البارت التاسع
ابتسمت ياربي مرتب هالولد ما شاء الله عليه ....
قطع حبل افكارها صوته: احم السلام عليكم
روضه بخوف: هلا وعليكم السلام ورحمة الله وبركاته
دقق ذياب فيها وعرف انها روضه: شحالج رواضي اخبارج
روضه بحيا: بخير ربي يعافيك ويسلمك ومن صوبك
ذياب وهو يطالع الرف اللى حاطه روضه ايدها عليه: بخير ونعمة
روضه: مدــــيم
ذياب: دامت انفاسج
روضه ترقع: احم ذياب ما عليك امر نبا دي في دي
ذياب: فالج طيب وسار صوب المكتبه مالت الكتب وبطل الدرج اللى في نص وطلعه وعطاها اياه..
روضه مسكت الدي في دي وتلامست اصبوعهم وخت روضه من الحيا اما ذياب منعا للاحراج سوا عمره عادى ولا كانه انتبه عشان ما يحرجها
روضه كملت: من بعد اذنك ولد العم خذت واحد من الافلام وهالكتاب واشرت على طاوله..
ذياب ابتسم : فالج طيب ما يغلى عليج الغاليه واصل ..
ابتسمت روضه وحطت الكتاب فوق الدي في دي وسيدي فوق الكتاب وقالت: سمح لي بروح
ذياب ابتسم وقال: في حفظه الغاليه
ظهرت روضه وعيون ذياب تلاحقها ابتسم وتفداها في خاطره وقال عسى ربي يوفقنا ويا بعض ياربي ...
ردت رويض عند البنات وابتسامتها من شرق لين الغرب هع صيغة مبالغه خخخخخخ حدرت داخل وقالت دانه: هاه شو هالتاخير
رويض: يا اختى ما شاء الله تبارك الله الصلاه على النبي اخوج مرتب ما شاء الله وقسمه ما شاء الله يفتح نفس ومثقف
دانه بابتسامه: يحق لج تمدحينه ريل المستقبل تراه
روضه: ان شاء الله
ضحكن عليها البنات وركبن الدي في دي ويلسن عاد يعابلن بالوايرات ويحطن هذا ويرن هذا هههههههههه وحطن الفلم اللي يابته روضه اما روضه فتحت الكتاب وسارت في صالة اللى فوق ويلست تقرى وخلت البنات في حجره دانوه عايشات الجووو ...
وهى تقرى ومندمجة بالقرايه سمعت صريخ البنات تروعت في نفس لحظه ظهر ذياب زايغ وقال بخوف شو مستوى
روضه بخوف: مادري والله علمي علمك مادري بلاهن
فتح الباب ذياب وشافهن يصارخن واللى منخشه تحت الحاف واللى كانت تبا تبطل الباب وتشرد واللى مولعه ليتات وتعوذ من بليس
ذياب خوف: شفيكم ليش كل هالصريخ
دانه بخوف: بسم الله يا بوك روعنا هالفلم الله لا عااااده شله تيبه انته اصلن عنبوه دينصورات يطلعن من تحت الارض فجاه لا اله الا الله واشهد ان محمد رسول الله فسق يا بوك هالفلم فسق حطم الرقم القياسي لا اله الا الله شله يا بوك طلعه الشيمه عنبوه بريدن لنا عظامنا لا حول ولا قوة الا با الله العلي العظيم
وضحى تصيح: حسبي الله عليكم انا شو بيرقدني اليوم انا مبوني ما حب الافلام الاجانب واايد عليه اتابع افلام هنديه ارحم من هالسكن (الين) وي حسبي الله ونعم الوكيل ياربي ابا سالم بقول له شو سويتوا فيني
ذياب كان يبا ضحك بس عصب وقال: شو ه ها الاستهبال يوم انتن دياي شله تابعن شي ما تعرفنه وليش اصلن مشغلاتنه ومسويات لكن جو بعد صدق مخبل يلا روحن بندنه عنبوه بعد الوقت نهار وتروعتن لو طالعتنه الفليل شو بتسون عنلات صيركن يلا قومن فزن عنبوه غيركن افتضحتن سود الله ذا الويوه قومن يلااااااااااااااااا
قامن البنات من الخوف وبندنه وعطن ذياب دي في دي والسيدي
ذياب: والله ما تستحن طيرتن حمامه فوادى قلت حد مات ياه شي عنبوه ذا لغب لكن
ضحكن البنات وقالت اليازي: ما عليه سامحهن مقيوله يا ولد العم اللى ما يعرف صقر يشويه
ضحك ذياب وقال: يا بوج ما قلنا شي مسويات عمارهن قوايا وهن على فلم تباغمن عيل لو وحده منكن طيح شو بيسون قلنا انتى ما تخافين احيدج تموتين على افلام رعب ودانه احيدها تموت على افلام الرعب بس مادري بلاها وقلنا حرم الشيخ سعيد وسالم خوافات مادري ليش يطالعن وحصه احيدها خوافه وموزه وميثا وهند ما عرف عنهن
ضحكن البنات وقالت يزوي : ما شاء الله فصفص العايله تفصفيص
حصه بطره وغيره من عليا اللى مالجه على سعيد: والله انا مادري خلااااااف شو بيسون جيه بيتمن عند ريالهن خوافات وابويه انا بيتليغنن عند رياييلهن ..
ذياب عرف ان العقرب ما بتسكت قال: خلج بعيد عنهن احسن تراج روحج خوافه واخس عن ديايه بعد
حصه سكتت وانقهرت لانها تخاف من ذياب وماداني ترمسه تعرف انه بيغسل شراعها ففضلت سكووت ...
بعد ــمــــرـور أســـبوعيــــنـــ اتفقوا عايلة بو سهيل يسون عزيمة لعمـــر بمناسبة تخرجه برتبة ضابط وانشغال ساروه بالامتحانات وبعد عمر عنها اثر في عمر بالقو وخصوصا انه رد يذكر دانه ويحس بالشوق لها وخايف انه يتم هالاحساس عنده ويظلم بنت عمته اللى تحبه وتموت فيه ليش بعدت عني وانا في اعز الحاجه لها اباها توقف عندى انا لازم ارد عمر القبلي لازم ارد عمر اللي شال دانه من باله بدال ما اتقرب من بنت عمتيه ارجع للي طعنتني في ظهري وما تباني وفضلت عليه الغريب اه ياربي ...
سعيد وعليا حياتهم حلوه وحبهم خالد ودايم باذن الله وتفاهم والحوار اساس العيشه الزوجيه رغم انشغال عليا بالامتحانات وسعيد بدوام الا انهم مرتبين لهم اوقات يكلمون بعض فيها ويزورون بعض فيها ولو ثوانى ...
سالم وضحى لا جديد غير المشاعر المتبادلة من طرفين وكل واحد يتمنى الخير لثاني في نجاحه في مهنته سواءا دراسيه او مهنية ...
ذياب وروضه احترامهم لبعض ادى لتكوين حب عميق يسكن الطرفين وقلوبهم وعيونهم تناجى الحب لبعض رغم انهم ما يشوفون بعض ابدا الا نادرا ولكن الحياء والابتسامه ونظره الخجوله من روضه تكوّن اشياء كثيره في قلب ذياب مثل احترامه لها وحبه لها ولكن حبهم بصمت ذياب عيونه لا تفارق عيون روضه في جلساتهم حتى يتاكد من مشاعرها ومصداقيتها واهتمام روضه بذياب وهوايته كوّنت في قلبها حب كبير لــي ها الانسان المثقف والمحترم والذي لم يتخطى حدوده معها ومحترمنها كوّنها بنت عمه...
اليازيه ومنصور حب كبير وعلى بداية تكوين اسره ان شاء الله وتحديد زواجهم تم مع زواج سهيل وشما ....
سهيل وشما تم تحديد زواجهم مع اليازيه ومنصور ولكن حياء شما من سهيل يترك اثرا كبير في قلب سهيل والذي صمم على تقديم العرس لكي يكسر هذي الحواجز بينهما رغم حبهم الكبير لبعض ...
حصه بدات في محاولاتها لتقرب من سعيد ولكنها فشلت لانه يصدها من جميع الجوانب ويهددها باخبار اخيها عليها وهو لا يريد اذائها ولكن تهديد وياست منه وحاولت ان تكرس حياتها في دراسه وتنسى سعيد بعد ان علم الكل بانها تحبه ونظرات الاشمئزاز من كل نواحى تاتيها وبعد ان كلمتها اختها هند وريم على ان تتغير حتى لا يبعدون الناس عنها وفي تغييرها ستجد كل ما هو خير لديها ولكن حصه فضلت الانعزال عن العالم الخارجي وكرست حياتها لدراسه فقط ...
ريم ومحمد يوما بعد يوم يكبر حبهم لبعض وتفهمهم لمشاكلهم في كل بيت تحدث مشاكل ولكن الذكي من يحاول ان يتجنبها ويصلح الامور بينهم حتى لا تكبر وكما يقال المشاكل ملح الحياه ولكن مشكلة عن مشكلة تفرق ولا سيما في الحياه زوجيه من تكوين اسرار بينهم ويجب الحفاظ عليها وعدم تحدث في كل امور الحياه فهناك امور يجب ان تكتم ولا تباح وكما قيل البيوت اسرار ولكن بتفهمهم للحياه اصبحوا قادرين على تحمل المشاكل وحلها بصراحتهم ووضوحهم مع بعض وبدات اثار الحمل تخرج على وجهها وتعب يبان على وجهها رغم ان محمد يحاول جاهدا ويسعى ليراها مرتاحه وحبه الكبير لها يشفع لها كل اخطائها رغم ان اخطائها ليست كبيره انما صغيره جدا جدا ..
هند وبعد تخرجها من المعهد وتوظفت في احدى الشركات المرموقه والتى لها مكانه عاليه في البلاد اصبحت سكرتيرة المدير العام ...
موزه حبها لخالد لازال حيا في قلبها ولازالت تنتظر ان يقول لها زوجتى المستقبليه ولكن هي لا تدري ان حبها وهما او حقيقه وخوفها من ان يصبح حلمها سراب فهناك المشكلة تصبح كبيرة والطامه التى ستقع على راسها رغم ان خالد لا يعرف بحبها الكبير له فدائما تسال نفسها هذا سوال هل يا تري سياتي يوما خالد يصبح حقيقةً لها ام خيالاً؟؟!!
ميثا وعلي حياتهم مستقره ولله الحمد وحبهم الكبير واضح لصغير قبل الكبير وتعابيرهم في الوجهه واضحه ولابد من حدوث مقالب بينهم من قبل علي حين يبين لها ان هو بدى يفكر بغيرها وعندما يرى الغيره في وجهها يبتسم ويضحك ويقول لها انا لا يمكن ان تملئ وحده غيرج حياتى انتى اللى ماليه حياتى كلها يارب دوم وهى تصيح وتقول له لا تخليني ابدى اشك فيك وتخترب حياتنا ومن بعدها ابتعد عن طريق المقالب خوفا من حدوث امرا يفرق بينهم وهو لا يريد ذلك وبعد آن تراضوا وتسامحوا بدوا في تكوين حياتهم وتخطيطهم لزواج ....
.................................. فـــــــــــــــــي الشاليـــــــــــــــــــــــــه...
كانوا الكل متيمع في شاليه بو سهيل ويالسين ويسولفون ويضحكون وحد في المطبخ يطبخ الغدى وساره كانت في شاليهم بعدها ما وصلت عندهم لانها نشت متاخره كانت طول اليل تفكر بعمر اللى تغير وهي حاسه ان رد يفكر بدانه خصوصا نظراته لدانه امس الفليل يوم وصلواوكانت كل ما طالعه تشوفه يطالع دانه ولا كانها موجوده واذا حست انه حد يلاحظ تبعد عيونها عن عمر وتسوي عمرها تفكر بشي ثانى او انها ما انتبهت هي كانت تعرف ها شي وتعرف انها ما بتوصل لمكانه في قلبه بس توقعت انها بتقدر لكن خاب ظنها على فرحتها بتخرج عمر وتحقيق حلمه على انها حزينه بانها انفرضت عليه برضاه هو لكن رجع مره ثانيه لنفس الموال تنهدت تنهيده طويله واستغفرت ربها ما كانت تبا تذكر ها الموقف بس تفكيرها بعمر اجبرها تفكر به بعد ما تعدلت وتلبست ظهرت من شاليهم سايره صوب شاليه خالها وصلت وفتحت الباب وسلمت على الموجودين ويلست بهدووء في صاله على طرف وهى تشوف دانه نازله من دري سلمت عليها وردت يلست وهى ساكته خايفه انها ما تتوفق مع عمر
موزه: ساروه شفيج
ساره: ما فيني شي ميثان وين
موزه: ما فيج شي قصي على غيري فيج شي بس ما تبين تقولين ميثان في المطبخ
ساره : اها يلست وهى تلعب بالتلفون وشافت رسايل عمر من زمان ما طرش لها مسج ولادق لها اخر مره دق لها قبل ما يتخرج با اسبوع والحين مرن سبوعين من تخرج كملت ثلاث اسابيع يعنى تقريبا شهر تنهدت تنهيده طويله ...
دخلوا العيال سهيل علي عمر خالد منصور غانم محمد حياب ذياب ويلسوا في صاله عندهم محمد يلس عدال الريم وحياب ولده عنده يلاعبه ذياب يلس عدال شما اخته وحياب يالس ويا علي وعمر على نفس الكراسي يسولفون ...
حياب وعلي مندمجين في سوالف اما عمر كان يدورها بعيونه بين الناس شافها تلعب بتلفونها قام من مكانه ويا من وراها يبا يعرف شو تسوي حز في خاطره يوم شافها تقرى رسايله ومخزنه رقمه بروح دنيتي حاول يبعد عنه توتر قرب منها وهمس في اذنها: كنت ابا اسمع كلمة مبروكـــ منج قبل الكل بس خاب ظني
شهقت ساره وصدت صوبه وتلاقت عيونهم نزلت عيونها باحراج وقالت: احم الوقت مناسب عشان نتكلم جدام الكل
عمر حاول يبتسم رغم خوفه انه يظلمها وياه تنهد وهو يقول: قومي بنتمشى وبكلمج
ساره: لا ما في داعي تعب عمرك توك ياي من برى ودنيا حر
عمر: من قال لج بنيلس خاري بنيلس في الخيمه اللى ورى شاليه
ساره قامت بهدوء وهى تحاول تصنع الابتسامه مشت عداله وهو مسك ايدها وساروا لين الخيمه قعدت على الكرسي وقعد عمر عدالها ...
عمر: شفيج ساره شو اللى مغيرنج
ساره قالت في خاطرها انا مب لازم ازيد جروحه لازم اداوي جروحه وانا بعطيه مليون فرصه في سبيل انه يحبني لازم ما ابعده عنى بالعكس لازم اقربه مني اكثر واكثر ابتسمت بصدق وهى تقول: ما شي حبيبي بس اشوفك انته ها الايام تعبان ومب عايبني وانته لا دق ولا تخبر وانشغلت بدوامك وبتخرجك ونسيت حرمتك
عمر بتوتر: انا يا ساره لو تبين الصدق كنت متوتر وخوفي انى ابعد عنج مخوفتني اكثر وخايف ان يستوى شي بينا وانا يا ساره مب عارف شو الحل ولا عارف كيف اتعامل مع الموقف مرات اقول تسرعت ومرات اقول بظلمج ويايه مب عارف كيف اتصرف فانا يوم بعدت عنج كل هالفتره يالس افكر بس والله يا ساره ما جذب عليج تفكيري وانا بعيد عنج كل يروح صوب دانه وبجذيه ما بنساها لو شوه لازم نلقى حل والحل الوحيد هو..
ساره بحب وبالم: انه شو يا الغالى قول اسمعك
عمر مسك ايدها وتنهد: انه نجدم العرس قبل كل شي انا مب قادر اسيطر على تفكيري وانتى لاهيه بدراسه وانا ما ريد ازعج اربع وعشرين ساعه وتفكيري لازم ينحرف شو تبيني اسوي على الاقل تكملين الثانويه عندى اربع وعشرين ساعه بتكونين عندي وانا مابا دانه تاخذ تفكيري وهى في بالها حب ثاني وعايشه وياه قصه غراميه على حساب تعاستيه انا لازم اخلى مشاعريه تحرك صوبج انتى وصدقيني البعد ما بيزيدني الا عذاب وتفكير فيها وانا مابا ها شي رافضنه لا تحسبيني البارحه هب ملاحظ نظارتج لى يوم طالع دانه بس كنت اطالعها على اساس انى كيف بنساها وهى جدامى كيف بنساها وانا بعدت عمري عنج عشان دراسج مابا ألهيج عنها كيف بنساها وهى اللى في قلبي واللى لازم تطلع منه باي قوه لازم تطلع من قلبي لازم يا ساره والحل بيدج انتى لازم نجدم العرس
ساره مسكت ايده وقالت:وانا ما عندي ما نع حبيبي انا كم عمر عندى واحد ويسوى دنيا وما فيها محد راح يبعدك عنى ولا راح يبعد تفكيرك عنى من بعد اليوم
عمر براحه بال تنهد وابتسم ومسك ايدها: مستعده انج تضحين بكل شي في سبيل انج تنسيني اياها
ساره وهى تاشر على عيونها: مستعده ومن عيوني حبيبي كم عمر عندى و100% ان شاء الله انى متاكده
ابتسم عمر ويلس يسولف وياها ...
اما ذياب فكانت عيونه على روضه شوي ويرد يطالع الكل ويوزع ابتسامات
ضحكة دانه وقالت: بخصوص انك تبتسم للكل دعايا معجون سيقنال مثلا
ذياب بنظره: لا فديتج يا اختى العزيزه اكسب صدقه ما يقولون ابتسم في وجه اخيك صدقه
الكل ضحك عليه لانهم كشفوه هو يطالع روضه ويرد يطالع الكل عشان ما يلاحظون بس هم ملاحظين وساكتين هو اللى فضح عمره
حتى روضه اللى كانت منتبه لحركته خلت عمرها مندمجه في الكتاب اللى خذته من ذياب
ذياب طنشهم وسار عندها اونه بيشوف الكتاب: احم اقول روضه
روضه رفعت عيونها له: هلا
ذياب يبتسم: وين وصلتي
اشرت روضه على الفقره اللى كانت تقراها ابتسم وقال: يلا اتمنى انج تقضين وقت ممتع ويا الكتاب
روضه: ان شاء الله
طلع ذياب برى يتمشى وتفكيره في اللي ماخذه قلبه وعقله ما انتبه الا الم في ريله ويوم شاف ريله لقاها تنزف دم ويلس على اجرب حصاه ويوم رفع ريله شاف غرشه مغروزة في ريله لف صوب المكان اللي كان يمشي فيه وانتبه على غرشه مكسوره تنهد وهو يقول الله لا بليتنا يعني ما يرومون يشلون زبالتهم ياربي كيف استووا الخلق الحمد الله وشكر .. طلع الغرشه منها بقو وهو مغمض عيونه فتح عيونه وهو يتالم انتبه على الجرح ان عميق شوي مب وااايد طالع الشاليه مب بعيد واييييد يبالي لين ما اوصله كم دقيقه بس يلا الله يصبرني وامشي عليها لين الشاليه وضغط عليها بقو عشان يمشي بس ريله تعوره اكثر واليرح يحرقه ما كان عنده غير خيار واحد انه يربطها بسفرته وفعلا ربطها بسفرته لين وصل صوب الشاليه بس حدر من ورى عساس محد يشوفه دخل عند المطبخ التحضيري وكانت ريله تنزف دم وااايد وكندورته خاسة دم يلس على الكرسي لانه حس انه فقد دم وااايد وهو يشوف ريله كيف تنزف وزقر بصوت عالى: داااااااااااااااااااااااااااااااااااااااانه يو دااااااااااااااااااااااااااااااااااااانه
بس محد ياه افف ياربي شو هالمصيبه الحين شو اسوي انا يالله مشيت عليها
وشوي ودخلت روضه واول ما شافته شهقت: اهىئئئئئئئئئئئئئئئئئ انته شفيك ذياب
ذياب بخوف: رواااض دخيلج لا تشاااهقين ما فيني شي بس الله يخليج عطيني شي بعقم ريلي وبخبرج سالفه
قربت منه روضه وهى تقول له: قوووم سير الحمام هنيه ما ينفع
ذياب سمع كلامها وقال: اااه بس انس راسي يعورني
روضه بخوف: طبيعي بيعورك لانك فاقد دم واايد وبعدين محد في الشاليه كلهم طلعوا ما تقولي منوه بيوديك صوب الحمام
ذياب رفع عيونه وببرائه: انتي بعد من يلا وديني شو تريني امووت
شهقت روضه وقالت: وييي بسم الله عليك من هالطاري ومسكته من ايده وهو تاجى عليها ورفع ريله شوي عشان ما تضرر وصلته صوب الحمام ويلسته على الكرسي وقالت له: لا تحرك بسير اييب علبه الاسعافات وبيي ربعت صوب الكبت يابت العلبه ويت تربع عنده فجت سفرته ويلست تعقم الجرح وشهقت بخوف ودموعها في عيونها: ذياااااب ريلك ملتهبه مايبالها هذا يبالها دختر
ذياب كان يطالع الخوف اللي في عيونها عليه وابتسم وهو يقول: ههههههه انتي خوافه وانا مادري
روضه بعصبيه: ذياااب مب وقتك قوم شو ف لك حد يوديك الدختر
ذياب ببرود: منوه يعني دمي بيعبر وانتي ما سويتي شي
روضه صاحت وهى تقول: ذياب دخيلك قوم يلا انا بظهرك لين خاري بس قوم اهى اهى الله يخليييك
ذياب في خاطره هههههههههههههه فديت الخوااافين يارببي : انزين خلاص ياربي انتن يا البنات محد يسوي لكن سبب دموعكن زاهبات مرره
روضه: ذياب انته الحين قوم بعدين عاتبني على هوااك بس الحين قوم دخيلك طلبتك
تساند ذياب عليها وهو يشوف دموعها تنزل وانقهر من نفسه بس هي حساسه يعني اجباري تصيح على هالموقف وفي نص الصاله دخل عمر اخوها واول ما شاف ذياب متساند على روضه سار صوبه : ذياااب شو هذا اللي في ريلك
ذياب: مادري غرشه دخلت داخل ريلي بس مادري واييد نزفت ريلي تعبت وااايد منها واختك تهنف جنها عيوز مطلقينها من ريلها
ضحك عمر وقال بعصبيه: قوم قوم خلنى اوديك الدختر حسبي الله ونعم الوكيل فيك بعد يالس تطنز انته فقدت دم وااايد
توه ذياب بيتكلم الا طاح صرخه روضه وعمر سار صوبه وهو يحاول يشله مسك سفرته وربطها على ريل ذياب بقووو وما كان عنده اي خيار ثاني الا انه يخلي روضه تشل ذياب ويااه ودته لين سياره وركب عمر وطااار بها صوب المستشفى وهى واقفه تشوفهم يوم يبعدون عنها ودخلت شاليه وهى تشوف الدم في صاله وفي المطبخ دخلت امها والحريم وباقي البنات
امها: بسم الله الرحمن الرحيم شو مستوي عنبوه ذابحين لكم ذبيحه انتوا هنيه
روضه صاحت وهى تشوف سفره ذياب مستويه حمرا من دم وتصيح بخنقه
امها: رويض شفيج اميييه قولي
روضه بشهاق: اهى اهى ... ذيااااب اهى اهى
الحريم تروعن دانه قالت بخوف : رواض حبيبتي اهدى شوي ذياب بلاه
روضه: ماعرف اهى ريله .... ريله مادري اهى اهى
امها: منوه شله حد ودااه الدختر رمسي
روضه حاولت تعدل صوتها وراسها عورها من كثر صايح ... وتووها بترمس الا طاحت وشلنها البنات داخل الحجره ورشنها بماي ..
الحريم تمن متروعات وكل وحده دق لواحد من رياييل يشوف شو سالفه وشوه صار
ااما في الدختر اول ما وصل عمر حط ذياب على السرير اللي هم يابوه له ودخلوه الطوارئ وهو مصدوم من كندورة ذياب غادية كلها دماااان مره من فوق وتحت وخوفه على ولد عمه وربيعه روح بروح اكثر من خوفه على نفسه سار صوبهم وشاف دكتور يدخل بسرعه ودكتور ثاني يقول: جهزززوووا غرفة العمليات بسرررعه
ارتبك عمر وحس انه بيفقد ذياب بيفقد اغلى شخص في حيياته لف عمر وشاف الدكاتره وسستر ينقلونه غرفة العمليات بسرعه وعمر وراهم ما يعر ف شو السالفه واول ما وصل غرفة العمليات وشافهم دخلوا وحطوا الكمامات على ويههم ...
كان مصدوم من اللى يشوفه وخايف في نفس الوقت يلس على الكراسي وهو خايف انهم يطلعون ويقولون له انه مااات تعوذ من ابليس ويلس يدعي ربه ححس انهم طولول معنهم توهم داخلين طلع الدكتور وقال بسرعه: يحتاج نقل دم بسرعه ولا بنفقد المريض
عمر من دون وعي: انا بتبرع له فصيلة دمي نفس فصيلة ددمه...
وشلوه بسرعه وسحبووا منه كستييين ونص لان المريييض نزفففف واااااااااااايد وبعدها عطوووه عصيررر عشاان دوخه انسدح على الشبريه اللى في الغرفة بعد ما سحبوا دم منه .... وطلع فونه واول انسانه خطرت في باله يدق عليها ساره . تنهد ودق عليها
عمر ببحه: هلا حبييبي شحالج
ساره بخوف: بخير حبيبي انته شحالك بلاه حسك وينك انته
عمر تنهد: ااااه ساروتي انا محتاينج الحين
ساره بخوف: قووول عمر بلاااكــ
عمر: ذياب دخلوه العمليـــآآآت
ساره شهقة : اهــــــــــــــــــــــــــــــــــــــــــــــــ ــــــــــــــــــــــــــــئئئئئئ
عمر: لا تشااااااهقيييييين سوري حياتى انا ما خبرت حد اني شليت ذياب بس اكيد دريتوا من روضه
ساره: روضه هي هدت الله يهديها الا تصيح واخر شي اغمى عليهاااا
عمر: حياتي انتي وين يالسه
ساره: في الحجره عند رواض
عمر: ما نشت
ساره: لا حبيبي تنش تشرب ماي وترقد تقول انها مرهقه
عمر: زين حبيبي برايج انا بسير اشوفهم اذا ظهروا من العميات ولالا هيه صح حياتى قولى حق حد ايي من شباب منصور وسعيد في سيارة وحده واحد منهم يرد سيارتيه لانهم ساحبين مني دم وماروم اسوق السيارة
ساره: يعلنى افداك يا الغالى وكم كيسه سحبوا منك
عمر: كيستين ونص
تنهدت ساره وهي تقول: يا عمري يا عمر انزين حبيبي انته ارتاح وانا بخلي سعيد ومنصور اييونك
عمر بهمس: ا ن شاء الله غناتى
ساروه: يلا حبيبي بخيلك الحين
عمر: بشتاق لج واااااااااااااايد
استحت ساره وقالت: من قلبك
عمر يضحك: لا من صميم قلبي
استحت وقالت: وانا بعد
عمر ضحك: يعني مستحيل تقولين بشتاق لك
ساره :ههههههههههه يلا رواااضي نشت بيلس عندها
عمر بغيره: زين حبي حتى انا ابا حد يققعد عندى
ساره: يا الغياااار بيلس عندك يوم بتي
عمر: صدـــق
ساره: هيه يلا برايك باي بتصل بمنصور ولا سعيد ايوونك
عمر: اتصلي بخوانج شو تبينه منصور دقين له طبيييه عنج
سااره:ههههههههه انزين يلا الحين برااايك غناتى
عمر: في حفظه
سكر منها وهو مستانس على سوالفها وعلى حبها الكبير له ...
ببعد ربع ساعه ظهر ووقف خاري عند باب العمليات يتريا حد اييه وصاح فونه والمتصل كانت ساره رد: هلا حياتي
ساروه: هلا عمر شحالك
عمر: شو هأ الرسمية توني مكلمنج وتوني حبيبج الحين عمر
ساره: هيه الحمد الله على كل حال لا بس عموه تباك
ضحك عمر وقال: يا ويلي على اللي يغطي على الموضوع يكون ذرب ويا الغير
ضحكت ساره وقالت: ها عموه عمر على الخط
ام سهيل: هلا ابويه
عمر: هلا الغالية
ام سهيل: بشر عن ولد عممك
عمر تنهد: في غرفة العمليات يوم بيظهرونه بقولكم
ام سهيل: زين الغالى طمنا هب تخلينا نحاتي
عمر : ان شاء الله الغالية
امه: عيل في حفظ الله
عمر : ومن قال ان شاء الله
سكر عن امه ويلس ربع ساااعه ويلس على الكرسي ما فيه حيل عنبوه شوي سون هم الحين
وشوي وظهر دكتور وسار له عمر
الدكتور: الحمد الله نجحت العمليه بس المريض يبا رااحه لانه فقد دم واااايد يعني يمكن بعد اربع ساعات ينش اول اقل
عمر: المهم انه بخير
دكتور: الحمد الله بخير
ارتاح عمر ويلس على الكراسي وشافهم مطلعينه ومودينه الحجره وطاحت دمعه من عيونه ااااه يا ذياب لو فقدتك شو يمكن اسوي ااااه ما عرف لدنياي بلاااك ..
وبعد مروور يوم كامل الكل تيمع عند ذياب وسلم عليه وتحمد له بالسلامه ...
بعد مرور سنتين كاملات ...
الاحداث اللي استوت عمر وساره عرسوا وذياب وروضه وسالم ووضحى عرسوا سعيد وعلياو يزوي ومنصور سهيل وشما ... الوحيده اللي ما تم عرسها دانه و عبد الله بتعرفون سبب .
دانه كانت تكلمه: احبك مووووت
عبد الله: وانا اكثر
دانه: ليش خليتني ورحلت
عبد الله : غصبن عني مب بيدي
دانه: بس انا ابااااااااك ما عرف اعيييش دووونك
عبد الله: ولا انا يا روحي
دانه: لا تجذب انته رحلت وخليتني انا اتمنى قربك يا عبد الله
عبد الله صمت ثواني وقال: هذا قضاء وقدر يا دانوه حياتي لازم ترضين
نشت من رقاااادهاااا تصييييح نفس كل مره دخل ذياب وروضه وراه ولوى عليها وهو يقول: خلاااص حبيبي دانوه ادعي له ريال ميت من سنه
دانه تصيييح: لالالالاااا هو يباني وانا اباااااه هو يحبني لييييش رحل خدعني يا ذياب خدعني
ذياب غمض عيونه بقو وقال: اااااه دااانه بس لا تزييدين المواجع ياختى حرام اللي تسوينه في نفسج
دانه: احبببببه
ذياب: تحبينه لا تعذبينه في قبره ادعي ربج يرحمه ويغمد روحه الجنه
دانه: كان دووم يوعدني انه ماراح يخليني
ذياب: حبيبي لا اعتراض على حكمة الله
دانه تنهدت وحطت راسها على جتف ذياب...
لوى عليها ولف صوب روضه وهو يشوفها تعبانه من الحمل وقال بهمس : شي يعورج حبيبي
روضه: لا فديتك
ذياب يمسح على راس دانه وقال: دااانوه بتطلعين ويانا
دانه تمسح دموعها: ماااروم
ذياب: خلاااص حبيبي اللي صااار من سنه وانتى تدرين انه يحبج مات وهو راضي عنج يا الغاليه وهذا يومه وكلنا بينا هاليوم ودعي الله يسهل علينا سكرات الموتت
دانه : اااه يا ذياب من عقبه عفت العرس
ذياب: لا مب على كيفج دانه جان يا نصيبج محد بيرده
دانه: كييف وانا دووم احلم بعبد الله عمري ما رقدت الا وهو فارس الاحلام
ذياب: بس مهما كان حياتي جان ياج نصيبج محد بيرده
دانه :الله كريم
روضه: ذياب حبيبي
لف ذياب لها: ها غناتى
روضه: ابا اسير بيت هليه اليوم شو رايك نطلع دانه ويانا
دانه: لا ماروم
روضه: مب على كيفج بتسيرين وبتيلسين ويااانا
ذياب: هيه وبتشوفين ذياب ولد عمر فدييييته
دانه طالعهم وتقول في خاطرها ااااه يا عبد الله رحت وتركتني لمن عقبك يا سيد خلاني
روضه: ها يلا دندون
دانه: زين عيل يلااا بسير
نشوا ذياب ودانه وطلعوا وجان يقول ذياب لروضه: شوي شوي على عمرج
روضه: ان شاء الله
ذياب: حاولى تخلين دانه تلهى ويا البنات
روضه: الله كريم
ذياب: يلا فديتج واذا حسيتي باي شي دقي لي فونا نزين
روضه : ان شاء الله حببي
بعد ماظهروا من البيت وركبوا سيارة وصلهم ذياب لين عند الباب ونزل اول ما شاف عمر وساره يالسين على دجة الباب وعمر في حضنه ذياب ويلاعبه
نزلوا كلهم وساروا صوبهم
ذياب + وروضه + ودانه: السلام عليكم
عمر وساره: وعليكم السلام
نش عمر وااايه ذياب ووايه روضه وسلمن البنات على بعض وعمر لف لدانه وقال : شحالج بنت العم
دانه تطالع عمر وترد طالع ولده: الحمد الله ما شاء الله هذا ولدك
عمر يبتسم: هيه فديته شبيه الغاليه ويلف صوب ساره: صح حبيبي
استحت ساره وقالت: مادري حد يقول يشبهك
عمر :لا يشبهج
قربت دانه وباست راسه وقالت: فديييته يشبه عمر
فرشت الخدامه الحصير وحطت دلال القهوه وقعدوا كلهم وذياب في حضن ذياب
دانه : كم عمره
ساره: خمس شهور
عمر لف صوب ساره وقال: حبي
دانه لفت لا شعوري حست انها اشتاقت لعمر وايامه تنهدت ونزلت راسها تحت انتبه لها عمر بس طنش وقال يلمح لدانه: ساروه يلي سكنتي قلب ريلج
ساره طالعته: شو عندك
عمر: عدلى يلسج حبيبي ابا انسدح على ريلج
انسدح عمر على ريلها وفج سفره ومسك ايدها وحطه على شعره وقال: لعبي بشعري
ساره تضحك على خبال هالولد وتلعب بشعره وتسولف ويا روضه: دخلتى شهرج
روضه: هيه خلاااص احس انى بربي باجر ههههههههه من متى اقول لذياب ياليتني اربي اليوم وافتك
ذياب يلاعب ذياب: وااااايه يعني افدددااا هالضحكة عمر مررره شبيهك
عمر: يشبه امه ومسك ايد ساروه وباسها وكمل وقال ماخذ حلاات امه
ساره: عنى افداك يا الغالي
تموا يسولفون وعمر لاحظ نظرات ساره لدانه وقال بهمس : ساروني
ساروه: عيونها حبيبي
عممر: لا تطالعينها
ساره تهمس له: ما ترمس ويانا احس ان في قلبه شي
عمر: الله يصبرها
ساره تنهدت وتعلب بشعرها .. اما دانه تذكر عبد الله وكل لحظه سولفت وياااه وكل لحظه كلمته وكل اللي بينهم
قطع هالسكوت رنة فوننها وشافت رقم عبد الله ردت بلهف: عبااادي حببيي
الكل انصدم منها ..
اما الطرف الثاني اللي يكلمها ابتسم : هلااا والله شحالج
دانه: عبدالله حبيبي انته حي
الطرف لثاني : دانه لو سمحتي ركزي ويايه انا مب عبد الله
دانه منهاره :لا جذاااب انته عبدالله لا تجذب
مسك عمر الفون عنها وفره على ذياب وقال: ررررد شوف منوه
دانه انهارت وطاحت في حضن روضه
وعمر قلبه عوره وقال لساره: الله يصبرها
ساره: هيه والله
ذياب يرمس الطرف الثاني: الله يحيكم تشرفونا والله باي وقت خلاص الغالي الله يحفظك
عمر وهو يشل ذياب ولده ويحطه على ريله: من هذا
ذياب تنهد: مجتوم اخو المرحوم
دانه شهقت بالقو ذياب عصب شوي وقال: داااااانه بس عاااااد
دانه : حاولت انسااااه بس ما قدرت ماااا قدرت لانى اول مررره افقد انسااان يعني لي الكثير
حضنتها روضه وهي تهمس لها: بس حبيبي ان شاء الله انه في الجنه يتريااج
دانه صاااحت لين ما حست انها هدى بالها وارتاحت عمر يكلم ذياب: شو في خاطره
ذياب اشر بيده على ان يبا يخطب
عمر : هيه فهمت الله يوفق ان شاء الله
ذياب: تنهد: ربك كريم
دانه لفت صوب عمر وشافته يلاعب ذياب ولده ويحبه وذياب يضحك على ابوه ويحاول يمسك لحية ابوه وعمر يقول: ماااشي لاللاللا ها لحيه بابااااتكــ
ذياب: مخففنها
عمر بحب: مخففنها حق حب حياتي ساااروني
ذياب: هههههههههه حتى ساروه تعدل لها
عمر: مثل ما انا دووم اباها حلوه في عيوني انا بعد ابا دووم اكون حلو في عيونها
ساره بهمس: عنى افدااااك
عمر كل اللي سواه قرب ممنها وباسها على خدها بقو
ذياب: طاااالعووووا حوووو ما عندك حجره
عمر: والله عاااد شوق ما يشاااورني متى ما اشتاق ترانى اشتاااق
ذياب: الحمد الله انى هب فااارط شرراااتك
ضحك عمر وقال:هههههههههههههههههههههه والله حبيبي اذا مدلعتها متى بدلعها
ذياب: خلاااص صدعت راسي
روضه بتعب: اااه بطني
ذياب : بتربييين صح
روضه:اااااه لا خلص خف الويع
ذياب: بلاااه هذا عايبتنه اللعبه ما يبا يطلع ايييه اصطلب وغد ريال
عمر: اييه عاااد كله ولا سمييي تيلس تحط دوبك من دوبه
روضه: يلا تساااهيل ان شاء الله
ذياب: هاه العيوز ان شاء الله الله يسهل عليييج
روضه بنص عين :الحين انا العيوز هيه يا بويه ما بتحس بشي انته
ذياب يلوي عليها: شقايل ما حس بشي وانتى روحي كلمة اه تطلع منج تطعنى في قلبي واحس بج
عمر: ايييه مادري الحين من اللي بيتهور اااييه قليل ادب
ذياب: خخخخخخخخخ تغار
عمر : اغار لا حبيبي من منو أغار عندى ساره شيخه الحريم كلهن
ذياب: انزين ولدك شوي شوي عليه
عمر يحبه: ياخي ينني هالولد ما ينلام دامه ما خذ حلات امه لازم بيينني
ساروه استحت وقربت من عمر وشلت ذياب: هاته بسير اغير له واكله
عمر: فدييييييييييت المستحيي انااا
شلت ساره ولدها وراحت اما روضه غمضت عيونها بقووو وقالت : اااااااااااااه بموووت قوم ذيابببببب
ذياب ارتبك وعمر مايداني هالمواقف : قومي بسرعه بـــسرعه شلها عمر وذياب ودانه سندتها وعمر رد داخل عند هله يخبرهم وطاروا المستشفى واول ما وصل عمر واهله قاله ذياب: ربت روضه ويابت عمر يا بو ذياب
عمر لوى على ذيااااب وقال: بالمباررك الغالي بالمباررك
ذياب: الله يبارك فيك
وعقب يومين رخصوهم وسوا غدى على سلامتها وهى تعبت واايد ويووا اهل عبد الله ورمسوا دانه يبونها لمجتوم ودانه رافضه هالفكره كيف تسير بيت حبيب قلبها وروحها ويلست تصيييح وكيف تاخذ اخو حبيبها وتمت تصيح وعقب محاولات محمد وذياب وحياب ما اقتنعت وطلعوا عنها واول ماطلعوا وصلها مسج من رقم عبد الله (( دانه فهميني هاي وصية عبد الله قالي يا مجتوم دانه حاااافظ عليها وحبها كثر ما انا احبها واكثر لا داننه لا تحطمين وصيته تراااه موصيني عليييج المرررحوم ))
دانه اول ما قرت المرحوووم صااااحت ااااه يا عبد الله مالي الا اوووااافق عشاان ارضيك يا حبيبي بس ليش اخترت انى اواافق علىغيرك وانا اباك وابا قربك ولا ابا حد ينافسني فييييك ...
مرن شهرييين ... وليلة عرس مجتوم ودانه ... بعد ما طلعوا من القاعه في الفندق
يلس مجتوم عدال دانه اللي كانت منهاره ورافضه قربه: حبيبي بسج دموع عبد الله راح وما بيرد يا غناتى وهاي طلبته هو اللي موصيني عليييج
دانه تصيح: عمرييي ماتمنيت الا قربه وبسسس تخيل من يوم ملجنا ونحن نكلم بعض اااااه يا عبد الله كان يشكي لي واشكي له بس في غمضة عيني ياني خبره ليشش يا مجتوم لييييش انا احبببه
مجتوم حضنه بقو: بس فديتج والله انى حبيتج من كثررروا ما يطرونج هليه يادانه حبيتج من كثر ما المرحوم كان يحن على راس امايه ياخذج حبيتج من قبل لا يملج بج عبد الله وهو سبب في حبي لج كان وااايد يطريج والكل يمدحج وبعد مامات المرحوم الله يرحمه ويغمد روحه الجنه زااااد حبج في قلبي يوم كنت اشوف رسايلج له في الفون ويوم وصاني عليييج حسيييت انها امنيه وتحققت ووشفتي مرن سنتين وانا اموووت في اليوم الف مره لجل اسمع صوتج بس
دانه منصدمه: يعنــــي انته اللى كنت ادق تلفون وطرش مسجااات
مجتوم يبتسم: هيه انا
دانه: ما خفت تكون خاين اخوووك
مجتوم: اخونه وهو اللى موصيني عليييج لا حبيبتي انا احبج واموووت فيييج وما خنتج ولا خنته
دانه بعدت عنه وقالت: بس مجتوم انا مابا غير قرب عبد الله
مجتوم تضايج بس ما حب يبين ابتسم لها بالم وقال: توقعت ها شي تبين قربه وانا ابا قربج ااااه يا الدنيااااا
دانه: مجتوم انا
قاطعه مجتوم وهو يقول: مقدر والله مقدر ظروفج حبيبي
دانه يلست على الكرسي وهي تصيح تنهد مجتوم وقرب منها وقال: ليششش كل هالدموع
دانه: تدري انى ما وافقت الا علشانه
مجتوم تنهد وهو يفصخ سفرته وعقاله ويعلقهن على شماعه قرب منها وهو يقول: حبيبي اذا بتمين على ذكراااه بتتعبين
دانه: اااااه يا مجتوم محد مسوي لي ساااالفه
مجتوم: لا تقولين لي جيييه وصدقيني بكون اسعد الناس اذا بروحج قررتي تتقبليني
ابتسمت دانه بالم : تسلم
باس راسهاو هو يقول: ولووو حبيبي لجل عين تكرم مدينه
ابتسمت دانه يالمقابل تنهد مجتوم وفصخ كندورته وعلقها على شماعه وانسدح يرقد اما دانه صاحت بصمت بعد ما وقفت على الدريشه وشافت قسم عبد الله اااااه يا عبد الله الله يرحمك يا رررروووووح دااانه عسسسسسسى قبررررك روض من رياااض الجنه احببببك واهوووااك كيييف بتقبل اخوووك مااادري والله لو مب وصيتك جاااان رفضت ولجلك انا بس وااافقت والله انته محد يحتل مكانك حست بحد يحضنها من ورى انتفضت بين ايديه و هي تقول: قمت
مجتوم يهمس: اذن الفير غناتى وانتى بعدج على وقفج
انصدمت معقولة خطف الوقت بسرعه جيه لفت صوبه وتلاقت عيونها بعيونه توها تنتبه ان عيونه نفس عيون عبد الله بالضبط تاملت عيونه وقالت بهمس: مجتوم لا تعذبني اكثر من جيه
حضنها بقووو وهو يقول : انا اعذبج حد يعذب رووحه يا غناتى
دانه: اااااه عيونك نفس عيون عبد الله اهى اهى اهى اهى اهى
مجتوم حضنها وقال: كيف عيوني تشفع لي عندج دام فيني شبه من المرحووم
دانه همست : ما اضن حد يحتل مكانه
مجتوم تنهد وقال: دااانه سيري صلي الفير ابرك اخاف افقد اعصابي وانتى توج عرووس
بعد الغدى ساااروا كانوا سايرين ـالمانيا وفي طياره بعد ما ركبوا تنهد مجتوم ويلس على الكرسي ودانه عداله ... رقدت دانه من تعب ومجتوم يالس يلعب بالايباد سمع همس بسيط لف وشاف دانه قرب منها وسمعها تقول: انته وعدتني خنت الوعد اللي بينا يا عبد الله
تنهد مجتوم حتى في احلامها عبد الله ملاحقنها الله يستر يا نكمل ويااابعض يا نعيش كزوجييين وتنسى عبدالله ...
اول ما وصلوا حب يسوي فيها مقلب كان يبا يعرف اذا هي بتكن له مشاعر ولالا بس كان مخلى فكرة المقلب بعدييين يوم ايي وقتها
اول ما وصلوا رقدوا ونشوا على العصر وساروا يتحوطون وحاول مجتوم يتقرب منها قد ما يقدر ومجتوم يحس انها تقبلته عااادى ودانه تحس عمرها تنجذب له يمكن لانه على قد ماعرف الحقيقة الا انه ما يتخلى عنها
مجتوم ودانوه واااقفين عدال الشلال: اللـــــــــــــــــــــــــــه حلووووو
مجتوم: ادفرج
دانه: لالالالالا مستحـــــــــــــــــــيل ما تسويها
مجتوم: جربيني
دانه بدلع: اهون علييييكــــَ
مجتوم وهو يحضنهاا: طبعـــــــــــــآآآ لاااا يا حبي ما تهونين
دانه بحيا تنهدت وهي تقول: حلو منظر الغروووب
مجتوووم: وااااااااااايد اعشق هالمنظر
دانه: حتى عبد الله
مجتوم تنهد وقال بصوت مسموع: استغفر الله ياربي الهمني صبر .. وتم يطالع المنظر
اما دانه ندمت ان زل لسانها هي تعرف مجتوم ماله ذنب بس هي بعد شو تسوي
مجتوم طلع الكام ويلس يصور المنظر وراح بعيد عنها وقال في خاطره شكلنا ما بنعيش ويا بعض مثل اي اثنين تنهد وهو يقول : يارب زيل حب اخويه من قلبها وخلها تعطي المجال لقلبها في قربي تنهد بآآه طالعه من الخاطر لف صوب حد يحط ايده على جتفه لف وشافها دانه بحيا: انا اسفففه مجتوم ادري انى يالسه اعذبك ويايه بس انا
قاطعها مجتوم وقال: يلسي ع ذكرااااه لين ما تتعب نفسيج ـانا ما بيضرني شي من اللي بيتعب انتى هب انا وانتى اللي بيتكتئبين ترا الدنيا ما وقفت على جيييه الحي ابقى من الميتت ودانه انا ما اتحمل انج تكونين ويايه جسسسسد بدون روووح اذا تحسسييين عمرج بتمين على ذكرااااه ترانى بفج لج راسج وبردج لهلج ولا اني اتعذب وياااج ..
انصدمت دانه منه وقالت: وهذا انته اخوه ما تحملتني يوم واااحد الغريب بيتحملني
مجتوم: لانج طفرتيبي عبد الله يحب جيه عبد الله مادري شو تراااا حتى نحن ما نسيييناه واذا تضنين انّ دفناه ونسيناه لا انتى غلطانه امايه ما نسته وهو دلوعها وابويه ما نساه اخوانى ما نسوه انا مانسيته تين انتى بعدج زيدين عليييه انا خذتج لانها طلبت المرحوم ولانى احبببج بس انتى رافضه قربي قولي لي متى بترااجعييين نفسج وتعرفين ان الحي ابقى من الميت وان لازم نعيش كأي زوجين متى دااانه انتى هب ياااهل
دانه سكتت تفكر بكلامه وقالت له: صحيييح كلامك خلااص اوعدك اتغير بس انت ساعدني
مجتوم: اساااعدج حبيبي انتى ساعدي نفسج انا كل ما احاول اقرب منج تبعديني كل ما احاول انسيييج عبد الله تذكرينه قولي لي با الله عليييج شوا سوي ترا عبد الله لو عااايش ما بيعيبه هالحال اللى نحن فييييه
دانه نزلت راسها وبالم : بحاول انسااااه
مجتوم قرب منها ورفع راسها : اكيييد
دانه تحاول تبتسم :أكيييييييد
مجتوم حضنها : يالبـــــى قلبها يــأ ناااس
دانه بمستحى تبتسم رفعت راسها وقالت : لهدرجة فرحاااان
مجتوم: واكـــثر يا لين ما يصير قلبج ملك لي
دانه تتنهد وبالم: ان شاء الله
مجتوم يبتسم: يلااا نرد
دانه: يلااا
مسك ايدها وردوا الفندق ...
في الامارات ارضي الحبيبه وبالتحديد في العين ... نزل سعيد من دري وشاف عليا يالسه على الدري بري يلس عدالها وقال: حبيب قلبي شو يسوي
عليا: ماشي حبيبي يالسه اطالع العيال
سعيد : يهونون علييج
عليا: لا فديتهم محد يهون عليه عياله
سعيد: اااااه بس
عليا: شفيك سم الله عليييك
سعييييد: اشوفج تحبينهم اكثر عني
عليا:من محبتك حبيبي
سعيد يشوف عياله ورد طالع عليوه: عنىىى افدااااهم اااه فديتهم
عليا تبتسم: بلاااك تنهد
سعيد: مادري احس باحساااس الطفوله يوم كنا صغارر احسهم ماخذبن دنيا اللعب ولا يدرون عن شي
عليا: بااجر بيكبرون وبيعرفون لدنيا حبيبي
سعيد مسك ايدها وقال: فديييتهم وفدييت امهم
ظهرت ام سعيد ويلست عندهم: ها ما شاء الله اشوفكم يالسين
سعيد: نطالع عيالنا يا امااايه
ام سعيد: هب جنه عبد العزيز وعبد الرحمن يبون لهم اخت
سعيد يضحك وشاف عليوه اللي مستحيه وقال: ان شاء الله جريب امايه
ام سعيد: لا هب طالعوني وتضحكون شوفوا عبد العزيز وعبد الرحمن شقايل يلعبون ويا هند بنت سالم
سعيد: ان شاء الله امايه الله كريم
ام سعيد تضحك: هيه والحين وضحوووه حامل بجرشتها
سعيد: امايه انتى لا تنسين ان عليا يابتهم توااام وعانت في تربيتهم ويوم الله يكتب لها انها تحمل بتحمل
ام سعيد طالع وضحووه اللى توها طالعه وتقول: ا ن شاء الله ياربي
وشوي عبد العزيز ياي عند ابوه: بابا بابا
سعيد: ها حبيبي
عبد العزيز: عبد الرحمن يضارب هند
سعيد يضحك: عاددددي حبيبي يتصااافون رواااحهم يت هنوده تصيح عند وضحوه : وضحوه : ااااايه يا علييوه عيالج يستفردون في بنتي
سعيد: عادى خطيبته يتصااافون
عبد الرحمن ياي وهو يضحك وقال: باباه نتفت شعرهاااا ههههههههههههههه
سعيد: بعدي والله اسميييك ريال
عليا بعصبيه:يا ويلك يا حمنييي تضرب هنوده مررره ثاانيه عيييب
وضحى تمسح على راس بنتها: والله تعذرووون عن بنتي بعدكم ما شفتوا شي
سعيد:هزرج بنتعذر عنها لالا ما ضن نتعذر عنها نباهاااا نحن له
عبد الرحمن قال: ماماه ليش تكلم ولد اليران تقوله تعال لعب ويانا احسسسن تستاااهل البنت ما ترمس رياييل
ضحك سعيد وقال: فديته الولد يغاار عندك اياها صلبها
هند تصيييح وعبد الرحمن يقول: بززاااييه انتى
سالم ياي من وراهم : هيييه انته قوه على بنتي روحه مستقوي
يا سالم ولوى عليها وقال: فديييت حبيبة باباه خلااص يا قلبي
هند هدت شويه وقال عبد العزيز: هذا حمنييي ضربها
سالم: اللي يضرب بنتي بعصا بضربه
وضحى: خلاااااص حبيبي لا تهد عليييه
سالم: عنى افداااج يباله ضرب والله ااييه عبوود اصطلب وغد ريال
عبد العزيز يقول لهند: خلاااص هندوه انا يوم اكبر باخذج وبنسيج ضرباته
عبد الرحمن: انته مالك خص باباه شوفه شو يقول
عبد العزيز: انا ااحبهاااا وبعطيييها حلااااوه وااايد
سالم :وااايه فديت بنتي يضاااربون عليييها بنتى ما يخذها الا اللي يستاهلها
عزوز: هنوده انا احبببج لا تصيحين خلااااص
هنوده: انا بعد احبك عزوز شاطر ما يقول شي حقي
سعيد: وااافديت البرااااءه انا جان ما يضاربون عليها عيالي يوم يكبرون اقولك بو شباب البنت الثانيه ترااااا حق ولدي عزوز
عزوز: لالالااااا اناااا ابا هنوده
سعيد: اقول باباه نتفاهم يوم تكبرر
عليا:هههههههههههههههه وضحوه بتيوزينا
وضحى: جان عزوز هيه لكن عبد الرحمن ضربة قب محد قاله يضرب بنتي
عبد الرحمن سكت وطالع هنوده اللى تلعب بشعرها وقال: والله انتف شعرج هذا اللي تقول ليفه محروقه
عبد العزيز: عبووود سكت عنها خلاااص اففففف
وضحى: لا بااين يحبهااا والله ولدكم على اخر العمر بيجتل بنتنا
عبد الرحمن يقول: ما تسحتي بنتكم تقول انا بعد احبك منقووود عند العرب والناس الاشرافي
سعيد: بخبرك انته من وين يايب هالرمسه
عبد الرحمن: من يدي
عبد العزيز: انته تعرف المنقود ياهل
عبد الرحمن: سم الله عليك يا الكبير ترا حتى انته ياهل شراتي اناا وانته نفس العمر صح ماما
عليا: هيه عاااد بس صدعتوا لي رااسي حشششى
سعيد: لا بعد امايه تبا اخت لكم عز الله متنا قاصرين عمر
ام سعيد: خل عنك عاااد محد يموت قبل يومه
سعيد:هههههههههههههههههه ان شاء الله الله بيرزقنا
الكل: ان شاء الله
في المانيا في الشقه يالسين سوالف وضحك دانه كانت واقفه ترمس مجتوم وتسولف وياه: لهدرجة
مجتوم: والله حتى انا كنت وااايد اغااار منه
دانه: من اللي كان اكثر يدلع انته ولا هو
مجتوم: اممممم هو اكثر شي لانه البجر
دانه: الله يرحمه كان خير اخ لككم
مجتوم: هيه ربي يرحمه وهذي كل الاشياء اللي كنتي تبين تعرفينه عنه تبين شي
ثاني
دانه بحيا: لالا خلاااص
مجتوم: بس عيل لا طفريبي جبل صوب التلفزيوون ويطالع وماسك ريموت دانه سكتت ويلست طالعه وقالت في خاطرها انا لين متى بتم على ذكر عبد الله لين متى الريال والله ما قصر ابداااا ما قصر من خذني يارب انزع حبي من قلبه خلااص ياربي والله طفرت من هالعيييشه
مجتوم بعد ما طابت نفسه من التلفزيون نش بيطلع
دانه: وين
مجتوم :يهمج تعرفين ويين اضن انتى مالج الا عبد الله وذكرياته سبحي في ذكرياتج ويااه وطبيني عنج لنا الله مع سلاااامه
دانه تلومت منه كانت تبا تلحقه بس مجتوم سكر الباب وظهر دانه يلست تلوم عمرها انا شفيني غبيه استويت وااايد اسال عن عبد الله وتخبر عنه وانبش اشيياء جديمه افففففف مني ومن تفكيري الغبي ..
يلست على اعصابها و هي ترياااه اما مجتوم فكان يالس عند البحر وقال في خاطره الحين وقت انى انفذ خطتيه ومقلبيه علييج ياا دااانه خلااص عبد الله لازم ينمحي من بااالج لازم انا ما اتحمل يكفي ان ناار الغيره تشعل في يوفي وانتى ولا داريه صحيح انه مييت لكنه مجرد ذكراااه وحبج له يخليني اغااار من كل شي
تنهد ويلس على الحصى ويطالع البحر والمكاااان هاادي وصوت امواج البحر يتلاطم
اما عندها في شقه تحاااتيه بشكل غير طبيعي وينك يا مجتوم عدن اربع ساعات وانته مااايييت خلاااص اوعدك انسى عبد الله وينك لاتخلييني افففففف كله مني اناااا الغبيه
اتصلت بروضه وهي تصييح وقالت لها: روضه اليووم انا سويت شي مب زييين
روضه كانت تبدل لعمر ولدها: بسم الله بللااااج روعتييينييي شو سويتي
دانه: انا وقالت لها كل شي
روضه شهقت: ياااغبيه ليش كل شوي تذكرينه بعبد الله ترا ريال مهما كان ما يبا حرمته تذكر غيره يعني لو هو يحب وحده ويسوي فيييج جيه انتى شو بيكون شعورج لا وفوق هذا كله ما تبين قربه الله ينطب هالحاله ترااه بليييس راكبنج يا بنت الحلال و مافي ريال يرضي بجيه ويصبر
دانه تصبيييح/ انزين شو اسوي هو لين الحين مارد البيت
روضه: تستاااهلين والله يا دانووه ان ما صطلبتي يا خبر ذيااب علييج يخليه يادبج
دانه : انا ما دقيت لج علشان تلوميني وتههدديني بذياب
روضه: عيل حبيبتي تمي على حالج لين ما ايي يوم ويقول انا عفتج
دانه شهقت: لالا والله بممووت انا ما صدقت على الله مشاااعري تحركت شوي صوبه
روضه : ومن متى ان شاء الله حساسج تحرك صوبه
دانه تشاااهق: من اليووم الحين كمل 6 ساعاااات تخيلي
روضه: دقي له
دانه:دقيييت مغلق والجوو هنييه يرووع امطااار وومااادري شووو يخووف الجووو
روضه: حسييييتي بها الاحساس يعني شو احساسه هو وانتى تذكرين اخو جدااامه
داااانه: خلااص والله تووبه
روضه: عيل تادبي
دانه : اااه يا روضه صح انج هديتي عليه بس ادبتيني
روضه: لانج تقهرين دانه دوواااج ضرب انتى جييييه انتى كبيرره هب صغيررره حسيي شويه تراا رياييل ما يحبون البنت اللى جيهه يبون حريمهم ملك لهم من اليوم تغيرين حياتج سمعتيني
دانه: ان شاء الله يلا عيل براايج
روضه: باااااااااي
داننه: من الخاطر طالعه تبين الفكه
روضه : انتى لو عدالي والله يضربج ضرب الجلاب
دانه: والخييييبه
روضه/ عشاااان تادبين تبينه بااجر يطالع غيرررج
دانه شهقت: لا مستحيييييل هو ملك لي
روضه/ عيل غيري حياتج خليج انتى بعد ملكه هو وانسي عبد الله
دانه: خلاااص اكييد ان شاء الله اليوم ببدا وياه حياه يديده
روضه: انزين
دانه: وبخبرج شو استوي
روضه: مب كل شي بينج وبين ريلج تظهرينه
قفطت دانه حست انها ياهل ويعلمونها وقالت: ان شاء الله انا اسفه
روضه تاكد عليها: اسرارج انتى وريلج بينج وبينه ما تظهر لحد سمعتيني اي رمسه بينج وبينه ما تظهر لاي مخلوق اعتبريها حطيتيها في صندوق وقفلتي عليه وحطيتيه في مكان سررري محد يعرفه سمعتيني
دانه: صررراحه روووااض حظ ذياااب فيييج والله انج فهيييم وفطييين وكبرتي في عيني صرراحه
روضه: خلاااص الحرمه من تعرس تفهم تكبر مخها حتى لو هي صغيره في العمر ترا ما يضرها لو كبرت عقلها وفهمت دامنها ربطت عمرها تحمل بيت ومسوليه ريل وعيال
دانه: مالوم ذياب داااامنه طاايح في غرااامج
روضه/ ما عليج من ذياب انتى الحين سيري كشخي لمجتوم وغيري حياتج
دانه تتتنهد : ان شاء الله
سكرت عنها وانتبهت لساعه وشهقت الحين بتمر عليييه تسع ساعااات وهو لين الحين مااايا اهى اهى اهى اسير اتكشخ له احسن وابدا وياااه حياه يديده وصفحه يديده
يلست لين الصبح الساعه تسع وهي الا تصيييح من امس وهو ماارد وخافت دق لروضه وتهزبها تريت شوي وشوي انفتح الباب ودخل مجتوم وطااارت تحضنه : انته وييينك من امسسس خفت علييييك حراااام اللي تسووويه فيني
مجتوم انصدمت لا مب معقولة هاى دانه اللى حاضنتني ولا انا داش شقه بالغلط رفع راسها وتاكد انها دانه وحضنها بقو:حبيبي بلااج
داااانه وهى تحضنه بقوو: لا تخلييني انا من غييرك ولا شي اوعدك انساااه واعتبررررك اول حب في حياااتي
محتوم باس راسها وايدها: حياااتي خفتي علييه
دانه: بقووو بعد
مسح مجتوم دموعها وقال: تادبتي
دانه تهز رااسهااا وقالت : هيه
مجتوم: فديتهااا الحلوه رغم كل اللي تسوينه فيني الا انى اسامحج
دانه: ادري حبيبي
مجتوم: تدرين بشوووه
دانه: انكــــَ بتسامحني
مجتوم باس ايدها وقال: بـأختصــــار سامحتج لانـي احبج يا دانه
دانه استحت وقالت: والله يسعدني ويقدرني واحبكــَ
مجتوم: العمر جدامنا طويل ان شاء الله وبتحبيني
دانه : ان شاء الله
بعد مررررورر اربع سنين ... وضحوه وسالم عند هم الحين بنتين ولدين وسعيد وعليا عندهم 3 اولادوبنت ويزوي ومنصور عندهم 3 بنات وسهيل وشما عندهم 4 اولاد وموزه لين الحييين تحب خالد اللي سار يدرس في الخارج ويكمل الماستر في الهندسة وحصه خذها واحد من الشارجة مطوع وريم ومحمد كبر ولدهم حياب وما شاء الله قده في الثانوية وصار عنده 3 اخوات ..وحياب اخو ذياب عرس وخذ هند وسيف عرس وخذ بنت يرانهم منال وعنده بنتين توم ومجتوم ودانه عندهم 3 اولاد وبنت ...يالسين وميتمعين في الشاليه ضحك وسوالف
حياب ولد محمد: والله يا عمي هي اللي ما تسمع الرمسه
ذياب: خلاااص انزين سكتووا بس انتى يلسيس يا خلود
خلود: ابويه هو شعنده حاط دوبه من دوبي
ذياب: بس خلود عييييب ولد عمج هذا
خلود عصبت منه وطالعته من فوق لين تحت وقالت: ااففففف
حياب يفرها بكوب: جب لا تاافييين انتى من اليوم لين ما تخلصين ثانويه واتنى حرمتيه وخطيبتيه
خلود: تبطــــي اخذك انته قدك شيبه يا شيبه
حياب: ماشي فرق واااييييد 12 او اقل
خلود: وكل هذاااا وبعدك مب شيبه
ذياب: روضضضه جعمي بينتج
عمر: ما يحتاي ابويه انا بجعمها
ذياب: عندك اياها
على شطـــ البحر كناري الحب ميتمعييين
مجتوم حضن دانه ولف صوبها وقال: دانه
دانه تبتسم: عونـــــكــــَ لا تغـــــير لونكــَ والحســـآآآآآآآآآد كلهم يفدونكـَْ
مجتوم: عانج الرحمن يا روحي .. ما تحسين انّ خذنا راحتنا وخلينا العيال عند يدتهم
دانه: عبد الله عندهم كبير الحين هب صغير بيسدوهم
مجتوم: احبببببج
دانه: وانا بعد احبكــ
مجتوم: واخيررا قلتيييهااااااا
دانه: والله حبيتك انسان شاعري رومنسي وحبوب وصبووور ومخلص عمرك ما فكرت تطالع غيري يوم كنت انا ابا قرب عبد الله
مجتوم: كااانت صدمتج قويه يا الغلا ورااحت
دانه تبتسم وتطالع عيونه: فديييت راعي العيون العسلية اناااا
مجتوم: انا امووووووووووت فيييج يعني ما خلى يا راعية المعااني
دانه: عنى افدى قلبك يا مجتوم
مجتوم: ههههههههه يعني عايبنج اسمي
دانه: اكييييييييييييد
مجتوم: يعل ربي يدوم سعاااده علينا
دانه : امييييين
عند عمر وساره في شاليهه
عمر كان في القسم ضايق دخلت ساره ولوت عليه: حبيبي بلاااك
عمر يحط راسها على صدرها: ضااااايج يا روحيييي
ساره: من شوووه يعلها فيني ولا فييييك
عمر: لا تقولين جيه يابعد عمري سحب ايدها وباااااااسها
ساره: قولي بلااك شفيكـَ
عمر: هزــأع ربيعنا
ساره: شفيه
عمر صاااح: سووووى حااااادث
ساره شهقت: ماااات
عمر :لالا دش في غيبوبه وعنده نزيف داخلى ما قدروا يسيطرون علييييه
ساره: انته سرت له
عمر: هيه وتوني ياي مب قااادر اشوفه وعليييه الاجهزه يا ساررره هذا كان روح شله كان اغلى ربيع لي ولذياب كان من طفوله ربيعنا
ساره: الله يقومه بسلامه
عمر: اااااااه اميييين
ساره: مابت عنده
عمر: يبوون يسفرونه واليوم طياااررتهم
سارره/ من بيسير عنده
عمر : اخوه وابوه
يلست ساره تمسح دموعه باست عيونه وهي تقول: فديتك حبيبي عشاني لا تصيح دعي له يا قلبي ينش بسلامه
عمر سحب ايدها وباسها وحط راسه على صدرها وقال: الله يشفيييه
ساره تلعب بشعره: امين حبيبي
عمر يلعب بصبوعها وقال: العيال وين
ساره: ذياب وخواته خاري عد الشواب
عمـــر : هيـــــــــه الله يحفظهم
سارهـ: امييين
حياب ولد محمد يالس يطالع خلود اللي اصغر عنه 12 سنه يضحك على استهبالها قرب منها وروعهاا: بووووووووووووووووووووووو
نطت خلود ولفت صوبه وقالت: عني بلااااااك
حياب: خلودي حبيبي بلاااج
خلود: انا ما احبك
حياب: وحليلي شو سويييت فيججج
خلووود: بخبرك انته ياهل تحب ياهل حب وحده في سنك
حيااب ضحك: خلااااااااااااص اوكـــــــــــي بحب وحده غيرج بس هاتي لي قلب ثاني عشااان يحب غيرج
خلود: انت من صدقك
حياب: مب غريبه ها شي انتى كم عمرج
خلود: 12 سنه عمري
حياب :وانا كم عمري 17 سنه حسبي الفرق اللي بينا بجديه
خلود: يمكن 6 او 7 سنين
حياب: يعني مب واااايد مثل ما كنا نستهيل ويا بعض ونقول ان الفرق بينا 13 سنه او 12 سنه الفرق الحقيقي بينا 6 او 7 سنين
خلود: بس انا ما ابادلك المشاعرنفسها
حياب: بس انا احبج وانتى مع الايام بتحبيني
استحت خلوود وقالت: والله يستوي احبك
حياب: هيه يستوي انا اغايضج من حبي لج
خلود: اوكـــ ممكن اررووح
حياب يبتسم: يا بعد عمري روحي الله يحفظج ...
في شاليه
عمر يالس عندهم خاري والكل متيمع سوالف وضحك
عمر بضيج: ذياب محد دق لك
ذياب: توني داق على ياسر وقال انهم توهم واصلين وبينقلونه المستشفى
عمر: الله يشفيه
ذياب بحزن: امييين كان خير الرفيق والله
عمر: ذياب
ذياب: عونك
عمر: عندي حساس يقول ان هزاع بيروح لربه
ذياب بخوف: والله يا عمر مادري بحساسك كييف الله يرحمه برحمته
عمــــر تنهد: الله كريم سيطروا هم على النزيف الداخلي
ذياب: يقول ياسر هيه بس الحين هم خاااايفيننن من نزيف اللي في ريئته
عمر: الله كريم
بعد مرور يومين
ردواالبيت ويالسين في الحوووش عمر و ذياب والعيال يلعبون رن فون عمر وشله : هلا يااااسر
ياسر بصوت مخنوق: هلا بو ذياب
عمر انقبض قلبه وقال: بشر شو صار على هزااااع
ياسر: ماااااااااااااااااااات
عمر: شوووووووووووووو
ياسر: راح لربه وارتاح من عذااااب الدكاااتره
عمر مصدوم فر التلفون وصرخ: لاااااااااااااااااااااااهزااااااااااااااااااع ساره اللى كانت مصدومه وهي تشوف عمر يبغم نزلة من قسمها بسرعه وتخطت اللي في صاله وسارت عنده واول ما شافته عيونه حمررر وطالعه وقالت له: عمر
طالعهااا عمر وقال: راح الغالي راااح ربيع طفوله رااااااح
ذياب بعد ما بند عن الريال قال: ترااهم باجر بيردون بيصلون عليه
عمر: لا يعذبونه ويشرررحونه لالالالالالاااااااااااااااا
ذياب: بيسون اجراااءااات طبيه وبيشوفون شو لازم وبيبون هنييييه
ساره لوت عليييه: ترحم علييييه يا الغالي ترحم
عمر حضنها بقووو: اااااااه الله يرحمه ويغمد روحه الجنه
ذياب رمس الشباب وقالهم انهم يتلاقون في المطاررر...
وبعد مرور يوميين كلهم متيمعينن في المطااررر بيستقبلون الغالي ربيعهم هزاع دخل ياسر وابوهم اللى كان تعبان وراحوا نقلوه ودوه المسيد وصلوا عليه وعمر يصيح وهو يشوف جثمان ربيعه غمض عيونه وهو يتذكر كلمة هزاع : هذا انا وعدتك ازفك معرس يا الغالي والله كتب لي عمر وزفيتك انته وذياب في ليله وحده صاااح عمر وهو يتذكر ربيعه تذكر هزاع وهو يقول اول ولد لي بسميه عمر وبيبه عندك وبقولك هذا سميك يا عمر ... غمض عيونه وهو يتذكر هالموقف ويقول الله يرحمك يا الغالي ودوه عند المغاسل وحدر عليه وشاف ويييه كيف ابيض ويحس انه مليااان نوررر قرب منه وباس راسه واستسمح منه وحضنه بقو وهو يقول: لييييييييييييييييييييييييييش ياااهزااااااااااااااااااااااااااااااااااع لييييييييييييييييييييييييييش مب انته وعدتني تسمي اول ولد لك عمر وعدتني ازفك يوم العرس ويووول وياااااك وحدرك لين القاعه ليش جسمك باااارد ليش يا الغالي عسى ما تشكي باااس يا الغالي هزاااااع انته وعدتنى انك ما تزااامط شباب هزاااااع زين جيييه كم مررره قتلك يا هززززاع رووووح ان راااحة ما ترد وقتلك سيارة بزواالهاااااااا بدالها سياره بس الروووح ما تعوووووووووووووووووووووووووووووووووض يا الغالي حدر وا ياسر وذياب فججوووه بالقووه عن هزاااع وعمر يصيح وقال: صبروا شويه هاي اخره مررره اشوفه فيييه صبرووووا خلوني اشبع عيوني منه حرررررام اللى تسونه فيني خلوني اشبع منه
ياسر يمسح دموعه: قوووم يا خوي قوووم هذا يومه
عمر يتامل ويه هزاااع ويقول: ااااااه هاي اخر نظره لييييش هزااااع ان شاء الله اشوفك في دااار الخلد تقطف من ثمااارها ياررربي وحور العين ان شاء الله حرمتك ياااربي وسع قبره وثبته عند سوال ياربي ياااربي لا تعذبه في قبره ياربي انه كان خيرالاصحاااب ياربي فلا تحرمه من جنتك
قرب ذياب وهو ماسك عمر: خلااص عمر هد
عمر يطالعه ولف طالع هزاع وباااسه علىىى راسسسسه وقال: الله يرحمك وشهق بقوووو وهو يقول الله يرحمك ...
وبعد ما كفنوه عمر ما تحمل المنظر قرب منهم وهو يقول: دخيلكم صبروا شويه حرررام ابا اشوفه
ياسر : خلااص ياخوي
عمر: دخيييلكم قبل لا ينزل لقبره ابا اشوفه شوي بس ما يضركم
قرب عمر منه وقال وهو يفتح الكفن عن ويه وباااس راااسه : ااااااه يا هزااااااااااااااع اااااه الله يرحمك حضنه بقوووو والله يا هزاااع ما بنساااااك
كسر خاطر الناس لف ويه بالكفن وشله وياهم وهو دموعه اربع اربع واول ما وصل عند القبر نزل ياسر في الحفره عشان يستلم الجثه اما عمر لف صوب ثاني وقال: ما اقدر اشوفه وشههههههق بقوووو
ذياب قرب منه: عمرررر
عمر يصيح ويمسح دموعه بسفره : ما اقدر ارش على ققبره تراااب ما اقدر ما اقدر ياربي ارحمه يااارب وراااااح صوب سياره ولحقه ذياب وقال: ما بتحضر العززززاااا
شهق عمر بقووو وهو يصيح نفس اليهال: اه احضر عزا الغالى يا ذياب انا ما اتحمل احدر البيت وهو مب فيييه ما اقدر ماااااا قدررررر
ذياب: عمر دخيييييلك عشااانى استهدى بالله
عمر يصيح وهو يقول: اااه انا بترياكم عند سياره خاري مستحيييييييل اطبه بتررراب ااااه يا هززززاااع الله يرحمك يا الغالي
ذياب تنهد وقال: بسير وياااك اخاااف تسوي في عمرك شي ظهروا وقفوا عند المقبره وعقب ظهر الكل وسااروا بيت قوم بو ياسر وسوا العزااا وعمر ما وقف صياااح كل ما يدخل الميلس يذكر هزاع في كل زاوية من زوااايا هالميلس كانوا دوم يسولفون يلعبون بليستيشن او كيرم او اونو اووو وشهققق بقووو وقال وهو يوقف وبصعوبه انطقها: احسن الله عزاااكم في امااان الله وشهق بقوو
وظهر والكل يدعي ان الله يصبره اول ما وصل البيييت سيده على القسم وشاف سارره تبدل لبنتها وقال: ساره
ساره لفت طالعه وشكله تعبان
حضنها عمربقوووو وهو يصيح :راح الغالي راااح
ساره دمعت عينها: الله يرحمه يا روحي افتك من عذاااااب الدنيا
عمر قالها: يوم بيييب ولد بسميه هززاااع
ساره: انته من زمااان تبا هزاااع بس بعد ذياب يوا بنات
عمر قال: ما تخيلت في يوم من الايام بصلي على اغلى الناس ما توقعت في يوم اسير بيدي اكفنه ولا توقعت في يوم انى بوقف على قبره وبدفنه
ساره: دفنتوه حبيبي
عمر: هم دفنوه انا ما رمت اطبه بتراااب ااااه راااح عسى قبره روض من ريااض الجنه عسىىىىى ربي يثبته عند سوال
ساره تصيح: كلنا لنا هالدرب يا الغالي
عمر: اول ما شفت ضيق القبر وظلمته مارمت ادفنه قتلهم انتوا دفنوه انا مستحيل ادفنه ياربي نور قبر ه يارب وسع قبره يارب واجعل حور العين تتهااااتف عليه ويكون زوج لهن ياربي لا تحرمه جنتك ياربي والله انه كان خير الاصحااب
حضنته ساره بقو وهى تصيح وياه ... لوى عليها عمر وقال: ساره
ساره بحب: عونك لا تغير لو نكـ والحساااد كلهم يفدونك
عمــر يشااهق بقو وقال: ـــااااه لو تدري يا هزاااع من عقب فرقااااك صابتني لوعه بالقلب ودموعي على خدي سكايب والله انى من شفتك محمل(ن) على الاكتاف دموعي هلت عليييك ولا طاوعني قلبي انثر التراب على قبرك ولا طاوعتني ريولي تنزل على قبرك يا الحبيب ابتعدت عنهم وقلت والله ما انثر عليييه تراااب لكن من شفت ظلمت القبر وضيقته دعيت رب العباااد انه يوسعه علييييك ويثبتك عند سوال من عقب مفارقكــ يا هزاااااع اظلمت في عيوني دنيااا واصبحت اهذي باسمك في كل وقت ولا انى على الفراق نويت لكنه هذي حال دنيا تفرق حبيب عن حبيبه وخل عن خليله ورررجيتك يا رب الناس انك ترحمه وتنور قبر وتبدل مسكنه في دنيا بجنات الفردووس في الاخر ه يقطف منها ثمااار مالذ وطااب والحور على يمناااه تعزف وتغني له وتتهاااتف علييييه ويا الله ياربي ريجيتك بلي رجوه المصلين في الختام اقوول ربي جعله يجالس النبي في الجنهــ ..
النهاــــــــــــــــــــــــــــــــــــــــــآآآ آآآآآآآآآآآآآآآآآآآآآيهــ...
تمت بحمدلله ورعايته دمتم سالمين
|