" من جهة ثانيه "
"فواز وهو راجع كانوا نجود ووصايف وجنو جايات ويسولفون ويضحكون ونجود مشاركتهم بلابتسامه فقط ولاكان الجوال بيدها ... هذااااااااااا اللي عكر مزاجه بجد .. ليه ماحالها حال البنات .. هو ياهي ماسكته من لعانتها ولا شافتني وتبي تقهرني.. اخسس استغفر الله ... فضوله ماخلاه يمشي قبل لايشوف وش بيدها .. وفكر بطريقه يسايسها قبل لايعدون من جهته "
فواز بسرعه: السلام عليكم بنات
البنات استحوا : وعليكم السلام
ونجود رفعت راسها وانصدمت ياربي لايفضحني قدام ذولا
فواز يبتسم: كيف الحال
"نجود لساتها منزله راسها "
جنى: الحمدالله
فواز: سوري بس اخو نجود موصيني اقولها شي وبالصدفه شفتكم بالطريق
البنات ابتسموا ومن الدلاخه تقدموا عن نجود عشان يقول لها لانهم اعتبروها اسرار بين اخت واخته
وصايف: اجل حنا بنمشي
ونجود طاح قلبها في بطنها .
نجود اخترعت: لا
حنى: لاشوي شوي
فواز: براحتكم
فواز ابتسم ابتسامه حلوه خلت قلب نجود يرقع لانها حسته يتشمت او ابتسامه خبث لان هلانسان مستحيل يكون انسان:"
"فواز بكل برود وقف مقابله وسحب الجوال بيدها بكل رقه عشان لايبين لحد ان في شي كبير قاعد يصير كنه قاعد يكلمها"
نجود جات بتتسمك بجوالها وعصبت عليه: جيبه
فواز صار الجوال بيده : مو الحين
نجود صرخت عليه: انت وش تبي مني
فواز يبتسم: شوي شوي حبيبي مافي داعي للعصبيه اانا ولد عمك واخوك بس وصاني عليك .. كنه حاس فيك
نجود قلبها يرقع و اول ماشاف فواز اللي كانت عليه ولعت ذيك النار البارده..
فواز مسك جوالها بكل قوته وهو لسا يحتفظ بما تبقى فيه من برود
فواز يرص على سنونه : الى وين تبين توصلين ماشبعتي
نجود نشف دمها بجلدها "شي طبيعي اخوها موصيه عليه وهو شوفوا كم شايف عليها "
فواز نرفزه برودها وقرر يمشي والجوال بيده
نجود: عطني جوالي
فواز يضحك: هههههه تبينه
نجود قهرها ردة فعله: انت مالك حق علي ماااااااااالك
فواز: على بالك بشوف تلعبين وتمرحين وبسكت لك
نجود تتنفر: استغفر الله عطني جوالي
"فواز بكل برود اخذ جوالها ورماه عمودي على الارض حتى تفتت جوالها وسمع شهقتها ومشى وطنشها تحترق على جوالها وعلى اللي يحتويه"
فواز بأستهزاء" مسكينه يانجود وش بترجعين ولا وشو "
" فواز حس انه ارتاح يوم كسر هاللي بيدها وهو مو خايف من اللي بيجيه منها لانه عارف انها ماراح تنطق ولا بمكلمه "
اما نجود فردة فعلها اضطرت كتمانها بقلبها لانها شافت نجود ووصايف جاييين "
جنى: نجوود جوالك
نجود"الله يحرق قلبك مثل ماحرقته على جوالي": اففف شسوي بصلح هالكوفي وطاح من يدي
وصايف: حرررام مره احب موبايلك
نجود بعصبيه : وانا بعد بس اللي صار صار يلا امشوا
"نزلت نجود واخذت شريحتها والميموري اللي بس فيه اغاني وصور "
"نجود حست انها بتبكي مقهووره وقلبها محترق على جوالها .. فيه اشياء كثيره جوالها ..:
نجود" والله لاحرق قلبك مثل ماحرقت قلبي على جوالي بس استنى علي يافواز.."
"نجود كان تؤمن في قلبها كويس انها جات على كسرة جوال ولا سوى لها شي اعظــم"
" بعدها رجعوا البنات وهي تخطط تسوي له شي اعظم من اللي سوته له في الملاهي ومدامه ماتكلم على الملاهي ماراح"
.
.
.
" بأختصار ماصار خلال هذا الاسبوع.. كانت مواقف كثيره ومن ضمنها موقف منصور وغزل .. و مشكلة نجوى وبسمه اللي تمادت شوي واختارت بسمه انها تلتزم الصمت ولاتتكلم في هذا الموضوع وتتركه لبعدين مو قدام العالم وهم حاليا كل وحده متجاهله الثانيه ..وعن مازن مع انه تمنى انه تصير له مواقف مع منار الا ا منار مو اللي يعرفها ... وعن سلطان منار ولميس ماعرفوا الى وين بيووصل او هم فهمووه غلط .. وعن عبير وفيصل موواقف حلووه وسيتم ذكرها فيما بعد .. وعن سهر كثر تلاقيها بياسر اللي بدا تتسأل عن سر شخصيته المطويه ... وزياده تعقيد علاقة نجود بفواز .. وبس وكل شي مهم سيتم ذكره بعدين *_^ "
.
.
.
"في المساء"
" وينــــك فيـــه ..؟ "
طلال: يووووه فواز لاتفتح لي موال قلت لك طالع اتعشى مع الشباب
فواز: ياطلال تأخرت ماصارت
طلال: حد موصيك علي اليوم
فواز: ترفع صوتك علي قدام الشباب
طلال وطى صوته: محد جنبي تبيني اتكلم معهم يقولون وش فيه ذا بزر يكلمونه اهله يسألون وينه فيه كان اتصل ياسر قال وين ياوليد
فواز: هذاجزاي يعني وانا وش دخلني بياسر ولاوليد
طلال: بالعربي وش تبي بالضبط
فواز: ابيك تقلل سهر وتقعد ترتب ملابسك مابقى شي وبنرجع السعوديه
طلال: خلاص جات على ملابسي بيوم اخلصها
فواز: استغفر اللله العظيييم
طلال: اوووه فواز خلني اقعد مع الشباب وافكر عندك سالفه بعد "وقفل بوجهه"
"فواز انصدم من حركة طلال .. يعرف انه مايحترمه ذاك الزود بس يقفل الخط بوجهة .. طيييب يافوواز "
"ومن ناحية طلال "
طلال" تلقاه متهاوش معها ويحط حرتها فيني اففففف "
"راح لهم فواز ووجهه متغير "
بدر: بيعنا بالسووق ياخووك
فواز ابتسم له صدق بدر ينحط ع الجرح يبرى
بدر: سلامااات ..علامه وجهك منقلب
فواز: الله يسلمك لاا مافيني شي بس هذي قعدتي من الصبح
بدر: اما تسوي فيك كذا "ويغمز"
فواز يبتسم بتعب: بدير لاتزيدها
بدر: بّدر الله مصرانيك قل اميين
فواز ومنصور ضححكوا
مشاري: يلا شباب
"ودخلوا الشباب السينما "
.
.
" في الشقــه "
"كانوا البنات قاعدات وكل وحده تسوي لها شي .. اللي تسولف واللي على التلفزيون واللي في البلكونه واللي تاكل يعني مو مجتمعين على شي محدد "
لميس: منار من جد سخيفه انا برجع الرياض وماني شايفتك وانا تعودت عليك "وتسوي يازعم ببكي " يادبه بتوحشييني
منار تبتسم ابتسامه هاديه: شسوي والله ماقدر اكمل ماقدر
لميس: يادوووبا
غزل: حظأ اوفر اختي ماشبعت منها قاعده من الجني في البيت لحالي لاونيس ولا انيس
لميس تضحك: ترى حالنا من بعض
غزل تفكر شوي: أي والله
منار: سبحان الله
لميس: يلا شسوي مالي الا العذاب
"منار تبتسم لها بهدوء لان لميس عارفة حالتها وعارفه وضع منار .. منار متغيره عليهم هالفتره وبالذات هذي السفره مو بعادتها ابدن تحااتي اشيااء كثيييره "
"عند سهر واديم "
"كانوا قاعدات في البلكونه ويسولفون وياكلون "
سهر: احس فواز خق عليك اليووم
اديم تستهبل: متى..؟
سهر تغمز لها : متى؟ في عيني ماتدرين متى؟
اديم تبتسم: يلا سهر قولي متى
سهر: في الهايد بارك وين بعد.. ليكون شايفته بمكان ثاني
اديم تضحك: أي صح لالا ماتوقع اصلا خلاص ماعاد يفكر فيني
سهر: بالعكس اليوم يوم شفته حسيته لسا يبيك
اديم: ياحليلك سهووره هو اصلا بس يبيني من كلام اهله ماحسيته يحبني وكذا
سهر تضحك: تبين واحد يحبك ويسوي قصه وياخذك حبيبي ترى ماعندنا هذي الحركات
اديم تضحك: مو مثل كذا بس يعني مثل فيصل تحسينه يحبها يعني مثلهم مررره كيووت
سهر: من جد الله عطاهم على قد نيتهم
اديم: يونسوون ياناااسي
سهر: من جد .. وانتي بعد عسا يعطيك على قد نيتك
اديم:اميين تسلمين قلبوو
سهر: ولوو
غزل تطل عليهم: شعندكم وش تحشوون به
سهر: اقعدي وبلا مهايط الناس نيام هالوقت وانتي تهايطين
غزل تضحك وقعدت وترتجف: برررد برو اجيب جاكيتي
سهر ضحكت
اديم: ياحليلها غزل
سهر بخاطر متشككه من ذي الناحيه لوول : أي أي
اديم: لو غيرها واختها كان حقدوا عللي
سهر تضحك: لا والله من حقك
اديم تبتسم وتناظر الصاله وتشوف غزل جايه وسكتت
غزل وصلت وقعدت : وااااه حشا ماهو برد عندهم
سهر: ابرد سنه ذي السنه
غزل: من جدد.. بس ترى احلى السفر جمعه
سهر: ااااي من جد
اديم:اجل انا احسها ايه واحسها لا
غزل: لييه
اديم: احس حلوه عشان جمعه بنات وكذا ومو حلو بسبب العيال مسوين علينا قلق وكل واحد مسوي شريف علينا
غزل وسهر ضحكوا: من جد
اديم تضحك: والله حنا ااذا سافرنا لحالنا نطلع انا وجنى ووصايف ونرجع وقت مانبي وفيصل نادر يطلع معنا ومشاري لحاله او مع فيصل ولايقدر يكلمنا عشان ابوي وماما راضيين يعني عادي بس الحين ارجعوا وينكم فيه ووو
غزل وسهر يضحكون: أي أي من جد
غزل: حتى انا والله فواز مسوي علينا شديد هالسفره عشان بدون بابا ومايبينا نجن ماما وكل شوي متصل علي ولا على طلال وطلال زاهق الدنيا بسبة فواز
سهر واديم ضحكوا
سهر: انا لا دايم اطلع مع منصور وامي وابووي
اديم: عاد انتي حرام لحالك
سهر: أي والله اكسر الخاطر
غزل: بالعكس حلو يدلعونك وكذا
سهر: أي هو صحيح مع منصور ماوراه دلع بس لالا ياحبيله يحن علي غالبا بس اذا تهاوش معي افف الله لايوريك
اديم ضحكت وغزل رفعت حاجب بضحكه غريبه ماحد انتبه لها
سهر: وين عبير
غزل: مع بسمه يسوون اظافيرهم
اديم: ونجوود؟
غزل: ههههههه قاعدين يسون تساريح لبعض ويجربون ميك ا على بعض
سهر تضحك: هههه فاضييين
غزل: جنى ووصايف مجننيها مرت اخوي ومرت اخووي وعبير تشيط
اديم وسهر يضحكون
اديم تضحك: ياحليلها تستحي
سهر: بيني وبينك تستحتي وماتستحي
اديم تضحك: عن الغلط
غزل تضحك: بدينا اف الله يعينا عليكم احزاب استغفر الله
اديم تبتسم وبعيونها لمعه : حرام عليك لاتقولين كذا
غزل: زين زين بس يا الحنونه
اديم ابتسمت وسهر تضحك
غزل: جاها بو ضاحك
سهر تضحك واديم تضحك
اديم: ياحليلك
سهر: الا تعالي غزل صدق صدق منار وش فيها متغيره
غزل تضحك: تشتكي فراغ العاطفه ههههه وانا شدراني
سهر واديم يضحكون
سهر: يعني ماتقوولك
غزل: لا هي اسرارها عند لميس من يومها ماتقولي شي
اديم: اهااا
سهر: ابدددددددن مو منور اللي اعرفها
غزل: كيفها هي الخسرانه ماقالت لي اسرارها
سهر تضحك: انتي وين وجه حد يعطيك خير
غزل تشهق: اناااا
سهر تضحك: لا امززح
غزل تخزها: احسسب بعد
غزل: ترى بنروح قبلكم حنا
سهر: لااااه متى؟؟
غزل: مدري امي تقول مع عيال خالي
سهر: احلللفي
غزل: هذا اللي سمعت
سهر: حسااافه
غزل: أي والله بس شنسووي
اديم: والله انا وحده اشتقت للسعوديه
سهر: مردنا بنشبع منها
غزل: عاد خلاص فواز وقع مافي تراجع
سهر تضحك: انا مابي ماشبعت من اخوووي
اديم " عاد عندك اخو يا غزل ينشرى بملاييين "
.
.
.
" متى سلطااان "
سلطان يبتسم : حبيبي اهلي شوي وبيرجعون ماقدر اسوي شي وهم موجودين
شيماء: انا مصدقتك بس امي تقول ماتبا ترد الكويت الا لمن تأمن علي
سلطان يبتسم: يحق لها بنتها ودلوعتها بس بقول لها انا مابقى شي
"شيماء كانت تنصب بس تبي تريح ضميرها وتضمن سلطان.. لان بالها مو مرتاح طول ما اهله موجوين"
سلطان: طبعا مو طالعه اليوم
شيماء: أي بطلع خواتيي مع امي
سلطان : خلاص انا بخليك غيث يدق علي
شيماء: اوكي سي يوو ليتتر هني
سلطان: سي يو هني
"سلطان سكر منها .. وقعد يخطط للي بيسويه .. سلطان بينه وبين نفسه قرر يتزووج شيماء .. وبيحط اهله بالامر الواقع .. لان شاف اهله وشاف انه ولا وحده تناسبه ولا ارتاح لوحده كثر ما رتاح لشيماء.. وعارف ان امه وابوه يدورون راحته واذا عرفوا ان راحتي مع شيماء ماعتقد بيسوون شي .. صحيح انه خطوه صعبه بحياتي بس لازم اخطيها .. انا باقي لي سنه ونص وعلاقتي بشيماء تزيد ومابيها توصل للحرام بيووم او شي يخلي ضمير ميت بيوم من الايام.خلاص ياسلطان قربت توصل لفرحة حياتك ..واهلي اكيد بيقدرون حاله شيماء واهلها .. لالا خلاص ماعاد باقي شي يمنعني "
.
.
.
وليد: وش منه خايف
طلال: خايف ادخل الحين واتهاوش مع فواز وحدي مالي خلق
وليد: اقوول تعال ناخذ علك ريحه هالارقيله تبخ فينا بخ
"طلال ضحك وراح مع وليد ياخذون علك وحلويات توخر ريحة الارقليله"
"في السياره ركبوا وكل واحد رش نفسه بالعطر الموجود بالسياره "
وليد: خل ندخل ونروح ننام على طوول
طلال: خلاص يلا هذا اذا مالقيت فواز بوجهي اففف عارفه ماهو بنايم حتى اسري ويسمعني كلمتين حلوتين قبل ما انام
"وبعد ماوصلوا دخلوا الاوتيل وكان الوقت متأخر وركبوا الاسنسير وفتحوا الغرفه بشوي شوي وبالفعل كان مايسمعون الاصوت التلفزيون طلال ناظر وليد يعني ماقلت لك ووليد ردها بمعني ايه والله "
فواز لف وناظرهم وكنهم مجرمين موقفين
وليد: السلام عليكم
فواز: وعليكم السلام "ووقف وناظر بطلال "
"وليد سوى نفسه بريئ وانه يازعم فهم انه بينه وبين طلال سر لازم هو مايعرفه "
وليد: عن اذنكم "ودخل وتبعه فواز بنظراته "
فواز: بدري
طلال: من عمرك.. عن اذنك
فواز ماسك اعصابه: وين مابعد اخلص كلامي
طلال: في كمان كلام زياده بتقوله لي
فواز: ليه حد قالك اني خلصت كلامي اصلا
طلال: طيب يلا انا اسمعك وياليت تعجل لان حدي نعسسان
فواز: طلال لمتى بتقعد كذا ماعندك لي أي احترام
طلال: فواز اناا احترمك بس انت لساتك قاعد تعتبرني صغير
فواز بحنان : أي مهما كبرت انت بالنسبه لي صغير ومن حقي اخاف عليك ولا
طلال: بس انا مو لدرجه تراقب متى ارجع البيت ومتى اطلع انا مو بنت شوف وليد يروح ويرجع ولا حد يكلمه عارفين انه ولد وبالغ بس ماني بقايل عاقل
فواز ابتسم من داخله : وانا وش دخلني بفلان وعلان انتم جيتوا معي يعني تحت نظري وانا ملزوم فيكم اما ياسر هو حر كيف يعامل اخووه
طلال: انت فشلتني اليوم قدام الشباب كل شوي متصل كل شوي متصل
فواز: اونت قللت من احترامي قدامهم خذ وقفلت الجوال بوجهي
طلال: هم وش دراهم
فواز على صوته شوي: وشو وش دراهم الناس تفهم بالعيون ياطلال لاتستغفلني
طلال: اوووه فواز واللي يعافيك ابي اروح انا
فواز: عمرك مارا تفهم شي ياطلال
طلال رماه بنظره: صدقني ماراح افهم شي قبل مافهم سر علاقتـــــك بنجود "ومشى "
"وترك فواز تحت تأثير الصدمه .. طلال يدري باللي بيني وبين نجود.. شلوون ومتى ... هو اصلا متى شافني ولا درا فيني.. نو وااي طلال من متىى.. الله يخسك ياطلال مانت مخلييني ارتاح لمن اعرف وش قصتك انت "
" اللي مايعرفونه فواز وطلال ان طوول الوقت وليد قاعد يسمع كلامهم وحس بشعور نقص هذي الصفه في ياسر مع انه ياسرمو مقصر عنه بشي الا هذي الصفه حس هذا الشي اللي يدوره .. وليد اول ماحس ان طلال جاي على طول انسدح على السرير"
"دخل طلال الغرفه"
طلال: ماقلت لك
وليد يستهبل: تصدق الابواب عوازل ماسمعت شي
طلال: احسن لك
"قاموا غيروا ملابسهم ورجعوا وكل واحد انسدح على سريره "
"وليد عطا طلال قفاه وقد يفكر بكلام وليد مع فواز "
وليد " ليش طلال مو مقدر النعمه اللي عنده .. ابوه وحي .. وعنده اخوو صعب الواحد يقارن شخص ثاني فيه.. يعني ياطلال عندك ابو مدلعك ومو مقصر عنك وعندك اخو يخاف عليك وعلى مصلحتك.. ياللله شلون انت بنعمه ياطلال ولا انت مقدرها .. شوف صديقك وخويك ابوه متوفي وعنده اخو مو مقصر عنه بشي بس ماعندي اخو مثل فوااز .. والمشكله طلال مو مقدر.. ياحظك ياطلال .. فواز يذكرني بأبوي .. مع انه حرام ياسريحاول مايقصر معي بس فواز ياحظك فيه ياطلال.. وعسى الله يرحمك يايبه "
.
.
.
|