عرض مشاركة واحدة
قديم 12-18-2008   #2


الصورة الرمزية عـــودالليل

 عضويتي » 2
 جيت فيذا » Sep 2008
 آخر حضور » منذ يوم مضى (09:29 PM)
آبدآعاتي » 749,946
الاعجابات المتلقاة » 1957
الاعجابات المُرسلة » 3985
 حاليآ في » فوق الكواكب والنجوم
دولتي الحبيبه » دولتي الحبيبه Saudi Arabia
جنسي  »  Male
آلقسم آلمفضل  » الادبي
آلعمر  » 28سنه
الحآلة آلآجتمآعية  » اعزب
 التقييم » عـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond reputeعـــودالليل has a reputation beyond repute
نظآم آلتشغيل  » Windows 2000
مشروبك   7up
قناتك action
اشجع ithad
مَزآجِي  »  استغفر الله

اصدار الفوتوشوب : Adobe Photoshop 8 CS My Camera: استخدم كاميرا الجوال

мч ѕмѕ ~
ياهلا باللي ينور

دنيتي صوته



كيف

لوجيتني

وش حالها الدنيا
мч ммѕ ~
MMS ~

افتراضي




الالفيـــة

على الالف اولـف بخلـي مولـف
افرق بهـا اقـوام واقـوام اولـف
اديب شعـوا ليـن العظـم واللـف
الفه على حـرف حـرف ابجديـه

علـى البـا بغلبـا وصبيـان غلبـا
بلا مـا بـلا القلـب مبـروم غلبـا
بلا سبـق طيـر بـلا وسـق غلبـا
بنيـه ونـيـه سـواتـي مطـيـه

علـى التـا تـرى مابتاتـي بتاتـي
تبـي ماتبـي ثبـت بـت بتـاتـي
تجي بامـر مـن ينبـت المنبتاتـي
تجـي فـت لـو فـت فتـا فتيـه

علـى ثـا ثلاثـا نـهـار الثـلاثـا
ثـلاث الغضـي قطعنـي ثـلاثـا
ثـلاث طـلاق عـلـي بالثـلاثـا
ثـلاث فـلا مثلهـا فـي البـريـه

على الجيم جم ادعج اغنـج مسـرج
جديله سبيـب الحصـان المسـرج
جنا الخد جليـا السـراج المسـرج
جـلا دج دوج الدجـا الخرمسـيـه

على الحا حلو ليس لـه بالملاحـي
حلـي محالـي او مليـح ملاحـي
حـلا مايحاليـه بيـن المـلا حـي
حـلا فـي حـلا مايحـلا حلـيـه

على الخا خلا ماعلى القلب اناخـي
خليل خلا بـي خـلا عـن بناخـي
خـلاوي لمرخـي ولانيـب ناخـي
خلا في خـلا خالـي اخلـو خليـه

على الدا دوا الدا من الـدا ياباالـدا
دوا الدا من الـدا هـو الـدا يبـدا
دوا فـي سهـود النهـود المـبـدا
ودوا في مهـود الخـدود ضحويـه

عـلـى ذا ذوا ذا وهــذا كـهـذا
ذكـرت بـهـذا نسـيـت بـهـذا
ذبحنـي ذبحنـي لـمـاذا يـاهـذا
ذبحنـي ومـاذا عسـى فـي يديـه

على الـرا رمانـي بسـرا مسـرا
رمانـي بسـرا شـمـرا مـسـرا
رمانـي وانـا بيـن ضـرا وسـرا
رماهـا ولا رامـي ارمـى رميـه

على الـزا زبنـت المـذل المعـزا
زبن من زبن له عـزا مـن تعـزا
زهمتـه فـي الازلام لات وعــزا
زمـان تــوزا ولــزا خـزيـه

على السا سما الحسن جنـا
وانسـا سما الحسـن حسنا وجنسـا
وانسـا سما اللي ان احسن صنيعا
وان ساء سـوى مثلـه فـلا ولدتـه ادميـه

على الشا شنـاح بشوفـه تشـاوش
شغاميـم شيخـان قـوم تـشـاوش
شعرها شليل اشقـح مـن تشـاوش
شماليـه ولــه حـقـو ساحلـيـه

على الصا صفا مسجد البيت الاقصى
صفا صدره النهد الادنى والاقصـى
صفاتي هياكل من الشرق الاقصـى
صلاتـي علـى القبـه الهاشمـيـه

على الضا ضوى الخد ضو لضاضا
ضوى لال والا سنا من لظى ضـاء
ضبيب نحره غض وبه اغلضاضـا
ضبيـب ذهـبـة نـضـة بابلـيـه

على الطا طلبتـه مقاطـم حماطـه
طلبته بليـل عـن الصبـح اماطـه
طلبته طلق ما طـلا الشيـح ماطـه
طلبتـه مطـارق جديلـه عطـيـه

علـى الظـا ظـلام ونـار تلظـى
ظلمتـه ظليـمـة ظلـيـم بلـظـى
ظرمته وظليت يالضـا علـى الظـا
ظميته ظمـى ظـم ظمظـم ظميـه

على العـا عـدا ماعـدا بالبراقـع
عـوا عـاوي يـوم رد البـرا قـع
علـى ماعليتـه رقعنـي بـراقـع
علـى ماعلانـي رقعـتـه بـزيـه

على الغين غليـون غلـو الملاغـي
غواني بلاغـي مـن الهـم الاغـي
غوى يغدي الشيـخ سيـد ملاغـي
غـوى وابـدل الفاتحـه سامـريـه

على الفا في سيفي ورمحي وهيفـي
في شوفي ونفنوف صوفي وهيفـي
فلا في وليفي اشيـا الا وهـي
فـي فكـن ماكـتـب هــم الاعلـيـه

على القا قال الساق مسفـوع راقـي
قرو فوقـه اقـرا ومنقـوع راقـي
قلانـي بعرقـا سبـيـل عـراقـي
قعدنـا وقمـنـا ولا هــي هـيـه

على الكا كبا من لعب لعـب راكـي
كبا ثم شكا ثـم بكـا ماانبـرى كـي
كلانـا كمـا شبـك راك بـراكـي
كـكـم بـكـم وكـيـه بـكـيـه

علـى الـلا لواليـه بعضـا وكـلا
لاقــال اه لالا وكــل المـكـلا
لـه قلـت لا لا وحـاشـا وكــلا
لـك الله ابـوك انـت منـي وفيـه

على مـا مـلام بلامـا علـى مـا
مـلام بلامـا هـدت روع لامــا
مـلام بدمـع ذرف مـا علـى مـا
محـاه الولـي فلمـا اللـوم لـيـه

على النـون نـون بنـون لادنـدن
نضا منه دن لاحـدرن وسنـدن دن
نضـا للمـدنـدن لادنــدن دن دن
نغنـه مناغـا الحـجـل راعبـيـه

على الها هل جاهـل مـن جهلهـا
هل الشـال الادهـم ديابيـج اهلهـا
هل اهلا لهـم دانـة المـوج هلهـا
هم ابخص بمهمـه همـل مهمهيـه

على الوا وا وي مهـاوي هـواوي
ولنـي بــلاوي ولاويــه واوي
ووي يـوم واو حــدر واو وا وي
وسـاد توسـد نـهـد غشمـريـه

على اليا يقـول ابـن حـي يحيـي
ياربـي ياحيـي بميـتـي وحـيـي
ياربي تصلـي علـى احمـد نبيـي
تسـوق التحـايـا تحـيـه تحـيـه



100 بيت بدون نقط
الراس عكّر عكّـره هـمّ مسّـاس --- والصدر لاسه والمسه لاس مالاس
للدار ودّه ملهمه حمـر الاطعـاس --- لدحال طمّه عـارم ٍ سـحّ سحّـاح
هملـول هامـل دام دمّ الـدْحـالا --- مامور أمرْالله علـى الكـل عـالا
الله ومَرْهـا وكـل ماطـال سـالا --- والماء ملا كل المصامـد ومـا داح
لـم الرواحـل كلهـا واحمـدوهـا --- للدار كم عسّاس سـاع امدحوهـا
كـل العلـوم السالمـه علّمـوهـا --- حال ورحل راع الحلال ولهـا راح
له روحوا للـدار روحَـهْ وحولـه --- وسم ٍ وسمهـا ماطـر ٍ دك حولـه
على مهل والحال حـال امحَلولـه --- الله عطاهـا والرعـد مامعـه لاح
المسمى على حـد هـاك اللوامـح --- طمح لها الرحّال مـع كـل طامـح
الله سمحها حكمه السمـح سامـح --- للـدار للحـرّه الـى حـد ماطـاح
لدرعا ووراها والسّهـال السماهـد --- هاك المحـل وحدودهـا والمماهـد
لها المسكا حامـوا لهـا والمعاهـد --- كل ٍ عهد له والعـدو راح ملـواح
ملواح لـوّح راح دهـر المعـارك --- الصح صح وعـوّد وراح حـارك
حلّـوا حللهم حلهـا حــلّ دارك --- طرح الطوارح طارح ٍ طاح لو صاح
صارم صرمها والعـداء ردّ --- هـا رددام الـدوام وحولهـا وارد الـعـد
لد العـداء وحدودهـا حد --- هـا حـداسمه سما ماراح معـدود للصـاح
للصاح وأرها مصحصحه كلها ورود --- راح المَحَل عاد المطر سادها سود
طمَ الطوال وطامس ٍ حـد وحـدود --- حلوه حلاها هامل ٍ دكّهـا وسـاح
عساه طـم لـدار حمْـد وحَمَـاد --- هعوّد لهـا الحـوّام همـه ومَـاده
حـدد رحلهـا مـار اول مــرَاد --- هلا حوّله حولّ لهـا كـل مصـلاح
مع العلا مـع سرمـدا والطوالـع --- اطوالهـا واسهالهـا والصـوالـع
معها الولَعَ ولـع لهـا كـل والـعمع --- ما كساها عدها طـرح طـرّاح
ارطى وعدام وحولها لكح رمـرام --- مكر وسحم وامْـرار ملمـام لمّـام
مع الحماط وحامها الحـوم حـوّام --- لا وا حلا هالدار مطلعـك لومـاح
لومـاح حـرّ ٍ هـدّ لـدّ ولكحهـا --- مع حومها هو رامهـا ماسمحهـا
مع الهواء لـوّاح صـاد وسدحهـا --- والدم الأحمر ساح مدحـاح سـدّاح
سدّاح سدحه ساع ماهـو مطـوّل --- ماكـر حـرار ٍ علمهـا دوم الأوّل
دوّ ٍ دوالـه هولـه الهـول هـوّل --- معه الصدر روّام للـدار وامـراح
حد الطعوس الحمر والراس دالـه --- وصلو السّمر ماحول كلـه سمالـه
ماعاد اسمـع كـل حاسـد ومَالـه --- كل الرمم وعلومهـم كـوح كـوّاح
كوّاح كاح وعوّد الكـوح دحمـول --- ورع ٍ مرح ماصاح والحال محلـول
إلا صدر مهموم مرهوص مسلـول --- لاعه دهر مدهور حلـوه للألـواح
ألواح مـار الحـر صامـد ولـوّح --- علـى همـام ٍ للعـدو دوم طـوّح
الساس عوصا ما وراهـا امْكـوّح --- مسلْوَعَه حَصّـه ردوم ٍ وسرسـاح
سرساح حمرا وأمها ساس عرماس --- ماكوعها لمّـاس لحّـاس مسّـاس
كود اكواره مسها حَـسّ الادمـاس ---- طلمس حداه وحدهـا راح مـرواح
مرسالها مرسـال حلـو ٍ اسهامـه --- حط الحسام وحسْمهـا والمسامـه
حـرّ ٍ لكدهـا والمعمّـه اعمامـه --- وصل اعدوده حاسم ٍ كل صحصاح
للعد والا الرس رس ٍ ولـو سـاد --- حـط المحالـه والدلـو حـل ورّاد
صل المَحَص عاودله وكـدّ معـواد --- حوله حمام ٍ مرسل ٍ حس صـدّاح
صـدّاح صـادح حولهـا أم سالـم --- مع الهواء والراس عالـم وحالـم
سرى الهوى رحّال كـود المعالـم --- إلا المها للروح هـو روح الأرواح
روح الصدر لامَاه والوصل راحـه --- عسى العمر لو راح روّح مراحـه
معه معه لـو الدهـر مـال كاحـه --- آصلْه لو هو واصل ٍ حـد طرمـاح
لو هو وصل لحدود عرعر و لاهَهْ --- لو هو حصل لاسمّـح الله عاهَـهْ
أروح مهما صـار ماهـو ملاهَـهْ --- الحمد لله ما العمـل لـح وإلحـاح
هو الحلا هـو السعـد وا حـلالاه --- اسمه سما مع السمـاء الله سـوّاه
صامل مصمـم كلـه الـود لامـاه --- مار الدهر له مـال للحـال كسّـاح
كسّـاح كسحـه للحـرار ومداهـا --- وألا الرمم واسدومها مـا وراهـا
وحد الحسام محصل ٍ هـو دواهـا --- روم العلا مصرور مع علط الأرماح
لصد العداء مع الردى لكل الأحوال --- ماطال لو هو طال ما طال ما طـال
لا صار وسط الدار حكم ٍ ولا مال --- صارم وحاسم حكمه أحكام واصلاح
اصلاح صلحه صالـح ٍٍ للمصالـح --- لكل الملا سـوّاح صالـح وطالـح
لاسوْ لا اعمال ٍ لها الحـال كالـح --- ولا واحد ٍ مصدوم والراح للـراح
علّم وطالع كـل مـاراح ودهـور --- العصر والمعصور والطور والسور
الله لـه الاحكـام والامـر مأمـور --- أمور لها دور وحصـور وامـواح
عسى لها ماصار معلـوم معـدود --- الحمر مع الدهم والسحـم والسـود
هاك الصراره وعاود العلم مـردود --- والروح لأمـر الله للسـوْ مسّـاح
الله لهـا الـودود عالـم وعـلاّم --- مـادام لـو مـادام الله لـهـا دام
وعلى محمد عـد ماصـام صـوّام --- صلوا وسلام ٍ مرسله راح سـوّاح



وصف الخيـــل
بسمك اللهم منزل سورة الاحقاف والاعراف منزل(ن) (قاف)(كاف,ها,يا,عين,صاد)
عالم سر العباد ومهلك فرعون ذو الاوتاد عاد هل ارم ذات العماد ومن بنوا صخرا iiبواد
جيت لا حي ولاني ميت بين اقبلت بين اقفيت احط البيت تلو البيت واشد القياد
جيت للحفل اعدي شهلول هملول بردي قامت يدي تصفق يدي طبعي لجيت ابغى iiالقصيد


جيت من ظلما قبر بالحفل ما جاني خبر لعيون امير من ملوك اهل الوبر واهل iiالمدر
ما زهمني غير بدر الشمري في الخامسة عصرا وجيت اجري جري بامر العزيز iiالمقتدر
جيت خير وجيت شر سر ضر وحلو مر وبين كر وبين فر انفذ الايعاز الى اليمين iiدر
في مثل لمح البصر جيت العصر في حفل ابن خالد حفيد القائد الوالد ولا نعم iiالحفيد


فيصل فيصل سمي السيف راع الكيف ريف الضيف برد صيف هيف هيف ليس iiزيف
من هل المجد الأبي العود منهم والصبي مرملة سود العبي نزالة القفر iiالمخيف
فوق قين وفوق خف وكل كف فوق كف الصف تلو الصف لين اشتف من شف iiشفيف
يوم تصرخ نارها هل من مزيد مسلسلينه بالحديد احمر وريد وكل شيطان iiمريد


في سباق اليوم شفت الخيل خضب ليل راس وذيل قوم وقوم ما بين النيازك iiوالنجوم
يا رمك زوغة سمك لا شفتها تفتح فمك غوج عطا راسه تقول يدين سابح منديال جا iiبيعوم
كن تتابع حمرها مع شقرها جيش من الرومان قابل من غزاة الترك iiقوم
وشفت منها اشقر تقل مشروب خولاني اشقر صخرة في راس عنقر بل وذو عزم iiشديد


ضوح سيالته فوقه مثل نار الموبذان او دير راهب ولعوا به شمعدان ويش iiاقول
والله يا لولا الرسن فوقه يحوفه يا نهار ارخى كتوفه ما تشوفه من عيونك عين iiطول
ما تقول الا شعاع الشمس في وقت الاصيل او سندس في جوف ليل مرصع جوهر iiولول
اسمه المرسول كنه بموية التبر مغسول اليا صهل كنه يقول:انا هنا الغوج iiالوحيد


يقفي قفاية جبان ويقبل قبالة شجاع وكن ساقه في سياقه من مساقه iiصولجان
لا عقاب ولا حمامة لا قطاة ولا نعامة مثل ابو زيد سلامة لاانتهض وسط iiالمكان
لا تنشر ما تقول الا رسول جا يبشر كن سرجه فوق مرجه حول درجه iiطيلسان
جرته يوم اتتبع لا مثلث لا مربع كالخديوي متربع فوقه الجوكي iiمهيد


لا تعصب ثم تنصب ما تقول الا مقصب تاج كسرى ما تغصب عرض طول وطول iiعرض
فزته فزة قريص مونس بالساق لسعة في سباق النخبة التسعة يرى ان الفوز iiفرض
كن تفتاله تفتل روس رهبان تبتل ركزته حافر وحافر زلزلت في كل iiارض
تقل لا طوف حصان يقول له :هاه! اقتنعت اوكيه ثاني مرة اعرف قيمتك علم iiوكيد


الله اكبر والله اكبر تصغر القالة وتكبر يكسر العايب ويجبر يا بدر علم iiبدر
الله اكبر والله اكبر يقبل العايل ويدبر يبتلى المسلم ويصبر كل فوق له iiحدر
شاعر ضابط مظلي مهندس ملي بملي اعبد المولى واصلي ولا طلبت الجن iiدر
جت بي امي في رماده وارضعتني في حماده يا نمير بن(ا)عباده جدي الشاعر لبيد


من وانا حي نسوني وفي عباتي كفنوني هل اذا مت اذكروني لا ورب العاديات
لا ورب العاديات الضبح رب النازعات الغرق رب الناشطات النشط رب iiالسابقات
والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيات
مير اشغلني الزمان وضرب أنس عند جان وعشرة راحت ثمان وصرف عباد iiعبيد


شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)
من خلق ما شال هم الا ثنين ابا وأم الموت عنهم بعد (كم)ورضاهم اقصى iiمطلبي
ولا هالدنيا متاع فرحتين ثم وداع القبر باع في ذراع ولا جهله الا iiغبي
نفخ صور ثم نشور من قبور ثم سعادة او دبور المسعد اللي ذالك اليوم(ا) iiسعيد



1000 بيت ( القدس )
مل قلب ما يكف=حيلته يوم اعتكف
ضرب كف فوق كف=لا يحِب ولا يحَب
بين سر وبين ضر=بين خير وبين شر
بين كر وبين فر=مثل غوّاص الغبب
لا يكل ولا يمل=مستحل مستقل
مستعز مستذل=مستربّ مستلبّ
يوم شفته يستدير=قمطرير زمهرير
مستثير مستذير=مستعل مستطب
قلت ابرقد واستريح=ويش بيدي لو بأصيح
وفوق تخت من ضريح=شفت موتي عن كثب
زارني وسط المنام=حلم اسود مستهام
قال والله ما تنام=لو تخبّى لو تخبّ
ولّ حلم في عجل=جل دق ودق جل
عن مرة صارت رجل=عن ربيب مستربّ
شفت في حلمي سحاب=احمرٍ مثل الخضاب
اسود ريشة غراب=ومرّة مثل القهب
يا سحاب في الخريف=من مشافه يوم شيف
يرجع المبصر كفيف=واخرس القوم يخطب
منه ساعة يستشيع=يختلف قلب الشجيع
ينقلب راس الرضيع=ابيض ابيض مشلهب
في جنوبه قدح نار=في مواخيره شرار
في مقاديمه ****=مع سمار من عقب
حسبك الله من مطر=مويته دمّ حمر
ابرديّه من جمر=ساقه المولى غضب
ضوح برقه يوم لاح=دمع طفل يوم طاح
صوت رعده يوم صاح=صوت عذرا تغتصب
اوله طعنة جريح=واوسطه طيحة طريح
وآخره جثّة ذبيح=فوح نار ذا شعب
قلت هذا هو اكيد= من بلي به من يحيد
كل شيطان مريد=يال سوء المنقلب
اهلك الله فيه عاد=هل إرم ذات العماد
وكل طاغي في البلاد=للخنا قام يهذب
قلت لحظة يا سحاب=خذ سؤال وجب جواب
رحمة والا عذاب=انته من اي الجبب
قال عني لا تسل=روح للأقصى وسل
باحمر الدمع اغتسل=شعب كامل وارتعب
دون الاقصى ما نحيد=عن شبا السيف الحديد
عند ذالعرش المجيد=سد ثقب لا انثقب
وقمت من حلمي جزوع =شايف شيِّ يروع
وقمت ازوع المر زوع=وقمت اضب الفكر ضب
الحلوم المحزنة=ثانيتها عن سنة
عزي لمن تشحنه=كن بيديها مجب
وقمت احسب بانسجام=قلت اجل بارجع وانام
لا جزاها الله حلام=تكشف اللي في الغبب
وجيت مسرع في المسير=خايفٍ نومي يطير
ناحر هاك الوثير=مرقد حلو المذب
يوم طرفي في كراه =سج جاه الحلم جاه
حلم آخر وابتلاه=لين شفت الخبت خب
شفت لي شي يهول=يذبح القلب الزعول
لا يحيل ولا يحول=انحب القلب ونحب
شفت خمس مية شحوف=الصفوف اثر الصفوف
والسيوف اثر السيوف=عسعس الليل وسرب
شفت خيل حذو خيل=ليل صبح وصبح ليل
نوب حط ونوب شيل=نوب ربع ونوب غب
السيوف امفسّرات=والسهوم موسّرات
والرماح مكسّرات=وكل مسنون شرب
كل عذرا في غبيط=حولها طفل شطيط
من لحم جوفه يخيط=ثوبها يوم انسلب
ومسجد الاقصى ورا=عن وحمهم في ذرى
في وشاح لا يرى=كالذخاير في الجربّ
من فلسطين الرجال=من عمام ومن خوال
كبّر الاقصى وقال=هيّدوا يا اهل الثرب
دام هذولا هلي=احمد الله ما علي
اضرب الخبت الخلي=ما حسبت حساب غب
ربّع الاقصى ولعب=دونه الاطفال شعب
ما على الله شي صعب=لا شكوك ولا ريب
كل طفل في جماه=عضّ واظهر له حصاه
حط الاقصى في حشاه=وفي عيون النذل شب
سايق روحه فدي=بعدي والله بعدي
من يده ما هي يدي=عرش صهيون اضطرب
طفل برمية حجر=روّع اولاد الغجر
لين لاذوا بالشجر=واستغاثوا بالربب
صار شي ما يصير=ما عجز عنه الكبير
جابه الطفل الصغير=غصب غصب مغتصب
هو مثل غيره حريص=ولا العمر عنده رخيص
مير والله يا بخيص=باع روحه واحتسب
هو درى أن لا حياة=دون الاقصى أو نجاه
وان لا شيئا سواه=يوصل الجنة محب
ناطح الموت يعدي=وْلدي نفدا وْلدي
من سهيل في الجدي=في سما العليا دأب
وقمت من نومي مخيف=كن فوقي حد سيف
قلت لطفك يا لطيف=قرّ يا جنبي وطب
وقمت افكر واستخير=قلت ما في السهر خير
لا يعار ولا يعير=يحتصب ما يختصب
قلت عونك يا معين=ودوب طرفي يستكين
زارني عقب الثنين=حلم ثالث وانتصب
شفت لي طفل صري=أبلج عظمه طري
كنّ في خده زري=ضوح نار في حطب
لا بس ثوب حرير=قلت ذا شيّ كبير
يا ابن حاكم يا ابن امير؟=يا ابن سادات نجب؟
فوق صدره طيلسان=وفي يمينه صولجان
قدمه آلاف الحسان=خرّدٍ بيض خُلُب
ألف شقر غانيات=والف سمر جاريات
وألف بيض دانيات=لولبيّات القُضُب
وألف كالفيروز جرد=وألف كالياقوت مرد
وألف تُسقى ماء ورد=من جمال منتخب
فوقه احمر ألف كاس=قدّموها أهل ألف طاس
لا يباس ولا مساس=حمر خالطها صهب
نور خدّه والجبين=مثل نور الصالحين
أو كؤوس من لجين=بيض ما فيها شوَب
ريح ثوبه زعفران=ديدحان قحويان
فاح من بين الثمان=عود جاويٍّ أشب
كنّ في ثغره درر=وكنْ بياض ايده شرر
لا ضرار ولا ضرر=يجرح القلب المشب
وسط قصر كالزجاج=كنْ جداره برج عاج
وأسقفه ملحٌ أجاج=مثل منقوش الكعب
فوق عرش من جمان=لبّسوه الإرجوان
في جنوبه قرطيان=مثل مركوز الطنب
قلت من ذا يا ترى؟=إنس أم جنٌّ أرى
ويش ذا يا من قرأ؟=ويش ذا يا من كتب؟
قلت هذا شهريار=وشهر زاد اللي يسار
قلت لالا كيف صار=مثل ذا ماله مربّ
قلت هذا التركمان=أو أجل جنكيز خان
قلت لالا كيف كان=مثل ذا وصفه عزَب
خذت لحظة كالسفيه=عقبها اومى لي يديه
قال زاير قلت إيه=قال قلّط وارتحب
قال ابسأل قلت سم=قال ابطلب قلت تم
بس سلّم واستلم=قال يا ضيف درَب:
يعربي والا حديد=قلت له هات المفيد
قال مسلم قلت اكيد=لو شذبنا من شذب
قام قال ارحب يا اخوي=يا ابن امي وابن ابوي
لا مطيع ولا عصوي=حِلّ والمغرب غرَب
اسألك بالله يا ضيف=كيف حال القدس كيف
مسجد الأقصى الشريف=كيف حاله والصحَب
قلت لحظة يا صغير=وانت وجهك وجه خير
لا بشير ولا نذير=لا مغبّ ولا مطبّ
ودي اسأل لا تهون=من تصير ومن تكون
اختلط نون بنون=واختلط دبّ بدبّ
ودي اعرف يا نما=أنت من أيّ الحما
أرض والا من سما=لأيّ حيٍّ تنتسب
قال أفا,عن ذا وفا=ما خبر خافي خفا
ضاع وجه في قفا=واكثر الماضي حثب
أنت ناسي يا فطين؟!=قم وطالع فيّ زين
كان لك أُذن وعين=مْحجرها ما غرب
قلت لا تشره علي=النواظر كالدلي
دلو يرجع ممتلي=ودلو يفشل من جذب
مثل ما قال الخليل=النظر حطّاب ليل
خبط عشوا في مسيل=لا تلومه لو زلَب
والشفق ثم الغسق=والقمر يوم اتّسق
عن طبق أعلى طبق=ما بقى جرح وطبّ
بس ذكّرني وشوف=كيف يجذب صوف صوف
كلّ ذكرى وسط جوف=فوقها الماضي سهب
ثم سكتّ وهو سكتْ=وعقب ساعة ما انحكت
كلمة,عينه بكت=قلت يا صغيّر أجب
وسج لحظة ثم بحَص=شمّر الكم وقحَص
شفت في عينيه حص=دمعة ماها دعَب
دمع موق روق روق=نوب تحت ونوب فوق
في مثل سمر البروق=اسود العين اغيَهبّ
وجض قلبه واصطفق=وهل دمعه واندفق
وقام يشبح في الأُفُق=كل نجم مضلهبّ
وشفت في عيون الصغير=راهبٍ في وسط دير
ماردٍ في وسط زير=جمرةٌ ذاتَ لهب
طفل قلبه قدح نار=شظوةٌ تقدح شرار
ساكنين اقصى الديار=من سناها في غيَب
قلب طفل ابو ثمان=نبضته في القيروان
أسمَعت من في عُمان=وأرعبت من لا رعَب
وعقب ساعة في سما=التفت كنّه عمى
في عيونه طشّ ماء=عاكس النور ورغب
قال سبحان المعين=وين أنا قبل امس وين؟
وشوف انا ذا اليوم وين!!=في جنان لا تُسبّ
وقلت أنته وش تقول=وش خبر ذولي وذول
لا تجنني اقول !=شف ترى راسي ضرب
خل قلبي يستريح=يالصغيّر كن صريح
ذي.هي الجنة صحيح؟=والا ركبة مالركب
قال يا طالب غنى=ها هي الجنه هنا
وكان ناسيني فأنا=من هل القدس انتسب
يوم الاقصى صاح صاح=الكل قالوا طاح طاح
كود انا درت السلاح=رب نصرا كان رُبّ
مسجد الصخرة ينوح=وقبة الصخرة تلوح
ما بعد هالروح روح=لعنبو من لا حضَب
يوم صوّت لي وقام=قلت اقول ارتح ونام
دام انا حي بتقام=والامان بيستتب
قال انا روحي بيديك=لا يخيب الظن فيك
قلت افا والله عليك=انت عيني والحجَب
يوم ينخى اهل العبي=بإسم عيسى والنبي
قلت أمرك وش تبي=ما تبي عده وجَب
آه يا لبّى ثراك=وآه يالبّى سماك
يا عسى روحي فداك=اطمئن واقدع رطب
يوم جدرانه شكت=جرّت الصوت وبكت
لعن ابويه لو سكتّ=والله لا اشبّ الحرَب
يوم *** الصومعة=في خضمّ المعمعة
جاب خرفانه معه=يحسب الاقصى مصبّ
يحسب انه يستطيع=دهمة البيت المنيع
ما درى أنّا جميع=ارواحنا دونه نَهِب
يوم حكّام الفلَس=خانعين للدنَس
هايمين في الونَس=يْتساقون النخَب
قلت لا واللي خلق=ابن آدم من علق
ما نطاوع للسلق=وآخر الدنيا مضبّ
عن محرّفة الكتاب=دون بيت الله حجاب
قوّةٌ منها يهاب=راس قوم لم يهَب
صفّت الاطفال صف=دون الاقصى صفّ صف
يا موصّف وش تصف؟=من مروّية الغلَب
من مطلسمة الخطوط=من بقايا قوم لوط
في حجارتنا صعوط=فيه للغاشم عطَب
من ثعابين الوطا=ما رضينا بالخطا
سيفنا سيف سطا=في جناب وفي جنَب
بالوجيه العافرة=والقلوب الكافرة
جاء وبيّن خافرة=*** صهيون ولعَب
بالنفوس الدانية=والرقاب الحانية
يبغى ولد الزانية=في حما الاقصى يطبّ
ابصواريخ تروع=مع مدافع مع دروع
صنع عبّادة يسوع=صال في شعب عزَب
بألف طيارة شبح=وألف غواصةسِبَح
قلقص ال*** ونبح=من كلاب في كلَب
بالسفن ذات الرؤوس=والكواسح والتروس
شبّ له حرب ضروس=كان عهد امس وقلب
بأسلحته الضاربات=والقنان القاهرات
جاء عشير العاهرات=ثوّر الحرب وثرَب
يالوجيه الدانعة=والجلود الخانعة
جاء يدور اليانعة=...أمّه مستقبّ
مير ربي قطّنا=في نحره وحطّنا
من شرب كاس الطنا=يثني لا مِسّ الحقَب
لو يجيب اللي يجيب=الف مليون حريب
وكلّ عبّاد الصليب=وكلّ عبّاد النٌصُب
لو يجيب اهل البطان=من شياطين وجانّ
الجبان ابن الجبان=ما عرفنا له حسب
نقلبه من فوق قلب=ونحلبه من تحت حلب
*** ابن ستين ***=ثب يا إبن ال*** ثب
بالقلوب الطاهرة=والجباه الزاهرة
والعيون الساهرة=مرابطين فوق قُبّ
بالسيوف الساحقات=والرماح الماحقات
والجياد اللاحقات=نستلم سِرو العِبَب
السيوف من الشجر=والرماح من الحجر
والجياد ارضٌ زجَر=رملها الطاهر وهبّ
من ثلاثة لا ثلاث=*** صهيون استغاث
قام يمشي في الحثاث=حافيٍ ياطى القِتَب
عقب فسقات الرخا=لان راسه وارتخى
وان تعزوى وانتخى=ندعس امه بالكعب
وكان ما طاوع ولان=نلحقه نارٍ دخان
مثل نار الموبذان=تحرق القلب العسَب
دون قبة مسجدي=يا سرائيل اهجدي
اسجدي تحت اسجدي=مالك اليوم مْحَجَب
حن محيّرة القطا=الخطا عجل الخُطا
العطا عقب البطا=سلّة السيف الحدَب
كل طفل من طلع=به على الهيجا ولَع
ما عشقها من دلَع=كود من جبٍّ يجبّ
في جهار من نهار=شبّت الأجواء نار
صوّت الاقصى وثار=مثل ملحٍ لا التهب
قلت أمّن واعتلم=من دخل وجهي سِلِم
يلعن الله من ظلم=ودون حقك ما وثب
ابشر ابشر بالسعد=لا يهمك من وعد
لوّ قام ولو قعد=لو تطاول للشٌهُب
يا حبيب حنبله=من حشاي وسنبله
لو رموا به قنبله=نبت غير الحبّ حبّ
يوم ردوا للسلاح=والفلاح من الصلاح
دمّرت هوج الرياح=بيت صهيون الأكبّ
أحد رشّاشه معه=واحْدٍ اعزل ما معه
كود حيدٍ نزرعه=في جباه اهل الثغب
والحجر في يد أسد=يْحَصِد ما لا حصد
ألف رشاش بيد=كلْ جبانٍ مستخبّ
بيننا طال النهار=لين أمر الله صار
صابني منهم عيار=يحمد الله من طلب
صابني يوم المصاب=طلْق رحمة لا عذاب
وشفت أنا حسن المآب=شوف عينٍ ما كذب
لو دروا من بالعمد=غرّهم طول الأمد
ما وهبنيه الصمد=بعد دهرٍ ذا سغَب
كان ذبّوا بالحياة=ذبّة الحافي حذاه
وكل سلطانٍ مناه=جنّة عز الطلب
مثل ما عينك تشوف=جنة عنها الوصوف
تقصر وعنها الحروف=ما تصب ادنى مصبّ
وقلت حسبك بسّ بس=بسّ.ما يحتاج مسّ
لا تهسّ ولا تنسّ=جوّد اللحم العصَب
وقمت اهلّ الدمع تحت=ثم برد حيلي وطحت
قلت ما الومك لصحت=أوّل السكرة رضب
يا صغيري يالحبيب=هالشكل ما هو غريب
قال:قل,يمكن تصيب=من قضب دلوٍ جذب
قلت واحد بسّ مات=واسمه محمد ثبات
والعمر سبع سنوات=صارع الموت ونشب
قال:ياناصر وصلت=ذا جواب اللي سألت
ان عدلت او ما عدلت=كل عود له مشبّ


يا محمد بن جمال=يا ابن ابن درة تعال
ريح دمك لا يزال=يثوّر الأمّة غضب
قال وحتى يا رفيق=الطريق هو الطريق
واللجج ما بل ريق=مثل نار بلاحطب
قلت:ليه؟وقال:هه=كل شعب له جهة
باني له فوّهة=وان بغى ينجح رسب
قلت ما تدري وكاد=ويش سووا في البلاد
يوم نادوا للجهاد=جت مكافحة الشغَب
قال قابلني إذا=جاك أحد منهم في ذا
تحسب الدعوى كذا=دون جيّتهم ضبَب
قلت في هرجك غموض=قال تبغاني أخوض
قلت كلْ شيْ له فروض=كل قانون بسبب
قال أجل على البلاط=قصدي أصحاب البساط
كل جبار محاط=بالعساكر والكِتَب



ياخــلف ( درر )
يـا خلـف جانـي عـن النـاس فـي الديـرة خـبـر
..........كـــلّ حـــيٍّ ظـاهــرٍ فـــي بـطــن كـفــه وبــــر
اخـرجـوا ذا مــن قـبـر وادخـلـوا ذا فــي قـبــر
..........واحرمـوا مـن صـوب عجـلِ صنعـه السامـري

أمّــةٍ صـبـت غضبـهـا عـلـى مـوتــى الـقـبـور
..........بـاعـوا الـقـرآن بـأربـع حــروفٍ فــي الـزبـور
أمــةٍ دايـــم وهـــي مـــن دبـــورٍ فـــي دبـــور
..........غـرّهــا تنـجـيـم عــجــلٍ صـنـعــه الـسـامــري

مــن بـوقـت الـحـرب يـأخـذ بـعـيـن الاعـتـبـار
..........رجعته,بـيـمـوت مـــا ثـــوّرت رجـلــه غــبــار
المـخـالـيـق المـخـالـيـق والـضـيــق اخـتـبــار
..........والــردي مـأمــور عـجــلٍ صـنـعـه الـسـامـري

الـرجــال اشـبــاه بـيــن اكـمــةٍ ســـودا وبـيــر
..........وفي الطبوع ابعـد مـن النيـر عـن قبـر الزبيـر
يـــا خـلــف مـــن لا بيـكـبـر ولـــه ربٍّ كـبـيـر
..........مــات مـــا كـبّــره عـجــلٍ صـنـعـه الـسـامـري

حـالــفٍ مـــن شـالـنـي شـبــر لآشـيـلـه مـتــر
..........فــي رجــا سـتــر ولا غـيــر سـتــر الله سـتــر
الـصـلاة ابـــدى بـهــا شـفــع وانهـيـهـا وتـــر
..........لا سـجـد غـيــري لـعـجـلٍ صـنـعـه الـسـامـري

مــا لحقـنـي مــن مـطـاول هــل الــردة فـتــور
..........ولا لحق مـدة يـدي مـع كثـر مـا اعطـت قتـور
ولا اشتـريـت بـذمـتـي قـــرب طـــاغٍ دكـتـتـور
..........لا تـركـت امـــري لـعـجـلٍ صـنـعـه الـسـامـري

مــع تـتـار العـصـر مــا أقـربـه عـصـر التـتـار
..........عصـر مــن لا خــاط سـتـراً ولا أســدل سـتـار
لا أرى فــيــه اسـتـتــاراً ولا مــنــه اسـتــتــار
..........طبـخـتـه تـنـقـل لـعـجــلٍ صـنـعــه الـسـامــري

يــا زمــان المـلـط مــا أنــت لـلـعـاري سـتـيـر
..........والمطـايـا فـيـك لــو مــا مـشـت بـاعــاً فـتـيـر
مـــا خـبـرنــا مــــر يــــوم ولا فـيـنــا وتــيــر
..........مـا اهتنـى بـك غيـر عـجـلٍ صنـعـه السـامـري

إثر ما في الحمض أحد إثر ماش اصحـاب إثـر
..........يــا كـثـر مــا قـــد تحـمّـلـت مـنـهـم يـــا كـثــر
واصـبـح اطيبـهـم ورا زلّـتــي قـصّــاص أثـــر
..........وهــوّ يــا طـيـبـه لـعـجـلٍ صـنـعـه الـسـامـري

والله انـــــي لا جــبـــانِ ولا نــيـــب مْـعــثــور
..........اعطـي المـوت انـحـري وازرق البـنـدق يـثـور
مـيـر مــن صـكّـات الايــام فــي جـلـدي بـثـور
..........واشـمـاتـة أهـــل عـجــلٍ صـنـعـه الـسـامــري

عـنّــزوا لـلــي قـضــى شـبّـتـه طــــلاّب ثــــار
..........عـنّــزوا لـلــي يـلالــي لـشــاف الـمـلـح ثــــار
مــا مـشـى درب انعـثـار ولا يـرضــى انـدثــار
..........يــوم خـانـوه أهــل عـجـلٍ صنـعـه الـسـامـري

مــا درى عــن لــذّة الـمـرقـد الـدافــي الـوثـيـر
..........واحـدٍ حشـوة وسـاده حـصـاةِ مــن شثـيـر(1)
مــا يـعـرف مـــن الطـفـولـة قـلـيـل ولا كـثـيـر
..........واسألـو عـنـه أهــل عـجـلٍ صنـعـه السـامـري

كــنّ قلـبـي لا خـفـق فــرخ طـيـرٍ فــي شـجــر
..........طـيّــره مـــن عـشّـتـه جـاهــلٍ بـإيــده حــجــر
عـزّتــي لــلــي لـحـقــه اول الـهـجــرة هــجــر
..........والـرفـاقـة صـيــد عـجــلٍ صـنـعـه الـسـامـري

عـن مشاهـد نـور عينـه وهــو حــيّ مهـجـور
..........لا شكـى لأحـدٍ بكـى مـا عقـب هالـجـور جــور
اشـهـد ان سواتـهـم بــه فـجــورٍ فـــي فـجــور
..........حسبـي الله فـي أهـل عجـلٍ صنـعـه السـامـري

عـزّتــي لـلــي بـرجـلـه وهــــو حــــرٍّ هــجــار
..........بـيــن قــــومِ تـشـبـهـه لا يـجـيــر ولا يــجــار
تسمـع الجيـران مـن فـوق راســه جــار جــار
..........يلـعـنـون اذيـــال عـجــلٍ صـنـعــه الـسـامــري

يــا زمــان الأقـويــا مـــن يـجـيـر المستـجـيـر
..........من يظلـل كاشـف الـراس مـن شمـس الهجيـر
مـن؟ ومـن ياخـذ مـن الطاغـيـة حــق الأجـيـر
..........ليـت مــا هــو بــسّ عـجـلٍ صنـعـه السـامـري

مـن يبـي الإنصـاف مـن ظالـمٍ صـحـوه سـحّـر
..........مـثـل مــن يبـغـى يـلاقـي إبـــرةٍ داخـــل بـحــر
مـــن يـلـقّـي لـــك قـفــا لا تـلـقّـي لـــه نــحــر
..........والـقـفـا كـفــوك يـعـجـلٍ صـنـعــه الـسـامــري

ولّ يـــا وقـــتٍ غلـبـنـي وانـــا عـلّــة نــحــور
..........مـن حـدر سبـع الثـرى شـاربٍ سـبـع البـحـور
يــا خـلـف وقــت يــؤذّن فـطـور فــي سـحــور
..........صمـتـه ولا صــام عـجــلٍ صـنـعـه الـسـامـري

يـــا لـوقــتٍ يـبــرد الـــدمّ بـــه والـجــوّ حـــار
..........لا أخـذنــا عـنــه مــــوتٍ ولا جــــاز انـتـحــار
يــا خـلـف كــلٍّ عـلــى مـعـدنـه لـولــو مـحــار
..........والفلـوس ضـروس عـجـلٍ صنـعـه السـامـري

فـي الخـلا مـا سـر داب الـخـلا طــول الزحـيـر
..........الـمـنـايـا وارده والـعــمــر روغـــــة وحــيـــر
كــل ابــن انـثـى ولـــه سـاعــةٍ فـيـهـا يـحـيـر
..........لــو تناسـوهـا أهــل عـجـلٍ صنـعـه السـامـري

حـالـفٍ يــا فـخـر مـــن لا مـــلا عـيـنـه فـخــر
..........لأذكــرك مـــا عـاشــت الـنـفـس أيـامــاً أُخَـــر
يـا تماضـر بنـت عمـرو ابكـي الفـارس صخـر
..........ودوّري لــه عـنـد عـجــلٍ صـنـعـه الـسـامـري

دوّري لـه يــا تمـاضـر عـلـى روس الصـخـور
..........وان لقيـتـي جـثّـتـه عطّـريـهـا اغـلــى بـخــور
واصرخـي :وا اخـوي يـوم اكثـر العالـم يخـور
..........حـيّــرت شـلـفـاه عـجــلٍ صـنـعــه الـسـامــري

واعذابـي عـن منـاي انفـخـوا لــي فــي فُـخـار
..........وانزعونـي مثـل مـا ينـزع مــن الـمـا البـخـار
دعـوتـي يــا دعــوة الـلـي تـوضّـى واستـخـار
..........لا تـعـجّـلـهـا يـعــجــلٍ صـنــعــه الــســامــري

ما انت أول مـن صفـى وقتـه ولا انـت الأخيـر
..........والـدهـر يـامـا قـلـب خـيـر شــرّ وشـــرّ خـيــر
مـيــر لا تـامــن لـمـظـلـومٍ اقــفــى مسـتـخـيـر
..........كـم علـى ايـده مـوت عجـلٍ صنـعـه السـامـري

هـيـه لا تـامـن ولــو طــقّ لــك وقـتـك صـــدر
..........مـا آخبـر شـيْ قـد طلـع فـوق مـا حــوّل حــدر
لـلـدهـر وجـهـيـن وجـــهٍ ســفِــر وآخــــر ودِر
..........ردك تـشـوفــه يـعـجــل صـنــعــه الـســامــري

الــدهــر دولاب مـــــا دارت ايــامـــك يـــــدور
..........رُبَّ أمـــراً أسـقـطـت مـنــه ربّــــات الــخــدور
كـم صـدور فـي فضـا وسعهـا ضيـقـة صــدور
..........كــان مــا تـــدري يـعـجـل صـنـعـه الـسـامـري

عــن ديــار مـثـل هـالــدار شـــدّوا بـــي لـــدار
..........لا يـقـيــم الــحــر فــــي دار أزكــاهــا جـــــدار
يــا مــدار الــذل مــا لأنجـمـي وسـطـك مـــدار
..........بـأتـركـك لـنـجـوم عـجــل صـنـعـه الـسـامـري

نـاقــةٍ داخـــل حـنـايـاي مــــا مــــرت غــديــر
..........عـــازلٍ عـنـهــا جـمـلـهـا وقــامــت تـسـتـديـر
يـا جمـل عـيـبٍ علـيـك الـرغـا عـقـب الهـديـر
..........الــرغــا خــلــه لـعـجــل صـنـعــه الـسـامــري

مـا حمـى ابـن آدم مـن شـرور أبــن آدم حــذر
..........ولا لقـيـت أحـــدٍ لـحـبـي هـــك الـبـنـت يـعــذر
مـا هـو ديـن قصـدهـم بــسْ حـسـد نــذرٍ نــذر
..........والحسـد طبـع أهــل عـجـل صنـعـه السـامـري

عــنــدلٍ مـعـروفـهـا مـــــا تـوفّــيــه الــنـــذور
..........مـعـذور ان مــتّ فيـهـا مـعـذور ايــه مـعــذور
يـا بـذور سنبلـت فـي الغـصـون مــن الـجـذور
..........لا مـتــى وانـتــي لـعـجـلٍ صـنـعـه الـسـامــري

اذكريـنـي فـــي آخـــر الـلـيـل مـــن آخـــر أذار
..........عـاشـقٍ مــا ارتـــاع مـــن جـيّـتـك يـــومٍ وذار
مــا مـشـى عـنـك اقـتــدارٍ ولا جـــاك اعـتــذار
..........ولا حـنـى راســـه لـعـجـل صـنـعـه الـسـامـري

لــك بعيـنـي طـفـل ريـــم إلـــى شـافــك يـذيــر
..........صـار مــن قـدمـك بشـيـر ومــن خلـفـك نـذيـر
يــا كـثـر مــا جــاك وعـيـون عـدوانـه حـذيــر
..........مـا حسـب لحـسـاب عـجـل صنـعـه السـامـري

يــا خـلـف غــرّا لـهـا أقسـمـت بـيـض الـغــرر
..........فــي بهـاهـا لعـيـن مــن طـاولــه لـيـلـه قـــرر
بْ (درر) فـمْـهــا تــمــاري بأصـابـعـهـا (درر)
..........مــا درت بألـمـاس عـجـل صـنـعـه الـسـامـري


 توقيع : عـــودالليل




مهم جدآ
قرار بخصوص احتساب المشاركات وتوضيح مفصل
بالاضافة لشروط استخدام الخاص وصندوق المحادثات

تفضلوا بالدخول

طريقة احتساب المشاركات وكيف تحصل على مشاركات اضافيه بنجاح - منتديات قصايد ليل

قوانين استخدام الشات والرسائل الخاصة - منتديات قصايد ليل


رد مع اقتباس