شهقة سلامه وهي تحضنه بقو وطوقته بيديها: ما توقعت ان في يوم من الأيام بخاف افقدگ
حضنها وهو يطبطب على ظهرها: اشوف غلاتي عندكم .
ضحكت وسط دموعها وبين شهقتها قالت: قدرگ غالي والله يابو شهاب..
ابتسم واختفت ابتسامته من سمع عمه يرد على تلفون وهو يقول: مربا بالمعاريسس .،بخير ونعمه ولله الحمد انتوا شحالكم ربكم بخير ، تستاهلون الخير والله ، شو أجواء سويسرا كيف!! لا والله ! زين زين تتهنون عيل يوم الأجواء ممطره في الريف انتوا ! هيه والله حلو وشي جميل الصراحه هيه ادريبها بنتي تحب الاكواخ والحياه الريفيه زين الغالي سلم على لطيفه ربي يحفظك وسكروا الخط
لاحظت اليازي انفعال حمد كيف كور ايديه دلاله على الغضب ومب عاججبنه هالزواج بكبره سمعت سلامه اللي تقول لها: وربي لاخذ حق حمد منها بس صبري شوي !
يزوي طنشتها وقامت وقعدت عدال حمد وحضنته وقالت بتوتر: اشتقت لك
حمد بضيق وقهر: وانا بموت من بعادها وهي عادي عندها سايره تستانس وانا اللي احبها واموت فيها مخلتني لكن ماكون حمد ان ما خليته يفر طلاقها بيده من دون محد يتدخل..
دب الرعب في قلب اليازية وابتعدت عنه بخوف وهي تشوف الغصب والقهر في عيونه وشافت عروق يده كيف بارزات من العصبيه والقهر قامت بضيق وابتعدت عنهم .
:
اما في بيت بو مايد عهود كانت رافضه هالزواج ولكن أمها جبرته عليها بما انها مطلقه وأجبرتها تتزوج وتتشوف نصيبها ، اما العنود فكانت في حاله يرثى لها بعد ما طلعت ويا حبيبها المزعوم بغيث الذي رمى بها في شباكه تحت ما يسمى بمصيدة الحب ! أي حب ينشأ بين اثنين لاتربطهم أي علاقه شرعيه ولاتربطهم محبه ولا عقدا ولا ميثاقاً غليظاً ، الحب الطاهر والعفيف والشريف يبدا من باب البيت طالباً يدا الفتاه ومن ثم تزويجها حينها ينشأ الحب من الله حيث قال الله تعالى: " وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓاْ إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِى ذَٰلِكَ لأيٰـت لِّقَوْمٍۢ يَتَفَكَّرُونَ". اي علاقه خارجة عن اطار ما احله الله فاعلم بانها فانيه وزائله ومؤقته ونتائجها وخيمه وغير مرضيه ، وثم ماذا بعد ذلك ندم ، خذلان ، شعور سيء وغير مريح ، الإحساس بالضيق والنكد والضنگ ، لماذا نسلك الحرام رغم ان الحلال متوفر وميسور ونحافظ على النسل والنفس البشريه ،، التقرب من الله يجلب لك السعادة والخير والمحبه والرحمه والحفظ من الحرام ومن الشيطان واهمها الالتزام بالصلاه ومراقبة الله في جميع الأحوال ،، ولكن في الحقيقه على علم الناس وادراكهم بانه طريق غير شرعي وحرام ونهايته معروفه الا انهم ما زالوا يسلكونه بداعي الحب واختيار شريگ الحياه بالحب، عفواً. عندما اختار شريك الحياه تحت مسمى الحب الكتروني او التعارف مثل ما نسمع عنه هل بعد الزواج سيبقى الحب هل ستزيد الثقه عندما يتصل احد الطرفين بالاخر ويراه مشغولاً وعدم الرد او التاخر في الرد كل ذلك سيولد شعور واحد الا وهو الشگ لذلگ ما بني على باطل فهو باطل ،، الحب أساسه الثقه ولكي نبني بيتا قوامه واساسه الثقه لابد من اختيار من تخاف الله حتى تزرع القيم والمبادئ الإسلامية في الجيل القادم فانهم قادمون على عصورا وازمنة مختلفه تماماً عن ازمنتنا الحالية ،، نحن مع الحب لا ضده والحب مشرع ولكن بالطرق الصحيحه والتي تبدا بأول خطوه وهي المصداقيه اما ان ابني مشاعر وهميه في قلبي بداعي الحب والقصد منها التزييف حتى يتسنى لهم الحصول على مايريدون والوقوع فيها مصيبة ، والمصيبه العظمى عندما تتساوم على عرضها وشرفها ان كانت هناك صورا ويتم استخدامها كوسيلة للإكراه أي حب هذا ؟ يقود لمصير مجهولًا وفي بعض الأحيان عندما نقوم بنصح من نحب من مخاطر هذه الدروب ونهايتها معروفه الا اننا نصبح كارهينهم ونغار منهم ولا نحب لهم الخير لأننا لم نفعل مثلهم وبعد ذلك عندما يتبين لهم الخيط الأبيض من الخيط الأسود لجاؤا الينا بداعي المساعده غريب امركم أيها الناس في البدايه عندما نقدم النصح لا تحبون سماعنا واننا غير مرغوب فينا وفي الأخير تلجأون الينا بطلب المساعده وغيررره…. كلمه اخيره مادامكم لا تحبون الناصحين فلا تلموهم غداً…
:
في سويسرا ..
:
بعد ما انهى مكالمته مع عمه لف على لطيفه اللي كانت طالعه من المطبخ لابسه بلوزه شتويه سكريه وبنطلون ليقنز اسود وسلبس ورافعه شعرها ومنزله خصل من على طرف وماسكه كوب الكوفي وتدفي فيه ايديها ولفت على البوابه زجاجيه وطلعت منها ووقفت في البلكونه وهي تشوف السحب وكثافتها ونزولها على الجبال والغيم والخضار يالله جنتهم في الدنيا حست بوجوده وراها طنشته وهي من داخل أصلا تتراقص فرحه انه لين الحين يدور رضاها ولكنها تبين عكس ذلك البرود واللامبالاه حست به يطوق خصرها وقال بسرعه: والله ما تحلفين حرام عليج خلاص عاد اللي قاعده تسوينه فيني تعذيب مب تاديب باس رقبتها وشاف الجمود في ويهها بعد عنها بضيق ووقف عدالها وبتنهيده قال: عمي يسلم عليج ولف عليها .
هزت راسها وهي تشرب من الكوفي وقالت بهدوء: الله يسلمه فديته .
تجاهلت انظاره اللي تتبعها وتتمعن فيها قال بقهر: حرام عليج والله ان الملائكة قاعده تلعنج من سرنا من الامارات لين وصلنا سويسرا .
ببرود جاوبته ومن دون ما تناظره : ماعليه راضيه باللعن،، المهم اسلم على نفسي ماخذني من بيت اهليه صاحيه ومافيني شي ،، خذتني عشان تيب لي تشوهات في جسمي وتكسرني وتسبب لي اعاقه لفت عليه وقالت: طالع ابدي كيف مجبسه( مجبره) بالله عليك حلوه جي لا اقدر اسوي لي شي ولا قادره انفع عمري فيها الله عطاني ايدتين وحضرتك كيرت لي وحده ..
هزاع بلوم وضيق: وربي العالي في سماه ما تحكمت في عمري
لطوف بجديه وحزم وهي تلف له : لا تحكم في اعصابك لوسمحت مب مستعده افني شبابي في مستشفيات ومكسره ،، اسمع مني خل عندك ثقه في نفسك لطيفه ما تلتفت لحد وتذكر انك ماخذ وعد على نفسك عند ابويه ونايف لا تكسرهم فيني للمره الالف مثل ماسووا غيرك وكسروني وراحت عنه وهي تزفر بضيق .
اما هو فتنهد بضيق وقهر وضرب حد البلكونه بيده وبعدين يعني الله … واستغفر ربه ومسح على ويهه ودخل وشافها تاكل حبوبها تردد يروح لها ولا اخر شي قرر الانسحاب وطله ورقع الباب وراه …
:
نزل يمشي بين الارياف تحت الاطلالات السويسرية الجميله والرائعه وطبيعتها الخلابه ومدخل ايديه بجيوب بنطلونه شو كنت متوقع منها انها تستقبلني بالاحضان وتسامحني افففف والله يا لطيفه تمنيت امسگ نفسي وحاولت امسك اعصابي لكني ماقدرت والله ماقدرت انتي مب اي وحده انتي ترغبين كل شخص يلتفت لج عصبا عنج مب ذنبج ؛ الذنب ذنب الجمال اللي شالتنه جمالج مب عادي جمالج فاتن انتي اللي قالوا فيج دولة الحب تتحكمين بلي حولج وسيطرة خارجه عن ارادتي شو ذنبي وان كان الذنب ذنبي شو اقدر اسوي ويرضيج اعاتب نفسي مليوون مره على اني خذلتج وكسرت الوعد اللي بيني وبين اهلج لكني احبج والله احبج حس بالبروده وثلج حوله يتساقط وخصوصا في هالوقت الحالي بداية الشتاء اه ليت تخلين لنا ذكرى حلوه مع بعض من يينا ونحن قاعدين في الكوخ لا طلعنا ولا نتمشينا ولا خلينا لنا ذكرى حلوه مع بعض كيف ارضيج ؟ وشو اللي يرضيج اصلاً ؟ ما اقدر اخذ وعد على نفسي اني ما امد ايدي اخاف انقضه!
:
بعد مرور يومين في الامارات …في بيت بو سعيد وتحديداً في صاله
نايف وامه وابوه وسعيد والريم ومهره وراشد قاعدين يسولفون ويضحكون قطع سوالفهم صوت نغمة اشعار تلفون نايف اللي من شاف الرقم اعتلت ويهه الابتسامه وفتح الاشعار وهو يتنهد وكان محتوى الاشعار" الوالده تقول كلمة الوالد ويقول انه يهمه الريال وسمعته بين العرب ومب عيبه اذا كان مطلق او غيره ، ومرحبا بهم في أي وقت" ،، نايف امي حاولة تعرف منو بس انا قتلها ان لطيفه سالتني اذا عادي اخذ مطلق ولالا؟ عاد الحين الموضوع عندك اذا ممكن تقول للطيفه انها هي اللي كلمتني.
رفع راسه والابتسامه ما زالت على وجهه انتبه على انظارهم وقال: بسم الله شفيكم طالعوني.!
سعيد يغمز له: شو ورى هالابتسامه !
ضحگ نايف وقال بتنهيده: وراها كل خير بامر الله !
بو سعيد اللي ضحگ: والله انگ تحب من ويهك يبين ونظرة عينك
مسح على ويهه وخلل اصبوعه بشعره وقال بتنهيده متعبه: وصلت يا الغالي !
امه بصدمه: في ذمتك صادق!!
نايف بهدوء: هيه والله اني صادق يا الغاليه
امه بفرحه: منوو !!!
نايف تعمد: خلي بنتججج تخبرج! هي متكفله بالخطبه و العروس!
امه بوناسه: الححمدلله انزين متى نخطبها!
نايف: خطبيها الحين لين ماترد بنتج من سفر عقب بنحدد الملكه والعرس!
امه باهتمام: طيب منو هي!!
نايف : اخت هزاع تقول لطيفه ان اسمها هند
امه بفرحه: صدق حمدلله
استحى نايف ونش واقف وقال سعيد : ما نروم على الشيخ ما دام انها اختيار لطيفه ما بتقول لا !
نايف لف عليه وضحك: هيه والله وطلع برى وهو يضحك واتصل على لطيفه ..
:
عندهم في سويسرا .. بعد ما شبع من الحواطه رد الكوخ اول مادخل سمع ضحكتها اللي ترن في قلبه وتخل موازينه ابتسم بينه وبين نفسه يوم سمع ضحكتها ودخل المطبخ يشرب ماي وقعد في الصاله وهي في الغرفه وكان يسمع الحوار اللي بينهم قول والله صدق هههههههه يحيك طلعت تعرف تتصرف والله انزين خلاص توكل على الله وخل امايه تكلم عمتيه ام عوض وخطبوا رسمي لين نرد وبعدها حددوا الملجة انزين عاد بس سمعني نايف وبجديه تراك بتاخذ بنت عرب وناس وتصونها وتحطها بين عيونك ولا تزعلها بشيء سمعتني ولالا ! ولا تكلمها عن ماضيك انته وعهود وسمعني زين في النقطه اللي بتكلم فيها وغمضت عيونها وهي تنطق بحده وانّ صار شي بيني وبين هزاع لا قدر الله في المستقبل ان دخلت هند في الموضوع والله لا اعرفك ولا تعرفني فهمت ولالا ، يابن الحلال صل عالنبي مافينا شي والله انّ كناري على قولتهم عصافير الحب بس انا تكلمت عن المستقبل ترا محد يعرف المستقبل ومحد يعرف شو جدامه محد عالم الغيب سمعتني ولالا ان دخلتها في شي والله يا نايف وانا حلفت انسسسى اني اختگ ولا أبا اشوف ويهك في الدنيا الطويله .
نايف بقهر وضيق: يا حرمه خلاص والله ما ادخلها في شي بس لا تفاولين على عمرج.
لطيفه تبتسم:.حبيبي والله انّ بخير وهزاع مافي مثله يحبني بكل جوارحه ليت فيه منه اثنين لكنه منفرد ونادر وحلاة الشيء ندره وجوده
ابتسم بحب: الله يسعدكم الغاليه.
لطيفه : الله يحفظك وسكرواالخط .. لفت على ورى وتفاجات به متساند على الباب وميل راسه وجسمه ويطالعها ببتسامه وقال: انتي جنة الله برضه يا لطيفه يمكن ما مسكت عمري صح لكن كلامج مع نايف زرع داخلي شي ماعرف شو اسميه حتى اخوج تقسين عليه لجل ما يضايق انسانه بتكون شريككة حياته وبدا يمشي اتجاهها ومب بس جي توصينه بأنه ماخذنها من بيت ناس وعرب انتي مب زرعتي فيني شي ،،انتي فعلاً كسرتي عيني بكلامج اللي قلتيه حتى قدمتي مصلحة اختى على مصلحج ان صار بينا خلاف وانه مايدخل المواضيع في بعض اه اه منج انتي مدرسه وانا الطالب اللي بيتخرج من مدرستج متعلم كل شي وقرب منها اكثر وفتح مشبك شعرها اللي طاح علىى ظهرها ورجع خصلة شعرها ورى اذنها وبهمس قال: تقبليني كالطالب في مدرسه انتي أساسها وانا الطالب المجتهد اللي بيبذل كل جهده عشان يتخرج من هالمدرسة بتقدير امتياز
ابتسمت بتوتر قربه يربكها حست بووسته على خدها وقالت بهدوء: هزاع
هزاع وهو يطوقها بيديه وقربها من حضنه: عيووونه
لطوف بربكه وبهمس: ابعد تكفى لا تنسى ان ايدي مكسوره ..
هزاع لف ايديه حول خصرها وقربها حيييل منه وبهمس في اذنيها : حبي بس أبا احضنج والله …
لطوف بعدت عنه وهي تقول: هزاع والله متضايقه تكفى ابعد تراني حييل زعلانه
هزاع وهو يبوسها على خدها: باين انج زعلانه وانتي متخدره بين ايديه لدرجة انج لو تبين تبعدين من نفسج بتبعدين وباسها على خدها الثانيه وبهمس كمل كلامه انتي تتغلين ويا حلاة التغلي منج لج حق في تغلي وباسها بين عيونها واردف يا كاملة الزين وبعد عنها وتنهد بضيق دخل الحمام يتسبح اما لطيفه تنحت واقفه مكانها تحسس خدها مكان بوسته وربي اشتقت لك بس لزوم تتادب ما حست الا بلي يحضنها من ورى ويشدها له وبهمس: راضي والله ما دامج مشتاقه لي عيل كملي زعل ما دام في البعد شووق وباس خدها وبعد عنها وطلع لصاله شوي وحس بوجودها ابتسم وما علق نطقت لطيفه: ما تبانا نطلع ولا بنتم محبوسين !
هزاع تنهد وقال: حاضرين يلا قومي ..
ابتسمت وهي تقول: طيران والله
ضحك على هبالها تبا تادبني وبس ، ومن اقرب تخور قواها اخ منج انتي مب ساد انج حارمتني منج هذا بروحه عقاب مب تاديب
شافها جاهزه لابسه بنطلون ليقنز وبلوزه هاي نك وفوقها كنزه طويله ولابسه بوت اسود ولابسه سكارف.. التسم وقام واقف وطلعوا برى وهم يمشون تعمد هزاع ما يمسگ ايدها وانصدمت لطوف منه وقال: شرايج نحوط وين تبين تسيرين!
تظاهرت بعدم الاهتمام وقالت: أمم عادي ماتفرق المهم اتمعن في الطبيعه…
ابتسم وهو يمسي قدامها وهي وراه وبصراحه حز في خاطرها سرعت من خطواتها لين وازته في المشي رغم انه حس فيها ابتسم على جنب ودخلوا تلفريك وبعدها نزلوا حواطه حول الطبيعه ومن بعدها راحوا مطعم وتعشوا وردوا للكوخ
:
في بيت بو عوض …
سلامه قاعده تكلم حمد وبهمس : انزين اصبر اتاكد بس واعرف مفتاح غرفتهم وين اخر مره طالع ريلها ومارد بس ماعرف اذا قفله ولالا.
حمد : سلامه فديتج تاكدي ضروري وردي عليه.
سلامه: اوك بس من اتاكد ان الكل رقد..
حمد بضيق: لا ترقدين الا وانتي مسويه اللي تفقنا عليه !
سلامه: اكيد فديتك..
:
في جانب اخر ،، عوض يكلم هزاع ويطمن على اموره هو وحرمته وسكر الخط ،،، وتفاجا بمكتوم اللي داخل الصاله ينادي امه طلعت من المطبخ: شفيككك
مكتوم بقهر قال: ولدج صدق سافر !!
امه تتنهد: عوذ بالله من شرگ خوفتني تحسبت شي فيگ هيه صدق سافروا الله يحفظهم ..
مكتوم يهز راسه وبضيق: زين زين .. قطع جوهم اتصال ام سعيد يوم ردت ام عوض وهي تقول: مرحبا والله با ام سعيد ( توجهت انظار اليالسين عليها )
ام سعيد: المرحب لاهان ..
ام عوض: شحالكم ربكم بخير
ام سعيد : بخير يا غناتي وانتوا شحالكم وشحال بو عوض والعيال كلهم بخير
ام عوض : بخير ونعمه ولله الحمد ..
ام سعيد: ام عوض فديتج بصراحه من دون لا لف ولا دوران نبا بنتكم هند لولدنا نايف ،، وتراه مطلق ، ولدنا وتعرفونه وسالوا عنه وتراه مافيه أي احراج ان كنتوا ما تبون مطلق تراه من حقكم..
ام عوض بفرحه وهي تطالع هند اللي يالسه تاكل جبس وطالع ام بي سي تو: والله هاي الساعه المباركة يا ام سعيد ونحن طال عمرج ندور ريال مب مهم ان كان مطلق ولالا..
ام سعيد: يزاج الله خير وتشاوروا فديتج وردوا علينا وشاوروا البنت ان كنتوا موافقين ترانا بنحدد يوم وبنييكم..
ام عوض: والله مرحبا السااع فيكم من سرتوا لين وصلتوا..
ام سعيد: المرحب لاهان غناتي فديتج وبكم للبقى ،، شي في خاطركم من صوبنا!
ام عوض : ابداً سلامتج في حفظ الله وسكروا الخط ..
لف عليها بو عوض: اسمعج ترحبين وتباركين جنه الا خطاب يايينكم ..
ام عوض تبتسم بفرحه ونطق مكتوم وقال: ها منو من بناتج يبون !
ام عوض استغربت انه نطق قبلها وقالت: انته شفيك ..
مكتوم: امي ناسبناهم يعني لازم يناسبونا توثيق علاقات يخافون على بنتهم ويرقص حواجبه ضحكت سلامه بشماته بس عوض قال بجديه: حشم عمررك يا مكتوم نحن اللي قبلنا عليهم في الأول وخطبنا من عندهم وين الغلط لا صاروا يبون نسبنا وحد من بناتنا.
مكتوم بقهر قال: يوثقون بنتهم عشان ما تتطلق
رمقته امه بعصبيه ومكتوم قال: والله اسولف وياكم شفيكم صايرين ماتتحملون السوالف شفيها يعنى اذا وثقنا علاقتنا ببعض اكثر وانا بعد اخطب من عندهم شرايكم..
امه اللي انصدمت: صدق تخطب اللي عندهم ..
مكتوم بتنهيده محب ولهان غايب ي شو اسوي بعد امري لله يوم .. وقطع عليه عوض اللي قال بعصبيه: مكتووووم حشم عمرررك عن بنات العرب .
سكت مكتوم صاير مايحس بعمره اعصابه تلفانه الشووق واصل عنده مليووون ماتوقع انهم يسافرون..
:
في الليل بعد مارقدوا الجميع وبالتحديد ساعه 2 ليلا تسللت سلامه لين قسم هزاع ومسكت مقبض الباب وفتح معاها واستانست بفرحه تلفتت يمين يسار ماشافت حد دخلت بسرعه وسكرت الباب واتصلت بحمد اللي رد: هلااا والله
سلامه تطلع تلفون اللي يابه حمد وقالت: وين احططه !!
حمد بتفكير: شوفي حطيه بين ثيابها او في مكان هو يقدر يشوفه بس خليه شوي منخش .
سلامه بربكه: اوك حطيته تحت ثيابها
حمد بعصبيه: لا ياغبيه تحت ثيابها ما بيفتش شوفي خليه في مكان هم الاثنين يستخدمونه !
سلامه بحيره: وين يعني !
حمد بتنهيده: اففف بقره انتي سمعي حطيه تحت ثياب لطيفه وخلاص خليه ! عقب بنشوف كيف بيطيح في ايدين هزاع المهم الحين انه دخل الغرفه وهذا الاهم .
سلامه بوناسه: الله وننننننىاسسسه اللي بيصير انزين فديتك تامر شي ثاني..
حمد تنهد بضيق: لا،، غير خبر طلاقها، ما أتمنى اسمع خبر غير طلاقها فقط…
سلامه تامن وراه: امييين يارب العالمين…
وطلعت برى وبندت ليتات وطلعت وسكرت الباب وردت قسمها بعد ما سكرت من حمد …
:
مروا أسبوعين على الجميع لا جديد سوى انه تم خطبة نايف لهند رسمياً ،، ولطوفه شالت الجبيره وخضعت اللاشعه عشان يتاكدون من الكسر انه جبر وبعد ما فتحوا جبيرتها وطمنوا عليها وكانت مجبره بدت تميل لهزاع اللي يغايضها بالبعد عنه وهي معصبه منه …
:
:
في سويسرا وتحديدا جنيف ..
:
قال لي ان كان تبغينا** في شهر سبعه بتلقانا**في جنيف مقيظ أهالينا**عالبحيرة دوم ممشانا **في فضى ذيج البلادينا**وين يحلا الحب يفلانا**العشب دوسة خطاوينا**والمطر بالنّف غطانا**عالوعد نبغيك تلفينا**لاتخلف اوعودك ويانا**في النهار أتحمل اتيينا**ومرحبا لي حل ممسانا**
:
عند بحيرة جنيف ..
يالسين لطوف وهزاع ياكلون ذرا ويستمتعون بالمنظر قربت لطوف منه وقالت: هزاع
هزاع ضحك وحضنها: هههه فديت عينج حسيتي بلي كنت احس فيه
لطوف ووهي تتمعن في ويهه: منو اللي ادب ثاني
هزاع يبوسها ع خدها: انتي ادبتيني! وحرك حواجبه يرقصهن
لطوف بتنهيده: سمعني هزاع انته عطيتني وعد تمسك عمرك ياويلك تعيد الكره مره ثانيه والله فيها طلاقي ولا اتراجع في قراري لو الموت جدامي سمعتني!
هزاع يضربها ع راسها بخفه وقال: تهددين ويا ويهجج اصغر عيالج انا ..
حضنته باندفاع وقالت: عشان وعدك اللي قطعته على عمرك انا أبا كل الحنان اللي فيگ مخزن من ثلاث أسابيع ونص
هزاع يدفرها بمزح: ماعندي لج حنان بشووف لي شوفه ثانيه
لطوف تمسكه من رقبته وقالت: بخنقك والله بخنقك..
هزاع ابتسم وضحك وطاحت في حضنه وهي تقول: حضني
هزاع يتغلى عليها : والله اللي يدور الحضن يعرف كيف يحصله .
لطوف تتقرب منه وطالعته بعمق وهي تقول؛ ما قوى على جفاك والله حبيبي
رفع راسه وطالعها وكتف ايديه وقال: أمم يعني حبيبي ما طلعت الا للحضن طلعتي خفيفه والله .
لطوف عقدت حواجبها وبعصبيه مزيفه: لا والله وتخصرت وهي تقول والله العظيم كنت خفيفه من اول يوم وصلنا فيه سويسرا بس مسكت نفسي عنك وسويت نفسي القويه يعني عشان ادبكگ والله ،، ولا انا كنت بعق روحي عليك وبين ايديك … خلاص عاد الحين انجلب الدور انا أراضي ولا انته اللي المفروض تراضيني ..
ضحگ عليها بقوو وفتح ايدينه لها وانطلقت فيه مثل الطفل اللي لقى الأمان بحضن امه وشدت عليه بيديها وبهمس: اعشقگ والله واموتت فيگ مسكت ويهه بكفوف ايديها تكفى لا تكسرني مره ثانيه وربي العالي في سماه مافي حد بعدك يملى عيني لاتشگ في شي هذا ابداً .وربي من شفتها كيف حاضنه ويههي وتحلف لي وتاكد لي ان مافي حد بحياتها وما أشگ فيها طوقتها بيدي وهي في حضني شدت عليه بقوو وهي تقول وربي ماعرفت الراحه الا في حضنك الحين اقدر أقول اني عايشه من ثلاث أسابيع ماذقت حضنك..قعدتها في حضني وهي دافنه راسها في صدري وبستها على خدها: والله يا لطيفه من عقب كلامج ماقدر اصدق أي شي ينقال عنج ! اعرف انج صادقه بكل كلمه قلتيها واني الوحيد في حياتج رفعت راسها وهي تطالعه وتحسس على لحيّته بيدها قالت انته مب بس الوحيد في حياتي انته الأول والأخير ومابعدك احد ابتسم بحب ونزل راسه وباسها على طرف شفتها سمع همس لطيفه اللي قالت له توعدني يا روحي
هزاع اللي باسها بعمق وعدتج يا روحي قبل والحين اكرر وعدي اني ما اخذلج
باسته لطوف بعمق على عنقه وهو لف وجهها باتجاهه وببتسامه قال: نروح لنافوره تشوفين الأجواء .
لطوف طوق ايديه بيديها وبهمس وهي تعانق عيونه: ما توقعت في يوم من الأيام بكون جريئه مع ريال ودفنت راسها في حضنه ..
طوقها بيديه وحضنها بقو وهم يتمشون صوب نافورة جنيف،، ابتسموا وهم يشوفون ارتفاعها العالي واجواءها مرره مميزه وحلوه حاوطت لطيفه خصره وهي تسند راسها على كتفه قالت: احبگ يا روح قلبي ولا يصيبگ ادنى شگ في غلاتگ..
:
في بيت بو مايد ،،
ام مايد مع ريلها قاعدين دخل عليهم عبدالله وسالم وقعدوا في صاله بعد زواج عهود الاجباري ..
عبدالله: عيل الا قاعدين رواحكم وين العنود
امه بضيقق: فوق ماتبى تنزل
عبدالله بضيق: يمه شو صار على محكومية مايد مانقدر نطلعه قبل
امه: لايابويه لازم يخلص مدة حكمه..
تنهد عبدالله وبضيق قال: مافي اخبار عن خطبتيه لشما.
أبوه بضيق هز راسه برفض وقال: ترا كله من مايد ..
عبدالله قام واقف وطلع واتصل لعمه بو سعيد وشووي وياه الرد: مرحبا عبدالله
عبدالله بضيق: عمي شو اللي يرضيگ وتوافق على زواجنا اسكن عندك وتحت عينك راضي بس لا تحرمنا من بعض ..
بو سعيد بضيق وبحزم: والله يا عبدالله يا ولديه سمحلي انا ما افكر نفس تفكيرگ
عبدالله بقهر: عمييييي تراا انا غير ومايد غير ما يصير اللي تسويه فيني وزفر بغيضض
بو سعيد بتنهيده: والله يا عبدالله يا بويه لا تلومني انا مادور العثره لبناتي ، مهره لو مب حامل والله مارديتها لراشد ، ولطيفه الله سهل دربها والحمدلله مرتاحه ،، لكني اعيد الغلطه من نفس العايله سمحلي .
عبدالله يضحگ بقهر: هه بالله عليك عمي الحين اصبوع ايديك سوى ترا مالي ذنب بمايد واللي سواه …
أبو سعيد ينهي النقاش: عبدالله يا ولديه والله ان ودي لكني ماقدر وهذا اخر كلام عندي صدقني ما اتراجع فيه ..
عبدالله بغبنه: زين يزاك الله خير عمي وسكر الخط وتنهد بضيقه …
:
في بيت بو سيعد ..
:
ام سعيد بتنهيده: يا بو سعيد الله يرضى عليك ما يصير اللي تسويه !
بو سعيد بضيق: والله يا ام سعيد مب هاين عليه عبدالله وادري انه ماله ذنب بس بعد ماريد اعيد نفس الكره ..
ام سعيد بهدوء: يهديك ربي والله عبدالله غير ..
أبو سعيد ينهي النقاش: خلاص يا حرمه الموضوع منتهي ومابا حد يناقشني فيه .
نزلت الريم بتعب عقب الوحام وقعدت لاحظ عمها شحوب وجهها وقال: ريم يبه تاكلين زين .
هزت راسها بالنفي وبضيق قالت: مالي نفس اكل واخوي تعبان حيييل الله يمسح على قلبه …
تنهد بو سعيد بتعب ولف عالسعيد اللي نزل بسرعه وطلع ، لفت الريم اتجاه الباب وما شافته قالت بضيق: الله يستر ودعتك الله ..
:
عند سعيد بسياره اللي كان يكلم عبدالله: يا ريال اهدا لا تسوي بعمرك جي مب زين والله..
عبدالله بقهر: سعيد واللي يسلمك خلني يمكن ارتاح من تفكير بشما
سعيد يهديه وقال بتسرع: واللي يقول ان شما ما تكون الا لك .
انصدم عبدالله ووقف سياره عالطرف الطريق وقال بصذمه: احلللف
..
توهق سعيد كيف يحلف وبضيق قال: ان شاء الله بس انته وين !
عبدالله بضييق : مادري والله ويلف حواليه يشوف أي شي عشان يعرف هو وين وبتنهيده مؤلمه قال شكلي في طريق البر ..
سعيد برتياح رد: زين زين اشوى يا ريال المهم سمعني تعال بيتنا ولا انا اييك
عبدالله بضيق: مب ياي بيتكم ، سعيد خلني في حالي لوسمحت ..
سعيد بتنهيده: يا ريال سمع الكلام ورد تعال وان ياك شي في ويهي ..
عبدالله بضجر وتافف : سعيد دخيلك فكني بالله ولا تحاتي انا ما فيني شي بخير بس أبا هدوء شوي ..
سعيد بامل: اوك خلاص انا اضمن لك الموافقه بس رد بيتكم والحين .
عبدالله بقهر: سعيد لا تلعب بعقلي مب ياهل انا اعر…. قاطعه سعيد بجديه وقال: خلاص اعرف كيف اييب راس ابويه يعني اقدر أقول اني ضامن لك الموافقه..
عبدالله بتضجر وقهر: يوم بتضمن الموافقه وبتكون في ايدك تعال بلغني وسكر في ويهه من القهر
:
:
:
في سويسرا ومجابل النافوره قاعدين عصافير الحب يتاملون الطبيعه وهزاع حاضن لطيفه من كتوفها وشدها لحضنه زود قطع جوهم رنين تلفون لطيفه بعدت عن حضنه وردت على تلفون وميلت نفسها على حضنه زوود وهي ترد على اتصال سعيد : مرحبا بو عسكور..
سعيد بضيق رد بتنهيده: مرحبتين ملايين شحالج وشحال هزاع ..
لطوف تحطه سبيكر وطالع هزاع بحب: بخير يعلني افداك ياخويه بس صوتك مب عايبني احسگ متضايق فيگ شي .
تنهد سعيد وباحراج قال: لطوف انا ادري انج مستغربه اتصالي بس بغيتج في خدمه بس اول شي أبا اعرف انتي حد عندج !
توترت لطيفه وطالعت هزاع اللي حس بضيق وهمس في اذنها: قلبي ناغزني من اخوج واتصاله ردت على سعيد عشان ما يحس بشيء: هيه انا وهزاع يالسين عند نافوره امرني الغالي فديتك عيوني لك.
سعيد زفر بقو وقال: طلبتج يا لطيفه قولي تم .
توترت لطيفه قرصها قلبها وهي تتابع رده فعل هزاع اللي بان عليه ضيق وقالت: ان قدرة عليه ان شاء الله وان ما قدرة سمحلي بس حاسه ان اتصالك يخص اهل حرمتك وجهت نظرها لهزاع اللي زفر بضيق وحرك عيونه ووجهه اتجاه النافوره تمنى لطيفه ما حطت سبيكر ما يبا يسمع سعيد شو بيقول بس سمع سعيد يقول : هيه والله وصلتي خير !!
لطيفه بضيق قالت: شو مستوي بعد !!
سعيد اللي تضايق من اسلوبها بس ماعنده غير هالحل وقال يكمل: ما طلبت منج ترمسين حد منهم ، أباج ترمسين ابويه وتقنعينه يوافق على خطبة عبدالله لشما ..
انصدمت لطيفه من طلبه وقالت: سعيد الله يهديك هذا طلب الحين.
سعيد بقهر: لطوف تراني ما طلبت الكثير منج وأول مره اطلب منج وانا اخوج وعبدالله ولد خالتج شو يعني لو سعيتي ووفقتي بين اثنين بالحلال .
تنهدت بضيق وهي تشوف علامات القهر والعصبيه على ملامح هزاع وقالت بطيبة قلب: عنبو يا سعيد هبيت في ويهي وانا قصدي أقول لك ان هذا ما اعتبره طلب منك ولا اعتبره خدمه انته تامر فديتك ما تطلب يا الغالي ، ومن عيوني اثنيتن باتصل بابويه وبقوله افا عليك الغالي انته تامر.
سعيد بلوم : فديت عينج سمحي لي تسرعت بالحكم بس لاني مغبون من الحااله اللي وصل لها عبدالله .
لطيفه بتنهيده : مسموح ياخوي وان شاء الله عبدالله يلقى اللي يسره ..
سعيد يبتسم :وانا ادري انج بتسوين خير فيهم.
لطيفه بضيق: سمعني سعيد انا بكلم ابويه ،، بس مب معناته على طالعه ونازله يسمعونها رمسه ويعقون عليها كلام ، بياخذونهها يصونونها ويحفظونها ومالهم خص فيها ابدا وما يشبكون الأمور بين اللي صار لي واللي صار لنايف غير هالكلام ماعندي .
سعيد انصدم وقال: شقصدج!!
لطيفه: اللي بقوله اني مب لزومه اكلم ابويه واقنعه انه بوافق ، انا بكلمه اييب عبدالله ويقوله الكلام اللي انا قلته لك الحبن ، مب باجر يعقون عليها كلام العنود او عهود او اللي ماينذكر يوم تخلص محكوميته يطلع وييلس يعق عليها كلام نحن نبا حشمة بنتنا ووعبدالله اذا قدر عليها مرحبا به ما بيقدر يوقفهم عند حدهم لانهم هله نحن مانروم بعد نعق اختنا في نارهم وتسمع كلام يعورها هذي اختك من لحمك ودمك اذا نحن متهنين في حياتنا باجر هي اذا تضررت انا اللي بلوم نفسي لاني سعيت في شي هذا ولا انا اعرف عبدالله ما يطلع منه الشين ولا قد شفت عليه شي ، وباجر لاقدر الله ما تحملت اختك كلامهم وتطلقت تظن ان لي ويهه اشوف فيه ابويه ، وبعدين شما شرايها في الموضوع هي موافقه ولا لا …
سعيد بضيق: مادري ابويه اصلاً ما رحب فيهم ، يعني ابوج مب مرحب بالفكره انه يزوجهم بنته اكيد ما سال شما ولا خذا رايها .
لطيفه باستغراب: عيل على أي أساس انا بقنع ابويه اذا مادتعرفون راي شما يمكن شما ما تباه.
سعيد بضيق زود ضيقه اللي فيه: اسميج زدتي عليه هني وضيقتي وانا اللي توقعت اني بلقى عندج الراحه..
لطيفه بهدوء: سعيد الغالي الواحد يتكلم بالعقل والمنطق ما ينفع ان نحن نسوي أشياء ونتخذ مواقف ونحن مانعرف شو راي طرف الثاني ..
تنهد بهدوء وبتفكير عميق قال: يعني شو !!!؟؟ الححين بتكلمين ابويه ولالا!!
لطيفه بهدوء: بكلمه وبرد عليك !
سعيد بضيق: زين فديتج برايجج
سكرت الخط وتنهدت بضيق ..
حضنها هزاع وبهمس قالت: ماودي اكلم ابويه أصلا لاني انا مب مقتنعه .
زفر بضيق وهو يحاول يجمع أفكاره وسبطر على عصبيته: ليش كل شارده ووارده يدخلونج فيها متى ينسون طاريهم عندج ليش ككل شي يخصهم يلجأون لج .
لطيفه بحب: فديتك حبيبي عساس اني العقبه الرئيسية في دربهم ، ويعرفون ان ابويه يسمع مني اكثر ومايردني حتى عبدالله مب مقتنعه بالكلام اللي قاله سعيد بس بكلم ابويه وبنشوف راي شما ان كانت موافقه وتباه ،، وقتها بيتغير وايد أشياء ..
شدت عليه بحضنه زوود وميلت راسها على كتفه وقالت بحب : أحـــبگــــگ
طوقها بيديه وهو يزفر بضيق يحاول ينسى او يتناسى اتصال سعيد اللي كدر جوهم غيووور عليج بشكل يالطيفه لدرجة اني مابا اسمع طاريهم ولا حد يذكرج فيهم انصدم يوم سمعها تقول: ولا يعتريگ شگ اني حنيت لهم ولا له تراگ تفكر بصوت عالي ونطق به لسانگ قبل قلبگ .
بلع ريقه بتوتر كيف نطق بلي في قلبه وهو مب حاس فيه حس ببوستها اللي على خده شد على حضنها زود
لطوف وهي بين حضنه بهمس قالت: نروح حبيبي
بحب قال: يلا فديتج
وقاموا واتجهوا لشقتهم…
:
بعد مرور يومين قررت لطيفه تتصل لبوها ووتكلمه رد عليها : مرحبا الساع
لطيفه: المرحب لا هان الغالي شحالك فديتك
ابوها: بخير ونعمه فديتج
لطيفه: تستاهل الخير الغالي ،، الا صدق عيوني بتخبرك ،، سمعت ان عبدالله خطب شميم
ابوها بضيق: ما وافقت انا أصلا وما قربت فيهم ابدا .
لطوف بتنهيده: افا الغالي ليش!!
ابوها: لطيفه لووا ايدي فيج !! تبيني اعطيهم اختج وانا اضحك ، اللي مثلهم وشرواهم لازم يتادبون عشان يحسبون الف حساب وحساب لبناتي وينتفون شعورهم على اغلاطهم اللي يسونها..
لطيفه: ابويه انا بعد مثلك فديتك هب مقتنعه بس بصراحه قبل كل شي ، شو راي شما
ابوها بضيق: ماتباه ولا تبا حد منهم.
لطيفه: حلوووو خلاص عيل الغالي اتصل بعبدالله وقوله انا قعدت بيني وبين نفسي وقلت ما بقطع نصيب البنت وسرت وشاورتها وقالت مب موافقه قوله ما بيدي شي ما دام انها هي رافضه من الأساس موافقتيه ورفضي مابيغيرون شي فالموضوع مادام ان صاحبة شان مب موافقه .
ابوها بهدوء: وهذا اللي بيصير يا بنتي صدقج والله ..
لطيفه تبتسم: وفك راسك من صدعه وعوار الراس..
ابوها بحب: فديت بنت ابوها انا لا خليت من شوفج يا لبة فواد ابوج ( لبة قلبه)
لطوف تضحك على غيرة هزاع اللي حضنها وهو مستغير من غزل ابوها لها وقالت بضحكه: لا خليت منك يابويه
اابوها بتنهيده: وين يا روح اابوج
لطيفه تبتسم على هزاع وحركاته وقالت: في جنيف يا الغالي
ضحك ابوها وقال: في جنيف موعد لقانا ..
لطيفه تضم هزاع بحب وبهمس قالت: انته مكانك في القلب يا روح بنتك وشدت على ضمتها له وبالمقابل بادلها الحضن بحب وهو يبوس خدها انتبهت على ابوها اللي قال: ان كنت انا في القلب هزاع وين مقره عيل ..
ضحكت بخجل على ابوها وقالت: كلكم في القلب
ضحك ابوها بعد ما سمع ضحكتها وحس بسعادتها: الله يحفظج يابنتي ويسعدج
لطيفه بهمس: امين يا الغالي
ابوها: سلمي على هزاع
لطيفه : يوصل
ابوها: في حفظ الله يا بنتي وانهوا المكالمه .
اتصل بعبدالله ومارد شوي ودخل سعيد اللي شاف ابوه وقال: سعيد تعال
يا ويلس وهو يقول: امرني
ابوه بتنهيده: قعدت بيني وبين نفسي وفكرت بعبدالله وخطبته استبشر خير سعيد والتسم لكن تلاشت ابتسامتهدمن كمل ابوه وقال شاورت شما عن عبدالله ورافضتنه وقالتزما تبا حد من القرايب ولا تبا منهم بالذات عقب اللي صار للطيفه وتوها دقت لي لطيفه اختك بعد تبا تقنعني لكني قلت لها شما مب موافقه شو اسوي انا رفضي وموافقتيه ما بتيب نتيجه ما دام ان صاحبة شان رافضه..
انصدم سعيد وشوي رن تلفون ابوه وكان عبدالله المتصل ورد عليه بضيق: هلا عبدالله
عبدالله بتسرع: من صوتك يبين ان حلم ابليس في الجنه باخذ شما صح ولالا!
ابتسم عمه على التشبيه لكن قال: هيه والله يا ولديه شاورتها وقالت ماتباك .
عبدالله ما انثدم توقع انها بترفض أساسا لانه عمه رافض بس عشان يجاملوني شاوروها نطق بجمود: زين الله يعوضني بغيرها مع سلامه سكر بدون ما يسمع شي .
سعيد طلع فوق وهو ضايقه في الدنيا دخل الغرفه وشاف الريم اللي تصيح تنهد بتعب علق غترته على الشماعه( علاق الثياب) وقرب منها وحضنها: عيوني انتي بروحج حامل !
حطت راسها على كتفه وقالت : بصراحه عمي ادبهم خواني اول سالم يوم بغى لطيفه والحين عبدالله صدق يوم يقولون غلطة الشاطر بألف..
حضنهايخفف عنها وباس راسها …
:
:
:
في جهه ثانيه ،، عهود في بيت اهل ريلها مب طايقه بيتهم ولا ريلها ولا اهله ،، كانت قاعده في صاله تسمع ازعاج اخوات ريلها ومضاربتهم دخل يوسف ريلها وحل الهدوء في ثواني طالعهم بطرف عينه وكل وحد راح لمكانه لف على صاله وشاف اخوه المقعد احمد اللي صار له الحادث وانشل بسببه وابوه طريح الفراش تنهد بضيق وقرب من ابوه وباس راسه: يا عيون ولدك يا الغالي ليش ما تاكل ..
ابتسم ابوه بحب ومسك يد ولده بصوت هادي: اكلت يبه لا تحاتي ما قصرت بنت رجال قايمه فيني قوم ..
انتفضت عهود من جملته وحيت بحقارتها ودنائتها مهمله شايب طريح الفراش كانه له ذنب بلي هي فيه .
يوسف من دون لا يصد صوبها قال لبوه: بس قالت لي شغاله ان محد ياب لك اكل ولا خذت دواك.
حست بدموع تجمعت بعيونها شلون تهمل شايب لاعنده زوجه تباريه ولاعنده بنات كبار حست بنظرات الناريه صوبها وقال بجمود: يبي دوا الوالد . ولف على احمد اخوه وقال: كلت
احمد ببرود: لا ،، ولا تصدق اللي قاله ابوك عن زوجتك تراها ما تطالعه ولا تباريه كانها مغصوبه على القعده ويانا ..
يوسف يطالعها وهي يايه قال: صدق انتي ما تشوفين ابويه ولا تعطينه اكل ولا دواه
قالت بحده تحاول انها ما تضعف: ما خذتك عشان اداري ابوك
يوسف بعصبيه: شنووو قلتي !!! وقام واقف ورفع يدها وعطاها كف وشد شعرها بقهر وهو يقول: تبوسين ريوله وتعتذرين منه ! ورماها على الأرض بقوو ! شو على بالج بعنادج بتخليني اطلقج والله ياعهود احرق قلبج واييب ثانيه عليج وقولي يوسف ما قال
اشتعل قلبها بنار : خيررررر انته ماخذني خادمه لبوك واخوك هالمعاق
احمد بعصبيه: احترمي نفسجح ماني معاااق كنت في يوم من الأيام حالي من حالكم امشي واركض ولا بحاجة لاحد لكن قدر ربي اني اسوي حادث وانشل .
عهود بحقاره : الابو شايب عايب ريله والقبر شو اداري فيه ، واخوك معاق أصلا من اللي بترضى فيگ انته وابوك
سكتها كف من يوسف وهو يقول : صبرت عليج وايد وظاهر انج ما تبين تتعدلين لكني ابشرج ما يعدي هالاسبوع الا الزوجه الثانيه في بيتي واشوف ساعتها شنو بتسوين واللي باخذها شيختج وتاج راسج ..
وقالها بصوت عالي وهو يدفها بحقاره ولا رحم دموعها اذلفي عني فوق ولا عاد اشوفج ..
احمد بحقاره : حقيييره
لف يوسف على ابوه وباس راسه ومسح دموعها وهو يقول: ماعليك منها يبه انا انغشيت فيها لما مدحوها لي لكن وربي اييب لك بنت الاجواد اللي تحطك بعيونها وباس ايده وعينه وضمه بين احضانه ..
:
:
بعد مرور ثلاث أيام يوسف كان يتخبر ربيعه علي ( اخو مكتوم) اذا يعرفون ناس والنعم فيهم يزوجونه وهو متزوج اقترح عليه علي ان يأخذ من نسايب هزااع نسترجع الحوار
:
(فلاش باك ..)
:
علي: كل هذا يا يوسف فيك حرمه تقوي باسها على شايب
يوسف مخنوق: اه القهر انها ما تعطيه اكل ولا دواءوابوي من عقب المرحومه امي ما يحب حد يعطيه الا انا وومثلك عارف انا دوام ومناوبات وماعندي خوات وابوي مايحب ياكل من الخدم ولا يحب يأخذ منهم شي فما بالك بادويته واكله المهم اني دورت لي على حرمه وقالوا اني اخطب بنت عبيد خطبتها ولكنها مغربله ابوي يا خوي
علي بضيق:،طلقها
يوسف بحقاره: تخسيي والله اني اذلها واعلمها ان الله حق بتزوج عليها وبييب ثانيه تقدر تنصح بعرب زينين ونعم في بناتهم وفيهم
علي بعد تفكير مطول: هيه نسايبنا من العين !؟
يوسف باستعجال: في ذمتك دلني عليهم !
علي: حاضرين بكلم الوالده وارد عليك بعد ماخلصوا من سوالفهم رجع علي البيت ولقى امه واخوانه وسلامه وساره واريام وفطوم قعد وقال: اامي
لفت عليه ام عوض: عونك
علي: نايف خطيب هند عندهم بنات مب متزوجات
امه: هيه وحده بس
هنيه استضاقت سلامه وقالت في خاطرها كملت بعد ..
علي: حلو شو رايج فيها
ام عوض: والله بنات حمد ما عليهن كلام كلهن والنعم والدليل حرمة اخوك لطيفه ..
علي بهدوء: انزين ريال يبا يخطب من عندهم ولكنه معرس بس يبا الثانيه بيوزونهم(بيوافقون عليه ) ولا؟
ام عوض بصدمه: والله ماعرف ياغير تحسبتك انته تباها ..
ضحك علي وقال: والله اذا ما وافقوا على ربيعي ليش لا باخذ من عندهم
كمل كلامه نتواصل ويا منوه ؟
امه بهدوء: شل الريال ربيعه وسير وياه لين العين وقابل أبو البنت وخل ربيعك يشرح وضعه كامل وبوسعيد ما بيقصر في ذمتي حظ منهو ناسب بوسعيد ليت الا عندهم باقي بنات جان وزعتهن عليكم انته ومكتوم ونهيان ..
ضحك مكتوم اللي دخل وقال: هاه بدينا نحش في مكتوم شو سوى بكم مكتوم وايد معذبنكم
ضحكت امه وقالت: لا ،، نقول بوسعيد لو عنده بنات ثانيات بيوزكم من عندهم من دون ما اشاوركم ..
مكتوم بصدمه: منو بسعيد ؟
امه: بو لطيفه
مكتوم بلا حاسيه قال: وااايه فديت هالطاري وماحس الا بعلبه الكلينكس في ويهه وعوض رافع حوايبه وياشر بعيونه على سلامه ، اما مكتوم كمل وقال: والله ان صدق فديتتت طاري العرس (رقعها ولد سعيد ).
امه تطالعه ولفت لمكتوم وقالت: انته اهبل ابويه ولا مينون الغالي يوم نيب لك طاري العرس ما تبا والحين طرينا بنات بوسعيد وتفدا العرس لفت لعلي وقالت: سايقه وجه الله عليك انك تعالج اخوك من هالحاله اللي هو فيها ؟ ا شك ان اخوك هب صاحي!!
ضحك علي وهو يقول؛ خليه امايه هذا حالته ميؤوس منها .
امه بضيق وصدق: يعني الحين ما تم دوا ما اكتشفوه ، اكتشفوا علاج لسرطانات والاوبئة وغيرها والكثير من الامراض يت على حالة ولديه مالها علاج ؟
علي بتنهيده: له علاج يا اميه بس علاجه صعب ..
امه: شو علاجه
علي: العرس بس مب أي وحده لازم يفز القلب ولا انسي علاجه
توترت فطيم من كلام علي وسكت الجميع …
ونطقت اليده: هزاع ولطيفه ما اتصلوا عنبوه شلها ولاردها تولهنا عليها ..
مكتوم بحب: الشاهد الله انج صادقه يدتيه
اليده : اتصل باخوك يا مكتوم
مكتوم رقع قلبه والعلاقه بينهم متوتره بس انقذ الموقف علي اللي قال: خليهم معاريس يوم بيون بتشبعبن منها ما بطير تراها يالسه عندج وفي نفس البيت .
قالت يدته: اندوكم انتواشبلاك انته تعق الرمسه وما تثمنها لطيفه غير دوا العليل .
مكتوم اللي كان بينطق دفره عوض وقال: مكتوم قوم نسير نيب عشى .
(نهاية الفلاش باكگ ..)
:
:
في الوقت الحاضر علي اتصل بيوسف وقاله اسم البنت بعد ماخذه من امه واتصل لبو سعيد ياخذون موعد من عنده وبيسير علي ويوسف وأبو عوض ووعوض عشان يوسف ماعنده حد يسير وياه وهم يعتبرونه واحد منهم وفيهم حددوا موعد وساروا للعين ..
:
في بيت بوسعيد …
:
الميلس الخارجي موجودين نايف سعيد وابوه بوعوض وعوض وعلي ويوسف اللي توتر شوي لان مايعرف العرب دخل بو عوض في الموضوع : والله يا بو سعيد نحن ودنا ويشرفنا ان نخطب كريمتك شما لولدنا يوسف ..
بوسعيد بهدوء: والله يا بو عوض ونحن نتشرف بكم زود وبيوسف ولدكم ياغير اني ودي اتعرف على يوسف اكثر .
يوسف اللي منحرج قال بهدوء: انا اسمي يوسف …. ال…. واشتغل دكتور مع علي في طب الباطني ، وعمري ٣٧ سنه، ابوي شايب طريح فراش وعندي اخ مقعد بعد الحادث أصابه شلل وقدر الله ونشل وعندي خوات صغار واخوان صغار ابوي الله يطول بعمره من بعد الوالده الله يرحمها مايحب يكون اتكالي على الخدم تزوجت من بنت عبيد ال…. وفي هالحظه انصدم الجميع وسعيد خصوصا اللي توه ينتبه وين شايفنه اما نايف فابتسم على طرف ) كمل يوسف كلامه وهو يقول لكنها ما جازت لي ولا تطالع الوالد والله يستر عالباقي انا مدحوا لي بنتكم قبل ما أقول اني بتزوجها عشان الوالد بالاول والأخير اباكم تعرفون بنتكم عالعين والراس ومحلها القلب ان رضت تباري شايبي وتعتبره ابوها وهو من دون أي مقدمات بيعتبرها بنته ..
ابتسم بو سعيد وقال: والله ونعم فيك يا يوسف ولكن ودي اقولك على شيء ترا مب عيب ولا غلط انك دور البنت اللي تصونك وتصون ابوك وتباريه هذا ان دل دل على خلقك وبرك لوالديك لكن تدري ان زوجتك تستوي بنت خالة شما بنتي !
انصدم يوسف ورفع واسه والكل على روسهم علامه الدهشه وقال يوسف : كيفف!!
أبو سعيد : هيه نعم يا يوسف وانا ما يرضيني ان يصير خلاف بينهم وهن بنات خاله لكن شوف يا يوسف انت بالنسبة لي ولديه لكن ما يرضيني يا الغالي اني اشوف بنتي تكون ضره لبنت خالتها .
يوسف بضيق سكت ومن ثم قال: يا عم والله بحطها بين عيوني وما بخليها تضرها بالكلام لكني انا معزم ( مصر) اني اتزوج سواءً خذت بنتكم ولا غيرها فمن باب أولى الاقربون أولى من المعروف وانتم ما دام بينكم نسايب وقرابة انا بعد اتشرف اني أكون منكم وفيكم ..
بو عوض بهدوء: بصراحه يا بو سعيد الولد معاه حق يبا من تداريه وتداري ابوه ما يبا زوجه ماتلقى له بال ولا تعرف عنه شيء .
يوسف بصدق: اقطع لسانها والله ان تكلمت في بنتكم لكن لا تردني .
بوسعيد لف بضيق وطالع عياله شاف نايف ساكت ومن بعدها نطق نايف وهو يقول: يوسف نحن ان عطيناك بنتنا لازم تعرف شي واحد
يوسف لتفت له وبتوتر قال: اللي هو!
نايف يتنهد: اللي يخذلنا ماله عندنا قدر وكمل كلامه عايلة عبيد ال… قبل كان بينا وبينهم نسب ومن طلقوا اختي ابويه حلف ماياخذون من عندنا ولا ناخذ من عندهم وامس بالضبط ردينا ولدهم عبدالله اضني انك تعرفه رديناه ( رفضناه)، بسبب اللي صار لاختي من اخوهم فلذلك ان بغيت شما حليله لك مرتك ماتقرب منها خير شر ولو بتحط كل وحده في مكان احسن وافضل لك من عوار راس ..
يوسف بعد تفككير سريع قال: يشرفني نسبكم وانا راضي بلي تبونه ان كان عندكم شروط انا موافق عليها ومرتي الاولي بتكون في قسم وكريمتكم بتكون في قسم واوعدكم ماتضرها وانا قد وعدي…
بو سعيد بتنهيده قال: ان شاء الله بس بنشوف راي البنت ونرد عليك باذن الله
يوسف بهدوء: الله يججدم اللي فيه الخير ..
وبعد العشاء بوعوض استاذن من بو سعيد وساروا البيت اما بوسعيد اتجهه لبنته شما الليي كانت توها مخلصه صلاه العشا وترتب اغراضها دخل وابتسم وقال: شميم
صدت ( لفت)عليه وهي تقوم واقفه قربت منه وباسته ع راسه وقالت : لبيه ابويه ،، حياك ادخل نورت الغرفه …
دخل وقعد على السرسر وبتنهيده قال: تعالي قعدي قربي اباج في موضوع مهم .
قربت وقعدت يمه وقال وهو يمسح على راسها: شميم اليوم يوني خطاب لج الريال انا ماعرفه بس اهل هزاع يعرفونه ويمدحونه وبعدني بسال عنه انا ونايف الريال عنده أبو شيبه طريح فراش مايحب ياكل من يد الخدم قبل كانت مرته تاكله وتخدمه لكنها من توفت بدا يهتم فيه يوسف ولكنه بحكم شغله وظروفه عرّس عشان مرته تشوف ابوه وتهتم في بيتهم لكنها كانت عكس توقعاته ماتهتم لابوه ولا تعطيه ادويته وعنده اخو مقعد من بعد ماسوى حادث قدر الله وصابه شلل وعنده اخوان وخوات صغاروعدني انه بيحطج في عيونه وما بيخلي مرته تضايقج بس تعرفين مرته منو ؟
رفعت عيونها لبوها تنتظر التكمله بتنهيده قال: بنت خالتج لطيفه عهود شاف الصدمه في عيونها وقال مسترسل: انا ما بوقف في ويهج شما انتي مب الصغيره عمرج ٣٣ سنه بس انا متضايق من فكرة وجود عهود في حياتكم ومب مرتاح ، ولكن الريال عطانا وعد وقطعه على عمره انها ما تضرج وكل وحده فيكم بقسم ،، سمعي يا بنتي التجاهل في حياتنا مطلوب والريال ما قصر قال لنا الصدق وعرف انها بنت خالتج خبرناه وما زاده الا إصرار وتمسك فيج اكثر ان كنتي موافقه بخليه ايي النظره الشرعيه ارتحتوا لبعض الله يتمم اموركم وقبل كل هذا صلي صلاة الاستخاره يا بنتي ، واباج تحطين اخوه وابوه وخوانه وخواته في عيونج شوفي ابوه كانه ابوج ولا تقصرين عليه بشيء رغم اني يا شما ماودي انج تحتكين في أي حد له صله بقوم خالتج لكن لين متى نتجنب انّ نواجهم الحياه ساعات تطلب منا ان نبذل جهد كثير في سبيل انّ نتخطاهم وتبين الصدق يابنتي ان بغيتي توافقين من بعد ما نتاكد من ريال وعلومه لج حرية الاختيار ..
تنهدت بتعب بعد كلام ابوها وقامت وباست ابوها على راسه وقالت بحب: ان شاء الله الغالي انا بصلي استخاره والله يكتب اللي فيه الخير …
:
عند راشد ومهره..
:
دخل راشد وهو شال حمد ولده وشاف مهره قاعده تتمكيج ومتلبسه بنطلون ليقنز وبلىزه شتويه طويله حضنها من ورى وهو يقول: وييين يا لحب .!
مهره بزعل: زين فكرت تمر وتسال أسبوع وانته طايح عند اللي ماتتسمى .
راشد يلفها صوبه ويطالع عيونها وبتنهيده: ما نخلص نحن من هالموضوع وربي انا في غرفه وهي في غرفة شفيج انتي .
مهره بغصه وهي طالعه: واضح ودليل اللي على رقبتك من اثار .
راشد بضيق وقهر : والله ما حسيت فيها يوم دخلت عليه الغرفه وربي كنت نايم ومنوم حمد عندي ومادري انها بتدخل والله ماحسيت…
مهره دمعت من دون شعور وصدت بقهر: اكيد ردت على عللومها تحط لك منوم في الاكل ولا الماي وماتحس اكيد ، تذكر يوم ربت بحمد اعترفت لك انها كانت تحط منوم …
شافت حمد قرب منها يمسح دموعها حضنته وهي تبوسه على خده هالولد وايد تحبه ماله ذنب بغلطة ابوه من تعلق فيها وهي تقبلته غصباً عنها شلته من على الأرض ووقفت وهي شالتنه يين ايديها ونزلت تحت سافهه راشد المصدوم من نفسيتها قابلت ابوها طالع من غرفة شما ابتسمت وقربت باسته على راسه ومن لمح دموعها قال بقهر: شو مسويي بج رويشييشد وبعصبيه قال انططططقي .
طلع راشد من الغرفه وشاف مهره اللي تبكي في حضن ابوها وشاله حمد وقال في خاطره ياك الموت يا تارك الصلاه .
ابوها من شاف راشد ياي صوبهم قال بعصبيه: شو مسري فيها يا راشد
راشد اللي ارتبك من عصبية عمه نطق وقال: والله يا عمي نفسية حامل ولان هي بعد متحسسه لاني من أسبوع ما ييت عندها .
بو سعيد بعصبيه: سمععننني زين يا راشد ترا المره الثانيه ما فيها رده والله لو تحتها عشر عيال منك سمعتني !
تنهد بضيق وطالع مهره بلوم ونزل من الدري ، اما مهره تلومت لكن غصباً عنها غيرتها مشتعله عليه هذا اللي حبته وتموت عليه يحلف لها ان مايجمعه ويا زوجته لا فراش ولا غرفه طيب واللي فيه من اثار من منو من الجن!! صحت على بوسة ابوها لراسها ومسح عليه بخفه وهو يقول: مهره يا بابا تراه بعد معذور زوجته ولها حق عليه كبري عقلج يا بنتي .
ابتسمت وهزت راسها وقالت بقهر وضيق: ماودي حد يشاركني فيه ..
ازفر بهدوء وقال: قدر الله وصار اللي صار المهم انه صايننج ويحبج وهي بعد ام ولده ملزوم منها .. بعد عنها وقال : بروح انام انا فديتج شي تبين !
هزت رااسها برفض وقالت: سلامة عمرگ ..
نزلت من بعد ما راح ابوها لغرفته وراحت الحديقه شافته قاعد يلعب بالتلفون لفت لحمد وهي تقول: نروح عند بابا نراضيه !
هز راسه وهو يقول: وناثه ( وناسه)..
وصلت عند راشد وحضنته من ور وحمد تعلق في رقبة ابوه وهو يضحك سحب ولده وباس عنقه وما صد صوبها مهره قالت : اسففههه حبيبي بس انته تعرف اني اغار عليك أسبوع ما اشوفك ولا اسمع صوتگ ..
طنشها ولا كأنه يسمعها وبغيره قالت: اغار !!! قلبي ما يتحمل يشوف اثارها يركبني مليون جني اذا انته تحلف انك ما تلمسها ولا تقربهاا من شو اللي على رقبتك من الجن .
راشد بضيق: عمري ماتوقعت انج تنزلين من قدري عند عمي سايره تبكين عنده وفي خضنه وانتي تدرين ان عمي ما زال متاثر منشغلًا ولا غالموضوع وما قام يتحمل أي شي يضركن ما رمتي تمسكين نفسج قدامه ولا تعمدتي تحطيني في الموقف البايخ واضني بروحج سمعتيه قالج الثانيه مافيها رده لو تحتج عشره عيال مني !
قامت وباست راسه وايده: اعذرني حبيبي والله تعبانه قلبي يشب من يشوف اللي فيك ماودي اناظر شي من اثارها فيك احسك تخوني وتجاملني بانك ما تقرب منها .
راشد بجديه وقهر: لو كنت اخونج على الأقل تراها زوجتي حلالي ام ولدي مب وحده من شارع وبزفره سريعه مهره ترا انا من يوم ما انا وانتي تطلقنا ما جمعني معاها مكان واحد فما بالج الحين عقب مارجعتج وانتي لي تتوقعين بكون معها بنفس الغرفه لا طبعا حبيبتي انتي غلطانه ولو على كلامج اني اقربها هذا حود كمل فوق سنه ماشوف انها حملت بغيره!
لزمت صمت وعيونها تناظر الأرض رفعت عينها وقالت بهمس: اسفه
ناظر عيونها وشاف الخوف وتوتر والضيق فيهن تنهد بتعب وسحبها لحضنه وطوقها بيديه : لا اتقهريني بحركاتج مره ثانيه .
شدت عليه بقو وهي تبكي باسها على رقبتها بقو وقال : وربي اخليج تحرقينها باجر في عزيمة حمد لما تكشخين وتلبسين فستانج تغيضينها ..
ابتسمت بحيا وهي تطوقه بيده اكثر قالت: صدق حبيبي
راشد يغمز لها وهو يشوف حمد اللي متنح فيهم وقال: لج عينن تنظر يا حبيبتي !!
ولف على حمد وهو يقول: تعلم من اابوك حبيبي وقرب راشد وباس بقوو على خدها
صرخت بالم يعوور ياكلب ..
ضحك راشد عليها وحمد عصب وزم شفايفه وباس مهره على خدها ومسح بيده على الاحمرار وراشد بغيظ قال: طالعوا انتوا طلع لي منافس والله فيج!!
مهره ضحكت بخجل وراشد طوقها بيديه وحطها في حضنه وقال بغياض لحمد: مالي هذي مب مالگ ! مالك هناك وياشر على بيت ابوه ..
حمد ضربه على عينه وهو يقول ماحبگ مهله مالي( مهره مالي) .
راشد بغيره: يطفس هذا وانته مب من بطنها متعلق فيها عيل اللي بي منها وفيها شو بيسوي .
مافهم حمد كلام ابوه بس بوز …
:
:
:
في بيت يوسف ..
:
طلع يوسف من غرفة ابوه بعد ما اكله وعطاه دواه شاف عهود في المطبخ تسوي لها اكل تنهد بضيق وقهر رن تلفونه ورد: هلا يا نايف
ولف على عهود اللي لفت عليه من سمعت طاري نايف وارتبكت وبان عليها ورفع حاجبه باستنكار وقال لنايف: وياك وياك الغالي اسمعك ،، هيه ، تم افا عليك حاضرين متى اييكم باجر نعم اني اقدر بامر الله تمام بو حمد الله يحفظك …وسكر الخط
احمد اللي كان وراه بيطلع للغرفه قال : من نايف !!
يوسف اللي عينه مانزلت من عهود وارتباكه من طاريه استنتج انه طليقها السابق وقال عشان يحرق قلبها زود: نسيبي اليديد
لفت عليه بقهر وقالت بتسرع: نايف بيخطب من عندكم
لف عليها ورفع حاجب واحد وطنشها وقال لاحمد : قريب ايينا وتتعرف عليه..
عهود تضايقت من عدم رده وتجاهله لها ،،، احمد طالعها بقهر وعصبيه وده يكوفنها على اسلوبها الوقح اللي نفس ويهها اما يوسف تعداهم وراح فوق ..
:
مرت أسبوعين بحلوها ومرها ومنها زواج يوسف وشما اللي كان بشكل عائلي اكثر من انه عام ،، وصول هزاع ولطيفه من سويسرا ،، بطي خلص دراسته واستقر في البلاد وعرف بلي صار للطيفه من مبارك وانهم حملوها ذنب حمد وكيف تحولت من حبيبتهم الى عدوتهم ،، حمد بدا يطرش مسجات على التلفون الثاني اللي حطوه في كبت لطوف .:
في بيت بو سعيد ..
يالسه الريم وعبدالله اخوها وخالتها وسعيد ..
سعيد قال: امايه ابويه وين!!
أمها بتنهيد: في العزبه عازم لطيفه وريلها وأهله في العزبه عشا…
سعيد بصدمه: وانتي ما بتسيرين..
امه بهدوء : بسير يا بويه كلنا بنسير مادام ان ابوك عازم لطيفه من ردت من السفر وهو يبا يسوي لهم عزيمه وعاد اليوم من صبح هو ونايف هناك يرتبون ويعدلون وانا بسير الظهر ولا العصر شو يوديني في الحر والقوايل .
سعيد بضيق: ما توقعت يا امايه يوصل بنا الحال جيه ، تحيدين( تذكرين) يوم نسير ويا قوم عمي طلعاتنا للبر والعزبه منو يقول ان بيوصل بنا الحال جيه.
امه تتنهد بضيق: مقدر ومكتوب يا الغالي كل شي مكتوب .
سعيد بان الحزن في ويهه: والله راشد اللي صدق متاثر من هذا كله مايعرف يرضي منو قلبه عندنا وعند حرمته وعند هله حليله ما يقدر يضبط اعصابه يوم يرمسون عن لطيفه اذكر يوم كان في غيبوبه حمد ، اسميه راشد ماسكت يا اميه ولا مبارك يدافعون عن لطيفه بكل صدق ومحبه مب مثل بنات عمي عافانا الله انجلبن عليها وعلى مهره ولا امهم فوقهم بعد مب مقصره تمشي وتقرض في لطيفه عيى حوباتها ما تعداهم..
امه بهدوء: أستغفر الله يابوك خلهم لله ،، وهخل قلبگ صافي وربگ هو اللي بيدبرها! وبياخذ حق كل واحد!
سكت يعيد ورن تلفونه ورد بتوتر: حي الله شهاب
شهاب بضيق: الله يحيييك ،، سعيد بطي حشرني يبا يسبر عند لطيفه يسلم عليها ويتصل بها تلفونها مغلق !
سعيد تنهد بضيق وقال: والله لطيفه مب ناقصه بيني وبينك مشاكل ويا ريلها يكفي اللي ياها مسكينه يىم طاح حمد !!
شهاب اللي يطالع عصبية بطي الغير معهوده قال: يبا يسلم عليها ما يبا منها شي!
سعيد تنهد بضيق وقال: بطرشلك رقم هزاع ودقوا له وطلبوا لطيفه
بطي اللي شل بعمره وطلع بعصبيه آما شهاب نهى المكالممه بسررعه وانتهى بالضبط عند وصوله االى الكراجات ولكن شاف سيارة بطي طالعه مسرعه وبتنهيده قال: الله يصلحك ياًبطي ..
:
عند بطي كان مقهور من هزاع وكارهنه من تسلطه بسسببته لطيفه ما تقرا مسجات بطي ولاتفتحهن ولاترد على اتصالاته وهاشيء وايد مضايقنه وماحس الا انه وقف قدام بيت يده بوحمد وكان حمد ظاهر من البيت تقرب من سيارة بطي ودق الدريشه فتح له بطي وقال: نعم!!
حمد ينطر حوايبه: اشوف النفسيه خايسه !!
بطي طالعه بطرف عينه وبقهر قال: خالي ليش سمحت لهم يضرون لطيفه وانته ساكت !! اللي يحب يضر!!!
انصدم حمد من جملته وتم يطالعه ، بطي بهدوء: بعد عن السياره بسبر دبي .
حمد بتهور: بتروح عندها..
بطي بقهر: هيه بصلح اللي خربته انته وخواتك وامك
حمد لف الجهه الثانيه وركب عنده: يلا انا خويك اليوم للدبي .
بطي بطرف عينه قال: اذا طلعت من حركة مب زيننه ياويلك يا خالي
ضحك بخبث وماعلق.. وبالمقابل بطي حرك لدبي ..
:
:
في بيت بو مايد ..
:
العنود تكلم غيث وهي تبكي بقهر: يعني الحين انا وثقت فيگ وطلبتك تأخذ حقي وحق اختي من اللي طلقها بعد سواتك وتدميرك لي وعقب اللي سويته اختفيت مره وحده ما تقولي انا بشو قصرت وياك.
غيث ببرود وقهر: والله سلمتيني نفسج وانتي راضيه على أي أساس انتقم لج وانتقم لاختج من انسانه ما يخصها وولاشفتها ولا اعرفها .
العنود بقهر وكره: دمرت بيتنا ودمرت عايلتنا تباني بالمقابل اشوفها فرحانه ونحن التعاسه في بيتنا اخوها طلق اختى وهي سجنت اخوي وشتتته من مرته ، وابوها ما وافق على اخويه يأخذ اختها بسببها هي ، حياتنا فوق تحت مجلوبه ! الحين ييت انته كملتها عليه ،، غيث والله حسافه اني ضيعت عمري وكل وقتي معاك انا لو اعرف رقم ربيعك اللي نغير علينا فجأه بخليه هو اللي ينتقم لي منها بس انته حسافة عليك والله حسافة !
غيث بجمود وبرود وبدون إحساس: تبين مكتوم يعطيج ويهه والله ماعرفتيه بعدج والله ما ينفذ لج اللي قلتيه ، حبيبتي مكتوم ما يطالع اشكالج ابشرج يعنيً انتي اللي كنتي ميته عليه تذكرين يوم طلعنا للحفله اللي مسوينها في المزرعه ويا ربيعاتج شفتي كيف كانن متخبلات عليه .
بقهر جاوبت: مع اني عرفت انه مب راعي سوالف وحفلات واللي عرفته انه كان حاضر ومايعرف وين انتوا يايبينه!
تنهد غيث وكمل: هيه ،، نحن نعرف انه بجماله وأسلوبه بيطيح البنات وبيجذبهن بوسامته لذلك جذبنا عليه وقلنا لنا لمة شباب في المزرعه بس من وصل وشافكم انتي ادرى بالباقي شفتي شو صار بعينج.
:
فلاش باگ ( قبل اكثر من سبع شهور) .
مكتوم : غريبه يعني مسوين لمه في المزرعه ماحيدكم ..
سعود: تغير جو يا ريال .
غيث: يابن الحلال انته ليش مستغرب طلعات شباببيه فلاويه!!
ضحك مكتوم وماعلق ،، وصلوا المزرعه ونزل الجميع وقال بضحك مكتوم: اخصصص حركات وجلسات وشموع واجواء رومانسيه ،، انتوا شو سالفتكم !!
ارتبك سعود من نظرات مكتوم وقرر انه يبعد عنهم اما غيث قال:مكتوم نحو ندري بك تحب النسوان وماتصبر عنهم نحن يايبين بنات ونبا نعيش جونا.
مكتوم بصدمه قال: يا بن وسكت بقهر ماوده يسب غيث بعدين قال اوك ما اختلفت وياك احب النسوان بس يخسسسن احضر وياهن حفلات مختلطه شو هالسخافات انا ماحب جي مب جوي الحفلات والخرابيط انا نسونجي صح بس يوم اباهن اعرف كيف اييبهن لكني اروح حفلات ورقص والجو هذا اللي نفس ويوهكم ماحبه..
وشوي شاف سعود منزل البنات ومن ضمنهم العنود انصدم شو الوقاحه هذي وقال بكره: ان كرهت البنات فهي بسبابكن معقوله وصلت فيكم المواصيل توون مزارع واستراحات انا ماحب الوقحات انا جوي غير وانتن يا زبالات ماتشرفني ولا اتشرف اكون مع وحده فيكن وانتوا ياشر على سعود وغيث اذا بتستمتعون فيهن مب ناقصكم غير موسيقى ورقص وشرب والعياذ بالله ، ورفع عينه وطالعهن من فوق لين تحت
وهو يكمل كلامه طالعات في نص الليالي من بيت اهاليكن، والله مب منكن من اللي عطاوكم الثقه ، ووثقوا فيكم زياده عن اللزوم ، واللي يزيد عن حده ينقلب ضده ،، مسك سعود من زنده وهو يرص على اسنانه ومسك غيث من كندورته اللي بلع ريقه بخوف وتوتر من عصبية مكتوم المفاجئة من ورى وهو يرفعه بغل وقال وهو يرص على اسنانه: انقلعوا لسياره ونرد من وين يينا وهذيل خلوهن رواحهن في المزرعه أبا اشوف كيف بيردن بيت اهاليهن وشو بيقولون لهم ودفرهم جدامه .
عدل غيث كندورته وسعود اللي توجه لسيارته من دون صوت شغل اليياره وهو يمسح على ويهه بتوتر وغيث اللي مشى من دون ادنى صوت ومكتوم اللي ركب السياره
بصمت ) وانتهى الفلاش باگ ..
رجعت عالواقع بصوته يوم قال: انتي اللي سلمتيني نفسج برضى بعد ما شفتي الصد من مكتوم قتلج مب كل من يهوى صعايب حازها ( نالها) ، غيرج كان اشطر وبطووا يوصلون لمكتوم وقلبه مجرد كانوا تسالي له فقط …
العنود بقهر : بيبطي يحصل قلبه وحده يباها ويمتكلها باجر تشوف يطيح في شر اعماله .
غيث ببرود: أقول انقلعي بس ولا عاد تدقين ولا كل صورج بيكونن في ظرف ثواني في ايد اخوج سالم .
انتفضت من طاريه بخوف ورعب وقلبها يدق بخوف ان درى سالم ما بيرحمها سمعت ضحكة غيث اللي قال: سرحتي في ردة فعله الغاليه ! ههههههههاااي لا تحمسين وايد ترا من بيت هلج لين قبرج ! .
العمود بوقاحه: المهم غيث يا تعطيني رقم مكتوم يا انته تقوم بالموضوع هذا وبعدها لو اموت على ايد سالم ماعندي مانع المهم اني اشوف أهلها يبكونها .
غيث بوقاحه وحقاره : انتي ما تبتي من اللي صار لج .
العنود بكره: عادي بدور غيرك والله يضرها وخصوصاً انها مستويه الكل في الكل في بيت خالتيه وعشان يرضونها كسروا خشووم خواني كلهم .
غيث بعد تفكير طويل وفي خاطره مينونه والله عادي تضر البنت وهي مالها ذنب عقب قال: انزين عطيني رقمها واسمها وشوية معلومات عنهم وين ساكنين طرشيهم مسج وخلاص انسي موضوعها بتسميع علومها .
العنود بانتصار:اوك
:
العصر وبدا الجو يحلو ويبرد ، في بيت بو عوض ..
:
كانوا قاعدين في الحوش وفارشين فراش وحاطين فواله ، دخل علي اللي ياي ويا مكتوم ونهيان من السووق يايبين حلويات ومكسرات ، وعوض وسلامه اللي يايين من فوق ويدتهم وامهم وابوهم ، عوض لف على سلامه وقال بضيق: انتي بلاج اليوم ويهج مسوود .
سلامه بضيق: ماعرف والله احس بضيق فجاه اييني من شوه ماعرف .
عوض يضحك وبهمس قال: يمكن حامل!
سلامه تبتسم مجامله: شو يخص الحمال بضيق !! لو حامل بتوحم !.
عوض بتنهيده: عنبو بطيتي وايد سلامه من متى نحن معرسين !
تنهدت بضيق وسكتت وماردت عليه ! هو شاح بوجهه الصوب الثاني .
دخلت سيارة عمر ريل حمده ونزل هو وياها وبنتهم اريام وولدهم (نهيان الصغير ٥ سنوات) ، ودخلت مريوم( ووبنتها الصغيره ذات ٧ اشهر ) ، (وبنتها ذات ٥ سنوات منال )، ووصلت صباح وبنتها ساره وفاطمه وريلها عيسى . نزلوا الجميع وسلموا على الموجودين وقعدوا .
اليده اللي نطقت : تراكم اليوم معزومين في عزبة أبو لطيفه مسوي عشا على سلامة هزاع وحرمته يوم ردوا من السفر .
مكتوم نطق وهو يأخذ حبة الحلاوه: حاضر ومن عيني اليمين على ما قال حمد العامري .
ضحكت فطيم من دون تعليق ابتسم مكتوم وطرش لها بوسه عالهوى وقال: وصلت الغاليه!!؟
ضحكت بخجل ولفت ويهها عنه اما مكتوم قال:انزين يدتيه وعلومج!
اليده تاكل من الحلاوه: بخير وبنعمه يا ولد سعيد ومن صوبگ.
ضحگ وتوه بيرد يقطع عليهم هزاع اللي دخل وهو يضحك ويسلم ولطيفه وراه اللي كانت محمره سلمت وما لفت عليهم من الاحراج ضحك هزاع وقعد عدال يدته اما البنات قامن سلمن على لطيفه وقالن: حمدلله افرج عليج اخونا ! شكله حالف ماتشوفين الشمس ضحك هزاع بصوت عالي وهو قاصد احراجها اما لطيفه فغاصت من الاحراج وتمنت تنشق الأرض وتبلعها وقعدت عدال عمتها ام عوض وتحاشت النظر في ووجوهم جميعا حسووا باحراجها وحاولوا ينشغلون بسوالف عشان تنسى توترها ويخلونها تأخذ راحتها .
هزاع قاعد عدال يدته وماسك يدها وقال: بنت محمد علومج ..
يدته: بخير ونعمه الحمدلله، الحمدلله على شوفك بتخبرك انته ماشبعت منها خذتها عنا سويسرا ومحد قالك شي ومن ييت من أسبوعين ومحد شافك الا اليوم تراك ماصخ.
ضحك هزاع وقال: والله اختلاف أوقات يا بنت محمد وترانا بعدنا معاريس تونا مكملين ثلاث شهور.
حمده: صدقك معرس لين ماتيب عيال ومن تييب عيال انسى انگ معرس ، يلا شد حيلك وييب لمايه وابويه حفيد .
ضحك هزاع بتعمد وهو يقول : هيه شاد حيلي وانتبه للطيفه الي خشت ورى امه ووييها محمر .
ام عوض قالت: بسكم عاد طحتوا في البنت حليلها غاصت في ثيابها ، لا تحرجونها زوود.
هزاع ابتسم وهو يتنهد: والله ما قلنا شي غلط ولا عيب ولا حرام ، صح حمدوه وغمزلها.
حمدوه تزيد العيار: هيه صح اشوفكم ما تظهرون حتى الشمس ماتعرفونها من وين طالعه.
بو عوض اللي رحم حالها وخصوصا انظار عياله مكتوم وعوض وعلي اللي يطالعون لطيفه كيف مستحيه ومنخشه ورى امهم نطق بحده: حمده وهزاع بس عاد ارحموا حالها المسكينه وقال بغياض: ماعليه دامكم طايحين فيها اليوم والله ماتشوفها ولا تيلس عندك وبترقد عند هنوده اختك .
|