ماعاد تفرق لو تطول الـ مسافه
دامك جرحت وغبت بـ إرضاك عفني

تدري وش اللي من جروحك بخافه :
أحد ٍ جفيته من سببك وصدفني

ضحكت له وأقصى الضلوع إرتجافه
.واستغرب أضحك له كذا / ماعرفني !

تغيّرت كل الملامح !! حسافه
لعب في وجهي دمع حزن ٍ نزفني

ياليتني -وهالـ ليت- فيها كلافة
ماكنت لحن ٍ للـ مواجع عزفني

ياليتني -وهالـ ليت- فيها صلافة
أعميت عينك قبل لاقول شفني

ياليتني -وهالـ ليت- فيها سخافة
.كنت النصيب اللي لـ حظّك صرفني

وش عاد باقي من جروحك وأخافه
.دام ابتسم لـ وجيه محدٍ عرفني !؟

ووش عاد يعني لو تطول المسافة
...دامك رغبت البعد بطلبك ْ : عفني !

الشاعرة مي اللافي