البارت السابع
وبعد مرور اربع ساعات وصولوا ربعنا العمره وطافوا وردوا الفندق.... واتصل عمر بهله وذياب اتصل بهله
عمر: ذياب انته لين الحين متزاعل ويا اختكــ
ذياب :هيه خلها تندم شويه
عمر: بتحضر ملجتيه
ذياب وهو يطبطب على جتف عمر: ان شاء الله مالى غنى عنكــ خوي دربي
عمر: اردها لك في الافراح
ذياب: ان شاء الله
تنهد عمر وهو يقول: الحمدالله انـــــــــــي اعتمـــــــــــــــــــرت اه يا ذياب ناس يتمنون ايون لين هنيه وناس لاهيتنهم الدنـــــــــــــيا
ذياب: هيه ياخويه ناس الحين يسيرون دول الاوربية عشان البراد ويغيرون جو ما فكروا ايون هنيه تراه الله يفرح بقبول عبده
عمر: يا الله يا ذياب عنى افدى هالمكان الطاهر والله يكتب لنا ان شاء الله خاتمه حسنه
ذياب: امين يارب العالمين
سمعوا الاذان وعمر تنهد وهو يقول: سمع سمـــــــــــــــــــــع يآ ذـــــياب محلى الآذان اه فخاطريه آذن
ذياب ضحك وقال: والله صدــــــقك ان شاء الله نأذن في مسيدنا
عمر: ان شاء الله,,,,,,
وعقب قرروا يريحون شويه من تعب الطياره
في بيت قوم بو محمد
الكل مرتبش يجهز لملجة دانه والبنات مشتططات دانه كانت دق للبنات بتعزمهن
دانه دقت ليزوي: هلا يزوي
يزوي: اهلين دنوه شحالج
دانه: تمام من صوبكم
يزوي: الحمد الله بخير وسهالة الله
دانه: يزوي ورى باجر ملجتيه تعالوا عاد لا تقولون محد عزمنا
يزوي منصدمه: بس حبيبتي ملجتكم في يوم ملجة خوانى وطبعا ما نقدر سمحيلنا
دانه: من خوانج اللى بيملجون
يزوي: عليوه وعمر وما اقدر نحن روحنا مرتبشين من صالون لين صالون والله حتى الاستديوا توه عمر متصل بيحجز تصوير وحاشرين دنيا ونحن روحنا ما خلصنا اشغالنا سمحيلنا تصادفت الايام ما نقدر
دانه كانت مصدومه معقولة هنت عليه هيه لهدرجة مستعيل كنت اعرف انه ما يحبني كنت اعرف انه مايباني واااااه منك يا عموري بلاني انا الحين الريال بيملج وانا عندي عبد الله
يزوي: حووو دندون وين سرتي
دانه: هاه لا افكر كيف جيه شو هالصدف
يزوي: والله مادري دندون فديتج عمر على الخط برايج
دانه: الله يحفظج وباركي لخوانج مقدما
يزوي: اوكي ,,,, وردت على عمر:هلا عميري
عمر: عميري في عينج يا دبه سمعيني
يزوي:امر
عمر: حجزت تصوير وسعود ناشبني في الاستديو يبا يصور هو بعد
يزوي: اوكـــي واي استديوا حجزت
عمر: الوسام
يزوي:مادري والله شله ما تحجز جميرا
عمر: مادري والله مايا على بالي
يزوي: شوف عمر نحن متعاملين ويا جميرا اكثر الوسام نحن ما قد صورنا عندهم وبعدين بيني وبينكــ ماتدري يمكن مب ثقه اما جميرا ثقه صراحه
عمر: هزرج
يزوي: هيه نعم دق لهم وحجز
عمر: عيل تمام بس تعالي
يزوي: هلا
عمر: احجز البوم صغير ولا
يزوي: عمر لا تخبلبي تراها ملجه مب عرس لا حجز صغير
عمر: عيل بربكن قولن بتصور اونه صغير
يزوي: لا بنتصور فديتك بنتصور وانته راضي
عمر: انزين بحجز متوسط
يزوي:على هواكـ فديتك
عمر: يلا برايج بتصصل بجميرا
يزوي: اوكـ
اتصل عمر بجميرا وحجز تصوير له هو وسعيد .....
يــــــــــــــــــــــــــــــــــــــــــوم الملجــــــــــــــــــــــــــــــــــــــــــة
كان الكل مرتبش في بيت قوم بو سهيل الملجة في بيت قوم بو غانم بتكون وعليا وشلت اغراضها هنـاك وتكشخن وتعدلن ويزوي معتفسها روحها محد عندها يعاونها غير ميثا وموزه وبعد مب ملحقات طبعا شما مارامت تي لان ملجة اختها دانوه اليوم وهند وحصه سارن عند قوم بو محمد ...
وموزه وميثا ويزوي ابدا مب ملحقات تعبن حليلهن وايد يزوي استلمت ترتيب الصاله وتعديله موزه استملت ترتيب مكان المعاريس (ألميلس مال الحريم) وميثا استلمت اشراف البوفيهـــ وعلي وذياب وسهيل وخالد وسالم مأزرين المعاريس(عمر& ســــــعيـــــــــد)...
سالم وعلي مستلمين اشرافهم على عشا رياييل
سهيل وخالد يقربون برياييل ويصبون القهوه وذياب عند وعده لدانه ما حضر لها لا خطبه ولا ملجة وهو عند اخوه وغالـيه عمر عمر كان وايد متوتر وفوق هذا يحس انه ضايق وخايف مايدري خايف يظلم البنت وياه خلى كل شي على الله...
بعد صلاة العشآ ملجوا على بركة الله والفرحه مب شاله سعيد من الارض وده يحدر الحين عند الحريم اما عمر فكان وايد مرتبكــ ويبتسم ويحس عمره ضايع ما يدري شو اللــــــي صابهـ نش وطلع خاري ولحقه ذياب
ذياب: ها عمور بلاك
عمر: تصدق احس انى تسرعت خايف اظلم هالبنت والله
ذياب: لا ما عليكــ عمرانته تقول جيه لانك ما عشت وياها بس مجرد ما تعيش وياها بتنسى كل شي وبتشوف
عمر: الله كـــريم
وبعد نص ساعه دش سعيد على عليا الميلس وسلم عليها وقعد وياهآآآآ ..وعقب نص ساعه طلعوا ودشوا عمر وساره كانت متنرفزه شويه من برود عمر اللى حتى صدق حست انه مغصوب مب من قلبه سكتت وهو سكت وقال عمر : اسف تصوير كان فيه برود بس ساره انتى لازم تعذريني
ساره: عاذرتنك يا ولد الخال عادي من انا عشان ما اعذركـــ احم سمحلي شكلي عطلتكــ عندك اشغال مع سلامه وقفت وراحت عمر كان مصدوم منها ما توقعها حساسه لهدرجة على طول حللت الموضوع من عندها كل هذا بس لانه طالع ساعه تنهد وقال: انا يبت لعمري ويع راس جرحت البنت وفوق هذا محسسنها انها ثقيله عليها يوم انا مب قد العرس شله اعرس يعني حتى كلمة مبروك ما قلتها جنى صدق مغصوب اسميني ثور الله المستعان ما تنلام البنت جنها كانت تحبني الحين بتعافني وبتكرهنى ومابداني حتى شوفي لا اله الا الله ليت الا صدق سمعت رمستك يا سعيد واخرت شوويه لين نفسيتي ما تهدى لكن عقولة المثل خبزن خبزتيه يرفله كليه الله يعين نشيت وظهرت م الميلس شفت سعيد كيف مستانس ويرمس عليوه اختيه كيف يحبها وكيف يخاف عليها وكيف حافظ عليها مب انا خذيت بنتهم ولكن في اول الملجة احسسها بعدم اهميتها والبرود بينا حتى ما قلت لها مبروك ولا جاملتها بالتعديل اصلن انا ما طالعتها كان مخي مشوش مب مركز بلي اطالعه ليش يا سعيد مب قادر اعطى اختك شويه من الاهتمام لا حول ولا قوة الا بالله العلــــــــــي العظـــــــــيم ..
اما عند ساروه كان الوضع محرج كانت تصيييييح صايح قطع قلوب البشر كلها كانت تشاهق ليش يا عمر ليش حتى مبروك ما قلتها لى وطول قعدتك طالع ساعتك وفيك برود مب طبيعي ما عرف بلاك معقولة انته يا عمر اللى تصورتكـــ احن مخلوق شفته جيه تجازيني وتعكر مزاجــــــــي عشان شو عشان وحده باعتك و اشترت غيرك انا مقدره مشاعرك بس على الاقل طالعنى كلمنى منزل عيونك وقاعد جنك في مقابله تنتظر منهم الاذن الله يسامحك ... ورقدت وهى مب حاسه بعمرها ودموعها على خدها ..
سعيد كان يسولف ويا عليا وشاف عمر ياي صوبهم من شكل عمر حس انه ما يبشر بالخير قال: هاه عمر بلاه ويهك
عمر يحترم سعيد وايد وقال: لا والله ما شي بس اول لقاء ما عرفة كيف اتصرف ههههههههههه مره ثانيه ان شاء الله........
سعيد عقد حياته وحس ان هو واخته ما تفهموا على شي ولا قعدوا ويا بعضهم رد سعيد وقال: عمر اذا تحس انك استعيلت فج لها راسها بعده ما صار بينكم شي لا تربط عمرك وتربطها وياك واخر شي تعذبها
عمر انصدم من رمسة سعيد وقال: حووو عليا تسمعين ريلج شو يقول
عليا : سعيد بلاك الله يهديك اكيد ان اول لقاء صعب بيكون بينهم لازم يبالهم وقت وانته تدري بها شي
سعيد: لا انتوا فهمتوا غلط عمر انا احس فيك من بدت الملجة وانته هب طبيعي اعرف انه صعب عليك كان المفروض ما تطلب تشوفها وانته تعبان
عمر: والله مادري يا سعيد انتوا تلوومونى خلونى شويه لين ما أتقبلها في حياتي
سعيد: خلاص عيل على راحتك الغالي اهم شي تسون اللى يريحكم
عليا تبتسم: لا ما عليكـ اخويه ذرب فديته يلا خلنا عمر نسير تاخرنا وسعيد عايبتنه السوالف
سعيد: ما ينمل منج
ضحكة عليا وساروا عمر وعليا وصلوا البيت....
بعد مرور يومين بدت المدارس والجامعات والكليات.....
والكل كان لاهى وساره وعليا هالسنه اخر سنه ويبالهن قرصه اذن عشان يدرسن عليا بين فتره وفتر هتي بيت عمتها وتواسي ساروه اللى بعد الملجة حالتها انجلبت
عليا: بس انتى لازم تصبرين عليه
ساره: بس عليا تخيلي من يوم الملجة لين يومج هذا لا دق ولا حتى يا بيتنا ليش انا كنت احاول اغيره بس مجرد ما شفته يوم الملجة اخوج صعب يتقبل
عليا: مب هذا شوقج حاولى يا ساروه حاولى هذا عمر اللى كنتي تصيحينه
ساره مسحت دموعها ودخلت الحمام غسلت ويهها وطلعت وقالت: الله كريم يا عليا
عليا: انزين سمعي انا بسير البيت يلا تعالى وصليني ..
ساروه :يلا
تلبست شيلتها وجحلت عيونها ونزلن هي وعليوه...
تحت عند الباب وهن طالعات صوب بيت قوم عمهن ييسولفن ويضحكن وشوي يسمعن صوت اغاني...
ساروه: لا تلتفتين عليوه طنشي جنه ايدار حذالج مب سياره
عليوه: الله ينطبج انا اتروع رد بنسير من الباب الوراني
ساروه: لا بنسير وبنكمل ما عليج منهم
.........: 050#######
لفت عليوه وقالت: صدق ما تستحي
خالد: احم احم تعيشون وتاكلون غيرها
ساروه استحت وقالت: طالعي اخوج طلع مغازلجي
خالد ضحك وهو يقرب سياره صوبهم: لا والله انى عرفت انكن انتن من مشيتكن الله ينطبكن مفضوحات جنكن عسكريات شرايكن دشن الجيش
ساره وهى تخصر: ليش ان شاء الله تبانا نمشي بلغانه لا بويه هب من طبعنا لغانه طولي بعمرك
خالد: زين يلا ركبن بوصلكن
ساره: لا بنمشي
خالد ابتسم وقال: اوكي بسبقكن لين البيت
ساروه وعليا: اوكي تسابق يلا نحن بنترابع وانته بسياره
خالد ضحك وقال: يلا انزين عاد بس حاسبن وانتن ترابعن عن تتخرطف وطيحن
ساروه: اقولك سرالبيت اولى لك الغالي خلنا نحن في حال سبيلنا نوصل بهداوتنا شكاضنا نترابع جنا جلب بوليسي يلحقنا
خالد: برايكن عيل
راح خالد وصلنا غلامتين ودخلنا واول شي لفت انتباهن سيايير اللى صافات جدام الدروازه ضحكن البنات ودخلن وقفن عند دروازه يسولفن
عليا: باجر بخطف عليج وبسير المدرسه
ساروه: والله يا عليا مالي بارض اداوم
عليا: شو قلتي ؟؟
ساره تنهدت وهى تتاجي على الدروازة: اللي سمعتيه
عليا: ليش؟؟
ساره: ماقدر تعبانه راسي يعورني
عليا: بدينا من اول اسبوع غيابات
ساره: هههههههه شو نسوي بعد
عليا: حددوا عرس دانه
ساره تلعب بشيلتها: الله يهنيها
عليا: ويهنيج انتى بعد ان شاء الله
تنهدت ساره وهى تقول: وياااااج ان شاء الله
عليا: سمعي انا ما عليه منج تردين البيت وتسبحين وترقدين وتنشين الصبح وداومين
ساره: بشوف ما وعدج والله بس مادري
عليا: لا بتقومين تراني بخطف عليج
ساره:شوفي انتى قبل ما تظهرين من البيت دقي لي جان عزمت اداوم بقولج
عليا : ان شاء الله
الله على روعة قلوب المحبين
نبضاتها عن بعد تشعل حنيني
تعانقت في عالم الحب قلبين
قلبي احتواه وخافقه محتويني
عمر كان طالع من الخيمه وشافهن يرمسن ابتسم بينه وبين نفسه وقرر يسير صوبهن وساره كانت مجابله عليا يعني عاطيه الخيمه ظهرها وعليا مجابله الخيمه اشر عمر لها بمعنى اوص وعليا ضحكت ونزلت راسها تحت طالع تحاول انها تكتم ضحكتها وقالت: ما عندج قرار نهآئي الحينه
ساره تنهدت وهى تقول: حرررر هنيه حشىىى مادري عليوه اخوج ما خلى فيني عقل تدرين اني من يوم المجلة لين يومج هذا ما ارقد زين رقادي متقطع وتعبانه عليوه والله آنس عمريه مالي بارض على الدراسه ,,,
عليوه رفعت راسها وهى تشوف عمر مقرب منهم وقالت:والله حبيبتي انتى مجبورة تحملينه مب هذا عمر اللى صدعتينا فيه
ساره رفعت راسها طالع السما: الله كريم يا عليا وتنهدت تنهيده طويله وقالت عقب:آآآآآآآآآآآآآآآه بس من اخوج وعذابه
ضحك عمر وحط ايده على عيونها
ساره وهى تلمس الايدين ضحكت وقالت: عن سخافه خالد خوز ايدك
ضحك عمر وهو يحط ايده على جتفها ويلفها صوبه :الحين انا خالد
شهقة ساره وقال عمر بخوف: بسم الله بلاج
ساره قافطه: سمحلي ما توقعتكـ انته
عمر مسك ايدها وقال: اباج في رمسه شويه
سرت قشعريرة في جسمها وتنهدت وهى تقول بخوف: امر شو بغيت
عمر: اباج في رمسه وانا وانتى رواحنا
عليا راحت عنهم وقالت : بداومين غصبن عنج ..
ساره تنهدت وقالت وهى تسحب ايدها: احم بس انا تاخرت على البيت
عمر ابتسم وقال: وانتى هب يالسه عند حد غريب ريلج انا كمل وهو بتنهد ولا عافنى الخاطر يا بنت العمه من عقب
قطعت كلامه ساره: لا والله عمر مب جيه بس ماريد اعذبك اكثر من جيه
عمر وهو يرص على ايدها: انا اللى ما ريد اعذبج اكثر من جيه تعالى اباج بشغل الموتر بوصلج البيت وبكلمج في سيارة ..
شهقة ساره وقال عمر: هب تخليني اعصب كل شويه وشهقتى بلاج الله يهديج يا ساره
سكتت ساره وقالت: انزين يلا اترياك
ابتسم عمر ومسكها من ايدها وساروا صوب الموتر وشغل الاف جى وركبت وياه كانت مستانسه في داخلها بطء عمر لين ما تحركــ وقف يعدل سيديات اللى مفرره في كل مكان وفج الدرج وحطه ولف صوبها كانت متوتره وتلعب بشيلتها قطع عليها افكارها رنة تلفون ساره: هلا عليا هاه هيه سرت وياه جب يا حماره شو تبين مادري بفكر والله برد لج عقب صلاة الصبح خبر جان قررت ولالا انزين ما عليه خلاص اوكي حشرتيني سيري انتى كلمى سعيد ابرك لج هههههههههههه يلا يلا جب باي سكرت
ضحك عمر وقال : هههههههههه يا ويلي على ضربها اكيد قطعج بالكلام
ساره استحت وقالت: احم اختك عاد شو اسوي بها هههههههه
عمر ضحك وقال وهو يتعمد يبطي بالسواقه: احم انزين خلينا نتفاهم ونحط النقاط على الحروف
ساره تنهدت ونزلت راسها وتلعب بصبوعها
عمر: ساره انا بكون صريح وياج انا عمري ما تخيلت تكونين حرمتيه كنت دوم اناظرج بنظره اخو لخته وكنت اشوفج عليا مررره ما تفرقين عنها بشي بس انتى ادرى عقب اللى صار ما فكرت الا فيج بتقولين ليش بقولج مره شايف فون عليوه يصيح وكنت ابا ارد بس شفت الاسم وانصدمت مكتوب شوقك يا عمر تنهدت من صدمة حاولت اعرف من وقالت عليا انها وحده من ربيعتها ما مشت عليه جذبتها قلت مردي بعرف من وتمينا على هالايام لين ما عرفت انج انتى اذا تبين الصدق كنت شاك لان عليا عمرها ما رابعت وحده كثرج من بنات العايله وفيها طبع ما تحب تخالط البنات وايد على المشاكل اللى تي منهن وكنت ابا اعرف من حاولت اسال خالد بس ما طلعت بنتيجه بتقولين ليش سالت خالد بقول لج خفت خالد يباج ويحبج وانتى تطلعين تحبين غيره قالي ساره تنفع زوجه لك وحتى لو هى اللى كانت متصله ما فيها شي بنت خالكـ
المهم وذاكــ اليوم من كلمج في المسن يوم سعيد يخبرج انى خطبتج انا كنت اكلمج وكان نكج وايد حلو بالنسبة لي تدرين ليش لانج تحبيني وهذا اكبر فخر لي انج بتصونيني ولا يمكن تفكرين بغيري ووبعد ما عرفت انج ميته فيني وفي حبي قلت انتى اولى من البنات كلهن على الاقل بتقدرين مشاعرية وبالتالي بي يوم وبحبج لكن من بعد اللى شفته في الملجة خايف ما تتقبلين انتى وايد حساسة
ساره رغم صراحت عمر لها ما زادها الا حب وتمسك بعمر اكثر ابتسمت وقالت: ومن قالكــ انى ما بتقبل عمر انا ادري انك تمر بمرحلة صعبه وايد انا اللى المفروض اسويه اهيئ لكــ جو مريح وهادي تاخذ راحتك في تفكير عمر انته صدق محتاج وقت عشان تصدق الواقع المر اللى انحطيت فيه ومب عيب انك تحب انته حبيت لا انته اول من يصون ولا هى اخر من يخون تراها ما عرفت قدركــ يا ولد خالـــــي
عمر حس براحه كبيره تنهد وهو يقول: الله يكملج بعقلج يا الغالية احم ساروه
لتفتت له وهى مستحيه من الموقف : هلا
مسك عمر ايدها وضحك وهو يقول: والله يا ساروه اللي بقلبي محد بيحس به ما تتصورين شكثر انا فرحان انج فهمتيني فعلا انا محتاج وحده شراتج لا تعتبرينها مجامله لا والله ما طاح اقولها وانا مقتنع وعلى فكره جان ما خلى عرسي وعرس علوه رباعه
نطرت ساروه عيونها وقالت: هاه مب جنا وصلنا البيت
تنهد عمر وقال: شكلج رافضه يا الغلا
ساروه سكتت وقالت له: انا ما عندي شور ـــــــًَشــور عندكـــ وعند هليه
ابتسم عمر ورص على ايدها وهو يقول: والله انى ما جذبت يوم قلت لعليوه انج تنحطين على الجرح يبرى ...
استحت ساروه وهى تقول: احم باجر ورايه مدرسه ومتعايزه ادوام وانته باجر وراك الدوام والحين الساعه 1 وشي وانا ما رقدت وتعبانه من الايام اللى طافت
عمر : هيه قولي ابا الفكه منك يا عمر
طالعته ساروه وقالت: هذا ضنك فيني يا ولد العمه
عمر : مابا اسمع ولد العمه انا الحين ريلج مب لازم تكلميني بها الرسمية ولا بس لاني
قاطعته وهى ترص على ايده: لا والله عمر مب جيه بس عن تقول ما عندها وقت ههههه
ضحك عمر وقال: لا والله خلى عنج هالرمسه وقولي لي انتى من متى تحبيني
ساروه استحت من الخاطر وقالت: من يوم ربي كتب لي انى احبكـ
ضحك عمر وقال وهو يحط ايده على خدها ويلفها صوبه: من يوم ربي كتب لج حبي هههههههههههههههه هاه يا دبه يعني ما بتقولين لي من كم سنه
ساروه ضحكت ومسكت ايده اللى على خدها ونزلتها : احم يعني من كم سنه ام تقريبا 6 سنين
عمر اللى انصدم : في ذمج
ساروه : امممم كان عمري 13 سنه وكنت في اول اعدادي وكنت انته في صف اول ثانوي كنت احبك مادري ليش لا تسالني بس كنت اشوفك وايد حنون وايد هههههههههه احم وااايد فرفوش احسك تضحك الحزين ما تحب تشوف حد حزين ومرات اشوفك اهبل هههههه صدق لا طالعنى جيه كنت وايد تستهبل وايد تطنز كنت احسك غير عنهم كلهم مادري كنت اقول لنفسي اعجاب دخلت الثانويه واحساسي مستمر لين ما تخرجت انته من ثانويه وقلت لك مبروك على التخرج يومها حسيت انى صدق احبك بس قلت انا ياهل ما ظي انته تفكر فيني كنت اشوف الفرحه في عيونك يبت النسبه العالية وتحقق امنيتك ودش الشرطه وهذا حلمك يا عمر وعقب ما دخلت 22 سنه حسيت ان خلاص حلمك حققته يا عمر ما بقى لك شي وتتخرج برتبة ضابط
عمر اللى يسمع كل كلامها ويحس بصدق كلامها مسك ايدها وباسها: تصدقين اول مره احس انى متقبل شي فرضته على نفسي بسرعه وبقرار مفاجئ بعد
ساره: احم بعد يبالك فتره
عمر: ما انكر ها شي صح يبالي فتره بس قولي لي شدراج انى دخلت 22 سنه حافظه يوم ميلادي
ساره بمستحى وهى تعابل المسجل قالت: احم لازم مب انته عمـــر
عمر: مابا اسمع اسمي ابا اسمع كلام من قلبج
ساره: خل عنك عاد عمر واسمعني شفت الهديه
عمر: اي هديه
ساره: احم اشتريت لك هديه يوم كملت 22 سنه ومتى اشتريتها عقب ما خطبتني ويوم سرت اشتري للملجة قلت فرصه انى اشتري لك احم وعاد ماباك تقول ما صدقت على الله ههههههه
عمر تضيج وقال: شو هالرمسه ساره خلاص انا حلالج وما في داعى تقوّليني شي انا ما قلته
ساره قالت: وانته بلاك عصبت امزح
عمر: مادري عنج مستويه لي عظم في البلعوم ابدا يعنى تحسسيني انى متغصص منج
ساره بخوف: والله يا عمر انا مب عارفه اذا كنت متقبل الموضوع لكن الحين الحمد الله مرتاحه من هالقعده اللي بينا حسستني ان في تقبل للموضوع
عمر: ههههههههههههههه الله عاد على هالراحه انزين سمعيني بقولج شي
ساره: امر الغالي
عمر بنص عين يطالعها: الحين يوم طلع الكلام الحلو ما طلعت الا الغالي
ضحكت ساره بحراج وصدت صوب دريشه وشهقت عمر صد صوبها وقال بخوف :سم الله عليج شوفيج
ساره من الخوف زخت ايده وقالت: طالع صوب الزراعه
لتفت عمر يطالع وشاف بين الزرع حيوان بين شير من عيونه تصدر ليتات تروع اكيد عرفتوا هالحيوان قطوه سوده الله يغربلها دووم تروعنى خخخخخخخخخخخ وتستوي مناحه في البييت هههههههههههه حضنها عمر وقال: ثرج خوافه
ساره بخوف وهى تبعد عن حضنه: الله ينطب هالعوينات صدق انها قطوه
ضحك عمر وقال: تراها قطوه المهم خلينا منها خليها تولي المهم انتى قولي لي شو
الهديهــ اللـــــــــــي يبتيهـــــــــآ لــــــــــي
ساره وهى تضحك: لا ما بقول لك لازم انته روحك تشوفها وتحكم وتقولى اذا ذوقي عيبك ولالا وابا اسمع رايك في الهديه
ابتسم عمر وقال:خلاص عيل بنزل بيتنا وبشوف الهديه هي عند عليوه
ساره: هيه بس مادري اذا هي حطتها في قسمك ولالا
عمر: خلاص بشوفها وبرد عليج
ساره: خلاص الغالي على راحتك بنزل انا الحين
عمر: تصبحين على خير
ساره: وانته من هله
نزلت ساره من سياره وعيون عمر تراقبها لين مادخلت البيت رد سيارته ريوس وسار بيتهم وعلى طول حجرته فج حجرته ودخل ينبش في الكباته يدور شي وسار حجرة عليوه ودق الباب في هالحظه عليوه كانت ترمس سعيد سمعت دق وقالت لسعيد :لحظه شويه بو عسكور وسارت صوب الباب
عمر قال: والله متفييجه الحين ترمسين سعيد وباجر قولي مب مداومه
عليا:لاحقه حرمتك بداوم يا بويه بداوم الا انته غريبه منور جحري صغير
عمر: لا فديتج حبيت اتخبرج عن الامانه وغمز لها
عليوه ضحكت وقالت: في حجرتك
عمر: ماشي
عليوه: على شبريتك حطيته بوكس احمر سر طالعه
عمر: يلا برايج عيل
سار بسرعه صوب حجرته وسكر الباب ولتفت لشبرريه سيده لقى بوكس احمر كبير ابتسم وسار يبطله اول ما بطله فاحت ريحت الورد المجفف ودهن العود اللى معطره به البوكس تنشق ريحته عمر وهو يقول يالله محلى هالريحه هالبنت اسميها ذوق عنى ما خلى منها شاف بوكس داخل مغلف فجه وكانت ساعه يد وايد حلوه لون سيرها اسود وشاف كم عطر وبطلهن كانن اربع عطور وكل عطر احلى عن الثاني وشاف بطاقة بطلها ولقى مكتوب فيها (( ـإلــــي أغــــــلـــــى ــــــــــــنــــآسي .. احترت وش اكتب لكـــ في ــآحـــلى يوم في عمركـــ شلونـــ اقول لكـــ عمري والعمر فــاـني ما اقول غير يا عســـاني أفدـــــاكـــــ .... وهالابيــــــات إهدــــآء لكـــ يآ ـألغاـــلــي ... [... ـــؤياكــ ـأبتدى أحلى عمــر.. قربكــ نساني معنى ـالسهر...كريم في عطاكـــ مثل النهر..منزلتكـ غير عن باقي البشر..في قلبي حبكــ عايش عطول الدهر]... تدري انكـــ بها الكون كله محدن يسواكـــ عندي يا بخت من هو احتل قلبكـــ يا الغالى وتغليه ... كل عام وانته بخير وبصحه وبسلامه ... واسال الله العظيم ان يطول عمركــ يا الغالي فيما يرضيه الله ويحبه... دمت بود وحب من الله ومني ومن كل من يغليكـــ...أحبكــــ يأ آغــــــــــــلى واحن قلب بها الوجود وفي هالكون كله ....
نســـــــــــير صوب دانه من زمان عنها ... ترمس عبد الله وتسولف وياه وتضحك...
عبد الله: حياتي والله دندون تعرفين انى محظوظ تعالى نذكر اول يوم في الملجة ..
دانه: حبيبي والله حتى انا محظوظه شو تذكر انته خليت ذكرى اصلن
عبد الله: انتى سبب كنتى تصيحين ومتضيجه كل هذا لان ذياب ما حضر
دانه بقهر: تخيل لين الحين ما يكلمنى
عبد الله: دانه حبيبتي لازم ما بيتقبل ليش هو بساهل بيتقبل الموضوع اكيد يباله حتى انا متاكد ان عمر مب متقبل هالفكره
دانه: لا حبيبي عمر مالج في نفس اليوم اللى ملجنا فيه وخطب قبل مارد عليهم بالرفض
عبد الله مصدوم: معقوله
دانه: هيه
عبد الله: عيل ليش سوى هالضرابه وهالحشره ليش؟؟؟
دانه: بس جيه شوفوني يا ناس اقدر اوقف في ويه اللى ما يعيبني
عبد الله: تحبينه
ارتبكت دانه وقالت: هاه
عبد الله: صارحيني ما فيها شي
دانه: تبا الصدق هيه وحتى هو كان يحبني بس استوى موقف هو اللى دمر كل شي وبعدنا عن بعض
عبد الله تنهد وقال: احم والحين
دانه: شو الحين احم يعني انته شاك بغلاتك
عبد الله: ههههه بتقنعيني بها سرعه حبتيني انتى نسيتي شو قايله لي عندى ولد عم يكفى ويوفي
دانه: ما انكر ها شي وما انكر انى احبه بس احاول انساه واحبك
عبد الله: عيل هالكلام اللي يطلع منج شوه حبيبي ومادري شو مب من قلبج
دانه: لا اله الا الله عبد الله شكلك تدور على سبب
عبد الله: دانه انا ما ادور على سبب انا ابا كلام صادق من قلبج مابا مشاعر زايفه ما تقولين لي شو تحسين يوم انا اقول لج كلام حلو وظاهر من قلبي
دانه: اكيد بفرح
عبد الله: وانا بطقاق صح يعنى انا طز فيني الكلام اللى تقولينه مب ظاهر من قلبج من ورى قلبج صح
دانه: لا حبيبي والله
قاطعها عبد الله وهو يقول: لا تقولين حبيبي الا يوم تتاكدين من مشاعرج صوبي دانه لو انتى قايله لى من الاول جان قدرت مشاعرج صوبي لكن تفاجئني انج لين الحين تحبينه وتبينه وماخذتيني عشان تنسينه كان من قبل قبلتى فيه يوم خطبناج رباعه
دانه خنقتها العبره: عبد الله شو اللي ياب موضوعه الحين نحن مالقينا نسولف الا عن عمر
عبد الله معصب : دانه انا الحين معصب وبسكر عنج ويوم تحسين انى حبيبج صدق رقمي عندج ودقي لي لكن ما انخدع فيج وفي مشاعر ج مع سلامه سكر الخط
دانه صاحت وهى تقول ليش يا عبد الله ليش مب انته قلت لى تحبني صبر عليه معقولة عمر مستانس مع ساره لا لا عمر يحبنيه ومستحيل يتقبلها هيه اكيد خلني اطرش لعبود مسج فديته والله ما يدري انى سرعه تعلقت به اه يا عبووود الله يصبرني على زعلكـ
طرشت له مسج وطلعت خاري عند هلها وهى تمسح دموعها...
عند عبد الله كان يالس على البحر ويسولف ويا ربيعه
ظافر: وشله عصبت انته اساساً
عبد الله : والله مادري يا ظافر ما تحملت انها لين الحين تكن مشاعر له
ظافر مسك حصاه وقال: افلعك فيها قولي افلعك فيها ترا هي بنت بعد مشاعرها هب بإيدها مثل ما ذاك شاف نصيبه حتى هي شافت نصيبها بي يوم هي بتحبك وهو بيحب حرمته
عبد الله تنهد وقطع الجو مسج فون عبد الله فج المسج وقراه [**... يا اللي دخلت القلب من غير علمي ...المفروض تستأذن قبل تدخل القلب ...**]...
ضحك عبد الله وقال: بتقص عليه بمسج ما عليه يا دوين انا بأدبج يا النهزه
ظافر كان يلعب بالحصاه فرها على عبد الله: تستاهل عورتكــ ضربه تستاهل عشان تحس بقلب البنت يوم ينكسر يا الغبي هي طرشت لك مسج معناتها تباك ولا تبا تزعلك لو تبا عمر هذا اللى تقول عنه ما بتوافق عليك هذا اولا وثانيا الفرصه كانت عندها كانت ممكن تقول ولد عمى واولى من الغريب لكن هذا اكبر دليل انها ما تباه وتباك انته اللى شافت حبك لها في عيونك وانته بغبائك بتزرع في قلبها كره وحقد عليك انته وبعدين لا تي وتلومها وتقولها تغيرتي ترا ما ينفع الندم بعدين انزين وانته كيفكــ
عبد الله سكت وتنهد وهو يقول في خاطره صدقه والله بس ما عليه بعد بتريا يوم يومين على الاقل ..
ظافر شافه سرحان وقال خله يراجع حساباته افضل له ويلس يفر الحصى في البحر
اما عند عمر كان طاير ومستانس من الهديه اللي يابتها ساره وقال في خاطره وينها من زمان عنى طول السنين جدامي ولا حسيت بقيمتها يلا الله يقدرني واردها لها في افراحها فديتها ياربي يعنى ماذوق حزنها بنت العمه سار عند عليوه ولتفت لساعه اللى معلقه على اليدار وشافها 3 ونص دخل وشاف عليوه راقده سحب فونها اللى كان على التعبيه وخذ رقم ساره ورد الفون على التعبيه وظهر وسار حجرته انسدح ع شبرية وهو يتامل الهديه وريحة العطر والورد المجفف من صندوق مسك فونه وطرش لها مسج وهو يبتسم ابتسامة رضا على اول خطوه سواها سكر الصندوق ونش وفج الكبت وحطه في رف اللى فوق وسكر الكبت وحدر الحمام وتسبح وظهر وهو لابس فانيله ووزار وسار صوب البلكونه بطلها ويلس على الكرسي ولف يشوف فلة قوم عمه وشاف قسم محمد مشتغل ليته ضحك عمر وقال اكيد محمد عافس الدنيا فوق تحت يدور شي لف صوب بيت قوم عمته وشافه مظلم وقال وهو يضحك ما شاء الله عيال عمومتيه كلهم رقود والله لو ادق عليهم القاهم سهرانيين بس بندين ليتاتهم اونه منعا للاسراف وااايد مقتصدين هههههههههههه ضحك يوم شاف سالم واقف على البلكونه
عمر بصراخ: اونكم رقود
سالم بخوف: بسم الله روعتنيه ما ياني رقاد شو تباني اسوي ارقص قمت توضيت وصليت ركعتين وقريت قران وظهرت خاري اشوف القمر
عمر: ياويلي على الرومنسيين ما قدر انا ااقول يا الحبيب ساره راقده
سالم: هيه يت ورقدت سيده هب حولها اداوم باجر
عمر: بداوم عنى ما خلى منها بداوم وبجوفها
سالم :بتخبرك تروم توطي حسك ترا حس الليل يسري
عمر وهو يسوي حركة مالت: مالت عليك اونك عنتر زمانك ظاهر تسهر ويا القمر
سالم:مالت عليه وعليك غصون الجنه ان شاء الله سر رقد ابرك لك
عمر: لا هب راقد بتريا الاذان
سالم: زين والله
وشوي رفع صوت الحق اللـــــــــــــــــــــــــــــــــــــــــــــــ ـه اكـــــــــــــــــــــــــــبر ...اللــــــــــــــــــــــــــــــــــــــــــــ ـــــــه أكـــــــــــــــــــــــــــــــــــــبر
رددوا مع المؤذن وسار عمر توضا وشل كندورته اللى معلقه على شماعه وتلبسها وظهر من الحجره وهو يعقم كندورته لاقف ابوه واخوه سلم على ابوه وحب راسه وسلم على سهيل ونزلوا صوب المسيد ولاقفوا سالم وسعيد وغانم وابوهم ومحمد وذياب وسارووا المسيد وعقب دقايق لحقوهم خالد وعلي .............
الساعه 6 ونص نشت ساروه من رقاد تعبانه ومتكسره وشافت فونها فيه مسج فجته اول ما شافت الرساله من ((... ـروح ـدنيــــتي...))
كاتب فيها ((مشكوره فديتج على هالهديه الحلوه ما كنت اعرف انج ذويقه خخخخخخخخخخ بصراحه انا من اليوم ورايح بخليج تتشرين لي كل شي ههههههههههههه محد قالج تعطيني ويه ولو تبين الصدق واشكرج من اليوم لين باجر ما توفي بالفرحه اللى فرحتيني بها يوم شفت الهديه ولو تبين الصدق اكثر احس انى ما عرف كيف اشكرج ولا اعرف كيف اعبر عن شعوري اللى داخل وادري ان هالرساله ما بتوصلج احساسي لكن اتمنى وصلج جزء بسيط من شكري لج لين ما أبين لج شكري بطريقتيه ))...
استانست ساروهـ وايد من هالمسج وطرشت له مسج... وقامت تجهز للمدرسه عقب فـــرحتها بالمسج طار التعــــب ....
عــــــــــنـد عمر كان راد من ـألمسيد ويلس يتريق وشاف عليوه نازله من دري ابتسم وهو يقول: صبــــــــــــــــــــــــــــــــــــــاح الخـــير يا عليا
عليوه: شو طاري عمور ناش من وقت ويقول صباح الخير هههه صباح النور والسرور ولا تزعل بس ليش فرحان
عمر: ان شاء الله دوم فرحان هبي مسكثره عليه الفرح
عليوه وهى تحط شنطتها على طاولة: لا والله يا الغالي
صبت كوب جاهي وقال عمر: ها من بيوديج
عليوه: الدريول حد غيره
عمـــر: من بيسير وياج
عليوه وهى طالعه بنص عين وتشرب الجاهي: والله حرمك المصون بتسير ويايه
عمر ضحكــ ـوقــال: يلا انزين دوام موفق ويوم دراسي ممتع هههههههه ان ما رقدت ساره في صف ما يطلع اسمي عمر
عليوه: ليـــــش ؟؟
عمـــر: البارحه يالس وياها لــين 2 وشي وانتى روحج سهرانه
عليوه: تصدق اني مسكره من سعود 3 الا ربع
عمر: ما حسيتي بي يوم دخلت
عليوه: لا والله ليش شو كنت تبا
عمر: خذيت رقم سارونه من عندج
عليوه ضحكت وقالت وهى تحط الكوب على طاولة: حيهم والله بدوا يتأقلمون
عمر ضحك وسار صوب الدري وقال: هههههه ما خذه مقلب في نفسج سيري مدرسج ابرك ..
وصل حجرته وفج كندورته وانسدح على شبريه وشل فونه بيضبط منبه وشاف رساله وقراها(( ـألعفـــو ـألغالي هــذا واجبيه ويكفي انها عيبتكـــ وهذا شي يفرحني وكلمة شكرا منكــ تعني لى الكثـــير ...)) ...ابتسم وهو يقرى ردها ما شاء الله لبقه في ردودها ومحترمه ربي يحفظها لي ان شاء الله ... نخلي عمور في حاله ونسير صوب ساره
عقب ما تلبست وتريقت يلست اتريا عليوه وهى ميته من نعاس انسدحت على الكرسي وخطف سالم وشافها راقده :اوووه هاي راقده الله لا بليتنا قومي حووووه سوير مب منج من عمر اللى مسهرنج ساروه قومي 7 وربع
ساره :خيبه انزين شدرانى غفيت عاد لا يكلف الله نفسا الا وسعها
سالم: قومي انزين وصحصحي لين ما تسيرين المدرسه نشت وغسلت ويهها ويلست تشرب جاهى وخلاف طلعت برى ويلست على الدجه عاد الصبح والجو حلو وصوت العصافير هذا جو رقاااد مب دراسه خلصت الكوب وصبت لها واحد غيره عشان تصحصح وشافت سيارة قوم خالها ضحكة وهى تقول تو ناس والله شلت شنطتها وحطت غشوتها على طرف الشنطه وماسكه الكوب بيدها الثانيه وبطلت الباب وقالت: السلام عليهم
الكل: وعليكم السلام...
ساروه: وضيحي زخــي الكوب لين ما اركب
مسكت وضاح الكوب وهى تقول: جان يبتي دله
ساروه حطت الشنطه وقالت: تبين لحظه
عليوه: حوو تعالى انتى هب سايرين كشته سايرين المدرسة تعالى
ساروه من بعيد: جب انتى لا تلكميني روحي بايته سهرانه وانس مخى مسكر هو لازم نداوم يعنى اليوم لا اله الا الله
عليوه:خيبه تحرطمت العيوز الله يعين عمر عليها
ضحكت روضه وقالت: يلا انقفضن عنى بلاكن جانكن بتاخرنا على طابور
يت ساروه وهى ماسكه الدله: جب انتن صدعه مسكي وضاح خيبه نسيت ايب لج كوب عويذ الله من شركن حشرتني
وضاح: ركبي بشرب من كوبج
ساروه:زين بعد توفر ين درب لين المطبخ ركبت وهى تشرب الجاهى وقالت حق عليوه: متى راقده انتى اشوفج مصحصحه
عليوه: 3 الا ربع
ساروه خلصت جاهى وعطت الكوب وضوح: ما شاء الله وفيج حيل وانا راقده 2 وشي وانس عمريه تعبانه
عليوه: قولي ما شاء الله
ساروه: قلت والله ... اقولك مجيد بعدين رجع دله بيتنا عن تاكلني سونيتا
عليوه ضحكت وقالت روضه: افا يا بنت العمه احيدج كريم
ساروه: والله فديتج ما تغلى عليج الا دلة هب راس ريال طولي بعمرج شليها يا غير مالي خص لو حتشرت عليج سونيتا تراها من تفج لغبها ما تسكره
عليوه: صدق والله عنلاتهن يستقون الهرمات من اين يشتغلن
ساروهـ: هيه عيل عنبوه البارحه زين سالم ما صنها طراق على ويها
وضاح تفدته في خاطرها وكملت ساره وقالت : الحماره يايبه دلة الجاهى والقهوه ومب مسكرتنهن زين ويوم حطت الصينيه انجبت الدلة القهوه على ريل سالم واحتشر عليها وهزبها ابويه وحتى امايه هزبتها وسالم راح الدختر وعطوه مرهم ورد وتخيلي شو سوى
وضاح بلقافه: شوو؟؟
ساره ضحكت وكملت : عقب ما فرك ريله بالمرهم شافها خاطفه تنظف الحوش فرها بالمرهم وقال في خاطري احطها تحت سياره منقهر من ريله مخلتنه في البيت يالس مره ما يحترج
روضه: فديته تعور وايد
ساره : لا الحين بخير يمشي ويرد بس البارحه تعبته حتى ما رقد لين الحين توه بيسير يرقد
وضاح منقهره من رويض شله تفداه وقالت عليوه: حليلك يا سالم ولا انحرق
ساره: ولا وزيدج من شعر بيت طولي بعمرج توه يقول لمايه ان ما كنسلتوها حرام يدعمها بسياره
وصلن المدرسه ونزلن وقالت وضحوه: والله ما تسوى عليه خلاص يطبها
ساره: والله انه حاقد عليها بسبة انه ما رقد البارحه من الحرق انتن لو تشوفنه شقايل يشبر صاله تشبير جنه ريال ويتريا خبر عن ولادة حرمته
وضحى استحت وروضه قالت: عنى هبلاه ياربي فديته انا ان شاء الله اليوم بتغدى في بيتكم وبتحمد له بسلامه ضحكن البنات وهبطن المدرسه وضوح منقهره تطبخ عمرها طباخ...
عند عبد الله في شركة عند اخوانه ويالس يرمس ابوه في الفون: ان شاء الله سفيرنا ان شاء الله الغالي باسم منوه ابويه ما فيني على صدعه قول لطحنون حرام انه بلا شغله ما حس الا بقلم على راسه ابويه شوفه فرنيه بقلم ههههههههه ياهل الله يسامحك انا ياهل انزين ما عليه بخبر مجتوم هوالوحيد الفاضي لالا خلاص والله بسير اخلص الاوراق لا الحين بسير والله يلا الغالي برايكـــ...
سكر فونه ولاحظ رسأيله يايتنه بطلها وقرى المسج(ـــتظلمني يا الحنون وانته قلبي والعيون اسمع العذر وبعدها قول اني اخون)....
طنش المسج وسار صوب سيارته شغلها وسار صوب ربيع ابوه ييب الاوراق...
في المدرسة بعد الحصه الثالثه فسحه والبنات يالسات عند دري ويسولفن وضوح سرحانه بسالم قطع افكارها روضه وهى تقول: اللي ماخذ عقلج يتهنى به
وضوح بقهر: انتى سكتي
روضه: افا والله اني كنت اغايضج بس ادريبج هايمه به وهو هايم بج
وضوح طالعتها بطرف عينها وقالت: يارج الله يا رويض لو تسكتين احسن
روضه: يا الله يا ختيه حشى محد يروم يرمسج خلاص انزين كله ولا زعلج
وضوح: فكيني من صدعه الحين هب متفيجه لج بسير الصف
روضه: عنى بلاج يا دبه جاني يايه اراضيج بس هين انا اراويج
طالعتها وضوح وقالت: انتى شله تفدينه اخوج حبيبج ريلج ليش تفدينه
روضه: بس اغايضج والله اغايضج يعنى انتى مصدقه لو انا احبه هو ما يحبني يحبج انتي
وضوح: روضه لازم تسيرين اليوم بيتهم
روضه: هيه لازم ابا اتحمد له بسلامه وانتى بعد سيري ويايه
وضوح: من دون ما تقولين بسير اصلن هذا بو غنيم الغالي
روضه بطرف عينها: احم والله
قطع عليها الكلام ضربة وضوح وهى تقول: هلا هـــــــلآ بنات العمه والله
ساره:هههههههه محد الا انا
روضه بطرف عينها: وذيج وراج بنت العمه الثانيه
حصه كانت توها واصله هى وربيعاتها ووقالت عليوه: احم بنات دق الجرس يلا زوايا المدرسه كلها تنادينا خخخخخخخخ
ضحكت روضه وسارهـ ووضوح نشت عنهن وسسارت صوب صفها اما عليوه وساره ووروضوه قعدن يكملن سوالف عند الدري وقررن يتمشن في المدرسه وسارن يحوطن في ساحه من ورى عشان الاداريات ما يشوفنهن بس لوطن من ورى وردن رقن الدري وسارن فوق عند صفوفهن عليوه وسوير نفس الصف ورويض ووضوح نفس الصف ...
عند دانه كانت يالسه في صاله ومتاففه من حالتها عبد الله لا يرد عليها لا بمسجات ولا حتى بتلفون تنهدت وشافت ذياب توه نازل من دري وتذكرت كلامه ان عطاج نص اللى عطاج اياه عمر لج اللي تبينه صدقت يا ذياب والله صدقت قربت منه ويلست عداله وهى تقول: احم ذياب
لف عليها ذياب وقال: خير اللهم جلعه خير
دانه خنقتها العبره: انتوا ليش كلكم تعاملوني جيه لا انته راضي ترضى عليه ولا عبد الله راضي يتقبل وجود عمر في حياتي بعد ما عرف كل شي زعل وقالي يوم اعرف قيمته ادق له ومنطنشني وانته شال بنفسك عليه ليش لــــــــــــــــــــــــــــيش عنبوه محد فيكم فكر فيني ترانى احس لي مشاعر واحاسيس
ذياب حط كوب الجاهى على طاولة ولوى عليها وهو يقول: بس فديتج بس عرفتي قدر عمر الحين
صاحت دانه وهى تقول : والله عبود طيب بس زعلان منى ليش ما قلت ان لين الحين احب عمر
ذياب: على فكره انتى ما تحبينه انتى يالسه تقصين على عمرج انتى عمرج ما حبيتي عمر انتى لو تحبينه ما عملتيه بها طريقة لو انتى صدق هاوتنه ما بترفضينه بتوافقين عليه سيده بس انتى ما تبينه وتبين عبد الله..
دانه: الحين كيف اراضي عبد الله
ذياب: والله يا ختي هذا اختيارج وشوفي لج طريقه تراضيه نحن لا يلسنا وياه ولا نعرفه ذيج المعرفة اللى تخلي الواحد يقولج حل تبين الصدق انا ما بفيدج بشي سيري طرشي له مسج كلميه قولى له ان عمر كان حب مراهقين وبس جان تقبل تقـــبل ما تقبل يرقع راسه في ايدار وانتى هب تيلسين ذاله عمرج عليه كل شوي مطرشه له مسج ودقين له فون طبيه خليه يعرف قيمتج يا الخبله وانا بسير الدوام...
بعد ما راح ذياب عنها تنهدت وهى تقول اللي يبينا عيت النفس تبغيه واللي نبيه عيا البخت لا يجيبه...
✅ انتهى
|