" اليوم الثــــاني "
" صحى نايف من الصباح وهو قاعد يفكر على الخطوه اللي بيخطيها .. كان خايف يكون جراءه منه.. وهذا الشي شاغل تفكيره كثييير .. وش بيقولون اهلها عنه .. قرر يفكر بالفكره ويراجع نفسه قبل لايقدم عليها .. ونزل تحت ومالقى احد غير الخدامه "
نايف: سولفي وين ماما والبنات
سولفي: مافي معلوم بس مدام بسمه في مرسم حق هي
نايف: اهاا طيب الفطور جاهز
سولفي: يس سير
نايف: اوكي
" وقرر يأجل الفطور بيروح يشوف بسمه يسألها عن حفلتهم امس وراح ولقاها نايمه بلارض على استغرب وشاف جنبها لوحه مشخبطه والشخابيط شكلها طالعه من قلب "
" راح وهزها "
نايف : بسمه بسمه بابا قوومي
بسمه من النوع اللي ينقز من اول حركه
نايف خاف عليها : اسم الله عليك
بسمه ناظرته وبعدها استوعبت انه نايف وقامت بسرعه وصلحت نفسها
نايف حس فيها : حبيبي قوومي نامي فووق
بسمه بصمت نطت وراحت غرفتها وكانت عيونها متنفخه مبين ان وحده نايمه كئيبه
" نايف قعد يناظر اللوحه "
نايف" شفيك يابسمه وش اللي مخلي نفسيتك كذا .. مارسمتي هذي الرسمه الا انك تحسين بدهورة مشاعر.. ليتني افهمك واريحك يا بسمه .. وليتني كنت قريب منك ليييتني... حرام قلبك يصير فيه كل هذا حراااااام "
.
.
.
" في احدى محلات الاجهزه بالخبر"
" كانت واقفه مصدومه من السعر .. خبرها يوم جات تسومه كان ارخص سلامات ارفعوه لهذي الدرجه ووقفت احدى العاملين "
شهد: اخوي لو سمحت
الموظف : تفضلي اختي
شهد : هذا الجهاز ماعليه سيل
الموظف : لاياختي هذا توه نازل
شهد فتحت عيونها : ابوو النصب انا جايه من اسبوعين وكان نازل وكان سعره ارخص والحين غليتووه .. وش ذا تحطون اسعار بكيفكم خياليه تفكرون مافي محلات غيركم
الموظف انصدم منها بس حاول يسايرها وبنفس الوقت تفشل لانه توه جديد : اختي انتي عارفه ان الاسعار الحين ارتفعت وهذي الاجهزه مستورده ماتنباع بأسعار رخيصه والسوق يرتفع وينزل وعلى هذا الاساس تزداد الاسعار
شهد طفشت من قرقرته : انا ذيك المره جيت وكان في واحد قال بيسوي لي عليه سيل اظن اسمه نواف وينه فيه الحين
الموظف لاحوول ماشاء الله حافظتهم : ماهو موجود بأجازه
شهد نزلت تطالع الجهاز ومنقهره عليه : انت مو وجه واحد ياخذ ويعطي معك ويـ .... " وارفعت راسها وشافت الموظف صفطها عصبت وراحت له "
شهد : هيي انت وش ذا المعامله الزفت دامك ماتبي تشتغل لاتشتغل الناس هنا جايه تبي تشتري بس من تشوف المعامله الزفت تهون وين المدير والظاهر عيونك طايره على المتبرجات وين المدير اقوول
الموظف اخترع منها : المدير في المكتب
شهد : ياسر موجود
الموظف خوووش هذي بقى حد ماتعرفه ليكون من اهل اصحاب المحل : والله ماعرف تبين اتصل على المدير أأكد لك
شهد : لاخلاص بتصل على وليد وانا اعرف شلون يتفاهم معكم
شهد : الووو وليييد
وليد: هلا والله
شهد : وين اخوك فيه الحين
وليد استغرب: ايهم؟
شهد: ياسر
وليد: وش تبين فيه
شهد: انا الحين في ...... وابي اشتكي عنده
وليد: ليكون مشكله جديده مع الموظفين ياشهد
شهد: انتم والله اللي ماتجبون موظفين زي الناس مو ذنبي
وليد: هدي نفســك و
" كان ياسر رايح يشيك على احدى المحلات اللي كانت على ايام ابوه ويتطمن عليها .. ومن احدى هذي المحلات كان عندهم محلات للأجهزه معروف بالخبر .. واول مادخل راح على المدير العام .. وقعد يتكلم معه .. وبعدها طلعوا مع بعض عشان ياخذون لفه على المحل والاشياء اللي استحدثوها وهذي الشغلات ..وبطريقهم شافوا النقاش الحاد اللي بين الزبونه والموظف .. والموظف واقف ومحتار وهي تكلم بعصبيه "
ياسر وقف : عسى ماشر هل من مشكلة
شهد لفت وشافت المدير ومعه واحد : خلاص هذا المدير جا باي
شهد وقفت وبحلقت بياسر وحكت له كل شي والموظف بما انه جديد وشكل هذي من عملائهم اللي بأستمرار وكان خايف ينفصل وهو مابعد يكمل
المدير: اوكي ياختي هدي ولا يصير الا اللي يرضيك .. سيف تعال معي " واخذه "
"وياسر قعد معها "
ياسر: بس يا اختي انتي عارفه ان الاسعار بدت تغلى وهذا حسب ماعرفت انه موظف جديد وماعنده خلفيه عن الاسعار
شهد فجأه : انت ياسر
ياسر انصدم :....
شهد : اسفه مو قصدي بس حسيتك اخو وليد
ياسر: انتي تعرفين وليد
شهد بفخر : اي وليد يصير حق اصحاب هذا المحل وانا زبونه دائمه عندهم
ياسر: اها
شهد فكرت تشبك معه بس هو ماعطاها فرصه
ياسر ابتسم مجامله: على العموم اختي الحين بنادي لك موظف وتفاهمي معه على السعر وعلى كل شي ومالك الا طيبة الخاطر عن اذنك " راح ونادى لها واحد "
" شهد دفعت بالسعر اللي موجود.. لانهاا فكرت تشبك مع هذا الانسان .. لانها خقت عليه "
ياسر" طيييب ياوليد يصير خيير.. هذا من اولتها شلون لو رحت هناك ... قلنا بنرتاح وشكل ماوراكم راحه "
" نفسيه ياسر بدت تتحسن عن قبل .. فجأه حس انه اموره بتصير كلها اوكيه .. وان مابقى شي وقاعد يوصل لفتاه احلامه اللي عاش معها بهدوء .. ياسر ماحبها حب مجنون بس فكر فيها بعقلانيه اكثرر .. حسها تناسبه من ناحية العمر كونها اكبر البنات ومبين اعقلهم ..وهذا اكثر شي عاجبه غير ان شاف فيها عذوبه الرجال قاعده تحكي فيها هلايام .. وحسها كنها نازله عليه من السما .. ماعطل ياسر عن الزواج غير ظروفه وسنه .. وبما انه مجبور ياخذ من العايله وهو مايفكر ياخذ من برا اصلا مالقى البنت اللي تناسبه من بدري .. هو كان يبي وحده ماتحب الدلع كثير وتكون عاقله وهذا مالقاه الا في سهر .. الظاهر انصدم فيها لوووووول وغرته المظاهر .. وهذا اللي مخلي نفسيته اوكي بلاضافه الى ان امور اخوانه تضبطت مثل ما يبي .. واخته كمان مشت في طريقها وخذت اللي بيسعدها طول حياته .. حس انه الوقت اللي يتفرغ فيه لنفسه بدا ........... "
" ومن هذي اللحظه ........... بدا يبني احلامه ومشــواره ....... اللي مابقى عليه الا قطـــره بالنسبه لــــــــــه ............. "
الجزء الحادي عشر
الفصل الثاني
خذ ذكرياتك والمحبه شوقي وسنيني
معاك روحي انا ما ابي اضيعها
وانسى الموده وكل شي بيني وبينك
انت بحياتي غلطه لكن ما حكررها
" كانت قاعده في غرفتها .. وحاطه الايبود .. وتسمع لعبدالمجيد .. وبس مر هذا المقطع حسته كنه لها .. اثرت فيها هذي الاغاني وشالتها من عالمها الى واقع .. ابعدت السماعات من اذنها بكل فوضويه ووقفت وهي تسابق دقات قلبها اللي قد تكاد تخترق صدرها .. وفتحت الشباك لانها بدت تحسس انها بتنكتم وكانت فيه ناسيم هوا .. الجو بهذا الوقت بدا يبرد بالشرقيه انبسطت بسمه عليه وحست انه هذا الجو يناسبها "
بسمه تكتف يدينها " ااااه انا بموت بموت ومحد بيحس فيني .. بموت لو ماحكيت لو ماشكيت .. هو اانا بايعه نفسسي اروح اقول لهم اني احب محمد .. اكيد بيقولون عني مريضه نفسياً .. او بيقولون اني ياقليلة ادب يا يا يا .. اكيد بيقولون بسمه اللي نفكرها عاقله طلعت مجنونه من داخل .. بس انا وعدت نفسي ان هذا يكون اخر شي بيني وبينه .. وش اللي قاعد يجيبه في بالي .. انا وش لي فيه وش لي فيه .. "
" في نفس الوقت "
" كان في مكتبه وكان ماخذ له بريك يشرب فيه الكوفي حقه .. وحس ان مخه فاضي الشغل ماكان كثير اليوم وقرر يطول في هالبريك .. ورفع بصره وشاف قدامه اللوحه اللي اخذها من بسمه وبروزها وحطها بمكتبه .. "
محمد ابتسم يوم شافها " الله وش حلوها هذي اللوحه .. صدق انها فنانه .. فيها اشياء غريبه في ملامح مبعثره .. هذا احساسها .. معقوله بسمه الهاديه المرتبه تكون مشاعرها مبعثره من الداخل .. ماعتقد .. احسها مثال حق كل شي ماشاء الله عليها .. للجمال .. بس هي بريئه اكثر من هي جميله .. وماهي جذابه بالحييل بس برائتها هي سر جاذبيتها .. ماشاء الله عليها .. وانا اللي مجنني عذب مشاعرها .. يالله احسها رقيقه " وضحك وضرب راسها " شفيني اانا قمت اهلوس فيها .. ههههههه مسكينه البنت من الله والطريق قاعد احلل شخصيتها .." وتذكر موقفه معهم في بيتهم " بس يالله يوم شفتها في بيتنا وه ماشاء الله عليها .. ههههه انا واحد احسدها ... والله لازم اعطيها شي بدل هاللوحه اللي اهدتني اياها .. بس الحين اكيد مافي مشاعر تربطنا ببعض غير الاخوه وان بسمه حالها حال البنات .. وش معنى نجوى تغار منها بالذاات .. مع انها تعرف علاقتنا مع بيت عمي هم بالذات .. ليه ياااربي ليه .. بس نجوى يجيها هفات ميب صاحيه ... اااااه انا لو طالعت هاللوحه بنجن خلني اقوم احسن لي "
" في نفس الوقت عند بسمه "
" الحين هو اخذ شي الوحيد اللي يذكرني فيه ... كنه يبي يطرد نفسه من حياتي .. مايبيني افكر فيه حتى او اتذكره .. معقوله مشاعرك يابسمه شفافه .. ومعقوله انا منبوذه عشان يبعدني عنه بهذي الطريقه .. والحين مابقى لي غير الذكرى ليه اخذ اللوحه ليييييييه "
" حست بسمه انها تبي تسترجع اللوحه .. كانت هذي اللوحه مرسومه عشانه .. شلون ياخذها وهذا اللي بقى لها ... "
" طق طق طق"
بسمه وهي تناظر الشباك : مييين
نايف: ممكن ادخل
بسمه لفت على جهة الباب: تفضل
" نايف دخل وشافها واقفه .. ماخابت ظنونه الا بالعكس قاعد يحس ان بسمه تمر بحاله نفسيه "
نايف: ممكن اجلس
بسمه ابتسمت: أي شدعوى " وقعد على الكنبه اللي قدام سريرها وهي قعدت جنبه بحيا .. اول مره نايف يدخل عليها وكانت تحس انه موضوع شخصي "
نايف: شخبارك
بسمه: الحمدالله
نايف: كيف الدراسه اووكيييه
بسمه : أي عادي
نايف يفكر بشي يقوله : توقعتك بالمرسم بس رحت ومالقيتك وقلت اطلع لك فوق
بسمه بخجل : بغيت شي مني
نايف: لابس من يومين شفتك نايمه بالمرسم وكنك كنتي تعبانه وانا من يومها قلقان عليك.. بسوم .. ادري بتقولين غريبه اني اسألك وادري ان صعب عليك تشكين لي لاني اخوك .. بس انا كل اللي ابيك انك تطمنيني على نفسك لان حالتك شاغلتني .. مو انتي بسمه اللي اعرفها .. انتي متضايقه من شي.. عادي لاتستحين انا اخوك والله عادي وانتي اكيد تعرفيني ماراح اتضايق ولا راح اعصب عليك ولاشي بس قولي لي وش مضايقك
بسمه حست برعشه بقلبها " اخوها ويسأألها هذا السؤال لهذي الدرجه انا شفافه " وبتوتر تكلمت : لا.. لا انا انا مافيني شي
نايف ابتسم عرف ان مافي امل تحكي بس قرب منها ومسكها من يدها : بسمه ترى كل شي واضح صدقيني حتى لو انك قلتي انك تحبين ماني معصب عليك بس ريحي نفسك .. لاني متأكد انك حتى نجود ماصارحتيها باللي في داخلك.. ترى مو كويس انك تكتمين والى متى بتكتمين يابسمه هاه تراني اخوك واعرف انك كتومه بس بالكثير ماحبيتي تقولين لي صارحي للي مثلك من البنات معقوله بسوم ماعندها صديقات مقربات
بسمه ابتسمت بلاك ماتدري: نايف دونت ووري انا مافيني شي والله بس
نايف قاطعها : ايواا السالفه هي بس يا بسسمه ... بسمه صحيح اني مو قريب منكم بس مايمنع اني ماحس فيكم انا ماعندي الا ثنتين اذا ماحسيت فيهم بمين راح احس .. انا عارف وباصم انك ماراح تتكلمين بس بغيت اقولك ان مافي شي يتخبى يابسمه عليك لانك واضحه وضوح الشمس .. وانا بكون موجود يابسمه بأي وقت تبين تحكين لي فيه وصدقيني ماراح ازعل لو ماقلتيلي بس بزعل اذا استمريتي بتخبيت مشاعرك وكتمانك..
" نايف ماشاف منها رد وماحب يحرجها اكثر "
نايف: عن اذنك وفكري كويس يابسمه .. عيشي مرتاحه ولاتعيشين منكتمه
بسمه :.........
"ويوم وصل نايف للباب "
بسمه : نايف
نايف لف عليها
بسمه ابتسمت : شكرا
نايف: انا مو جايك عشان تشكريني جايك عشان ابيك تراجعين نفسك يابسمه "وطلع "
" بس طلع قامت وقفلت الباب وراااااه "
بسمه " ياوييييييييلك ياويلك يابسمه رحتي فيها .. نايف وحس فيك .... اجل الباقي شلووون اكيد عارفين وساكتييين اكييييييييد ... وش اسوي عشان ابين ان مافيني شي واني عايشه طبيعي .. شلون ياربي .. لازم اغير نفسي قبل لاانفضح "
" وتخيلت بسمه لو عرفوا انها تحب محمد شلون بتكون نظرتهم لهـــــــــــا "
.
.
.
"ياعيني ع الابتسامه تمشي وسهامك تصيب
اللي يشوفك ياقول يابخته راعي النصيــب"
" تررررن ترررررن "
سهر: هلا غزل
غزل: هلا والله وغلاا
سهر ابتسمت : هلا فيك زوود
غزل: شخباارك وش مسوويه
سهر ضحكت: تمااامو والله وانتي
غزل: انا اوكيييه ماعندي اي مشكله
سهر ضحكت : شعندك غزيل
غزل تضحك : استهبل مه ذا الوجه شتسووين
سهر: قاعد اسوي بحث التخرج
غزل: من الحييين
سهر: اي قاعده افكر باشياء وكذا يعني
غزل: اهاا المهم بلا بحث تخرج بلا هم بتطلعين
سهر: نطلع ..!!
غزل: اييه
سهر: وين بتروحين
غزل: مادري طفشت وقلت لمنار نطلع بس التبن ماتبي تطلع قلت خلني اكلمك
سهر: اها يعني مو من الله
غزل ضحك : الا اصلا انا قلت باخذك كذا ولا كذا
سهر تضحك : طيب اوكيه وين بتروحين
غزل: همممم نروح نتعشى
سهر: وين نتعشى من الحيين
غزل: انا والله مشتهيه الصيني والصيني يسكر بدري عشان كذا قلت نتعشى بدري
سهر تضحك : يازينك والله
غزل: لا شووفي بنروح وبنتسوق وبعدها نروح نتعشى
سهر: اي خلاص
غزل: يلا تجهزي دقايق وبمر عليك
سهر: استني بقول لامي وبعدين بلبس
غزل: طيب يلا بسرعه
سهر: يلا باي
غزل: باي
" وسكـــــروا "
" نزلت سهر تحت ولقت امها بالصاله مع منصور ونجوى وشكلهم عندهم شي .. وهي ماشيه ناحيتهم سمعت بعض النقاشات واتضح لها انهم يتكلمون عن مشروع منصور مع مساعد"
سهر: السلام عليكم
الموجودين : وعليكم السلام
ام محمد : وينك ماتغديتي
سهر: تغديت بالجامعه وشبعت والله
ام محمد : اها
سهر: ماما
ام محمد ناظرتها : هلا
سهر راحت قعدت جنبها وبصوت واطي لايسمع منصور اللي كان يطالعها : ماما بطلع
ام محمد : وين بتروحين
سهر: بنطلع انا وغزل بنتسوق وغزل مشتهيه الصيني وعزمتني اروح معها
ام محمد : اهاا اوكي بس انتبهوا على نفسكم
سهر ابتسمت : دونت ووري مااام ثنكيوو يلا بقوم لاتفضحني غزل
ام محمد : على خير
" ام محمد بهذي اللحظه تذكرت منصور وتذكرت انه يبي غزل "
ام محمد : منصوور
منصور: سمي يمه
ام محمد: تعال جنبي شوي
منصور انبسط وقام جنيها: سمي امري وش بغيتي
ام محمد : احم على طاري غزل .. انت للحين تبيها
منصور فتح عيونه " فخاطره وش فيك تخورينها قدام اختها " وناظرها بقوه يعني اسكتي
ام محمد ضحكت : وش فيها
منصور: بعدين بعدين وقسم بالله انك فضيحه
ام محمد ضحكت وسكتت ونجوى فهمتها حست انه موضوع خاص
نجوى: يووووه نسيت
ام محمد: وشو
نجوى: نسيت سلمان لسا نايم بقوم اصحيه
ام محمد: اووه حق السهر بس
نجوى ضحكت وقامت
منصور بس راحت: يمه لاتخورينها قدامها
ام محمد: عاادي
منصور يضحك: والله انه ماعندك وقت
ام محمد: اجل شلون
منصور يضحك: طيب يلا اسأليني السؤال من جديد
ام محمد ضحكت: تتشقق هاه
منصور : اااااه يمه مادري مادري
ام محمد: وش ماتدري
منصور: يقولون عنيده " الا مايقولون الا صدق عنيده "
ام محمد: اي بس هذا مايمنع
منصور: اي ادري بس تدرين بس يعرسوون فيصل وفواز ونخطب بعدهم
ام محمد: ليه ماتصيرون ثلاثتكم
منصور يضحك: احلفي يمه نسوي عرس جماعي احسن
ام محمد تضحك : وش فيها
منصور يضحك: ابد مافيها شي.. بس انا ابي زواجي غيير غير عنهم
ام محمد : براحتك والله
منصور: ادري براحتي بس مو تخلين البنت تطير مني
ام محمد تضحك : اجل اخطبها قبل
منصور: لاحول مادريت انك زنانه ولا كان ماقلت لك
ام محمد ضحكت وضربته : انا ادري
" الا شوي وتجي سهر وهي تتحجب "
منصور يتحرش فيها : الاخت بتطلع
سهر: اي
منصور: على وين ان شاء الله
سهر: الراشد
منصور يقهرها يصفق: ياسلام ولحالك اخت سهر
سهر ضحكت وناظرته بنظره : لامع وحده
منصور ينرفزها : ايوا ومين هذي الوحده
سهر بنظره : مالك دخل
منصور يفتح عيونها : ااه ياقليلة الحيا
ام محمد : منصوووور
منصور على وزن امه : شفييييييك
ام محمد ضحكت وسهر بعد : اعقل عن اختك
منصور لسهر: ومتى بترجعين
سهر: هو وانا شدراني بس ماني مطوله
منصور: اها بنشووف
سهر بنظره : يابييخك "ودق جوالها وطلعت لسانه وقامت " باباي مااامي
ام محمد: انتبهوا على نفسكم
"وطلعت ورمته بنظره "
منصور: ياشيييييينك
سهر ضحكت وطلعت
منصور: يمه ليه تقللين من قدري قدامها
ام محمد: قاعد تطفشها وهي بتطلع
منصور: الحين انتي تدرين مع مين بتروح
ام محمد ناظرته نظره : مع غزل
منصور نقز : احللللللفي
ام محمد تمسكه وتضحك : والله
منصور بيقوم : طيب بقوم انا عازميني الشباب
ام محمد تدرين ان ينصب: هههههههه اقول اعقل بس
منصور يضحك : لاحووول اقصد انا بعزم الشباب
ام محمد: ماتبي تقعد مع امك
منصور مو وقتك يمه : يمممممه
ام محمد تبي تجننه : اذا تبي تزعلني اطلع من االبيت
منصور: من جدك يمه وانا بزر
ام محمد : هذاني قلت لك
منصور: لاحووووووووول
"ام محمد ضحكت بداخله لايسويها ويلحقهم"
منصور" الله يسامحك يايمه "
.
.
.
" عــند فيصل"
عبير: ان لله فيصل والله مالي مزاج
فيصل: ياشين مزاجك كله مطينته
عبير تبتسم : لامو مطينته بس مالي خلق والله
فيصل: هذا توني وماخذتك وانتي مالك خلق اااااه مسكين اانا وقسم بالله انغشيت
عبير تضحك : فيصل لاتصير مرره
فيصل: والله هذا اللي اشوفه
عبير لاحوول : وين بتروح
فيصل: بس بنروح نتعشى والله
عبير: طيب بقووول لامي اوكي
فيصل احترم رايها : اوكي انتظرك
عبير : خلاااص يلا سلام
" فيصل وعبير هذي حياتهم عايشينها حال حال اي اثنييين "
" ترن تررن "
فيصل انبسط ووطى على المسجل : هلا والله وغلاااا
فواز: هلا بك وش الاخبار
فيصل: عااال العام نسأل عنك
فواز: اي هييين
فيصل يضحك : اعذرني ياخووك والله انشغلت
فواز ابتسم : معذووور
فيصل يحرجه : كيف الخطووبه
فواز يجامل : اف لاتسأل
فيصل يضحك حس ان فواز عايش مثله بلاه مايدري: ههههههههههه اي والله كل مره اكلمها اقول ليه ماخطبت من زمان
فواز حس بشي بقلبه بس لسا يجامل : هههههههه اي والله
فيصل: مادرين ان المخطوبين عايشين هاحياه
فواز يضحك غصب عنه : اي والله
فيصل: ااااااه تعبت من الضحك
فواز: اقول خلنا من هالسالفه وش صار على الصاله
فيصل: اي صح قال مافي حجز الا بشهر 10 مارتش
فواز: طيب حلوو
فيصل: اي بس انت بلغ زوجتك اذا التاريخ مناسب لها وانا بطلع معها اليوم وبقنعها مو بكيفها
فواز ضحك وحس ان انفاسه تكتم عليه : خلاص ولايهمك اجل بخليك تزقرت لها
فيصل يضحك : اوكي يلا فمان الله
فواز: بحفظه
" وسكروا"
.
.
.
" فـــواز "
فواز" بلاك ماتدري يافيصل نفس اليوم ملكنا وبنفس اليوم بنعرس بس كل واحد عايش حياه مختلفه عن الثاني .. الله يتمم عليكم بس .. ويشوف لي حل للمصيبه اللي طاحت فوق راسي .. الحين شلون اشوف رايها عن اليوم .. همممممم .. اوووه مالي غيرها "
" فواز مدامه مايكلم نجود قرر يقول حق امها قام ودق على البيت وبعد دقتين ردة الام "
فواز: هلا والله عمتي
ام نايف: فواز هلا فيييك شخبارك
فواز: الحمدالله الله يسلمك انتي بشريني عنك
ام نايف: والله انا الحمدالله
فواز: شخبار عمي والعيال
ام نايف: كلهم بخير والله الله يسلمك
فواز: عمتي
ام نايف: سم يبه
فواز: سم الله عدوك .. فيصل توه اتصل علي وقالي انهم مالقو حجز بالصاله الا 10 من شهر مارش وانا قلت لنجود اذا كان الوقت يناسبها ولالا ؟؟ بس هي قالت مافي خلاف بس انا ابيك تشوفينها اذا جد يكفيها الوقت اخاف مستحيه مني " وتعمد يقول كذا عشان لايشكك الام "
ام نايف ابتسمت من لطافه فواز : خلاااص ابشر ولايهمك مع اني متأكده نجود ماقاالت كذا الا هي موافقه
فواز ضحك " الكل يعرف انها عنيده سبحان الله " : اي بس للأحتياط ياعمه
ام نايف: خلاااص ولايهمك
فواز: تسلمين والله تامريني على شي
ام نايف: لا ابد سلامتك وانتبه على نفسك
فواز: ولاااا يهمك مع السلامه
ام نايف: في حفظه
" وسكروا "
فوااز " اااااه الكلام وياها يريح القلب .. ليتك ياعمه عطيتي من لسانك الحلو بنتك بس ... عطيتيه الكبيره والصغيره وتركتي الوسط .. الله يهديها بس "
.
.
.
" في الراشــد "
" كان المجمع هذا اليوم هادي مع انه بالويك اند مثل الحشر بس ايام الاسبوع يكون فيه خفيف .. حق الناس الرايقه .. وغزل تحب تتسوق والجو كذا لانها بالزحمه نو واي تاخذ شي .. "
سهر: كيوووووووت الفستان
غزل: اي مرررررره تعالي تعالي ندخل
سهر : ادخلي بلحقك خليني اشوف الفستان اللي ذا
غزل دخلت
سهر " الله يجنن هالفستااان "
" وقعدت تشوفه من كل الجهات ..وبعدها دخلت ونادت واحد من اللي يشتغلون "
سهر: ممكن اشوف هذا
الموظف: اي تفضلي
" ودخلت سهر معه "
غزل: سهررر مرره كيوت باخذه هالفستان
سهر تضحك : اقول استريحي انا راح يجيبه لي من داخل
غزل: سهر تكفييين
سهر : اقول انثبري بس
غزل: خليني اخذه حق زواج اخوي فواز
سهر: ماني راده عليك الا اذا قسته وطلع علي حلو
غزل تناظرها : ياشييينك بروح ادور لي واحد
سهر ضحكت وقعدت على مايجيها
شوي وجاها الموظف : كم السايز بتحبي جيب لك
سهر بأبتسامه : ميديووم " ومشى الموظف "
"ودارت سهر بنظرها على المحل وشافت قسم الرجال "
سهر" كيووت لبسهم وينه منصور عنهم "
" بعد ماخلصت اللفه وصل الموظف وقامت وعطاها الفستان "
سهر: وين الفيتيينق رووم " وحست ان في عيون تناظرها والرجال ماد لها الفستان وهي جت بتمدها بس لفت تشوف العيون اللي تناظرها "
" اول مارفعت نظرها "
" بـــــــــــــــــدر"
" سهر تزايدت نبضات قلبها .. بدر يالله زماان ماشافته "
الموظف : اختي "ولف يناظر وابتسم "
سهر انتبهت له وانتبهت لابتسامته وحست انه فهم غلط : اوه سوري عطني
"وهي تحس بأن العيون لسا تناظرها بس مابغت تسوي لنفسها شبهه اخذت الفستان ودخلت وشوي تطلع غزل بوجهه بدر "
بدر" وجعووووووه وجه العنز وش مجيبها مع سهر الله يلعن ذيك الخشه"
" وضحك ولف جهة على جهة لبس العيال "
بدر" يمه قلبي سهر فديتها ياناااااااااس ابو النعوووومه اخق اناااااااا "
سامي : بدر بدر
بدر" العن شكلك اسكت لاتفضحني الحين تسمعك هالعنز "
" لف عليه "
سامي : شوف ذا الجاكيت جنتل
بدر: عجيييب صراحه
سامي : عاد شوف السعر
بدر يضحك : اشووف "وضحك "
بدر: معليش قول لهم بجيكم مره ثانيه بشاور الاهل
"وضحكوا ثنينهم "
بدر: لا بس صراحه عجيييب
سامي: خلاص خذه انت وانا لاحتجته استعرته منك
بدر ضحك : لاياشيييخ "ولف لاتلقائي "
"وشاف غزل تناظره بقرف .. قام وخزها "
غزل" ياشييييينك "
سامي : هي وين رحت
بدر ضحك : اشوف اذا حاطين سيل
سامي ضحك : اقووول لاتتمصخر تراي اقدر اخذه
بدر ضحك : ادري وربي بس امزح شفييييك
" عند غزل "
" غزل رااحت لعند سهر عشان تشوف الفستان واول مافتحت سهر الباب فتحت غزل عيونها "
سهر : ادخلي ادخلي بسرعه
غزل دخلت وسكرت الباب : استني استني
سهر: شفييك
غزل: عطيني عطيني اقايسه
سهر ضحكت : كييف ؟ " تقصد كيف الفستان عليها "
غزل: خقيقييييييييشن
سهر ابتسمت : صدق اي والله مره حلوو
غزل: اي حبيبتي مراح تاخذينه قبل لاشوفه علي
سهر تضحك : اي عادي البسه بعدين اعطيك اياه
غزل تضحك : كولي تبن سهر مرررره حلوو علييك وجاي على طوولك
سهر: ثنكيووو خلاص باخذه
غزل: العن شكلك
سهر: الحين انا قبلك قايله كيوت
غزل تناظرها يعني حاقده عليك :" مره ثانيه بتسوق لحالي ماني جايه معك
سهر تضحك : اقول عن التميلح باخذ يعني باخذه
غزل تضحك : امززح بالعافيه اصلا عليك احلى بس قبل خليني اقيسه
سهر: طيب اطلعي عشان اخلعه
" وطلعت غزل وكان الموظف بوجهها "
الموظف : كييف عجبا
غزل تبتسم : اي
الموظف : اي الفستان بيجنن مانزل الا واحد منو
غزل ابتسمت يعني " الشلااخ بكرا كلهم ماخذين منه " ومشت
" وشافت بدر بوجهها "
غزل وقفت وسكتت
وبدر يجاملها: هلا والله غزل
غزل " وش يبي ذا يموون بس ماحبت تفشله " : هلا والله
بدر مبين يجاملها : كيف الحال عساك بخير
غزل بمجامله : اي الحمدالله
بدر: وش هالصدفه ياناس
غزل تناظره : لاياشييخ
بدر يضحك: وين الخاله معك
غزل يستهبل : لا جايه مع سهر بنت عمي
بدر يضحك " ادري شايفها قبل خشتك يالشينه " : ماشاء الله وداخلين كفالي
غزل ناظرته " شتبي انت شتبي " : ليه في مانع
بدر يضحك : لابس انا من يومي وانا اقول بنات عمي بطرات محد يصدقني
غزل قربت منه وتبي تمر من عنده : ياثقاله دمك والله
بدر بس مرت ضحك " مسكييييين يامنصور مدري من وين تشوف اااخ ياكرهي لها "
" وشوي طلعت سهر "
سهر: غزل غزل " وشافت بدر بوجهها على طول ابتسمت "
الموظف يقاطعهم : بدك تاخذيه
سهر: اي بس البنت بتقيسه
بدر الله يلعن ذا الوجه وسهر مرت من عنده بدون ماتكلمه
بس بدر هو اللي تكلم : شفتك وضاع الكلام
سهر ضحكت ومشت لغزل
سهر: غزل يلا روحي قيسيه
غزل: اوكي وثواني تعالي شوفيه اوكي
سهر: اووكيه " وراحت تقعد وقلبها يدق ونزلت راسها "
" شوي وبدر يجي لعندها خافت سهر يتهور وش فيه ذا "
بدر قرب منها : سهر
سهر انتفضت ذا ماعنده وقت ووقفت وعيونها بلارض : هلا
بدر بصوت واطي : وحشتيني
سهر رفعت نظرها له بعيون معصبه : مو وقته هاه
بدر ضحك : اجل عجبك الفستان
سهر سوت نفسها ملتهيه بالمحفظه حقتها : اي
بدر: اي شفته مره عجبني
سهر ناظرته باستغراب وهو ضحك
سهر ضحكت
بدر: لا بس قلت دامك اخترتيه اكييد حلوو
سهر: اقول انت بايعها بروح اشوف غزل " وراحت "
بدر حط يده بجيبه " مو اللي يشوفك يتهور غصب عنه والله مدري شلون يخليك منصور فاتحه خشتك "
سامي : بدرر
بدر راح لعنده
سامي : وين رحت
بدر: شفت الاهل هنا .. الحين اخذته
سامي ضحك : اي شسوي انتظرتك تدفعه بس انت نحشت
بدر ضحك : احلفففف
سامي ضحك : امزح وربي
بدر: خلاص انت انتظرني وانا بروح اشوف الاهل اذا يبون شي ولالا
سامي : خلاص انتظرك " وطلع "
" سهر راحت تشوف الفستان على غزل وكان بعد كيووت عليهاا بس شوي ضيق عليها وبعدها طلعت سهر وانتظرت غزل شوي عند البوابه وطلعوا مع بعض رايحين يدفعون ولاشافوا بدر سهر ارتاحت يوم ماشافته لانه واحد متهور وعطوه الموظف عشان يروحون يدفعونه "
غزل: شفتي بدر
سهر: اي شفتيه انتي
غزل: اي العن شكله
سهر تضحك : لييه؟
غزل: ماحبه
سهر: حرام عليك
غزل: كيفي ماحبه
سهر تضحك : زين زين
ا"لموظف كان منتبه لبدر وحركاته ويوم راح عند الكاشير شاف بدر متكي عند الكاشير"
الموظف بأبتسامه : بدك أشي
بدر ابتسم : هذا الفستان اللي بغته هاذيك " واشر على سهر "
الموظف ابتسم : اي ياسيدي
بدر: خلاص انا بدفعه
" شوي وجت سهر وغزل وهم يسولفون "
الموظف يكلمهم : هذا تبعكم
" بدر لف وهم لفوا عليه "
سهر وغزل : انتبهوا
بدر يسكته : اي انا اخووهم " ويأمره" حاسب
"وبعد من الكاشير وقرب منهم "
بدر يناظر غزل : سووري هذا الطلب مو مني من منصور هو اللي قالي " وابتسم ابتسامه وسيعه "
سهر: بدر
بدر لف عليها بعيون ناعسه : سمي
سهر استحت : ماله داعي تدفع
بدر ابتسم : اعذريني بس هذا طلب من منصور مو مني صدقيني وانا ماقدر في منصور عن اذنكم " وراح "
" غزل من سمعت منصور سكتت ..معقوله منصور طيــب ولابس للفشخره "
"وسهر من رماها بنظره خققتها ماقدرت تكمل نقاش معه لانه انهاه بسرعه "
" الموظف لبناني وحس ان الموضوع فيه ان بس ابتسم لان عجبته الحركه وشي طبيعي "
" وبدر رماه بنظره يعني لاتفهم غلط "
" وعلى مايرتب الفستان ويحطه وهالكلام كانت سهر وغزل ينتظرون بس بدر كان حاب يتأكد مين بياخذه "
سهر: مو احراج
غزل: شسوي في اخوك وولد عمك انا
سهر: ياربي فشيله
غزل: بس اخوك بيتفاهم معه بكيفهم وش خسرانه انتي
سهر سكتت
|