
هزاع معصب وحمده قالت ببرود: يبين ان السالفه فيها انّ ودليل بقولكم إياه شوفوا الاتصالات كلها وارده مب صادره يعني ان هذا اللي مسجل حبي الوحيد هو اصلاً يتصل على تلفون ،، مافي أي مكالمه صادره من هالتلفون، ٢ المسجات كلها حب وغرام ودليل ان من أسبوعين فقط في رسايل غير مقروءه والتواريخ اللي فيها المحادثه انتوا كنتوا مسافرين فيها لسويسرا ، يعني منو رد عليه يوم لطيفه مسافره وياك سويسرا،، وليش من بعد هالتاريخ المسجات ما انفتحن ولا حد قراهن ؟؟؟ ليششش؟؟؟؟ معناته في لعبه بالموضوع حد ناوي يخرب عليكم ويبث الشك فيكم
هزاع بقهر: لطيفه تحبني وايد ومتاكد ان هالتلفون مب لها مليوون بالميه!
عوض بهدوء: كييف !!!
حمده طالع عوض: صدقه هزاع والله مب للطوف هالتلفون
اكيد في حد وراه .
قام هزاع وفز واقف وهو يقول: دقيقه احيدني مركب كيمرا في ققسمي تعالوا نشوف اذا حد دخل في غيابي ولالا!
:
في بيت يوسف ..نبذه عن عايلته ..
يوسف ٣٧ سنه سبق التعريف عنه يوسف اسمراني وملامحه حتده وحلوه خشمه طويل وعيونه السود واللي تتميز بنظراته الحاده ،، احمد : ٣٤ سنه ابيض وجميل جدا كان خاطب بنت عمه خلود ولكنها رفضته بعد الحادث وتوقع انها بترفضه بس ما اهتم فيها وفكرانه يعرس حتى لو هو عاجز عن المشي بس يبى يكمل نص دينه وبيتعالج بس ترضى فيه وحده، فتون (١٥ سنه ) ، ريمان وايمان التوأم ( ١٢ سنه ) ، مطر ( ٨ سنوات) ، ياسر( ٥سنوات).
///. /////. :////////. ///
ايمان وريمان وفتون يتابعون فلم على الام بي سي تو ،، وشما قاعده عدال عمها على الكرسي وتهمز ريوله وتشربه شوربه وتسولف ويا احمد اللي يتابع شوي من الفلم وشوي يرد يسولف وياها ،، شما بحب تطالع عمها: شبعت الغالي
ابتسم بحب لها وهو يقول: هيه فديتج
همزت(مسجت) ريوله وهي تبادله الابتسامه وسمعت صوته يقول: اذن العشا!؟
شما: لا فديتك توه ماذن المغرب بعده عالعشى ..
هز راسه وهو يطالع شما بحب ، لف احمد عليهم وشاف نظرات ابوه كيف تشع فرح ، نزلت عهود وهي تقعد تحت بعد ما عطت شما نظرة قهر وكره تجاهلتها شما اللي صدق كرهتها لين الحين قلبها لنايف اللي مادرى عنها وشوي سمعت صوت ضرابة فتون ومطر ، شما تروح صوبهم وتمسك مطر عنها وقالت بعصبيه: فتون انتي مب ياهل حاطه عقلج بعقله .
فتون بقهر: هو اللي خذ لعبتيه اول .
شما تبعد مطر عنها : عشان لعبه مكفختنه خافي ربج ، كلميه بهدوء فتون تبا تهجم عليه مسكتها شما اللي قالت: خلاااااص فتون انا بييب لج اللعبه وطالعت مطر وهي تقول: مطر حبيبي عطني اللعبه وانا بخلي يوسف اييب لك ومده.
مطر بعصبيه: مابا هي امس شلتتها من غرفتيه وماردتها.
شما يهدوء: انزين هي أصلا مالت منو !
مطر بضيق: مالتها !!
شما تقعد على ركبها مقابلته: انزين سمعني عطني اللعبه ووعد أقول ليوسف اييب لك وحده شرايك .
مطر تنهد بتعب وقال: ما بييب لي لان درجاتي نازله وهو شل مني البلاي ستيشن وشل من الاتاري .
شما بصدمه: افااااا درجاتك نازله !! خلاص انزين يلا انا ببدا ادرسك ونشوف شو عليك امتحانات وواجبات لان مادام انه معاقبنك لازم تحترم شي هذا وما تشل لعبتها .
مطر بضيق رد الانتيدو ( اللعبه) لفتون واعتذر لها ولف لشما وقال: وعد تقولين له!
شما تبتسم: هيه وعد والله … بس كله ينطبق على درجاتك وبعد العشا بلف عليك وبشوف شو عندك دروس وبدرسك…
مطر بضيق : انزين بس ما تقولين ليوسف اني خذيت لعبتها!
فتون: انا بقوله والله قاطعتها شما وهي تقول: فتوون خلاص عاد لازم تقبلين اعتذاره ما يصير تسوين فتنه بينكم انتوا اخوان..
فتون طلع لسانها وتغايضه مطر بقهر : شوففيها شو تسوي .
شما طالعتها بحده ولفت عنها وهي تقول لمطر : روح حبيبي فوق وانا شوي وبييك انزين .
راح وهو مقهور من فتون وخانقتنه العبره دخل غرفته وعلى طول بكى ..
ريمان وايمان تضايقوا من موقف فتون ولفوا لشما اللي كانت تحاول تحتويهم كلهم وقالت ايمان: فتون حرام عليج كسرتيه.
فتون بضيق لفت عنهم اول مره تكسرها نظرة شخص ومن شافت نظرة شما وكيف تجاهلتها خنقتها العبره عرفت ان اسلوبها غلط .
احمد كان يتابع االموقف وكيف بتتعامل شما معهم حس انها اختهم الكبيره واللي تحاول ترضيهم رغم كبر المسووليه عليها الا انها تعرف كيف تتعامل مع المواقف ومتى تكون حنونه ومتى تكون شديده تنهد براحه ان الله عوض اخوه بشما اللي لفت عليه وهي تقول : احمد صار لي ساعه اناديك اكلك برد .
لف وضحك وقال: شموه والله يوم اشوفج كيف تتعاملين مع اخواني احسج امهم تعرفين متى تشدين ومتى ترخين وتعطين نظرات وماتتكلمين حسيت ان لج خبره في خواني .
ضحكت شما : لا والله مالي خبره في العيال ولا اعرف حتى ميف يتصرفون وياهم بس أتذكر امايه كيف كانت تعاقبنا ونحن صغار.
ضحك احمد وقال: ههههه هيه يعني الموضوع كان مطبق عليكم من صغر .
شما تتهد: والله ي احمد تبا صدق في الزمن هذا ماتنفع تربية أهلنا الاوليه لانهم ربونا في زمن غير عن رمن هذا ، الزمن هذا يا احمد يخووف والنت سلاح ذو حدين والألعاب اللي فيها عنف يحاولون يغرسونها في العرب بذات عشان يتعلمون العنف ، انا من رايي الزمن هذا يوم نربي العيال لازم نربيهم ان في عواقب لشيء اللي يستخدمونه ونفتح عقولهم اكثر الدنيا ماعاد فيها امان ، وبيني وبينك لازم تشوف وين يدخلون وشو يسون لمصلحتهم عشان ما يكونون ضحايا النت والناس الغريبه واهم من هذا كله لازم نصادقهم عشان اذا واجهم شي لازم ايوون يخبرونا وما يخافون من أي حد يهددهم او يستغلهم.
احمد باعجاب: هيه والله انج صادقه ..
شما لفت لعمها وهي تقول: عمي قوم يلا بوديك الغرفه وبعطيك دواك .
عمها بحب: اول اذن العشا.
شما تبوس راسه وتشله وتحطه على الكرسي المتحرگ وقالت بحب: شوي وياذن فديتك .واتجهت فيه للغرفه .
ريمان وايمان راحن لاحمد وقعدن عنده وقالت ايمان:
احمد شكل مطر زعل
احمد بهدوء: ماعليه عشان مصلحته وفتون خلوها شما بتتصرف معاها .
ايمان بضيق: بس
احمد يقاطعها : لا بس ولاشي يوسف لو يدري ان خذا اللعبه وهو معاقبنه بيروح وبيضربه صح !
ايمان هزت راسها بخوف من شافت يوسف يدخل وبلعت ريقها بخوف ولفت على ريمان اللي طارت فوق من الخوف
دخل يوسف وسلم وتجاهل عهود اللي كانت تتابعه بعيونها وقال لاحمد : شوفيكم !
احمد بهدوء: ماشي الغالي بس كانن يسولفن ويايه !
يوسف طالع ايمان اللي راحت فوق وهي تركض قال: شبلاهن خواتك جنهن شايفات يني(جني) ولا سفاح .
ضحك احمد وقال: ترا يخافونك من شدتك وياهم .
يوسف يبتسم: شو اسوي بعد الله يقدرني واربيهم عدل لين ماسلمهن لريالهن.
ضحك احمد وقال يوسف باهتمام : شميمي وين وابويه وين !
احمد: شميمك عند ابويه اكلته وشلته تعطيه دواه واظني يالسه عنده تبدله عشان يصلي العشا وينام .
يوسف يبتسم ويوقف: فديتها والله ولف على عهود وقال: قومي زهبي العشا يلا بسررعه لا انزل من فوق الا العشا جاهز تسمعين.
ببرود ردت عليه: خل شما تزهب لك عشا.
يوسف: مابا اتعبها ويلا اشوفج جدامي تحركي .
قامت وهي تغلي من الغيره ماتوقعت بي اليوم اللي تنقهر منه ومن قربه لوحده ثاننيه ! .
دخل غرفة ابوه ولقاه نايم تقدم وباس جبينه وانتبه على ابوه اللي فتح عيونه وبهمس قالت: وصلت !
يوسف باحراج: اسف وعيتك( قوممتك) من نومك ولكن قلت بطمن عليك .
بو يوسف بحب: لا تحاتيني والله اني في خير ونعمه من بعد الله بنت الايواد ما قصرت شما والله يا يوسف عسى الله يبلغني واشوف عيالك يا الغالي .
ابتسم بحب وقال: امين يارب العالمين.
بو يوسف قال: قوم عند حرمتك واخلني ارقد .
يوسف: شي يعورك ؟
بو يوسف: لا والله يا غير اني أبا ارقد
باسه على راسه وطلع ،، وراح غوق متوله على شميم دخل غرفتهم ومالقاها تنهد بضيق وين سارت اكيد المطبخ ، دخل يتسبح ويغير ثيابه ويسير يشوفها وين .
اما عند شما كانت عند مطر اللي حست بانه متضايق ودخلت عليه ولقته يبكي حضنته وهي تقول: فديت روحك حبيبي لا تضايق عمرك .
مطر بقهر: هي دايماً اللي تباه تحصله وتغايضني .
شما تمسح على راسه وتبوسه على راسه: طيب اسمعني انا باخذ لك نينتيندوا ووعد مني يا مطر وبشلك ويايه تختار لك اللون اللي تباه .
مطر بفرحه: قولي والله ..
شما بفرحه: والله حبيبي ، بس عندي شرط .
مطر مبسوط وقال: والله موافق على شرطج .
شما: طيب اسمع اول شو الشرط..
مطر ينقز ويحضنها: اهتم بدراستي ووعد والله اشد حيلي بس تتابعيني وباسها على خدها بقو
شما تبتسم : حاضر ومن عيوني تامر امر .
بعد مطر عنها بربكه من شاف يوسف دخل وبان فيه الخوف وبلع ريقه .
شما استغربت منه ولفت وراها وشافت يوسف واقف ومكتف ايديه. ارمشت بعيونها وقالت بحب: تعال عيوني
تقدم يوسف وقعد عدالها وقال: اشوفكم مشتغلين أحضان وبوس شو عندكم وحضن شما بشوق اللي قالت وهي طالع مطر: نعتبره سر بينا ولا عادي نقول لاخوك.
بلع ريقه بخوف وهو ساكت شما بعدت عن حضن يوسف نفسها تعرف شو سر الخوف فيهم من يوسف وقالت بحب وهي تحضن مطر وطالع يوسف: شوف الغالي هذا بعتبره سر بيني وبين مطر وبنقول لك في الوقت المناسب وغمزة ليوسف اللي ابتسم وقال: انزين ماعندي مشكله ننتظر ونشوف .
بعد عنها مطر وهو يزفر براحه ويبتسم حضنها وهي حست بخوفه وقالت بمحاوله وهي طالع يوسف ومطر وبعدت عنه وهمست لمطر في اذنه: يلا احضن يوسف وبوسه على راسه تراه يحبكم ويخاف عليكم اكثر من نفسكم .
وبعدت عنه وشافت توتره وقالت بتشجيع : يوسف غمض عيونك بنعطيك هديه .
يوسف اللي تفاجا وقال: هديه لي انا ومن منو؟
شما تغمز له: غمض عيونك وبتعرف من منو !؟
غمض عيونه وقالت شما بهمس لمطر: يلا .
كان خايف اول مره يحضنه تقرب من اخوه وطوقه بيديه وباس راسه وقال: ان شاء الله أكون عند حسن ظنك.
يوسف اللي تقشعر جسمه من بوسة اخوه وحضنه بادله الحضن وهو مغمض عيونه وقال بحب: انا أبا ارفع راسي فيكم انته واخواني واخواتي وعصبيتي عليكم تراها الا من خوفي عليكم .
مطر ابتسم وباس راسه مره ثاني وقال: ان شاء الله عند حسن ظنك وترفع راسك فينا.
يوسف اللي ابتسم وطالع شما بمتنان وحب ،، بعد يوسف مطر عنه وقال: بس ما تنسى دراستك .
مطر: خلاص ما يهمك شما موجوده وبتابعني اول بأول .
ابتسم ومسح على راسه : يلا ننزل نتعشى .
مطر ابتسم وحضن شما وقال: شكرا شما انتى اطيب انسانه واحلى وحده في الكون كسرتي حاجز الخوف اللي بيني وبين اخويه .
مسحت على راسه بحب وهي تقول: يوسف يحبكم كلكم وهو يخاف عليكم مايباكم تتبهدلون في حياتكم او تكونون ضعاف في دراسه وغيرها.
مطر ابتسم براحه : احبكم
ابتسموا يوسف وشما وقالوا: نحن بعد نحبگ ..
شوي انفتح الباب ودخلت فتون وراحت لشما تحضنها وهي تقول: اسسفه شما والله ما قصدت هالحركة .
شما بعتاب: انتي الكبيره والفاهمه والعاقله بينهم تحطين عقلج بعقله .
فتون لفت لمطر وقالت: اسفه والله ماقصدت اغايضك.
يوسف عقد حواجبه : شفيكم !!
شما بهدوءء: مافينا شي صار سوء فهم بسيط بينا وخلاص بنحل هالخلاف بعدين وغمزتلها.
فتون بضيق: لالا مابا بعدين أبا الحين والله انا احبج وماباج تزعلين وقالت خلي يوسف يعرف شو يعني بيمد ايده عليه برايه.
شما بهدوء وعتاب مسكت يدها ورفعتها لشبريه وقعدتها عدالها وقالت: سمعيني ترا يوسف يحبكم عمره مافكر انه يعذبكم يمكن طريقته غلط انه يستخدم وياكم الضرب لكنه هو قصده يبين حرصه عليكم وخوفه وحب لكم ، سمعيني فتون انا ماحبج يوم تغايضين خوانج انتي متميزه في المدرسه وماشاء الله درجاتج عاليه المفروض تكونين قدوه لخوانج يوم يتعاقبون على شي اخطأوا فيه وتشوفين دراستهم وواجباتهم اذا مهملين عمارهم من وين بيبون درجات عاليه لازم حد ينصحهم ويرشدهم وانتي ما شاء الله عليج حرمه السنه اليايه اول ثانوي لازم تكونين قدوه لخوانج وتشاركينهم بكل شي يفرحهم ويحزنهم لازم لان نجاحهم من نجاحج وما يزيدج الا إصرار وعزيمه انج تشوفين اخوانج باعلى المراتب يوم تكونين انتي قدوتهم وفرحتج بتكون اكثر عن فرحتهم صح ولا
دفنت راسها في حضن شما وهي تحس بلوم من خوانها وقالت ببحه: هيه صح ..
مسحت شما دموعها وقالت لها بحب: اعتذري من اخوج !
فتون طالع مطر وبهدوء قالت: اسفه مطر .
مطر يبتسم: لا عادي خلاص فديتج لا تزعلين انا شموه وعدتني اذا نجحت بتيب لي نينتيندوا وعلى ذوقي ومن اختياري صح شميم.
شميم تبتسم: ما صار سر يوم قلته قدام يوسف .
وضحكوا كلهم على مطر اللي فضح نفسه !
وفتون بين دموعها ودموع ضحكها: هههه اسفه والله ، شما ضحكت وتنهدت براحه وقالت: الحين دور يوسف!
يوسف ضحك وقال بحب: احبج والله وسحب شما وحضنها بين ايديه وقال بهمس: ما خاب طني يوم خذيتج وصريت عليج وباس خدها بقو وهو يشوف حمرار وجنتيها وقال لاخوانه: انا والله احبكم واخاف عليكم وحرصي الزايد عليكم يمكن هو اللي يخليني اعصب واضربكم لكن من اليوم ورايح ما دام شما موجوده كل شي بيتغير حتى تعاملي وياكم بيتغير للاحسن باذن الله بس عندي طلب واحد منكم كلكم وهالكلام بقوله لايمان وريمان يوم بشوفهم دراستكم أولى من كل شي طبعاً بعد صلاتكم ، الصلاه في المرتبه الأولى وبعدين في المرتبه الثانيه دراستكم ووعد مني أي شي تبونه بييبه لكم بس بعد ماشوف تطورات في الدراسه اوك
فتون ومطر بوناسه: ان شاء الله وقام مطر وباس راسه وقامت فتون وسوت نفسه وطوقها بيد وحده لان الثانيه مطوق شما فيها وحس بالأمان اكثر والراحه معاهم وعرف اللي في خاطرهم لف لشما وقال بحب: الله لا يحرمني منج
شما بحب: ولا منك يا قلبي ..ويلا ننزل نتعشى جميع ..
:
:
:
نرجع لبيت عوض بعد ماجهزوا اغراضهم بيروحون العزبه هزاع حط نيته يشوف الكيمرا بعدين لان ابوه استعيلهم ..
عوض دخل قسمه وكان يحس براحه نوعاً ما ان سلامه مالها خص في اللي يسويه حمد وده يجرب الإحساس يوم يعض خدها قرب منها وكانت مخلصه ميكب ومتلبسه وبدى يبعد توتر عنها قرب منها وباسها على خدها بقو وعضها ولكن تفاجا بصراخها وهي تبعده بنرفزه وقالت بضيقه: عوضض عن سخافه!
عوض بصدمه وقهر قال: سخافه في عينج ! والله مب منج مني انا اللي عاطنج ويهه. ودخل بدل وطلع من دون ما يعطيها ويهه .
وهو نازل ايتغرب اتصال طليقته ورد عليها بسرعه وقلبه يرقع : الو
سعيد ولده: باباه اشتقنالك
عوض يغمض عيونه: فديت صوتك يا عيون ابوك وينك من زمان ما تتصل .
سعيد: مادري بس باباه أبا اشوفك اشتقت لك واشتقت ليدي.
عوض غمض عيونه وبهمس قال: زين باباه اجهز انته واخوانك وانا بيي اشلكم .
سعيد بفرحه: صدق باباه .
عوض : صدق يا عيون باباه
سعيد بفرحه يكلم امه: باباه يقول جهزوا وبي اشلكم ردت امه بفرحه: صدق حبيبي .
سعيد: هيه باباه قال.
عوض بهدوء: عطني ماماه حبيبي.
سعيد يمد تلفون لامه: باباه يباج .
امه انصدمت وقالت بهدوء: متاكد !
سعيد: هيه والله
شلت تلفون وبتردد قالت: مرحبا بو سعيد.
عوض غمض عيونه بندم: مرحبتين الساع شحالج النيره.
النيره بهدوء: بخير ونعمه ومن صوبك ؟ وشحال عمي وعمتيه.
عوض: كلهم بخير .
النيره: امر بو سعيد .
عوض يركب سياره: ابد والله عرفت قدرج يا ام سعيد
النيره بضيق: بو سعيد هالكلام انتهى اوانه وانا الحين مافكر غير اربي عيالي .
عوض بهدوء: ردي لي ونربي عيالنا رباعه انا وانتي
النيره: والله يا بوسعيد يوم كنت قدامك قلت عفتج وخذت غيري .
عوض بندم: والله انغشيت فيها يا ام سعيد .
النيره بهدوء: العمر مره يا بو سعيد وانا قضيت نصيبي وياك واسمح لي الحين افكر بعيالي وتربيتهم وانته الله يوفقك ويسعدك
عوض بهدوء: بعدج فكري ! مستعد ااترياج العمر كله بس فكري .
النيره: والله يا بوسعيد ان كنت صدق في عينك غاليه ما رخصتني بسرعه هاي وفضلت غيري عليه لكن … قاطعها بهدوء وندم: ندمان يا ام سعيد والله ندمان اغتريت بالشكل ونسيت المضمون .
النيره بهدوء: اللي يسمعك يقول مختار ملكه تراك اجمل منها بكثير يابو سعيد وما توصل مواصيلك.
ابتسم بحب وقال: ماعليه بعطيج وقت وفكري زين المهم طلعي العيال انا وصلت.
النيره بطاعه: ان شاءالله ..
وشوي وطلعوا العيال عند ابوهم..
:
في سيارة هزاع كانت حمدوه ولدها نهيان ،وهنوده وساره واريام وفطوم
عند مكتوم راكبين نهيان وصباح ومريوم وبناتها ..
:
عند علي راكبين امه وابوه …
:
في العزبه …
:
كانوا مجتمعين كلهم الا ام حمد واليازيه وحمد مايووا ، اما راشد ومهره ومبارك وبطي وبوحمد وبو سعيد وسعيد والريم ونايف وام سعيد وشهاب ولطيفه موجودين وقاعدين الرياييل رباعه والحريم رباعه .
طلعت لطيفه من بعد ما اتصل بها نايف عشان عمها يسلم عليها طلعت لطيفه وسلمت على عمها وتفاجأت بوجود بطي سلمت عليه وهي تبتسم: شحالك بطي
بطي بهدوء: بخير ونعمه انتي شحالج وعاش من شافج .
ردت عليه وهي تشوف ملامح ويهه المستهزأه : بخير الحمدلله عاشت ايامك .
بطي : ع سريع جاوبي انتي حد مانعنج من التواصل ويايه !
ردت بضيق: لا والله بس تجنبت المشاكل!
رفع حاجب واحد وقال: مشاكل ! مني انا! هه يا سبحان الله صدق انّ نحن في اخر الزمان اللي بيقول ان بتيج مشاكل سببها انا !
لطوف بهدوء: مب هذا القصد! قاطعها بطي وهو يقول: وفري اعذارج لج ياما تمنيت شوفج لكن ما توقعت هذا عذرج حتى ريلج ما بلعته هو وغيرته الزايده الكل يعرف ان انا وانتي اكثر من اخوان ولعلمج لطوف اذا قررت اخطب محد بيدور لي حرمه غيرج سمعتي ولالا وراح عنها ودخل عند الرياييل وانصدمت لطيفه منه ماتوقعت انه هالكثر شال في قلبه عليها وتوها بترد تفاجات بنايف اللي ياي من وراها وقال: والله هالبطي غامضني .
لطوف بضيق: لهدرجة هو شال في قلبه عليه !
نايف ياكل رمان ويضحك عليها وقال: ههههههه حبيبتي والله مالومه ! نحن كلنا نعرف العلاقه اللي بينكم اكثر من مخوه ليت امايه ارضعته جان خوج في رضاعه الحين .
ضحكت لطيفه وقالت: والله يا نايف اني احبه شراتكم انا وهو نفس الاخوان قلوبنا لو تفضفض لبعض بس ما عمرنا زعلنا من بعض.
نايف يغسل ايده من بعد الرمان ويتمضمض: ادري ! بس هو عليه صعب يتقبل وضعج اليديد يباله فتره وبيتعود !
لطوف تنهدت وشافت سييايير اهل ريلها وقالت لنايف وهي ترقص حواجبها: الخطيبه يت .
ضحك نايف وقال: ترا ماجذب صدق باجر بملج.
لطوف: مايخصني فيكم، كلم ابويه وعمي !
نايف: اوك
وقفوا سياير وتقدم نايف يستقبلهم ولطيفه وراه وطلع بو سعيد وبوحمد وراشد وبطي ومبارك .
نزلوا الشباب علي وبوعوض وعوض وعياله وهزاع ونهيان ومكتوم وسلموا على الرياييل ، وام سعيد ومهره ولطيفه والريم طلعوا واستقبلوا ام عوض وصباح وحمده وسلامه ومريوم وهنوده وفطيم وساره واريام وقربوا بهم داخل .
عند الحريم كانت مهره قاعده وعدالها حمد اللي راقد ، الريم كان الحمل متعبنها من وصلت الشهر الرابع ، مهره وحامها ( نساتهاا) قوي وايد لدرجة انها ضعفت وايد ودخلت الثالث توها..
:
الريم طالعت لطيفه وابتسمت بتعب: شو حياتج اليديده.
لطيفه تبتسم: الحمدلله .
سكتت الريم ونطقت ام عوض وهي تقول: مهره حامل !
مهره بتعب: هيه فديتج الحمدلله ..
ام عوض بفرحه: الله يتمم لج عالخير وفرحه ..
مهره تبتسم: امين والفال للطيفه وسلامه .
ام عوض: امين
لطوف تبتسم: مبروك ياختيه والله يتمم لج على خير يارب ، يا فرحة راشد الحين يوم حملتي.
ضحكت مهره باحراج وهي تقول: هيه والله الحمدلله .
سلامه بضيق: عاد اللي يسمع اول فرحته مب جنه عند ولد من غيرج وبكره بعد اللي بتيبينه الا الثاني مب ولي العهد .
مهره ابتسمت بضيق بس ما بينت: هيه فديته حمد عاد محد يسواه والله اني اشوفه ولديه الله يجعله قدوه لاخوانه.
انصدمت سلامه وسكتت بعد ما توجهت كل الأنظار عليها صباح اعجبت بأسلوب مهره وكلامها وكيف محتويه حمد ولد راشد ،مريم اللي تنوم بنتها صعقها رد مهره اللي غسلت فيه سلامه بأسلوب محترم ومهذب همست لحمده: الظاهر ان بنات حمد ونعم فيهم جميعا جمال واخلاق.
حمده بهدوء؛ صادقه بس لطيفه غير جمعت الاخلاق والجمال.
مريم تتنهد: صادقه والله .
قطع الجو صوت نايف اللي ينادي على امه وعمته ( ام عوض ) وقال: ادخل
ام سعيد ابتسمت وقالت: دخل الحريم متغطيات .
دخل وسلم عليهم وقرب من ام عوض وحبها على راسها : شحالج عمتيه !
ام عوض : بخير فديتك انته شحالك .
نايف : بخير ونعمه الحمدلله .
ام عوض: عنبوه يا نايف توصل البيت ومانشوفك
نايف ابتسم ومسك الطربوشه يعدلها وقال: العدر والسموحه والله يا عمتيه لكن المره ثانيه ان شاء الله لكم ييّه( وصله، جيه) خاصه لين البيت .
ام عوض: مرحبا بك من سرت لين وصلت .
نايف تنهد وقال: تامرون على شي
ام عوض : ابداً سلامتك يا الغالي وطولة عمرك ..
نايف يبتسم: عمرج طويل فديتج !
وطلع كان وده يشوفها بس استحى كيف يدورها بعيونه قدام الحريم سمع صوت هزاع اللي قال: مايبت حرمتيه وياك .
نايف يغايض : والله على حسب المعلومات عندي انك معاقب اليوم .
هزاع يضربه على كتفه بمزح: يا ريال غطي علينا تهون عليك اختك
نايف يضحك: لا تستعطف وتتلصق باختي مرتاحه من اجرامك
هزاع باحراج: خس الله عدوك ، يارب اشوف فيك يوم يا نايف يا ولد ابوك.
ضحك نايف وقال: امين حبيت دعوه والله ، بس لازم اترفق فيها لانها القلب .
هزاع بقهر: يعني عساس ان انته عادي تسوي باختي اللي تباه بس يوم الموضوع يوصل عند اختك استويت فيها المحامي صح
ضحك نايف وقال: عجل بيوم اللقى بيني وبين اختك مثل ما ضبطك وغمز له وببعد عنك انته وحرمتك .
هزاع سحبه بيده لين عند الرياييل وقال لبوه : طلبتك يا ابويه خلص موضوعه تراه ناشب في بلعومي .
ضحك الجميع عليه ونايف قال: صدق عمي ناشب في بلعومه انا تراني باجر لسير المحكمه بملج أبا حرمتيه .
بو عوض وبوسعيد طالعوا بعض وقال بوسعيد بصدمه: انتوا شو شاربين !
هزاع انحرج وقعد. ونايف ضحك وقال: والله مادري يابويه تلظاهر سكرنا علىى غفله منا وبجديه قال: ترا صدق أتكلم باجر بملج التحاليل وطلعت وكنا نتريا المعاريس ووصلوا شو بعد اتريا .
بو سعيد يطالع بو عوض: شو شورگ بوعوض
بو عوض يبتسم: تم عالخشم هذا .
ابتسم نايف ونش حب راس ابوه وعمه ولف على الشباب وقال: بالمناسبه هذي انا ودي افرح واعبر عن شعوري تعالوا ويايه ! وسحب الشباب وياه وطلعوا برى.
وقال لشباب : يلا بنشغل أغاني وبنرزف ..
ضحكوا كلهم عليه وقفوا يطالعونه اما نايف قام شغل اغنية عيضه يا بوي انا اسهر والملاء رقود ،، يابوي انا عفت المنامي ،، يابوي لي القلب مصيود مصطاب من حلو القوامي ،، يا لوي انا اسكي ناعم العود ….الخ وطول على الاغنية وبدا يرزف وعند الحريم اول ما سمعوا صوت الأغاني طلعن برى ام عوض وام سعيد وعقبهن البنات ساروه وفطوم تموا يصورررنه سناب وهنوده مستحيه كانت لانه هو الوحيد اللي كان يرزف وياشر بيده ويا الكلمات وطلعوا ابوه وأبو عوض .وهم يشوفونه يرزف وكان قاصد كل كلمه يعنيها لهند وعيبتهم السالفه شواب وهم يشوفون نايف اللي يبس ويرزف شاف مكتوم ياشر له بعيونه بمعنى صد ورى لف نايف وشاف الحريم كيف مصطفات ضحك واستحى في نفس الوقت وقعد يرزف وسحب مكتوم من ايده وخلاه يدخل وياه في الجووو وابتسم مكتوم وهو يرزف وياه يوم وصل عند المقطع اللي قال فيه عيضه يا بوي أحبه حب مفنود ،واللي شراتي ما يلامي
في الروح حبه دوم موجود،ويا بوي هايم به هيامي
هو غايتي وهو كل مقصود … اشر باتجاه الحريم والكل عرف انه يقصدها وانحرجت هند وحمر ويهها وخصوصا بعد ما سمعت ضحكة أمها وعمتها دخلت داخل الخيمه وهي منحرجة وايد وقلبها يدق بالقو ..
اما اللي برى بعد ما خلصوا ،، نايف قال: اللي يعرف يدبگ يصفط على طرف بشغل دبكه وبندبگ
تخبل مبارك عشقه دبكات هو وبطي يضبطون الدبكات نايف حط دبكه فيها حماس وبدا يدبك نايف ومبارك وبطي وتحمس بطي اللي صدق ربشهم كلهم بدبكة ينزل ويوقف ويضرب بريله ويهز كتفهه على لحن دبكه ويمشي عليها بالضبط متى ينزل ومتى يوقف ويدور معاهم ويهز كتفهه مع الدبكة وكان التصوير عند ساروه وفطوم شغال تخبلن على بطي ودبكته ونايف اللي كان ينزل وياه بشكل سريع ومبارك اللي ضبط دقة الدبكة معاهم كانوا محط انظار البنات ونالوا اعجابهم بالذات بطي اللي اعجبهم كلهم وخصوصاً فطوم اللي ماتت على حركاته بالدبكه وتمت تصوره سناب وتنهدت بتعب ولفت عليها لطوف وابتسمت وقالت بهمس لها: تراه ولد اخت سلامه.
ضحكت فاطمه بصدمه وقالت: قولي والله
ضحكت لطوف وقالت: والله فديتج ..
فطوم سكتت بس سمعت لطوف اللي قالت: بس تراني ابشرج غير عنهم كلهم مب نفسهم وعايش في بوظبي وصدقيني انا وهو اخوان واكثر اسرارنا عند بعض بس من عرست وخذت خالج حبيبتي ما قمت اتواصل وياه بس الصدق ياحظ اللي بتاخذه .
حست بالدم تجمع في ويهها هي انعجبت فيه وما يمنع انها تعيش قصة حب بينها وبين نفسها !
:
رجعوا داخل الا فطوم اللي فضلت تمشي شوي وقعدت تطالع تصوير وتركز على بطي ودبكته وقالت في خاطرها يا ويل قلبي ان حبيتك وسلامه حرمة خالي ما تنبلع ياخوفي بس يصير نفسهم انتبهت على نفسها انها بعدت وهي سرحانه بلي ماخذ عقلها ردت للخيمه بسرعه وقبل ما توصل الخيمه بشويي لفت على المطبخ ودخلت تشرب ماي وتهدي من خوفها وهي حاطه ايدها على قلبها شافت مكتوم دخل وهو يضحك وقالت بخوف: اوووف خوفتني !
مكتوم من شاف ويهها المخطوف ركض صوبها وقال: بسم الله شبلاج
حضنته فطوم وهي تقول: كنت اتمشى وضيعت الدرب اوووف خفت اني صدق اضيع والله يزر عقلي من مكانه .
ابتسم بحب وطوقها بيديه : بسم الله عليج حبيبتي وعلى قلبج يا الغاليه .
فطوم بخوف: خالي فديتك خلنا نرد البيت
مكتوم بخوف: ليش ! فيج شي!
فطوم : لا بس خايفه من المكان وقلبي يرقع
مكتوم بهدوء: فطوم اهديء فديتج وروحي عند البنات وبتهدا نفسيتج .
فطوم تعلقت في خالها اكثر وغمضت عيونها وبربكه قالت :خالي وايد خايفه والله
مكتوم بغرابه : خايفه من شو !! حد تعرض لج لا تقولين عشان ضيعتي فيج اللي اكبر من جي ..
فطوم في خاطرها قالت وانا شو فاضحني غير خوفي أخاف اهوجس بريال واحبه قطع عليهم دخول لطيفه اللي قالتب انتي هنيه وانا اتحسبج ضعتي.
بعدت عن مكتوم وهي تحمد ربها ان الله انقذها بالطيفه وقالت لطيفه بصدمه: شفيكم ليش تطالعوني بصدمه شو مستوي.
مكتوم في خاطره معذبه قلبي ولا تدري اويلييي منج يالطيفه قال بهدوء: شبلاها فاطمه خايفه شو مستوي!
ضحكت لطيفه قالت وهي تتقدم صوبهم: ماعليك هي خايفه شوي من موضوع انا كلمتها فيه .
مكتوم بهتمام : موضوع شو!
لطيفه تبتسم: ما يصير تعرف يخص البنات وهي خايفه ومتوترة.
مكتوم بهدوء: ودي اعرف شو هو .
انصدمت لطوف وقال مكتوم: هيه أبا اعرف ماودي حد يضايقج او يضايقها.
لطوف ابتسمت: مافي شي يضايق، قلت لها انا لو خطبتج لحد يقرب لي بتوافقين لكنها خافت وتوترت .
مكتوم ابتسم بلا شعوري ياحظها جان بتيبين لها معرس من صوبج.
ابتسمت لطيفه وقال مكتوم: انزين عادي اسال سوال.
لطيفه مازالت على ابتسامتها: شو حل الشخص اللي يحب وحده ومايقدر يوصل لها .
لطيفه عقدت حواجبها: كيف مايقدر يوصل لها شو اللي يمنعه .
مكتوم سكت لا يخربها وتنهد وطلع عنهم الفتره الاخيره صار يفكر بالطيفه وايد وخصوصا من ردت من سويسرا وعقب الكلام اللي صار بينهم في البيت لما هزاع بدا يتكلم عن الحب والعيال وشاف مستحاها وهدوءها شعللت في قلبه كل المشاعر اللي حاول انه يضبطها ويسوي كنترول عليها !
:
لطيفه سحبت فطوم وقالت: كنتي بتفضحينا عند خالج !
فطوم ضحكت باحراج وساروا باتجاه الحريم وشافوا العشا محطوط وتعشوا وعلى الساعه ١:٣٠ حركوا من العزبه وبمان ان هزاع معاقب من شوفة لطوف ردوا معاه حمده ومريوم وبناتها وصباح واريام ،،وهند ولطوف ردوا عند مكتوم ونهيان وفطوم وساره ،، وعلي وامه وابوه ،، وعوض وعياله وسلامه اللي راضت عوض لكن تجاهلها ..
:
وصلوا البيت هند سارت غرفتها تسبحت وتلبست ،، ودخلت عليها لطيفه يايبه ثيابها واغراضها تسبحت ولبست بجامتها ونشفت شعرها وشافت الشغاله تدخل تفرش فراش في الأرض للطيفه وقالت لها لطيفه : رحيمه جيبي هذا فراش شوي مرتفع عن الأرض عشان اقدر انام زين هزت راسها رحيمه وطلعت تيب الفراش ورجعت مره ثانيه وحطت لها مخده وقالت لطوف: عطري اللحاف والفراش والمخده ولفت على هند توها بتنطق اندق الباب هند قالت ؛ تعال ضربتها لطيفه بسرعه وقالت: شو تعال وانا لابسه بجامه قولي منو !
ولبست شيلتها وانفتح الباب وطلع عمها تنفست براحه ودخل عمها وقال لهند: هند فديتج ترا باجر بنسير المحكمه بنملج وعقب بنرد البيت والساعه ثمان حفلتكم .
هزت راسها باحراج وحمدت ربها انها متجهزه من قبل .
مسح على راسها ابوها وقال: شي في خاطرج فديتج!
هزت راسها بلا ! ولف على لطيفه وقال بضحك : ما شاء الله مطبقه العقاب بنت حمد .
ضحكت هند وابتسمت لطيفه بخجل وهي تقول: ما على حكمك اعتراض يا الغالي راضين به لو اعدام .
ضحك بحب وهو يقول: بسم الله عليكم من الإعدام .
قام عنهم وقامت لطيفه باست راسه ومن ثم هند نفس شي سوت.
طلع عنهم وقعدن يسولفن ويرمسن لين ما نعسن واتجهت لطووف لفراشها وسمت باسم الله ونامت ،، وهنوده واصلت لين اذن الفجر وصلت وقفلت باب الغرفه وراحت تنام ..
:
في قسم عوض ،،
بعد ما طلع من الحمام ونشف جسمه ولبس شورت وبلوزه عشان ينام مرتاح تفاجا بحضنها من ورى باست خده وهي تقول: سامحني والله بس اعصابي متوتره من اللي صار اليوم .
عوض بقهر: انتي خلتيني اعافج واندم اني اتخذت خطوه غير مدروسه في حياتي ولأول مره .
سلامه بصدمه : لا والله حبيبي بس كنت متوتره.
عوض بجفا وهو يطالعها بطرف عينه : اول مره اندم على قرار اتخذته وانخذل فيه .
سلامه بخوف من انها تخسره حضنته وباسته على خده :. اسف حبيبي .
عوض ينسدح وهو متجاهل قربها تماما: تصدقين سلامه الله خلق وفرق بينج وبين بنت عمج ! صار لها كم شهر متزوجه اخويه ما سمعته في يوم اشتكى منها ولا من تمردها حتى موضوع اخوج اللي صار احسه لا مب إحساس قد ماهو متاكد انها ماعرفت الا قلب اخويه وبس ..
سلامه بقهر: لا تقارني فيها عوووض بعد اللي صار لاخويه قمت اكرها وما اطيقها.
عوض يبتسم: الله فكها منكم .. تمشون وترمسون فيها !!
سلامه بغل: الله يراويني فيها يوم ان شاء الله.
عوض التمس في صوتها نبرة غل وحقد..غمض عيونها بضيق ما توقع اختياره بيكون سيء للغايه !
اما عند هزاع بعد ما صلى الفجر لف لحمده وقال: ها شبكتي الكيمرا .
حمده وهي تشغلها : هيه تعال.
هزاع قرب منها وقال: مابا اشوف شهور القديمه أبا قبل شهرين بالضبط وبدت حمده تعابله وبضيق قالت: ماعرفت له بخلي مكتوم هو شاطر في هالسوالف بيطلع لك كل شي بدقه .
هزاع : يلا سرعه دقي له .
شوي وياهم مكتوم كان لابس فانيله ووزار وقال: شفيكم خوفتوني .
حمده بضيق : تعال اقعد ، وبعد ما قعد ،قالت له السالفة التلفون وبهدوء: نبا نعرف كيف تلفون وصل لكبت لطيفه .
مكتوم بقهر: من زفته اخته محد غيرها اكيد هي مرسال الغربال عشان طيّن عيشتهم .
حمده بصدمه: لا ما اعتقد يا ريال شوف التسجيل وشغله لنا نبا نعرف ونتاكد من براءه لطيفه وانها ما تعرف عن تلفون اللي محطوط تحت ثيابها .
شل ريموت الكيمرا وحدد اخر شهرين وبعدين سوا تحديد تواريخ من اول شهر الفلاني لين التاريخ اللي مافتح فيهن المسجات وضغط سيرج وبدا المشاهده وكانوا قاعدين بثلاثتهم يترقبون الحدث وكل خوفهم ان لطيفه تكون فعلا هي اللي ورى الموضوع بس اللي تبين لهم العكس يوم انفتح الباب ودخلت سلامه وبانت الصدمه في ويهه هزاع وحمده الا مكتوم اللي انرسمت ابتسامه على ويهه وشغل الصوت وسمع محادثاتها ويا حمد كامله الى نهاية الفيديو يوم حطته وطلعت كانت الصدمه على ويهه هزاع اكثر من حمده لف بقهر على حمده وقال بعصبيه حسبي الله عليها شو تبا مني ومن لطيفه ليش الكره والحقد عليها .
كان الصمت سيد الموقف الا مكتوم اللي قال: ترا هذا اكبر دليل تبلغ عليه هو واخته وتفرهم في السجن ، للمره الأولى ععوض يسيء الاختيار وما اختار الشخص الصح .
حمده بتنهيده: شوفوا انا وياكم بس بلاغ لا تبلغ على حرمة اخوك عشان ما تتبهدل.
مكتوم بنرفزه: والله تقهرون الا يبلغ ونص .
حممده بضيق: لا ما نبا نخرب حياة اخوك
هزاع يلف عليها بعصبيه : شو يعني ما بتقولين لعوض .
حمده ارتبكت وبان التوتر فيها وقالت بصدق: بنخرب حياته وهو بروحه متضايق من حرمته .
مكتوم انسدح على الكرسي وقال: سمعوني ان ما وقفتوها عند حدها باجر تتعدا حدودها خايسه هذي .
هزاع يزفر بغيظ: انا الفيديو هذا براويه عوض وبخليه يادب مرته ويبعدها عن حياتي وحياة مرتي بقوله لا يطلقها عشان ما تزيد الثغره يخليها عنده ويادبها .
مكتوم بقهر: صح يادبها ويخليها ما تسوى شي قدام الجميع
حمده بهدوء: شوفوا تاكدنا من براءة لطيفه الحين خلونا نرقد وبعد ما نش من رقاد نفكر في حل مناسب لنا كلنا.
هزاع بقهر: والله قلبج بارد تبين ترقدين انا ودي اتوطى في قلب مرة عوض لين أقول بس .
مكتوم يزيده: اذا رقدت بعد الفيديو معناته انته انسان غير مبالي انا لو منك ادق على عوض بابه واسحبه ايي يشوف الفيديو .
هزاع اللي عماه الغضب طلع من غرفته متجهه الى غرفة عوض وحمده ناظرته بعصبيه ومكتوم قال: لو لطيفه حرمتيه واشوف الفيديو هذا اول شي بسويه بمسك سلامه وبمردغها لين تحب تراب لين ما اخلي فيها عاهه مستديمه تفك الناس من شرها وببتزها على الفيديو لانه فيها قضية شرف بس اخ يا القهر المصيبه انها مب لي .
حمده بقهر طلعت ورى اخوها لا يجلب البيت فوق تحت الا مكتتوم اللي شب الضو بينهم وانسدح على الكرسي ببرود .
اما عند هزاع اللي دق باب عوض بقوو ومن القهر وده يكسره على روسهم وقال بقهر: عووووووض
حمدوه اللي طلعت وقالت: هزاع فديتك اهدا بتوعي امايه وابويه .
هزاع اللي يدق باقوى ماعندي: خليهم يقومون خلهم يعرفون الصدق .
طلعت ام عوض وراها بو عوض وعلي وونهيان اللي يفرك عيونه بتعب وصباح ومريوم اللي مستغربين هجوم هزاع وحمده المتوتره ومكتوم اللي واقف على باب هزاع ومتكيء ويضحك شوي وانفتح باب عوض وطلع وهو يقول بخوف:شو مستوي
هزاع بغيظ:سمعني حرمك المصون وين !!
طلعت سلامه بعد ما بدلت بسرعه وقالت بخوف : شو مستوي .
هزاع كان بيمد ايده وبيمسكها بس تراجع ولف بقهر واعصابه ترجف ونطق بو عوض وقال بعصبيه: عوذ بالله من الشر بتخبركم شومستوي عندكم .
هزاع باعصاب تلفانه: شو اللي بينج ووبين لطيفه
سلامه بكره وحقد: شوو ! حرمتك انا ما يخصني فيها لا دخلوني في مشاكلكم بعدوني عن شركم .
هزاع بعصبيه: اووص لا ترفعين صوتج عسى حسج ينقطع من الدنيا ورفع عينه وطالع عوض واردف بقهر شوف يابن الناس امسك حرمتك عني ولا والله يخليها تحب التراب تراني محشمنك .
عوض بضيق : ترا سلامه مالها ذنب يا هزاع ياي ومتهجم علينا من صباح الله خير
وبدت أصواتهم تعلى وقال هزاع بعصبيه : واذا اثبت لك انها ساس البلى
عوض بهدوء: لك اللي يرضيك وان كان صدق تراها تحرم عليه لين يوم الدين .
شهقة سلامه ولفت عليه وقالت بقهر: يلا اثبت لي اشوف اني سبب في دمار حرمتك.
هزاع مسك ايد اخوه ولف على صوت باب غرفة هند وشاف لطيفه وهند واقفات ومنصدمات شو سالفة .
هزاع اللي انتبه على لبس لطيفه انها لابسه بجاما طويله وكم طويل وفوقه شيله صلاه طويله مغطيه عمرها .
دخلوا داخل قسم هزاع ودخلن لطيفه وهنوده وراهم هزاع يطالع مكتوم وينه .
مكتوم يضحك ببرود: شو اللي وينه.
هزاع بعصبيه : مكتوم لا تستهبل .
مكتوم ببرود قال وهو يطالع لطيفه ورد نظره على سلامه قال: سلامه انتي تعرفين اخوج حمد شو مسوي .
سلامه تنكر: لا ماعرف .
مكتوم بضيق قال: يعني لطيفه تتبلى عليج .
هزاع اللي جن جنونه كان بيتقدم بيمسك مكتوم بس نهيان وعلي مسكوه .
سلامه طالعت لطيفه وقالت بكره: مب غريبه عليها دومها راعية مشاكل شو مستوي هالمره.
مكتوم يطلع تلفون من مخباه وقال: هذا تلفون لطيفه تقول انه مب لها وان اخوج ورى هالموضوع .
لطوف انصدمت من كلام مكتوم اللي غمز لها وكمل كلامه وهو يلف على سلامه : فرصتج الحين قدام الكل تبينين لهم انج بريئة وان لطيفه تتبلى عليج .
سلامه بقهر: اخويه ماله خص مب كل مشكله عقت اخويه في الموضوع عاد تتحسب عمرها اخر حبه ولادرا عنج حمد تراه ولا يعرف ارضج من سماج حسبي الله عليج من بنت عم ما تشبعين مشاكل قربت منها تبا تضربها بس ايد مكتوم كانت اقرب وسحب لطيفه وراه وقال: كلامج ويايه مب ويا لطيفه.
هزاع وده يضرب مكتوم عالبرود اللي هو فيه بس علي ونهيان ماسكينه يعرفون ان مكتوم وراه شي ويباها تعترف من نفسها .
سلامه قالت بخبث: الله اعلم من وين هالتلفون اكيد هي ما قطعت علاقتها بحمد اخويه ولين اليوم وياه.
مكتوم: حلو حلو اثبتي لهم يلا سرعه ان هي وحمد على علاقه فتح تلفون وقال: شوفي صورة اخوج خلفيه .
سلامه حاولت ماترتبك وقالت: هيه ادريبها بطوف من زمان على علاقه بحمد من يوم ما تطلقت من مايد وشكل عايبنها حمد اخويه وحنت عليه .
مكتوم بهدوء: يلا اثبتي بسرعه .
سلامه: بتصل لحمد وسمعوا باذنكم .
مكتوم: قبل لا ادقين لحمد. ، تحلفين انج ماتعرفين عن علاقتهم .
سلامه: والله اني اعرف ان لطيفه على علاقه بحمد ومستعده احلف ان لين اليوم وياه وان هالتلفون خاص لخمد اخويه بس عشان محد يعرف انها لين الحين مع حمد وتحبه ويحبها .
مكتوم: توج تقولين اخوج مادرا عن ارضها من سماها.
بلعت ريقها بربكه من تناقضها بالكلام كمل مكتوم وقال: اتصلي بحمد خليه يقبت ان لطيفه لين الحين وياه واوعدج وعد ريال ما ياذن الظهر الا لطيفه بيت أهلها مطلقه .
سلامه تحاول ما تبتستم وبنصر قالت: الحين بدق لحمد وحطته سبيكر .
واتصلت على حمد اللي رد وهو بسابع نوم: الو
سلامه: حمد انته لك علاقه بالطيفه لين اليوم صح .
حمد : شو تخربطين انتي كيف لي علاقه وياها لين اليوم
وانا قاطعته سلامه قبل ما تنفضح وقالت: شفيك انته ناسي انك قلت لي انها تكلمك من رقم ثاني وان بينكم رسايل .
حمد اللي استوعب وتوقع ان هزاع طاح عليها قال: هيه بينا تواصل ولين اليوم تحبني واحبها وهي ماتحب هزاع اصلاً دايما تقول لو ابويه ماعترض طريقنا جان انا لك وانته لي بس وافقت على هزاع عشان تسكت الناس عقب الكلام اللي طلع عنها ان مايد خذاها لحم وفرها عظم .
هنيه لطيفه ارتعدت وتمسكت في مكتوم اكثر من دون شعور قشعر جسم مكتوم من قربها ماوده يضعف ويحضنها ، هزاع اللي نطق بعصبيه: تخسيييي والله انها اشرف عنك يا الحثاله يا ساقط يا رذيله .
حمد يبتسم بنصر: تحلف انها كانت بنت.
هزاع اللي تاكد من يوم دخلتها انها مازالت بنت وان اللي صار كان مجرد نزيف من المقاومه وان اثبات الدخول كان مزور وماقدر يوصل مايد للي يباه فقال هزاع: والله انها بنت بنوتت وانا اشهد اني ماخذه من بيت أهلها وهي بنت بنوت ولأنها مطلقه تحسبت انها بتسلم نفسها لولد خالتها والله بنت ريال واني ماخذنها بنت واللي بيقول غير هالكلام بينا المحاكم وانته قدم دليلك وانا بقدم دليلي تطعني في حرمتيي .
حمد اللي انصدم ماتوقع انها بنت توقع انها فعلا مدخول فيها سكت وسلامه ارتبكت وبندت تلفون وقالت بانتصار: اعتقد سمعتوه شو قال وجهت كلامها للطيفه: دافعي عن نفسج ع الأقل قولي لي شي نكري ان بينج ىبين حمد ماشي تواصل ولا لانج انكشفتي خفتي .
لطوف اللي شاده قبضتها على مكتوم وبهمس قالت: حسبي الله عليج انتي واخوج ما بيدي شي أقوله غير الله يكشفج لهم وتقربت من مكتوم يوم شافت هزاع تقرب منها ومكتوم حواطها بيديه وقال لهزاع: والله ان لمستها هذا اخر ما بينك وبينها والله يا هزاع .
هزاع بغيره من انها محتميه في اخوه ضده : ما بسوي فيج شي .
لطوف لمت مكتوم اكثر وقالت: والله ماتقرب مني انا في ويهك يا مكتوم .
مكتوم سحبها ولف ايديه عليها وبعد هزاع عنها وقال: والله ما تيها الموضوع بعده ماخلص ولف على لطيفه اللي دافنه ويهها في صدر مكتوم تسمع دقات قلبه السريعه وقال : عندج دليل على كلامها .
لطوف: والله اني ماعرف شو السالفه واي تلفون تتكلمون عنه
مكتوم اللي رقع قلبه من قربها قال هذا بعدت لطوف عنه وقالت وهي تشوف التلفون : والله ماعرفه وان هالتلفون مب لي .
مكتوم: اثبتي
لطوف: ماعرف كم رقم تلفون هذا أصلا
مكتوم اللي انتبه على كلامها وقال: كيف ماتعرفين رقمه
لطوف بدموع: والله ماعرف رقمه يعني اقصد ان أي تلفون له رقم ورقم تلفوني 050….. ، وهذا ماعرف كم رقمه
مكتوم يطلع تلفونه وقال: اوك دقي ع رقمج وبتسوف أي تلفون يصيح . خذت تلفون منه واتصلت تلى رقمها وصاح تلفونها اللي في ايد هنوده وقالت : شفت هذا رقمي .
مكتوم : حلو هذا دليل لصالحج انزين في رقم واحد مخزن في تلفون هذا اللي عندي تعرفين كم رقمه
لطوف هزا راسها بلا وقالت : ماعرف
مكتوم : عندج رفم حمد ولد عمج
لطوف بصدمه: كان عندي الحين مب عندي
مكتوم: مب حافظه رقمه
لطوف بضيق: لا ولا حتى اباه ولا يشرفني رقمه
سلامه بقهر قالت: انتي لو فيج خير بعدي عن ريال لاصقه فيه جنه اخوج ولا ريلج صدق مياعه .
لطوف اللي ما انتبهت على قربها من مكتوم بعدت وهي مستحيه منه وقالت السموحه منك وبعدت وشافت هزاع مقبل عليها غمضت عيونها توقعت انه بيفرسها فراس الحين لكنها تفاجات من حضنه وبكت في حضنه وهو طوقها بيديه : بس حبيبي والله اخذ حقج صبري شوي بس .
مكتوم اللي انقهر من سلامه وكلامه الخايس قال: انزين الحين يا وقت الجد ونتحاسب .لفف على عوض وقال: اول مره تسيء الاختيار يا بو سعيد والله بنت عمك كانت احشم عن اللي عدالك حط ايده في ويه عوض بمعنى: لا تدافع عنها عشان الحين بتخليها تحب ريولك ما تطلقها .
عوض استغرب وبو عوض قال بملل : اخلص مكتوم .
مكتوم شغل الفيديو وطول على صوت وقال: شوفوا الفلم هذا وايد حلو بيعيبكم !
توجهت انظارهم كلهم على شاشة تلفزيون وبدا يشتغل التسجيل مع الصوت وهي تكلم حمد انصدم عوض منها ومسكها من شعرها وعطاها كفف وراه كف وقال بقهر : والله يا سلامه ابكيج ندم والله ما اطلقج لكن تحرمين عليه حرم لين يوم الدين وبخليج معلقه وبرد ام عيالي اللي حرقة قلبها عشانج لكني غبي غرني المطهر ونسيت الروح وجنه الله رد حوبة بنت عمي فيني .
مكتوم يطالعها مبسوط ويبتسم بانتصار انه خذ حق لطيفه ثالث مثلث وقال: الحين عاد الكل عرف انج جذابه وان انتي واخوج ناس تتبلون، سمعيني زين ترانا نحن ناس شكايه وبنشتكي وبنوقعج على تعهد انتي واخوج في مركز شرطه ، وبنرفع على اخوج قضية رد اعتبار شرف يوم اتهم لطيفه انها مب بنت ، بنمردغه شوي في السجن خليه ياكل عدس وخبز عشان يعرف ان الله حق ولطيفه ما بتتنازل عن القضيه .
سلوم اللي انصدمت وحست ان الدنيا تدور فيها من بعد ماحرّمها عوض بيحرق قلبها بام عياله وردته لها ، وبيشتكون عليها وعلى اخوها يعني سمعتهم بين الناس بتنتشر ما كانت تحس بشي لانه الو عىض عطاها كف محترم ودزها على ريول لطيفه وقال اعتذري من بنت عمج
سلامه اللي اول مره توصل. لذل هذا وجدامهم كلهم قالت بكره :تخسسسي اعتذر منها دمرت حياتي وحياة اخوها الله ينتقم منج يا حيوانه وقالت بغيررره حتى بطي ما سلم منج تعلق فيج وحبج وسبب شوو انج كنتي تكلمينه .
صدمه صدمه صدمه مره ثانيه على راس هزاع وفطيم .. وهند اللي حست الموضوع بيكبر واتصلت لنايف وقالت له ايي وما كانت حاسبه حساب انهم يعرفون كيف عرف في ظرف نص ساعه وصل وفتحت له الخدامه الباب وربع فوق ودخل قسم هزاع متجاهل كل الموجودين وعيونه تدور اخته من شافها في حضن هزاع سحبها له وطوقه بيديها وقال بعصبيه: والله ثم والله اللي بيقول عنها شي والله احط ريلي على رقبته ..
سلامه اللي انصدمت من وجوده بلعت ريقها بخوف وخافت على حمد اكثر وقال هزاع بعصبيه : شو سالفة بطي .
نايف : مافيه سالفه حد قالك بنتنا تمشي وتكلم شباب طلع تلفونه واتصل لبطي شوي وياه رد: هلا نايف.
نايف بعصبيه: شو اللي بينك وبين لطيفه حب ولا غرام ولا عشق ولا علاقة محرمه .
بطي بعصبيه : تخسي ويخسي كل من قال في لطيفه شي منو تارس راسك انته اكيد حمد الزفت
نتيف بقهر: لا خالتك سلامه.
بطي بعصبيه: يعلها الماحي هي واخوها في يوم واحد ابتليت اسميني يوم انهم خوالي ما اردى منها الا اخوها سمعني وين انته
نايف حاضن لطيفه: في دبي بيت ريلها.
بطي متجاهل ان تلفون سبيكر : والله مب ريال ان شك في لطيفه والله ما تقعد دقيقه عنده وثواني وانا ياي. ورقع تلفون في ويهه.
عم الهدوء وعوض مسككها من شعرها وهو يهزها وقال: يا كلبه لا تمشين وتعقين كلام على الحرمه احشمي لسانج ، خلاص فضيحة وانفضحتي ليش تتبلين على البنت.
هزاع بهدوء : نايف انا ماشك في لطيفه بس انته مب فاهم سالفه اقعد وبنقولك السالفه .
قعد نايف وهو يقرب لطيفه اكثر منه خايف ان ينكشف شعر اخته او ريلها او شي من جسمها لف شيلة الصلاه عليها وبهدوء قال: روحي بدلي وتعالي .
دخلت لطيفه ودخلن وراها صباحح ومريوم وحمده وهند وساره واريام وفطيم وقعدن يواسنها ويخففن عنها ..
:
اما برى عندهم بعد ما سمع نايف الكلام قال بهدوء: سمعني هزاع لطيفه وبطي من عمر وهم ويا بعض نفس الاخوان واكثر بطي بالنسبة للطيفه اخ غالي وبر امان اما لطيفه بالنسبة لهزاع امانه ومأمنه وطنه واستقراره بمعنى اخر هزاع كل صغيره وكبيره يقولها للطيفه ،، ومستحيل يقدم على خطوه من دون ما يستشيرها الفتره اللي انته تزوجت فيها لطيفه ومنعتها تكلم وياه زعل بطي وتضايق ودخل اخويه سعيد فالموضوع ودخل ابوه في الموضوع بس عشان يوصلون للطيفه ويوم كان هنيه في دبي كان وده يشوف لطيفه ويسلم عليها هزاع لطيفه تراها غاليه عليها وعلى بطي اضعاف شوف بصراحه انا ماعرف شو اقولك بس رده فعله تراها ما بتعيبك لان بطي وصل مرحله لو بتقوله لطوف فر عمرك في البحر بيفر عمره وهو مغمض عيونه لا توقع حبهم وعلاقتهم مع بعض انها فوق المستحيل ترا حبهم اخوي ولكن دافعهم الذاتي يبين للكل انهم حبايب انا اخوها واعرف وابويه يعرف ان بطي ماعمره زعل من لطيفه ، بطي حاربهم كلهم لجل عيون لطيفه يوم رد من سفر وعرف من مبارك انهم مزاعلين لطيفه تركهم وبعد عنهم كلهم امه لين اليوم درو رضاه وتتمناه يرد البيت من بعد ما دعت على لطيفه بالموت تدري شو قالها بطي ، طالعه هزاع بنظره مولمه فيها غيره حرمته يا ناس ما يبا حد يتكلم عنها نطق مكتوم وقال: شو قال
كمل نايف بضيق قال: يعلني قبلها وتبكيني ولا ابكي فراقها.
انصدم مكتوم وهزاع في نفس الوقت قال عزاع وهو يشد على ايده: كل هذا وتقولي حب اخوي عيل لو حبايب شو صار
ياه الجواب من وراه وهو يقول: لو حبايب جان حطيت اصبوعي في عيون كل من قال عن لطيفه كلمه وحده .
لفوا على مصدر الصوت وهزاع بعصبيه قام وهو يحس الدم يثور في عينه بس هدا يوم شاف بطي اللي قرب وسحب سلامه من على الأرض وقومها وهو يهز كتوفها ورافع حاجب ومنزل حاجب: انتي شو قايله !! عيدي الكلام شو بيني وبين لطيفه
سلوم تلعثمت وتمت تصيح دفرها على الأرض بقهر وحط ريله على كتفها ووطاها بقووو وقال: يمين بالله من لحظه هاي لا اعرفج ولا تعرفيني ولا يشرفني انج خالتيه لو بيدي قطعت العرق اللي بيني وبينكم ووقال بقهر وهو يسمع تالمها من كتفها ويزيد عليها: والله اخلعها لج والله وربي العالي في سماه حرك ريله على كتفها بقو وقال وهو يرص على اسنانه بقو عيدي الكلام اللي قلتيه عن لطيفه وبصرخه عيبييدي .
سلامه تتالم وتبكي وقالت تذكر بوم كنت تقولي شحال الحب بطي ينكر : اناااا قلت لج شحال الحب ولا قلت لج شحال القلب .
سلامه بالم: كتفي تكفى بطيي يعوورني
بطي يزيد من حركة ريله ويحركها بقو على كتفها من كعب ريله يحركها بغيظ وقال : المهم كملي تعرفين انها الحب والقلب ما اختلفت كلهن نفس شي بالنسبه لي ، بس وقتها انا كنت خاطب بنت عمي سهيل ولالا !
سلامه بندم من بعد ما سمعت نقعت كتوفها هيه كنت خاطبنها .
بطي: حلو وقتها لطيفه كانت على ذمة مايد الزفت ولالا .
سلامه اللي بكت من الم كتفها وقالت: هيه
بطي: اثبتي اني كنت احبها يلاااا ولا بس لاني انا وهي فانحين قلوبنا لبعض وكل واحد سره عند الثاني .
سلامه تبكي بقهر وحرقة قلب: هيييه وربي انك صادق بس خلااص كسرت ايدي ماقمت احس فيها انا خالتك.
بطي مسكها من شعرها وقال بكره: تخسسسين انتي خالتيه والله اني بريء منج براءه ذيب من دم يوسف ولا عاد أبا اشوفج لا انتي ولا اخوج الزفت اللي اسمه حمد ولا حد منكم ودفرها بعد ما رفسها على بطنها وظهرها وقال بعصبيه بس تقدم نايف اللي مسكه وقال: بطي شفيك بتموت على ايدك
بطي اللي كان يلهث من التعب ويزفر وينفخ بقهر قال: قوووولي شو قايله لريال عن حرمته .
نايف يبعده عن سلامه اللي ماقدرت ترفع يدها وتبكي بقهر وندم تقدم علي صوبها وقال بهدرء: من وين تعورج
سلامه رفعت عيونها الدامعه وشهقت واشرت له على كتفها حط ايده على كتفها وصرخت بالم علي بتعب: الله يهديج ما كان لازم تسوين فتنه محد راح فيها الا انتي ، كتفج مخلوع يباله طرقعه عشان يرد .
سلامه تبكي من الألم وقربت ام عوض وعوض اللي شاف الألم وكسرتها قدامهم غمض عيونه بالم وسحبها لحضنه يهدي فيها اول مره يشوفها مكسوره قدامهم سببت لهم مشاكل ومصايب بعدها عنه من تدكر انه محرمنها عليه وقال بغضب وهو يبعد : علي عطها علاجها وسيري الغرفه ولا عاد اشوفج وانا اليوم بييب ام عيالي .
ام عوض بعتاب: عوض
عوض بخنقه: ماريد اسمع شي ولا اريد حد يتفوه بكلمه وحده هذا جزاها واقل من جزاها الحرمه تتعاقب بحرمه ثانيه على راسها .
قامت سلامه بعد ماطرقع علي كتفها عشان يرد عظمها مكانه وقال: الله يهديك يا بطي انته ما خلعته بس انته كسرت العظم اللي بين الكتف واليد.
بطي بعصبيه وشرار يطلع من عيونه : بعدني ماشفيت غليلي بس تستاهل اللي ياها .
سلامه طلعت بمساعدة ام عوض وودتها غرفتها وشافت عوض اللي كان يبدل وقال: انا ساير بيت عمي بحاول ارد ام سعيد .
سلامه تبكي: عوض سمعني
عوض بعصبيه: اوووووص لا تيبين اسمي ع لسانج خلاص ماعدت اتشرف فيج حمدلله ماربطني الله بعيال منج ولا كان ورثوا الغل والحسد منج نفسج دنيه
طلع عنهم ورقع الباب بقو …
:
اما في قسم هزاع وبطي ونايف ومكتوم قاعدين وفال نايف بعصبيه: هالجلب دواه عندي بس مب الخين اليوم ملجتيه
ضحك بو عوض وقال: لك نفس تملج
نايف بقهر قال: حسبي الله عليها هي واخوها خربوا فرحتيه بس بعد مصر اني املج اليوم أبا حرمتيه اقعد عندها .
هزاع بضيق قال وهو يشوف بطي: الا بطي بسالك كيف تقدر تضرب خالتك!
بطي يصغر عيوونه وبقهر قال: كانه كلامك فيه شك في لطيفه !
هزاع بقهر: احترم الفاظك انا ماشك في لطيفه انا اقصد كيف هانت عليك خالتك تضربها وتدافع عن لطيفه بها الطريقه .
بطي شاف لطيفه اللي طلعت من الغرفه وراحت لهزاع قعدت قربه وهو حاوطها من كتوفه ومسح دمع عينها وباس راسها بحب سمع بطي اللي قال: اكسررر راسها والله بعد ماشفيت غليلي منها ! الحق طال عمرك يتطلب وقفة رجال او على قص رقبتي ! اللي عنده لطيفه تراه محسووود ولازم تعرف ان عدوينك كثار بين ناس والكل وده بالطيفه وانه يظفر فيها شوف انا حبي للطيفه نفس ماحب امايه بس اللي يفرق ان لطيفه ماتحل لي اني احضنها او اسلم عليها عكس امايه اقدر احضنها واحبها وقعد قربها عرفت لطيفه وصلت لاي مقام عندي وصلتها مقام الوالدين يعني كانها ثالث والديني وربي موصني فيها فهمت.
هزاع بغيره قري لطيفه اكثر حوله وهمس في اذنها: احبج واغار من كلامه شو اسوي به قولي لي قبل لا اندم على فعلتيه.
لطيفه باست خده وحضنته قدامهم وهمست: لاتسوي شي انا رديت اعتبارك قدامهم وباست راسه وهي تقول: الله يخليك لي ويحفظك يا تاج راسي .
حاوطها بحب وانزاحت الغيره منه وقالت لطيفه بهمس: اليوم اثبت لي انك فعلا تغيرت والله كنت خايفه من ردة فعلك نايف بحب:.ها بعتيه حضن اخوج
انحرجت لطوف وقال وهو يصد على بطي: شفت انته الخيانه كيف !
ضحك بطي وقال : خله حلاله منو عنده لطيفه وما يعشقها!
مكتوم بلا شعور قال: صدقك والله !
ابتسم نايف وقال: حمد لا تشلين همه حسابه عندي انا باجر براويه الويل وبشتكي عليه بس خلوني املج خلاص عورتوا راسي من صباح الله خير ..
:
لطيفه بجديه: انا بشتكي عليه .
نايف : اوك وانا وياج بس مب تدخلين مراكز شرطه استريحي انا وهزاع بنسير وبنفتح بلاغ ولنراويهم الفيديو بنخلي سلامه توقع تعهد وذاك بعد يوقع تعهد وغير هذا بعد برفع عليه قضيه تلفون ورد اعتبار شرف يوم قال انج مب بنت.
لطيفه ابتسممت ان عندها ظهر وكلهم يدافعون عنها .
نايف قام وقال: هزاع بغيتك شوي
قام هزاع وطلعوا برى وراحوا باتجاه سيارة نايف وقال نايف لهزاع: ركب السياره
ركب هزاع وقال نايف: قولي كيف حمد عرف بسالفة لطيفه.
هزاع بضيق: نايف ترا لطيفه بنت انا ماخذنها بنت .
نايف بصدمه: شووو انته شو تقول.
هزاع : سمع السالفه طال عمرك ،،
(فلاش باك بعد الزواج )…
:
هزاع بحب يهمس لها في اذنها: صباحيه مباركه يا عروس مبروكگ الافتتاحيه.
لطيفه بخجل وتحس بحرارة في. ويهها همست: الله يبارك فيك .
هزاع بحب قرب منهها وقال: انتي بنت واستويتي اليوم حرمه .
طالعته بصدمه وهي ترمش مب مستوعبه وقال: والله انتي بنت محد لمسج غيري .
لطوف بفرحه تبكي: قوول والله .
هزاع بحب يحضن ويهها بكفوف ايدها ؛ والله انتي بنت محد لمسج غيري غناتي .
لطوف تبكي من الفرحه وهي تقول: الحمدلله
هزاع بوناسه وفرحه: انا فرحان اكثر عنج لطيفه .
لطوف بشهقه بين دموعها: والاثبات اللي طلعه مايد واللي صار بيني وبينه شوو !
هزاع : تبينا نروح العياده وتشوفين الدكتوره وتراوينها اثبات الحاله .
لطيفه بخوف: أخاف تنكسر فرحتي !
هزاع بحب: عيب عليييجج يا القلب تراني ريال ومتاكد من اللي أقوله خلينا نسير واذا ما قالت لج الدكتوره اني اول من يلمسج انا ماعرف في البنات شي .
حضنته بحب وهي تبكي باس راسها وقال : يلا جهزي ..
وفي العياده ،، لطيفه سلمت الاثبات لدكتوره وقالت: هذي اثبات حاله دخول زوجي لي
مسكت الدكتوره الأوراق اللي في ايدها وهي تتطلع عليهم وقالت: حبيبتي مش مكتوب اثبات دخول دا تقرير مكتوب فيه ان نتيجة المقاومه حدث خدش في سطح الخارجي للرحم ولم يتضرر ال… والورقه اللي وراها مكتوب بخط اليد ثبت دخول الزوج بزوجه برضاها وهذا غير صحيح لانه مزور وشوفي الطابع بتاع المستشفى غير ملمع ولا صافي فالورقه مزوره وكتب بخط اليد حتى لا يسال الطبيب عن فعلته الاجراميه ولا يسال قانونيا حتى انه لم يتم توقيعها من قبل الدكتور وغير مختومه من مستشفى حكومي يجب في هذا الحالات اخذ التقارير واعتمادها من مستشفيات حكوميه وليست خاصه لان الخاص يمشي بالرشوه ودفع المبالغ والحصول على اية ورقه مقابل مبلغ من المال لذلك انتي لم تتعرضي لاعتداء ولا لهتك العرضي مجرد جرح خارجي لسطح الرحم حدثت به خدوش نتيجة المقاومه والعنف فالحمدلله انك سليمه .
فرحة لطوف وهي تشوف هزاع اللي يبتسم بحب وقالها: صدقتي كلامي.
هزت راسها باحراج وقالت: دكتوره بما انهم كاتبين ان الغ… لم يتضرر تقدرين تشيكين عليه وتشوفين الغ… كيف الوضع .
ابتسمت الدكتوره وقالت: تفضلي على السرير وكانت مبتسمه بحماس لفت على هزاع وقالت: تبا تحضر ويانا فحص مراتك .
هزاع اللي انحرج ماعلق بس فهمت الدكتوره عليه وقالت : تعال يابني اطمنك على مراتك اذا لسه بنت ولالا!
انحرج هزاع لانه يعرف انها بنت وان هو اول من يلمسها وصار حرمه على ايده وسمع دكتوره تقول وهي تضحك: انتوا عرسان جداد.
هز راسه منحرج ويهه احمر وقال: ها دكتوره شو طلع وياج .
ضحكت الدكتوره وقالت وهي تفحص بالسونار الداخلي : اللي باين معايه من الفحصص انها كانت بنت بس تقريبا من ١٠ ساعات او اكثر بقت ست.
استحت لطوف اللي حمر ويهها وهزاع قال: يعني محد لمسها قبل يا دكتوره .
دكتوره : لا يابنتي محدش حتى خدش فيها حاجه ابدا الا من ١٠ ساعات او اكتر لسى ما كملتش ٢٤ ساعه على خروج …. من غ…. بس بص يابني لازم تخفف لانها صغيره خالص ولساتها بنوته صغيره وحلوه وانته ربنا يحنن قلبك عليها ويخليكم لبعض.
ابتسم هزاع بعد ما قامت لطيفه وحضنها بحب وهمس في اذنها: تاكدتي انج كنتي بنت ، كنتي بتحرميني منج بسبب اثبات دخول مزيف.
ابتسمت وفي داخلها شعورٌ عانق الفرح ان اول رجل في حياتها هو هزاع قرب هزاع منها وحضنها وقعد عند الدكتوره وقال: أبا تقرير دكتوره من سونار الداخلي انها كانت بنت لانى برفع قضيه عالتزوير .
الدكتوره: حقك يا بني وحاضر من عينيا دلوقتي هاكتب لك تقرير واختمه كمان وبما انه ميتشفى حكومي اقراره واثباته في المحاكم اقوى من الخاص .
وكتبت لهم الدكتوره التقرير وسلمته لهم بعد ما ختمته وطلعوا من عندها ،،، ونهاية الفلاش باك) وبتنهيده قال: وهذي السالفه يا طويل العمر ..
نايف بعصبيه: يعني حمد مان في بيتنا بوم مر مندوب المحكمه عشان يسلم لطيفه ورفه الطلاق ومرفوق معاها اثبات الدهول المزور صح
هزاع بضيق: لا تيب طاريه عسى ربي يعدمه من الوجود .
نايف بغل يضرب سكان: والله ماسكت يعني الخايس كان قابض على اختى انها مب بنت يتحسب ان مايد مسوي فعلته فيها .
هزاع بضيق وتعب وارق من هالصباح اللي مب عادي: والله يا نايف حتى لطيفه كانت تتوقع انها مب بنت وكان سبب رفضها الرئيسي انها تخاف تنكشف انها مب بنت بس هي الله يهديها لو شافت ورقة اثبات الدخول جان بتعرف انه مزور بس ماشافت هي صدقت التقرير اللي طلع من المستشفى على ما سمعت انه يوم تبا طلع تقرير تطلعه من مستشفى حكومي مب خاص لان الحكومي اكثر دقه ومصداقيه وهو زور اثبات دخول فهذي نقطه في صالحنا نحن .
نايف بتنهيده: بس الحمدلله انها ما طلعت على ظنهم قليليين الأصل ، حمدلله ان الله شفع لها وبراها من كلامهم وطلعت بنت وان انته اول من يشهد على ذلك لف عليه وحضنه :هزاع انته انسان عظيم والله ياحظ لطيفه فيك سمعت وايد كلام عن لطيفه اليوم لوغيرك مادري شو كان سوى باختي بس انته شارنها بعيونك وتحبها وقفت وياها وطلعت برائتها صدق يوم قالوا عسى ان اتكرهوا شيئا وهو خيرا لكم هذا اللي صار اليوم كان سبب بان الكل يعرف ان اختي يوم تزوجت بنت كان الكل يرمس عنها وانها ترفض الخطاب لانها سودت ويهها عند مايد لكن محد كان يقدر يدافع او يقول شي لأننا مانعرف الصدق وين بس كنت اقولهم تخسون لطوف بنت وانا بثبت لكم ويوم تنخطب منت أوقف لها واقولها رفضج ما يعني الا شيء واحد ان في شي انتي خايفه منه بس الحمدلله ييت انته طوق نجاه واليوم طلعت براءتها بسبب مشكله سلامه وحمد الحمدلله ان الله دبر شي هذا وان الواحد عاجل او اجل بيعرف ان لطيفه بنت بنوت ورافعين راسنا فيها وخل حد يتكلم فيهم انا بوديهم المحاكم وباخذ حق اختي واولهم حمد وسلامه بشتكيهم .
هزاع يتثاوب بتعب: هيه والله سمعني اليوم ما كان يوم عادي ابدا ، كان متعب وجدا بعد انا بنزل بروح ارقد عدال حرمتيه. .
نايف يمسك ايد هزاع وقال: طلبتك هزاع حطها في عيونك
هزاع يبتسم وهو نعسان: والله انها قلبي وحبي لا تحاتي انته بس ونزل وقال : روح املج انته مبروك مقدماً
ضحك نايف اللي شاف هند وابوها طالعين وقال: الله يبارك فيك وبطي ومكتوم اللي بيروحون شاهدين على الملجة .
:
عند لطيفه على انها كانت مصدومه وكأن اللي صار قدامها حلم الا انها شافت صدق هزاع من قال انه بيتغير ولا بيتسرع في الحكم عليها وبيحاول يمسك نفسه وغيرته عليها ! انتبهت لحضنه وهو يدفن راسه في حضنها لفت عليه ببتسامه وهي تقول: فديت عينك والله .
هزاع يلف على خواته وقال: مب ناويات تروحن ولا بترقدن عندي .
ضحكت حمدوه اللي سحبت عمرها وهي تقول : قومن لا ننطرد .
قامن النبات وفطيم قالت: خالي ماتباني ارقد عندك.
هزاع اللي سحب لطيفه لحضنه قال: احتفظي في حضنج للي يستاهله وخليني لحضن غيرج.
ضحكت باحراج وطلعت .
انسدح على السرير وهو يلف على لطيفه: مب ناويه ترقدين
لطوف تبتسم وقالت: ببدل وبيي نام انته.
هز راسه وهو مغمض عينونه بتعب ما يقدر حتى يناقش اما لطيفه بدلت ولبست بجامتها وقفلت الباب لفت وشافت الساعه اللي صارت ١١ وقالت في خاطرها الله يكفينا شر باقي هاليوم طفت الانوار ولفت على تلفون هزاع اللي شافته يرن قربت من هزاع وهي تقول: حبيبي تلفونك يرن.
هزاع : خليه يولي تعالي نامي .
لطوف انسدحت قربه وهي تقول: هزاع.
هزاع مارد عليها سحبها لحضنه وطوقها بيديه وقال: نامي وكم مره قتلج لا تزقريني( تناديني) باسمي.
لطوف بحب: اسفه فديتك ..
هزاع دفن راسه في شعرها وهو يشم عطرها وقال بهيام: نامي احسن لاني تعبان ولا ترا والله ما تطلعين الا باجر الصبح من الغرفه .
لطوف بهدوء: لا خلاص بنام حبيبي وباست خده .
هزاع بنص عين: انتي مب ناويه تعدين الأمور على خير .
سكتت ببتسامه وبهمس ضيع هزاع: اشتقت لك من امس معاقبنك عمي .
هزاع شدها لحضنه زوود لين صار وجهها في صدره وذقنه على راسها وحس بيديها اللي طوقته وسمع أنفاسها المنتظمه وعرف انها نامت وبعدها نام.
:
بعد ماردوا من المحكمه بطي نزل مكتوم عند بيتهم وراح بيت عمه بو نايف ..
:
|