" اليــــــــــــــــوم المنتــــــــــــظر "
" اليوم تم عقد قران سلطـــان من شيمــــــــاء "
" سلطان خطى هذي الخطوه في حياته بعد تفكير عميق .. ومثل ماتعرفون سلطان غروره وغايته فووق كل شي … ماحاسب لاهله .. وهو عارف ردة فعل اهله بس عارف انهم بيوم من الايام راح يرضخون للأمر الواقع …"
" ام شيماء نشبت لهم حتى تزوجها .. واليوم كان يوم زواجه .. سلطان كان طاير من الفرحة مع انه يحس ان هذي الفرحه ينقصها اشياء بس حاول يغطي على هذا الاحسااس .. وغير كذا اصحابه اللي معه كانوا رافضين ويوم شافوا متعلق بها خلوه على كيفه وافرحوا عشانه .. وعزمهم على افخم الفنادق .. "
" كان زواجهم مثل زواج الاجانب ... لكن الشباب الخليجي ضافوا عليه الجو الخليجي وخلاووه مسكت *_^ لووول .. المهم استعرضوا ورقصوا وكان في الحفل اجانب كثيرين .. سلطان عزم مدرسينه ودكاتره وكثير بالجامعه كان كل شي مرتب .. سلطان وشيماء رتبوا كل شي مع بعض ..وثنينهم كان ذووقهم اوكيـــــــه.."
"ام شيماء كانت مبسوطه بس اخوانها ماكانوا مره يحسون انه عادي ومايونس .. "
" المهم تم الزواج بخيــــر وكل شي صار اوكيييه .. سلطان اتفق على شيماء انه بيبلغ هله اذا رجع السعوديه .. اصلا شيماء ماكان هامها .. كل اللي تبيه سلطـــــان وبسسسس "
" انتهت السهره والكل راح لمكانه ... وشيماء وسلطان طلعوا الغرفه اللي سلطان كان مجهزها "
" سلطان وشيماء في البلكونه وشيماء لساتها بفستانها اللي كان مررره سيمبل وسلطان بس فسخ الجاكيت الرسمي "
شيماء تناظر بعيون سلطان : حبيبي انا مو مصدقه اني صرت لك الحيينه
سلطان يدلعها : خلاص حبيبي صدقي... ناظري القمر وكم نجمه بالسما كلهم شاهدين على زواجنا حبيبي
شيماء الفرحة كانت راكبتها من فوقها لتحتها : فديتك والله عسى الله لايحرمني منــك
سلطان يحضنها : ولامنك قلبوو .. ماودك تشيلين هالطرحه
شيماء: لا جي وايد مستانسه
سلطان يضحك عليها : يانااسي انا يلا حبيبي الوقت تأخر خل نروح ننام " ويغمز لها " ترى حنا لساتنا طلاب جامعه مو بكيفنا ناخذ اجازات
شيماء ضحكت : اوكيه يلا
" وبعدها دخلوا .. وكل واحد عبر عن شعوره في هاليوووم بطريقتة "
" قطع على جوهم صوت موبايل سلطان "
سلطان رفعه بأزعاج وشاف الاسم رقع قلبه ماهان عليه يشوف رقم امه ومايرد بس حس انه طول اليوم ماحس بتأنيب الضمير.. اتصال امه حسسه بأنه في قلب امه وامه تحس فيه وهذا اللي خلت ضميره يصحى ورد عليها وهو يرحب من قلبه حتى شيماء ماحسته ترحيب في ام "
سلطان : ياعسسسسساي مانحرم من هالصووت
ام سلطان تضحك على ولدها : اه يالعيار وينك مادقيت علي
سلطان ينصب: اسف يالغاليه بس هالكيوزات ماخلت فيني حيل وانا كل مافضيت دقيت عليكم
ام سلطان : فديتك والله وكيف قدمت
سلطان : الحمدالله
ام سلطان : وبعد وش الاخبار
سلطان يناظر شيماء ويبتسم : لاجديد يالغاليه الاخبار عندكم
ام سلطان : والله كلهم ماعليهم
" ام سلطان سكرت من سلطان وهي تحس ان في سلطان شي .. وسلطان سكر من امه وعلى طول قال لشيماء ينامون لان شي بصدره بدا يضيق ومايبي يضيع ليله عمره "
.
.
.
في الشرقيه
" منصور من رجع الشرقيه بعدها بأسبوع بدا دوام ... حاول يلتهي عن غزل ومخططاتها لكنه ماقدر .. حس بهذي الفتره اللي مرت اكيد صارت حالة ركوود عند غزل .. بس هي اكيد مازالت تكلم مشاري .. وش اسوي عشان ابعد مشاري عنها وكنه مشاري يقرا افكاره شوي ويطق باب مكتبه ودخل مشاري "
منصور استقبله بأبتسامه : هلا والله حيا الله من زارنا
مشاري: هلا فيــك
" وبعد الســلام "
منصور: وش عندك شكل عندك شي
مشاري: أي ياولد العم
منصور: امر
مشاري: بغيت اطلع سياره
منصور: طيب
مشاري: وابيك تخاويني اختار لاني محتار
منصور: ابشر ماطلبت
مشاري : تسلم ماقصرت...
منصور:متى عاد تبي ترووح ؟
مشاري: بعد الدوام يفضل
منصور: ابشر
مشاري: ماتقصر
منصور: ع العموم كلها ساعه وبينتهي الدوام اخلص الشغل اللي عندي وامرك
مشاري: خلاص صار
منصور: بغيت شي ثاني
مشاري بيتسم : ايه ابي دورة المياه لاهنت
"منصور وقف ودله على دورة المياه وانتم بكرامه ورجع سلطان وانتبه لموبايل مشاري على الطاوله مع السبحه"
" منصور فكر للحظه انه ياخذ جواله ويفتشه ويشوف مسجل رقم غزل .. "
منصور" المشكله انا ماعرف رقمها وغير كذا اكيد مو مسجلها بأسمها بس اكيد ماعطيها نك نيم خلني اتشيك "
"واخذ منصور بسرعه الجوال وشاف ارقام عيال وشاف نك نيمات بس وش كثرها "
منصور" حشا ذا مشبك كل بنات الخبر "
" سكر جواله وحطه مكانه "
منصور" لو اعرف رقمها كان دقيت وطلع لي.. يبغى لي ارجع البيت واخذ رقمها من سهر.. ايه مافي غيرها "
" ثواني ووصل مشاري وسولفوا شوي وطلع مشاري .. منصور قرر ياخذ الرقم او بلاحرى يسرقه من سهر.. ويكشف على الرقم اليوم بطلعته مع مشاري "
.
.
.
قلت لي أنسى ..
ومن يومها وأنا كل ليلة ..
قدامي البرواز ...
حبر العيون ودمع القلم ..
في دفتري ..
وصورتك رغم الألم ..
ورغم أنها خذت من أطباعك كثير ..
وخانت البرواز ..
أشوفها في خاطري ..
حبيبي ما بيدي حيلة ..
لا صرت الصورة ..
وعيوني البرواز ..
وشلون ابنسى ..!!
" كانت قاعده بغرفتها ومنسدحه على السرير وبجنبها اللاب توب وقاعده تكتب تلاطيش ... وتحس انها حزينة تبي تكلم بدر صار لها فتره ماكلمته.. مشتاقه له .. وكانت طول الوقت حيرانه بنفس الوقت"
سهر " ليش طلب مني هالبدر هالطلب .. وش يبي يوصل له .. وش مخبي علي ..ياربيييييه مالي شغل ابي اكلمــه .. مشتاقه له ولازم اعرف وش ورااه .."
" طق طق "
سكرت الدفترو صلحت قعدتها سهر: تفضل
" وماكان لها خلق .. واستغربت يوم شافت منصور بوجهها "
سهر: منصور..!
منصور: ايه وش فــيك
سهر رافعه حاجب : لابس مستغربه وش عندك طالع من بدري
منصور: لا بس عندي كم شغله وطلعت بدري
سهر: اها بغيت شي مني..!
منصور : أي خوذي غترتي واكويها
سهر رفعت حاجب : والخدامه
منصور: ماشفت حد ناديتهم كللهم ولاحد رد علي
سهر: زين اخاف انا
منصور: وش تخافين منه قوومي بسررعه عندي شغل ومابي اتأخر
سهر أي طيب بعطيها الخدامه : زين زين "وقامت " عطني " وطلعت تركض بتروح تدور خدامه "
"منصور لحقها شوي وبسرعه رجع يوم شافها نزلت ودور جوالها بنظره وشافه جنب الاب توب واخذه وراح للأسماء وشاف اسمائها كلهم بلانجليزي وبالنت وررد وين يدور غزل افففف بس نزل في البداية وانتبه لحرف
“z”
وشاف رقم الثلاثه وعليه فاصله من فوق وقراه واعرفه وعلى طول طلع جواله وسجل الرقم
منصور بعد ماخلص " هههه لا وبعد رقم شيووخ .. طااايب " وسكر الجوال ورجعه محله وراح الصاله الفوقانيه ينتظر على راحته "
" تخيل منصور لو يشووف رقمها في موبايل مشاري .. ياربي صحيح اني تهورت بدون ما اتأكد.. بس هي ردت علي وقالت " خلني اكمل حياتي مع اللي احب وابيه " اففف ياالله هذي الكلمه قوية قوية ياغزل و بتشوفين شلون بخليك تكلمين حياتك مع اللي تبين "
" منصووووووور "
منصور نقز وصارخ : وجععععععع ياحماره
سهر اختبصت : صار لي ساعه اناديك ماتسمع
منصور: افففففف "وقام واخذها من يدها ومشى "
سهر" وش فيييه ليكون استخف اخووي "
" طنشت وراحت غرفتها من جديد وقعدت على السرير ورفعت جوالها ودقت على غزل وقعدت تسولف معها"
غزل: وش فيه صوتك سهوره متغير
سهر: لامافيني شي موطيته بس
غزل تضحك : لاوالله علي انا
سهر: والله مافيني شي
غزل: لابس بحتك كنها زايده
سهر: أي زايده شوي و
غزل: ليه
سهر: لاني ساكته طول الوقت
غزل ضحكت : ههههههههههههه حلوه جيبي غيرها اقول
سهر ضحكت وتنهدت : سهر تحب
غزل صرخت : وشووووووووو
سهر ضحكت بقوه
غزل: لحظه لحظه خليني استوعب وش قلتي
سهر تضحك : استهبل يمـــه منك
غزل: لالا ماما مو علي انا وقفي وقفي الموضوع حماس خليني اقفل باب غرفتي
سهر ضحكت: صدق انك مهايطه
غزل تقعد على السرير: ايوا كملي .. ومن سعيد الحظ
سهر: هههههههههه غزل استهبل مو وجهك
غزل: شوفي لاتقصين علي ماقلتي الا انه صدق يلا قولي قولي مييين
سهر تضحك : اقول كلي تبن
غزل: من متى طيب ؟
سهر تبتسم من قلب : حوالي اربع سنوات
غزل تصرخ: وشووووووووووووو
سهر تضحك اكثر: اعصابك لايطير صوتك
غزل تضحك : مو مصدقه وشلووون ماتقولين لي شلووووون
سهر : هههههه اقول بسس
غزل: جد سهر ليه ماقلتي؟
سهر: نسيت
غزل تضرب خدها : وشلون حد ينسى هالشي
سهر تضحك : انا
غزل: هيهيهي كولي تبن قولي لي مين
سهر: مابي
غزل: زين زين شفتيه بلندن
سهر تنسدح على ظهرها: شرايك
غزل: يااااااااي وشافك
سهر تتأوه : اااه اييييييه
غزل: اكيد مات عليك
سهر: مو هذا اللي بعرفه
غزل: قولي لي وانا اضبطك واجيب كل اخباااره
سهر تضحك : لو ابي منصور بيجيب لي
غزل رفعت حاجب: شلوون
سهر: منصور يقول لي كل شي ومايخبي عني أي شي
غزل" اهااااااااااا انا قايله والله زييين " : اهااا بس لاماتقدرين تقولين له شخبار فلان ولا علتان
سهر تضحك : أي
غزل: انا ماعندي مشكله بقول لطلال ويجيب لي تقريره كامل خبرك يلف يمين يسار
سهر تضحك: لاتخافين مأمن
غزل تضحك : ههههههههههه يلعن شكلك قووووووووولي
سهر: مابي لاتحااااااولين اذا صار شي بقووولك
غزل: ااااااه قلبي ابي اعرف تكفيين
سهر: طيب ماقلتي لي تطوراتك مع مشاري
غزل فكرت شوي وقامت على مكتبها : والله ماشفته الفتره كلها
سهر: اهااا .. انتي شلون حبيتيه
"غزل استغلت هالسؤال وقعدت تألف قصه خياليه من عقلها "
سهر : ياحليييييييييييييلكم الله يهنيك يستاااااااهلك
غزل تبتسم برفعة حاجب : أي والله
سهر: يالله الله يجمع مابينكم
غزل: وانتي وش قصتك
سهر: مالي خلق اقولها
غزل: انتي كلبه
سهر ضحكت : ليه
غزل: قلت لك من احب وقلت لك قصتي وانتي ماقلتي لي ولا شي وهذا مسويه اني كاتمه اسرارك
سهر تضحك : بعدين بعدين الحين امي تناديني اوكي
غزل: ياكرهي لك بااااااي " وسكرت"
"سهر ضحكت .. اصلا سهر كانت تنصب .. واثاري البنت عايشه قصه .. خل منصور بعيد عنها .. يالله الله يعييينك يامنصوور "
.
.
.
" منصور راح لمشاري وراحوا معرض السيارات ومنصور يحترق ينتظر مشاري يدق جواله او شي بس موعارف شلون "
" منصور قرر يوقف في محطة بنزين مع ان سيارته عند النص بالضبط بس عشان يرسل مشاري مكان "
مشاري: بتعبي
منصور: أي دامني طالع
مشاري مافكر يشوف العداد: ومنها اخذ بطاقة شحن
منصور: موبايلي
مشاري: اي
منصور: كم خط عندك انت؟
مشاري: 3
منصور: اللللله وشو له؟
مشاري يضحك: خط للأهل وخط للخويه وخط للشغل
منصور: وش ذا البطرنه عاااد حتى الخويه صار لها خط
مشاري يضحك: ليه من قالك انها وحده
منصور ضحك : والله مابقى الا هي
مشاري: يلا نضيع وقت
منصور انقهر بيذبحه لو انه يضيع وقت مع غزل
منصور: معقوله ولا حبيت وحده فيهم على كثرهم الا اكيد وحده حلوه وجمليه وكذا
مشاري: كلهم حلوات بس يخسسسون الا هم
منصور انقهر
منصور: عشان كذا اشوفك رامي جوال الاهل بكل مكان
مشاري ضحك : اجل بتركه يشوفوونه
منصور ضحك على خفيف: يلا انزل خذ لك
"ونزل مشاري ومنصور خاف يكون رقمها في جوال خوياته "
" بسرعه طلع رقمها من جواله ودق عليه من جوال مشاري وعلى طول طلع له رقم يعني مو مسسسجل وبسرعه قفل "
منصور" ااااااااخ يالحقيرررر شسووي فيه شسووي فيه شسوي ورمى جواله مكان ماهو حاطه "
منصور" شسوي الحين جواله ذا مايتركه من يده شسووووووووي "
" منصور مات قهر مات قهررر"
" رجع مشاري وبعدها حركوا ومنصور ساكت منقهر يبي يطيح على ذاك الجوال "
.
.
|