05-05-2021
|
|
|
عظيم احساسي
عظيم احساسي و من الشوق فيني شي ما ينقال
وفقير الحب قدام اللي بين ضلوعي لك شلته
عظيم إحساسي و من الشوق فيني شي ما ينقال
وقليل الحب قدام اللي بين ضلوعي لك شلته
أحبك كثر ما تسري بشراييني وتجي ع البال
كثر ما في خفوقي لك كلام ما بعد قلته
سألتك بالذي جمّل نواعيسك بلا أي كحال
في طرفٍ فتنته تزين الكحل لا من تكحلته
وميزك بجمال طاغي وضحكه تجيب الفال
من أجمل منك وانت اللي ختمت الزين و كملته
يا ثقل الوقت من دونك وأنا أيامي بلاك طوال
والأطول منها شوق غريب إني تحملته
تغلى يا بعد كلي مسير الوقت مهما طال
يبل ريق المواصل من لقانا اللي تأملته
شعوري لك مثل نقش يُخلد في مدى الأجيال
وأحبك حب تاريخي و يذهلك إن تخيلته
تشوف إحساسي ذا كله
وكل ما في القصيد انقال
في صدري عشرة اضعافه كلام ما بعد قلته
|