ياصاحبي ماهيب قصة كتابه=وأكتب قصيدي فيك وألقاك موجود
القصه أكبر من حزين وعذابه=لا صرت ناوي صد وشلون بتعود
مليت من طول الجفاء وإكتسابه=وأنته تزف الهم وتخرب المود
مرتاب في بعدك قليل المهابه=لو كان لي عزوه ونخوه وبارود
مدري حبيس الحزن وشلون يآبه=لو كان سجنه ظلم وأحزانه إقيود
سجنتني ياشوق والحب غابه=بستان مايفنى وله غيم ورعود
لو تذكر إني جيت مغرم صبابه=ماكان تجزي صادق الود بصدود
جيتك وجاك العمر فأول شبابه=وماجيتني بجروحك إلا من الجود
وأنا أنتمي للحب وأسكن رحابه=وإن خنت خنت الكذب ودروبه السود
عشقت زينك صح وأتبع سرابه=ورسمت لك وجهن به الحب مفقود
إن كان في حسنك يموت التشابه=لنك فريد النوع ياسيد الخود
وإن كان من طبعك تزيد الصلابه=لنك غريب أطباع يالين العود
تغيب وتغيب السماء والسحابه=وأنا الظماء في يابس الريق مولود
وتغيب ويموت بسؤالي إجابه=متى صباح الوصل لعيوني يعود