" فـي الريــــــاض "
" في هذا الوقت كان الجود هادي بالرياض.. وبالعاده يكون الكل مجتمع هالوقت .. بالفعل كانوا مجتمعين ماعدا ابوهم من طلع يصلي مارجع .. والاجواء كانت هاديه "
لميس فجأه : مساعد متى بتعرس
مساعد يتأف : وبعدين معك انتي من تشوفيني متى بتعرس
لميس: من جد طفشت لحالي
ام مساعد: يامساعد بتوصل الثلاثين وانت على هالحاله
مساعد هالموضوع يضيق بخلقه : ممكن تسكرون الموضوع
لميس تتأفف : اموت واعرف ليه ماتبي تعرف .. مافي غير مازن مزون حبيبي متى بتتشرف وتعرس "وشقت الابتسامه الوسيعه "
مازن يبتسم: على يدك ياست لميس
لميس: انا ماعندي مانع
ام مساعد : مافي له قبل اخووه
مازن: احلفي يمه وانا اقعد اعزب حتى يفكر ولدك المصون بالزواج
مساعد: ماني قابضك
مازن: اتوقع سمعتها.. بس بكيفك لاتقولون ولدي بكرا نحرف مانحرف
لميس تضحك : صدق يايمه عادي يزوجون الصغير قبل الكبير
ام مساعد تبتسم: طيب خلونا من هالسالفه وين ابوك من طلع مارجع
مساعد: تو دقيت عليه هذا هو بالطريق
" وقعدوا يسولفون ويحسوون بالملل "
مازن بعد ملل عميق ضرب على رجوله وقام : يلا انا اجل بقول اقيل
لميس: مااازن عاادي اقعد شوي معي
مازن يغمز لها : بنطلع بالليل بس خليني اريح
" ومازن هو بطريقه لفوق انفتح الباب .. دخل وقتها بو مساعد .. ابتسم له مازن وقرر يكمل طريقه بس اللي خلاه يرجع يناظر ابوه الشنطه اللي بيده .. استغرب وش هذي الشنطه مايخبر ابوه كان مسافر .."
مازن: يبه وين كنت فيه ؟
بو مساعد : وين امك واخوانك
مازن بأستغراب: بالصاله
"بو مساعد هز راسه وشوي ودخلت وحده وراه"
مازن شهق بقوووه
" ام مساعد سمعته وحتى لميس ومساعد .. تناقزوا يشوفون ايش صاير .. وشافوا بو مساعد والحرمه اللي قابضه يده ومنزله راسه .. والكل شهق .. ماعدا مساعد وقف بصرامته .. ام مساعد وقتها على طول ضاق عليها التنفس والكل صار يتلاحق عليهــا "
لميس: مــــــــــــــــــامـــــــــــــــا
الجزء الثالث عشر
الفصل الثاني
تعال .. }~
محتاج قربك لاتضيعني
خذني من الصمت والحرمان والضيقه.....
محتاج لك حيل قرب يا..{نظر عيني}
الصبر عنك حبيب الروح ماطيقه
جيتك و حزن البشر ودموعهم فيني
مثل الذي بالصحاري ناشف ريقه00 }~
" "مازن هو بطريقه لفوق انفتح الباب .. دخل وقتها بو مساعد .. ابتسم له مازن وقرر يكمل طريقه بس اللي خلاه يرجع يناظر ابوه الشنطه اللي بيده .. استغرب وش هذي الشنطه مايخبر ابوه كان مسافر .."
مازن: يبه وين كنت فيه ؟
بو مساعد : وين امك واخوانك
مازن بأستغراب: بالصاله
"بو مساعد هز راسه وشوي ودخلت وحده وراه"
مازن شهق بقوووه
"ام مساعد سمعته وحتى لميس ومساعد .. تناقزوا يشوفون ايش صاير .. وشافوا بو مساعد والحرمه اللي قابضه يده ومنزله راسه .. والكل شهق .. ماعدا مساعد وقف بصرامته .. ام مساعد وقتها على طول ضاق عليها التنفس والكل صار يتلاحق عليهــا"
لميس: مــــــــــــــــــامـــــــــــــــا
" لميس تناظر امها وتناظر ابوها اللي جاي حق امها وتناظر الحرمه اللي كانت واقفه ومرتعبه ولافه على الباب ومغطيه عيونها .. لميس توخر ابوها عن امها وابوها مو عارف وش يسوي .. مساعد ومازن شالوا امهم وحطوها على الكنبه القريبه ولميس طارت تجيب مويه وعيونها على الحرمه .. "
مساعد : يمه انتي بخير
ام مساعد تتنفس بقوه
" جت لميس ورشت على وجهها المويه وام مساعد شوي وشوي قاعده تتحسن ..والعيال قعدوا جنبها ومحد قادر يناظر ابوه .. والابو مو عارف وش يسوي .."
" بعد ماهدت الاوضاع والحرمه لساتها واقفه عند الباب "
ام مساعد قامت
مازن لميس: يمه وين
ام مساعد: بروح غرفتي
ابو مساعد : لولوه اقعدي شوي
"ام مساعد على رغم اللي شافته الا انها قعدت احترام لزوجها واحترام لعيالها.. شوي وتشهق لميس اللي كان باين عليها تبكي "
بو مساعد : لايروح ظنكم بعيــد هذي مو زوجتي
" الكل صار يناظر فيه اذا ماكانت زوجتك اجل مين "
بو مساعد : هذي بنتي
" الكل شهق "
ام مساعد بصوت مبحوح : بنتك
بو مساعد : ايه بنتي .......
لميس: نعــــــــــــم ..!!
بو مساعد : هذي بنت زوجتي الاوليه يالولوه
ام مساعد وقفت بقوه : بس انت قلت لي طلقتها
بو مساعد : غصب عني يالولوه خبيت عنك
" بو مساعد ماهو قادر يناظر بلميس لانه عارف انها اكثر وحده بتتأثر اذا عرفت ان عندها اخت .. بو مساعد قعد يقص عليهم قصة البنت وكيف كانت عمياء وسفراته كثرت عشان يعالجها حتى وصل لعند امها "
ام مساعد تدمع : وامها وينها الحين ..؟
بو مساعد : ماتت
الكل سكت
" ام مساعد قعدت تبكي مو عارفه ليه ..... المفروض ماتكلمه ماترد عليه .. هذا اللي تعرفه من ردات الفعل .. بس قلبها حن على البنت اكثر من انها تسوي مثل هذي ردات الفعل وخصوصا بعد ما توفت امها وغير كذا زوجته الاوليه.. شيسوون الحين طاح الفاس بالراس .. الكل سكت مازن مو مستوعب اللي ينقال وبومساعد ينتظر حد يتكلم ولميس قاعده تبكي ومساعد صنم ماتحرك ولاهمس ولانطق "
ام مساعد : وينها ..!!
"لميس رفعت راسها وبومساعد بف بقوه ومازن عقد حواجبه "
ام مساعد : وين البنت ..؟
" بو مساعد قام لاشعوري ... ولميس على طول قامت فوق تركض .. ومازن قعد يبي يراقب امه وش تسوي ... بو مساعد حس بلميس بس قرر يتكلم معها لحالها "
بو مساعد : ميساء تعالي
" ميساء لفت على طول على ابوها وجت من عنده بخطوات ابطئ من البطئيه خايفه تدخل على ذولا الناس اللي مابحياتها شافتهم "
" ام مساعد وقفت اول ماشافت البنت .. ومازن فتح عيونه بعد ماشاف البنت ومساعد ناظرها نظره ونزل راسه .. "
ام مساعد لاشعوري فتحت يدينها لهالبنت : فهد شسمها
ابو مساعد : اسمها ميساء
ام مساعد :ميساء يمه تعالي
" ميساء لفت على ابوها وابوها اشر لها انها تروح لها .. مازن فاتح عيونه لهذي اللحظه .. "
"ميساء جت وقفت قدامها وام مساعد حضنتها ... ابو مساعد ماكان خايف من زوجته كان خايف من عياله .. ولا ردة فعل ريحته .. لانه يعرف ان زوجته لو ينجمع حنان العالم كله مايقرب جنب حنان زوجته .. واختار انه يروي لهم قصتها كامله عشان يحن قلبهم عليها .."
ام مساعد تقعدها جنبها : ليه يافهد خبيتها عنا .. معقوله يكون عندك بنت وهاملها لهذي الدرجه
"ميساء ضمت نفسها بنفسها ... هذول اول ناس تتخلط فيهم "
بو مساعد : خفت عليك يالولوه .. ماكنت وقتها خايف من شي كثر مانا خايف عليك لاعرفتي بحقيقه زوجك
ام مساعد سكتت مع انها تحس انها مجروحه .. شلون كانت مخدوعه فيه طول هالفتره .. هي صحيح ماراح تسامحه بنفسها بس مضطره تجامل قدام العالم وقدام هالبنت وعيالها : مازن مساعد شفتوا اختكم شلون حلوه
" مساعد ماقدر يسمع انه عنده اخت غير دلوعته لميس .. عشان كذا قام وترك الصاله "
" مابقى الا مازن اللي على طول حن قلبه عليها .. بس من شاف ردة فعل اخوه توهق ماعرف وش يسوي "
مازن : اي بس ماجت تسلم على اخوها
" ابو مساعد انصدم من كلام مازن .. وهنا ارتاح جزئي "
بو مساعد: بارك الله فيك ياولدي
" ميساء لفت عليه واول ماطاحت عينها بعينه بعدتها على طول "
بو مساعد : ميساء قومي سلمي على اخوك
" ميساء ناظرت ابوها ولاتحركت"
ام مساعد : يلا
" ميساء ماتحركت "
مازن ابتسم : ماعليش اكيد تستحي
" بو مساعد اخذ مازن على جنب "
بو مساعد : بارك الله فيك ياولدي
مازن حس بحرقه بقلبه وتصنع الابتسامه : عشانها من زوجتك الاوليه بس
بو مساعد بلع الكلمه كل شي ممكن يتقبله بهالوقت : مازن روح شوف اخوك وين راح
مازن : اكيد راح يشم هوا برا لاتخاف عليه مساعد عاقل وبعدين بيفهم بس الحين هو مو متقبل الوضع والكلام اللي انقال ما الومه فجأه يجي ويسمع انه ابوه متزوج من قبل وعنده بنت " ابتسم له وراح "
" بو مساعد تقبل كلام مازن وكبر في عينه يوم شاف ردة فعله .. مازن متفهم كثير واخذ الحنان كله من امه .. شوي وراح حق ام مساعد وميساء "
ام مساعد : ميساء.. كم عمرك
بو مساعد جاوب عنها : 17 سنه
ام مساعد : يعني الحين اخر سنه لك صح
ميساء:...........
بو مساعد كمان جاوب عنها : ماتدرس
ام مساعد شقهت : نعـــــــم ...!
"ميساء خافت ورفعت بصرها لزوجه ابوها وناظرتها نظره حننت قلب ام مساعد اكثر "
ام مساعد : اسفه .. بس شلون خليتها كذا بدون علم ولادراسه.. حتى المكفوفين لهم مدارس
بو مساعد بصوت واطي لام مساعد : هي اللي كانت رافضه انها تختلط بالناس
" ام مساعد قدرت موقفها وسكتت "
ام مساعد : يلا ميساء قومي معي تفرجي على بيتك
" ميساء كانت ساكته قامت ام مساعد و قامت ميساء معها والحجاب لسا عليها وشافت بيدها غطا او نقاب وسألت بومساعد "
ام مساعد : فهد تغطيها
بو مساعد هز راسه بمعنى ايه
ام مساعد: بس ماتحس لساتها صغيره
بو مساعد : هذي كانت برغبه منها وانا ماقدر امنعها من شي هي تبيه
" ام مساعد ابتسمت على هذي البنت .. وبعدها اخذتها وورتها البيت .. ميساء كانت منذهله من هذا البيت العجيب بنظرها .. مع ان بيت بو مساعد اقل مستوى في بيوت العايله الا كان بالنسبه لها قصر"
ام مساعد : عجبك
ميساء هزت راسها بمعنى ايه
ام مساعد : وهذي غرفة اختك لميس
" مياء لاحظت تقارب اسمائهم لميس وميساء عجبها الاسمين جنب بعض "
ام مساعد: تبين تدخلين تشوفينها
ميساء خافت تدخل وهزت راسها بمعنى لا
ام مساعد: ليش يايمه
" ميساء نزلت عيونها "
ام مساعد : لا لازم تشوفين اختك وتتعرفين عليها مو معقوله بتقعدون بنفس البيت وماتعرفون بعض
" ميساء كانت خايفه من لميس "
ام مساعد دقت الباب
لميس ماردت
ام مساعد : لميس افتحي انا امك
لميس قامت وافتحت الباب واعطته ظهرها على طول
ام مساعد حق لميس : لحظه شوي
" ام مساعد دخلت على لميس وبقت ميساء برا وردت الباب وراها "
ام مساعد : ماتبين تشوفين اختك
لميس: لا مابي اشوفها .. انتي شلون قدرتي تتقبلينها معنا
ام مساعد: مو انتي من اول تبين اخت وهذي هي جت
لميس لفت على امها: انا ابيها من امي وابوي مش من ابوي وحرمه ثانيه
ام مساعد تخزها: لميس عيب هذا الكلام
لميس: يمه بابا متزوج عليك شلون ترضينها على نفسك
ام مساعد : بس لاتنسين انه متزوجها قبلي
لميس: واذا
ام مساعد: لميس يمه حرام عليك والله لو تشوفينها يحن القلب لها
لميس: اففف مابي اشوفها حتى
ام مساعد: لميس
لميس: وش نقول للناس عنها بنقول لهم فجأه صار عندنا بنت وكبرت بسرعه ولا ايش
ام مساعد : الحين انتي يهمك كلام الناس .. ماظن الناس بتسوي شي لمن تعرف انها من زوجته القديمه طيب
لميس تدمع: وش بقول لبنات خالتي هاه
ام مساعد : ماعليك من كلام حد المهم انها الحين هي اختك الوحيده طيب
لمييس: خوش بعد ماكنت البنت الوحيده الحين تصير الاخت الوحيده
ام مساعد : لميس بس خلاص والحين اشوف شلون تستقبلينها
"لميس قعدت تعصر يدها على لحافها .. وبعد ماطلعت ام مساعد تناديها انصدمت انها ماهي موجوده ..ام مساعد شهقت يوم ماشافتها ولميس فهمت انها راحت "
ام مساعد : كذا زين يالميس
لميس: ماما انتي بزياده طيبه " وقامت "
" ام مساعد ماعرفت وش تسوي مع لميس شكلها رافضتها بقووه .. نزلت تبي تشوف وين راحت البنت .. ام مساعد مالها حق دامها بنت زوجته القديمه ... غير لمن يكون متزوج وحده ثانيه عليها .. بس اذا جت تلومه بتلومه ليه كذب عليها وقال انه طلقها "
" اول مانزلت شافتها عند بو مساعد وبحضنه "
ام مساعد هزت راسها وهو فهم ان في شي صاير
ام مساعد : ميساء
ميساء رفعت عيونها
ام مساعد : لاتزعلين عليها هذي اختك وبكرا تتعودون على بعض
ميساء هزت راسها بمعنى اوكي
" وعلى هذي الحال قعدوا بو مساعد وام مساعد ومعهم ميساء ساكته .."
بو مساعد : انا بروح اشوف لميس
" قام وتركهم لحالهم "
.
.
.
" الســاعه 8 :40 "
" في مطعم جندولا "
" كان مشاري ونايف قاعدين بعد ماخلصوا طلب "
نايف: تفضل مشاري انا اسمعك .. من اتصلت علي وطلبت انك تشوفني وانا حاس انه عندك كلام تبي تقوله
مشاري يلعب بالشوكه والسكين : اي والله يانايف بس توعدني انه مايطلع لحد غيرك
نايف بنظره: افا عليك سرك في بير يامشاري
مشاري: تذكر البنت العمياء اللي طلبت منك تجيب لي ملفها وتراقب حالتها
نايف: همممم ايه تذكرتها وش فيها ..؟
مشاري: مافيها شي.. بس انا كنت ابيك تشوف حالتها الحين كاسره خاطري ابي اعرف وش صار على عيونها
نايف ناظره ناظره بعدين قال : اهاا قصدك تستفتسر عن حالتها الحاليه
مشاري: بالضبط
نايف : ابشر ولايهمك بس بكرا اتصل عليك واعطيك الريزولت حقها
مشاري ابتسم : تسلم يانايف
نايف من شاف الابتسامه فهم الحكايه : بس غريب الاهتمام عليك
مشاري عقد حواجبه
نايف: انا ولد عمك واعرفك وافهمك.. انت مو من النوع اللي يهتم بس غريب مهتم لهذي البنت
مشاري تلعثم : لا بس لان انا كاسره خاطري عمياء وحالهم يكسر الخاطر فا ماعرف وش صار عليها
نايف ابتسم ابتسامه حلوه : تستحي مني
مشاري نزل راسه وسكت
نايف : مشاري تستحتي تقول يعني
مشاري: لايانايف لاتفهم غلط " ورفع راسه "
نايف بسرعه : عذابك مبين في عيونك
مشاري على طول نزل راسه
نايف ابتسم : انا افهم كلام العيون
مشاري ابتسم: اثاريك جني
نايف: ماخبي عليك انك من جبت البنت وانا حاس انه في لك معها سر
مشاري: لا سر ولا شي بس اني اهتميت لحالتها
نايف: على عيني وراسي بس اللي يشوف حالك او اللي مراقبك مثلي بيعرف ان في فرق بين مشاري الاولي ومشاري اللي اشوفه الحين
مشاري تنهد : فيها عيب لو حبيتها
نايف: ليش لانها عمياء
مشاري: مو بس كذا ووضعنا بالعايله
نايف : ااااااه اذا جت على العايله مافي خلاف بس كونك ماتحبها لانها عمياء مافي ولا واحد بالميه عيب
مشاري: مو انا اللي ذابحني العايله
نايف: كلنا يانايف متعذبين بسبب هالكلمتين اللي وصانا عليهم جدي
مشاري انصدم : حتى انت
نايف تلخبط: لالا
مشاري يناظره : ناييف
نايف ابتسم : لاتحاول تفهمني
مشاري: نووويف
نايف ضحك
مشاري حط يده على راسه : معقووووله
ننايف يضحك : ليه
مشاري: اتوقعها من الكل الا انت
نايف يبتسم : نصيب
مشاري ضحك: طيب مين سعيده الحظ
نايف يبتسم : وحده تشتغل معنا
مشاري يبتسم: اها يعني الحال من بعضو
نايف يضحك: تقدر تقول كذا
مشاري: والحل
نايف: نحط قاعده تكسر هالقانون
مشاري: على يدك
نايف: الله يكون بالعون بس تدري
مشاري: وشو
نايف: كبرت بعيني
مشاري ابتسم
نايف: الله يحقق امانيك والله انك تستاهل
مشاري : اميين وانت معي
" نايف ابتسم وقعدوا يسولفون ويشكون لبعض.. هذا الشخص الاول بعد مشعل مشاري يفكر يقوله الكلام بس نايف سحبه بطريقته .. وارتاح لنايف كثير .. وقعدوا يتعشوون"
.
.
.
" في بيت بو فيصل "
" في غرفة وصايف "
وصايف: قومي انقلعي حومتي كبد
جنى تضحك : طيب شفيك متحمسه
وصايف: جنى ورا ماتسكتين وبعدين ماعندك دراسه ..؟
جنى: لااا
وصايف: والله لو ماتروحين تدرسين بقول لامي
جنى: قومي بس
" وصايف بقهر قامت بتقول لامها على جنى "
وصايف: يممممممممممه يممممممممممه
جنى تطلع من الغرفه : يالحماره بروح ادري
وصايف: يلا انقلعي
جنى تطالعها وبقهر: العن ذا الشكل عليك
وصايف كلعت لسانه ودخلت وقفلت الغرفه
وصايف" حشا الواحد ماياخذ راحته "
" ابتسمت ورجعت قعدت ع النت ... شوي ويوصلها ادد جديد على ايميلها .. استغربت وبعدين قبلت اول ماقبلت على طول دخل عليها "
so HaPPy :
heeey
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
Hala walla
so HaPPy :
كيفك ..؟
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
الحمدالله .. وانت شخبارك ؟
so HaPPy :
دووم ياعسى وانا بخير بشوفتك
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
سوري من معــي ..؟؟
so HaPPy :
همممم اول شي من جنبك
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
محد ليه ؟؟
so HaPPy :
اكيييد
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
ايه لايكون بتطلع لي من شباك ولا من دولاب
so HaPPy :
هههههههههههه لامن الشاشه
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
هههههههه عن السخافه وقول من معي
so HaPPy :
طيب بقولك بس بدون محد يدري
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
لاوالله نستهبل
so HaPPy :
ههههههه طيب هممممممم انا
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
ايوا
so HaPPy :
انا طــلال
" انصدمت وصايف.. طلال مسوي لها ادد .. وش يبغى ..."
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
اووه هلاوالله
so HaPPy :
هلا بك ..
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
طيب ليه ماتبي احد يعرف
so HaPPy :
ماظن له داعي
" وصايف ابتسمت وحست ماعندها مانع "
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
بس فجأه الادد وبعدين من وين جبت الايميل
so HaPPy :
صراحه كنت طفشان وكنت ناوي استهبل عليك بعدين هونت
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
اي فيك خير تستهبل علي
so HaPPy :
ليه الاخت هاك وانا مدري
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
خخخخ تقدر تقول كذا
so HaPPy :
اي هيين
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
كيف الدراسه
so HaPPy :
والله الحمدالله ماشيه
والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!
اي هييين
" وشوي شوي وصايف قامت تسولف معه وماتحس ان عندها مانع ماتعرف ليه مافرقت معها مع انها اول ولد عم ينضاف عندها وهو استغرب انها وافقت بس عجبته الفكره وخذاهم الوقت شوي وتجي جنى تخرش الباب عليها "
وصايف" العن شكلك وش تبين "
وصايف: نعععععععععم
جنى: وصايف افتحي بسرعه عندي لك خبرررررر
وصايف: انثبري
"وقعدت جنى تزعجها ووصايف داخله جو و اصفطتها "
.
.
.
|