منتديات قصايد ليل - عرض مشاركة واحدة - قصائد سمو الشيخ حمدان بن محمد - فزاع

08-14-2011

رسالة خاصة

ياصاحبي يلي لك العز نوماس = ان كان عندك علم محرجك اطره
الشعر ماهو حبر في جوف قرطاس = ولابحر تقدر تلاعب بشطره
الشعر بيت يهزلك كل هوجاس= وانا البحر وانت من البحر قطرة
الانسان مشكلته ان ماله احساس = الناس بتفكيره تصير خطرة
خطرة وهو يصبح خطر في اعيون الناس= لذلك الانسان يحتاج فطرة
تحاول توازن أموره بمقياس =ولايعامل من يعامل ببطرة
اللطف كأنك ورد عانقه نسناس =واحسن كأنك عود فواح عطره
ولاتفتخر بالجاه او قوة البأس = واحفظ من التاريخ حكمه وسطره
البيت لو قطره يشيد على اساس =مع مرور الوقت يختل قطره
خلد فعل وادعس على هامة اليأس= العزمهما طال بيروح وطره

الدراهم
تحبني والا تحب الدراهم = اختارلك واحدة عشان مااضيع
علاقة ماتنبنى بالتفاهم=حتى تحت نور القمر يمكن تميع
ترى اهل الحب الحقيقي تراهم = مشجعين احساسهم دون تشجيع
صغيرهم يدري بقيمة غلاهم=لايمكن تحصله معروض للبيع
مزروع في قلب غلاك وعساهم =فدوى لبستانك وحصد المزاريع
مداك مايشبه في عيني مداهم =ياضبي يالي مرتعك في المرابيع
اذا زماني مانصفني واذا هم= يبغوني انثر دموع التواديع
للحين بعده ماوصل مستواهم = المستوى شقر الحرار المطاليع
صغار وعيوني لايمكن تراهم = ماهي تشوف الا النجوم الملاميع
البحر وألا الموت أنا كلاهم =أغرقهم وأحدفهم اليابس الريع
الا اذا شفتك معاهم =مساهم كأنك تقطع قلب مغليك تقطيع
لك محتوى يطغى على محتواهم = ويزيدني شوق ومحبة وتلويع
انت القمر والشمس والا حداهم =انت الورود اليانعة والينابيع
أهل الحروب تجر لاجلك هداهم= واهل الطرب تعزفلك اللحن تنويع
والاثقياء موحدين دعاهم =يحفظك ربي من عيون المقاليع
فرع وعلم هالبنات ايش بلاهم = احبابك الموتى ياسيد المفاريع
في ارضهم جنة نجم في سماهم =اذاعة اهل الحسن وصوفك تديع
من غير ماتطلع تراك احلاهم= واذا طلعت تصدع الناس تصديع
لكن لاتبعد بفكرك معاهم =لا الوصل يشرى ولاالشوق للبيع
لو كل حاجة ينشرى بالدرهم = كان اشتريت العمر قدام مايضيع

ضايق يسولف
يسوقني لمداعب الشعر سايق=والى تساعدني عليه القريحة
والشعر للتاريخ مثل الوثائق=والكاتمة على العلوم الصحيحة
ماهي بتتعبني صعوب الطرايق =اجيد ترتيب الحروف الفصيحة
لو كل بيت يهزني في دقائق =جرحت شعار الضنون القبيحة
لاكن أروقها اذا كنت رايق = واستقطب الى نادرات ومليحه
والي ماعنده كتف للحمل طايق = يصبر على جور السنين الشحيحة
يزرع امل بين الضلوع الدقايق =واهل الامل قلوبهم مستريحة
لو بينه وبين الطموحات عائق= يحاول بجهد العزيمة يزيحه
لقيتلي ضايق يسولف لضايق = وأعطاه من بين النصايح نصيحة
لاطاح قدرك من عيون الخلائق=لاتحسب انه ياأبيض الوجه طيحة
ماهي فضيحة وانتبه للحقائق= طيحتك من عينك هي الي فضيحة

لاتغرك ضحكتي
لاتغرك ضحكتي والا اسلوبي = أعرف اعزاز النفوس من الرديئة
كم وفولي ناس وكم ناس أغذروبي = وكم كسبت بطيب نية سوء نية
ناس من كثر المخادع ماتتوبي =وناس بيضان وصدقتها ندية
وناس أغلتني وناس أغلت جيوبي = وناس تطالع ولاكنها عمية
كل هذا والجروح تزيد صوبي =والمجامل والتملق والخطية
مايغير ضحكة الوجه الرحوبي =مد يمنى دوم ماهي موسمية
ودي أني أعطي المحتاج توبي = وأعطي ولاانتظر رد العطية
مجمع العالم ولا اقول اسمعوابي = نفسي من اطراء خلق الله غنية
في بعض الاشياء أتقدم وأنوبي = عن بني ادم وجميع بنيه
سجدة تغفر بها كل الذنوبي= خير من عيش الحياة القاحلية
ويامسولف بي على الطرق الكاذبوي= عاقب الله من ظلم نفس بريئة
وصحيب الخير يامثبت طنوبي= النصيحة روح الايمان القوية
الصحيح ان العيوب الي تشوبي = قولها في الوجه والنية مطية
بارك الله في من اهداني عيوبي =واشكره جدا على هاذي الهدية

عنق الزجاجة
ينجلي ليلا وأنا حبيت داجه =في صباحا هز غصن الياسمين
لاانتشى صبح الغلى وأرخى حجاجه=ينمحى هما على صدر الحزيني
ولاياليل الهجر مثقل مزاجه=يجعل مثله مايعود ولايجيني
والنصيب الي تعذرني رواجه = هوسبب فرقاك ياحلم السنيني
يامعودني بحبك واندماجه = في عروقي في ضلوعي وسط عيني
والكريم يصير دله بانحراجه = وانت حطمت الاماني من يديني
في امان الله والدرب ازدواجه = مفرق الدروب بقت له خطوتيني
يمكن احنا عقب هذا مانتواجه =خل راحاتك توادع راحتني
كثر ماواجهت قلبي واحتجاجه = كثر ماقدمت روحي في يميني
كثر ماقتلت السعادة في ابتهاجه = طعنتيني وطعنيتيني وطعنيتيني
ليين ما اخرجته مع عنق الزجاجة = والتعب يكتب نزيفه في جبيني
مابقى لك في عذاب القلب حاجة= خليني للريح واطلق ساعديني
والعذاب الي بنى بكفك سياجه= هو سبايب ماحصل بينك وبيني
انت متعدي الي حد السذاجه= تخطي وترجع وترجع تنتخيني
دام صار الحب في عينك سماجه= شوف درب لاخديته مايجيني
انت متعاوج وداتك العواجه= لين ضاعت من يديك احلى سنيني

لاتلعن الفقر
لاتلعن الفقر يالشاعر ولاتشره = رسول الامة فقير ومنهجه سامي
لوكل واحد حزين تحده العبره= لقيتني ابكي ضنوني على أوهامي
لكن أصبر على الشوق وعلى امره = واحد عنه حبيبي لو انا ضامى
اسابق اليوم من فجره ليعصره =واحلف والله ماتسبقني أيامي
أستثمر أخطاء هذا اليوم لبكره = عشان ماتتعب من احلامي اقدامي
والحب جمره على جمره على جمره =والبعد عن من تحب الميسم الحامي
والزين ماهو بزين الخد والبشره = الزين زين الخلق والعاتق السامي
مداعبات القصيد المرنة الخطرة= تنشط الدم بي وتزيد بالهامي
قد قال شيخ الشيوخ الي سبق عصره = يامرحبا يامعنى خط الاقلامي

لاجمع ولاطرح
تفرقنا السنين ونجتمع والجرح نفس الجرح = على درب الفراق دموعنا تسبق خطاوينا
شرحت ضروفنا للوقت لكن مافهم للشرح=صبرنا والصبر جمره ورى الاضلاع كاوينا
ترى وجه المتيم لو تبسم لاتحسبه فرح=أمانيه تهاوى من عيونه مثل أمانينا
بنى من ذكرياته في محيط العاطفة كم صرح = لكن هاج المحيط ومالقى له ساحل ومينا
ياناس العيد ماله لون ولاله طعم ولاله فرح =واذا قلتوا ويش الاسباب قلت الله يعافينا
نلوم الوقت والقصة ماتبغى جمع ولاطرح =لان العيب من ربي خلقنا ساكنا فينا

تناهيت المحبة

ياأخر طموحاتي ويادروة حنيني = تلبسي على فالك وأنا بفالي اموت
اموت في اللبس الخفي المبيني = والشعر لامنه تناثر على الكوت
الصورة الي بين خدك وبيني = تقول يالسكر تعال اللمس التوت
وفي عيونك الى تحتها شامتيني = خيل العرب في معركة عين جالوت
كل شيئ يتمنى يشاركك فيني = الارض والاشجار والبحر والحوت
يامبرئك يامظلمك ياضنيني = ماضاعلك ضايع ولا فاتلك فوت
اكسر رجال ان شاف حسنك يليني = والبنت في جنبك تتحول لطاغوت
خدني معك بلاك انا مايبيني = ياشعر ابو راشد وياسحر هاروت
هاذي امنياتك يامبعثر سنيني = الود ودي لو نجتمع لو بتابوت
ودي احطك ياحبيبي في عيني = واسكر عيوني عليك انت واموت
وادخل معك قبر الغرام الحزيني = واسمع تناهيت المحبة بلا صوت

ذيب عوى
البارحة غنيت انا بأنشودة وعبرت في حدودي وجيت حدوده
عزالله ان الدار هاذي داري وعز الله ان النود نفحة نوده
اسلوبها فكري وهي فكرية يعرفه النقاد من منقوده
طريقها على الجهات الاربعة الي في وجهي ماهي بمسدوده
اذا قرائها الشاعر المتمكن تناسب احساسه وتدخل موده
من كل بستان اتنقى وردة وبستاني الشعري ياكثر وروده
والارض يمكن ثمرها بتنبت وهي الاراضي كلها مسموده
بغيت تبرحي بتطلع برحي بغيت اخلاص وثمر عنقوده
عشب ضوي في ضلع المعنى وجزايلي مثل الغلى مرموده
اسبح بحور الشعر واحد واحد معاي طاقة ماهي بمحدوده
تلمع بروق افكاري الشعرية وخيالي الجامح تدن رعوده
بين المراكز الاولة لي مركز أنالها في الليلة المشهودة
أكسر التيمات لو هي ريخة وانت ولا تكسر وهي مشدودة
لاني مضمر الشعر عندي خبرة مفحم الحايل مع المفرودة
وهاذي القصيدة لو بتطلع بكرة أما على شاهين او سلهوده
ادخل براس المال واعرف ربحي قدام ما يدخل علي مردوده
يوم أصهلت خير المعاني قالت سلام لك يامحمد النابودة
الي غيابك عن حضورك يكفي وذكرك دعاديع النسيم تقوده
اطلع معي فوق السحاب نسولف كلمات من مثلي تجي معدودة
يعدها الواي كلمة كلمة ومابه كلمة ماهي بمقصوده
كل ذوي نعمة بنعمه يحسد وانا زعيم العالم المحسوده
عسى فعولي في عيون أمثالك مقبولة ومشكورة ومحموده
الى هنا والوقت يجري يجري معدود وايام البشر معدودة
ذكرت عاد وقلت سبحان الله ويش صار في عاد وفي ثموده
الكبر يهدم والتواضع يبني والوصل يحي والهجر ويش فوده
مضيع الثروة محب الثروة كأنه يدور حاجة مفقودة
ولا خدى منها البخيل الممسك رغم عقاراته وكثر نقوده
الى ما يأخد عمره من ايام والا بتاخد من جسده الدوده
الي كفوفه جايده من خيره تجود العرب من جوده
والي جيوبه من كفوفه تشكي دايم كفوفه وهي مبهوده
من كثر ماكفه تجي من مده ينام وكفوف السعد ممدوده
ماقاله الله في الكتاب المنزل ماينكره انجيله وتلموده
ومانقصنا من لامرءٍ متصدقٍ قل للزهيد ونفسه المزهوده
عزمه على الضلع الكبير يرزه مابين اسباعه وبين فهوده
ولو تربط الاجسام بالافعال لقيت افكار العرب معقوده
العقل منهج مختلف بذاته عن منهج الواقع وكل بنوده
قد يكبر في عينك كبير في حجمه او يصغر في عينك صغير بعوده
وفي قصة النمرود من وحي الله الي تمادى في كبر معبوده
من الباعوض ارسل عليه باعوضة ادلت النمرود بين جنوده
ومن قال مايقدر يكوده عليه وقته قولولي الباعوض كيف يكوده
اكبر مافي عين الفقير الدرهم الي رضى بحظوظه المقروده
واصغر مافي عين الغني الحاجة لو انها كبر الجبل مشؤده
أرائهم وافكارهم مختلفة كل حسب تفكيره ومجهوده
والانسان يولد طفل ماله حيله مولود وايامه معه مولوده
يصارع ايام الزمان البايد واليوم الى راح ماله عوده
يهز بزنوده ركون الدنيا عايش على ذكرى فعول جدوده
وهو عن جدوده مقصر فعله لو طلع بوجه الزمان زنوده
من راح من عمره ثلات ارباعه قاعد يفكر بالقبر ولحوده
واذا جلس تصعب عليه القومه وان قام كفه بالعصا مسنودة
الموت واقع والمقدر واقع والناس لو طال العمر موعوده
والعالمي نظرته حول العالم ماهي في جو البلد وحدوده
مقدام من خلى الرجال خلافه وينقاد الي خلي الرجال تقوده
قدام لبو الخطوة الخوافة ولبوه قلب مايحس عضوده
كم رجل باروده حمي من دونه واخر حياته يدبحه باروده
والناس عن شوف الصحيح الجارح مصددة وعيونها مرموده
وعسى عيوني في حقائق غيري ماهي بمرموده ولا مصدوده
هي هكذا الدنيا وذي لعبتها في ايامها واحداثها المعيوده
تحدنا وتردنا ياساتر على المسدد لايبيح سدوده
ضلع الشموخ متعب الرقايا نزوله اهون وايد من صعوده
استقرء المستقبل بامعان في حاضر بلا اله موجوده
ولو ان هالدنيا مافيها ناقص ماكان راعي الزود شفنا زوده
هذا شعور الشاعر الى غنى بعيد عن عين الغضى وخدوده
ذيب عوى من فوق ضلعٍ عالي صداه يصل في الجبل ببروده
وعسى عواه الي عوى من ضيقه يصل سموع محمد النابوده

بياض التجربة
أحب هاجوس الشعر من كل نوع = والنادرة تصبح بي وامسي بها
والهامة الى ماتعرف الا الخضوع= كم في ميادين الشرف ترتيبها
مع كبار السن يأتيني خشوع=وأشعر براحة ما أحد يدري بها
كم شايب ماهو من الدنيا جزوع = متمرس فيها وفي أساليبها
لحيته فيها شيب لكنه قنوع = شوفوا بياض التجربة في شيبها
ويأعياد ميلاد البدر ليت الشموع = الي البشر في أعيادها تضحي بها
ماتنور لرجلا من الدنيا خنوع = ماتنور الا للرجال وطيبها
واذا الطلوع أصعب على نفوس التبوع =يامشرق احلامي وياتغريبها
أنا النزول أصعب علي من الطلوع= ميزة بعض الاحيان ماودي بها
وقف هنا لحظات خليها سبوع = في الصدر غنوة ودي اغني بها
والي سواتي غنوته جروح ودموع = بكيه ولكن مستحي يبكي بها
واذا الخطأ قدام ياطيب الرجوع = مالت على نفس ما تستر عيبها
واذا الوقوف يصير من بعده وقوع = الجلسة الي بينهم ياطيبها
ما يدبحك من داخلك الا الطبوع = الى تمارسها ولا توصي بها
اطلب رضى الله دام قلبك روع = واثني الصلاة الى تبي تصلي بها
وضع الجسود يشابه وضع الركوع = استحضر الدعوى قبل تدعي بها
يارب سبحانك عساي من الجموع = الي على النار يحرم تعذيبها
القلب في العشر الاواخر جاك طوع = ويقول سبحانك ياعالم غيبها