مهره اللي تضايقت على حمد قالت: من كثر دعاويكن على لطيفه تمشون وتدعون انتي وبناتج يا عمتيه ومب زين جي مالها ذنب بلي صار لحمد .
تنهدت بضيق ام حمد وشافت حمد ولد راشد يسير صوب مهره وحضنها وهو يقول: انتي ذلعانه ( زعلانه)
مهره حضنته بهدوء ووهزت راسها بلا سمعت عمها يقول: لطيفه علومها ربها مرتاحه !
مهره بضيق: والله ما كلمتها يا عمي ، متضايقه من اللي قاعد يصير ومالي بال اكلمها واكدرها لكني أتمنى انها تكون بخير..
عمتها اللي لاحظت تعب مهره قالت: مهره حمالج متعبنج..
مهره بحب وهي منحرجة من كذبة راشد: لا عمتيه فديتج لا تعبانه ولا شي ..
ثريا اللي قالت بتساول: بس غريبه انتي حامل وماتتوحمين( تنسيين) .
طنشتها مهره وهي تقول : ماشي خبر عن حمد
توها بتنطق ام حمد رن تلفون راشد وطلعه من مخباه ورد: هلا مبارگ
مبارگ: المهلي ما يولي الغالي شحالك
راشد: بخير ونعمه فديتك ومن صوبك.
مبارك: طيبين وبفرحة قال : البشاره حمد نش
راشد بفرحه: في ذمتگ .
مبارك بوناسه : هيه والله الحمدلله ،، الحمدلله ..
راشد بفرحه: الحمدلله الحمـدلله ..
مبارك بتنهيده: الله يسامحنا على اللي سويناه انا وانته .
راشد اللي تضايق: هيه والله انگ صادق ..
مبارگ بحب اخوي: يعلني اسد عوقها عندك رقمها .
راشد باستغراب: لا
مبارك بضيق نطق: خذه من عند حرمتك وطرشه لي مسج بسررعه راشد وهيه صح لا تقول لحد عن حمد لين ما يستعيد وعيه بشكل تام .
راشد تنهد بصيق : تم دقايق وبطرشً لك رقمها وقام من بعد ما سكر الخط واتجهه لمهره حواطها من كتوفها وباسها بوسة اعتذار على اللي شافته ويعرف انها غارت عليه وقال بهمس: احبج لو ماتصدقين ولو تصدين عني راضي بس لا تشكين في حبي لج وبعد عنها وقال : عطيني رقم لطيفه ..
استغربت وقالت بضيق : ليش شو تباه !
راشد : مبارك يباه طرشي لي إياه ..
هزت راسها وطرشت له مسج رقم لطيفه وبدوره طرشه على مبارگ .. وهمست في اذنه : قتلك قبل أغار حتى من ولدكـ فما بالك انها تغايضني فيگ وانته ساكت وبارد .
راشد يضحك وبحب قال: احب اشوف غيرتج احس انج لين الحين تحبيني .
طالعته برفعة حاجب وسكتت..
:
:
في بيت بوعوض كانت الأجواء جميله جدا وحلوه وخصوصا انه بدا الجو يبرد ويدخل الشتا فكانوا مسوين جلسة خارجيه وخيمه ضو والجميع قاعد فيها ويدتهم تسال عن لطوف وهزاع متى بيوصلون من ابوظبي
علي : يدتيه انتي شو تبينهم معاريس هذيلا يبون يستانسون .
يدته طالعته وقالت: والله لو العصا توصل جان ضربتك لين تحب التراب .
ضحگ علي عليها وتوه بيتكي على مكتوم قاله مكتوم: استرييييح ولد سعيد روح مناك ييب لك تكيه وتساند عليها شايفني تكيه حضرتگ.
علي يضحك: مالت عليك وانا أقول اخويه حبيبي لي عون وسند عضيدي قاطعه مكتوم وهو يقول: فكنننا الله يخليككك لا عضيدي ولا سنديه كل واحد سند نفسه ..
ضحك علي على تعليق يدته: مب حرمته انته يحطك على ريله .
مكتوم بشوووق وحالميه: يالله عني سد عوقها والله يحطها في قلبي قبل حضني .
ضخكت حمده ومريوم اللي فهمت تلميحه وشوي شافوا سياره هزاع ونطق علي: ابشري فيهم يا يدتيه يووا المعاريسسس ..
ودق قلب مكتوم بشوق وطالع فطوم وغمز لها وفهمت المقصد ،، سلامه وعوض كانوا قاعدين عدال بعض يالس يراويها صور حدايق وشاليهات قالت بتعب: ليش بنستاجر ؟
رد عليها : هيه ابويه يبانا نطلع طلعه جماعيه..
سكتت بضيق يعني بترد تطالع لطيفه طرشت لليازيه مسج وهي تقول: الله يصبرني بنروح وياها صوب الشاليهات ..
ردت عليها اليازيه: طنشينها لا تخسرين ريلج عشانها خليها تولي ريلج وريلها خوان ..
تنهدت بضيق ورفعت عيونها على مكتوم اللي حس بان دقات قلبه تزيد وهو يشوف فطوم بنت اخته لفت عليه مريوم وهي تقول: والله اني تمنيتها لك
دقها بكوع عشان تسكت لان سلامه كانت تطالعهم تبا تشوف ردة فعله وسمع ترحيبهم الحار بهزاع ولطيفه اللي من اول مادخلت انتفض قلبها ماتدري ليش ؟ بس كانها حاسه بشيء بعد ما سلموا قعدت عدال يدتها وهي تقول : شحالج يا يدتيه ربج بخير..
استانست وهي ترد: بخير يعلج الخير
ابتسمت لطوف وشافت هزاع وعوض واقفين وقال عوض: نحن بنسير بنشب الضو وهزاع بيسير ايب عدة الشوي من السوق وبيخاويه نهيان وانا ومكتوم بنسد ترتيب الاكل وبنسوي لكم عشا محترم .
ابتسمت لطيفه على كلامهم ولف عليها عوض وهو يقول: لطيفه الكورس هذا ما بداومين
ردت بهدوء بعد ما توجهت انظار الكل عليها وقالت بتوتر: ان شاء الله اني بداوم ..
ابتسم وضحك وقال: مسجله وين !
بلعت ريقها بتوتر وخوف قلبها يدق بقوو ومب مطمنه حاسه بشيء وتوها بترد رن تلفونها شافت رقم غريب وماردت. تنحنحت وهي تحس انها مب قادره ترد عقب قالت: مساقات مشتركة بين جميع تخصصات ..
عوض : قالي دكتور خالد انج مسجله عنده مساقيين مهارات وبحث علمي صح.
هزت راسها بتوتر وخوف وبلعت ريقها وقالت: هيه نعم .
ابتسم وقال: موفقه خير ويمدحج يقول انج شاطره ومن سنه مدرسنج تغذيه ويايبه عنده امتياز .
ابتسمت بتوتر على رنة تلفونها مره ثانيه شافت الرقم وتنحت وهي تطالعه أساسا ما كانت طالع الرقم كثر ما شافت الغيره في وييه هزاع ، تنفست الصعداء من طلعوا وحست ان الجو هدا شوي وقفت وهي تقول: بروح الغرفه وبرد عن اذنكم .
طلعت برى وهي تزفر بضيق وتحاول ماتبين ورن تلفونها للمره الثالثه بنفس الرقم وبنرفزه قالت وهي عند مدخل الباب تتحلطم الله يعين قلبي واحساسه ما يخيب عقدت حواجبها من هالرقم الغريب تنرفزت ودخلت المطبخ اللي عاليمين بما انه كان فاضي ومحد فيه وردت : الو
مبارك: حمدلله على سلامه عنبوه يا لطوف لازم نحرق التلفون عشان تردين !
لطوف رقع قلبها وقالت: منو انته ! عشان ارد عليك
مبارك يضحك: مبارك
تنهدت براحه وزفرت وبحده وهي تتلفت حواليها بخوف قالت : وانته ماتعرف تطرش مسج خبصت قلبي وبعدين انا ماعرف اصلاً رقمك ؟ طرش لي مسج قولي انا مبارك برد !
زفر بضحك وقال : انا اسف والله وحقج عليه واعتذر
لطيفه تبتسم: لا عادي افا عليك ، شحال عمي وعمتيه ويزوي ربهم بخبر
تنهد بضيق وقال: بعدج تذكرينهم يا لطوف سفلوا فيج ودعوا عليج لين قالوا امين ..
ضحكت بغبنه وبضيق قالت : ومادريت ان دعواتهم مستجابه جان خليتهم يدعون لي بالسعاده بدال الغربال .
مبارك اللي التمس الضيق في صوتها: افااا والله لطيفه شي فيج انتي مرتاحه .
بلعت غصتها غصبا عنها وبلعت العبره وقالت ببحه تميزها: لا والله يا خوي ما فيني شي الحمدلله بس ربگ مرات يحط ناس في دربگ صعب تتجاوزها .
ابتسم بحب اخوي وقال: سديت العوق عنج ،، وبنبره مغبونه قال: لطيفه انا داق اعتذر منج واطلب السماح منج
لطوف باستغراب قالت: تعتذر من شو !
مبارك تنهد: صراحه انا كنت ادخل عند حمد في المستشفى وكنت اطريج عنده ووخبصت قلبه تراني قتله انج تحبينه .
بانفعال قاطعته وهي تقول: احبببه !!! انته مينون !!! مب صاحي والله !!! وزفرت بضيق وهي تسمعه يقول: لطوف والله عشان يستجيب للعلاج !
بزفره قالت وهي متضايقه: وانا شو يخصني يا مبارك انا طبيب علاجه يعني لا تعلقه فيني يا مبارك لا تصير انته والزمن عليه .
مبارك بندم : والله اسفففف شو اسوي كنت مجبور وبيني وبينج الدكتور قالي انها صدمه عاطفيه وهذي الغيبوبه تكون ناتجه عن الصدمه العاطفيه فقالي ذكره بمحبوبه
بقهر وغبنه قالت : في ذمتك عاد الحين يوم قلت له اني احبه ربه فاق.. قاطعها بسرعه قبل لا تكمل وهو يقول: هيه والله فاق اليوم من الغيبوبه …
رقع قلبها بخوف وهي تقول : احلـف
مبارك بندم: والله العظيم بس محد يدري انا اسف لطوف ادري حطيتج في موقف صعب بس بعد الله انتي السبب في قومته !
سكتت ما تعرف شو تقول زفرت بضيق توها بتكلم سمعت صوته: والله اسف شو اللي يرضيج غير الأسف .
توها بتنطق حست بحد وراها لفت وبلعت ريقها بصدمه من نظراته ونست مبارك اللي يتكلم انسحب التلفون منها وسكره في ويهه وقال بصدمه: ماتوقعت انج ما تحبينه
بربكة قالت: طلبتك لا تفهم غلط والله مب مثل اللي في بالك
مكتوم بغيره ذابحتنه: يعني ما تحبين هزاع
اختبصت من نظرات عييونه وقالت: والله انته فاهم غلط خلني افهمك
دموعها اللي في عيونها اجبرته يرضخ قرب منها وهو يباها من الله وقال بهمس: اششش سكتي لحد يسمعج الوقت مب مناسب للكلام .
هزت راسها بالإيجاب وقال : فاطمه بتي الحين وسيري وياها وفهميني السالفه ومن يكون مبارك هذا والحبيب او صدمته يوم حطت صبعها ع شفاته وقالت برجفة تسري في جسمها: تكفى لا تغلط وتاخذ ذنبي والله انى نفسگ مصدومه بلي صار لا تحكم عليه واطيح من عينگ افهمني ارجوگ
رجف جسمه من لامست صبوعها شفاته من دون شعور قبل صبوعها وقال بهمس: ادري حلوه وجذابه وتغرين بس ..
بعدت عنه وهي تطلع من المطبخ وراحت غرفتها على طول بكت من القهر وهي تقول والله فاهم غلط دخلت فاطمه ومسكتها لطوف وهي تبكي وتقول: والله انه فاهم غلط
حضنتها فطوم وهي تهديها وبدون شعور قالت: اتصلي به فطوم تكفين أبا افهمه السالفه
فطوم اتصلت عليه ورد وهو يقول: هلا بالحب ها بشررري قاطعه صوتها المبحوح من صايح وهي تقول مكتوم سمعني الله يخليگ ..
مكتوم اللي رجف قلبه من صوتها يدري انها صادقه ويعرف انها مب من هالنوعيه ولكن عقولتهم يا مهنى ياك ما تمنى، ياه سبب من ربه عشان يقدر يطرب اسماعه بصوتها وتكون قريبه منه يمشي على خطته بنار هاديه لين يعلق قلبها فيه من شاف الأنظار توجهت عليه قام واقف وهو يبعد وبهمس قال: بعدي عن فاطمه وتكلمي على راحتج اذا كنتي تبين تكونين روحج .
وبغباء منها قالت : ترا تلفون البنت لازم تكون عندي المهم هذا مب موضوعنا قاطعها وهو يقول تبين رقمي ؟
باستعجال قالت : لا لا تكفى الله يخليك سمعني
تنهد بصبر وقال: لبيه كملي ..
وقعد يمشي في الحديقه ويسمع صوتها وشهقاتها وقال بعد فتره: شرايج انتي وفاطمه تون تحت عند الحديقه وتتكلمين ويايه تراني مب فاهم شي من كثر ما تشاهقين
لطوف بشهقه غصباً عنها قالت: طلبتگ سمعني خلني اريح ضميري واقولك ولا تأخذ عني فكره سيئه بس امنتك الله هزاع لا يدري .
ابتسم وهو يقول: ليش؟ خايفه؟
هدت شوي وبعد تنهيده قالت: لا مب خايفه ،، بس اعرفه كيف بيعاملني !
مكتوم بغيره قال: خليه برايه لا تفتكرين فيه مادام انج واثقه من نفسج واللي يحب ما يشگ في حبيبه .
تنهدت بضيق وقالت: سمع السالفه وما فيها وبدت تسرد عليه سالفة حمد ولد عمها ومحاولة خطبته لها ورفض امه وبعدين كملت السالفة لين اللي صار اليوم ويا مبارك، وهذا اللي صار الحينه متصل يعتذر عن اللي سواه وانا اصلاً ماعرف رقمه..
مكتوم بغيره عامتنه من سالفة حمد ومبارك اللي كلمها وسمح لنفسه يكلم حمد عن لطيفه وانها تحبه عشان يفيق من الغيبوبه وقال بعصبيه: يستهبل ناسي انج على ذمة ريال ولاشو وبغيره قال انتي تحبينه !!
ردت بسرعه وهي تقول: لا كيف احبه وانا متزوجة شو من القلب عليه والله ماحبيته ولا هم يحزنون بس تكفى لا تسالني عن شي ثاني بس حبيت أوضح لك صوره انا اسفه واعتذر انى كلمتك وانت ما تحل لي وعطت فطوم تلفون وهي تحس بنوع من الراحه شوي رغم انها ضايقه من هالموضوع وكيف ان الحياه قاعده ترميها في متاهات وحفر مالها مخرج ..
سمعت فطوم تقول: ماعليه بهديها وبنزل..
مكتوم وماعاد فيه صبر: فطوم حاولي تيبينها لي تحت
فطوم بضيق: مب اليوم خالي انته تشوف حالتها وبعدين شفت نظرة خالي هززاع قبل لا يطلع خلوها شوي .
هز راسه بضيق وشبه اقتنع بكلام فطوم وقال بهدوء: احبها واعرف ان مالها ذنب وانها صادقه بكل شي قالته بس قلبي يبا يطوب مسامعي بصوتها .
شافت لطيفه تدخل الحمام وقالت بضيق: كاسره خاطري والله ..
مكتوم زفر بتعب: وانا شالعه قلبي من بين ضلوعه …
ابتسمت بتعب فطوم وهي تشوف خالها هزاع يدخل توترت وهي تقوم بخوف وطلعت من الغرفه وهي تبلع ريقها ..
:
اما هزاع اللي سمع صوت الماي في الحمام ضرب بيده على اليدار بقووو وهو يزفر خالد شيطلع خالد سمع رنة تلفونها وصل عنده ومالقى مكتوب عليه اسم شوي وشاف الاشعار اللي واصلنها من نفس الرقم وانصدم من اللي مكتوب وقراه مرتين وثلاث واربع يستوعب اللي مكتوب فيه تعرف انه غيور وانه يحبها كثييير طلعت من الحمام وشاف عيونها المحمره والفوطه اللي تغطي جسمها وقال بضيق وهو يهجم عليها : منو هذا اللي صحتي عشانه!
لطيفه بعدم فهم: صحت عشانه ! منو
هزاع بصراخ وهو يمسكها من زندددها بقووو: انا اللي اسال مب انتى .
غمضت عيونها بخوف من صراخ وتمنت نايف موجود ويحميها من اللي هي فيه سمعته يقول: بعده قلبج ماعرف منو هزاع صح لكن وربي يا لطيفه وشدها بقوووو وهو يلف يدها ورى ظهرها ويضرب بصدرها على اليدار بقو لدرجة ضرب فكها باليدار حست بطعم الدم من شفاتها ردت عليه بضيق : والله ماعرف .. قاطعها بقهرر وهو يمسككككك فكها بيديه قووو وقال: بتنطقين ولا شو ؟ من خالد ! اللي يمدحج عند عوض ! ومن اللي مطرش لج ان كان الاعتذار ما يرضيج !شو اللي يرضيج ! منو يقولج ردي ! هاه ! لطيفه ومن دون شعور وبعصبيه فقدته اعصابه ماتنطقين يا لطيفه وحست بضربة اليدار على صدرها بقووو ومن بعدها كحت وهي تقول بصوت متقطع : ممكن افهمك ؟
بغيره عامتننه قال: قطعي مابا اسمع صوتج .
حاولت تفهمه ما قدرت ما حست الا بلي يرميها على السرير بقوه ونط فوقها وهو يقول : همممم ترمسين ولا كيف..
طالعت بعيونه وتعمقت فيهن يالله قبل ساعتين كيف كانوا حبايب ومن خوفهم على بعض ودهم كل واحد يخبي الثاني في قلبه والحين يوصل حالهم لهالحالة ابتسمت باستهزاء على حياتها صادقه مهره قالت يدعون عليج ليل ونهار بالغربال وما تتهنين لو كنت ادري دعوتهم بتعانق السما جان قلت لهم يدعون لي بالسعاده ازفرت بضيق وهي تحاول تبعده عنه بس ماهي قادره شتت انظارها في كل مكان حست بانفاسه الحاره وهو يقول: منو اللي مطرش لج مسج يعتذر وندمان ووحطت صبعها على شفاته وهي تتكلم بدموع محروقه وقلب ما يطالب الا براحه حسته يبعد ايدها عن شفاته وقالت بغصه من صده : خالد دكتور في الجامعه خذت عنده قبل مساق تغذيه ونجحت عنده بامتياز وسجلت عنده هالسنه كلاسين مهارات وبحث علمي قاطعها بعصبيه: لا يخسسسي تكملين جامعه عنده اسحبي المساقات عند دكتور ثاني او عند عوض .. ورص بيده على زندها وهو يغرس أصابعه كامله فيها بقووو وبقهر قال: باي حق يذكرج ويمدحج قدام عوض بلعت ريقها بخوف وقالت مادري سحبها. وولف يدها ورى ظهرها بقو بعد مالمح الخوف بعيونها وسمع صرختها اللي تبعتها طرقعت عظام كتفها وتالمت بشده منها وبكت من الألم وقالت بخوف: اسمعني وبعدين احكم عليه لا تنفعل .
هزاع بغيييظ: لا تحرقيييين قلبي منو اللي يعتذر عن اللي صار واللي يقولج غير الأسف وش يرضيج وسويه هذا منو. !! وشو سالفته !
بهمس نطقت : تراك تعورني ايدي تالمني حيل تكفى عطني فرصه البس ثيابي على الأقل تامل جسمها النحيل وبضجيج أفكاره ومزاحمة تفكيره نطققق بغييييره متملكتنه : أبا اسسسمع شي يسررر فوادي ولا والله يا لطيفه امسكج واشرب من دمج ..دفعها عنه بقو وهو يلهث ويزفر بتعب اما هي قامت وهي تلف الفوطه على جسمها وتبلع ريقها وغصتها وينك يا نايف وينك ياخوي محتاجتنك ما صار لي أسبوع وانجلب حالي يا خوي حاولت تلبس ماقدرت ترفع ايدها تالمها حيل بس جبرت نفسها بالقو وهي تشهق من الألم وويع كتفها .. طلعت من الغرفه وهي تبلع ريقها وقالت :، من وين ابدا لك
هزاع باعصاب تالفه ومكور ايده دليل على غضبه العارم وغيرته اللي لين الحين موجوده في نطقه .. قال بحده ونظرات عيونه ما تعرف الا عيونها ، نطقت بضيم وقهر: اللي اتصل مبارك ولدعمي وكملت له سالفه كامله مما اثار غيررته الجنونية وهو يقول: شوووووووو حمددددد انتي صاحيه ولا شوووو؟ غمضت عيونها من صريخه ونطر عيونه وحوايبه عليها لما قام وقال وهو يمسكها من ايدها اللي تالمها حيل مسكها بقو وصرخت بالم : اهههه يدي
هزاع تكفى ايدي وطالعته بعيون مليانه دموع وقلق بلعت ريقها بخوف منه بس هي كملت سالفة عشان تريح ضميرها وبيحه كملت: ومتصل اليوم يعتذر انه زرع في حمد أفكار عني وحب وهمي عشان يستجيب للعلاج ووطالعته بعتب وتعب من نظراته الناريه واسترسلت بعد ما شافت عيوننه اللي تشع نار ملتهبه وقالي ان علاماته الحيويه بدت تتقدم من يوم كلمه عني واليوم استعاد وعيه بس يتيريون عليه يستعيد وعيه بشكل كامل
بعدها عنه بعد ما سمع اللي سمعه ودفها بقوو عنه وخلاها جريحة مثل طير مكسوره جنحانه بعد ما قالها ما تتواصلين مع حد من عيال عمج وهذا اللي اسمه ممبارك دواه عندي .
بضيق وتعب قالت: تكفى هزاع افهمني برايه لا تعتدي عليه ولا تتعرض له .
هجم عليها بقهر وبغيره قال: خايفه عليه خايفه على مشاعره .
هزت راسها بنفي بحيث انها تجاوب على سواله وقالت بهمس: ما يقصد يسوي فتنه هو قصده يعتذر عن….
قاطعها وهو يمسكها بقهر وقال بما انه اخو حمد فتوقعي منه اللامتوقع . انفتح الباب ودخلت حمده ومريوم وهن يقولن بعصبيه لهزاع: بسسس قصر صوتك فضحتنا محد تم ما سمع صوتك لفت مريوم على لطوف وشهقة بصدمه وهي تربع صوبها وقالت بغصه: لطوف انتي بخير..
ابتسمت بين دموعها وهزت راسها بالإيجاب وحمده اللي قالت بعصبيه: انته شو سويت مينون مب صاحي والله تتفرس فيها كم صار لك وانته تطلع غيرتك المريضه فيها ساعه ولا اكثر .
طالعها بحده وبطرف عين ردت عليه حمده بعصبيه: خذنا البنت من عند أهلها معززه مكرمه ما يبناها عندك عشان تكون تحت رحمتگ يوم تهدا من اللي انته فيه تعال بيتي تفاهم ويا حرمتگ ولفت على مريوم وهي تقول : يبي لها كم غرض بتروح ويايه البيت .
هزاع بقهر: ماتعتب بيتج
حمده تقاطعه: اووووص ماتوقعت انك بتسوي في البنت جي وبسبة كلام اخوك عن الدكتور هي شذنبها .
هزاع ييشوف حمده اللي قالت لمريم : يلا وقاطعتها لطيفه لا ياحمده مهما صار بيني وبينه ماقدر اخليه هذا بيتي ازعل فيه وارضى فيه ما اقدر اشمت الناس فيني كانت تقصد سلامه .
حمده قربت منها وهي تشوف وييهها: لازم تختفين عنهم بيلاحظون اللي على ويهج واللي على جسمج من ضرب..
بدموع جاوبت: ما بطلع لين يخف الألم والكدمات ..
مريوم بقهر: احمد ربك ان انا وحمدوه اللي دخلنا البيت وسمعنا صوتك لو غيرنا اللي دخل تراه بيتشمت عليكم .
قعد على طرف السرير وهو يحاول يهدى ورسالة مبارك بين عيونه وهو يقول اسف والله اسسسف وش اللي يرضيج غير الأسف واسويه سند راسه على السرير بيموت من الغيره فكرت ان شخص ما يحل لها ومطرش لها مسج هذا بحد ذاته يقتله ،، انتبه على صوتها هي ومريم وحمده في غرفة الملابس .
:
عندهن في الغرفة كانت مريوم تحاول تكمد الكدمات قالت بهمس: ليش تبررين له وتقولين له عن مبارك ..
لطوف بدموع من ألم يدها اللي تحسه انتفخ قالت بضيق: مجبوره ابرر له لانه شاف المسج
حمده تأيد كلام لطوف: صح كلامها ،، لو ما شاف المسج بنقول انه من سالفة خالد بس المصيبه انه شاف المسج اللي مطرشنه مبارك وليته كاتب شي مفيد كاتب وش اللي يرضيج غير الأسف وانه ندمان وين تبين مخه يروح .
تنهدت مريوم بضيق وسكتت وقالت حمده: اخو سلامه.
هزت لطوف راسها بالإيجاب ، مريوم بقهر: سمعي ريلي محد شرايج تين عندي .
لطوف بالم : احم أبا اطلب طلب ممكن !
مريوم بحب: امررري فديتج
حمدوه بضيق : عنبوه يا لطوف عيونا لج انتي اختنا فديت روحج .
لطوف تبكي من الألم: أبا اروح المستشفى ايدي وايد تعورني ماقدر ارفعها
حمدوه بغيض :حسبي الله على ابليسه،، الله يهديه ماروم ادعي وأقول شي .
مريوم بقهر: كيف بنطلعها قدامهم
حمدوه اتصلت على مكتوم وهي تقول: صبرن شوي
وياها صوت مكتوم كان ضايق على لطيفه نسترجع الحدث ( بداية الفلاش باگ) من يوم طلعت له فطوم وقالت له خالي هزاع نظراته ما تبشر بخير حاسه بيجرم فيها .
مكتوم بضيق ويتلفت حوالينه خاف حد يسمعهم وبهمس قال: سمعي لا تخلين سلامه تسمع أي شي وانا بروح فوق بقعد شوي في صاله اللي فوق اذا حسيت الأوضاع اوك تراني بنزل بس اذا حسيت فيه ازعاج بطرش لج مسج واشغليهم بأي شي حتى لو تحطين أغاني المهم ان سلامه ماتعرف عن اللي يصير للطيفه فهمتي ..
هزت راسها بضيق واتجهت لخيمة الضو وقعدت بهدوء اما مكتتوم طلع لفوق وقعد في صاله وباين عليه الارتباگ خايف عليها من اخوه وفجاة سمع صوته العالي ومن حس بصوتها اللي يترجاه يسمعها ودموعها والخوف اللي لمسه في صوته طرش لفطوم مسج اللي انجبرت تحط أغاني تربشهم عشان ما يسمعون صوت صريخها وهي تنضرب انفعل مكتوم بحده وكان بيقرب وبيرفس الباب وبيدخل بس سمعها تقول على الأقل خلني البس ثيابي في هالحظه تراجع وقعد عند الكراسي كيف يتصرف الانسانه اللي يحبها ويموت فيها بين ايدين اخوه ما كان قدامه الا حل واحد يتصل بحمده وقالها : اخوج ترا مينون جتل الحرمه ضرب سيري وشلي مريوم وياج ولا تبينون لحد شي وخصوصاً سلامه.
حمده بهدوء: تمام ولفت على مريم وهي تقول: نسير داخل بنيب من المطبخ التحضيري ( الغير رئيسي يكون في الييت بس يقدرون يطبخون أشياء بسيطه نفس سويتات كيكات معجنات اما الطبخ الثقيل فيكون في المطبخ الخارجي يسون فيه العزايم والغداء والعشاء والمرق والعيش او الرز )أغراض لهم حق الشوي .
وسارن مريوم وحمده لين وصلن فوق وقال لحمده: طلعنها من عنده هذا مب صاحي بيجتلها حمده كانت معصبه من هزاع ومريوم منصدمه من سواة هزاع .
( نهاية الفلاش باگ) ..
:
في الوقت الحالي ..
رد على حمده وبان الضيق في صوته : هلا حمده
حمده اللي حست بصوته همست: فيگ شي ..
مكتوم بضيق: لا بس احاتي اللي عندكم .
حمده بضيق: مكتوم البنت شكلها متكسره تكفى تعال ودنا المستشفى بس كيف اظهرها من الغرفه ويهها وارم وجسمها كله كدمات
مكتوم ابتعد عن مكان الشوي ولف بهدوء عليهم ومن ثم رد عليها وقال بقهر مكتوم: سمعي وحده فيكن تلبسها عباه وشيله وتغشيها( تغطي وييهها) وانتي او مريوم وحده منكن تلبس نفسها وعساس انها بتسير تبات (تنام) عندكم وانا بشلكم المستشفى وعقب بردكم
حمده بعصبيه: والله ماترد بحالتها هذي انته لو تشوفها بتنصدم من شكلها
رجف قلبه من بين ضلوعه وقال بغصه يحاول يبلعها: ماعليه خذيلها ثياب وياكم وتعالوا بس لازم محد ينتبه لكم مانبا نفتح باب على لطيفه يتشمتون فيها لاتنسين بنت عمها هنيه وهي ما كملت من عرسها الا أسبوع
حمده بقهر: حسبي الله عليهم هم السبب ماخلوها في حالها مطرشين اخوهم عليها..
اعتراه الضيق والقهر وهو ما كان وده هزاع يعرف بس عقولتهم تجري الرياح بما لا تشتهي السفن وصل عند الكراج وشغل السياره وسمع صوت لطيفه وهي تتالم انعصر قلبه وهو يسمع انينها ومريوم تلبسها العباه وقالت: ماله داعي لطوف تحطين ايدج اللي تعورج في العباه اللبسي العباه عادي بس ايدج اللي تعورج لا تدخلينها في ايد العباه لكنها انجبرت ادخلها وتلبسها عادي وحطت الشيله وغطت ويهها .
وسمع صوت حمده اللي قالت : مكتوم لازالت عالخط ..
فتح ازرار كندورته عشان يتنفس حس نفسه مخنوق صوتها اللي يتالم جرح قلبه وفواده هز راسه بهدوء وسمع صوتها للمره ثانيه مكتوم ، بلع ريقه بغصه وقال: اسمعج حمدوه انا في الكراج بلف من ورى الميالس (المجالس) وطلعن من الباب الخلفي وبتلقوني اترياكن.
حمده تمسك لطوف تمشيها وقالت لمريم بهمس :شلي لها ملابس في شنطه صغيره ما بخليها ترد هنيه..
راحت مريوم تشل له ملابس ، اما برى الغرفة كان متلوم ومتندم كيف يسوي فيها جيه ليش استعيل وانفعل ليش ما مسك اعصابه من شاف حمده طالعه وياها لطيفه فز واقف على حيله وتقدم منهم وقال : وييين !!!
حمده بعصبيه وقهر: بتسير عندي
هزاع بغيره حاول يسحبها بس منعته ايد حمده وهي تقول بعصبيه: البنت ايدها تعورها خلها هاليومين عندي ترتاح وانت… قاطعها بعصبيه وهو يقول: لالا ريلج هناك ما تسير عندج .
حمده بقهر: اوك بتسير عند مريوم ريلها محد مسافر ، وزفرت بغضب وانته من الأفضل ما تكون في البيت عشان محد يسالك عن لطيفه ويشك ان فيكم شي وخصوصاً سلامه بنت عمهم ..
قرب من لطيفه اللي بعدت لا ارادي بخوف وارتجف جسمها من قربه حست بحرارة جسمها من لمسته وقطعت عليه مريوم بقهر وهي تقول: هزاع البنت تعبانه فديتك خلها ترتاح جسمها شاب نار من الألم والكدمات خلها تي عندي بعتني فيها شوي وانته لازم تطلع هزاع وتغطي على الموضوع وبعدين تعال تفاهم معاها ..
هز راسه بضيق وشافهمم يطلعون من الباب وماوده تطلع يحبها غيرته مرض مالها علاج وااااه منج يالطيفه انتبه على رنة تلفون ولتفت حوالينه شاف تلفونها انصدم ناسيه تلفونها قرب ورفعه بيده اللي ترجف وشاف المتصل الحب ضغط على تلفون بقوو بغيره ورد وحطه سبيكر سمع صوت نايف اللي قال: قلبي يقول ان فيج شي يا عين اخوج
ارتعش جسمه من صوت نايف وكلامه لهدرجة يحس فيها بلع ريقه بربكه وهو يسمعه يقول: لطوف .
رد بعد ما حاول يضبط صوته : هلا بالنسيب.
نايف براحه: المهلي ما يولي شفيكم قلبي قارصني على لطيفه ..
سكت شو يقول مكسر اختك انا تنهد بتعب وقال: ما فينا شي الغالي .
نايف بهدوء: غير هالكلام قلبي مب مرتاح
يلس عالسرير ويحس بضغط من كل جانب شو يقول لنايف ليته مارد عليه ، والله ما يسكت له وهو اللي عطاه وعد يحافظ على حبه واخته سمع صوت نايف : هزززاع شفيكم
هزاع بلع ريقه وقال بجذبه : نحن بخير بس شوي يدتيه تعبانه ونحن مختبصين وياها ومتوترين ولطيفه سارت وياهم المستشفى ونست تلفونها هنيه وانا بسير الحين صوبهم وبعطيها تلفونها وبخليها دق لك الغالي .
نايف غمض عيونه وهو شبه مرتاح: الحمدلله ريحتني عبالي فيها شي ، بس بعد قلبي ما بيطمن لين يسمع صوتها ..
:
اما في سيارة مكتوم حمده راكبه قدام ومريم راكبه ورى عدال لطيفه وقالت لها : انسدحي على ريولي .
جاوبتها وهي تحس انها مخنوقه: ماقدر جسمي نار
مكتوم اللي حرك السياره ومن سمع صوتها لف عليها بجسمه كامل وقال لمريم: فجي شيله عنها تراها قاعده تختنق
مريوم ارتبكت وقالت: كيف اشل عنها شيل.. قاطعها مكتوم اللي اندفع جسمه بكل قوه وشل شيله عنها توه بيتكلم انصدم بلي شافه وييههها كله كدمات شفاتها منتفخه وفيها دم ومزرقه من الأطراف كدمه تحت عينها نطق بغصه: يعل ايده الكسر يارب وبهمس قال حمدوه ما ينفع نوديها لاي مستشفى لانهم بيسون لنا سين وجيم والسالفه فيها تحقيق لانه يبين انه في حد معتدي عليها بضرب ما ينفع نقول انها طاحت لانها جذبه ما تصدق .
حمده بصدمه : والحل ..
مكتوم قرب من لطيفه وهو يحط ايده على خدها يطبطب عليه وحس بجسمه وايده انشلت من ملمسها الناعم والحراره اللي اندفعت لإيده وقال وهو يبلع ريقه : لطيفه حاولي انج ما تفقدين الوعي تكفين قولي لي شو تحسين .
حاولت ترفع عينها بس ماقدرت عينها تعورها ومزرقه
بكت بصمت حنيته ذكرتها بحنية نايف حبيب قلبها قرب وهو يقول : ما عاش اللي يبكيج يا بنت حمد ،، انتي تحسينه بدوخه ..
هزت راسها بالإيجاب تنهد بضيق ولف على مريم. وقال: سمعي لا تخلينها تنام حاولي انها ما تفقد وعيهها لين ما اتصرف انا لف جسمه ناحيه كرسي سايق وبدا يسوق وعقله وقلبه عند اللي شافهه شووهها حسبي الله على ابليسك طلع تلفونه واتصل بعلي اللي رد وهو يقول: انته وين ساير تغازل امي تقول عندك حبيبه لايكون رحت لها من ورانا
مكتوم بجديه: ياخي خل عندك شوية جديه انته كيف استويت دكتور يوم انته اهبل سمعني قوم فز وشغل سيارتك ولا تتكلم عند أي حد وقولي أي مستشفى اداوم فيه .
علي اللي التمس الجديه بصوت اخوه قام واقف ينفذ اوامر مكتوم وشغل السياره وقال بهتمام: بس انا توني منتقل لدبي قبل كنت في العين ..
مكتوم يرص على اسنانه : براييه المهم وينن خلص وتعال انته اللي اباك تشرف على الحاله
علي يطلع من البيت ويتجهه للمستشفى وقال : بس دوامي يبدا بعد ساعه ..
مكتوم بعصبيه وخوف على لطيفه لانها بدت تون ( تأن) صرخ عليه بقهر: عللللــلللـي
علي يستجيب لمكتوم من دون جدال: خلاص تم فديتك مستشفى ……
مكتوم بتنهيده : تمام طرش اللوكيشن بسرررعه .
سكر مكتوم وحط تلفونه في حضنه لف عليها بعد ما وقف على طرف واندفع لها بكل قوته سحبها من ايد مريوم وحطها على صدره وهو يطبطب على خدها ؛ لطيفففه ،، لطيفه تسمعيني ..
ما كان يصدر منها سوى الانين لدرجة مب حاسه بالم كتفها الوارم لف على حمده وقال: عطيني غرشة ماي بسرررعه ، عطته حمده وهي الخوف لاعب فيها لعب بطل غرشة الماي ورش على ويهها وصدرت منها شهقه وتعلقت بصدره وهي تمتم بكلمات غير مفهومه لف مكتوم عليهن وقال: البنت في حاله حرجه لازم ما تنام والحين قاعده تهلوس حمده فديتج ترومين تسوقين لين المستشفى ولا .
حمده بتوتر: على توتري هذا والله ماروم البنت مخوفتني .
مكتوم بقهر : لا تعرفون تتصرفون ويا البنت ولا تعرفون السوقون في هالمواقف شو تعرفون بالله عليكم وتنهد وهو يستغفر وسحبها وهو يحطها في حضنه ورجع لكرسي السايق وقال لحمده : ريولها خليهن صوبج وانا بحط راسها في حضني وتحت يدي وبراقبها ويوم اقولج سوي جي سوي لا ترتبكين ترانا في الأول والأخير نسعفها عشان ما تدخل في غيبوبه او يصير لها تجلط ..
هزت حمده راسها بتوتر ومكتوم حط نص جسمها على صدره وتحت يده واليد ثانيه يسوق فيها وقربها مزعزعنه وراسها كان على كتفه وكل شوي يطبطب عليها عشان ما تغفى ويكلمها عشان تنتبه عليه وبحنية قال: لطيفه ،، لطيفه
ردت عليه : هممم
مكتوم ابتسم بحب وقال: شي يعورج! تحسين بشيء !
ردت عليه : هممممم
استوعب انها مب في وعييها ولكنها مب فاقده الوعي قالت له : بنام تعبانه !
انتفض جسمه وقلبه وصل لممستشفى وقال لحمده : نزلي طلبي ويل جير( كرسي متحرك) نزلت حمده وصد صوب لطيفه وقرب منها وباس خدها وهو يقول: فيني ولا فيج يا عمر مكتوم ..
ما حس بصوتها وهزها على خفيف وشاف علي ياي ولابس لاب كوت ويايب سرير متنقل نزل مكتوم ونزلها بعد ما غطاها عدل وقال لحمده: اسف بس بركني سياره انا ومريم بنسير عندها .
حمده قالت بخوف: مكتوم اعفينا من سيارتك حبيبي في هالحاله ماقدر اسوي شي هز راسه وبند السياره وقال كل المخالفات فدوى لعيونها اليوم سرع خطواته ورى علي ودخل عليه قسم الطواري وقال لعلي : انته امسك حالتها وجنبنا السين والجيم ما فينا .
علي بدا يفحصها وقال بقهر: منو هاي !! وبعدين ليش جي مضروبه!
مكتوم رد عليه: هاي حبيبتي وانا ضاربنها يعني ما تشوف بطاقتها ماتعرف منو هاي !
علي اللي ماركز أصلا على الاسم ولا على الملامح قال: بحاول اني اغطي عليكم .
قام علي يشوف شغله ومكتوم عداله واقف ، وعلي بدا يعقم الجروح اللي على ويهها وقالت له مريوم عن ايدها وقاله علي : البنت ليش فاقده وعييها هي طاحت ولا شو
مكتوم بخوف عليها: علمي علمك بس هي مضروبه
تنهد بتعب علي وبدا يفحص عينها وقال لنيرس: حوليها قسم الاشعه وسوي لها اشعتين :الأولى : على الراس بحيث نطمن مافي نزيف ،، والثانيه: على ايدها اللى وارمه من الكتف ! هزت راسها النيرس وحركة السرير على قسم الاشعه وراح وراها مكتوم ومريم وحمده بقوا عند علي اللي يبا يعرف كل اللي صار ، اما في قسم الاشعه مكتوم يكلم النيرس بعصبيه: شوي شوي عليها لا تلفينها بها الطريقه تراها انسانه .
النيرس بتعب: طيب أبا جزء معين كيف بوصله لازم تثبت نفسها قرب منها مكتوم وقال: انا بمسكها .
النيرس: انته شو تصير لها زوجها
مكتوم بحالميه قال: هيه زوجها
النيرس : طيب تعال.. بما انها فاقده لوعيها ما تقدر تستجيب لي اسدحها عالسرير عشان اصور لها يدها .
مكتوم: خلصتي صوره الراس صح.
النيرس: هيه باقي بس الايد .
وبدت تصور ايدها بعد ما سدحها مكتوم …
:
في بيت بو حمد … مبارك كان على اعصابه متلوم من لطيفه وقال لراشد: ما ترد حرقت تلفونها ماترد طرشت مسج ما ترد البنت فيها شي أخاف ريلها طاح عليها وهي تكلمني ..
راشد بصدمه قل: انزين كيف نتاكد
مبارك : سلامه هيه سلامه بتصل على سلامه وبتخبرها …
اتصل بمبارك بسلامه اللي كانت قاعده في الخيمه وردت : هلا مبارگ لفت فطوم على سلامه في هالوقت .سمعت سلامه تقول: لا ماشفتها قالت بتروح الغرفه ولا ردت ، انزين شو تباها خلاص اذا شفتها بكلمها اوك برايك باي .
راشد تنهد: ها بشر
مبارك: اختك ماتعرف عن البنت شي .
راشد: اووف خلاص لقيتها مهره دق على لطيفه
اتصل راشد بمهره اللي يت الصالة وقعدت عداله طوقها بيديه وهي تقول: لبيه متصل بي غناتي امر ..
راشد يقربها من حضنه : اتصلي بالطيفه ..
مهره بضيق: ليش .،
مبارك بقهر وعصبيه قال: اتصلي ولا تكثرين كلام بسرععه
مهره اللي انصدمت من مبارك وعصبيته اتصلت وحطته وشوي ياها صوت هزاع: الو
مهره : مرحبا هزاع شحالك
هزاع بضيق: شو توقعين حالي يا مهره بعد اللي صار بيني وبين اختج
مهره بصدمه: شو اللي صار
هزاع بتنهيده: سمعي مهره لاتيبين طاري لنايف اخوج انا جذبت عليه
مهره ارتبكت وقالت : انزين انزين والله ما قول ،، بس قولي اللي صار..
هزاع بقهر وضيقه: تضاربت وياها عشان ولد عمج .
مهره بضيقه: ردينا على حمد قاططعها بقهر وهو يقول: مب حمد واحد اسمه مبارك
انصدمت مهره ورفعت عيونها على مبارك اللي توتروبان الضيق فيه وكملت كلامها: مبارك شو فيه ..
هزاع : مادري اتصل بالطيفه يكلمها المهم مادري شو اللي دار بينهم اللي فهمته كانوا يتكلمون عن حمد ومن ثم طرش لها مسج انا اسف واذا الأسف ما يفيد شو اللي يرضيج وبقهر قال ما اتحمل حد من طرف عمج مهره حسبي الله ونعم الوكيل وضرب بيده الطاوله بقهر وقال بغيره: لا ودافع عنه بعد هي تدري اني غيوور وغيرتي مفرطه تروح تمدحه لي عاد تعالي انا ما صدقت وطحت فيها ليش تمدحينه ومنو هو واخريا مهره ضيعتها من بين ايديه .
مهره بقهر: حرام عليك والله شك في الكل الا لطيفه يا هزاع ما ينشگ فيها …
سكت وبعدها قال: مهره لا تقولين لحد ،، احم حتى هليه ما يعرفون بيني وبينج انا رايح المستشفى الحين بتطمن عليها وبعطيها تلفونها قاطعته مهره بعصبيه وهي تقول: جتلتها هزاع انته ولا شو موضوعك ، كيف تصدق أي شي ينقال عنها ، والله لو صار فيها شي ابويه بيموت.
هزاع بضيق وقهر: بسم الله عليها وعلى ابوج ان شاء الله الموت للي خرب علينا .
مبارك سحب التلفون بعصبيه وقال بقهر: لا تدعي علينا بالموت انته الليً ما تستاهل لطيفه وماعرفت كيف تصونها اذا انته مريض مب مشكلتنا لكن لا تعق بلاك على غيرك وانا اللي بقول لنايف عن كل شي وهذا ويهي وانا اللي اتصلت بها يكون في علمك وان كان يرضيها اني اسكت عن الموضوع بسكت لجل عيونها وان كانت تبا طلاقها منك فانا اللي بوقف في ويهك ورقعه في ويهه وفر تلفون في حضن مهره وراح وهو مقهور منه…
:
اما راشد فانصدم من مبارك ومن أسلوبه حضن مهره وطوقها بيديه وهو يقول: فديت عيونج حبيبي ما يقصد مبارك .
مهره كانت مصدومه من حركة مبارك كيف يطرش للطيفه مسج شو قصده يخرب حياتها ولا يحقق مراد امه واخواته ولا شو بالضبط ، حست براشد اللي شلها ووداها لغرفتهم فوق وهو يقول: انتي مستويه دلوعه وحساسه هاليومين .
مهره بضيق وهي تنسدح على السرير: لا والله هو اللي مستوي عصبي ومحد يروم يكلمه .
انسدح عدالها وقال بحب: انا فداج يا المهر
مهره طوقته بيديها وقربت من صدره وحضنته وبنعاس: والله وتعودت على قربگ وكيف انام على صدرگ بسهوله !
ضحك عليها وهو يبوس خدها ومن ثم باس طرف شفتها ، مهره صدته عنها وهي تقول: ما نسيت تراني اللي شفته
ضحك وهو يقول: تغارين !
مهره بحده تطالعه: اغار حتى من لبسگ اللي يلامس جسمگ فما بالك بوحده تشاركني فيك
راشد بحب: وربي لو تعدين الأيام اللي اروح لها ما تلقينهن وايد وسبق قتلج اروح عشا حمد فديته متعلق فيني مايصير بعد ما اشوفه .
مهره بنبرة زعل: وانا وحبي لگ ماله قدرعندگ .
راشد يحضنها زود: افااا والله منو اللي قال هالكلام ،، مهره انتي معششه في قلب راشد للابد مالج بديل ولا لج منافس ..
عانقت رقبته بيديها وحطت راسها على كتفه وقالت: احبك وربي المعبود يشهد ..
ابتسم وهو يوزع نظراته عليها وقرب من وييه وبهمس قال: احس ان فيج شي وماتبين تنطقين !
مهره بتعب: لا والله فيني نوم بس ومتضايقه من اللي صار للطيفه بيتشمتون فيها خواتك وامك ومبارك بالمسج اللي كتبه كانه بينه وبين لطيفه شي وبصدق قالت وهي ترفع عيونها له : شو بينهم ، عشان يكتب لها هالكلام انته تعرف انا متاكده…
راشد بحب: شو رايج ما ندخل فيهم خلينا في اللي نحن فيه وبرايهم قاطعته بصدمه وهي تقول : يحبها !!
راشد اللي انصدم وقال بصدمه: شو هالرمسه مهره لا ايي في بالج هاشيء لا طبعاً ما يحبها بس في موضوع بينهم ومبارك مايبا حد يعرفه.
هزت راسها باطمئنان بانه مايحبها وازفرت براححه لفت عليه وهي تقول: راشد بعدگ تحبني
راشد يضحك بحب وهويعانق شفاتها بشفايفه وبهمس خافت: شو تشوفين انتي !
ابتسمت بحييا وهي تقول: طيب وين الحمال انته قايل لبويه اني حامل وردني لگ قاطعها ببوسه عميقه وقال: الحمال موجود فديتج سيري فحصي وتاكدي وباسها بعمق اكثر وهمس في اذنها تراها متاخره وايد عليج يا قلب راشد ونزل على رقبتها وهو يمسح رقبتها بشعر لحتيه وحس ببوستها على رقبته وهي تطوقه بيديها وقالت: اغار والله من كل شي يا راشد ودي اذا حملت اييب ولد تحبه وتتعلق فيه .
راشد. اللي ذايب بمداعبة مهره له وقال وهو يمسح على ظهرها بيده بهيمان: وانا أبا بنت تشبهج عشان تأخذ قلبي والحب كله.
مهره بغيره وهي تشد عليه: والقى لي منافس فيگ وتشاركني بحبگ باسها على شفاتها وقال بحب: تراها ثمرة حبنا وبتعلقني فيها زوددد.
مهره بحب تتعمق فيه اكثر وباست رقبته ومن ثم شفاته حواطها اكثر له وهو مستمتع.
:
في المستشفى وصل هزاع وشاف حمده وعطاها تلفون لطوف وقال: وينها ؟!
حمده بتعب: الحين بنطلع قربت تخلص
هزاع بضيق : ليت انكسرت ايدي ولا مديتها عليها
حمده بضيق سكتت وشافت تلفون لطوف يرن باسم الحب ولفت لهزاع اللي ارتبك من شاف المتصل وقال : اخوها ؟
حمده انصعقت وقالت: عرف !
تذكر كلام مبارك يوم قال انا بخبره رفع كتوفه بمعنى ماعرف وسند راسه عاليدار وشافها طالعه وايدها مجبسه وعلي ومكتوم طالعين وراها وبعض اللصقات محطوطه على الجوارح. تقدم هزاع بسرعه صوبهم وقال بصدمه بعد ما شاف حالها : لطيفه
ارتعبت منه ورجعت ورى خطوتين وتقدم بس وقف مكتوم بينه وبينها(بمعنى صارت ورى مكتوم) وبحده قال: مشوّهنها وكاسرنها في اول أسبوع زواجكم ابتعد عنها لوسمحت .
هزاع بقهر يبعد مكتوم عن دربه لكن مكتوم ما تحرك وقال: لا تفضحنا بين الناس ،، لف على لطوف وقال: سيري عند مريم وتراج في ويهي ان صار لج شي امسحيها في ويهي قربت حمده وقالت: مكتوم يلا نسير البنت تعبانه تبا ترتاح
علي مسك هزاع وابتعد عنهم ،، مكتوم سار الصيدليه صرف الدوا ورد من بعدها تحركوا لسياره ..
في سيارته بعد ماركب الجميع نطقت لطوف بنبره ممنونه:مشكورين ويزاكم الله خير على وقفتكم ويايه وبيض الله ويهكم جميعا .
مكتوم اللي رد : افا عليج يا بنت حمد ، حق وواجب فديتج انّ نوقف وياج محد يرضيه ها شيء .
لطيفه بمستحى وهدوء: تحصل بين أي اثنين توهم متزوجين .
مكتوم بغيره : بس ما توصل لشگ والله لو انا ريلج ما أشگ فيج دقيقه لاني عارف انج مطمع للجميع والربح لواحد .
استحت من كلامه اللي حسسها انها مرغوبه للجميع والكل طمعان في قربها ولكن الربح لواحد فقط ..
قطع الصمت رنة تلفونها ومدته لها حمده وهي تقول: لطيفه فديتج تلفونج يرن يابه ريلج لج .
شلته مريم عنها لان لطيفه ايدها مكسوره وحاطين لها جبره ( جبس) وحطته سبيكر وردت لطيفه: حي هالصوت.
نايف بشوق: وبج زوووود يا عين مغليج شحاالج
لطيفه تنهدت وببتسامه؛ بخير يعل ربي يعافيك انته شحالك
نايف بحب: يخسي الضيق وانا اخوج يا غلا قلبي شو وراها هالتنهيده .
لطوف بحب: احب اهتمامك فيني تحسسني ان لين الحين قلبك عليه.
نايف بصدق: ولين باجر بعد ! اتصلت من ساعه وكلمني هزاع وقال انج في المستشفى عند يدتهم عسى ماشر شو فيها ! استغربت لطيفه وعقب استوعبت وقالت: بخير الحمدلله شوي ضغطها مرتفع ضحك مكتوم لا ارادي وحمده ابتسمت على لطيفه اللي ترقع السالفه لو تدريبهم العيوز ما بتخليهم .
نايف بحب: اكيد انتي بخير يا نظر العين
لطيفه: بخير ياعين اختك والله واذا انا مب بخير فانا من سمعت صوتك صرت بخير
نايف يضحك: يابوي على هالكلام والغزل ياحبي ترا ريلج يغار بعدين يدفنج ويدفني رباعه .
ضحكت لطيفه بحب: كل هالعالم في كفه وانته في كفه يا غلا قلب اختك .
نايف يتنهد بحب: اقوول تراني مطلق ماعندي حد يشبعني عاطفياً فلا تقعدين تغازلني لاني بشتاق للغزل والعرس .
ضحكت لطوف وهي تقول : ياعيوني انته عزم والله انه يوم المنى يوم تعرس
نايف بتنهيده: لطيفه
لطيفه: عيونها ..
نايف يبتسم: فديت عيونج ياربي يعلهن سالمات ياحظ هزاع والله فيج ..
ابتسمت بحيا وهي تقول: فديت عمرك
شوي وسمعت نايف اللي يقول: خلاااااص تراك حشررره ازعجتني ما بقولها شي اوووف منك طسسس بسس طسسس .
عقدت حواجبها وقالت: شفيك تتحرطم
نايف بقهر يضحك: هذا طفربي من صبح يالس لي حشره اوووف الله يعين حرمته عليه
ضحكت لطوف وهي تقول: زين فديتك برايك عيل
شوي وسمعت صرخته : لااا تعالي هنيه اونه يلا برايك هيه شبعتي من اخوج طفسس .
نايف بقهر: والله ادفنك خوز عني لا تكلمها اغار
بعصبيه دفر نايف وبقهر قال: طييير بس اونه اغار لطوف شحالج
في خاطرها لا مب وقتتته ابدا والله مب وقته تحنحنت وقالت: طيبه طاب حالك شحالك
انسحب تلفون ورد نايف: خليه يولي بس وطالعه نايف بغياض بعدين قال رحمتگ والله تعال كلمها والله اسووولف وياك
بقهر قال: مابا اشبع فيها روحك يلا انا بسير
لططوف اللي ضايقها الموقف قالت: نايف باي وسكرت من دون ما تسمع رده ..
:
مريوم توترت من شافت لطيفه متضايقه وقالت لطيفه : ماوصلنا البيت مكتوم
مكتوم اللي كان يسمع الحوار نطق بضيق: الظاهر احبابج وايد يا لطيفه ولكني اسميهم أعداء عسى بس مايتكرر قدام هزاع هالموقف وابتسم بضيق: بتباتين عند مريوم
بضيق جاوبت: ما تعودت انهزم من اول مشكله انا لازم ارد لبيتي مابا حد يحس بشيء .
مكتوم بتنهيده متضايقه: سمعي لازم هاليومين تيلسين عند مريوم لين يخف الألم والورم وهزاع اذا تبينه خليه ايي عندج .
رن تلفونها وكان هزاع وردت عليه مريوم وحطت سبيكر:الوو
لطوف : هلا
هزاع بضيق: اسسسف والله
لطوف بهدوء: حصل خير انته وين !
هزاع بتنهيده متعبه: في الشارع احوط ..
تنهدت وبضيق قالت: تعال بيت مريوم ماودي حد يعرف بلي صار بينا ..
هزاع بضيق وقهر مكتوم: ايي وانتي فيج برود الدنيا كلها وين تتسع لي الدنيا اذا ما كنتي انتي ضحكتها.
لطوف :،تعال الأمور طيبه مابينا شي .
هزاع بتعب: نايف كلمج ؟
لطوف وهي تنزل من سياره بعد ما وصلوا: هيه الأمور طيبه!
هزاع : شوي وبيي ..
سكرت منه وشلت تلفون من ايد مريم وابتسمت وهي تقول : بيض الله ويوهكم
مريم تمشيها شوي شوي:ويهج ابيض حبيبتي صدت ورى وشافت مكتوم نازل من السياره رفع عينه وطالعها وابتسمت وهي تقول بهدوء: الله يجزيك الخير وماقصرت وربي يفرحك ويحقق مرادگ.
ابتسم بحب وهو يقول: امين يارب العالمين ،، ماشي بعيد عن الله .
هزت راسها برضى ودخلت داخل مع مريوم اما حمده وصلها مكتوم بيتها ورد بيته ..
:
تالي الليل الساعه وحده ونص طلعت لطوف من الحمام بعد ما تسبحت ولبست بجامتها قعدت على تواليتت تحط ادويتها على الورم والانتفاخ وعلى الكدمه عشان ما تعلم وخذت حبة مسكن عشان الم الكسر اللي بدا يعورها ورن تلفونها وردت عليه: هلا نايف
نايف بضيقه: ليش سكرتي تلفون من ساعه
لطوف بضيق: مالي مزاج والله نايف وبعدين بطي يعرفني من نبرة صوتي وبيستلمني تحقيق وانا مافيني على هزاع وغيرته .
نايف بتنهيده: عشان اللي صار لحمد
لطوف تسلك: هيه وبيعرف ان بيني وبين امه وخالته سلامه سوء فهم مابقدر افج منه بسررعه … الا صدق متى رد من كندا ؟
نايف : االيوم الصبح
تنهدت بضيق وقالت: يحيهم والله ، الحمدللله على سلامته.
نايف زفر وهو ينسدح: الله يسلمج .. أقول
لطوف: لبيه
نايف بهدوء: مرتاااحه ..،ولا في شي بينكم .
انتبهت على الباب اللي تبطل وشافت شكل هزاع كيف ضايق كسر خاطرها ولكنها تجاهلته وهي تقول: مافي شي بينا.
نايف بضيق : حلفي قولي والله.
لطيفه: والله ما فينا شي عادي يعني أي زوجين يصير بينهم خلافات اول فتره عادي وها شيء طبيعي لانه اختلاف البيئه اللي متعايشين فيها.
نايف : قلبي مب طايع يرتاح يا لطيفه احس أبا اشوفج وانصدمت وقالت بسرعه: بس حبيبي نحن مسافرين اليوم الفير ودخلت ع الواتس وشافت محادثة هزاع وكتبت ( اسفه بس لازم اتهرب منه ماباه يشوفني بهالحاله). في نفس الوقت وصله أشعار في تلفونه.
نايف بحب يبتسم: صدق !! يمكن عيل من شوق انزين بيي اودعج في المطار لطوف تكفين ..
انصدمت ورفعت راسها لهزاع اللي هز راسه بالإيجاب خلاص حبي تم فديتك من نحرگ صوب المطار بقولك ..
نايف يتنهد براحه: تمام المهم اشوفج.
سككرت عنه وتنهدت بضيق حطت تلفونها سايلنت شافت اشعار في الواتس ويوم شافت المرسل توترت واغلقته وفرته ما تبا مصايب على راسها حست بقربه وبانفاسه تلفح عليها رفعت عينها بتوتر وخوف منه ضمها بين ايديه وهو يحاول مايعورها وقال: اسفف ادري جرحتج وفشلتج في اول أسبوع عرسنا بس ماقدر استوعب مدح خالد لج وماقدر استوعب كلام مبارك انا طبعي عصبي وغيور وانتى شفتى اللى صار بيني وبين حمد ودي احطج بصدري ولا حد يشوفج ولاحد يسمع صوتج وهمسج غيري .
بعدت عنه وهي متوتره وخايفه منه ما تضمنه تخافه ينجلب بأي لحظه وقالت بتعب: أبا انام تعبانه وانا .. حط صبعه على شفاتها وقال: اووووووص..
كمل بغيره: مب بيدي الغيره من الله ، والله حطها في قلبي زايده حبتين ماقدر اتحكم فيها من ترجف ايدي يرجف كل جسمي افقد السيطره يوم ملجتنا قدرت امسك نفسي وطلعت ولا والله كان صارت علوم وامور ونحن في غنى عنها ،، واذا على السفر منو قالج ما نويت السفر ! نويت اسافر نغير جو نبعد عن الشحنات الكهربائيه واراضيج بالسفر .
بالم قالت وهي تشوف الحزن بعيونه وضيق وتحاول تحاهل نظرة عيونه ما تبا تضعف وبجمود قالت: هزاع انا مابا اسافر انا كنت اتهرب من شوفته !
بضيق جاوب؛ لازم نسير والنفذ اللي قلناه غطي الكدمات بالميك اب ولبسي نقاب بحيث مايشوف اللي باقي في ويهج طالعها وايده ترجف خافت منه ومن رجفانه بعدت بخوف عنه لدرجة انها كانت بطيح من السرير بس ايديه كانت اسرع وقال بحب وخوف: بسم الله عليج يا روحي ،، خفتي..
بعدت عنه بصمت وهي تبلع ريقها قامت وانخشت في غرفة الملابس وقفلت الباب وهي تتنهد برتياح حطت يدها على قلبها وقالت يارب خفف من روعتي والله انى خايفه هذا بس مسج مبارك سووا جي عيل مسج بطي وكلامه شو بيسويه فيه بيدفني حيه وبيحفر قبري بيده ..
تنهدت بخوف سمعت دقته على الباب طلعي وربي ما بسوي شي ..
خافت منه ولجأت لزاويه معينه في الغرفه وقعدت ياربي انا ليش قلت له تعال اخافه يجتلني من الغيره اخافه يخنقني حطت ايدها بخوف على رقبتها وهي تبلع ريقها بصمت وخوف انسدحت على امل انها تنام ..
:
بعد مرور أسبوع ..
سافروا هزاع ولطيفه لسويسرا ولكن لطيفه كانت تعامل هزاع بجمود وجفاف ما دام انهم في الغربه وماحولهم احد تحلفت له بأن تادبه وتعلمه كيف يضبط اعصابه لين الحين الأمور بعدها ما صفت مازالت تخاف منه ومن غيرته ولكن تظهر عكس ذلك
مهره طلعت حامل صدق واستانست وهي تبشر راشد اللي طار فيها من الفرح …شما خطبها عبدالله ولد خالتها ولكن ابوها رفض … حمد استعاد وعيه بشكل تام والحين يقوم ببعض العلاجات الطبيعيه عشان رجوله يقدر يحركهم وبيطلع قريب للبيت، مبارك من يوم سالفة وهو متضايق انه ماقدر يعتذر للطيفه على اللي صار ومتلوم وايد فيها ..
:
في يوم السفر الموعود هزاع حجز تذاكر اون لاين لسويسرا ، نرجع لساعات قبل السفر ..
بعد ما سكرت عليها الباب في غرفة الملابس صحت على دق الباب قامت بفزع وهي تقول : نعم هزاع
هزاع اللي استضاق من نبرة صوتها وبقهر قال: يلا بنروح المطار لاتنسين وعدنا اخوج..
لطيفه بفزع: مب صاحيه اروح وياك انا في الدار وبين اهلي ما سلمت منك وين في الغربه وما حولي احد .
هزاع كره نفسه وكره الساعه اللي مد ايده على لطيفه وقال : انا حجزت وخلصت لا ترديني "وبحنيه" اوعدج ما عا.. قاطعته وهي تفتح الباب وتطالعه بحده وقالت: لا عاد توعد ما راح اصدقك بأي شي وعدتني في الملجة وعطيت لنايف وعد انگ تحافظ عليه لكن شكگ فيني كسر كل شي فيني …
بعدت عنه وهي تدخل الحمام تسبحت وتلبست بنطلون جينز وبلوزه شتويه وهي تقاوم المم يدها ،، يلست على التسريحه وبدت تحط ميك اب بيد وحده رغم صعوبته الا انها حاولت قد ما تقدر شافت انعكاسه في المرايه يطالعها ويتقدم منها خزززته من المرايا وهي تقوله يمين بالله ان قربت يا هزاع بيصير كلام ثاني .
انقهر وهو يرجع خطواته ورى ودخل الحمام وتسبح وطلع وهو لابس بنطلون جينز وتيشيرت وخذ العطر وتعطر وهي لبست عباتها وشيلتها ونقابها وجوتيها لفت واصطدمت فيه طالعته بنظره حاره وبعدت عنه بس مسكككها وهو يدفها على اليدار : امسحي اللي على عيونج ليش حاطه ايلانر .
رمشت بدلع وهي تغايضه: كييييفي وناظرته بحده
حاوطها من جميع الجهات وانفاسه تتسارع وصدره يعلو ويهبط قرب منها وهمست في اذنه ان قربت ولامست ايدك ايدي اوجسمك جسمي صدقني يا هزاع بيكون هذا اخر ما بينا ..
ودفته ورتبت اغراضها وقالت بجديه: في البيت باقي اغراضي لازم اسير اييبهن .
طلع من دون حتى ما يناظرها طلعت وراه بعد ماشلت اغراصها اللي يابتها مريم وفتحت تلفونها رطرشت لمريم مسج انهم سافروا .
:
في المطار …
كان نايف موجود وأول ماشافها قرب منها وحضنها بشوق وعور يدها من دون قصد بس ما قدرت تصارخ او تتالم قدامه ما تباه يلاحظ الجبيره ولف وسلم على هزاع اللي تالم يوم شاف. لطيفه غمضت عيونها من الألم وحاولت ما تبين يدها له وحطت شنطه على نفس طرف الجبيره عشان تشتت تركيزه وخلصوا اجراءاتهم ونادوا على طياره وعند الموادع ماحس نايف ان لطوف حضنته بيد وحده واتجهوا لطايره وقعدوا في كراسيهم المخصصه اول ما قعدت لطيفه فصخت النقاب ولف عليها وهو يشوف ان بدت اثار عنفه وغيرته المريضه تخف تدريجيا وحس بالكدمات اللي بدت تخف الوانها من الغامق الى الفاتح تنهد بتعب وهو يشوف شفاتها لين الحين وارمه ومغطتنه بروج نود وحاطه كونتور على اغلب الأماكن اللي فيها كدمات واثار زفر بضيق وهو يشوف اللامبالاتها وما تحس بندمه قرب بيمسك يدها بس تذكر كلامها تعاقبني وتحرمني منها هو صحيح ان جسدها ملك لها لكن ما يحق لها تمنعني منه شرعاً لي حق فيها هي ووماتملك من جسمها ،، انتبه على نظراتها الحاده وقرب ويهه منها ولاحظ انها رججعت ورى اكثر وقال ببتسامه طرفيه: تراج انتي وكل ما تملككين حلال لي ولي حق فيججج قبل ان يكون لي حق في جسمجج يعني اذا بغيت قربج وصدتيني تعرفين عقوبه المراه اللي تنشز من زوجها شو ؟ يا قالها باستهزاء وقهر حبيبتي .
صدت عنه بقهر وهي تضغط يدها اكثر من الأول.
يبا يمسكني من اليد اللي تعورني ولفت عليه وقالت بغياض: انا كلي لگ صحيح وسبلت بعيوونهها بدلع قالت لكن الحق اللي تباه لازم يكون في جسم متعافي مب ججسم متكسر ويشكي الم ورفعت يدها البيضا له وهي تقول بذمتك الحين هذا منظر اشرت على ككدماته ،، واشرت على ويهها وهذا بالله منظر حد ينفتن فيه ورمشت بدلع وهي تقول بمححاولة تفشيله وايدي مكسوره وقربت منه بهمس وهي تقول تعورررني وايددد وعضت شفتها السفليه المها ما يروح بساهل .
عض على شفاته بقهر قاعده تحاول تتميلح. عليه وتغريه وهي تسبل برموشها بدلع ومن بعد ما شافت انه متنح فيها ويبلع ريقه بتوتر وصمت ابتسمت بانتصار وصدت عنه بعد ماعطته نظره عدم الاقتراب وتجاوز الحدود ..
:
في بيت بو سعيد
:
الريم يالسه في الصاله دخل نايف وسلم وقعد في الصاله انتبه على صوت الريم اللي قالت: نايف
رفع عينه عليها من دون ما يتكلم وكملت الريم: ماتقدر تقنع عمي بخخصوص موضوع عبدالله شما.
نايف ازفر بضيق وقال: ابويه انتي اكثر وحده تعرفينه مايثني كلمته ،، وشفتي اللي صار مع لطيفه وشفتي اللي صار مع مهره ما باليد حيله ..
سكتت الريم وبعدين قالت: بس ترا والله اخواني مالهم ذنب بسسب اللي صار بين لطيفه ومايد ، عبدالله غير وسالم غير ومايد غير ..
نايف بضيق: تحيدين قبل يوم كان سالم يبا لطيفه شو صار نفس شي يطيق على عبدالله وشما والذنب مب ذنبهم الصراحه لكن الواحد شو يقول غير الله كريم .
الريم بتردد قالت: وعهود
رفع عينه نايف بجمود وقال: ما تحل لي ..
الريم : اقصد كنت بقولك انها انخطبت
نايف ببرود: الله يوفقها
الريم بقهر: ياخي انته ليش كارهنها وهي بتموت عليك
نايف بعصبيه ورافع حياته: ريم لو سمحتى انشغلي بحياتج ومالج خص فيني والله .
طلع بعد ما وصله اشعار من لطيفه برقم هند اللي كان طالبنه …
واتصل لهند وهو يتنهد شوي وياه الصوت: الو
نايف يبتسم مبحوح الصوت: الو مرحبا
هند برسميه: مرحبتين ،، منو معاي !
نايف وده يضحگ على اسلوبها وقال بجديه: معاج الأمير اللي انقذ اميرته يوم عرس اخوها واخته .
هند ارتبكت وصاحبتها شهقه ورد بسرعه وقال: سم الله على قلبج من هالشقه ليش مطولتنها !
ارتبكت اكثر وهدى الصوت وهي تقول : يا مرحبا
نايف يبتسم : لحنيها نفس سلمان بن خالد يوم يقولها ..
ابتسمت باحراج وقالت بهمس: امر
نايف بقصد: توه صوتج وصوتي واحد شوي وبتظهرين لي من التلفون الحين يوم عرفتي انا منو !!صرت ما اسمع الا انفاسج وهدوءج وعذب منطوقج !
ضحكت بخجل وقالت : السموحه منگ ،، اللي ما يعرفگ ما يثمنگ ،، امرني شي في خاطرگ ..
نايف بتنهيده: هند انا ودي اخطبج بس قبل لا أتقدم بشكل رسمي أبا اقولج شي مهم .
انحرجت اكثر من قال انا بخطبج وولعت خدودها احمرارماله مثيل وسمعته يكمل كلامه: انا مطلق كنت معرس وماخذ بنت خالتيه وطلاق صار بسبب مشاكل عائليه ولا هي صراحه مافيها عيب ولا انا الحمدلله فيني عيب لكن ماقدرت اكمل وياها لانه دم ضروسي حد يجذب عليه او يستغفلني وانا ماحب أكون مغفل ولا احب أكون مستغل من طرف الاخر وهي كانت تعرف بموضوع طلاق لطيفه اختي من اخوها ولا قالت لي وهالشيء اثر فيني وايد وبصراحه ماقدرت ابلعها ولا قدرت اتقبلها حتى الحب اللي في قلبي لها مع الأيام اختفى وراح ومابقى له اثر وانا طبعي بسرعه البع الشخص اللي يستغفلني او يجذب عليه ! لذلك بصراحه انا طلبت الرقم من لطيفه عشان اسالج هالسوال ترضين بواحد مطلق وسبق له الزواج وأسباب الطلاق عرفتيها مني انا شخصياً ، خذي وقتج وفكري يا هند ومن تحسين انج متاكده من الاجابه اللي بتردينها عليه ثقي تماما انى بكون راضي بجوابج .، بس عندي سوال ثاني اهلج عادي عندهم يزوجونج لمطلق ولا لهم نظريه ثانيه ؟ لاني بصراحه ماريد احرجكم واحرج اهلي بما انّ نحن نسايب .
كان المستحى طاغي عليها كلامه عسل وحلو هالريال دبلوماسي في أسلوبه وكلامه وانتقاء حروفه
وبهمس ضيعها: ويننن رحتي يا الاميره
بهدوء ردت: ماعرف ارد عليگ اخجلتني بكلامك الصراحه انته محد يعرف يرد عليك .
نايف بجديه: ليش؟؟ ضايقتج!!
بسرعه قالت: لااا قصدي الواحد يخونه التعبير كيف يرد عليگ وانته انسان متحدث فهمتني!!
نايف اللي ابتسم: هيه فهمتج ، قصدج كيف تردين على اسلوبي في الكلام .
بخجل جاوبت:هيه ما شاء الله عليك انتقاءك للكلام حتى اسلوبك في الكلام واضح مافيه لف ولا دوران.
نايف : الحمدلله انا جي احب الوضوح وصراحه .
هند بجديه: بالنسبه لسوالك الثاني عن اهلي اذا عادي اخذ واحد مطلق ولا لا! بصراحه ماعندي فكره بس اعتقد لا ماعندهم مانع ! لان في النهايه هم يبون ريال يصون بنتهم .
نايف اللي ابتسم من فهم مغزى كلامها : ما دام تجاهلتي سوال الأول وحللتي من مخج جواب سوال ثاني معناته انا اللي فهمته انج تلمحين لي انج موافقه لذلك قفزتي القفزه الثانيه على السوال الثاني وهو اهلج اذا يرضون بمطلق ولالا ؟
استحت وانصدمت في آنّ واحد انه حللها من خلال شطحها لسوال الأول وبربكه قالت: والله بسال امي يمكن هي اهون وحده في الجواب لانها بتفهمني لكن اخواني وابويه ماضمنهم انهم يخلوني حيه وخصوصًا اذا عرفوا عن المكالمه اللي بينا .
نايف بخوف عليها: انتى في ويهي واي شي يصير
عطيني علم بس اباج تتاكدين منهم واتريا ردج عشان الوالده تكلم الاهل ونروح نخطب رسمي باذن الله
:
بعد مرور يومين حمد طلع من المستشفى وخصوصًا بعد ما مارس العلاج الفيزيائي وكان هادي والكل مستغرب هدوءه الا مبارك اللي كان خايف من تاثير كلامه على حمد ،، الكل تواجد في بيت بو حمد ( سلامه وعوض وشهاب وبطي واليازيه ووديمه وحمدان وبنتهم وشما ومهره وراشد وابوسعيد وام سعيد وام حمد وأبو حمد وثريا وحمد ولدها ومبارك ونايف وسعيد والريم ) .
ككان صوت الضجيج في الصاله والسوالف والضحك وحمد اللي يسولف ويا الكل بفرحه التفت لسلامه وقال: ام دميعه ليش تصيحين!
|