منتديات قصايد ليل - عرض مشاركة واحدة - قصائد الشاعر محمد جارالله السهلي /الصوتيه الكتابية

08-03-2011

باص عيون
للتحميل

اضغط كليك يمين وأختار (حفظ الهدف باسم)

إيـه يـا جــارالله .. الـوضـع متكـهـربوالسبـب : سحايـب الصـيـف بسمـانـا
هلـت الـمـا والتـمـس سـلـك المـحـوّلوابتلـشـنـا .. بـيــن كهـربـنـا ومـانــا !
ميـر قـرّب يـا سـمـي ابــوي واسـمـعيوم ما الله من صفات اسمك .. عطانا
انتـبـه يــا أبــوك واستـوعـب كـلامـيوحلـلّـه .. والـبـيـر مـسـتـور بغـطـانـا
بيتـنـا مـلـك !! ومــن الـدولـة عـطـيـةمثـلـنـا مــثــل .. خـويـانــا وصـدقـانــا
دخلـنـا المـحـدود وفــر لــك مـسـاحـهوالمسـاحـه مـاهــي بـمـثـل حـددانــا !
اصـغـر مــن أحلامـنـا قـبـل لا نـــدريويــش موقـعـنـا وشـهــو مسـتـوانـا ؟
انظلـمـنـا ظــلــم مـزعـلـنـا .. ولــكــنماعرفـنـا وش زعلـنـا مـــن رضـانــا
واجتمـعـنـا كـلـنـا فـــي بـيــت ضــيّــقبــاركــه ربــــي بـفـضـلـه واحـتـوانــا
اكتفـيـنـا فـيــه عـــن روحـــه وجــيّــهوهو عـن طـوال المشاويـر .. اكتفانـا
اتــحــدنــا فـــيـــه وأثــثــنــا غـــرفـــهوكـل غـرفـه منـسـدح فيـهـا .. حـدانـا
وان تمـلـلـنـا مــــن الـقـعــده نـســيّــربالـوصـل فالـجـار قـــد ذعـــذع نـبـانـا
مـــــره فــرديّـــه ومــــــره عـايـلــيّــهوالــخــدم بالـثـانـيـه دايــــم مـعــانــا !
مـــن فـضــل ربـــي رواتـبـنــا قــويــهنعطـي الـلـي مــا بـعـد عـمـره عطـانـا
مـا نعـرف مـن المشـاكـل كلـهـا الا :ويـش ناكـل فـي غدانـا وفــي عشـانـا
لـيـن جـانـا .. جــارٍ امـحــق وابتلـيـنـافــيـــه يـــــوم الله قــردنـــا وابـتــلانــا
أول ايـامــه تمـشـكـل مــــع قـصـيــرهوالتـفـت فيـنـا مــن الـضـيـق ونـخـانـا
وقـال ابـوك العـود قومـوا يـا عيـالـيواحـتـمـيـنــا كـلـمــتــه والله حــمــانــا
ويـوم ربــي سلّـمـه مــن شــر جــارهوالـعـبــت فــيــه الـنـوايــا وانـتــوانــا
ارســل عيـالـه ونـطـوا ســـور بـيـتـكوالـبـلا دايــم مــن عـيــال قـصـرانـا !
يعـرفـون البـيـت مـــن كـــل الـزوايــاوعـنـدهــم عــلــم بـعـشـانـا وبـغـدانــا
علـمـوه وجــاك تـــال الـلـيـل ســـاريوقــبــل لا نـشـكـيـه لـلـعـالـم شـكـانــا
وسبـعـة اشـهـر وانّــا ويــاه بقـضـايـاوالله بـعـدلـه خــــذا مــنّــه .. قـضـانــا
ويــــوم عــوّدنــا ورمّـمــنــا غـرفــنــامن بعضنا مدري ويش اللـي خذانـا ؟
انشغـلـنـا فـــي الـديـكـورات الـجـديـدهوشـدّت الشـدّة مـن انّـا وجـتْ ..آنــا !
كــــل ٍ مــــن الـجـيــد وده بـالـتـوّســعواثــر سـبــة ضيـقـنـا ضـيـعـة جـدانــا
انقـسـمـنـا عــــدة فــــروع ومـشـيـنــالــيــن ورتــنــا خـطـاويـنـا .. خـطـانــا
انصحك يا ابوك وانت انصح اخوانـكطـيـبـنـا لا يـذبـحــه خـنـجــر ردانــــا !
بيتـنـا ... مساحـتـه مــا هـيـب عـيـبـهعيـبـه الـمـوقـع ولاهـــوب يخـفـانـا :
مـن شمالـه مقـبـرة والـمـوت حتـمـيأمــا جيـنـا الـمـوت ولاّ الـمـوت جـانـا
وشـرقـه التـاريـخ وكـبــار الاسـامــيقـــوم تعـرفـنـا وتـعــرف وش ورانـــا
فـي المسـاحـه اكـبـر وعـددهـم اكـثـروالـطـريـق الـدايــري عـنـهـم حــدانــا
ومن جنوب وغرب فالارض الوسيعهعنـدنـا.. آأخـيـر مــا ســـوّو ..آبـانــا !
ماتـوا وصــاورا بعـدهـا نـفـط ٍ اســودوذكـرونـا .. يـــوم ربـــي مـــا نـسـانـا
هـذا هـو ( بيتـك ) يـا جــارالله محـمـدوعلّـم ( مقـاوْلـه ) لا يـزعـل تـرانـا :
كــان مــا شـيّــده باسـمـنـت ٍ مـسـلّـحمالـنـا إلا نـسـكـن فـبـيـت قـصـرانـا !!