07-11-2016
|
#20
|
قصيدة الشهره
الشهره اللي وراها الناس منجرفه
ماهوب اكبر طموحي مصافح ايديها
مانيب جاهل بها انكانها حرفه
اعرف مداخيلهاواعرف خوافيها
اعرفك يادربها واقول ماعرفه
وان مر طاري لها صديت طاريها
الشعر لولا عيون الجادل الترفه
والله لانسى القصايد مع قوافيها
ضيقات صدري كثيره مالها صرفه
من كثرها ماعرفت شلون ابحكيها
اشياء منها تبات النفس منقرفه
ياكثر ماحطمت نفسي وامانيها
القدس راحت إناظرها من الشرفه
وابن اليهودي يدوج في ضواحيها
وحنا العرب ساكتين اسكات معترفه
نشوف بالعين ارض القدس وش فيها
والدمعه اللي من المسكين منذرفه
ماحركت شي بالظالم معانيها
الجوع .. والبرد .. ومسكن يشبه الغرفه
تقتل احلام الفقاره .. قبل تحييها
والناس صارت بجرح الناس محترفه
يارب سترك من الدنيا وبلاويها
والحب تطعن بصدقه .. بنت منحرفه
من كثر ماكذبت .. تنسى اساميها
وبعض السوالف تغثك مابها طرفه
تدبل كبود تدور من يسليها
مثل البشر بعضهم ماودك تعرفه
زود على ضيقتك وجهه يطريها
|
|
|
|
|