لف عليه هزاع وغيض الدنيا كله فيه وصار يضرب بدون إحساس لطيفه بكت من المنظر ابدا ماتوقعت هذا الحال اللي بيصير قربت منهم وهم يضاربون تبا تفكك بينهم مسكت هزاع اللي بدون قصد عطاها بوكس على خدها وانتبهوا على صرختها لف عليها بعد ما استوعب وهو يلهث وانفاسه متسارعه ومتقطعه قال بندم: اسفف حبيبي والله بالغلط فديتج
ابتسمت وسط دموعها وهي تتالم وقالت بخوف عليه وهي حاطه يدها لى خدها اللي تالمها : ابعد عنه الله يخليگ، هو مازال يجهل انته منو وحط ايده فوق يدها على خدها وقال بضيق وندم: يعور
هزت راسها بالم خفيف وشاف ان الكدمه بانت وبدت تزرق تضايق انه ضربها لكنها ابتسمت تطمنه توه بيوقف وبيوّقف لطيفه لكن هجوم حمد على هزاع بغيض وهو يقول: على أي أساس انته تلمسسسها يا حيووووان يا كلببببببببببب يا سااااااااافل يااااااا حقييييير هزاع اللي ضم لطوف في حضنه عشان ما تحس بخوف ولايريد يأذيها وخصوصا انها قالت بهمس: تراني ماحب الصراخ أخاف من صريخ قام واقف وهو يبعد حمد عنه بكل قوته وحاول انه يمسك اعصابه بس من شاف نظرات حمد لها تهجم عليه بقو وهو يضربه بعد ما طرحه على الأرض وارتطم جسمه بقو على الأرض تالم حمد من طيحه لانه ضرب راسه على الطاوله اللي وراه ، هزاع اللي متجاهل حمد وتألمه وقال بغيض : عيونگ اكسرها عن النظر لا اجلعهن لكگ من محجرهن قام حمد بقهر وهو متالم من الضربه اللي على راسه وهجم على هزاع اللي رجع ورى شوي ويثبت نفسه بالوقفه وضربه على صدره بقووو ولكنه انفتح الباب ودخلت ام سعيد وريلها: اللي يايين من العزبه وقال بو سعيد بعصبيه: حممممممممممد
لتفت حمد بصدمه من صوت عمه العالي ولطيفه اللي قعدت على الدري بخوف قربت من هزاع وتشوفه اذا تعور ولالا لكن غافلهم حمد ومسكها من خصرها وهو يشدها صوبه ويوقفها ويطالعهم بعصبيه وهو يقول : لا حددددد يقوررررب هزاع اللي كان يمسح الدم من خشمه قام وهو فيه غغيضضض الدننيييا كلها والغيره عمته من شاف حمد قرب وييهه منها وهي عضت ايده وهزاع مسككه من رقبته وخنقههه بقهررر وهو يقول : ياوووواطي بنت عمك عرضك وشرفك كييييف تسمح لنفسك انگ تقرب منها وتلمسهها وبداا يلكمه على ويهه وخشمه وحمد لف يطالعه بكرهه وحقد يبا يضرب هزاع بس وقفه عمه اللي دخل بينهم وفككهم وقال بعصبيه : بسسسسسسس خلاااص ،، عنبو يا حمد مالي حشمه عندگ
لف حمد بغيظ وكره وحقد على هزاع وقال لعمه: هذا كان يتحرش في بنتكگ مب انا
ضحك هزاع على شهقة لطيفه وكمل حمد وهو يقول: يرضيگ يا عمي ضيوفگ يعتدون على محارمك
بقهر هزاع كان بيرد عليه لكن سمع عمه يقول : انزين يا حمد كمل وين المهم في سالفه
حمد باستغراب وصدمه: بنتك روحها في البيت وهذا اللي اسمه هزاع كان وياها شو يعني
عمه قال: انته صاحي حمد ولا شارب شي
حمد يضحك: لا صاحي اطمنك يعني ، بس اللي ماتعرفه يا عمي انه تحرش في بنتگ لطيفه يا عمي لطييفه وطالع لطيفه وهو يبتسم وقال : صح لطوف انتي تشهدين انه كان بيتعدى عليج .
لطوف انصدمت من حمد واسلوبه الهمجي سكتت بعد ماعطته نظره حارقه
لف على عمه وقال: يوزني إياها عمييي بنتك انا احبها واباها رديت مهره لراشد ليش ما تيوزني بنتك لطيفه ليشش ؟؟؟!! مسح دموعه بقهر وقال ترا انا كل يوم اتعذب من بعدها كل يوم بس ماتدرون بحالتيه ماقد اشتكيت لكم لا تقهررروني بزياده قرب منها اكثر ومسكها من ايدها وهي بعدت عنه بسرعه وسحبت يدها وراحت فوق المنظر كان بشع كيف يلمسها وهي ما تحل له وريلها موجود تعوذ من بليس هزاع قبل لا يرتكب فيه جريمه ، قال: انا ريلها
لف عليه حمد بضحكه سخيفه بين دموعه على دخلت مهره وراشد اللي انصدموا بالموقف وراشد توتر وسمع حمد يقول: فكنننننا بالله من المزح الثقيل من انتتته عشاااان يوزونگ اصلاً هذي بنت عمي وانا أولى بها من الغريب لف على راشد وقال سمعععته شو يقول اووونه خذااا لطيفه يتحسب نفسه يمووون ويضحك ههههههههههه وبعصبيييه والله ما تاخذها الا على جثتييي والله لطيفه لي انا احبها وتحبني ..
طارت عيون هزاع بجنون وهو يشوف هالمينون يعق كلام ما هو قده وانه فعلا. مب صاحي كيف يتهم لطوف بانها على علاقه معاه تعوذ من بليسس وحاول يسيطر على اعصابه خلاص مايبا يفقد اعصابه ، قرب راشد من حمد اخوه وهو يقول حمد ترا لطيفه ملجة لف حمد بصدمه له وقال: شو تقول انته ! كيف تملج وانا وحبي لها !!! يعني شو ! طالع عمه وقال وهو يمشي صوب عمه مترنح عطيتها لغييررري يا عمي مسكك قلبببه وهو يصرررخ لاااااااااااااااااا عمي احلف قول والله انها حليلة لغيري وماكمل جملته لانه طاح عليهم ،، راشد بخوف يقرب منه ويضربه على خدوده وهو يقول حمد حمد لكن ما كان فيه رد شاف شفته سودا وخاف انه يكون الاكسجين نقص عنده شله وداه المستشفى ومهره وياه تبكي على حمد اول مره تشووفه ضعييف بها الطريقه ..
:
اما في البيت عندهم ،،، لف بو سعيد على هزاع وقال: عرفت انا ليش كنت اقولك ما اثق في حد ..
هزاع بعد ما مسح جروحه هز راسه بضيق وقال: بعد اذنك عمي بروح لها فوق
هز راسه برضى ونطق : روح لها يا ولديه ..
:
عند نايف اللي كان قاعد مع عبدالله وسالم في الكوفي، في دبي ..
سالم : ما شاء الله والله لطيفه تستاهل كل خير
نايف يبتسم : هيه والله .
عبدالله بجديه شوي: نايف (صد عليه نايف بهالحظه ) ، كمل كلامه وهو يتنهد بضيق ادري مالي حق أتدخل بينك انته وحرمتك بس لين متى بتممون على هالحال
نايف بتافف وضيق: والله ماعرف يا عبدالله مب قادر ابلع اللي صار منها انانيتها نفرتني منها حب الذات وانها تفكر بس بنفسها هذا شي وايد مضايقني يا عبدالله
عبدالله تنهد: سمعني تعال البيت وقعد معاها وافهم منها يمكن لها كلام ثاني .
نايف بتطنيش: صراحه انا مفكر اطلق عشان جي مابا أتكلم معاها .
شهق عبدالله بصدمه وقاله: نايف حرام عليك والله انا كل يوم اخطف من غرفتها واسمعها تبكي نايف مايرضيني اللي يصير الصراحه ..
نايف ببرود وهو مداخله مقهور من عبدالله قال: تصيح ليش انا ماطلعتها من البيت هي طلعت من نفسها ليش ماترد من نفسها..
عبدالله تنهد وبعصبيه شوي : يعنننني الواحدد انته محاسب على كل صغيره وكبيره هدأ بعد ماشاف نظره نايف العصبيه زفر بضيق وكمل كلامه مانبا مشاكل يا ولد الحلال ..
نايف بقهر وحده : أولا: اسلوبك تغيره مب اصغر عيالك انا ،، ثانياً : البيت مفتوح لها تقدر ترجع اذا هي ودها ترجع ..
عبدالله يقطع كلام نايف: ترا والله يا نايف غير عهود ما بتحصل قلب نفس قلبها يحبگ ويداريگ ..
نايف ابتسم بضيق : زين ممكن نغير الموضوع بصراحه بديت تضايقني ..
عبدالله: انزين انته مب خسران شي ردها ..
نايف: انا ما طلبت مشورة حد هي طلعت من البيت من كيفها ترجع من كيفها ويوم يطيب خاطرها بس انا اسففف ما بروح لها ولا برجعها بلغها هالكلام قولها نايف يقولج تذا تبين تردين مرحبا بج لكن هو ما راح يرجعج من نفسه ..
تضايق عبدالله وسالم قال: خلاص انهيتوا نقاشكم الحاد لف على نايف وقال : انسووا مواضيعكم الشخصيه ،، سولفوا عن عماركم عن أي شي ثاني لاتدخلون في مواضيع بعض لوسمحتوا مب ناقصين ضرابه وفراق ..
:
:
:
في المستشفى مهره وراشد كانوا يتريون أي خبر وراشد اللي العصبيه لاعبه فيه لعبب وخبر اهله اللي ووصلوا المستشفى بسرعه وشاف اليازيه اللي منهاره وتبكي وحضنته بوسط انهيارها وهي تقول: حسبي الله عليها ،، عذبته وغربلته واخر شي بيروح منا نحن وهي مرتاحه ..
راشد اللي كان يبكي بدموع وخوف على اخوه : اه يا حمد يارب تقوم بالسلامه …
سلامه اللي يت مع أمها وابوها اللي يسرررع خطواته لين ما وصل لهم وقال بصدمه : ماتتت ؟
انفجعت اليازيه وهي تصارخ: عساها قبله ان شاء الله بسم الله عليه وعلى قلبه والله ييوزه وحده تسواها وتسوى طايفتها عساها ماتتهنى وياه جتلت اخويه وتضرب صدر راشد وهي تقول مات اخوووك يا راشششششد مااااات جتلته بنت عمكك حسبي الله عليها ..
بو حمد قال وهو يبكي: تعوذي من بليس فيه حياه ان شاء الله ..
سلامممه اللي صارخت على صوووت : طووووط طططططوطططط وشافت الدكاتره يروحون له ويدخلون ويسكرون الباب ..
:
برى الغرفه مهره كانت واقفه بعيد عنهم وتبكي وتسمع دعاويهم على اختها ومقهوره لكن في الوقت الحالي هي ماتلومهم عشان وضعهم اللي هم فيه رفعت عينها على سلامه اللي رافعه حاجبها وهي تقول بقهر: تصيحييييين قلبج معورررنج عليييه ترااااج مشتركة ويا اهلج في الجررريمه متستره عليهم وعلى خطبتهم ضربت صدر مهره بغل وحقد وبصوت مهزوز: ضاقت عيونكم وماخذت الا اخو ريلي ليشششش!!! أبا افهم ليششش عشان شووو ؟ ليششش تسوووون كل هذذذا !!! صدق انكم اناننييين وخبيثييين والحقاااره في دمكم تمشي ..
شهقة مهروه وهي تبكي بغصه ولمحته واقف على طرف وهو يقول لسلامه : ذلفي عند امايه وابويه فضحتينا ، قصري حسسسج !
رفعت سلامه راسها تبكي وبقهر قالت: مالقوا الا اخو ريلي يا مبارك يعطونه لطيفه اخو ريلي ضاقت عيونهم عليه ..
مبارك بقهر مكتوم: اذلفيييي يا سلامه وبعدين قلتيها اخو ريلج مب ريلج اذلـففففففي يلااا فضحتينا .
بعدت سلامه عنهم ومهره مسحت دموعها بالكلينكس وتوها بتنطق بس شافته راح عنها ووقف عند الباب بهدوء يتريا خبر عن اخوه
:
اليازيه اللي كانت قاعده عالكرسي وتبكي وميله راسها على كتف راشد قالت بغصه محروق يوفها: عسى يومها قبله..
راشد بهدوء: ترانا كلنا نعرف ان امج ورى الموضوع ماله داعي تدعين على البنت ،، شو بتسوي يعني هي يوم امج ما تباها لخوج ..
تجاهلت اليازيه كلامه وطلع الدكتور وهو يقول: الصبر عند المصيبه الأولى
ام حمد من سمعت الجمله طاحت مغمى عليها تقدم راشد بسرعه لدكتور وهو يقول: ماااات ؟
انتفض الدكتور وهو يشوف سلامه اللي ماسكه أمها وتصرخ واليازيه اللي منهاره رد طالع ابوه اللي قال بعصبيه: انطططططق !! ولدي شفيه ماتتتتت !!
دكتور بضيقه: لا الحمدلله الولد عايش بس دعوله تراه دخل في غيبوبه نتيجة صدمه عاطفيه سببت نزول الاوكسجين عنده والأكسجين اللي فقده أدى الى حدوث جلطه في القلب بس خفيفه الححمدلله لكن صاحبها دخول غيبوبه والله اعلم لين متى ..
انهارت اليازيه وهي تبككي وراشد شاف امه اللي طايحه وتبكي بعد مارشوها بعطر وهي تقول: ولديييي حمد …
صرخ فيها راشد بقهر : افرحي الحين بسواتج افرحي يلا بعدتيه عن لطيفه وهذي نتيجه ، يبتي خطاب لها ووخطبوها وهذا ما صار على ولدج خافي الله يا اميييه بلي قاعده تسىوينه تراج طعنتي البنت في عرضها وشوهتي سمعتها وانتي عندج بنت ..
صرخت امه بتعب وهي تقول: اووووص بناتي شريفات حمدلله كلهن الله ستر عليهن وعرسن الخوف من بنات عمك اللي وحده تطلقت والله اعلم ليش تطلقت وثانيه لين الحين ماعرست..
انصدم مبارك من امه تمشي وتقذف في ناس طلع من عندهم وراح مصلى المستشفى توضى وصلى ركعتين يدعي لاخوه ..
:
:
:
عند بيت بوسعيد
:
في غرفة لطيفه بعد اللي صار لها وراحت غرفتها انسدحت على الشبريه ( بحيث انها منسدحة على جهة بطنها وشعرها وراها لفوا صوره عشان تشوفون التشبيه اللي اقصده ) وهي تغطي ويهها بالمخده وتبكييي وتشهق كيف حمد يتجرأ ويلمسها قدام ريلها اللي غيرته مفرطه حست بحضنه الدافيء من وراها وانفاسه على شعرها وقال بتعب: خلاص يا عيون مغليج كفكفي دمعج يا غناتي والله انه ما يسوى عليج مسويه في نفسج جي عشان الكلام اللي قاله وافعاله هذا مريض ومسح على شعرها بيده وهو يتالم من خشمه ومن كتفه وبدى يداهمه صداع بسبب عصبيته المفرطه اللي فرغها في حمد وارتاح قلبه بتعب مسح على شعرها وانحنى عليها اكثر وهو يقول: افااااا يا شوق قلبي الا انتي محد يقرب صوبج ويأذيه ..
رفع نفسه وراح للجهه الثانيه من السرير وقعد عليه وسند راسه على راس الشبريه ورفعه فوق شوي بحيث ما يدوخ شلها من كتوفها وحطها في حضنه ورجع سند راسه ع راس الشبريه وقال بخوف: فيج شي يا عيوني
ماقدرت تحط عينها في عينه عقب اللي صار مفتشله وايد منه حست بحضنه وهو يطوقها بيديه وحط راسه على كتوفها وهو يبوس شعرها وساكت بتعب الم راسه متعب ويزيد ماقدر يتكلم اكثر الم راسه يزيد كانه عرق وبينفجر في راسه ..
حست بان راسه ثقيل عليها لفت جسمها عليه وهي تشوف ويهه والدم اللي على خشمه رفعت راسها بيده وهي تسمي عليه قامت بسرعه يابت ماي بارد وحطت شوي منه في تيشو وبدت تمسح منطقه خشمه عشان توقف نزيف خشمه وحاولت انه ما تخليه يفقد الوعي وشربته ماي وحطت راسه على صدرها وهي تطوقه بيديها وبهمس : لا تغفى تكففى هزاع قاوم عشاااني
هزاع اللي كان حاسس بظلام وسواد ومب فاهم أصلا هي شو تقول طاح ثقله عليها وصرخت بخوف عليه وهي تضربه على خده ههزاع هزااااع مالقت رد خافت شو تسوي حطت راسه ع المخده ويابت سبري عطر شوي قووي وحطته على خشمه وبدى يستوعب بس ماقدر يفتح عيونه من الألم وبخوف قالت: تكففففىىى لا تناااام عشان ماتدخل غيبوبه مادام انك تنزف …
هزاع ولا يسمعها شو قالت أصلا من كثر التعب والظلام اللي حوله قالها: بنام …
خافت عليه لانه فقد دم وايييد قالت بهمس: تقوم تبدل ملابسك وتسبح شوي ..هز راسه بمعنى عادي حست ان من رفعته وقف نزيف خشمه وقف وزفرت براحه وقالت بهمس ببدلك بس وباحراج منه بدلة له على السريع بعد مايابت له من ملابس نايف وملابسه الوصخه عطتهن الشغاله ماليل امس وماليل اليوم ..
شغلت المكيف وانسدحت عداله بعد ماغطته باللحاف وبهمس قالها: اذا حد اتصل من هلي ردي عليه ! اكيد مشغول بالهم عليه !
قالت بهمس: حاضر مايهمگ ..
انسدح وهو تعبان وهي كانت تبكي من الاحداث اللي صار ومتلومه ماتدري شو اللي بيصير وكيف ردة الفعل بتكون ..
:
في بيت بوعوض
:
الكل متجمع ومستانس باجر يوم حفلة هزاع بملجته ،، ويرتبون ويخلصون اغراضهم بسرعه قالت مريم بصدمه: هزاع وين ما شفناه
ضحك الكل عليه وردت حمده : اكيد مرتبش ولاهي يجهز لملجته..
عوض استغرب معقوله لين الحين عند نسابته مصخها هذا رطلع برى وهو يزفر ركب سيارته وهو يشغلها وشوي ان فتح الباب الثاني وشاف مكتوم اللي رمب عداله وهو يقول: وين بتسير ..
عوض تنهد بضيق: بسير البحر تخاويني !
هز مكتوم راسه بضيق وقال: يلاااا كلنا في الهوى سوى ..
حرك عوض صوب البحر وشوي رن تلفونه وشاف المتصل سلامه تنهد بضيق وهو يرد بهدوء: الو
وصله صوتها الباكي وهي تقول: حمدددددد دخل في غيبوبه
عوض بعد تلفون عن اذنه بسسبب ازعاجها وصريخها حطه سبيكر وهو يسمع كلامها اللي كله صياح ومشاهق: تخيييل ان حمد اخويهه عرف ان هزاع ماخذ بنت عمي
عوض اللي لين الحين مب مستوعب شو تقول رد بهدوء: شفيج استهدى بالله يا حرمه وتعوذي من ابليس وقولي السالفه بصوره واضحه مب قادر اسمعج زين ..
سلامه تحاول تهدى بس صوت شهقتها منعتها وقالت ببكى متقطع ان حمد درى بملجة لطيفه وهزاع ودخل في غيبوبه (تجنب راشد يقولهم عن ضرابه اللي استوت عشان زواج سلامه وعوض قرب) وقال عوض بخوف: لا حول ولا قوة الا بالله تستاهلون سلامته
سلامه بقهر : أي سلامه الولد ماعاد به سلامه يا جعلها قبله ياررررب
عوض بعصبيه: استغفررررري هب هباج الله … مالها ذنب بالاول والأخير هذا نصيب ..
سلامه بحقد وغيره: الا لها دخل علقت قلب اخويه فيها وبعدين خذلته
عوض بقهر وهو مصدوم من انفعالها: سلامه مب انتي اللي كنتي تقولين لطيفه مافي مثلها وحظ حمد يوم حبها نسيتي قبل انج قايله لي امج ما تباها من عقب ما طلقها مايد وانها من ذاك الوقت محاربه لطيفه بس عشان انها مطلقه وما تعرف شو سبب طلاقها نسيتي ، جانج ناسيه بذكرج !
برجفه وهي تبلع ريقها قالت: لا ما نسيت أتذكر الكلام اللي قلته لك عنها
عوض بقهر: ولا عشان الحين ملجة وخذت غير اخوج صارة هي اللي مب زينه واللي فيها وفيها! وامج مطلعينها من الحسبه صح ! ترا امج بعد غلطانه هي اللي رافضتنها عشان هي مطلقه ..
سكتت سلامه ماعرفت شو تقول كلامه صح ١٠٠٪،، تنهد بضيق وهو يشوف مكتوم ياشر له بمعنى سكر وعوض ياشر بمعنى اصبر وقال بهدوء: انتي لا تربطين الحابل بالنابل انتوا عيال عم ومالكم بد من بعض لازم تتقبلين فكرة النصيب يا سلامه ..
سكتت بعد ماحست انه مستحيل يغلط على حرمة اخوه وأهلها سكرت تلفون …
مكتوم قال بهدوء: ليش ما تواسيها وطيب خاطرها هي في هالوقت محتاجتنك
عوض بضيقه: اممم ماعليه ملحوق بواسيها بس اول اعرف اخوك وين وليش مختفي حمد ما بيطيح مني ودرب في دختر وبيدخل في غيبوبه من خبر الصدمه انته بعد فكر فيها !
مكتوم بتفكير: قصدك ان هزاع له يد بالموضوع
عوض تنهد بضيق وهو يمسگ تلفونه يتصل على هزاع وحطه سبيكر ووقفوا عند البحر وهو يقول: يارب يخيب ظني وما يكون فيه شي .انقطع الاتصال بدون رد مما زاد خوف عوض اكثر رد اتصل مره ثانيه وياه الرد بصوت ناعم باين فيه الخجل : الو
التفت مكتوم لاشعوري على صوت وقلبه يدق وترمش عيونه بلا شعور ،، عوض نسى موضوع مكتوم ومانتبه على انجذابه لصوت وقال باحراج: السلام عليكم
لطيفه اللي استحت زودد وردت بهدوء ممزوج بخجل واضح : وعليكم السلام..
مكتوم اختبص ودقات قلبه تزيد انتبه على عوض اللي قال: لطيفه شحالج؟
لطوف بهدوء ويالله تنطق الحروف وقلبها يرقع من الخوف وربكة وشافت هزاع اللي نايم وحاطه يدها عليه : بخير يعلك الخير ..
عوض حس باحراجها وقال بصبر وطوله بال: هزاع عندج
مكتوم اللي ماقدر يسيطر على قلبه ودقاتته وهي تتكلم وانغام الحروف اللي تظهر تطرب على قلبه طرب رمشش بعيونه بدون إحساس من سمعها تنطق ببحة فيها ضيقه: هيييه نعم موجود لكنه نايم !
عوض اللي استغرب ومب منتبه على مكتوم اللي بلا وعي يسمع كل حرف بتركيز سمع عوض اللي قال: راقد ؟ في هالوقت؟!
قالت بصدق ومشاعر الضيق والهم محتوتنها: هزاع مب بخير مضارب ويا حمد
شهق عوض ولطيفه بسرعه قالت: بسم الله على قلبگ اهدئ خلني افهمك السالفه ، مكتوم اللي اختبص قلبه من ردة فعلها السريع على عوض وهي تسمي عليه التزم الصمت وكأن صوتها يطرب اسماعه وقلبه اللي زادت دقاته وهو يسمع تناغم حروفها .
عوض بحرقة قلب: لطيفه انا ياي البيت ما ينفع جي لازم تفهميني السالفه كلها واشوف اخويه ..
بهدوء ردت: ان شاء الله مرحبا بگ .. البيت بيتكگ .. مكتوم اللي طول طريق يفكر معقوله هي نفسها حرمته ! هذي كتله من المشاعر هذي والله اللي الواحد يلقى سعده عندها ابتسم بينه وبين نفسه واخيراً قلبي دق ! واخيراً لقيتها يا معذب قلوب العذارى .. وطول الطريج يتخيل شكلها ويضحك بخجل بينه وبين نفسه ،، انتبه عليه عوض اللي قال بسرعه: انزل وصلنا مب وقت ابتساماتك وحبگ .
انتبه مكتوم عليه وضحگ نزل واتصل بالطيفه وقال لها انا موجود ..
:
عند لطيفه بعد ما قالت لشغاله تجهز القهوه والفواله، سارت للميلس وقلبها يرقع خوف وارتباگ خذت نفس عميق وتحجبت زين وتاكدت من حجابها ودقت الباب برسميه يصابحها توتر وسمت بالله ودخلت بعد ما دخلن شغالات وحطن الفواله ،، دخلت وهي ما رفعت عيونها من الخجل وبمستحى قالت وهي تقدم بهدوء: سلام عليكم.
عوض وهوو منصدم من اللي قدامه رد بتوتر وقال : وعليكم السلام اما مكتوم بانبهار وقلبه يدق قال: يا مررحبا والله ..
عوض يطالع لطيفه اللي يالسه بعيد شوي عنهم وقالت بربكه: قربوا على الفواله ،، تفاولوا وهي تاشر على الفواله اللي محطوطه قدامهم،، عوض تدارك عمره بربكه وقال: بعدين يا لطيفه الحين قولي هزاع علومه .
تنهدت بضيق وهي تتكلم بهدوء من دون ما تطالعهم ومنزله عيونها تحت وتشرح له شو صار بالضبط وبضيق ختمت كلامها : ولين الحين راقد .
عوض اللي انصدم من اللي صار ورحم حال لطيفه وقال: ان شاء الله انه بخير
لطيفه بهدوء: يالله ،، الله يسمعها منك يارب وتنهدت وهي مب قادره ترفع راسها عليهم ابدا ولا تقدر حتى تناظرهم وقالت بخجل : انا استاذن تامرون على شيء.
قلب مكتوم اللي رفرف بالفرح وهو يشوف كل الزين محتويها ماحس بانها طلعت الا يوم عوض قال: مكتوم شفيگ تبوسم .
مكتوم ابتسم وهو ياكل من الفواله وقلبه عند اللي طلعت وقال لعوض: اخوك وين.!
عوض مستغرب من برودة دمه وقال: عقب اللي سمعته لك نفس تاكل
مكتوم بضحك: والله ما سمعت شو قالت لك البنت صوتها ما ينسمع وفي خاطره قال والله ما كنت منتبهه الا على حركاتها وخجلها ..
عوض يهز راسه بتوتر: الله يهديك بس ..
:
عند لطيفه فوق .. قربت منه وهي تلعب بشعره وبهدوء : هزااع
حطت يدها على خده وطبطبت عليه بخفه: هزاع ، هزاع
هزاع اللي انتبه على صوتها ابتسم: لبيه..
لطيفه باحراج: اخوانك برى ..
فتح عيونه بتعب وقال : منو ؟ من اخواني!
لطيفه تبتسم: دكتورنا الجامعي وواحد ثاني ..
هزاع ضحك رغم الصداع اللي داهمه: ودكتورج ماخذتي وياه محاضرات.
لطيفه تبتسم وهي تشوفه يعتدل بيلسته: لاا كنت موقفه كورس عشان موضوعي اللي قبل .. وبس لين الحين ماخذت وياه محاضرات بما اني رجعت للجامعه..وهذي اول مره أصلا يشوفني فيها مايعرفني
ابتسم بحب وقال: يلا الحين بنش .
شافته يدخل الحمام جهزت له بخور ومبخر ومن طلع بخرته وهي تقول: احم انا اسفه بس ترا دكتورنا اتصل مرتين واضطريت اني ارد عليه ويأ عشانن يشوفگ
شافها محمره ومنحرجه وهي تقول له سالفه سحبها لحضنه وباس راسها وبهمس: لاتلعبين باوتار قلبي يا بنت تراني على شفى حفره وانهار .
ضحكت بخجل وقالت: يلا
هزاع مسك يدها ونزل تحت وقال: وين امج وابوج ..
لطيفه : عند اخوانك في الميلس
هزاع شافها وقفت عند الباب وقالت: روح انته افضل خلهم يطمنون عليك وتاخذ راحتك معاهم وياخذون راحتهم معاك ..
ابتسم وهو يسحبها وقال: تعالي بس ..
لطوف ارتبكت وبخوف قالت: سمعني تراني قلت لعوض كل شي .
انصدم منها وبهدوء قال: ليشش !
سكتت ماتعرف ليش قالت اصلاً بهمس جاوبت: لمحت الخوف في صوته وعيونه ومادري ليش قلت له أصلا
سحبها لحضنه من حس انها خانقتنها العبره وقال بتعب: افدى القلب الحنين يالحساسه وسحبها لحضنه وهو يدخل داخل بعد ما خف الصداع من قام من النوم ،، دخل وهو ماسكنها من ايدها سلم على ابوها وامها وسلم على عوض ومكتوم وقعد بتعب وسحبها عداله وطوقها من كتوفه : شحالكم
عوض يتنهد: طيبين طاب حالك ،، انته شحالك بشرنا عنك
هزاع وده يفقع عيون مكتوم قال بضيق: بخير ونعمه الحمدلله شحال هليه
عوض : طيبين ،، الا شو هالسواة اللي سويتوها يابن الحلال ..
هزاع بضيق: شو تباني اسوي له اصفق له يعني
عوض بهدوء وهو ملاحظ توتر لطيفه نطق : حمد شو صار عليه عندكم علم
هزاع بلا مبالاه : قلعته مات ولا حييى انا شيخصني ..
لف على بو سعيد وقال : عمي انته تدري بحالة حمد
بوسعيد بضيق هز راسه بالإيجاب،، نطق هزاع وقال: عساه مات بشرروا
عوض باستغراب: استغفر الله يا ريال ..
هزاع بلا مبالاه وهو يقرب لطوف منه زود: شو استواله يعني ..
عوض بتوتر : غيبوبه
شهقت لطوف من غير قصد ولف عليها هزاع وهو يطالعها ويوزع نظراته عليها قربت منه بتوتر وهي تهمس: الحين بيحملوني ذنب ولدهم وهو الغلطان ،، هزاع الله يخليك أبا اطلع ماريد اسمع شي عنه …
طالعها وبهمس مماثل قال: خليهم يولون يحمدون ربهم ما مات ،،، وان يينا على صدق هو الغلطان ..
مكتوم الللي طول الوقت وهو يطالعها وحاسد اخوه عليها وعلى قربها ماوده بقرب شخص غيره قلبه ما فز الا على حليلة اخوه نش بسرعه وطلع برى وهو متوتر تنفس بقووو من الفكره اللي داهمته حليلة اخووه يعني هاي كل يوم بتكون جدامه طلع تلفونه واتصل على مريوم اول ماردت قال بغصه وقهر : ليششش جي سويتوا فيني ليشش!!
مريوم بخوف : بسم الله عليك شفيك
مكتوم بقهر: يعني الحين يوم خطبتوا للهزاع هالمره ، ليش ماخطبتوا لي انا وخليتوني اشوفها يمكن تعيبني …
مريوم بضيق: والله يا مكتوم اني قلت لمايه بس عارضتني قالت انك بتفشلها عند العرب وهي ما تبا تفرط في البنت..
مكتوم بقهر ويضرب ايده في الباب: لييشششش ما شاورتوننني قبل ليييش !!
مريوم بضيق: والله مادري امايه تقول ان ذوقگ صعب وهب أي وحده بتيووز لك وخافت انگ ماترضى فيها .
مكتوم بعصبيه وغير مدرك للي قاله: بس قلبي ما فز الا لها .. يعني وحده فيها كل المواصفات منو يفرط فيها
مريوم انصدمت وبدون شعور قالت: شو؟ كيف! وانته شدراك وين شفتها
مكتوم حط ايديه على شعره ورجعه ورى وبضضيق: كنتوا توصفونها قدام هزاع عادي بس انا لا صح.
مريوم تورطت شو تقول الحين سكتت سمعته يقول: انا مالوم نفسي باجر اذا صار بيني وبينها شي سمعتي ويلا باي وسكر في ويهها …
:
اما داخل الميلس استغربوا خروجه بالسرعه هاي الا عوض اللي ادرك ان البنت دخلت قلبه وفي خاطره يقول الله يعين من سواتك يا مكتوم ..
اما هزاع اللي صد على عمه وقال: عمي عيل انا بترخص
بسير ازهب اغراضي عشان باجر شي في خاطرك
هز راسه بلا وابتسم : ربي يحفظك ويتمم لك على خير ..
هزاع يبتسم: امين يارب العالمين.
طلعوا هزاع وعوض ومكتوم وردوا البيت..
:
في مكان اخر،، وفي الفلة المطله عالبحر كانت نعوم تتمشى مع ريلها وهي تسولف معاه قالت: تصدق كان خالي مكتوم يقولي ودي بوحده يفز قلبي لها وان لقيتها مابا خواني يسمعون حسها ماودي حد يشوفها ..
ضحگ بهدوء وهو يقول: بصراحه خالج زير نسوان ..
ضحكت وهي تقول: هيه والله صح .
ابتسم وهو يقول: تصدقين نعوم كنت أقول مكتوم ما بيتغير اللي بتاخذه وايد بتعاني وياه ، فعلا ماشوف وحده دخلت قلبه كم خطبتوا له وكم فشلكم ..
ضحكت وهي تقول: اخ يا طحنون لو تدري بالصدق شو بتقول ..
ضحك وهو يمسك يديها : وشو هالصدق يا غناتي
نعوم تبتسم وتجابله: في وحده ميتين عليها خلاتي وامايه وخطبوها لخالي هزاع والله ان هنوده تحلف تقول والله يا نعوم انها دواه وحاولنا نرشحها له ، بس امايه رفضت بحجة انها تخافه يفشلها ..
طحنون مسك يدها بحب وقال: نعوم اذا كانت مثل ما قلتي بالمواصفات اللي انتي قلتيهن ترا مكتوم ما بيخليها وبتذكرين كلامي حتى لو كانت على ذمة هزاع.
انصدمت نعوم ولفت عليه وهي تقول: في ذمتگ حبيبي
طحنون يضحك: هيه حبيبتي والله وخصوصا اذا قلبه فز .
نعوم انصدمت وسكتت جاوبها طحنون بعد ما شاف الضيقه بانت في ويهها وقال: لان القلب يوم يفز يا غناتي هو اللي يتحكم بكل شي مب العقل..
نعوم تنهدت بضيقه وخوف ..
:
مر اليوم عليهم وياهم اليوم المنتظر يوم ملجة هزاع ولطيفه الكل حضر ماعدا سلامه واليازيه وامهم ماحضروا اما راشد وابوه ومبارك حضروا واستقبلوا العزب وباركوا لهزاع ..
:
اما في الجانب الاخر يتكلم تلفون وهو يقول : وغلاتي عندج ما طلبت غير صوره بس صوره .
تردت وبخوف: والله ماقدر
باستعطاف،وهو يحاول يكسر خاطرها: افا اهون عليج هذا وانا الكل في الكل عندج …
بهمس جاوبت : لا تمسكني من ايدي اللي تعورني يا الغالي
بضيق جاوب: ويرضيج الحاله اللي انا فيها ..
بتنهيده قالت: لا والله يخسسسسي ما يرضيني ياعين مغليك خلاص تم ثواني واطرش لك صور …
ابتسم بحب: لا خلاني الرب …
ابتسمت: ولااامنك
سكر تلفون وهو يتنهد براحه ،، شوي واجتمع الكل عند لطيفه اللي كانت فاتحة شعرها كله ومسويه بف من قدام ومنزله خصل من على الجوانب وفستانها اللميعي مخصر على جسمها كأنها حوريه بلون الروز قولد وابتسامتها اللي تجبر كل مهموم يرتاح وكل ضايق يسلى عن ضيقته دخلن البنات وسلموا على لطيفه قربت مهره منها وحضنتها وهي تقول: اخ يا لطوف الله يسعدج يارب
لطوف اللي حست بكمية الحزن اللي في صدر اختها شدت على حضنها وهي تقول : الله يمسح على قلبج يا غناني ويشرح صدرج
بعدت عنها مهره وهي تقول: الله يسعدج يالطيفه ياختيه ويكون لج هزاع العون والسند
مهره تمسح دموعها: اخ يا لطووف ليت بيدي شي اغيره ..
لطوف بضيق: مهره خليهن يولن بنات عمج مادري شوياهن مب صاحيات .
مهره بقهر: مقهووووررره لطوف وصلت فيهن يدعن عليج ليل نهار عشان حمد اللي من دخل المستشفى وحالته منتكسه
لطوف بهمس: برايهن خليهن يولن الحين انسيهم وافرحي فينيي وضحكت بخجل،، باستها مهره على خدها
وشوي ودخلن البنات حمده ومريوم وصباح ونعوم واريام بنت حمدوه ووفاطمه وساره بنات صباح ( فاطمه ١٧ سنه ،، وساره ٢٠ سنه)
وهند اللي اول مادخلت قالت:كلوووولشششششش الف صلاه وسلام على الرسول وحضنة لطوف وهي تقول: بدوخين اخويه اللي بروحه دايخ بس شكله بيستعيل بالعرس
ابتسمت لطيفه بخجل وردت بهدوء: فديت عينج يا هند ربي يفرحج ويسعدج
هند ترفع ايديها وتقول: امييين ولفت على بنات خواتهاا وقالت: هذي فاطمه بنت صباح وهذي ساره ،وهذي اريام بنت حمده ، ابتسمت لطوف وهي تشوف نظرات الاعجاب فيهن قربت ساره منها وحضنتها وهي تقول: مبروك يا عمري
بهمس ردت : الله يبارك لج.
فاطمه بتوتر حضنتها وهي تقول : مبروك يا القمر
لطوف بمستحىى : الله يبارك فيج ..
بعدت فاطمه عنها وهي تقول: ممكن أتصور معاج
ابتسمت بحب وهي تقول: اكيد افا عليج ..
قربت فاطمه وتصورت وياها وبعدين صورة لطيفه صوره بروحها وكانت متردده طرش ولالا ، بعدين تعوذت من ابليس وتجاهلت الموضوع وعقب دخلت المصوره وصورتهن وهن ميتات عليها وخصوصا اريام وفطوم االمره اللي طافت بعرس نعوم ماشافنها كانن قاعدات عند خوانهن صغار ..
:
في جانب اخر كان هزاع يستقبل الناس اللي يايين وهو مبتسم بفرحه وعداله عوض ونهيان يستقبلون وياه ،، أبو سعيد وأبو عوض واقفين عدال بعض ويستقبلون رياييل لف بوسعيد على بو عوض وبضيق قال: بو عوض لو هزاع يستعيل بالعرس مب ابرك
بو عوض اللي فاهم الوضع حط يده على كتف بوسعيد وقال: ما يصير خاطرگ الا طيب.
بوحمد ابتسم: يعله بالبركة ياخوي
بوسعيد تنهد بضيق : الله يبارك لك ياخوي .
بو عوض لف على بو حمد وقال: ربي يقوم لك حمد بالسلامه ..
بو حمد ابتسم: ان شاء الله وبهدوء قال: بو عوض خل عوض ايي ويشل سلامه باجر عقب العشا ماله داعي للعرس ومعازيم محد له نفس بالفرح.
تنهد بو عوض وقال:باذن الله ..
دخل نايف وسعيد ومايد وعبدالله وسالم وساروا عند المعرس وسلموا عليه وهزاع من شاف سعيد ياشر له ويقول: عيال خالتيه هذا سالم وهذا عبدالله وهذا مايد
هزاع لف ويهه بضيق ومايد قال بهمس: متاكد من اختيارگ وطالعه بطرف عينه ومايد كمل باستهزاء تراها ما كمل كلامه الا هزاع قال بغيظ: يمين الله لفضحك عندهم وخلي سيرتك على كل لسان وطالعه بكرهه وراح عنه اما مايد انقهر بضيق اكيد لطوف قالت له وراح وقعد وهو يزفر بكره ..
اما هزاع مسك نايف وقال : ترا ضاقت فيني دنيا أبا حرمتيه ومابا عرس
ضحك نايف وهو يقول: ههههههههه شو عايلنك يا ريال
هزاع بضيق: والله يا نايف اني ضايق الناس في هاليوم تفرح وانا ضايق
نايف بصدمه: افا ضايق حد بياخذ لطيفه ويضيق
هزاع تنهد بالم : فديت لطيفه والله ياغير الاشكال اللي هنيه ما تساعد ..
ضحك نايف وفهم قصده وقال: هزاع لا تخلي حد ياثر عليك وتهدم حياتك ..
سكت هزاع وزفر بقو بمحاولة انه ينسى الضيق ،، اما مايد ابتسم على جنب وهو يشوف القهر في عيون هزاع والضيق باين في ويهه ..
اتصل على حرمته وقال: ها وينكم..
ردت عليه: بعدنا في بيت خالتك
زفر بقهر وهو يسمع عهود تقول: ما شاء الله شو هالزين كله يا لطوف اسميييه حظه والله يوم انج حظه ونصيبه .
سمع الريم تقول: هيه والله حظه فديتتت اللي يستحون
كان يتمنى يسمع صوتها رد على صوتها يوم قالت له: مايد شي تبا
مايد اللي انتبه وقال: لا متى بتردون البيت
ردت بضيق وهي تقول: ماعرف بس يمكن عقب مايزفون المعاريس .
سكر التلفون وهو مقهور كان يبا يقهرها وقهرته ..
:
عند الحريم كانن مرتبشات قربت زفة لطيفه بعد ما تعشوا المعازيم نزلت لطيفه على لحن موسيقى هادي والاضاءه مرتكزه عليها بسس والانوار كلها مبنده مافي غير الاضاءه اللي مسلطه على لطيفه وهي تنزل بكل خجل وهدوء وباقة الورد اللي بين ايديها ماسكتنها وقفت على الكوشه اللي مسوينها ومزينينها بالوررد وقفت وهي تبتسم بتوتر شوي وين البنات وسلمن عليها وباركن لها وشوي اتصل هزاع لحمده يبا يدخل وياه نايف وسعيد ..
حمده قالت لخواتها ان هزاع بيحدر ووياه خوان لطيفه ولبسن عبيهن ..
في جهه ثانيه بعد ما قالوا لهم ادخلوا ودخل هزاع وونايف اللي ماسگ ايده وسعيد اللي واقف على يساره …
وصلوا عندها باسها على راسها هزاع ونايف حضنها وهو يقول: بالبركة غناتي الله يسعدكم وويوفقكم..
ردت بهدوء وخجل: الله يبارك فيك فديتك
بعد عنها وخلى مجال لسعيد اللي بااسها على راسها وحضنها وبارك لها وردت عليه : الله يبارك لك ..
:
برى عند رياييل كان مغتص ورافض فكرةوجوده داخل طلع وهو يأخذ نفس عنيق اتصل مره ومرتين وثالث مره ردت بتوتر: هلا
مكتوم بعصبيه : وين الصور !!
بخوف جاوبت : ماقدر والله ماقدر قلبي ما يطاوعني ..
مكتوم بعصبيه وقهر: ورب الكعبه ان ماطرشتي لي صور بتشوفين شي ما عمرج شفتيه وقولي خالي ما قال .
فطوم بخوف : مب مجرأه والله يا خالي ماعندي الجرأه ..
مكتوم بعصبيه : سمعي من اليوم ورايح خشمي مايدق خشمج وسكر في ويهها بقهر ، حس بيد على كتوفه لف وشاف عوض اللي قال بصدمه بعد ما شاف عيون مكتوم كيف حمررر : مكتوم اهدا والوضع … قطع كلامه يوم دفر ايده وقال : مالك خص انشغل بحرمتگ ولا تدخل فيني
عوض مسكه بقو وقال بقهر: تراها حليلة اخوك
مكتوم بعصبيه وبدون مبالاه: طزززز والله لو انها حرمة من ما تكون ما دام ان قلبي طلبها وفز لها انسووووا اني اخليههها له ..ودفر ايد عوض وقال بقهر: ان سمعت منگ رمسه بيستوي كلام ثاني ودزه عن ويهه وراح لسيارته ركب سيارته وثواني شاف اشعارات عالواتس فتحهن بغيض وجمدت اطراف ايديه من اللي شافه وصدمه على ويهه فتح اول صوره وكانت صورتها وهي توها تنزف بلع ريقه بتوتر وهو يقرب الصوره اكثر ويشوف ملامح ويهها رفع راسه بغصه وهو يلتفت حواليه حرك سياره واتجهه لشقته بركن السياره وراح فوق بطل الباب وانسدح على الكرسي وتوتر مصاحبنه دخل الواتس وشاف الفيديو يوم كانت تمشي ومن لفت وعطت الكيمرا ظهرها وشاف شعرها اللي واصل ليننن تحت ركبها غمض عيونه وايديه ترجف وقلبه من قوة دقاتتتته تتسارع على خطر ما يوقف قلبه من كثر ما زادت عداة دقاته عن المعدل الطبيعي تنفسه صار غير منتظم شو اللي فيها مب حلو كلها على بعضها كامله مكمله وربي انج تجبرين قلب تايب يميل وانج خطر على رجال كلها من استوعب انها حليلة اخوه اضطرب التنفس عنده واختبص كيف يصبر لين يعرس هزاع وهالانسانه ما طلعت من قلبه من يوم ما شافها فتح الاشعار الثاني وكانت مطرشه له صوره عن قرب تبين ملامح ويهها اكثر وابتسامتها مرر اصبوعه على الشاشه كانها يلمسهن وباس شااشة تلفون وهو يقول : اهدأ يا قلبي وخلنا نفكر بروقان حط ايده على صدره وهو يقول وربي العالي في سماه ماراح تكون بعيده عنك بس اصبر شوي بييبها لك بيييبها بامر الله بس اصبر يا قلبي اصبر ..
احتوته الغيره اكثر من تذكر وجود هزاع الحين قربها قام نفس المينون وهو يمششششي في شقه وهو يحاول ينفي لالا لا بعد باقي وقت يا قلبي اصبر اصبر ماباها تروح مني ماريد افضح نفسي يا قلبيي اصبر تكفى خفف عليه دقاتك صرت من أتذكر اني بشوفها كل يوم وانها لخويه حليله ما اتوازن لا تعلب على أوتار قلبي وعقب تنحرم منها اه يا قلبي اهدا وحكم نفسك لازم نفكر كيف ومتى واي وقت مناسب عشان اقدر اقربها منگ تكفى اصبر يا قلبي ضرب بيده على الكرسسسي بقهررر وهو يحاول ينسسى قرب هزاع ودقات قلبه معلنه حالة الطواري يارب ثبتني لين ما تكون لي يارب ماقدر اصبر ولا اقدر اتخيل وجوده قربها تعلقت فيها افففففف ياربي أخاف اذبحه من الغيررره حط ايده على قلبه بتعب انتبه على رنة تلفونه رد بهدوء عكس العاصفه اللي سواها من شوي : هلا
فطوم بعبره: مرتاح
مكتوم يبتسم: فديت عيونج كنت اعرف اني ما اهون عليج وبطرشين لي صور ..
فطوم تبكي من القهر: والله ما توقعتك جي …
مكتوم بضيق : اشششش ما بضرها والله صدقيني..
فطوم تركب سياره وبخوف قالت: ما اضمنك وانته تعرف نفسك زين ..
سكت وهو يسمع صايحها بهدوء قال: مسحي دموعج الغاليه وبعدين انا لابغيت اضر انتي تعرفيني كيف بضر لكن انتي اكثر وحده تعرفين اللي في قلبي وقد قايل لج هالكلام من قبل ان فز قلبي لوحده ما اضرها وقلبي يوم فز ما فز الا على وغمض عيونه بقو وقهر انتي تعرفين الباقي ماقدر اكمل .
التمست الغيره في صوته وقالت بصدق: خالي كيف حبيتها وشو بتسوي.
مكتوم بضيق: سكتي لا تزيديني تراني والله أحاول افكر كيف انسىى الحين مابا شي يضيع عليه خططيه
فطوم بضيق: ياخوفي الله يعاقبني وترد الحركة فيني
مكتوم يقاطعها: اوووص اووووص لا اسمع منج هالرمسه سكتتتي ..
فطوم تنهي المكالمه : زين برايك قوم امايه يووا وسكرت الخط وهي تحاول تناسى اللي سوته..
:
اما في المستشفى عند اهل حمد كانت حالتهم حاله الكل يبكي بسبب عدم تجاوب حمد للعلاج يزوي قاعده ودموعها على خدها وتدعي لحمد ،، ام حمد صايره تتدعي على لطيفه اللي بسببها وصل حمد للمكان هذا واما سلامه فكانت تدعي على لطيفه بشقىىى طول عمرها ولا تتهنى مع هزاع ولا لحظه الكره والحقد تربي وتعمق في قلوبهم على لطيفه بذات اللي محد توقع انه بيكرها وانها في حالها ومالها خص في حد شافوا راشد ومبارك وابوهم يايين تقدم ابوها وقال لسلامه: باجر عقب العشا بيي عوض وبيشلج مانبا عرس ولا طقطقه مانقدر نفرح واخوج طايح ..
هزت راسها وهي تبكي وتقول: محد له خاطر يفرح يا بويه ..
تنهد بضيق وراح لدكتور وقاله نفس الحاله ماتغير شي
يزوي اللي كانت منهاره ودموعها ماجفت ياها مبارك وحضنها وقال بهمس في اذنها: تبونه يقوم بخير ادخلي عنده وقري عليه وذكريه بالطيفه وبيستيجب للعلاج وقولي مبارك ما قال .
لفت عليه بصدمه وهي منهاره قالت: انتتت صصااحي اطريها عنده وهي سبب هالحاله اللي هو فيها ..
مبارك بقهر: اخوج بسبب صدمه عاطفيه هي اللي سوت فيه كل هذا ولا هو بخير مافيه شي وبعد عنها وراح لدكتور وطلب يشوف حمد ..
:
عند المعاريس في بيت بو سعيد ..
هزاع كان قاعد عدال لطوف وحاس بضيق سمع لطيفه اللي قالت : متضايق؟
انصدم وطالعها ابتسمت وهي تقول: ترا يبين عليك الف تنهيده وتنهيده طلعت منك ويبين انك مب على بعضك
هزاع مسك يدها وقال: والله ماعرف شفيني جنه حد داعي عليه ماحس بفرحتيه
لطوف بضيق: ندمان هزاع
لف عليها وهو يشد على ايدها : لا حششى والله مب ندمان بس شعور اللي داخلي شعور ماعرف كيف اوصفه
سند راسه على الكرسي وحط ايده على راسه حس بهدوئها وبعدين قالت: هزاع
لف عليها وابتسم : لبيه
ابتسمت بين ضيقتها وقالت: لبية في منى ،، ترانا بعدنا في اول الدرب ان كنت مب …. وبتر كلمتها وهو يحضنها : اشششش لطوف انتي محد يفرط فيج مينون اخليج لغيري وانا اللي محسود عليج . باس خدها وقال: هذي عيون الحساد هم اللي عطوني بعين واحسدوني عليج .
ابتسمت لطيفه على كلامه وقالت: الله كريم
باس عنقها وهو يقول: هيه والله علهم نفاد ..
ابتسمت بحيا وهي تقول: استغفر الله
شد بحضنه عليها وهو يقول: احس اني مخنوق
مسحت على ظهره بيدها وهي تقول: ماعليه شده وتزول
مازال شاد على حضنها وهو مغمض عيونه وقال بتوتر : لطوف عادي لو شليتج من دون عرس وشوشره مب قادر اضبط اعصابي .
ابتسمت من بين صدمتها وقالت: صدمتني الصراحه انا عادي عندي بس عطني وقت ارتب اموري واشوف وضعي .
حست برجفة ايديه وهي بين ايديه وقالت بهمس وهي تبلع ريقها بخوف: هزاع
غمض عيونه بتوتر مب قادر يسيطر على نفسه وكلام مايد ينعاد عليه حاول ينفض هالفكره من راسه مايبا يتذكر كلامه ونظرات الاستهزاء في طريقة كلامه بعد عنها بقوو وهو يقول: سمعيني لطوف انا لازم اروح الحين أبا اهدي نفسي لاني لو تميت أخاف اغلط عليج وانا مابا وقف من دون لا يصد عليها : اسسسف والله يوم بهدأ بكلمج وطلع بسرعه ..
كانت مصدومه من تصرفه وخايفه هي حاسه فيه من اول مادخل انه مب على بعضه تنهدت بتعب وطلعت فوق تبدل شافت ساعه ١٢ ونص دخلت تسبحت وقعدت تصلي العشا وقرت قران ..
:
اما عند مهره كانت منسدحه بتعب على الشبريه شوي وانفتح الباب دخل راشد وسار صوبها مسكها من ايدها وشدها لحضنه: ولهان عليججج والله ..
مهره تبتسم: المتولهه يسال عن المتوله عليهم.
باس عنقها وخدها وقال بتنهيده: لا تلوميني والله هاليومين بروحي مختبص ويا هليه عشان حمد ..
مهره بضيق: شو صار عليه والله ما يستاهل ..
راشد دفن راسه في عنقها وقال بهمس: على حطت ايدج ما تغير فيه شي ..
مهره تبعد عن حضنه لكنه سحبها زود وطوقها بيديه وقال: شفت هزاع توه طالع من عند لطيفه وشكله معصب ومتضايق..
مهره بضيقه على لطيفه: مسكينه هالبنت جنه مالها حظ راشد بضيق: والله انها تستاهل كل خير ،، بس ماعليج بيهدا وبيرد لها ان شاء الله ..
مهره تننهد بتعب: اتمنى والله بس دعاوي هلك عليها ما توقف تمطر عليها مطر .
بعد عنها وهو يشوف عيونها وملامحها باسها بين عيونها وقال: والله ادري مالها ذنب بلي صار لحمد لكن شو نقول غير الله يهديهم ويشفي حمد ..
مهره تحط راسها على صدره: امين يارب العالمين
راشد طوقها بيديه: باجر عقب العشا عوض بيشل سلامه ، وبزفره قويه ابويه كنسل العرس خلاص …
مهره غمضت عيونها: الله يسعدهم ..
راشد باس راسها وبعدها عن حضنه: امين يارب ،، انا بتسبح وبييج .
هزت راسها بصمت..
:
في جهه ثانيه ..
عهود كانت يالسه في صالتها حست به فتح الباب ومن شافها انصدم سكر الباب ودخل الغرفه وتسبح وتلبس وهو مقهور من وجودها طلع برى وشافها مازالت موجوده بقهر قال: ليش رديتي !
عهود بضيقه وقهر: لا تسالني هالسوال اسال قلبي اللي يشتاق لك ويباك وماحست الا دموعها نازلات انا شو ذنبي عشان اني كنت اعرف وسكت لاني احبك ومابا علاقتنا توتر مع بعض اذا تفسرها انانيه هيه نعم انا انانيه فيك ومابا أي شي يبعدني عنك تحملت وايد منك والحين اعتقد لطيفه لقت اللي يبري جروحها ممكن نرد مثل أي زوجين..
نايف بضحكة قهر وأسلوب مستفز: هه قولي والله بس انتي ، تعرفين اخوج شو سوى اليوم !
طالعته بصدمه وقالت بخوف: شو سوى.
نايف يضرب الطاوله اللي جدامه بقهر : يقول لهزاع ان وبلع ريقه بقهر ورد شعر راسه ورى وبغيظ اردف والله ما يسلم مني اخوج والله ان هزاع فكر يخلي لطيفه والله وبغصة قهر قال طلعي برى مابا اشووف رقعة ويهجج طلعييييييييييييي .
رد على اتصال هزاع بعد ما طلعت عهود برى وقال: هلا هزاع
هزاع بضيقه كاتمه على أنفاسه: اخخخ يا النسيييب
نايف غمض عيونه بقهر وقال: انا حلفت ماخليه سفهه والله ماسكت له .
هزاع بحرقة قلب: مب قادر اسيطر على عصبيتي أخاف اجتله ..
نايف : يستاهل الجتل قليل المروءه ..
هزاع بغصه وعيونه تدمع من الغصه: مكبوت يا نايف مكبوت احس أبا اغير جو وشوي ابعد عن جو البيت ولطيفه ماباها تحس بشي رغم انها حاسه وعارفه لكن ماقدر يا نايف والله ماقدر اكسررر قلبها احبها ومب متخيل اني اخليها ولا اتخيلها عند غيري بس لازم ابعد شوي اخذ فترة نقاهه ..
نايف بهدوء : ادري والله هزاع ترا اللي يبون لطيفه وايدين وسوقها مب طايح وروحك تشوف هم اللي منقهرين منك انته لازم تدوس عليهم قطع عليه هزاع وهو يقول: يخسووون انهم يفكرون ياخذون لطيفه مني بس مجبور هالفتره ابعد لاني اللي شفته من حمد بروحه صدمه وين بعد مايد وكلامه بروحه صدمه ثانيه أبا اطرد كل طاقه سلبيه وجدد خلايا مخي وايي وانا مرتاح ومخي نظيف
تنهد نايف وهويقول: زين الغالي … وبتردد قال: بتسافر ..
هزاع بضيق : بسير العمره وبرد ان شاء الله ما بطول أسبوع وراد بامر الله ..
نايف بضيق: طلبتك لا تكسر قلبها ..
هزاع غمض عيونه: وانا اقدر يا نايف اكسسسرها هي اللي كاسرتني يا نايف زعلتها في ليله مثل هالليله وكسرت فرحتها بس غصباً عني والله ..
نايف بهدوء: يعله ما يتوفق اللي خرب عليكم حسبي الله عليه ..
هزاع من قلبه قال: اممممين
:
في غرفة لطيفه تفاجات بدخول عهود بصدمه عليها وهي تقول: شفيج !!
طاحت في حضنها تبكي وهي تقول : دخيلج قولي لي الصدق صار بينج وبين مايد شي
انصدمت لطيفه وقالت بضيق: شو تقولين انتي !!
عهود ماقدرت تتحمل اكثر اتصلت على مايد اللي كان يالس في حديقة بيتهم محروق ومقهور رد من شاف اتصال عهود وقالت بصوت باكي: مايد اسالك بالله شو قلت لهزاع ريل لطيفه .
انرسمت على شفاته ابتسامه وقال: ليششش؟!
حطت سبيكر عهود وهي تطالع لطيفه عشان تسمع الكلام اللي يدور بينهم رد عليها بتنهيده: قلت اللي قلته ،، بشريني ربه طلقها .
عهود بغصه وقهر: انته شفيك ماتتكلم قول شو مسوي بريال .
بقهر قال من فكرة انه حد يأخذ لطيفه عنه : قتله اني داخل عليها وزفر بضيق
شهقت لطيفه بغصه وعيونها مليانه دموع وهي تقول بقهر: ليش يالاناني قلت له جدام منو
مايد اللي اختبص من سمع صوتها وقال: ليش سويتي فيني جيه ! ليش توافقين ! وانتي تعرفين اللي صار بينا ! ماخفتي على نفسج يكشفج ويعرف انج مب …بتر جملته على شهقتها وبكاها وهي تقول: حسبي الله عليك يا مايد يعل حوبتي ما تعداك وتشوفها في اعز ما تملك يارب .
شهق وهو يقول: ادعي لين باجر بس ماتكونين لحد غيري
لطوف بقهر وحقد: ماقد حقدت على حد لكني حاقده عليك وأتمنى الله يأخذ بحقي منك اليوم قبل باجر ..
مايد: لا تنكرين اللي صار بينا
لطوف بدموع: قصدك انتقامك ،، انته شخص انتقامي وانتقمت من سعيد فيني شو ذنبي انا! دخلتني في مواضيع بينكم ..
مايد:تردين لي
لطوف بحقد وكره: تخسسسي ولاعاد اسمع منك شي يا محترم ..
واشرت على عهود سكري منه سكرت عهود وسط صدمتها وهي تبكي وتقول: خسرت نايف وانتي خسرتي حياتج وشو هالحظ لنا ..
لطوف تصيح وتبكي وقالت : حسبي الله عليه اخوج مايخلي الواحد يرتاح في حياته الله لا يذوقه الهنى
عهود تبكي بقهر وصدمه من اللي سمعته حضنتها لطيفه تخفف عليها وهي تقول: خليه يولي نامي واتركيه لربج ما ينساه ادريبه السبب في بعد نايف عنج..
اجهشت بالبكاء اكثر عن قبل من طاريه وهي تقول : متحلف له ولا يبي قربي ولا حتى يباني صرت اذكره باخوي وافعاله الشينه !
تنهدت بضيق وهي تقول: تعوذي من ابليس وقومي رقدي عالشبريه ..
قامت عهود عالشبريه ولطوف طلعت خاري ببجامتها بعد ماحطت شيلتها على راسها وطلعت خاري نزلت في الحديقه وهي تتنهد بضيق وتدعي على مايد شلت تلفونها واتصلت لربيعتها وثواني وردت عليها: حي لطيفه
تنهدت بتعب وهي تزفر بضيق : الله يحييج ويبقيج
ردت بسرعه: افا الشيوخ ضايقين
لطوف تزفر بقهر: سكتتتي والله يا حصيص اني مغثوثه منه حسبي الله عليه
حصيص باهتمام: من منو مايد؟
لطوف : هيه حسبي الله عليه ..
حصيص : شو صار عنبو توج مالجه وقايله بسم الله شو سووا بعد ..
لطوف بغصه: حصيص أبا ارفع قضيه على هالسبال
حصه بجديه: شو صار رمسي
لطوف بكره: على سالفه اللي قلت لج عنها وزياده عليها تشويه سمعه ..
ضحكت حصه وهي تقول: فالج طيب غناتي تمريني باجر المكتب وتسوين لي توكيل …
لطوف تبتسم : حاضرين ..
حصوه تضحك: وربي ببهدله لج
لطوف : حيلج فيه الله يغربله ويغربل ويهه …
حصوه: اخص يالكره ..
لطوف بكره: الله ياخذه من هالدنيا وارتاح ..
حصوه: استغفري يا حرمه محد بيحزن عليه غير خالتج
لطوف بتنهيده متعبه:حسبي الله عليه هو اللي جبرني..
حصيص تضحك: والله ماحدج عليه الا الششديد القوي ..
ضحكة لطيفه بقهر وقالت: والله يستاهل مسود الوييه خليه شوي يخيس في السجن عني بلااااا ويههه وبتنهيده: زين حصيص ماطول عليج الغاليه برايج فديتج ازعجتج ..
حصوه: افا عليج الغاليه لا ازعاج ولا شيء …
سكرت الخط بعد ما انهت مكالمتها وهي تزفر برتياح وقلبها يغلي من فعلته السودا…
:
وفي الصباح اليوم التالي ساعه ٨:٣٠ شلت لطيفه الدريول وراحت مكتب المحاميه حصه ..
دخلت بعد ما اُذن لها سلمت ع حصه وهي تقول: اسفه تاخرت عليج ادري بس مريت المستشفى قبل عند الدكتوره اللي طلعت لي تقرير ومكتوب كل شي فيه بالتفصيل وغير الأشياء الثانيه اللي ماتنذكر
حصه بعد ما شافت التقارير والتفاصيل اللي كاتبتنها الدكتوره ردت عليها: تمام يالطيفه وربي بياخذ بحقج اكيد الحين بنتجهه لكاتب العدل وتسوين لي توكيل ..
هزت راسها بصمت وراحوا لمكتب كاتب العدل وسووا الوكاله الخاصه بتوكيل المحاميه حصه ..
وبعد ذلك ردت البيت واستغربت ومن وجود خالتها وامها وابوها ونايف اللي استغرب من خروج لطيفه من دون ما تقول لحد وماعيبته حركة لطيفه انها طلعت بروحها سلمت عليهم وقعدت سالتها أمها باستغراب : غريبه يا بنت حمد طالعه من البيت.
ابتسمت وهي تقول: نشيت من وقت وسرت الجيم اسوي رياضه ورديت ..
نايف يرفع حاجبه على جذبتها وهز راسه بصمت وهو رافع واحد من حواجبه وعينه عليها من تعانقت عيونهم كسرت نظرها لانه بيعرف انها جذابه وقالت استاذن انا.
راحت لغرفتها وشافت عهود اللي عيونها منتفخه من البكي وتوها طالعه من الحمام وماعليها الا روبها حضنتها وهي تقول: فديتج عهود لا تبكين الله بيرده لج نفس مارد يوسف ليعقوب .
تنهدت بضيق وهي تقول: يابنت الحلال الخاطر طاب مني من زمان من يوم انتي تطلقتي انا انهجرت صح اني كنت انانيه اني ما بغيت أقوله عنج وعن مايد لان بصراحه خفت حياتي ماتترقع وياه وهذا اللي صار ياختيه ..
تنهدت بتعب توها بتنطق الا انفتح الباب وانصدم بوجود عهود وماعليها الا روب ومن شاف عيونها المنتفخه تنهد بضيق وقال بحده : انتي بعدج ماروحتي بيت هلج خالتيه تحت تبين تمين تبين تروحين كيفج بس في نهايه لازم تعرفين شي واحد سواة اخوج الخايسه عديم المرجله ماخلت لج في قلبي ولا ذرة احترام ولا حب السافل المنحط اللي ايي بيوت الناس بنص الليالي وبيت مافيه حد عشان يستغل هالضعيفه عديم نخوه والمرجله ولكن والله ماكون ولد ابويه ان ماغربلته بس صبرج عليه لرد حق هزاع وحق لطيفة ..
بعد الكلام اللي توسم في قلبها انسحبت لغرفة الملابس بدلت ورتبت اغراضها معلنه رحيلها عن حياة هالانسان للابد وقال بغصه قلب: تعالي انتي وهو يكلم لطيفه انا من امس محروق عليج وانتي ماتتكلمين .
سكتت بتوتر وخوف وهي تشوف عصبيته قرب منها وقال بحده: وين كنتي !
لطوف وهي تبلع ريقها وتشوف عهود ساحبه شنطتها بتروح بيت هلها قالت وهي تشتت نظرها: قلت لك سرت الجيم اسوي …. بتر جملتها وهو يقول: لا تجذبين اللي يسير الجيم يلبس لبس رياضه ولا لبس عادي !
بلعت ريقها بخوف وتوتر شو تخربط الحين شو تقول تنهدت بضيق وقالت: رحت اغير جو زين جي ولا بعد مب مصدق ..
نايف برفعة حاجب: المطلوب اني اصدق !
شتت نظرها توها بتتكلم رن تلفون نايف وحمدت ربها الف مره انه انقذها رنين تلفونه ومن شافته طلع دخلت الحمام وهي تتنفس وتزفر براحه ،، تنفست الصعداء على قولتهم .
:
مر أسبوع كامل وبدت حصه في القضيه وكتابة المذكرات وتم تحديد موعد للجلسه ،، هزاع رد من العمره وهو يحس براحه وقلبه مشتاق للطيفه اللي من بعد الملجة مايعرف عنها أي شي ،، لطيفه كانت منشغله بموضوع القضيه ونست هزاع هالفتره لانها كانت ناويه تنتقم لنفسها ،، نايف طلق عهود وهذا شي كان متوقع ولا بعد راح لمايد ومسكه من ياقة ثوبه وتضارب وياه علمه ان الله حق وبلغ عليه في شرطه وقالهم انه يهدد اخته ويحاول يشوه سمعتها وفي المركز بعد ما فتح نايف البلاغ قال الضابط لمايد: عندك قضيه بعد في المحكمه موعدها بعد يومين.
انصدم مايد وقال: قضيه !! منو رافع القضيه!
الضابط يشيگ ويفتح الملف قال: اسم المدعي( لطيفه حمد الـ) انصدم نايف يوم سمع الاسم ومايد بصدمه قال مستحيييل تسووويها
الضابط: باجر نحولگ على المحكمة وتحضر الجلسه وتصدق بعينك، لف على نايف وقال: تامرنا بشيء ثاني اخ نايف نخدمگ فيها ..
نايف اللي بعده تحت تاثير الصدمه قال: لا مشكور يزاك الله خير ونش واقف وهو يوجهه نظره لمايد قال : يا مالك من هالحال واردى ..وطلع برى المركز واتصل بالطيفه شوي وياه صوتها: مرحبا بالعضيد
نايف بقهر : حي الله اللي تسوي علوم من ورانا
لطيفه تضحگ: ماسويت شي والله
نايف يحرگ سياره: بريئه ما شاء الله عليج
لطوف بتنهيده متعبه: نايف ماحيدك تلف ودور قولي الصدق شو اللي عرفته!
نايف بقهر: ودي اصارخ عليج بس ماقدر قلبي ما يطاوعني افجعج وبحده بانت في صوته من متى رافعه قضيه على اللي ما ينطرى ولا ينذكر اسمه.
انصدمت لطوف وبلعت ريقها بخوف وهي تسمعه يقول: جان ييتي وقلتي لي والله يوقف وياج
لطوف بقهر: حسبي الله عليه عيل يخرب حياتي وبضحك له خله الجلب يتادب شوي اباه يخيس في السجن!
نايف بقهر: انا شو وضعي في البيت ريل كرسي ولا قطعة اثاث ..
لطيفه ماسكه ضحكتها على التشبيه: افا محشوم يا قلب اختگ .
نايف يشوف رقم هزاع ورقع قلبه من أسبوع ما كلمه وقال : شوي واتصل بج عندي خط ..
لطوف تتنهد وتعدل شعرها وترجعه على ورى وبهمس: ربي يحفظك يا الغالي .
سكر عنها ورد على هزاع اللي قال: حيييي الله النسسسسيب الغالي .
نايف يبتسم: يحيككگ الغالي شحالگ
هزاع يبتسم براحه : ابشرگ بخير ونعمه ولله الحمد يسرگ حالي .
نايف يبتسم : يسرگ ولا يضرگ يا النسيب، عمرتن مقبوله..
|