" رجع طلال من جديد المجلس وكان قد اتفقوا على اشياء كثيره .. وعلى مافهم بس باقي موافقة نجود .. ... فواز اول مادخل اخوه وشاف ملامح وجهه المتوتره خاف انه طلال يسوي شي وخصوصا ان طلال يدري عن اللي بينهم وهذا الشي اقلق فواز "
بدر: فيصل
فيصل لف عليه : سم
بدر: سم الله عدوك ودك بمحاوره شعريه
فيصل ابتسم ابتسامه كبيره : عن الاحراج ماني مجهز شي
بدر: اقوول بس كلمه على كلمه بنسويها شي *_^
ياسر: أي فيصل ودنا نسمع شي كذا
بدر ضحك وغمز له
ياسر ضحك وبنفس الوقت حس انه مايلوق عليه الدور لووول
فيصل: وشو بخاطرك تكون ؟
بدر: انا بعبر عن شعوري وانت جسد دور الحب
منصور يصفق: ابوو الحمااااااس
بدر يغمز : افااا عليك
منصور يحمسهم : يلا يلا
فيصل لبدر : والله انك يابديير يلا يلا ابدا
"بدر اوردي كان مجهز بدايتها بس ماكان عارف وش بيكون رد فيصل"
بدر:
عنـدي خبـر ومثبتـه بـالادلـه
ما من ورى طرد المحبه محاصيل
هـمٍ علـى هـمٍ وغـم ومذلـه
كله على بعضه هموم وغرابيـل
فيصل:
لا يابدر لايجي منك زله
انتم بليتوني بكثـر التهاويـل
هات الادله واكثر الهرج خله
وحنا نحللها عن القال والقيل
بدر بعد تفكير :
لا تنكر انك مبتـل الشعـب كلـه
كلن يغنـي بالهـوى ليـل ياليـل
منهم كتم بالسر وجدٍ حصـل لـه
ومنهم يصوغ الحب شعر ومواويل
فيصل بثقه :
ماكل من غنا بطرق و ( شلـه )
يقال له عاشق جرا لـه بهاذيـل
لوخصصوا له صفحـة بالمجلـه
ولو كان شاعر بالهوا يشرب النيل
بدر بسرعه :
اقرى وتلقى وسط ذيك السجلـه
موت الدجيما عقب ماصابه الويل
وابن الملوح صايـرٍ فيـه خلـه
وعنتر على عبله دموعه هماليل
فيصل:
الحب قرب قلـب خـلٍ لخلـه
ماهوب من قسى قلوب الرياجيل
ادري عن الهجران والبعد علـه
والفرق واضح لاتزيد الاقاويـل
بدر من قلب :
لولاك ماذقنـا فـراق الاخلـه
ولولا غلاهم ماسهرنا مع سهيل
وهذي دموعي للغلا مستهلـه
بانت وكثرتوا علينا العواذيـل
فيصل :
كل من يسب الحـب بالله ... قلـه
اترك طريق الحب مادام بـك حيـل
لاتحرق اعصابك ترى الحب ( مله )
تحرق قدم من داسهـا دون تحليـل
بدر:
لو كنت رجالٍ وواضـح محلـه
والا اشوفك شوف بين الازاويـل
والله لا اغتالك واجري علـى الله
واقتص حقي منك وادبل لك الكيل
فيصل ضحك وقال بقووه :
ما انته بمستغني عـن الحـب لله
لاني شربتك شرب صاف الفناجيل
وعنـدي خبـر ومثبتـه بالادالـه
يذوب قلبك فالعيـون المضاليـل
" المحاوره منقوله للعلم "
بدر ضحك :
ماقدر اكمل ماتسوى علي هالقوه
كــــل الموجوديـــــن : الله الله عليكم صحك بدنكم
ياسر: عجيــــــــــب ...!
بدر: بس انا اشهد انك جبتها
وليد : كونوا جاهزين بسجلها
بدر يضحك: ترى ميب اول وحده نسويها
وليد: بس احلى وحده سويتوها
فيصل: نعم نعم وش قصدك
وليد يضحك ويرفع يده : هذي اللي عجبتني
بدر يغمز: بس كذا جات
فيصل: من جد
منصور: عجيييييييبه نفسي اصير شاعر او اشعر
وليد: ترى مو من هب ودب يشعر
بدر يضحك
منصور: وش قصدك
وليد وطى صوته : يعني لو صرت تحب او بديت يعني تبدا تطلع المواهب
منصور بسرعه : هذاني احب
" الشباب لفوا عليه "
بدر ضحك
فيصل: اماااااااااا
وليد وطلال : ياهووووووووو
منصور طاح وجهه
نايف: ياهي مسيطره عليك قمت تحكي بدون ماتحس
منصور: استهبل وش فيكم يعني انا صدق لو حبيت بصير شاعر
فيصل يفشله: مو شرط من قايل لكم هالنظريه
منصور لفيصل: انثبر بس
نايف يضحك : صاااااااادووووه
منصور يضحك ويقلده : صادوه صادوه وجهك اسكتوا بس لايسمعونا الشيبان ميب ناقص ترى
"ضحكوا الشباب "
وليد: عز الله العايله خالصه
فواز يضحك: ماعلينا
لفوا الشباب عليه
منصور: فواز يحترق مو باله هالسوالف يبي يعرف الجواب
فواز ناظره وابتسم ومن داخله " هئ اللي يشوفني يقول لهفتي على حب ولا شوق بلاهم مادورا. بس مضطر اجامل "
طلال: لاتحرجون اخووي
" فواز مستغرب من طلال حــده يحس وراه شي "
بو نايف : دامك مستعجل يافواز الحين انا اخذ رائي البنت
فواز رقع قلبه : عمي خلها تاخذ راحتها لاتستعجل عليها
"طلال في قلبه : لا لا لاتروح استنى شوي لالا "
" وقام ابو نايف ولحقه اخوه نايف "
"نايف من عرف ان فواز خطب اخته طار من الفرحة يابختها يوم بتاخذ فواز كان يبي يقنعها وماراح يخليها ترفض .. يعرف فواز ويعرف طبايعه "
ياسر بصوت عالي وملفت : عمي
" يقصد عمه محمد "
بو محمد: تفضل يبه
ياسر: زاد فضلك .. بس حبيت اعطيكم خبر ان بدر ناوي يكمل الماجستير
الرجال: زين مافكرت يابدر
بدر تشقق ان عمه بو محمد مدحه
ياسر: أي والله وغير كذا بياخذ معه وليد يدرس برا هندسه ميكانيكيه ..منها ينتبه لاخوه ومنها يكمل ماجستير
الرجال كلهم مدحوا الفكره اللي فكر فيها ياسر واخوانه
طلال ويحس انه منكتم : وانا بعد ابي ادرس برا
مشاري يضحك: لاحشا درستوا انت ووليد وبرا وين نصيدكم
طلال: مالي شغل خلاص انا قررت ادرس مع وليد
بو فواز: من جدك
بو محمد: خله يابو فواز دامه ناوي يدرس برا
فواز: مو انت ماتبي تتغرب
طلال: أيه اذا رحت لحالي بحس بالغربه بس دام معي وليد وبدر ماراح احس
بدر: أي والله ياعمي خله يروح معنا والله بننبسط وبنفلها
الرجال ضحكوا
بو محمد: بنوديكم تدرسون ولا تفلونها
بدر: امزح انا اقصد يعني نص كذا ونص كذا بس اكييد الدراسه اكثر
صحكوا عليه
طلال: يبه لووووو سمحت قووول اييييي
وليد بحركات عيال: اما لو يقول عمي ايييي انوااع الحماس
ضحكوا الرجال
بو فواز : بس بشرط
طلال: اللي تبيه بس قوول ايه
بو فواز: انت بمنطقه وهو بمنطقه
كشروا ثنينهم
طلال: وش الفايده
بوفواز: تكونون قراب من بعض بس كل واحد بمنطقه وتشوفون بعض بالويك اند
وليد:ماعليشش بس قراب يعني الفرق نص ساعه ساعه الاربعاء
ضحكوا الرجال
طلال: خلاااص ماعندي مااانع الحين انت وافق ع الفكره بس
بو فواز: دام معكم بدر ماعندي مانع
وليد: هيووووووووووو
طلال: ابو الحماااااااااااس
الرجال ضحكوا عليهم لان شكل ماوراهم دراسه
فواز: الله يالدنيا امس يرفض يدرس برا واليوم متحمس صدق دنيا تدور
طلال خزه وبصوت واطي: يعني حس يايبه وارفض
فواز ضحك: لا بس متعجب من الدنيا
وليد: تعجب بروحك
طلال ضحك: أي والله
" وبس هذا كان اخر اتفاق"
.
.
.
" عنــد البنات "
" غزل اول مادخلت راحت لعند الحريم وقالت لهم والبنات كانوا قريبين من عندها واول ماسمعت عبير الموضوع استحت لكن نجود وقفت مذهوله يوم كملت غزل كلمتها واديـــــم ....دار راسها ليه نجود ؟ "
" الكل لف على نجود والبنات يصفقون ويقولون لها وافقي "
نجــــــــود " شلوووووووون اوااااااافق شلووووووون وو سلطااان .. وفواااااز وش معنى خاطبني وش يبي فيني يبي كمان يتشمت "
" تركتهم نجود وطلعت برا تركض تبي تتنفس الصعداء تبي تصدق الحكي اللي صار والكل حسبها استحت ولا شي .. محد يدري ان في بال نجود احد او نجود في يوم من الايام تحب "
بسمه بأبتسامه : ياحليلك يانجوود وصارت تستحي
" ام اديم كانت عارفه كل شي فا انبسطت لنجوود وتحسفت عليه بنفس الوقت "
" اما الباقي الكل عارف ان اديم ماتبي تعرس وكذا فا انبسطوا لنجوود الكل انبسط اللي يحبها واللي يكرها لان نجود في يوم من الايام بتتزوج وشي طبيعي راح يفرحون لها مهما كان طبعها "
سهر: ياحليييييييلها نجووود والله الرجال ماعندهم وقت
وصايف: من جد توقعوا الحين يجون ويخلصون عليك
سهر تضحك : ما اتخييل بس السالفه عندهم كنها العيد ماكنها خطبه وماعرف
منار: من جد انا دايم اقول ان الخطبه مو بهالسهوله وكذا ويبغى لها وقت بس عند اهلنا كل شي جايز
البنات يضحكون : من جـــد
جنى: لا لو فكرتوا فيها هذول العيال وذولا البنات وش ينتظرون خل نخلص عليهم كلهم
البنات ضحكوا
وصايف: أي والله
سهر: ياسهلها عندكم
بسمه: يمه روحي شوفي اختي لايصير فيها شي
ام فواز " كانت مستغربه من فواز فواز ماعطاها أي خلفيه .. لدرجة الكل استغرب وام نايف على طول لفت على ام فواز تبي تشوف ملامحها بس هي تداركتها وابتسمت يازعم عندها خلفية عن الموضوع " : عادي خجل بنااات
ام نايف ابتسمت
ام محمد : خلوها تفكر بعد
" ام فواز اصلا ماكانت تتمنى نجود لولدها فوواز.. ماهي بشينه بس فيها طبع ماتحبه ام فواز .. بس دام ولدها طلبها فهو اكيد رغبان فيه عشان كذا مالها كلمه بعد كلام الرجال وولدها لذا سكتت مع انها تحس فرحتها ناقصه "
وصايف تصفق: هيووو حمااس واخيرا بدينا نقل
سهر تضحك ضحكه حلوه تطلع طقم اسنانها : اقوول انثبري بس
جنى: ياحليلك وين بيروحون عنك
وصايف: ولو فرق الوحده تتغير يصير واحد وراها تعقل وتصير رزينه الحين ماحد ماسكهم
الحريم ضحكوا
سهر: ماورااه الا القلق العرس الله يعينهم بس
ام ياسر بنظره لها مغزى : يعني تبين تقنعينا انك ماتبين تعرسين الحين
سهر استحت وش دخلهم الحريم : أي لسا بدري
ام ياسر: وين بدري بتدخلين 24 واللي اصغر منك اعرسوا هاه
سهر تضحك : اكشششخ بعد تعرفين عيد ميلادي
ام ياسر والكل ضحك
عبير: يمه اثاريك مانتي بهينه وانا عيد ميلادي ماتدرين عنه
ام ياسر ضحك
وسهر فهمت شي ثااني
ام ياسر: لا بس هي كلمه تنقال " وضحكت "
" الكل فجأه سكت "
نجلاء: في حد يدق الباب
جنى: انا بقووم اشووف
ام فيصل: ليكون حد من العيال
جنى بلا مبالاه : عادي مافي غير نايف
ام فيصل للجالسين: ولاتستحي
ام محمد تضحك : توها صغيره
ام فيصل: مير بتفشلني
ام نايف تضحك: وش دعوى لساتها صغيره
" جنى راحت تفتح الباب وشافت نايف بوجهها يالله زمان ماشفته "
جنى" هذا نايف واااه "
جنى تبتسم ابتسامه كبيره وتعلي صوتها للي داخل : هذاا ناااايف نجلا تعالي
نايف ضحك عليها : جنو صح
جنى حست نفسها صغيره وعقدت حواجبها وبأبتسامه: أي
نايف:كيفك
جنى استحت : الحمدالله
نايف: وين امي ولا نجلا ولانجوود
جنى تضحك : مايصير حد ثاني
نايف ضحك عليها وغمز لها : لامايصير
جنى ضحكت ولا نجلا وصلت
جنى لنجلا : اخووكم انحيازي
نايف ضحك عليهت وجنى راحت
نايف: ياحليها
نجلا تضحك: بغيت شي
نايف: وين نجود طبعا دريتوا بالخبر ولالا؟
نجلا: الا درينا غزل قالت لنا
نايف: نجود ماقالت شي
نجلا تهز راسها : لا والله طلعت من عندنا
نايف معناتها السالفه بتطول : وين راحت
نجلا: راحت الحووش
نايف: اها خلاص انا بطلع لها
نجلا: اوووكي
"ومشى عنها نايف "
نجلا ترجع لهم : شكل الرجال مستعجلين يبون الموافقه الحين
منار بصوت واطي: مو المصيبه الا من هاالرجال
غزل وسهر سمعوا وضحكوا
غزل: انا اشهد
منار رجعت تضحك
.
.
" في الحــوش "
نايف : حبيبي خذي وقتـك
نجود: ابي ارجع بيتنا
نايف: وش ترجعين خلاص قلت لك خذي راحتك
نجود: اذا تبيني اعطيكم رائي اليوم خلني ارجع البيت
نايف بأستغراب: من جدك
نجود: أي
نايف: حبيبي حنا مانبيك تتسرعين
نجود: دونت ووري مو انت تمدحه والكل يمدحه في الخيارين ماني خسرانه شي بس خلني افكر على راحتي ممكــن ..!
نايف: بيرفكت قيرل
نجود ابتسمت من ورا خاطرها
نايف: خلاص قومي البسي عبايتك
نجود : اوكي
" وقامت ركض ودخلت بسرعه بدون ماتوري وجهها حد والكل التفت ناحيتها بس هي طنشت يقال انها مستحيه وراحت جابت عبايتها وجوالها "
"واول ماجت بتطلع "
ام نايف: نجود
نجود وقفت : نعم ماما
ام نايف: وين بتروحين
نجود: معليش بروح البيت نايف بيوديني "تختصر على نفسها "
ام فواز: خليها على راحتها تفكر
ام نايف: انتبهي على نفسك
نجود: ان شاء الله فمان الله "ومشت "
"وطلعت برا وكانت تعرف انه ينتظرها بسيارته وراحت وركبت "
.
.
"نرجع للبيت "
غزل: اخصص تعرف تستحي مرت اخووي
بسمه: وش على بالك
منار: مابعد تصير مرت اخوك لاتحنين
غزل: مابقى شي
" غزل من جد ماتبيها بس غصب عنها عشان اخوها الاهاتي مثل ماتناديه لووول *_^ "اهااتيه " "
" بس غصب عنها تتحمس لاخوها مو هي بتعيش معها "
" البنات كملوا سوالف عن هالموضوع "
سهر فجأه : محد عايش دور المخطوبه كثر عبير
" البنات ضحكوا وعبير ولعت "
عبير تصرخ : كوولوا تبن مالكم دخل
اديم : هيي شتبون بمرت اخووي
غزل تقلدها : هي وش تبون بمرت اخوي .. مالك دخل "وتطلع لسانه "
وصايف تضحك : المشكله ماحد منجن لانه منخطب كثرك
غزل رمتها بالمخده :هههههههه ياشينك زيين
وصايف ضمت المخده وتضحك
غزل بصوت واطي وتعض على طرف شفتها: مو قدامهم زين
وصايف واللي انتبه ضحكوا
"غزل تقصد الحريم "
غزل:اش اش
سهر: بنات قوموا نروح الصاله الثانيه
جنى: أي صح
ام محمد: اقعدوا جنبنا
وصايف: مو شي سوالفكم
جنى: أي صح نبي ناخذ راحتنا
"وضحكوا البنات "
ام فيصل تناظر : ماحد بيفشلني غيرهم
ام فواز: بزران خليهم بس ينبسطون
وصايف تضحك وتمشي: انا بزر متخرجه وش زيني وبزر زييين يجي منك اكثر
" الحريم ضحكوا والبنات كملوا طريقهم "
بسمه : انا بجيب لي كاس مع ثلج
"البنات الباقي كملوا طريقهم "
جنى تعلق: مدري شلون هذي تقرض الثلج عليها اسنان صاحيه
سهر تضحك : بسم الله على سنونها بتروح بسببك
.
" بسمه تموت بتقريض الثبج بعد كل وجبه او مو شرط بعد كل وجبه بس تحب تاكل ثلج .. فراحت تحط لها وبطريقه رفعت جوالها ودقت على نجود "
بسمه بعد فتره من دق : الوو
نجود: هلا بسمه
بسمه: وصلتي .؟
نجود: أي توني
بسمه: مانتي براجعه؟
نجود: لا
بسمه : هممم اجل اخليك
نجود: اوكي باي
بسمه " حشا شكلها ابد ما يأهل اكلمها ولا اسألها "
"طلعت وحطت لها الثلج وجت بتطلع الا و بوجهها .........................."
......: بسمه
بسمه نزلت راسها : هلا .. هلا نجوى
نجوى: هلا فييك .. بغييتي شي؟
بسمه تأشر بيدها : الا هذا
نجوى: اها "ودخلت نجوى"
"وبسمه مشت كم خطوه وبعدها رجعت بسرعه "
بسمه : نجوى
نجور لفت وعقدت حواجبها : هلا
بسمه بحسره تحرق قلبها : نجوى انا ماحب اشوف حد يعاملني بهذي الطريقة وخصوصا انا ماسويت لك شي عشان تعامليني بهذي المعامله... وبعدين شلون فكرتي فيني هذا التفكير يانجوى
نجوى سكتت
بسمه : على العموم انا ماراح انتظر منك جواب بس حبيت اقولك انا ماغلطت بحقك واذا انتي شايفه كذا فا انا اسفه " ولفت بتمشي "
نجوى: بسمه
بسمه وقفت مكانها بس مالفت عليها
نجوى راحت لعندها : انا اللي اسفه انتي اخر وحده انا افكر فيها هذا التفكير بس الغيره يابنت عمي هي اللي وصلتني لهذي الدرجه
بسمه هذا اللي كانت تبيه ولفت عليها وبأبتسامه: هذا اللي ابيه منك يانجوى انا بنت عمك ماني عدوتك
نجوى ابتسمت : حقك علي
بسمه ابتسمت: اهم شي اني ارتحت يلا عن اذنك
"وراحت بسمه وتركت نجوى ماحبت تطول معها "
.
.
.
" في مجلس الرجاجيل "
" اول مادخل نايف الكل لف جهته وفواز ياكله بعيونه "
فيصل: بشر نخلص
نايف يضحك : والله رحت وصلتها البيت قالت تبي تاخذ تفكر دامكم تبون الرد اليوم
بو فواز : خلوها تاخذ راحتها وبونايف كلمها ولاتخليها تستعجل ..الولد موجود مافي شي عاجلنا
فيصل على طول خز فواز وفواز لف انتبه له وضحك
فواز: احس اني بتصفق من فيصل
"ضحكوا الشباب"
فيصل: لاااه خذ راحتك وش دعووى بس " ويغمز " لاتزودها حبتين
ضحكوا عليه
" الرجال بدوا يدخلون بالتفاصيل وفواز قعد يلعب بجواله "
فواز : هلا والله .. الحمدالله ؟ من معي .. أي انا فواز .. " وسوا انه مصدوم " ايشششش.. ثواني ثواني وانا عندكم " وسكر "
فواز للرجال: عن اذنكم
الرجال: سلامات
فواز: واحد من الربع صاير عليه حادث بروح اشوفه
الرجال: ياكافي الشر
"فواز طلع بسرعه قبل لا احد يطلب مساعدته "
" ركب فواز السياره وقعد بالطريق يفكر بالحكي باللي راح يقوله "
فواز" وبعد تبي تاخذ راحتها .. ياخوي تنزل ام العبيد عليها وترفضني ..استغفر الله .. بس انا راح اعرف كيف راح اتصرف معها "
"ووصل لعند البيت ودق الجرس وفتحت له الخدامه الباب "
فواز وقلبه يرقع : وين مدام نجود؟
الخدامه : up stair
فواز : call her plz tell her baba want u
الخدامه : okey sir
فواز قعد على الكنبه اللي جنبه وقلبه يرقع خايف من هالخطوه خايف حد يدخل عليهم افف
" عند نجود "
" دقت الخدامه الباب على نجود وخلت "
الخدامه : njood sir want u down
نجود كانت منسدحه على ظهرها على السرير من دخلت البيت من دون ماتخلع عبايتها : اوكي
" نجود شي طبيعي بيخطر على بالها ابوها لان اخوها توه موصلها فا مافكرت تفكيره غير ط
نجود " ياربيييييه وانا ناقصه " ونزلت وهي ترتب شعرها الي انكش
" نجوود نزلت وهي تتملل مالها مزاج .. وكان فواز ماعطيها ظهرها هي كلمت طريقها وراحت مكلمه طريقها تنفش شعرها يقال انها بترتبه"
" فواز حس فيها وهي تنزل وبدا قلبه يزيد "
" نجود جت ولفت عليه "
نجود تشهق : فواااااااااااااااز " وفتحت عيونها "
فواز قوى قلبه ووقف : أي
نجود باشمئزاز : وش قواة هالعين
فواز: استحي على وجهك تقولين حق رجلك كذا
نجود بقرف: نعم نعم نعم لاتنسى اني مابعد ارد .. ابي اعرف هالثقه من وين جايبها
فواز: بصير احسن منك وماني راد عليك .. بس جاي اقول كلمتين .. نجود انا خطبت مو حبا فيك ولا ذايب بعيونك.. انتي اكيد عارفه اني ليش خطبتك "ووسع فتحت عيونه " انا خطبت خوفا على سمعة العايله ورجالها
نجود تقاطعه وتحط يدها على راسها : و مسويه انا وش مسويه هاه قولي كل هذا عشان حبيت ولد عمي ولا راسلته تراه مايدري انه انا وانت مسويها كني .... "بمعنى انت افهمها "
فواز: نجود لاتفكرين اني ماعرف حركاتك زين .. " وكان يبي يجرحها " وبعدين من قالك ان سلطان يبيك ولايفكر فيك احسن فواز ياحلوه تزوج
نجود شهقت : انت كذاااب
فواز: لاياعيوني سلطان تزوج باللي اختارها هو ..ويكون بعلمك ماقلت لك الا خوفا على مشاعرك لاتنجرح وعشان لاتوهمين نفسك اكثر .. وصدقيني لو طلع الخبر منك يانجود ماراح تلومين الا نفسك .. اختاري يانجود .. يا انــا .. يا الحياه اللي من بعدي اللي ماراح تعرفين وش مصيرها
نجود: انت كذاااااااب انت واحد حقير بس تبيي تجرح فيني
فواز: مو مصدقه انتظري " ورفع جواله ودق وانتظر بعد 7 دقات رد عليه سلطان بترحيب "
فواز يحطه سبيكر : يالله حيههههم
سلطان: الله يحيك ويبقيييك
فواز: شخبارك وشخبار شيماء؟
سلطان يضحك : ااااااه لاتسأل عال العاال
فواز يبتسم بخبث : عسى مبسوطين
سلطان: فوق ماتتخيل
فواز: الله يوفقكم اجل يلا حبيت اتطمن عليك
سلطان: وش دعوى
فواز يرفع بصره لنجود اللي مصدومه : لا بس رصيدي بيخلص
سلطان ضحك : اووكي يلا فمان الله
فواز: فمان الكريم
فواز بعد ماسكر: وش رايييك؟
نجود ناظرته
فواز: ماني مطول عليك بس حبيت اخيرك انك تعيشين مستوره ولاتكونين مفضوحه ومنبوذه من العايله .. "ومشى "
"شوي ووقف "
فواز: وحبيت اقولك انتظر ردك للساعه 9 من بعدها بعتبرك رافضه و راح يبدا مشوارك الاليم يانجود
" وطلع وهو يلتقط انفاااااسه "
نجود داخل: واحد حقيييييييييييير اكررررررررهك ياجعلك الموووووووت يافواااااااااااز حسبي الله عليك من وين طلعت لي " طاحت على الكنبه وهي تصيييح بحرقه من وين طلع لها ذا وشلون حياتها كانت وكيف صارت او بتصيير "
.
.
.
" فواز "
"فواز حس انه ارتاح بعد اللي قاله جزئياً بس مايضمن نجود .. نجود قويه قويه ماشاف حد بقوتها.. وعادي عندها تنرفض وتكون كرامتها فوق كل شي بس.. الله يستتتتر .. وراح يلف ويلف وبعدين راح لهم على اساس انه تطمن على صديقه "
.
.
.
" عند البنات "
وصايف: انوااع الحماس لو يتزوجون عبير ونجود بنفس اليوم
سهر: والله حرام نجود ودنا لو نكون جنبها ونقنعها توافق فواز يجنن وبيفووتها
بسمه : انا واختها ماعطتني وجهه وصراحه نجود اذا نفسيتها مو اوكيه محد يتجرأ يكلمها
منار: بدينا الحش بمرت اخووي بقوله ترى مايرضى
البنات ضحكوا
وصايف: هذا مابعد توافق
غزل: أي اخونا يشبك مع أي حد ماعنده أي وقت
" البنات ضحكوا "
منار: من جد
وصايف: والله زمان عن الطقاقات والرقص ماناخذ راحتنا بزواجات صديقاتنا
جنى : والله ارقص ولاعلي
وصايف : انا والله مارقص اخاف يكونون ناوين يخطبوني ويهونوون
"البنات ضحكوا "
جنى: اقوول بس انتي مالك الااااه طلال ولا وليد وهالطقه
سهر: من جد
وصايف: حتى لو اسم ان حنا انخطبنا
البنات ضحكوا
سهر: لو بننخطب كان انخطبت انا
ضحكوا
وصايف: وش زايده عني انتي بعين ولا برجل
سهر تضحك : مو قصدي كذا ماحد يروح زواجات غيري ولا انخطب
منار: المشكله مو منا المشكله من اهلك اللي صارفين الانظار عنا يقال انهم ماياخذون الا من بعض انا بقولهم اخاف من الامراض الوراثيه ولا ابي اخذ منهم
البنات ضحكوا
جنى: أي طاااايب بنشووف
منار تنهدت من هالعايله المعقده""
" بعد مرووور ساعه "
سهر: وش عندهم يصارخون
"وقاموا البنات "
سهر والفرحه على وجهها : شكل نجود وافقت
البناات : هيييييييييييييييي
"وقاموا كلهم لعند الحريم وتأكدوا من الخبر وقعدوا يناقزون مبسوطين "
"م نايف تشققت حدها لانه نجود اختارت الطريق الصح بدون ماتشاركها امها بالراي ولا تقنعها عشان لو صار شي بعدين ماتحس بتأنيب الضمير"
.
.
" طبعا الخبر وصل للرجال وباركوا لبعض وفيصل تشقق وفواز ابتسم ابتسامه نصر .. حس بمغامره راح تملي حياته .. "
" حددوا الرجال الملكه وكيف راح يكون ترتيبهم لزواج هالاربعه "
" بوناايف وام نايف ماكلموا بنتهم عن رايها بس وصلهم رايها بواسطة التليفوون وبدون مايكلفون على نفسهم وبينهم بين نفسهم الولد ماينعاب والبنت وافقت وش يبون اكثر "
.
.
.
" انتهت الليله بسلالام والكل راح بيته بسمه ارجعت بيتهم وشافت اختها نايمه وراحت غرفتها وغيرت ملابسها ورمت نفسها بكل قوتها .. ثواني والدموع تهل على عيونها"
بسمه بحرقه " انا وش وداني لطريقك يامحمد وش موديني لك ... انا كنت بسلام بدونك .. انا ليه اوهمت نفسي وليش رحت هناااك .. ايش هالقلبالمتحجر " "وتضرب على قلبها " " أي قلب يسوي اللي سويته ياقلبي .. ناقصه انا هموووم بعد .. انا لساتني صغيره وش موديني لامل مقتووووول انا استاهل اللي يجيني .. ماحد سوى سواتي ماحد سواهاااااا .. طيب وش ذنبي اذا لقيت فيه اللي مالقيته بغيره .. وش ذنبي .............!! "
" طلعت كل في قلبها وشوي وراحت وغسلت وجهها ولبست جاكيت بجامتها ونزلت تحت وراحت للمرسم حقها وطلعت الاوراق بكل قوته وبدت تخربش وهي مشدوده الاعصاااب "
.
.
.
|