السلام عليكم ورحمه الله وبركاته يسعد مسائكم بالفرح والرضا.. في هالقسم حبيت اتكلم لكم شويه عن الهديه مع كم صوره من تصويري في اعداد الهديه قال الرسول صلى الله عليه وسلم " تهادو تحابو " رسولنا مااخبرنا بشي الا وفيه خير لنا الهديه فيما بيننا تنشر المحبه في النفوس مو لازم تكون هديه غاليه ومُكلفه لا الهديه ببساطتها توصل يكفي لمن تبتسم وتمد يدك وتنطق تفضل "هديه مني لك" متخيل الشعور والا الابتسامه اللي زرعتها فيه سبحان الله الهديه لها منزله في الاسلام الا يكفي ان الرسول اوصانا فيها انا مثل اي انسان احتاج هديه كلمه حلوه وقفه مساعده في كثير من الظروف شي طبيعي والشهور اللي فاتت فكرت كثير اني لازم اعمل بكل مره هديه اترك اثر نفسي جميل بعد الكلمه الطيبه فــً بلغت قروبات وطرحت الفكره عليهم ( جاره _ امك _ اختك _ عامل نظافه_ صديقه بعيده ) وبدينا كل وحده وطريقه تقديمها للهديه " طريقتي لتقديم الهديه البسيطه عملت قرعه عده اسماء اختار بكل شهر" ثنتين " قدمت للاولى صندوق فيه 100 ظرف عملته خلال شهر وكتبت خلف كل ظرف عباره جميله وداخل الظرف " حلوى صغيره" مختلفه وقدمت داخله صندوق صغير فيه اكواب تركيه بطريقتي طلبتها وقدمتها قدمت للثانيه طلع بالقرعه اسم صديقتي فااتصلت عليها وبلغتها فقالت اجيك وتعمل لي كيك من يداتك اختياري تشيز اللوتس وً وتشيز التوت البري وعملت لها قهوتي على طلبها وتدللت ووافقت وشرفتني البيت وكانت السفره قدمت للثالثه " في يوم من الايام طلعت بالقرعه عصفورتي وكانت دائما تقولي ابي صديقاتي يجون بيتنا واسوي حفله ونلعب وبالفعل يوم ربي كتب تواصلت مع امهات صديقاتها وفاجئتها بكيكه عملتها ورتبت سفره صغيره بقدهم وخليتها عصفورتي تزينها بللي تحب والتقطت لهم كم صوره تذكاريه اي شعور طفولي كان ؟ واي فرحه ولعب ؟ الحمدالله وهالوردتين لكل ال قصايد مني لكم موقفه اختم فيه معنى الهديه واثرها على النفس " بالايام اللي فاتت تجمعت العائله وسهره والا بجدتي تناديني وبيدها ولد ولدها يبكي انضرب برا علشان يدخل ويعطيني قطعه شوكولاته والرب انبسطت يبكي ويمسح دموعه حضنته ومسحت دموعه صغيري وليومك محتفظه بالشوكلاته وادعي له الهديه لها اثر نفسي كبير تهادوا تحابوا ابتسمو لااحبابكم وللعابرين ديننا جعل في الابتسامه والهدايا الاجر الكثير دعوه من القلب لكم سخر الله لكم القلوب الطيبه التى تهديكم اجمل واصدق الدعوات كٌنت هٌنا ..( فزولهآ _ تبقى لقصايد ليل لاابيح النقل ) 1:10 ظٌهراً B .Y الثلاثاء

احُب كل شي كان رحمه لي من الله