الدكتور: ماتخافش بسمه زي الفل لكن زي ماتعرف وجدنا انها فقدت الذاكره والله اعلم كم الفتره .. لكن بأمكاننا نسترجعها لو شي بسيـط مثـلا تعرف عن موقف غير مجرى حياتها شي تحس انها مستحيل تنساه
" نايف قعد يفكر "
نايف: لا يادكتور ماظن
الدكتور: مثل ماتوقعنا عشان كذا انا حاب اطلب منك صور للأشخاص اللي كانوا متواجدين في الحادث
نايف استغرب: ومن وين يادكتور اجيب اللي كانوا بالحادث
الدكتور: ماقصدت اللي بتتكلم عنو .. انا بقصد صورة الشخص اللي سعفهـا الساشق اللي كان معهـا .. اخر شخص هي التقت فيه اشياء مثل كذا
" نايف قعد يفكـر "
نايف بسرعه : احمد والسواق
الدكتور: احمد اللي كان معها بالحادث
نايف: لا هذا اللي طلعها من السياره
الدكتور: بنجرب مافيش مانع ولكن كمان ابغاك تجيب لي صوره من السائق اللي كان معهـا
نايف: مافي مانع ثواني وتكون عندك
الدكتور : انا الحين خلص دوامي ... ان شاء الله بكرا اتمنى تكون موجوده
نايف: ابشر ولايهمــك
" نايف طلع من هنا وكلم احمد من هنا واحمد اخترع يوم عرف وش دخل صورته بالموضوع .. لكن نايف فهمه الوضع ... احمد لاشعوري بعد صلاة المغرب صلح نفسه وراح يصور ويطلبها مستعجل لان ماعنده صور حلـوه *_^ "
" اما صورة السسواق مقدور عليهـا "
" قعدوا يسولفون على راس بسمـه علو وعسى تذكر شي وبوسط السوالف وصلت ام فيصـل ومعها جنى ووصايف وماكانت معهم اديم يوم سئلوا عنهـا .. تعذروا لها انها تعبانه واديم بالفعل مثلت التعب عليهـا ... فهم عذروها.. كان في حواجز بين ام فيصل وام ياسر .. لكن مع ذلك مابينوها قدام بسمه.. سهر شوي سلمت عليها وطلعت لان سلطان كان ينتظرها "
" بعد ماركبت السياره "
سهر تبتسم : تأخرت
سلطان: يعني .. المهم يلا وين بتروحين
سهر: اي مكـان اللي تبي ارتحت يوم شفت بسمـه
سلطان : الا شخبارها
سهر: ياحياتي فقدت الذاكره
سلطان بحسره: يووه الله يعينها والله بس يلا تتسهل
سهر: اي والله
سلطان : اجل زحمه
سهر بتفكير: اي والله تقريـا كلنا موجودين ماعدا عبير واديم
" سلطان من طلع مارجع البيت وخاف سهر تسأله عن اديم "
سلطان : اهاا
سهر: بس تقول خالتي ام فيصل انها تحسنت ديومه شوي
سلطان : اهاا زارتهـا
سهر : لا اديم راحت لهـم مو انت اللي وديتهـا
سلطان انصدم : هاه لا مو انا بس هي قالت لي وكنت مشغول فخليتها تروح مع سواقهم
سهر: اهاا
سلطان طرطع عليهـا وبالغصب قال : ماكنت ابيها تطلع بس عورت قلبي قلت خلها تشم هوا
سهر ابتسمت : اهااا
" سهر حست ان سلطان يحب اديم .. وحست انهم مره يلوقون مع بعض .. كانت تشوفهم احلى ثنائي "
" سلطان في داخله يحترق توعد لها انه راح يخليها تندم يوم فكرت تطلع بدون شوره "
سهر برومانسيه : اقول سلطان لاطلعتوا مع بعض كذا تتعشون كيف تناظركم العالم
سلطان بأستهزاء: وشلون تبين العالم تناظرنا
سهر تضحك على غبائهـا : يعني مدري احسكم كذا كيوت ثنينكم حلوين ومناسبين لبعض وباين عليكم مرتاحين مع بعض
سلطان بخبث: اي قصدك كذا .. والله انتي تعرفين سلطان اخر همه يفكر الناس وش قالت
سهر تضحك : مو طبيعي شلون مغرور
سلطان لف وناظرها بقوه : يحق له ولا مايحق
سهر تضحك : لا شلون اكيد يحق
" سلطان ابتسم وقرص خدها .."
" ومع ذلك في كل دقة قلب له يتوعد لاديم ... ماعرف شلون جتها الوقه وطلعت من البيت "
سلطان بأستهزاء " قال لايقين على بعض .. تخسي من عينها والله "
.
.
.
" بعــد مرور ثـلاث ساعات زياده "
" انتهت الزياره والكل رجع .. بسمه ما استوعبت ولا شي من الكلام اللي انقال على راسهـا.. عبير في البيت كاعادتها وحابسه نفسهـا ... سهر وسلطـان طلعوا وسلطان عشا سهر من بدري .. سلطان كان مبسوط في سهر كان يدلعها كأنها بنته .. بس سلطان يوم انتبه لنظرات البنات لهم ... مثل دور وكأن سهر خويته .. وكان عاجبه الدور .. لانه باين شكلهم ماهم متزوجين وسلطان قرر يقهرهم منها يتسلى بتعليقاتهم ومنها يسترجع ايام الخوالي .. *_^ سبحان الله لووول ... سهر فهمت عليه وقالت له وهو غمز لها يعني افهمي سهر ماتت ضحك علهي وهاوشته عشان لايخلي الناس تشك فيها لكن هو لاوعنده وبعدين رجع سهر وكان مقرر يروح اليت بس قال مافيه ينحبس من الحين كلم فواز وتواعد معه يبغى يضيع وقته قبل لايروح بيت الهم والكأبه مثل ماكان يسميه .. اديم رجعت بيتهم وقفلت على نفسهـا الغرفه من جديد خافت يرجع بأي وقت ... "
.
.
.
" في بيت بو فواز "
" وصايف كانت قاعده مع جنة ع النت و فجأه وهم قاعدين يفرفرون .. طلال سجل دخول في ايميل وصايف... وصايف طاح قلبهـا وجنى لاحظتها.. لكن حمدت ربها انه مغير نك نيمه يعني مو باين"
جنى : شفيك
وصايف بقوه لفت عليهـا: وش فيني يعني
جنى : ماعرف بس حسيت انك تلخبطتي
وصايف بنظره استخفاف : احلفي بزر معـك
جنى تمثل الجديه : ايي لايكون تسوينها بعد
وصايف لفت عليها : جنى وعمى بعينك بزر معك
جنى ترفع حاجب لها عشان تستفزها: مدري عنـك
وصايف بالفعل استفزتها : قومي عني قويم عني " قالتها بصراخ ..وشاتتها .."
جنى تضحك : امزح شفيك
وصايف: قومي ضفي وجهك سخفيه ومالك معنى
جنى وقفت وكتفت يدنيها: اجل سولفي معها قدامي
"وصايف عصبت وقام بتروح لها وجنى على طول مسكت البار وركضت لانها تعرف وصايف تذبحها اذا تهاوشوا"
وصايف: قربي والله لاذبحك
"وصلها صوت ضحكات جنى .. جنى كانت تمزح معها وتبي تنرفزها لانها عارفه وصايف مستحيل تسوي شي غلط "
" وصايف دخلت و قفلت الباب عليها وتنفست الصعداء.. اصلا كانت تبيها من الله "
وصايف: حسبي الله عليك كانك بتوهقني معـك
" وصايف اول ماراحت شافته ارسل لها شاارة تنبيه "
وصايف: وبعد فيه حيله يكلمني اشوا انها راحت ولا كان انكشفت .. ناقصه اطيح بلسان المعلونه ذي اف
" وصايف راحت له معصبه "
..:
نعم نعم
So Happy :
نعامه ترفسك قولي امين
" وصايف عصبت "
..:
صدق انك قليل ادب
So Happy :
اسمع مين يتكلم
" وصايف عصبت عليه من جد "
..:
انت وش تبي بالضبط
So Happy :
انا اللي ابي ولا انتي وش تبين مو على اساس انك بتبلكيني من زمان ماشوفك مبلكه الظاهر عاجبتك السالفه
..:
من زينك شين الحلايا اقول اقلب وجهك مريض نفسي
" وبسرعه عطته بلوك وديليت "
" كانت متنرفزه منـه"
وصايف: وااااااااااااي ياكرهي له ياكرهي له ماصدق في ناس يقهرون كثره اكره اكره
.
.
.
" اما طلال استانس لانه حتى هو يكرها من كل قلبه بعد "
طلال يضحك بقوه : هههههههههههههههههه
" وليد لف عليه "
وليد : شعندك
طلال: تعال تعال شوف
" وليد جا وقرا المحادثه "
وليد ابتسم : قسم بالله انكم حفله
طلال: خلاص افتكيت منها بلكتني
وليد يبتسم : وهذي سالفتك قوم قوم ادري بكرا عندنا كويز
طلال: بقعد شيو وبقم
وليد: ترى بقول لبدر
طلال: بدر هئ شوف بدر ماسك الكتاب وعيونه طايره
وليد : اهم شي ماسك الكتاب قوم بس قوم
طلال: زين لحظه
" بدر وقتهـا كان ماسك الكتاب صحيح بس كان سارح بعينه في السماء .. كان يحاتي كل شي في السعوديه .. بسهر بفيصل ببسمه بكل اهله مايدري عنهم شي غير انهم بخير الكلمه اللي تعود يسمعها من ياسر مع ان بدر قلبه قابضه "
.
.
.
" في الديوانيه "
" عند سلطـان وفواز"
سلطان : والله فرحت لك يافواز
فواز بحزن : تفرح لي .. من بكرا تشوفها قلبت
سلطان : ياخي انت ليش ماتتفائل والله نجود بنت طيبه وتجنن .. عطها بعد فرصة والله انها تستاهل
فواز لف عليه
سلطان : لاتناظرني كذا اي انا اعرف نجود قبل لاتعرفهـا
فواز: مو قصدي شي بس ذوقك غريب
سلطان استغرب: وش قصدك
فواز سرعه : لالا موقصدي شي
سلطان : فواز عن البزاره
فواز : الحين اديم اللي مافي احسن منها ماقلت عنها هذا الكلام ونجود تجنن ولا في اطيب منها .. انا ماذم زوجتي انا اعرف هذا الشي بس انت تقول هذا الكلام والغريب عن نجود مو عن اديم
سلطان لف بقرف: اديم موضوعها غير
فواز : لانفس الموضوع .. الكل يعرف اديم واان اعرفها بلك لاتنسى انها كانت مخيره لي ولي موقف ما انساه معها .. صحيح ماكنت مره معها بس بلحظه عرفت اديم من تكون وكيف وانت الحين قاعد تتكلم عن نجود اللي صعب الواحد يفهمها مع ان اديم الكل يقدر يفهمها اصلا اديم كل شي فيها واضح بعكس زوجتي اللي كلها غموض
سلطان : فواز سكر سيرتها لو سمحت مالي خلق والله لو تمدحها من اليوم لبكرا تراني الحين معاشرها يعني ماخبر ان في حد اخبر مني فيها
فواز : طيب ليش ماتعطيها فرصه
سلطان : ولا ابغى اعطيها فرصه
فواز: اجل لاتنصحني دامك ماتعرف تنصح نفسك " ولف الجهة الثانيه"
سلطان : لاحول الحين نتكلم بخصوص نجود اديم شدخلهـا
فواز : بس فيه رابط كبير بينـا
سلطان عقد حواجبه: شقصدك
فواز : لاتنسى ان اديم كانت محجوزه لي ونجـود......
" فواز استوعب وسكت "
سلطان لف عليه بسرعه : ونجود وش فيهـا
فواز بسرعه : مافيها شي
سلطان : بس انت قلت ان في رابط كبير بينا .. نجود وش دخلها فيني
" فواز تندم يوم زلت هالكلمه من راسها ماكان يبغى يقوله ان نجود هي اللي كانت تزعجك ونجود كانت تحبك وانا اخذتها ... مايقدر يشوه صورة زوجته الحين .."
فواز : خلاص خلاص انسى
" وقام بسـرعه "
سلطان يناديه : فواز
" فواز طلع ولاسمع له .. وسلطان استغرب "
سلطان " نجود .. وش يربطها فيني .. وش يقصد فواز .. اكيد يعرف شي انا ماعرفه .. بس وين بتروح منـي "
" لاشعوري سلطان تحمس بانه يعرف نجود وش يربطها فيـه واكيد راح يعرف "
" بعدها قام هو الثاني وراح بيتــه .. وهو مستعد لمصارعه جديده "
" بعد مادخل البيت كان بالضبط مثل ماطلع "
سلطان يضحك بأستهزاء: خوش خدعه .. ولا علي اانا بعد
" طلع سلطان الدرج يركض .. خرش الباب عليهـا ولاردت "
سلطـان : مستويه نفسك نايمه يعنـي ؟؟ وين بتروحين عني يعني ..
" ورفس الباب وراح غرفته .. وقبل لايوصل الباب نزل وقفل الابواب كلها واخذ المفاتيح عشان بكرا لاتهرب مثل ماسوتها اليوم "
" اديم كانت ترجف من داخلها "
اديم " اكيد عرف اكيد عرف ... ياربي اكيد بيعرف وهذا شي يتخبي .. يارب ارحمني يارب :
" اديم هالليه مانامت .. ماقدر النوم يجيهـا من الخـوف "
.
.
.
" في اواخـر عتبـات الليل "
" غفت جميع العيـون .. عـدا العيون السهيـره .. اعتـادت على السهـر في اواخر الفتره الاخيـره .. عيون جفاها النـوم .."
يا للأسف شوهت صورة
رسمتها لك في عيوني
كنت النظر ضيه ونوره
غالي وقدرك ما يهوني
ملكتك فؤادي وشعوره
كنت أحسبك ذخري وعوني
هان الهوا وذبلت زهوره
أقولها ودمعي هتوني
ما أنساك يا من شفت جوره
ابعد ولو زادت شجوني
قلب هواه ما ضيع شوره
مهما العواذل يعذلوني
حبك في قلبي انهد سوره
لا تظن ترجحلك وزوني
وعمري نسى فرحة زهوره
يا للأسف خابت ظنوني
وعقب الغلا شوهت صوره
رسمتها لك في عيوني
" سهــــر "
" سهــر كانت من ضمنهـم ... سهـر كانت تمر بازمه نفسيـه .. كانت تحس بس تضحك عشان الغير .. ماعاد يهمها اذا كان الفرح من داخلهـا ... كل شي في داخلهـا تحطم وانهــدم .. ماكانت تلاقي المبررات عشان تبرر لـه .. لادق ولا تصل ولا ارسل مسج او حتى ايميل .. كانت حاسه انه ماله وجـه يقابلهـا .. كانت عارفة قوة الموقف .. حد يخطب اخوه لحبيبته .. احترق قلبهـا مليون مـره في الثانيه .. سهـر فكرت بعقـل .. هي الحين كبرت وماعادت سهر الاوليه اللي اي كلمه ممكن تعيشها الاحلام الورديه ... اذا كانت تتعرض لخيانه لاقرب الناس لهـا .. فا ماعدت يهمها وش يصير عليهـا .. وسهر وصلت لعمر ماتقدر تماطل ففيـه وتأجل الزواج اكثر من كـذا كانت قريبه من الست وعشرين .. حست ان موضوعها مع بدر مستحيل يطول كثر ماطول .. ومستحيل تكون لعبه من بدر .. كانت عارفه ابوها ماراح يوافق عليـه الا اذا خلص دراستـه .. وسهـر على سن زواج .... وغير كذا حيرهـا موضوع يـاسر ... كانت تحس بشعور غير يوم بعد اخر موقف لهـا معه .. حست شعور اروع من اللي كانت تحسه لكنه تجاهلت هذا الشعور ... ماتبي تحس بالخيانه .. نفسها ماترضى الخيانه ... كبتت على هذا الشعور قد ماتقدر .. فسرته على اساس انه ياسر يبيها ومعجب فيهـا عشان كذا حست بأحساسا حلو فقط لاغير وكانت تحسه شعور عادي اي بنت بموقفها ممكن تحســه .. لكن طاري بدر يلخبط لهـا كل شــي .. وبنفس الوقت ماهو هاين عليها تترك بدر قبل لاتسمع الكلمـه منــه "
وشلون أصارح حبيبي آه يا قلبي
وأقول له إني أحبه آه يا قلبي
أخجل أصارحها وأقول اهواك
وأدني أصابعها وروحي بيمناك
مكحل أهداب العيون تسحرني نظرتها
من فوق غضات الشفا يف يا محلا بسمتها
أرجوك ساعدني بالروحه والجيه
انصحت يبعدني ببحور وهميه
يا ليت ضمتي يزول وقت ما أشوفه
والحكي منه يطول وتسعدني عيونه
إنتي حياة الروح ما أعيش من دونك
وإنتي نظر عيني تسلملي عيونك
عجز لسانك يوم يبين الخافي
ولا دموع العين تكشف لك أسراري
" يــاسر"
" ماكانت حالة ياسر بعيـده عن حالة سهـر .. من شافها وهي صايره تجيه في الاحـلام .. حس انه بالفعل سهر تعني له شي في حيـاته ولا ماكان حس بالغيره تجاهها يوم شافها مع نايف... في هذيك اللحظه .. فكر ياسر ان يعجل بخطبته لكن الوقت كان معاكسه مثل دايم ... وبما ان ياسر متفائل فسرها ان في كل خيره تأخيره .. مع انه مو عارف السر في ان كل ماجا يخطبها او يتكلم تقوم عليهم مصيبه .. مو معقوله سهر تكون نحسه عليـه .. عشان كذا ابعد هذي الفكره .. من اول وهو حاط عينـه عليهـا .. وبدا يحس الحين بالحب .. ماتوقع بيوم من الايـام انه ممكن يحـب .. وبالذات يوم شافهـا في اخر موقف .. تمنى لو ان صدمته فيها طولـت .. للحظه حس بعضلات صدره ترتخي من شده قربهـا لـه .. بهذي المشاعر اعطت ياسر دافع كبير انه يفكر فيها ويستعجل بخطبتهـا من اول فرصه و هالمره هو بيكلم عمه بنفسـه .. عرف انه مستحيل يستغنى عنـه .. المشكله مافي بنت لفتت نظره كثـرها .. ماكان يشوف بنات العيله .. وكأن ربي عاميه عنهـم .. وخصوصا انه مايختلط في اجوائهـم .. بس سهـر كان يشوفها غير .. وبتظل طول عمرها غير بعيــنه ..
واللي كاسر ظهر ياسر .. عبــير اختــه .. قاعد يشوف وسـاكت .. ماهو عارف وش يسوي .. ليله البارح كان يفكر تفكير غير عن اليوم بعد ماعمه بو محمد تكلم بموضوعهم ... حس انه ضاع بينهم .. لكــن قرر يترك كل شي بعد مايرجعون من سفـرتهم .. يمكن حتى هو يحتاجها عشان يرتب اموره ويعرف اللي راح يسويه "
الا ياوقت وين الي على بالي يجي ويروح
هذاك الي ملك قلبي وتفكيري ووجداني
أموت بطيفه الي لا لمحته تنتشي بيروح
أحس إني إذا شفته كأني بعالم ثاني
أحبه والأمل باني في قلبي من غلاه صروح
حبيبي لو يمر طيفه يبدد ماضي أحزاني
أحبه حب لو يدري عن الي بخافقي من بوح
نساك الي الزعل وارخص حياته دون حرماني
تحملت الخطا منه وإذا أخطى بعد مسموح
حبيبي ما عليه ازعل إذا أخطى وخطاني
تذكرته وانا ناسي ونسيته والوفا مجروح
غريبة حالتي والله وهو ذكراه نسياني
" بــدر "
" بدر كان معـهم سهـران .. وكان عايش معهم وموعايش .. ماهو عارف يشيل هم مين .. عرف بخروج فيصل وفرح لته وعرف بموضوع بسمـه وتشقق ... توه بس حس بالراحــه .. لكــن موضوع سهـر ... لاحظ انه من كلمتها امه ماعاد لها بينـه .. حتى بالغلط ماشافهـا .. رجع وهو ماسوا شي من اللي خططه .. ويوم حس ان الفتره طـولت والامور تصلحت نـوعـا ما .. قرر يلتفت لموضوع سهـر "
بدر: مدري اكلمهـا .. ولا ارسل لهـا مســج .. بس مسج افف ياربي احس المسج بيطول على مايوصل .. شلون احس فيهـا ماقدر احس فيها بالمسج ماعرف هي مبسوطة ولاحزينه بس الظاهر بكلمها وباخذ موافقتها بنفــسي .. اي ماعاد فيني صــبر
" مسك بدر جواله وبسرعه ضغط على رقمها قبل لايتـراجــع "
" ســهر كانت سهرانه عند الشباك واول مادق جوالها توجهت له بعجز "
سهر: ياربي من داق هالوقت
" سهر على طول شهقــت "
سهر: بــدر
" كل مافيها راتجف وانتفض .. صار الجوال يهتز بيدها وعظامها تتخلخل داخلهـا "
سهر ويدها على فمـهـا : وش يبي داق وش يبي
قلب سهر " ردي عليه شوفي اكيد راح يعترف لك وبيقول اللي صار كله كذا ردي عليه ردي عليه "
" سهر بسرعه ردت قبل لايرد عليها عقلـهـا "
بدر اول ماشافها ردت : سهـــــــــــر
سهــر وقلبها ينتفض :..........................
الجزء التاسع عشر
الفصل الاول
خل العتب واسمع لروح تناديك
وإن ما سمعت اقرا في عيني اشتياقي
لا تحسب إن الي يودك و يغليك
ينساك لو عيا الوصل والتلاقي
" بــدر "
" بدر كان معـهم سهـران .. وكان عايش معهم وموعايش .. ماهو عارف يشيل هم مين .. عرف بخروج فيصل وفرح لته وعرف بموضوع بسمـه وتشقق ... توه بس حس بالراحــه .. لكــن موضوع سهـر ... لاحظ انه من كلمتها امه ماعاد لها بينـه .. حتى بالغلط ماشافهـا .. رجع وهو ماسوا شي من اللي خططه .. ويوم حس ان الفتره طـولت والامور تصلحت نـوعـا ما .. قرر يلتفت لموضوع سهـر "
بدر: مدري اكلمهـا .. ولا ارسل لهـا مســج .. بس مسج افف ياربي احس المسج بيطول على مايوصل .. شلون احس فيهـا ماقدر احس فيها بالمسج ماعرف هي مبسوطة ولاحزينه بس الظاهر بكلمها وباخذ موافقتها بنفــسي .. اي ماعاد فيني صــبر
" مسك بدر جواله وبسرعه ضغط على رقمها قبل لايتـراجــع "
" ســهر كانت سهرانه عند الشباك واول مادق جوالها توجهت له بعجز "
سهر: ياربي من داق هالوقت
" سهر على طول شهقــت "
سهر: بــدر
" كل مافيها راتجف وانتفض .. صار الجوال يهتز بيدها وعظامها تتخلخل داخلهـا "
سهر ويدها على فمـهـا : وش يبي داق وش يبي
قلب سهر " ردي عليه شوفي اكيد راح يعترف لك وبيقول اللي صار كله كذا ردي عليه ردي عليه "
" سهر بسرعه ردت قبل لايرد عليها عقلـهـا "
بدر اول ماشفاها ردت : سهـــــــــــر
سهــر وقلبها ينتفض :.......
" سكتت ماردت عليــه "
بـدر برجـاء : سهر ليه ماتردين عـلي سهـر
" سهر رق قلبهـا يوم سمعـت نغمــته "
قب سهر " ردي عليه الفرصه جاتك يمكن تقدرين تفهمينه الا هذا الوقت المناسب عشان تعرفين بدر اذ صادق بحكيـه "
سهر بتسـرع : بــدر
" بدر ارتخت عضـلاته بعد امسمـع نغمتهـا "
بدر بتوله : ياعيون وروح وكــل بــدر
" سهر صار قلبهـا يرتعـش "
" بسرعه وبلحظه صحى عقلهـا ونبها باللي قاعده تسـويه "
" سكـري ياسهر. . لايغرك صوته .. وش تبين اكثر من ان يطلبك لاخوه ... لاتنسين انه لبك لاخوه لاتنســين .. اكيد يحنن صوته عشان يترجاك عشان تاخذين اخـوه ... اسمعيها من غيره ولاتسمعينها منـه ... يمكن لاسمعتيها منه تنجـرحين جرح عمـيق مستحيل انه تداوينه او حتى تنسيــنه "
" سهر بسرعه سكــرت السمــاعه "
سهر ويدها ترجف بالجوال وقلبها ينتفض : ياربي وش قاعد يصير وش قاعد يصير
" رمت نفسها على السرير وهي تبكي "
سهر " خلاص انتي كبرتي وش لك بهذي الحركـات .. مستحيل اسمعها منـه مستحييل ... مابي امــوت مابي اموت كثر مامت .. بدر جرحني جرحني ودايم يجرح فيني .. ماظني بسكت له اكثر من ماسكت .. "
" وفجـأه حست انه قلبها رق لـه "
سهر " بس حسيت صوته يناديني يرتجيني .. الا بدر يبيني ويحبني اصلا مستحيل يناسني او حتى يخـوني .. الا اكيـد بدر ماقال هذا الكلام وامه كذبت علي عشان تلصقني في ولدها الكبير .. انا متأكده قلبي يقول كذا ..."
" سهر كانت وقتها تعيش في دوامه من المشاعر المتضاربه المتلخبطه .. ماعرف مين اللي راح ينقذهـا منهـا .. ياسر ولا بـدر .. حست انها عاجزه عن التفكير اكثـر .. ماهي عرافه على وين ترسي ... افكار متضاربه مع مشاعر متلخبطه .. حست انها فعـلا بدوامه .."
" حست سهر بصـداع فظيع وبعـدها سكرت الانوار وانسدحت وقررت تنام وتمنت لو انها تنام وماتصحى الا وكل شي مختلف .. كل العوائق انزاحـت مع اناه عارفه هذا من سابع المستحيلات "
.
.
.
" بـدر "
" كان متوقع الـرد هذا منها من البدايه بس حس انه ارتـاح يوم سمع صـوتها "
" وفسر هذا الشي على اسا انها مستحـيه منـه .. وخصوصا بعد ماعرفت انه تكلم بالموضوع "
" ارتاح بـدر من هذي النتحيه مع انه يحس بشي في داخله يقول له لا .. الا انه يتجاهله .. اكيد ماردت عليه الا واكيد هي موافقه "
بدر" هذا الشي الوحيد اللي كانت تبيه سهـر وانا وسويته لهـا ... اهم شي بينت لها اني قلت لامي .. عشان لاتفكرني العب عليهـا او حتى اتسلى معهـا "
" وقف بدر وهو مرتاح خارجي وعقلي من هذا الشي وبنفس الوقت متجاهل اي صدى يتردد داخله .. قام يدرس عشان وراه بكرا كويز .. يحس الحين يقدر يدرس ويقدم كويز .."
.
.
.
|