من دخلت البيت وهي تردد كلمـه وحد بنفسهـا :انا وش جابنـي هنـا ..؟!
رحاب وهي تأخذ منهـا عباتهـا :يابنت اركـدي قلت لك فارس ماهـو فيـه وموبجاي هو من ايام العـزاء ماورانا وجهـه اليـو بيجـي يعنـي ..
جنـى :ليه لا تعلميـن الغيب أنتـي ,,بعــدين أخــوك هـذا ماينزلـي من زور وماحـب اتواجـه معه مو خـوف منـه لاكــره له...
رحـاب :واللحيـن أحد قالك حبيــه بعــدين انتي مـو جايـه لـي ..
جنـى بتريقـه :لاجايـه له مواعدتــه... أكيــد لك بشـوف وش قصـتك الجديده اللي مأذيتنـا فيهـا ..
رحاب ملل :قصـة ايش ...
جنـى :سمعت انك مو مسجلــه فالجـامعه..
رحاب :ايه صحيح ومالي خلق اتكلم بهالموضوع ...
جنــى باستعطـاف :طيب ليـه حـرام نسبتـك تضيـع كذا 99%حتـى باحـلامـي ماتخيـل اخذهـا ..
رحاب :اذا كان عنـدك شي ثانـي بتكلمين فيــه قـوليه اما هالموضـوع ماراح التناقش فيــه مع أي احـد ...
جنـى:ليـه وأنا أي احــد ..
رحاب :جنــى لاتحــرجين نفسك أنا ماعاد اراعــي احــد فالــكلام
وماودي اغلط عليك ..
جنـى لعزة نفـس :مو أنا اللي ينغلط علــي وعقلك براسـك وتعـرفين خلاصك ..
رحاب بداخلـها كانت تمنــى جنـى تبقـى معهـا وتناقشها اكثـر بالموضوع عشـان تفتـح لهـا قلبهـا وتفضفض لهـا بس جنـى اخذتهـا العـزه بالنفــس وماتحملــت كلمــه من رحاب قالتهـا بلحظـة ضيـق ....
طلعــت من عنــدهـا وهـي مقهــوره مــن هـي عشــان تغلط علــي هذا جـزاي إنـي جايــه اسأل عنهـا صدق مـووجــه أحـد يسأل عنهــا ...
اول ماطلعت من عنـدها كلمت عليــه واستغـربت يوم رد عليهـا بالسـرعـه العـاده يجلس ساعــه على بال مايـرد ..
خـالد :هــلا والله وينك يامعـوده مابغيتـي تحنيـن علينـا وتتصليـن ..
رحاب :حلوه يامعـوده هذي وليــه ماتتصـل أنت ولاماعنــدك شحــن ..
خالـد :تصـدقين لوحـده ثانيـه قايلتهـا ماعديتهـا لها بس أنتـي غيــر ...
رحـاب :عجيب وانا وش اللي غيـر فينـي عن غيـري ,,تـرى أنا .....>> وتلعثمت بالكـلام
خالد :أيــه أنتـي ميـن ليـه ماكملتــي تصدقين للحيـن ماعرف اسمك ...
رحاب بقـوه وشجاعــه :رحاب رحاب ياخـالد ...
خالد :تصدقين الاسـم هذا مار علـي رغــد مولهـا أخت اسمهــا رحاب ...
رحاب هذا اللي ماحسبت له حساب بس مستحيـل شي سخيف مثـل هذا يخرب عليهـا :هـي قايلـه لك اكيـد تقص عليك لأن رغــد مالهـا خوات اويمكــن تعتبرنـي زي أختهـا وهذا من سابع المستحيـلات ...
خالد :غريبــه هالبنت طيب ليش تكذب وتقـول إن عنـدها أخــت ...
رحاب يعنــي أنت اللي ماكذبت وكنـت صادق معـها الله يلعنـك من حقيــر
رجعت للواقـع على صـوت خالد ..
رحاب :هاه وش كنت تقـول ماسمعتك ...
خالد :اللي مأخذ عقلك يتهنـى بـه ,,كنت اقـول بطلب منك طلب اذا مافيهـا كلافــه ...
رحاب بحمـاس :تفضل مافيها أي كلافـه اذا اقدر عليــه ...
خالد :طلب بسيط وماراح ياخذ من وقتك كثيـر ولو ماكنت واثق فيك ماطلبت منك هالطلب ...
رحاب :غريبـه وش اللي خلاك تثق فينـي مع انه مالك كم يوم من عرفتنــي ...
خالد :مادري كذا تطمنت لك من الله ...
رحاب :اهاا طيـب وش الخـدمـه اللي يغيتهـا منـي ..
خالـد :بس مابغـاك تفهمينـي خطأ ..
رحاب :لاتخـاف ماراح تلقـى أحد يفهمـك كثري قول ..
خالـد :بأعطيـك رقمــه وحـده كنت على عــلاقـه فيهـا وابغــى انهـي هالعـلاقـه بس هـي متعلقـه فينــي ومـأحـب اجـرحهـا ...
رحاب نـذل خسيس وقــح يبغانــي اشارك فجـريمتـه الواطـي بس ضروري انفذ طلبـه عشان يثق فينــي ويمـكن استفيــد من صديقتـه هذي :..........
خالد بشك :هاه وش قلتـي أعطيـك الرقم تكلمينهـا ..
رحاب :هاتـه بس البنـت وش اسمهــا .؟!
خالـد :فاتــن الـ .........
رحاب حست الدنيـا الدور فيهـا هـذا مونفس اسـم عائلة جنــى
أنا متأكـده إنـي سمعت جنـى مره تكلم عن وحـده من اهلها اسمهـا فاتن ...
خالـد :وش فيك ساكتـه وين رحتـي ..
رحاب بارتباك :لابس جالسه افكـر كيف بكلم وحـده لأول مره واتكلـم معهـا باللي طلبتـه منـي صعبــه شوي...
خالـد :غريبـه مع انك كلمتيني لأول مـره وماكنتـي خايفـه ولامرتبكـه وش اللي تغيـر ...
رحاب بنبـره غريبـه :وضع عـن وضع يفــرق وخاصـه معـك .....
=================================
رماها علـى الكنبــه بقـوه وصـرخت مــن الألم ..
سالي اللي ماسكه يدها قالت بألم :هييييييي أنت عورتنــي بشويش ماتشــوف يدي كيف مكسـوره مايكفـي أنك بغيت تذبحنـا بسواقتك المتهــوره ...
بس ياســر مارد عليهــا ...
وتوجــه لسلك التلفــون واقطعـــه ..
طالعت فيه سالي بالدهشـــه لاكــن هو طنشهــا وطلــــع وقفــل الباب وراه ...
جلست سالي تضرب رجلهــا بالارض من القهـــر الخسيس حبسهـــا وقطـع التلفـون عشان ماتتصـل بأحـــد حست بخــوف وهي تفكــر بحيــره وش اللي ناوي عليه ...
نهــــايـــة الجـــــــــزاء
|